![]() |
Pipiwharauroa 1899-1903: Number 91. October 1905 |
![]() |
1 1 |
▲back to top |
Te Pipiwharauroa, he Kupu Whakamarama. NAMA 91 OKETOPA 1905. O TATOU MEMA. KA tata te ra pooti ka pipiri te mema. Tokotoru i tae mai ki Turanga nei i te wa poto, ko Apirana Ngata, ko Mohi te Atahikoia, ko Tuhaka Kohere, a kei konei hoki nga kai whakahaere tino kaha o Wi Pere, heoi ano nga mema, kahore ano kia tae mai ki konei ko Ihaia Hutana raua ko Tiki Paaka, engari no te Raumati ra ano to Ihaia taenga mai ki konei. Kahore a matou tautoko i tetahi o enei mema ara kaore matou e whakaatu ko wai ranei ta matou tangata e hiahia ana kia tu—ko ta matou pooti kei roto i o matou ngakau— engari ka waiho e matou ma te iwi nui e titiro ta ratou e pai ai ko te tangata ma- tau ko te tangata pai, e aroha ana ki te iwi a e whai mana tona reo ki te Paremete. Ehara i te mea ko te reo rahi e wharara- ngona e te whare engari ko te reo whai mana. Ki te kahore e whakarangona te reo e te tokomaha o nga mema pakeha kahore he painga. Ko ta matou kupu ia ki o tatou mema huhua, ko te korero kei kohura kei hura- pa, kei whakapaeteka kei ngautuara. Kua oti i te Paremete he ture mo te ngau- tuara, ko te whiu he mau ki te wharehere- here, otira he pai nga mema, ko o ratou kai whakahaere ke te hunga whakahaere pooti kino. I whakatupato Apirana Nga- ta ki nga tangata e ngau tuara ana i a ia—e kohura ana i te korero. I te whaikorero a Tuhaka Kohere i konei i puta ai etahi kupu ana ki te matenga o nga whenua o tenei takiwa i a Wi Pere, ka riri nga kaiwhakahaere o Wi Pere, ka ki he tawai. I te whakahoki a Tuhaka i mea ia kahore ia i mohio e tawai ana ia. I whakamarama tetahi o nga kaiwhaka- haere o Mohi na te pakeha tenei mahi te pooti, kati whakaatu ai te pakeha i nga he o tetahi mema, na reira hoki ia i whai ai ko ia hei mema na te he o tetahi. Mehe- mea kahore he he o Wi Pere kaati e he ana era atu tangata katoa e whai nei kia riro i a ratou te turanga o Wi Pere. Otira kahore he take e kauwhau ai te tangata i te matenga o nga whenua o tenei takiwa i a Wi Pere no te mea he korero tena e mohiotia ana e nga tangata katoa, a i tika te kupu a Tuhaka Kohere konga he ngaro o Wi Pere kahore e korerotia e ia. Ko ta matou tino whakahe ia mo te ngautuara a tetahi o nga kai whakahaere a Wi Pere, a te taina o Wi Pere, a i whakaae ake hoki tetahi o nga kai whakahaere ki te ngau- tuara a tana hoa. Ko ana kupu hei patu i a Tuhaka Kohere, ara he korero kino mo te matua o Tuhaka kia whakama ia me ona uri katoa, he korero whakahe mo Mo- kena Kohere kua pungarehutia ki te one- one. Mehemea ana mo te tinana ake o Tuhaka Kohere enei kupu kahore a matou whakahe, kei te ora hoki a Tuhaka hei karo i a ia, tena koa mo te tupapaku kaho-
![]() |
2 2 |
▲back to top |
TE PIPIWHARAUROA re nei ona reo hei karo i nga kupu kino a te tangata mona. He tikanga tutua rawa tenei, a ki ta matou whakaaro kahore he painga o enei korero mo te pooti o Wi Pere. I te mea kua hemo noa atu a- Mokena Kohere, e tono ana matou kia ata whakama ramatia e te teina o Wi Pere tana kupu na Mokena Kohere i hoko a Patutahi, no te mea he korero hou tenei, kia rongo ai te tokomaha ki te tika ki te teka ranei o enei korero, inahoki kahore i te marama ki a matou. He mea pehea i taea ai e Mokena Kohere te hoko a Patutahi ehara nei hoki i a ia ? Ki ta matou whakaaro hoki i ta- ngohia a Patutahi e te Kawanatanga i ru- nga i te raupatu. Ko ta matou Ia i rongo ai, a he korero whanui tenei, i whai kupu a Mokena Kohere ki a Rongowhakaata me te Aitanga a Mahaki kia kaua e uru, e tautoko hoki i te Hauhau. Na to ratou korenga e whakarongo ka mate ratou me o ratou whenua i runga i te tikanga o te whawhai ehara i te mea tahae. He tawai ta te tangata mo tenei kau- matua he whakahonore ta matou. He korero whanui e tangohia ana e te Kawa- natanga a Waiapu na te Mokena ka ora, ko tana kupu ki te Kawanatanga, "Ehara i te pakeha taku riri, naku tonu." E ha- tepea ana te Hauhau i Te Pito na Te Mokena ka ora, i tohe a te Mokena kia ka- ua a Te Kooti e tukua ki Wharekauri, me i whakarongo te pakeha kua kore e pa he raruraru nui ki tenei motu, i mea a te Mokena kia tahuna ki te ahi te whare kooti whenua i Waiomatatini, i tona mohio hei huarahi mate tera mo te Maori, a he tika hoki ta taua koroua. He wha- kamanamana na nga uri a te Mokena i mate parukore atu nga ringaringa o to ratou tupuna no te mea rawa ka pungarehu ki te oneone ka timata te pani a te tangata kia pango tona ingoa ma. He whakatauki na te pakeha, "Waiho te hunga mate kia oki oki ana," ko nga kupu whakahe utaina ki nga mea e ora ana. E tino mohio ana matou e pouri a Wi Pere ina rongo ia ki enei korero. I kitea e etahi kuri he raiona tupapaku katahi ka timata ta ratou hohoni i taua raiona, ka tu etahi i runga i tana tinana; ngengere whakahi ai me te mea nei he nui Io ratou toa. Na, ko tetahi pokiha i ta- whiti e matakitaki ana mai ki aua kuri, katahi ka rere mai Iana kupu, "Na te mea ano ra ka mate a nehe tane, i ngengere noa ai koutou." TURE MURU WHENUA MAORI. KO te tikanga o tenei pire i tona wha kaaringa ai he tango i nga whenua Maori o Aotearoa e takoto noa ana kahore i te whakamahia, he tango ma etahi Poari e whakahaere, e tuku ki te reti, e mokete, e whakapai, ko nga Poari ma te Kawana- tanga e whiriwhiri. Otira na te Komiti i patu meinga ana kia whai mana tenei ture ki nga whenua anake o te Tai Rawhiti me nga whenua hoki ki te hauraro o Akarana ara ki te Tokerau. Kahore e riro ma te iwi kainga e whakaae, engari ka murua mo nga tau e 50. E ahei nga Poari ki te mokete moni ki runga i aua whenua, a mehemea e araia ana te mokete e ahei te Minita Maori te whakakore i te ture arai i te mokete. Ko te rehitatanga o nga whe- nua i waho i enei takiwa ma nga Poari e whakaae, kahore he tikanga e riro ai ma te Kooti Whenua Maori e rehita. No te whakahokinga mai a te Komiti i te Pire ki te whare ka whaoria e te Kawa- natanga he rarangi hou ara e whai mana te Kawanatanga ki te hoko whenua Maori, ko te utu kei runga i ta te Kawanatanga wariu, me titiro hoki te Kawanatanga me- hemea e whai whenua ana nga Maori e hoko ana i to ratou whenua, ki te kore whenua ratou ma te Kawanatanga e hoa- tu he whenua Karauna hei whakawhiti, engari e kore tenei rarangi e pa ki te Tai- Rawhiti me te Tai-Tokerau. I runga i te whakahe a Wi Pere raua ko Heke ka wha- katarewangia tenei rarangi mo nga tau e rua, hei te tau 1908 whakahaere ai, engari kei te pohehe pea o tatou mema, kei te Kawanatanga tonu te mana hoko whenua inaianei, kahore ano he ture whakakore. a
