![]() |
Te Toa Takitini 1921-1932: Number 50. 01 September 1925 |
![]() |
1 285 |
▲back to top |
Registered at the. G. P. O, as a Newspaper. TE TOA TAKITINI NAMA 50. HASTINGS. Hepetema 1, 1925. TE TOKOMAHA O TE IWI MAORI. KUA tirohia e Atirikona Hapata Wiremu te tokomaha o te iwi Maori, a kua wehewehea e ia ki nga rohe Pihopa- tanga. Pera ano hoki tana whakariterite i te noho a nga pakeha. Pihopatanga. Maori. Pakeha. Hahi Ingarangi (Pakeha). Akarana.............. 24, 476 370. 200 171. 363 Waiapu............... 19. 296 108. 233 50. 666 Wellington (Poneke).... 6. 891 258, 385 117. 641 Nelson ( Whakatu)...... 607 72. 258 33. 545 Christchurch.......... 1. 007 208. 240 92, 395 Dunedin............... 474 198. 524 45, 984 Kia ora te Kai-whakaatu i enei kaute, hei maramatanga mo nga morehu tupuna me nga mokopuna e tipu ake nei. —Etita. ) KI NGA TAMARIKI WAWAHI TAHAA. HE panui tenei ki a koutou. I noho te Advisory Board ki Poneke ki te whiriwhiri mo te whakawhiti ki France ( Wiwi) o to koutou ropu whutu-pooro. Kotahi tonu te wahi taumaha: —"Ma te huruhuru te manu ka rere! " Kei te takatu ra o koutou kaumatua. HUI NUI KI A NGATI POROU. KO te hui nui o te Motu o te tau e takoto mai nei ka tu ki Tikitiki. Waiapu. Ko te lake tuatahi he whakapuare i te whare-karakia whakamahara ki nga hoia o Ngati Porou i hinga atu ki nga marae o te pakanga. Ko te lake tuarua he hui no nga tamariki o te Kotahitanga o Te Aute tae atu ki o ratou hoa e hautu mai nei i nga mahi nunui i roto i tena iwi i tena iwi. Tera e tuturu te Hui nei mo waenganui o nga ra o Pepuere. Taria mai nga whakaatu me nga powhiri.
![]() |
2 286 |
▲back to top |
Registered at the G. P. O, as a Newspaper. Te Utu mo te Pepa 10/- i te tau. Me penei nga reta " Te Toa Takitini" Box 300, Hastings. TE TOA TAKITINI 286 TE TOA TAKITINI. Hepetema 1, 1925. TE OPE MANUAO O AMERIKA. A. T. Ngata. M. A. M. P. NO te ata i maanu atu ai nga manuao o Amerika, i peka mai nei ki Poneke, ka poroporoaki iho te rangatira o taua ope. a Atamira Kunehe: " E pouri ana o matau ngakau i a matau ka haere nei. Aha- koa te poto o te wa nei. e rua ano nga wiki, kua hohonu rawa ki roto ki a matau te aroha ki a koutou, ki to koutou whenua hoki.... Ko te wahi nui rawa ki a matau ko to matau tutataki tanga ki tenei iwi. ka korerorero tahi, ka piri he ngakau ki te ngakau, ka whiuwhiu kupu mo nga take o konei, o tua atu hoki, na ka eketia nga taumata e taea ai te titiro whanui.... E rua-tekau-ma-rua mano nga maua i peka mai nei. i manaa- kitia nuitia nei e koutou. Ka hoki nga mano nei. ka korero i a te kite-a-kanohi i ana korero. Ko matau hei kai-kauwhau mo koutou, mo Nui Tireni hoki ki era wahi o te ao. " He maha nga whai-korero. nga mihi hoki a nga apiha o ngu manuao nei i nga marae o nga motu e rua i tae ai ratau: otira ko nga kupu nunui enei i runga ake nei. Kei te mohio te iwi i nga kura nei ki nga heke o Ingarangi nana i whakanoho te taha rawhiti o Amerika i mua atu i te taenga mai o Kapene Kuki ki enei motu. Ka tipu mai i kona te momo Ingarihi ki Amerika. No taua wa i a Kapene Kuki ka tipu he pakanga, ko te take he kuare no te Kawanatanga o Ingarangi ki nga whakaaro o ona uri e noho ra i Amerika, ka tonoa kia utu takoha, kaore ra hoki he mangai o Amerika i roto i te Paremata o Ingarangi. I hinga a Ingarangi i tena pakanga, ka wehea a Amerika hei whenua motuhake, ka wha- katuria tona Kawanatanga, ka hangaia ona ture, ka whaka haerea ana tikanga hei painga mona. Na ka takoto mai i reira he tauira mo nga koroni a Ingarangi i whakanoho ai i muri mai nei. ara. kia tae ki te wa e pakari ai ka tuku mai ai ki tena. koroni ki tena koroni i te mana ki te whakatu Kawanatanga, ki te hanga ture, ki te whakahaere tikanga mo nga take i pa motuhake ki a ratau, kia taake rawa ake ai ratau i o ratau rawa, na ratau ano, ara na o ratau mangai i roto i to ratau na Paremata. Tae rawa mai ki te wa i noho nui ai te Ingarihi ki
![]() |
3 287 |
▲back to top |