![]() |
3 3 |
▲back to top |
HE KUPU WHAKAMARAMA. I tono a Apirana Ngata kia whakaurua he rarangi tuku moni ki nga komiti Maori hei whakapai i o ratou whenua ko te nui o te moni hei tuku kaua e eke rawa ki te utu o te whenua, me hanga hoki he tika- nga e kore ai e maumauria e nga Maori nga moni mokete. Ko tenei rawa te rarangi pai o te ture nei no te mea heoi ano te mea e kore ai e murua nga whenua Maori ko te whakama- hia. E ki ana a Apirama kahore he pai o te whakawhirinaki ki nga ture ki nga kupu ranei a te Kawanatanga, he ture, he kupu pahekeheke, heoi ano te tino ture ko te ahuwhenua. Inakoa kua whakatarewatia te hoko mo nga tau e rua, huri rawa ake aua tau kua roroa nga niho, kua piango te puku, ka hohoni ana ki te whenua e kore e rikarika. E tino takahi ana tenei ture i te Tiriti o Waitangi, a kua puta te whakaaro ki te kitea te taumaha o tenei ture me haere ki Ingarangi ki te whakaatu ki te whenua matua kua takahia te Tiriti o Waitangi. Te take i hanga ai tenei ture muru he kaha no te kowhete o nga pakeha mo te herenga o nga whenua Maori e te Ture Kaunihera, he hua tenei ture no taua ture ano engari hoki ka turakina nga Kaunihera ka whakaturia he Poari hei whakakapi, engari hoki kaore e riro ma te Maori e pooti nga mema o aua Poari heoi ano ma te Kawanatanga e whakatu, kotahi ano te Maori o te Poari kotahi. He ana te manawa ! Ko nga iwi e mate ko Ngatiporou kei te takoto noa iho nga whenua, ara i Waiapu awa ki Taumata-o- Apanui, ko te Whanau-a-Apanui, ko Tuhoe ko Ngapuhi. Maumau noa te tautoko o tatou mema i te Kawanatanga na te Ka- wanatanga ano tenei Pire engari te Apiti- hana ara a te Mahi, tumuaki o te Apitiha- na, a Hereni mema mo Pei o Pereti, a Tianene mema mo Taranaki, i whakahe ki nga rarangi muru e tenei ture. Ko te Maori ko Hone Heke i whakaae ki te tikanga muru no muri mai ka rere ke hoki ana kupu. E mea ana matou he pai ke atu pea me pakeha he mema mo tatou. Taria te ahatanga, te ahatanga ranei o tenei ture engari whakapaua te uaua ki te whakapai i o tatou whenua inaianei. Kia ora e te Iwi, i a tato e pehia kinotia nei e te pakeha. HE INOI KI TE IWI PAKEHA. I TETAHI hui nui a te pakeha i tu ki Turanga nei ka whakatakotoria te Piti- hana a nga Maori o te Rohe Pooti o Waiapu ki nga pakeha, anei te pitihana e whai ake nei: HE INOI NA NGA MAORI O TE ROHE POOTI O WAIAPU KI NGA PAKEHA WHAI POOTI. Ki te Iwi Pakeha whai pooti o te Takiwa o Waiapu. E nga hoa i raro i te maru kotahi o to tatou Kingi atawhai, Tena koutou, kia ora ! He panga mai no te mauri ki te ngakau i toko ake ai te wha- kaaro kia tuku inoi atu ki a koutou, ki te hunga whai mana, whai reo, whai ringaringa, kua wha- kawhiwhia e te Ture, kia puta te aroha i o koutou ngakau ki o koutou teina, kahore nei he reo, kua tutakina nei nga mangai e te ringaringa maro o te Ture, ara kia turakina atu e koutou te hoko waipiro i nga rohe katoa o Waiapu a tenei pooti- tanga e tu mai nei. Kahore i rua o matou wha- kaaro mo tenei kai mo te waipiro, kotahi ano te whakaaro, ara, he kai kino rawa, he mea whaka- pohehe i nga whakaaro o te tangata, he mea wha- karawakore,whakamatautau i te tangata ki nga huarahi katoa o te kino. E tino mohio ana ma- tou ki te kahore he waipiro ka piki nga mahi me te tangata. Na koutou matou i whakaako ki te- nei wai kaha, ahakoa e matauria ana tona kino, otira e matauria ana ano hoki tona kaha nui ki te to inga hiahia o te tangata. He maha nga takiwa he tokomaha rawa nei nga Maori i nga pakeha e tu ana he whare hoko waipiro, otira ko nga Maori ko te hunga tokomaha kahore he pooti, ko nga pake- ha ko te hunga tokoiti e whai pooti ana. Na ko- nei matou, e nga hoa pakeha matou e noho tahi nei ite whenua kotahi, e hapai nei ite mana kota- hi, e koropiko nei ki te Atua kotahi, ka inoi atu ki a koutou kia tipia atu tenei taru kino i o tatou marae kia mahi noa ai te tane, kia haere noa ai te wahine, kia takaro noa ai te tamariki, kahore he mea hei whakawehi. Whakamana tenei inoi, a o koutou teina o te kiri mangu. Heoi ano, na:— Na Reweti Kohere i uaki te pitihana, ko ona hoa ko nga taitamariki o Te Rau Kareti me etahi atu e noho ana i te taone. I muri iho ka uakina ko ta nga tamariki na Hariata
![]() |
4 4 |
▲back to top |
TE PIPIWHARAUROA Nihoniho raua ko WI Whetu Keiha i whakata- koto, anei nga kupu e whai ake nei:— KI NGA MATUA PAKEHA. He inoi tenei na nga Tamariki Maori o te Rohe Pooti o Waiapu, ki nga Matua pakeha, kia wha- kangawaritia to ratou huarahi, ara kia turakina atu te Hoko waipiro a te ra pooti. Heoi ano na o koutou hoa ririki. Ko nga pakeha i tu ki te tautoko i enei piti- hana ko Rev. F. W. Tiatene, ko H. Hill, Esq., kaitirotiro o nga kura pakeha o tenei takiwa, ko J. Townley, Esq., Mea o Turanga. I mea a Te Tiatene he he te korenga o te mana pooti turaki i te waipiro i whakawhiwhia ki te Iwi Maori no te mea ko ratou te iwi e tino mate ana i tenei wai kaha. I penei ano nga kupu a te Mea a Hira he mea pai rawa kia tukua tenei pitihana ki te Paremete hei titiro ma nga mema, no te mea he he nui te- nei ki te Maori te whakatu whare waipiro ki o ratou takiwa i te mea kahore kau a ratou kupu, o ratou mana pooti ranei. I runga i te motini a Hira kia tukua e te Mea taua piti- hana ki te Paremete, tu ana te mano o te pakeha, kore rawa he mea i noho. Ka nui nga ingoa kua hainatia engari kei te tatari tonu matou ki nga ingoa o etahi kai- nga kia tukua mai, ko te take i roa ai ehara • i te mea kei te iwi engari kei nga kai mau i taua pitihana. O te taenga atu ano o taua pitihana kei te takoto noa iho. Ko te pakeha kanui te kai ngakau ki tenei putake ko etahi Maori ia kahore i te aro ake, kei te mataku ki te tono atu i te tangata kia tuhi i o ratou ingoa. He mataku pohehe tenei. E tuhi te tangata mehemea e ata tonoa ana. Kua tuhi- tuhi katoa nga tangata o etahi kainga, tanga- ta inu waipiro, haurangi, he rite tonu. E nga hoa ki te kore e taea e koutou te haere hoatu nga pukapuka ki nga mea watea ki nga tama- riki, ko te he ko te waiho noa iho, he mahi nui tenei he kimi oranga mo te tangata, koia nei tetahi tino mahi Karaitiana ko te rapu i te painga mo era atu tangata. Kia kaha te ma- hi i tenei kai kino kia hinga atu, kia tupu ake ai a tatou tamariki kahore he whare waipiro hei whakawai i a ratou, hei whakaako ki te haurangi. Hei te 20 pea o Noema tu ai te pooti, kaati kia tae mai nga pukapuka i mua mai o tena ra E tuhituhia e matou nga kainga katoa i ha ina i tenei pitihana. Heoi kia kakama, kia hi hihiko te ngakau, kaua e puhoi e porori. HE KUPU KI NGA WHAEA. TE WHAKAHAERE. (NA Mrs. C. N0RTHCOTE). KO nga korero o te upoko kua korerotia e tatou mo Te Kainga me te Tane, i wha- kaarohia ai e tatou etahi take i kore ai te tane e ngakau nui ki tona kainga. Ko tetahi o nga ti take nui e tau ai te painga ki te. kaainga kei runga i te Whakahaerenga o nga tikanga o taua kaainga, a ki te mea he pono tenei kupu, he mea tika kia ata tirohia e tatou te- nei putake. I kitea e ahau i roto i tetahi pu- kapuka—kua kite ano pea koutou—tetahi ko. rero he pono, he mea hanga noa iho ranei, oti- ra he korero ataahua whakaako i a tatou. I whakahaua e tetahi wahine pai kia tino rite rawa te mahi a tana kotiro hei mahi i nga mea katoa o roto i te whare, kia kaua rawa tetahi mea e takoto he ahakoa e kitea ana e te tangata kaore ranei. I te riri o te kotiro ki te taikaha rawa o nga tikanga a tona ranga- tira, ka whakamarama taua wahine i te take i pera ai ia, no te mea, i tana nohoanga ki ta- na whare ka kitea e ia i te Paipera te haere- nga o Ihu ki tetahi kainga a "ko tetahi wahi- ne ko Mata te ingoa, i whakamanuhiri i a ia ki tona whare, " na reira mea ana ia kite Atu- a kia whakawhitia te ingoa o Mata ki tona, a kia meinga tona whare hei whare nohoanga mo te Atua. I whakaaro taua wahine no te Karaiti tona whare a ko ia he pononga kau. E kore ia nei e tika kia meinga ko te Karaiti hei rangatira mo o tatou whare katoa, a ki te mea he pononga tatou nana ko ta tatou mahi, " kaua hei Ia te kanohi mahi, he whakamana- tareka tangata hoki tera; engari hei runga i te ngakau tapatahi, me te wehi ano ki te Atu- a," e waiho ranei tetahi kokonga o te whare ki- a puehu ana, a e mangere ranei tatou ? Ki te mea he pononga tatou na te Karaiti e kore ra- wa tatou e penei. Kia mahara tatou ko te Karaiti to tatou rangatira e mahi nei tatou. Kua whakaaturia ehara a tatou tamari- ki i a tatou ano, engari na te Atua waiho- ki ehara o tatou whare i a tatou ake engari no te Karaiti, kahore ia e whakaae ki te mahi ma- ngere, e whakaae ranei ia ? E mea ana ia ki tena ki tena o tatou, " Haere koutou ki taku mara waina." E whakaritea ana e ia ma te- tahi he mahi nui he mahi rangatira, ma tetahi he mahi hauarea—he tahitahi noa he ngaki taru, he rui ranei i etahi kakano pai ruarua nei—e whakahaweatia ranei e tatou i te me- a he mahi paku, a e amuamu ranei tatou i te nui rawa ? Ko etahi e mahi ana i te tikaka-
![]() |
5 5 |
▲back to top |
HE KUPU WHAKAMARAMA. tanga o te ra, ko etahi mo te wa poto nei, oti ra ko te Atua te Rangatira, a ko ia ano te kai titiro mo te ahua o te mahi. I waiatatia e Ho- ri Hapeta:— Ahakoa he mea iti nei Ina mahia he whakaaro ki a Ia, E kanapa ano, e ma. Ko te pononga e penei ana E meinga te mahi hoha na te Atua Ko ia e tahi ana i runga i taua ture E mea ana i tena hei mea pai. Ko tetahi mea nui ko te rite o nga mea katoa. E kiia ana ko tenei te ture tuatahi o te Rangi, a e kore hoki e tika a tatou mahi ki te kahore tenei. He wa ano, he wa ano, mo ia mea mo ia mea. Kua kite ranei koutou i te whare e he ana nga mea katoa? I tomuri te haerenga o te tane ki te mahi i te porori o te kai; i to- muri te haerenga o nga tamariki ki te kura; no te tina rawa ka horoia nga nihi; kahore nga kakahu i horoia i te Mane i te Turei ranei; ka- hore he wahi he wa ranei mo ia mea mo ia mea kua taupatupatu noa iho. A he aha te tuku nga iho? Ka hoha, ka pukuriri nga tangata, katahi ka porahurahu rawa. E kore e tauma- ha ake te mahi ina mahia i te wa e rite ana, e kore hoki e roa ake te wa ina waiho ia mea ia mea ki tona takotoranga ki tona takotoranga, engari hei te wa e hiahiatia ai kahore he rapu kahore he aha! Ae! e mohio ana ahau he nui te mahi ki eta- hi o koutou, a e kore e taea te mahi, i te ma- te o te tinana, o tetahi atu ranei, otira ko tenei te wa e kite ai koe i te pai o te takoto rite o nga mea katoa. Ki te pangia koe e te ma- te, ka ngawari ke atu te mahi a tetahi atu, a tetahi ranei a o tamariki, ina taea e koe te ki atu te takotoranga o ia mea o ia mea, a e ko- re ratou e kimi e hurapa ranei i nga wahi ka- toa o te whare. Me whakairi te potae, hei tona turanga ano te puruma, whakawhaititia nga kakahu, kaua e waiho kia toha noa ana, " he wahi ano mo ia mea mo ia mea; he mea ano mo ia wahi mo ia wahi." He kupu ano taku mo nga hoa. He hoa mau korero ranei ou? Haunga ia te wahine he otinga nei no ana mahi i haere mai ai kia ki- te i a koe, he pai tena, engari ko te wahine e hurapa na te korero, e ngau tuara na ki te ta- ngata, e wehi nei koe ki te whaki i tetahi korero ngaro, pai atu mou kia kaua koe e whakahoa ki nga wahine penei, ki te tupono koe ki