Hepetema 1, 1925. TE TOA TAKITINI. \_\_\_\_\_\_\_\_\_\_\_287 Ahitereria. ki Nui Tireni hoki kua marama te kaupapa, na e tu nei to tatau nei Paremata, e hanga nei i nga ture mo nga iwi o enei moutere. Na. ka tipu i konei te Marikena hei iwi nui. hei iwi whai rawa, hei iwi kaha i te ao. Ko te kaupapa mai ia o te iwi he Ingarihi, ko te reo he pera, ko nga tikanga, ko te kaupapa o nga ture, o nga whakaaro, o te noho a te iwi. o nga mahi, o nga whakahaere, i tipu mai ano i nga heke o Ingarangi. Engari ko nga mea o tawahi mai i hemanawa ai ratau i whakarerea atu. Na. he whenua nui a Amerika, he whenua hou i te wa i whakanohia iho ai e te ingarihi. Ka puhake mai ki reira era atu iwi o Oropi, te Tiamana, te Itari, te Ruhia, nga iwi kiri-ma katoa o te ao. e kimi ana i te wahi mahorahora: he paheke mai i nga ture taikaha, i nga whakamamaetanga a nga kingi. Ko etahi he potiki 110 nga kawai rangatira, ka tau nga rawa ki nga matamua, ka whiua ki te ao kimi ai i te ora. Ko etahi i takina e nga rongo o te whenua hou. o te whenua kei te papatipu tonu ona ngahere ona rawa kei te kopu o te whenua. Ka ngahau nga tai-tamariki o ia iwi, o ia iwi. te hunga hihiko nga nga- kau ki te whakatipu hou i nga mahi a o ratau tipuna ki te papatua nei. Ko te hunga i pakanga ki nga ture taimaha o o ratau na whenua tipu, ko te hunga i hoha ki nga tikanga whakarihariha a nga kingi, a nga ariki, ko ratau enei nana i whakanoho a Amerika. Na. ka pokepokea nga toto o nga iwi maha, ka whakaranua tetahi ki tetahi, otira ko te ia o aua toto ko tera ano i maringi mai ra i Ingarangi. Haunga hoki te iwi kiri mangu o Awherika mai. i haere pononga mai era ki Ameri- ka, hei taurekareka mahi i nga mahi o nga repo, o nga whenua wera, e kore nei e taea e te iwi kiri-ma. Kei wahi ke i a ratau tenei korero, i te tau i wehe atu ai Amerika i Ingarangi e toru ano miriona te tokomaha o nga Marikena: na. kua tipu i naia- nei ki te kotahi-rau-tekau-ma-rima miriona! I ahu mai ra te ope manuao nei i nga miriona kotahi rau nei. a ka hoki atu te rua tekau ma rua mano ra ki a ratau korero atu ai i te ahua o Ahitereria. o Nui Tireni, o nga uri hoki a enei o nga heke mai o Ingarangi. Kaore ano i mahea te pawa o nga pu repo i te pakanga nui ka taha ake nei. kaore ano i ata tau te rangi marie ki nga iwi, ka tautapatia e nga matakite tera e whitia mai ki tenei moana. ki te Moana-nui-a-Kiwa nga pakanga nunui o tenei whakatipu- ranga e heke iho nei. Ka riro ra hoki nga ope manuao a te Tiamana, ka memeha a te Ruhia, ka waiho ake i te mata o nga wai ko a te Ingarihi, ko a te Marikena, ko a te Tiapani. Na, kei te taha o te Moana-nui-a-Kiwa e pae haere ana enei iwi e toru, te Tiapani ratau ko nga iwi i piri ki a ia. te Marikena, nga moutere i raro i te mana o Ingarangi. E kore ranei e tautohe- tohe a ona ra? E rere ana nga wai e whai ana ki nga whawha-
![]() |
4 288 |
▲back to top |
288\_\_\_\_\_\_\_ TE TOA TAKITINI. Hepetema 1, 1925. rua, ki nga koawaawa hei rerenga: ka titorehia te rakau ka whai ano i te ahua o tona kakano. A. e kore ia nei nga iwi noho apiapi o te ao e konohi ki nga wahi ahua watea o te ao. ki reira whakakainga ai? Ko Ahitereria ra. ko Nui Tireni. ko era atu o nga moutere o te moana, ko etahi wahi whanui tonu o Amerika kei te tirohia mai e aua iwi noho apiapi ra kei te watea tonu. Na. ko te moana ano he huanui whakawhiti- whiti mo nga iwi nui ki a ratau tumanako maha. Tera ra nga tohunga o tetahi iwi. o tetahi iwi kei te arohi haere i enei take. Tera pea ona nohanga korero i ona whenua e ki atu ai tetahi ki tetahi: "Kei te maharahara matau ki nga ahua o te ao. kei te awangawanga ki nga ra e heke iho nei. Ara o koutou taina, he kohungahunga, he potiki rawa nei, e whakaririka mai ra i te tai tonga. Haere, whakatakina atu, me kore e kite mai i o ratau tuakana, ka mohio mai he whanau kotahi. " Ehara, he kimihanga tenei na te whakaaro i te tino take i peka mai ai tenei ope manuao nui whakaharahara ki tenei wahi o te ao rere haere ai. He tika ko tetahi wahi nui o te haere, he whakaako i nga heramana, he mea kia matatau nga apiha ki te whekatere-a ropu i o ratau waka i te moana, he whakatangatanga i nga rakau o te whawhai moana. Ko tetahi mea nui rawa ia ki te whakapiri haere o nga uri i tipu mai ra i te kawai kotahi i Ingarangi, kia tuhonohono nga whakaaro ahakoa wehewehe nga Kawanatanga. E kiia ana hoki, mehemea e whakakotahi ana nga iwi e korero ana i te reo Ingarihi ka takoto noa te ao i te aio. Ko nga korero ia o te ahua o nga manuao nei. o nga mana- aki ki a ratau, o a ratau mihi, kei nga nupepa pakeha ena, e kore e taea te tuhituhi ki konei. TIRITI O WAITANGI. (WAHI TUARUA. ) HE TITIRO WHAKAMUA. Na R. T. K. Ko te wahi matahi o enei korero kei te Nama 49. ) " Tenei tetahi ui. No te tau 1840 ka hainatia te Tiriti o Waitangi, a ka taka tatou te Maori ki nga whakahaere a te pakeha. 1 enei tau e 84 e pehea ana ta taua tu Maori i roto i te iwi pakeha? "Tuarua: I tenei tau 1924 ahu ake nei mo te 84 tau ka pehea ano ta taua tu ta te Maori i roto i te pakeha? " —Herepete Rapihana. Mei, 1924.
![]() |
5 289 |
▲back to top |
Hepetema 1, 1925. TE TOA TAKITINI. \_\_\_\_\_\_\_\_\_\_\_\_289 E KORO, e Herepete, kua whakautua e au te wahi tuatahi o to ui. Kahore i pakeke rawa te whakautu i te mea e marama ana to taua tu to te Maori mai o te Tiriti, o Waitangi ki tenei ra engari i aku korero ko nga mate anake i pa ki te Maori i whakatakina e au kahore nga painga o to taua urunga ki roto o te pakehatanga no te mea he nui nga painga. E kore e nui aku kupu mo te taha ki te whakapono ehara hoki tena i te hua 110 te Tiriti o Waitangi engari ko te painga nui whakaharahara tenei i whakawhiwhia ai te Iwi Maori. Na te Rongo Pai i mutu ai nga pakanga totonui i waenganui i nga iwi i nga hapu Maori; i mutu ai te kai-tangata: i noho ai i runga i te humarie: i au ai te moe. I kiia ra e Te Whaka- tihi. " E whakapono e au e Ihu Karaiti, na konei hoki e au e moe noa e te paenga o taku maara e Te Pirahirahi. " Na te whakapono i uru ai te Maori he ao hou: i whiti mai ai i te pouritanga ki te maramatanga. Ko tetahi painga nui i whakawhiwhia e te pakeha ki te Maori ko te kura—he taonga tino nui tenei. Na te kura, na te mohio ki te reo Ingarihi, ki te korero i nga pukapuka, i nga nupepa, a te pakeha, i tiaho ai he maramatanga nui ki te tangata Maori: i whanui ai ona whakaaro, i whakawhaiti mai te ao ki roto o ena kanohi. Ko te tangata kuware, kaore nei i te kura, kahore ano nga kanohi kia titiro noa. Kei te kapo tonu ia. Ko te tino taonga o te matauranga ehara i te mea ko te whiwhi ki nga mahi moni no te mea ko nga tangata tino kaka- ma ki te whakapuranga i tenei mea i te moni ehara i nga tangata matau rawa—ko te taonga nui o te matauranga ko te pikinga o te tangata i te pouri ki te marama. Ko te tohu ranga- tira o U" pakeha ko tona matau, ehara i nga moni. Ahakoa pehea te nui o te moni i te tangata me he mea ia he tutua e kore rawa ia e uru ki te ranga i o nga rangatira. Na te Tiriti o Waitangi ka whakaakona a tatau tamariki i runga i te kore utu. Anei rawa te he he porori no te piki o te Iwi Maori ki te matauranga ki nga turanga teitei o te pakeha. He tino torutoru rawa o taua tamariki e tae ana ki nga kareti kaore i rite ki te pakeha. Ma nga kareti hoki e tupu ai he tangata nu- nui mo taua mo te Maori—he pihopa, he atirikona, he mahita tumuaki mo Te Aute. mo Hukarere, mo Tipene, mo Turakina. mo Wikitoria me Waerenga-a-hika: he tiati he roia, he takuta. he apiha Kawanatanga, he aha he aha Ko te ahua o te Maori i enei ra pera me nga tangata e Kipeono i meingatia nei e Iharaira hei, tapatapahi rakau hei utuutu wai. " ara hei pononga. Ko te whakaaro tena o te nuinga o te pakeha, ko nga Maori hei kai-mahi ma •:. >u i te mea he ma o ratou kiri, he parauri to lul:. -. o; e tikanga ia ko te Maori ko te tangata whenua hei ]-: u"j;; •= «?••; ko te pakeha ano ko te manene hei po- nanga. Ko te mate nui o te Maori i noho ai ia hei pononga na te ngaron o -»: -. ti v, whenua. He iwi whakahi te Maori otira ki te ngaro tona whakahi ko tona tutuatanga. Kaore oku NGA PAIPERA HOU. --Kua tae mai nga Paipera hou kei a Mihi Wiremu. Hukarere Nepia. Ko te utu e nga Kiripai e 8 Kiri noa e 5/-.
![]() |
6 290 |
▲back to top |
290 TE TOA TAKITINI. Hepetema 1, 1925. minamina rawa ki nga tikanga katoa a te pakeha, e kore hoki au e ki he mea pai kia rite tonu te ahua o te Maori ki te pakeha. He orangataikaha te oranga o te pakeha; e whakaritea ana e te pakeha te ahua o te tangata ki te mihini e huri tonu nei i te ao i te po, kaore he okiokitanga. He nui nga tikanga papai a te Maori e kore rawa e tika kia ngaro; he nui ano hoki nga tikanga he. he mea pai kia whakarerea. He nui nga tikanga papai a te pakeha he nui ano hoki ana tikanga kikino. He iwi aroha taua te Maori, he iwi atawhai tangata, tena ko te pakeha he iwi whakatangata ke. Ko to te pakeha tino whakaaro ko te moni: e wharikitia ana nga mea katoa ki raro o te kaupapa moni. Ko te tino Maori, ko te tino tangata, ko te tangata e hohou ana i nga tikanga pai ana ake a te Maori me nga tikanga pa; a te pakeha. Ko tetahi pai ano i whakawhiwhia ki te Maori i raro i te Tiriti o Waitangi ko te mana pooti, ko te uru hoki o te Maori ki ngu whare e rua o te Paremete. Tokowha nga Maori o te whare o raro tokorua o te whare o runga. I tenei ra ko tetahi o nga minita o te Karauna ara ko Maui Pomare, he Maori, a kua whakawhiwhia hofli ia ki te tohu honore. I tenei ra ano he mana nui to nga mema Maori i te taurite tonu o nga taha e rua e kore rawa te Kawanatanga e whakahawea ki nga mema Maori. Na te mana o nga mema Maori ka pupuri tonu a Te Kooti i te turanga minita mo te taha Maori. He nui nga iwi Maori i te ao kahore i te whakawhiwhia ki te mana pooti. Na te mana o Ingarangi i hipoki nei i a taua i kore ai taua e raupatutia, e whakataurekarekatia, e era atu iwi kaha; i noho ai taua i runga i te rangimarie. He painga nui whakaharahara tenei. Ko tenei te hua tino nui o te Tiriti o Waitangi ki te Iwi Maori. HE TITIRO WHAKAMUA. E ui ana a Herepete, e pehea to taua ahua to te Maori a enei tau e 84 e tu mai nei. He uaua te whakahoki i tenei patai no te mea e titiro whakamua ana ki te takiwa roa. ki nga ra kei te aroaro tonu, kahore ano kia mohiotia he pehea ra ara he titiro poropiti. Heoi ano ta tatou e mohio ai ko nga mea kua paenga. ko nga mea ranei e kitea ana inaianei. E pehea to taua ahua a nga tau e 84 e heke iho nei? Ko te mea e marama ana au, e kore e hapa te ngaro, te reo Maori. Kua poriro noa iho te korero a te tamariki i te reo o ratou tipuna; kua whai haere te ahua i te tikanga o te reo Ingarihi. Kahore te reo Maori i te whakaakona ki nga kura, kahore hoki i te whakaakona e nga matua. Ko etahi matua kahore i te pai kia ako a ratou tamariki i te reo Maori. I whakataetae te tamaiti a tetahi Maori matau mo te moni a Te Makarini, he tamaiti matau a e riro i a ia taua moni me i mohio ia ki te reo Maori. I te mea kahore ia i mohio ki te reo o ona matua tango- hia ana e 200 nga maaka. Hei tapiri atu ki te kore e whaka-