tenei tu wahine, me titiro e koe te ahua o tona whare mehemea e pai koe kia pera hoki te ahua o tou. Kei te takoto he nga mea katoa, a ki te ui koe ki te take i pera ai. tera e ki mai he nui no te mahi ki a ia. Heoi ra, kia mahara ta- tou ko tetahi mea tino nui o te whakahaere ti- ka i tou whare, ko te takoto rite o nga mea katoa (Order). Ko tetahi mea nui ano ko te Whai whakaaro (Tact). Me whakamarama ake eau te tikanga o tenei kupu. E rua nga huarahi hei mahi- nga i ia mea i ia mea, ko te huarahi tika ko te huarahi he, kahore ranei e rua? Ko te tika- nga o taku koia tenei, ara, ko te mahi i te mea tika i te huarahi tika. E whakatakariri ana tatou ki etahi tangata mo a ratou mahi mo a ratou kupu ranei ahakoa hei panga mo tatou a ratou mahi a ratou kupu ranei. He mea paku noa te take i he ai i tika ai ranei tetahi mea nui. Tena iana kia whakamaramtia e ahau. He riri anake tau mahi ki to tane i ia ahiahi i ia ahiahi, mo tana haere tonu ki te whare hoko waipiro; kahore e tika kia haere ia ki reira. a e mohio ara koe kahore i te tika, na reira koe ka tohe ka kowhete kia kaua ia e haere; otira kahore ia e noho, engari ka korero kino mai ki a koe, kahore noa ranei e aro ake. Te- na whakamatauria he huarahi ke. Hokona he hu kakahu mona, tangohia ona puutu taumaha me tona koti mahi, ki te whai taima koe mauria mai tau tuitui, ka korero ki a ia ka uiui ranei ki a ia i etahi korero, waiho ia kia puhipuhi ana i tana paipa. Ki taku wha- kaaro e kore ia e kuhu i ona puutu, e haere ki te paparakauta, ki te kotahi te pehanga a te tangata i tona ngakau e ngawari tana pehi i muri atu. Koia nei te tikanga o taku kupu mo te Whaiwhakaaro, a e marama ana, he mea pai hei awhina i a tatou i nga huarahi maha. He tino kupu na te tangata "me ko- rero e ratou ta ratou i whakaaro ai;" engari ra he tika ranei kia korero tatou i nga whakaaro katoa tatou ngakau? He tika ranei nga whakaaro katoa o te tangata, a e tika ana ra- nei kia whaikupu ratou i te mea kahore nei i tonoa? Kaua tatou e tohutohu noa ki nga tangata kahore nei tatou i te paingia, a kahore tatou e paingia e te tangata ki te kahore o ta- tou aroha (Sympathy). He aha ianei te take i kore ai koe e wehi ki te whakaatu i ou raru- raru ki tetahi tangata a kahore ki tetahi? Na te mea he tangata aroha tetahi, ehara te- tahi. He tokomaha nga tangata, e kore e taea te arahi, otira e kore rawa e taea te a; e ngo- hengohe ratou ki te tangata aroha, whaiwha- kaaro, e kore ia ki te tangata taikaha. E mo- hio ana koutou ki te korero o te Ra raua ko te Hau, i totohe nei ko wai ra to raua mea kaha ki te mea i tetahi tangata kia unu i tana koti. I pupuhi te hau hinga ana te rakau, otira ka
![]() |
6 6 |
▲back to top |
TE PIPIWHARAUROA kaha rawa te pupuhi a te hau, katahi ka kaha rawa te whitiki a te tangata ra i tona koti. Tena ko te ra ka whiti, mahana ana, i te kaha o te wera o te tangata nei ka unuhia tona koti. Waihoki ki te tika ta tatou whakahaere ka ngawari a tatou mahi, ki te he ka uaua nga mea katoa. E mama ai a tatou mahi ma te Takoto rite o ia mea o ia mea, ma to tatou Whaiwhakaaro, ma to tatou Aroha (Order, Tact, and Sympathy), tera atu ano etahi enga- ri me waiho hei upoko ke, ko enei e toru ia ko te kaupapa tenei hei turanga mo te kai- nga koa, mo te kainga pai. PUTUPOORO. Kei te ngaehe tonu te haere a Niu Tireni, kahore e totika nga tangata o Ingarangi. WHENUA. PAINA. WHENUA. PAINA. • Niu Tireni ... 55 Devon ... 4 " ... 41 Cornwall ... o " ... 41 Bristol ... o " ... 32 Northhampton ... o " ... 28 Leicester ... O ".....34 Middlesex ... o " ... 16 Durham ... 3 " ... 63 Hartlepool ... o ".....31 Northumberland o " ... 44 Gloucester ... O " ... 22 Somerset ... O " ... 21 Devonport Albion.. 3 " ... 21 Midlands ... 5 " ... 11 Surrey ... o 460 15 TURE KAUNIHERA. Ki TI; ETITA O TE PIPIWHARAUROA. TENA koutou ko nga tangata o te Kareti e ako na ki te mahi o te matauranga Karaitiana. E hoa tukua atu nga wahi kupu nei kia rere i runga i te nehu o te moana ta- pokopoko a Tawhaki ahu atu ki runga ki nga pu •awai o nga rakau a Maui nana nei i hi te whe- nua ki nga kupu a etahi pakeke. Kaati kua tima- ta te haere o nga tangata e hiahia ana hei me- ma mo te Paremata ki te kauhwau i ana ka- pu i mohio ai hei kupu mana e haere ai ki te Paremata. E hoa ma, e aku hoa e kauwhau ha •ere nei koutou, engari kau pea te haere o te tangata i te hinaki pouri e pai ana i te haere atu ki runga i te tuuru o te whare Parema- ta, he maumau kau kua pau nga mataura- nga i a Hone Heke, atu pea i muri mai i runga i nga tau i noho ai a Hone Heke tae noa ki te tau 1900 te tau ka whanau ko te tu- re Kaunihera hei whakahaere i tetahi ture e ora ai te iwi Maori, heoi i te whanautanga mai o tenei ture kahore ano kia tae ki te tutu •kitanga, ina hoki ka mahia ko nga whenua e taua ture kaunihera kahore ano i oti noa kia tae ra ano ki te Kooti Whenua Maori kata- hi ano ka tatu te ngakau o te tangata. E nga matauranga katoa tena koutou, ki a au na te •nei ture i pau ai o tatou toenga whenua he whakaaro noku ko nga whenua here katoa ku •a titari katoa i taua ture ahakoa kei hea te rohe potae na taua ture ka titari te mutunga iho ma te Kooti Whenua Maori e whakatatu. Ko ehea ture ra a nga tangata e oke nei kia haere hei mema? He nui te hiahia o te tanga- ta hei mema engari ko nga moni ke ra te pu- take nui, hore rawa he tangata kuare ki te ko •rero mo nga taha waho nei, engari kia tae a •tu ki taua tuunga he aha te aha, kua rite ki nga kai tutei i a Iehu te haerenga atu o aua kai tutei ka mea, "He pai ranei e Iehu? Ka mea a Iehu, Hei aha mau te pai." Tera e pera nga mema ka tu ki tana motini e tika ana ki te titiro a te kawanatanga kua utua ki te koara ki te hiriwa. Kaati kei te tautoko ahau i te kupu mo te turaki i te waipiro . Kei te pai nga korero a Tuta Nihoniho kia rite katoa te iwi Maori ki turaki i taua taniwha. Na to hoa M. Houtaewa.