![]() |
7 291 |
▲back to top |
Hepetema 1, 1925. TE TOA TAKITINI. 291 akona ki te reo Maori ko te haere ke ki nga kura pakeha, ko te kore e haere ki Te Aute. Ko Te Aute tetahi o nga tino kura o Nui Tireni inaianei. Tirohia a Apirana Ngata, kei te tuku tonu i ana tamariki ki Te Aute, ki te kura i whakaakona ai ia. E whai ana ranei etahi tangata kia nui ake a ratou tamariki i a Apirana? Ko tetahi mea e kore e taea te kaupare ko te ngaro o te Maori ki roto o te pakeha. Ko te hunga hei whakahohoro i tenei ahuatanga ko te hunga e kore nei e whakaako i a ratou tamariki ki te reo Maori, e tuku ke nei i a ratou tamariki ki nga kareti pakeha. Ko enei tamariki hoki tera e whakahawea ki te Maori. Me ki ake e au i konei ka nui te whai o nga kotiro matau o toku takiwa he Maori ano he tane ma ratou, ruarua nei e whai ana i te pakeha. Otira ko te hiahia o Herepete ko te tu o te Maori: e tu rangatira ranei, e tu pononga ranei; e whai-rawa ranei, e noho porohe ranei i te ao. Ki toku whakaaro e kore te Maori e tu rangatira; ko to ratou nuinga hei kai-mahi. hei pononga ma te pakeha. A te wa e tino nui ai te pakeha, e pipiri ai. e tau- tutetute ai. ka romia te Maori e te pakeha. Ko te nuinga o te Maori inaianei he kai-mahi na te pakeha a ko etahi kua pati- pati ki te pakeha, kua rite ki te kuri e tata nei te waero ki tona rangatira. E penei ai te tu o te Maori na te kore whenua. Ko nga hapu anake e mau ana ki o ratou whenua e kore e noho pononga ma te pakeha. Ka mutu tonu te oranga tika mo te Maori ko te whenua anake. Ki te kore tena, hei pononga ia. Ko nga roia, ko nga takuta, ko nga tangata hokohoko Maori e kore e manaakitia e te pakeha a kaore tonu hoki i te manaa- kitia e etahi Maori. He tika e whiwhi etahi Maori ki etahi Hiranga nunui o te pakeha engari takitahi nei, ko nga tangata tino matau. Kaore te pakeha e pai kia whakawhiwhia te Maori ki nga turanga nunui. No te tau 1814 ka u mai te whakapono ki enei moutere otira kahore ano kia maha nga tau i tu ai te kenana tuatahi o te Maori ehara i te mea he kore tangata tika i nga tau maha ka pahure nei engari he kore noa iho i mahara- tia. he kore no te Maori i hiahiatia kia tu i nga turanga teitei. He aha te pai o nga kura Maori me he mea he torutoru rawa nga Maori e tika ana hei kai-whakaako? Ahea ano tu ai he Maori hoi tiati mo te Kooti Whenua Maori? Kei runga noa atu etahi Maori i etahi pakeha e whakaturia ana hei tiati. ahea ano whakawateatia ai nga tari Maori mo te Maori anake? E marama ana. e koro. Herepete. kahore taku titiro whaka- mua mo te ahua o te Maori a enei tau maha e heke iho nei. i te ahuareka engari kei te tumatatenga. No te mea ahakoa kua matorutia te Maori ki roto o te whakapono, o te maramatanga. kei te ao tawhito rawa atu etahi hapu, etahi iwi; kei te kahaki- hakina noatia e nga whakaakoranga maha, e nga hahi huhua, e nga tohunga tokomaha. Ko te tino hua o enei mea katoa ko te whakataumaha, ko te whakapouri, ko te whakapokaikaha.
![]() |
8 292 |
▲back to top |
292 TE TOA TAKITINI. Hepetema 1, 1925. i te tangata. E kore te taima raua ko te pakeha e tatari ki nga tangata porori, ki nga tangata auto, ki nga tangata rorirori. No te pakeha enei ra. na reira e mau ki te matauranga o te pakeha. Kaati te maumau taima te maumau moni, ki te inu waipiro, ki te haurangi, ki te whai tohunga. Whaia te whakapono tika hei tohutohu, hei whakangungu-rakau ki nga matia muramura e te rewera, kia tipu ai taua hei iwi kaha ki te ao. kia hapa ai taku kupu ko te mutunga o te nuinga o te Iwi Maori hei pono- nga ma te pakeha. He pono te korero ma te tika ka kake ai te iwi. Ka hoki pea. e Koro, e Herepete, to ui. Ma te Atua te Iwi Maori e okooko ki ona ringaringa e manaaki. (Ko te mutunga. ) TE TIRITI O WAITANGI. Na T. Wi Repa. KO tetahi take hoha tenei a tatau a te iwi Maori. Kua waiho tenei hei kaupapa mo tetahi " hahi " kei roto ia tatau. Ta au e tamariki ana i Te Aute, e rongorongo ana au i tenei take, ko Heretaunga hoki te whenua o nga whaka- haere o taua take, ko Te Waipatu te tuunga o te Paremata. Na Henare Tomoana ratau ko ona hoa rangatira o Heretaunga i tiki taua taonga i Ngapuhi, ko Mohi Te Atahikoia raua ko Ihaia Hutana nga morehu o taua ropu e ora mai nei. Kia ora korua e koro ma, nga morehu kaumatua, nga mangai o te iwi i era ra, nga waihotanga iho a o korua tuakana. Kia ora hoki a korua tamariki, me a korua mokopuna o te ao hou. e noho- mai na i roto o Heretaunga. Kia hoki ake ki te take o te korero nei. ara ki te Tiriti o Waitangi. He maha nga tangata, tane wahine o tenei takiwa ingoa e mohiotia ana, engari ko te tikanga o aua kupu e toru kaore e mohio he aha taua mea te Tiriti o Waitangi. Ko te kaore e mohio. Pai noa atu hoki au kia kauaka ratau e pore- area ake he aha rawa ra te tikanga o taua mea o to Tiriti o Waitangi. Ehara taku i te whakamarama mo taua Tiriti kaore e ta -n e au tena. Kaore hoki e taea e tetahi tangata ehara nei i te roia. Kaore ano hoki e taea e nga roia katoa. Ko tenei kupu ko te "Tiriti, " he whakamaoritanga no te kupu pakeha, "Treaty. " E rongo ana tatau i te "Treaty of Versailles, " te Kawenata o te whakamutunga o te Pakanga nui a te ao ka hori ake. Tera ano etahi o mua atu: "The Treaty of Berlin. " the " Treaty of Utreeht. " o whea ake. o whea ake. Te tikanga o taua kupu o te " Treaty. " he korero whakapai i waenganui i etahi iwi tangata-ke. Ka mutu ta raua pakanga, ka haere ki tetahi wahi i te whanga noa atu " Treat" ai. Ka
![]() |
9 293 |
▲back to top |
Hepetema 1, 1925. TE TOA TAKITINI. 293 mutu ka tatu a raua korero, ka whaka kaupapatia ki runga kiri-hipi (parchment), a. ka kiia tena ko te Kawenata o te Tiriti: ara tona ingoa poto ko te Tiriti. Ko tenei pukapuka ko te Tiriti ( Treaty) e tiakina ana e tetahi wahanga o nga ture o te ao: " International Law. " Ture whakahaere i nga tikanga mahi, aha ranei, i waenganui i nga iwi he mana ko to tetahi me to tetahi he kingi ke to tetahi me totetahi penei i te Ingarihi me Te Wiwi: i te Ingarihi, me te Itariana; i te Ingarihi me te Marikena: i te Ingarihi me te Tia- mana. Ko tenei wahanga ture kaore e mohio ana nga roia katoa. Tera ano te hunga whiriwhiri o nga roia e kia ana he tohunga mo enei ture: ara ki te reo Ingarihi: "An authority on International Law " Mehemea ki te pa he raruraru ki wae- nganui i nga iwi nunui e rua o te ao. ehara ma nga roia wha- kawa haurangi nei. nama nei ranei, e tirotiro taua " kohi. " engari ma nga tohunga ono o tera wahanga o te Ture. Ki te haere te Pirimia, '"te Minita ranei mo nga mea o Waho"' (Secretary for Foreign Affairs) ki te whakairo korero Tiriti ki tetahi iwi ke. ka mauria e ia nga tohunga o tenei wahanga ture hei tohutohu ia ia. Kaore he uaua o nga kupu o te Tiriti. Otira, ahakoa ngawari, marama ranei aua kupu ki te titiro atu a te kanohi kuare, kei nga tohunga o nga " International Law, " e marama any mai ona ahua katoa: ona uaua-tanga, ona nga- waritanga ranei. E hara hoki i te mea kei te taha anake ki te Ingarihi aua tohunga. He tohunga ano o tera taha. No reira haere ana mai ae matauranga, haere atu ana he matauranga. Kia marama tatau, kore e hiko noa ake ana te Kingi, te Pirimia, te Perehitini ranei o nga iwi nunui ka tono inga tangata kaore i kurangia, i ata akona ranei ki aua momo Ture. hei tohutohu ia ratau. Me hoki mai ano tatau ki te Tiriti o Waitangi ko au nei. he tohunga no nga mate o te tinana o te tangata. Kaore tooku oranga, tooku hinengaro i hoatu hei ako i nga ture o to tatau whenua. Otira. he mohio au ki te reo Maori, ki te reo inga- rihi, ki te reo Wiwi ki te reo Ratina me tetahi wahi paku nei e te reo Kariki. Ahakoa ru enei matauranga, e ki pono ana au. kaore au e kaha ki te whakamarama i nga tikanga o te Tiriti o Waitangi ki tetahi Maori kuare nei. he mohio nooku tera ke atu nga tino whakamarama kei roto kei nga " Interna- tional Laws " kei roto kei nga "Law Library " o te Motu a ma nga tohunga anake ka taea. '•"'•tu P s.; alii le maha o nga roia e to tatau whenua kaore e mohio ki enei wahanga ture. Ko te take ratau i kore ai e aro ake. kaore hoki to latau nei whenua e pa atu ana ki nga mahi " Tiriti" i waenganui o nga iwi nunui o te ao. Ko te whenua matua anake ara ko Ingarangi hei hanga, hei haina hoki i ana Mo te t: > r,:. ire k;.. on- >••. -; nv-a lu-i rite ki te WOODS GREAT. PEPPERMINT CURE.
![]() |
10 294 |
▲back to top |
294 \_\_\_\_\_\_\_\_\_\_TE TO A TAKITINI. Hepetema 1, 1925. Tiriti. Kei te Tiriti rawa o Versailles, te Kawenata o te whaka- mutunga i te pakanga nui ka hori ake nei, ka tahi ano nga Pirimia o te Emepaea ka haina. 1 haina to tatau nei Pirimia, a Te Maahi i mate tata ake nei. I tupono hoki te Tiriti o Waitangi, he Kawenata i waenganui i te Kuini o Ingarangi, me te iwi Maori. Kaore nga roia o Nui Tireni e mohio ki nga ture International, kaore hoki e mohio ki nga whakahaere a te Maori. Otira ki tooku whakaaro, kotahi tonu te tohunga kei Niu Tireni nei mana e marama ai kia tatau taua Tiriti o Waitangi. He roia ia i ata kurangia. He marama ia ki nga taha e rua, taha Ture International, taha Maori. Tetahi no tona pakunga mai ano ia i uru ai ki nga hui Maori mo te Tiriti o Waitangi. Kua pataia e ia nga whakaaro o Taute ma. o Te Kupa ma, o era atu roia rongonui mo runga mo tenei take. He mema ia no te Paremata i naianei. Kei roto i taua whare e korerorerotia ana taua Tiriti ia tau ia tau. Taua tohunga ko Apirana Tu- rupa Ngata. M. A.. LL. B. Nui atu te marama kia au o ana whakamarama e takoto nei i roto i te " Toa "' mo taua Tiriti. Kaore e kitea e tooku hine- ngaro nga wahi o te Tiriti nei i waho atu i ona whakamarama hei Kapohanga mai ma tetahi atu "roia o ro ngahere" (bush lawyer) hei kaupapa Hahi hou mana. Mehemea he korero mo tetahi ki nga mate o te tinana o te tangata, kei runga ake tooku tohungatanga i to Apirana. Tena mo te Tiriti nei, e tama ma ko te waiu tonu tena nana tena tangata i whangai. Tupono hoki i onokia tena purapura ki roto ki te hinengaro wairakau. Te take o tenei tuhituhinga he whakaatu tonu ake i te kore mohio o oku nei. me tetahi ropu nei noa atu mo tenei kaupapa mo te Tiriti o Waitangi. Kaore noa hoki matau nei e porearea ake. Taku whakatonga ake, ko te hunga e korero nei mo te Tiriti nei ko te hunga i eke ki ta te pakeha e mea nei: "I peeke ratau i te hoiho i mahue. No te mutunga o te reehi, ka haere ano ratau ki te mataaho kia utua mai he ' tiwi' ma ratau. " I TE HUI TAKIWA O TE ATIRIKONATANGA O HAKI PEI. •TU te Hui Takiwa o nga Pariha o Haki Pei Moteo i te 30 me te 31 o nga ra o Akuhata, 1925. Ko nga mema enei i tae mai: — Perehitini: Te Pihopa o Waiapu. Atirikona: W. J. Simkin. Nga Minita: Waipatu. F. A. Bennett (Kai-tirotiro); Mohaka me te Wairoa. Hemi Huata: Moteo, Peni Hakiwai. Ka pa te mate mare ki te tamariki whangaia ki te WOODS' GREAT PEPPERMINT CURE.