![]() |
7 7 |
▲back to top |
HE KUPU WHAKAMARAMA. TE HINAKI A HUARE. (NA TIPIWHENUA.) E MOHIOTIA ana e te Tairawhiti te whakatauki a Huare, i te uinga atu ki a ia "Aha ake Huare?" ka whaka- hokia mai e ia, "Puraho maku, kei ngaure o mahi." Otira no te kootitanga o Te Pakihi po- raka katahi ano ka rangona e au te putake mai o taua whakatauki, na tetahi tonu ia o oku tupuna. Kei roto o Parera kei ru- nga i te pukepuke te Hinaki a Huare, oti- ra i te kuare o tetahi o nga kai tawari ka kiia kei te wai engari na tona tupuna ke taua hinaki, he mahara pea he ingoa ngaro a Huare, na taua tangata ano i ki he pari- ri na ona tupuna tetahi o nga taniwha o roto o Parera. I te ahiahi ka haere a Huare ki te wha- katakoto i tana hinaki hua noa te tangata kei te wai kaore kei te manga ia i tahaki tonu, he manga rerenga wai ua, i te ata ka takina e Huare tana hinaki, kiki tonu i te kai, katahi ka whakawaha ki te kainga he nui tona koa. I te kitenga mai o nga tangata i a Huare e haere atu ana ka ui mai, "Aha ake Huare?" Ka whakahokia mai e Huare, "Puraho maku kei ngaure o mahi," ka tangohia e ia tana hinaki i tona tuara; no te ringihanga i nga kai ki waho ngaweki ana te tuatara, ka omaoma te ta- mariki i te mataku i te ngarara. Na, e waihotia ana tenei hei tino wha- katauki ma Ngatiporou puta noa i te TaiRawhiti katoa, "Puraho maku. kei • ngaure o mahi." I te kakama o te tanga- ta ki te whakato i ana puke matamua ka whiwhi ia i te tamahou ka ki, "Puraho maka, kei ngaure o mahi." Ka hoki mai te waka i te hi, ka mate te ika, ka pepe- hatia enei kupu. Ki te hoki mai te tanga- ta i te tiki i ana tarake, ka uia atu e nga mea i te kainga, "Aha ake Haare?" Ki te mea i mate i a ia te koura, ka whakahokia mai e ia, "Puraho maku, kei ngaure o mahi." He tupuna no Reweti Kohere a Huare. Ruawaipu Parawhenuamea T amatauira Wakarara Tahingaroaahau Hotumoori Rerepuhitai Tamahinengaro Ngakau Mounu Wharepapa Huare Hauauru Hikakino Rangikakea Kirianu Tamaiheka NgawhakahiaoNgawhakahiao Rangitakaia Umutahi Henarata Reweti Kapua. - HE PANUI. Kei a matou etahi Katikihama he akoranga ma» te Tamariki me Nga Inoi mo nga Ratapu Ke te whakaatuma i tetahi minita ana e hiahia ana hei ukuu nootia atu.
![]() |
8 8 |
▲back to top |
TE PIPIWHARAUROA NGA MATE E PEHI NEI I TE MAORI. Ki TE ETITA O TE PIPIWHARAUROA. EHOA tena koe! Tenei etehi korero hei panui atu ma ta tatou manu ki te iwi Maori o to tatou motu o Aotearoa ara o te ika a Maui. Ko te take o nga mate e pehi nei i te iwi Maori, he kakahu i nga kakahu maku kaore e tere te unu ana maku nga kakahu. Ko tetehi take he kakahu paranene i tetehi ra i tetehi he ha- te miro noaiho (cotton shirt). I te rau- mati ka haere i roto i nga kakahu wuru, hei te makariri ka haere i roto i nga kaka- hu angiangi, ko tenei tetahi take e pangia nei te iwi Maori e te mate e kiia nei he kohitu (consumption). Ko tenei tetahi mate e huna nei ia taua i te iwi Maori. Ko tetahi take i pa mai ai tenei mate he moe no te Maori i nga wahi hau maku, kaore e whakapai i a ratou moenga, he moe noaiho ki runga i te oneone korekore nei nga aruhe ko te kongukongu poha ki runga ake, kaore rawa he painga o tenei tu moenga, ka haere tonu ake te hau ma- ku o te whenua ki te tinana, a pangia iho e te rumatiki me era atu mate. He papa mae no toku ngakau ki te iwi Maori na reira au i tuhi ai i enei wahi korero ki roto ki te Pipi, hei werowero i nga hinengaro o te iwi Maori, kia noho mataara ki te rapu whakaaro hei pehi i enei mate whakariha- riha kua whakahuatia ake nei e au. Otiia kua korerotia ano pea e Takuta Pomare enei korero kia koutou i a ia e haere ana ki nga kainga Maori, ki te kauwhau i te ora mo te iwi Maori. Heoi e te iwi kia kaha te rapu oranga. Kati he motini te- nei naku kia koutou katoa kia kaha ki te pupuru i o koutou whenua, kaua hei hoko puritia hei oranga mo koutou me a koutou tamariki mo a enei whakatipuranga e taka mai nei. Ko taua ko te iwi Maori kei ra- ro i te mana o te Kingitanga o Ingarangi. Ko nga ture e whakatoria ana ki nga pa- keha kei runga i te iwi Maori e taupoki iho ana. Heoi te iwi Maori kia mau ki to pupuri i o koutou whenua, kei maanu ki te Moananui a kiwa, a ma wai e whai atu. Heoi ano. Na PIKI PORIMA. TANIWHA HORO TANGATA. KA tata te ra pooti o te pakeha, hui atu ki nga awhekaihe,, e pootitia ai enei take e rua:— (1) Nga mema pakeha. (2) Te Turaki te whakatu ranei i te hoko waipiro. Kei te tangata tana mema e pai ai engari he tono ta matou ki nga awhekaihe whai- pooti kia turakina e ratou tenei kai weriweri mo enei take me etahi atu kahore e poto te tuhi. Ki te hinga te hoko waipiro:— (1). Ka iti te hara o te tangata. I mea tetahi kaiwhakawa o Aerani," Kote wai- piro te matua o nga hara katoa o Aerani." Ko Ahipatane tetahi wahi o Niu Tireni nei kua hinga te hoko waipiro. I te tau -903 i te mea e tu ana te waipiro i nga marama o Oketopa me Noema e 9 nga tangata i mau ki te whare herehere, i te tau 1904 i aua marama ano i te mea kua hinga te waipiro kahore rawa he tangata kotahi i mau ki te whare-herehere. (2) Ka whai rawa te tangata. Ko nga moni katoa e hokona ana KI te waipiro e maumauria ana. Na te pau o nga moni a te tangata i te waipiro i kore ai e nui te kai ma ratou ko tana whanau, i kore ai e pai e nui ranei nga kakahu, e pai e nui ranei te whare me nga mea o roto o waho ranei o te whare, i kore ai e piki ana matai whenua. E haurangi ana etahi tangata whairawa otira me i Kore ratou e inu waipiro e nui ke ake a ratou rawa. 1 te tau i mutu ai te hoko waipiro ki Ahipatene, e £24, 990 o 4 te pikinga o nga moni o te Peeke Poutapeta i te tau e Hokona ana te waipiro. (3) Ka ora te tinana. Kua puta te kupu a te takuta nana nei te Kingi i ora ai, ne paihana te waipiro, kahore rawa he pai- nga ki te tinana o te tangata. Kua puia hoki te kupu a etahi atu takuta ma- tau he putake no nga mate maha te wai- piro, he putake no te Mate Kohi no te aitua. (4) Ka iti te porangi. I haurangi ai te ta- ngata he urunga no te waipiro ki ona roro. i 2123 nga t>, tangata o tenei koroni na te waipiro i porangi ai. Ko nga wahine inu waipiro e uru ana te kino o te waipi- ro ki a ratou tamariki.