![]() |
11 295 |
▲back to top |
Hepetema 1, 1925. TE TOA TAKITINI. \_\_\_\_\_\_\_\_\_\_\_\_295 Mangai-reimana. —Moteo: Porokoru Mapu. Omahu: Bob Tutaki. Waiohiki: Kurupo Tareha. Westshore me Miani: J. Karaitiana. Wharerangi: Nirai Aporo. Waipawa: Hemi Ra- paea. Porangahau: Hare R. Edwards. Waipatu: P. H. To- moana. Kohupatiki: Te Hore Chadwick. Te Hauke: Hori Tupaea. Waimarama: Kato Nepe. Taniwaka: Reihana Ka- raha. Wairoa: Rewi Tamihana. Rangiahua: Pene Hema. Mohaka: Awhi Te Kahu. Waihua: Neri Hokena. I tae mai te whakaatu a enei mo to ratou pouri mo te korenga e watea ki te haere mai: —A. Maaka o Takapau, Takuta Tatere o Taniwaka. Ture Kirihi o Waimarama, me Hurikino o Te Pakipaki. I whakapuaretia to Hui e te Pihopa ki te inoi. Ka mutu ka whai-korero te Pihopa I mo tera putanga o te pepa ka perehi ai tana whai-korero). NGA MOTINI I WHAKAHAERETIA E TE HUI. 1. Na Hori Tupaea i motini, na Hemi Huata i tautoko: — " Kua tae tenei ki te wa e tika ana hei whakahaerenga tikanga ma tatou ma Te Hahi Maori i etahi huarahi e taea ai te whaka- rahi ake o te oranga-a-tau mo a tatou minita. " Otira i whakaatu Te Pihopa kaore e taea te whakahaere i tenei motini i tenei wa engari me ata waiho atu kia tae ki te wa e tu ai Te Pihopa mo te Hahi Maori, katahi ka whakahaere ai. Engari kei te tika tonu tenei motini. 2. Na Awhi Te Kahu i motini na Neri Hokena i tautoko: — " Kia tu Te Hui Takiwa a tenei tau e heke iho nei ki Mohaka. " Te whakamarama a Te Pihopa me waiho ma Te Pihopa Maori hou tenei take e whakarite. 3. Na Rev. Hakiwai i motini, na P. H. Tomoana i tautoko: — "Kia puta he whakamihi ma tenei hui mo te pai o te whai- korero a Te Pihopa a kia perehitia ki Te Toa Takitini me te tuku hoki i nga perehitanga ki Te Iwi Maori. " Paahitia ana. 4. I patai a Repanga: "Mehemea ka taea te whakahaere o te mahi i te Whare-karakia o Tongoio i tenei tau. " I whakamarama a Atirikona Simkin i nga rarurarutanga. Mehemea ka kitea he tikanga hei apiti ki te kaupapa o te moni e toe ana. tera e tere te whakaara i taua whare. Ko te utu mo taua whare £1. 200. Ko te moni kua takoto £750. I whaka- marama Te Pihopa kaore e oti taua whare i te moni kua takoto a me kaha a Repanga me tona iwi ki te kohi kia nui ake te moni, engari ko te ahua mo te whare me pera i te ahua tuatahi. a me whaka oti taua whare notemea kua oti ke etahi o nga mea, ara nga wini, me nga toa. me nga rakau mo te tuanui. Ko te mauranga atu i nga pereki me era atu taonga i Nepia ki Tangoio kei te waiho atu ma nga Maori ano e whakahaere.
![]() |
12 296 |
▲back to top |
296\_\_\_\_\_\_\_\_\_\_\_\_TE TOA TAKITINI. Hepetema 1, 1925. 5. Nga patai me nga whakautu a Te Pihopa. (a) Ka taea ranei te whakangawari ake nga tohutohu I paa- hitia e te hui i noho nei ki Rotorua i te 23 me te 24 o Kune ara kia waiho mo nga ra timatanga o Hanuere ka timata ai te mana o aua whakaritenga. —P. H. Tomoana. (b) Ka taea ranei te korerorero mo te uru noatu o nga tama- riki o Heretaunga ki roto i nga kura o Te Aute me Hu- karere?—P. H. Tomoana. (c) Ka taea ranei te whakauru atu i te ingoa o nga anahera ki roto i nga inoi taurangi?—Rev. Huata. (d) Ka whaimana ranei nga tangata kaore nei i whakaungia kia tu hei reimana?—P. Mapu. (e) Mo te tanu tupapaku i nga mea kua uru atu ki te hahi Ratana: Ka whaimana ranei nga minita ki te tanu, ina tonoa mai i runga i te whakaaro o te tupapaku i a ia e ora ana kia riro ma tenei hahi ia e tanu. a. me tona ripeneta hoki?—P. H. Tomoana. if) Ka whaimana ranei te tanu i nga tamariki i iriiria e te hahi a uru atu ana ki te hahi Ratana?—J. K. Rapaea. ( g) Ka whaimana ranei a Rev. Huata ki te haere i roto i nga rohe o te pariha Te Wairoa i te mea kua unu nei a Rev. Manaro i a ia?—Rewi Tamihana. (h) Ka taea ranei e te Pihopa te haere ake ki Rangiahua ina tae ake ia ki Te Wairoa?—Peene. (i) Ana ano ranei tetahi tahua moni a te Hahi e ahei ai nga Pariha Maori ki te nama moni hei hanga whare karakia, whare minita, whare mihana ranei. Te whakamarama he hiahia no matou no nga tangata o te hahi i Porangahau ki te hanga whare karakia pohatu mo matou i temea kua kaha rawa te pakaru o te whare ta- whito, a he uaua te kitea katoatia o te moni inaianei engari ki te taea te tuku mai he pauna mo te pauna e te hahi, katahi ka mania ka ngawari te taha kia matou. —H. R. Erueti. (k) Pehea ngu tupapaku o te hahi Ratana i te mea he urupa no te whare karakia ka tana ranei te tanu ki roto i aua ; v urupa?—Rev. Hakiwai. He nui te mihi o Te Pihopa ki nga patai me te whakaatu hoki i tena aroha me tona tangi tahi hoki i roto tena ngakau mo te putanga ake o enei raruraru i waenganui i te iwi i paku- ru atu ai etahi ki waho o te haki i runga i nga tikanga o te hahi Ratana. I tohutohu ia kia kaha kia u ki te Whakapono Matua tima-'!r.: r. iinKi'r !-~ai i o Te Karaiti tuku iho ki Ana ai'.; '••••"-> te mai ki whakaupporial k^ -vhi-r^kurpi-pr'ar:, ':;; ' '. Te Whakapono Karaitir; i!?- '^\\-i iho ki tenei ra, tae mai nei ki te ra i whakapororarutia ai ratou, ka mahue iho te hahi ka peke atu ki wahike. K-iiar. ei te tangi me te pouri o te ngakau mo ratou me te aroha iho ki nga patai. Ko nga tikanga o te hahi ho mea i whakaotia i runga i
![]() |
13 297 |
▲back to top |
Hepetema 1, 1925. TE TOA TAKITINI. \_\_\_\_\_\_\_\_\_\_\_297 te rapunga a nga ropu i huihui tae iho hoki ki tenei o nga hui i tu nei ki Rotorua i whakaritea ai nga kupu tohutohu i panuitia ra i roto i Te Toa Takitini, he mea era i whakaritea e te Ropu i kohiritia ki te tirotiro i nga tikanga e whakararu- raru nei i nga kaupapa Karaitiana. Ko nga whakamarama katoa kei roto i te kauwhau. KO NGA WHAKAUTU MO NGA PATAI. (a) Na Te Ropu Huihui tenei whakaritenga, ehara i te tangata takitahi. E kore e taea te ki. i panaia atu ratou. kaore, engari ko ratou i rere atu ki waho i te kaupapa o te hahi. Otira kei te mamae kei te tangi atu te ngakau kia ratou, a. ina tao ki te wa e kite iho ai ratou 5 te he o te rerenga atu ki waho a ka mahara ki to hoki mai tukua mai e te ngakau karaitiana, ina ripeneta ratou. He maha o taua hunga kua rere atu nei ki waho kaore i te mara- ma ki te ahua o ta ratou hainatanga, na reira kia kaha ki te whakamarama na te maramatanga hoki o etahi. e noho tahi nei tatou. Kaore ratou i te panau i roto i nga karakiatanga. Pai tonu ratou kia haere mai. Engari kaua ratou hei tango karakia. (b) Ae. he putake hoki tena e Uka ana kia kaha te titiro atu. me tuku a-motini mai kia korero ai to hui mo tena putake. (c) Tera tetahi inoi kei a tatou Rawiri mo te ra o " Mikaera me nga Anahera katoa. " Pai tonu tera inoi hei whaka- hua ma tatou. (d) Ko te tikanga nui rawa ara ko te Whaka-u i roto i Te Hahi, na reira ko te tangata e whai ana kia tu ia ki roto i te ropu whakahaere i nga tikanga o Te Hahi me whaka-u. (e) Ka whaimana noatu nga minita ki te tanu tupapaku. engari kei te takoto ano nga karakia tanu e hangai ana mo tena ahuatanga mo tena ahuatanga. Ko te ripeneta o te turoro i mua i tona matenga, me maatua ripeneta rawa ia i mua o etahi pono kia rua. katahi ka marama. Kei a au ano hoki etahi karakia e rite ana mo te hiahia o tetahi o etahi tangata, ropu ranei kia hoki mai ano ki roto i te huhi. Ko te hunga kua mahue te hahi, me maatua tuku rawa atu i a ratou ki roto i nga tikanga katoa o taua karakia whakauru mai ano i a ratou, katahi ano ka tika te uru mai ano. (f) Ae. kei te whaimana tonu. Kaore te hara o nga matua e utaina ki nga tamariki i runga i tenei whakahaere. (g) Ae kei te whaimana tonu. Me haere kia tupu mato- mato tonu ai nga mahi. (h) Waiho kia lye mai taua wa. notemea kei te tu te hui ki Akarana a tenei wiki ano. he whiriwhiri mo te putake
![]() |
14 298 |
▲back to top |
298\_\_\_\_\_\_\_\_\_\_\_\_TE TOA TAKITINI. Hepetema 1. 1925. whakatu Pihopa mo Te Iwi Maori, akuanei pea ka tu te Pihopa hou. ka riro i a ia nga haere. Otira mehemea ki te mau tonu ko ahau hei haere ki era rohe ka whaka- pau ahau i taku kaha kia haere atu kia kitekite i nga iwi o Rangiahua. (k) He urupa ona 110 te katoa: ae ka taea to tonu i runga ano i nga karakia e rite ana. 6. Na P. H. Tomoana i motini: —Me tuku noatu nga tamariki o Heretaunga nei ki te kura o Te Aute me Hukarere. Na Rev. Hakiwai i tautoko. I whakamarama a. Hori Tupaea, ahakoa kaore i te tino ma- rama nga tangata na ratou i tuku te whenua mo te kura o Te Aute engari e kiia ana na Te Hapuku, na reira ka whakaritea e ia te rohe, kei Patangata me Te Hauke, kia ata takoto ai ko nga uri o tenei tangata hei mananga mo tenei ahuatanga e korerotia ake nei e te motini. I whakamarama Te Pihopa kei te rite tetahi wahi o tenei motini, i nga Kai-tiaki o te kura, a me ata waiho ma ratou tenei take e ata tirotiro. 7. Na P. H. Tomoana i motini: —Kia puta he mihi ma tenei hui ki Te Hinota Topu mo to ratou whakaaro nui ki te Hahi Maori a e tino whakaae ana hoki tenei hui ki ta ratou putake e whakahaere nei kia whakaturia he Pihopa Maori motuhake hei upoko mo taua Mihana Maori. Na Rev. F. A. Bennett i tautoko a paahitia ana i te pooti-a-waha. 8. Na Peneti raua ko Kare R. Erueti: Ko tenei Hui o nga tangata o te Hahi e noho nei i te takiwa o Haki Pei. e whakaatu ana ki o ratou hoa Karaitiana o te iwi pakeha kaore ano te mana pooti waipiro kia tukuna mai ki a ratou. Re inoi tenei ki o matou hoa a te wa e pooti ai ratou, kia mahara kei a ratou anake te whakataunga o tenei take, mo te taha Maori, me te taha pakeha. 9. Na Peneti raua ko Hemi Rapaea: Kia tukuna atu e tenei Hui te mihi ki a Te Katene Pukerua mo ona e takoto mai nei i roto i tona mate me te whakaatu i te aroha ki a ia i tenei wa. me te inoi hoki kia tau te manaakitanga a te Atua ki a ia i roto i tona mauiuitanga. 10. Na Peneti raua ko Hemi Huata: He tono ki te Pihopa kia whakaae mai ia ki tana kauwhau i te ata o te Ratapu mo te Hahi a Ratana kia tuhituhia mai ka perehi ai kia marama ai te iwi Maori mo tenei putake. Whakaaetia ana. 11. Na Hemi Rapaea raua ko Peneti: "He mihi na tenei Hui ki te Tari o te Pihopatanga mo te whakahoutanga i te puka- puka rehita i te tangata he mema no te Hahi o Ingarani me te tono atu mehemea e taea te mahi: (1) Kia rua nga kape o ia rehitatanga, kotahi hei tuku atu ma te tangata i haina ko te- tahi ma te Minita. (2) Ko te kaititiro o te hainatanga, me minita, me kai-karakia. me tangata ranei kua oti te Whakau. "
![]() |
15 299 |
▲back to top |