![]() |
9 9 |
▲back to top |
HE KUPU -WHAKAMARAMA. (5) Ka tokomaha nga tamariki, ka ora, ka tae ki nga kura, ka tupu ake kaore e mo- hio ki te kai waipiro kaore hoki he whare waipiro hei whakaako ki te haurangi. (6) Ka piki te moni ki nga toa, ka utua nga nama. Inaianei e riro ana i nga whare waipiro etahi o nga moni a nga toa. E £2000 te nuinga ake o nga moni wini o tetahi toa paku o Ahipatene i te tau i te hinganga o te waipiro. (7) Ka iti iho nga moni taake tiuti ranei. Te utu o nga tiuti o nga raihana waipiro hui katoa e £703, 153, nga moni e pau ana o te koroni £3, 056,, 590, te rui- hi £2, 353.437 haunga nga moni i pau i nga whare-herehere, i nga pirihimana, i nga whakawakanga i nga haurangi i nga kino ranei o te haurangi, i te whangainga i nga pani a nga haurangi, i nga rawa- kore Kite whakapaungia tenei £3, 056- 590 ki etahi mea atu ki te mihini ki te kakahu ka nui ke atu te whiwhi o te Kawanatanga i nga tiuti a kahore he niho, ka piki te wariu o te taone. Na konei i heke ai nga reiti o Ahipatene 6d. i roto i te pauna. I mea a Ta Hohepa Tiamurini, Hekeretari o nga koroni, he tangata tino matau no Ingarangi, "Ki te whakakorea te waipiro i Ingarangi, ka mi- riona, miriona pauna te hekenga o nga taake. Otira e tohe ana etahi tanga- ta kuare ka piki nga taake. Mehemea e piki nga taake he aha i kaha ai a Te Waara raua ko Taratoa ki te turaki i te waipiro, he tangata whai taonga, whai whenua? (8) Ka nui te mahi me te moni ma nga ta- ngata kaimahi. O era atu mahi katoa neke atu i te £33 o roto i te £100 e riro ana i nga kai mahi otira o te £100 e pau ana i te mahi waipiro e £7 105 o ano e riro ana i nga kai mahi ko £92 103 o e riro ana i te rangatira. (9) Ka ora nga wairua o etahi tangata. E mea ana te Karaipiture e kore e tomo atu ki te rangi te hunga haurangi. Kia mohio hoki ka tu tonu nga paparakau- ta ko te hoko waipiro anake e whakamutua. Ehara enei take i te mea hanganoa, e taea e matou te whakaatu te tika o enei take katoa, na konei ra ki te pooti koutou PATUA TE RAINA TUATAHI. ARA KIA PENEI— Vote that the number of Licenses existing in the district be Reduced Vote that no Licenses be granted in the district Kaua rawa tenei pukapuka e mauria ki te whare pooti, e panuitia ranei i nga ra e mua mai i te pootitanga. Ka he te tangata i runga i te ture hou. I tae mai tetahi kaumatua maori ki Tura- nga nei a i miharo ia ki te mahi o te pakeha i te Ratapu. I tana kitenga i tetahi pakeha e ngaki ana i tana kaari i te Ratapu a i tana ko -re hoki e mohio ki te reo pakeha katahi ka to -hu whakarunga tona ringa hu whakamahara nana i taua pakeha ki te Atua kia mohio ai ia ki te he o tana mahi. Kahore taua pakeha i mo- hio ki te tohu a taua kaumatua, heoi ka titiro whakarunga. Ka mahi ano taua pakeha ka to -hu ano te ringa o taua kaumatua ki runga, ka titiro ano taua pakeha ki runga, katahi te ko -roheke nei ka wehi kei kanga ia e te pakeha, haere ana engari i mahue atu i a ia te pakeha e tirotiro whakaterangi tonu ana.
![]() |
10 10 |
▲back to top |
TE PIPIWHARAUROA KUA HOHATIA TE MOMONA. Ki TE ETITA O TE PIPIWHARAUROA. KIA ORA i runga i te mana nui o te whakapono, i runga hoki i te Rangi- marie o nga mahi a te Hahi Matua ara, a te Hahi o Ingarangi, kei raro nei tatou i tona Pono, me ana mahi tohu ara, te Tika te Pono me te Aroha noa. Heoi, Kia ora ! Na e te Etita he whakamarama atu taku ki a koe i te ingoa iriiri o te whare tu ki te patuwatawata, ko tona ingoa ko "te Huarahi pono," ko taua whare he whare karakia no te momona, kei te takiwa o Te Arai nei e tu ana, no te takiwa e whai Momona ana konei, kati ko te tekau ma rua pea tenei o nga tau i mutu atu ai te karakia ki roto i taua whare. Ko te mutunga tonu atu tera o te Momona ki konei, ka riro taua whare hei kitini mahi- nga kai, muri iho ka noho hei pakoro parare- ka, paukena hoki, muri iho ka noho hei whare hanga poti, muri iho ka noho hei whare paki, kaata, parau hoki muri mai ka riro i te rangai poaka. Ko te himene a tena iwi a te poaka rari ai, kaore he kupu, ko te kauwhau ngongoro ai nga ihu i roto i to ra- tau na whare, ka mahue ra hoki i te hahi tapu o Paora Hopere raua ko "Pa tuwatawata," i muri mai ka riro i te hoiho, e rua nga hoiho purei i roto e tereina ana. E hika he aha ia nei kia ahatia nga mahi a te Momona whaka- hua rawa i te ingoa tapu ki runga ki te whare, kai te Momona ia ka karangatia te poaka raua ko te hoiho hei hunga tapu, koia nei anake hoki nga Momona kai roto i taua whare, e manaaki ana i a te HUARAHI PONO. Kai te mohio katoa nga Momona e tae ana ki roto i tenei whare karakia ai ki tenei ingoa he mea ata tuhituhi ki te whatitoka, no te wa ka riro nei i te poaka raua ko te hoiho ko tenei ingoa ko te "TE WHARE-Tu-KI•TE-pA- TUWATAWATA." E tino mohio ana ahau ki nga rangatira o tenei whare, kua puta katoa kai waho o te Momona. Ko "Tuwatawata" tangata he timuaki no taua hahi, o tona putanga ki waho ka uru ki te hahi o te kaupare i reira ia e kauwhau ana i te oranga, e rima pea nga tau ki tena hahi ka mahue, kai te noho noa iho ia kaore ona hahi, ko te ono pea tenei o nga tau e noho ana kaore ona hahi, ra e hoa he nui te whaka- ma o toku tinana mo te panui a "tuwatawata," kei te nui tonu te Momona ki konei a e mea ana te ahua o taua panui kei te Momona tonu ia, na e hoa maku e whakamarama atu nga hahi o "tuwatawata," tuatahi, he mihinare, tuarua he momona, tuatoru he kaupare, tua- wha he noho noa iho, a kati kei enei ra pea e heke iho nei ka tae mai ko te hahi tupou, ka parea pea ko nga waewae ki runga, e te Etita mehemea ko te korero anake mo te tinana o te Atua, i panuitia e tuwatawata e kore au e tuhituhi i tenei reta, no runga i tenei ki a "Tu." Kai te nui tonu te momona ki konei a he teka tau kupu kua hoha te tangata. Koi a i tuhi atu ai i tino pouri au mo tenei mea, i tuhia hai patu i a koutou nupepa, kei te titiro iho hoki nga iwi o nga motu e rua nei, na kei te korero parau Te Pipiwharauroa, na e hoa ma e kore rawa e tau kia karangatia a "Tu." he Momona, ki te kohuatia hoki te taewa e kore e ahei te whakahua he mata engari he maoa, waihoki me Tu, ka karangatia he tautangata noa iho. Kati iho e te Etita nga whakamarama i te mea ka tu te ringa ki te tautoko i a koutou. Na te whenua e tu nei a "te•whare-tu-ki-te- pa•tuwatawata." Na Papatuanuku e takoto nei auau-aue ha. Manutuke Okotepa 3, 1905. PITOPITO KORERO. I mate tetahi tamaiti maori ki Uawa; ki ta te takuta ki ko te take o te mate he kaha no te whangainga i taua tamaiti ki te miki tini No te 15 o tenei marama ka marenatia etahi kaumatua, e 80 nga tau o te tane, e 66 o te wahine, a e 25 pea nga tau i moe noa iho ai raua kaore i marenatia, He tauira tika tenei ki nga tangata he taitamariki nei engari kaho- re ano kia marenatia.
![]() |
11 11 |
▲back to top |
HE KUPU WHAKAMARAMA HE TUPAPAKU NUI. Kua mate aTakuta Panato (Barnado),tetahi o nga tangata rongo nui o te ao, tetahi o nga tangata nunui o te ao. I mohiotia tenei tangata e nga wahi katoa o te ao e nga iwi katoa, mo tana atawhai i nga tamariki pani i nga tamariki kahore he kainga. Ko tana hia- hia tuatahi he haere ki Haina ki te kauwhau i te Rongo Pai. I te mea ka 21 ona tau ka tutaki ia ki tetahi tamaiti kahore ona kainga na tenei i whakaatu ki a Takuta Panato he to- komaha ratou e moe ana i waho, no tona ha- erenga i te po ka kitea e ia e tawheta aua to- na tini o te tamariki i waho noa, kahore he ka- kahu, ka pupu ake te aroha i tona ngakau, ka huaina e ia he mahi mana he tiaki tamariki pani rawa-kore. I nga tau e 40 i mahi ai tenei ta- ngata e 60,000 i whakatupuria i whakaakona e ia a i whakawhiwhia hoki e ia ki te mahi i nga wahi katoa o te ao. Ko te nuinga o ana tamariki i tukua e ia ki Kanata ki tera whenua mahi ai. Ahakoa i hikitia ake ana tamariki i roto i te paru i te kino, otira ko te nuinga o ana tamariki e totika ana, tokorua ano pea o roto i te 100 e he ana, tena ko o tatou kura ko o te Maori, ko te tokomaha e he ana he toru- toru nga mea e totika ana. Ki ta matou wha- kaaro tetahi take nui i tika i pai ai nga tama- riki a Panato na te whakaakoranga ki nga mahi a ringa ki nga mahi ahu-whenua. Kei te tangi nga tamariki a Takuta Panato i nga wa hi katoa o te ao. Kia penei te mate o te tanga- ta, kia waiho i te ao e 60,000 ana tamariki i awhina ai, i whakatupu ai, i whakaora ai i nga huarahi o te hara, nui ke atu te hari i to te tangata i mahue iho nei ki te ao e £60,000. E whakaturia ana he whakamaharatanga mo Takuta Panato ki Ingarangi. " Ka hari nga tupapaku e mate nei i roto i te Ariki i nga wa a muri nei: Ae ra, e ai ta te Wairua, kia oki- oki ai ratou i a ratou mahi, e aru tahi hoki a ratou mahi i a ratou," (Whkite 14 13). " Ka whakatika ana tamariki he kupu manaaki ano ta ratou mona" (Whtau. 31 28.) HE KAPU WAI MATAO. Ki TE ETITA O TE PIPIWHARAUROA. Kia ora. E manu me hari atu e koe enei toru kupu aku, ara, he whakawhetai naku ki a Mahauwhero raua ko Tarawau, o Rahotu Taranaki. Mo to raua aroha ki te homai ma- hinga taewa ma Maria H. Kaipo me tana wha- nau, na raua ano i parau, na raua nga taewa, heoi ano ta maua he ngaki i nga taru. Kaati ahakoa aitua noa te taewa kua puta ke tenei aroha nui. Ma te Atua korua e awhina. Kua kainga te kapeti hou na maua ano ko Rev Papania i huri te mahinga a na Mana i wha- kato, heoi ra kua kainga inaianei, ka tata hoki te taewa te kainga. Rev. Hone W. Kaipo. TE POUNAMU MAORI. E panuitia ana e tetahi pepa Maori he wai- piro pai a tetahi pakeha, a, ko nga Maori me haere atu ki reira. He pehea te ahua o te wai- piro pai ? Kahore ranei te tangata e haurangi i te waipiro pai ? Ki ta matou nei whakaaro hoki he kino nga waipiro katoa. I te whaikorero a te minita Mihinare o Tu- ranga nei, ka korerotia e ia te matenga o teta- hi pakeha i te karaihe kotahi. Kotahi ano te karaihe huri tonu atu te mahunga o taua tanga- ta, taka ana ki raro i tona hoiho. I tona taenga ki te kainga ka takoto. I haere tana wahine ki te ui ki te take i mate ai tana tane i te ka- raihe kotahi, mea mai ana te tangata o te pa- parakauta he pohehe nona, ko taua karaihe no te pounamu i whakaritea ma nga Maori. He mea whakananu pea ki te tupeka ki te purutoone. Awhekaihe ma turakina atu tenei kai e whakakuri nei i a tatou.