Hepetema 1. 1925. TE TOA TAKITINI. \_\_\_\_\_\_\_\_\_\_\_299 Ko te utu a te Pihopa: Ko tenei tauira rehita na te Hahi o mua iho. Waiho maku e mau atu tenei tono ki te hui a nga Pihopa kei Akarana i tenei wiki. 12. He patai: Me pewhea he tikanga mo nga whare-karakia e tu nei i runga i nga whenua kaore ano kia tapaea ki te Hahi, a kei te tohe te Hahi Ratana kia whai mana ratou ki aua whare- karakia? I tono te Pihopa ma Peneti e whakahoki. Ko tana whaka- hoki tenei: Kei te marama tonu te ture pakeha me te ture Maori mo tenei ahuatanga. Me tango ake ko te Ture Whakatikatika i nga Whenua Maori o te tau 1921 te 5 o nga tekiona e whakaatu ana e ahei ana te Kooti Whenua Maori ki te whakahaere i nga take e pa ana ki nga whare-karakia, whare-a te Hahi, whare ru- nanga, whare-kai me era atu whare o te iwi. ka tuku ai i aua whare ki te ropu e tika ana hei pupuri. E pa ana tenei rarangi o te Ture ki te whare anake mehemea ka pera te whakaaro, ki te whenua hoki mehemea ka hiahiatia. Kei te mohiotia nga whare-karakia i hanga mo te Hahi o Ingarangi motuhake, no- reira kaore he uauatanga o tenei tekiona o te Ture. Ko nga wahi kua pa he raruraru, ma koutou ma nga tangata o te Hahi e tono ki te Kooti Whenua Maori kia tirotirohia ena raruraru- tanga i waenganui i a koutou. I Tirohia Section 5. Native Land Amendment and Native Land Claims Adjustment Act. 1921. 13. Na Hemi Rapaea raua ko Peneti: Kia kaha tatou te Hahi Maori i te Atirikonatanga o Haki Pei ki te whakarite i te wahi ma tatou (£33/6/8) o te rau pauna i te tau. hei awhina ma tatou i nga mahi Hora i te Rongopai o to tatou Ariki ki nga iwi o Inia. —Paahitia ana. 14. Na Peneti raua ko Hemi Huata: —Kia tukuna atu e te Perehitini to tatou aroha me a tatou mihi ki a Pihopa Ataria me tana whanau, me ona hoa mahi i tera wahanga o te maara a te Ariki me te whakaatu kaore ia i te wareware i a tatou. —Pea hitia ana. 15. Na. Rev. Huata i motini, na H. K. Rapaea i tautoko: E mihi ana tenei hui ki nga morehu o Moteo mo te nui me te pai o ta ratou manaaki i te hui. —Paahitia ana. I puta nga mihi a te Pihopa mo tenei hui. "Ka tekau-ma- tahi aku tou e tu ana hei Pihopa mo Waiapu, katahi ano ahau ka kite i te Hui takiwa o te Hahi Maori, kia penei rawa te ko- tahi o te whakaaro, te marama. te kaha ki te whawha atu ki nga lake nunui, te hihiko o te wairua o te tangata. Ma te Wairua Tapu koutou me to koutou iwi e manaaki, e arataki a nga ra e heke iho nei. Kei te kaha taku aroha ki a koutou i te mea kua tata mai nga ra o wehe ai koutou i raro i toku mana, a ka noho mai koutou i raro i te mana e te koutou Pihopa hou ko te aroha ki a koutou ka mau tonu. [Nga morehu e Moteo kia ora rawa koutou mo ta koutou manaaki nui i ta tatou Hui. Kaore he kupu i ko atu 5 ta te Pihopa e mea ra. ko te tino Hui tenei a te Hahi Maori i roto i enei tau tekau-ma-tahi. Titia to raukura hei whakapaipai mou mo nga tau e takoto mai ra. Kia ora koutou katoa mo te pai o ta koutou manaaki i te Hui. —Etita. ]
![]() |
16 300 |
▲back to top |
300 TE TOA TAKITINI. Hepetema 1, 1925. NGA MANAAKI A TE ARAWA I NGA MANUHIRI TUARANGI. Na A. T. Ngata, M. A., M. P. EHARA inaianei i whakawahia ai nga marae o Te Arawa hei marae manaakitanga i nga ope tuarangi e haere ana mai ki enei motu. He ope Kingi te ope, he ope Piriniha te ope. he tohunga ranei, he Kawanatanga ranei, he toa ranei no nga pakanga, he apiha ranei no nga ope manuao o tawhiti, ka turia e Te Arawa ona marae, ka manaakitia te paerangi ki nga manaaki rangatira a te iwi Maori. He wa i awhinatia ratou e era atu iwi o te motu, he wa takitahi nei i ara; he wa ko ia anake ano ki runga ki ona marae tu ai, takahi ai. korero ai, pukana ai. Ka huri nga ope ka waiho iho nga mihi ki a Te Arawa, mo te iwi Maori katoa, ka whiwhi tahi era atu waka i te ingoa pai. E rua nga ope nunui i whakamanuhiritia e Te Arawa ki te Papaiouru. i Ohinemutu i tenei marama ka taha nei, ko te ope o nga. Apiha o nga manuao Marikena, ko te ropu o nga kai- whakahaere o nga nupepa nunui o te Emepaea. Na te rau o te poi i nga ringa o nga wahine ataahua, na te taparahi, na te peruperu, na te ro marae o o tatau tipuna, na enei i whakaea te taha ki te iwi Maori katoa. Na Te Arawa nga mahi, ka uru noa atu tatau e pae atu nei. Mo Te Arawa nga mihi, tau rawa iho hoki ki a tatau. Na reira kia nui a tatau whakamihi ki o tatau whanaunga. Kei te taha o Te Arawa ko ona moana whakapaipai, ko nga wai ariki. E whitu ano nga haora e rere mai ai te tereina i Akarana ka tae mai ki Rotorua, e takoto ana nga moana nei, e hu ana nga wai ra, e tu atu ana a Te Arawa i ona marae. Otira, na te tangata tuhi korero ki nga nupepa o Amerika, i haere mai i te taha o te ope o nga manuao, nana i whakamahara ki nga pakeha o Akarana, kei o ratau taha tonu nga mea tino whakamiharo o enei moutere, nga mea tino rongonui ki te ao, nga waiariki, nga moana, te iwi Maori poka ke te ahua i era atu iwi Maori o te ao. Na, kei te titiro hou te iwi pakeha i tenei wa ki Rotorua, i te kupu a taua Marikena ra. na te noho tahi o Rotorua, o te iwi tawhito nona te papatipu, i tino pai rawa ai. E koro Taupopoki, kia ora tonu koe. koutou ko o tamariki, ko o mokopuna, na koutou na i whakanui tatau i te aroaro o nga iwi nunui o te ao. Tera ra e whaihua enei manaaki a koutou. He ahahoki a te pakeha manaaki, kei tona ahua ano. Ko au ia he mahana rawa, whaia ka haria atu ki runga tonu i ona waka tipua takatu ai. tera ra e ngoto ki te manawa, hei mana- kanaka i roto i nga tau. Kei te Marikena e whakahaere ana o tatau whanaunga i Hawaii, i Hamoa. Ma te ope nupepa ra e panui ki te ao te tu rangatira o teiwi Maori ahakoa nou anake taua taha ra; te whakamiharo o te rarapa o te poi ahakoa na au mokopuna anake ia i whiu; te wana o te haka, ahakoa ka au tamariki anake i takahi. Kapai kia mohio ai o tatau hoa pakeha i konei tata nei. kei te kitea mai ano te iwi Maori e tawhiti.