![]() |
12 12 |
▲back to top |
TE PIPIWHARAUROA. ഀ䠀䔀 吀唀刀䔀 吀唀吀唀刀唀⸀ഀഀ⸀ 䬀漀琀愀栀椀 瀀甀琀愀渀最愀 漀 吀䔀 倀䤀倀䤀圀䠀䄀刀䄀唀刀伀䄀 椀 琀攀 洀愀ⴀ ഀ爀愀洀愀⸀ഀഀ㈀⸀ 䬀漀 琀攀 漀爀愀渀最愀 洀漀 琀攀 瀀攀瀀愀 攀 爀椀洀愀 栀攀爀攀渀椀 ⠀㔀⼀ⴀ⤀ 椀 琀攀 ഀ琀愀甀Ⰰ 洀攀 渀漀漀琀椀 漀 琀攀 倀漀甀琀愀瀀攀琀愀 洀攀 瀀愀渀攀 爀愀渀攀椀⸀ഀഀ㌀⸀ 䬀椀 琀攀 栀椀愀栀椀愀 琀攀 琀愀渀最愀琀愀 欀椀 琀攀 琀愀渀最漀 椀 吀攀 倀椀瀀椀ⴀ ഀ眀栀愀爀愀甀爀漀愀 洀攀 琀甀欀甀 洀愀椀 攀 椀愀 琀攀 洀漀渀椀 椀 爀漀琀漀 椀 琀攀 ഀ爀攀琀愀 眀栀愀欀愀愀琀甀 洀愀椀⸀ 䠀攀 眀栀愀欀愀愀琀甀 愀渀漀 栀漀欀椀 欀椀 渀最愀 ഀ琀愀渀最愀琀愀 攀 琀愀渀最漀 愀渀愀 椀 琀攀 瀀攀瀀愀Ⰰ 欀愀 琀愀攀 欀椀 琀攀 眀愀 攀 ഀ瀀愀甀 愀椀 愀 欀漀甀琀漀甀 洀漀渀椀 琀甀欀甀 洀愀椀 欀愀 琀愀欀愀椀愀 琀攀 瀀攀瀀愀 ഀ欀椀 琀攀 琀愀欀愀椀 眀栀攀爀漀⸀ 䬀椀愀 琀攀爀攀 琀攀 琀甀欀甀 洀愀椀 愀渀漀 椀 琀攀 ഀ栀甀愀 欀愀爀攀愀漀Ⰰ 欀椀 琀攀 欀漀爀攀 攀 琀攀爀攀 洀愀椀 欀愀 洀甀琀甀 琀攀 爀攀爀攀 ഀ愀琀甀⸀ 䬀漀 琀攀 甀琀甀 椀 琀攀 琀愀甀 㔀⼀ⴀⰀ 洀攀 甀琀甀 椀 琀攀 琀甀愀琀愀栀椀⸀ഀഀ㐀⸀ 䔀 瀀愀椀 愀渀愀 欀椀愀 琀甀欀甀愀 洀愀椀 渀最愀 欀漀爀攀爀漀 漀 椀愀 眀愀栀椀 漀 ഀ椀愀 眀愀栀椀 漀 琀攀 䴀漀琀甀Ⰰ 攀渀最愀爀椀 欀攀椀 琀攀 䔀琀椀琀愀 琀攀 琀椀欀愀渀最愀 洀漀 琀攀 ഀ琀愀 椀 愀甀愀 欀漀爀攀爀漀㬀 欀椀愀 洀愀爀愀洀愀 琀攀 琀甀栀椀琀甀栀椀⸀ഀഀ㔀⸀ 䴀攀 瀀攀渀攀椀 琀攀 琀甀栀椀 椀 眀愀栀漀 漀 渀最愀 爀攀琀愀 欀愀琀漀愀㨀᐀ഠഀ䬀椀 吀䔀 倀䤀倀䤀圀䠀䄀刀䄀唀刀伀䄀Ⰰഀഀ吀攀 刀愀甀Ⰰ 䜀椀猀戀漀洀攀⸀ഀഀഀഀഀഀ䠀䔀 倀䄀一唀䤀⸀ഀഀ䬀椀 琀攀 琀愀䬀愁琀愀 攀 栀椀愀栀椀愀 愀渀愀 欀椀 琀攀 刀愀眀椀爀椀 欀椀 琀攀 ഀ䠀椀洀攀渀攀㨀 栀攀 渀甀椀 渀漀愀 愀琀甀 䬀愁 瀀甀欀愀瀀甀欀愀 欀攀椀 愀 ഀ愀甀 椀渀愀椀愀渀攀椀㨀 欀漀 琀攀 甀琀甀㨀᐀ഠഀ䠀攀 洀攀愀 渀甀椀Ⰰ 欀椀爀椀 渀漀愀Ⰰ ㈀⼀㘀 ഀ䠀攀 洀攀愀 渀甀椀Ⰰ 欀椀爀椀 眀栀攀爀漀Ⰰ ㌀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀Ⰰ 㐀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀 爀愀眀愀Ⰰ 㔀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 眀栀攀爀漀Ⰰ ⼀㘀 ഀ䠀攀 洀攀愀 瀀愀欀甀Ⰰ 欀椀爀椀 瀀愀椀Ⰰ ㈀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 渀漀愀Ⰰ 椀⼀ⴀ ഀ䠀攀 洀攀愀 瀀愀欀甀Ⰰ 欀椀爀椀 瀀愀椀 爀愀眀愀Ⰰ ㌀⼀㘀 ഀ刀愀眀椀爀椀 ☀ 䠀椀洀攀渀攀Ⰰ 欀椀爀椀 渀漀愀Ⰰ ⼀㘀 ഀ刀愀眀椀爀椀 ☀ 䠀椀洀攀渀攀Ⰰ 眀栀攀爀漀Ⰰ ㈀⼀ⴀഀഀ刀愀眀椀爀椀 ☀ 䠀椀洀攀渀攀Ⰰ 瀀愀椀Ⰰ ㌀⼀ⴀ ഀ刀愀眀椀爀椀 ☀ 䠀椀洀攀渀攀Ⰰ 瀀愀椀 爀愀眀愀Ⰰ 㐀⼀ⴀ ഀ䠀攀 䠀椀洀攀渀攀Ⰰ 㘀搀⸀ഀഀ䴀愀欀甀 攀 甀琀甀 琀攀 倀愀渀攀 䬀椀䬀椁 栀攀椀 琀甀欀甀 愀琀甀 椀䬀 愀 ഀ瀀甀欀愀瀀甀欀愀 欀椀 愀 欀漀攀⸀ഀഀ一愀 䠀⸀ 圀⸀ 圀䤀䰀䰀䤀䄀䴀匀Ⰰഀഀ吀攀 刀愀甀Ⰰ 䜀椀猀戀漀爀渀攀⸀ഀഀഀഀ䬀椀 琀攀 栀椀愀栀椀愀 琀攀 琀愀䬀愁琀愀 欀椀 琀攀 倀愀椀瀀攀爀愀 欀椀 琀攀 ഀ䬀愀眀攀渀愀琀愀Ⰰ 洀攀 琀漀渀漀 欀椀 琀攀 䈀䤀䈀䰀䔀 䐀䔀倀伀匀䤀吀伀刀夀 ഀ匀唀一䐀䄀夀 匀䌀䠀伀伀䰀 唀一䤀伀一Ⰰ 䄀甀挀欀氀愀渀搀⸀ഀഀ倀愀椀瀀攀爀愀Ⰰ ㈀⼀㘀Ⰰ ㌀⼀㘀Ⰰ 㐀⼀㘀Ⰰ 洀攀 琀攀 瀀愀渀攀 欀椀䬀椁 椀⼀ⴀഀഀ䬀愀眀攀渀愀琀愀 洀攀 䬀愁 甀瀀漀欀漀 眀栀愀欀愀洀愀爀愀洀愀Ⰰ ㈀⼀㘀Ⰰ ㌀⼀ⴀ ഀ㐀⼀㘀Ⰰ 洀攀 琀攀 瀀愀渀攀 欀椀䬀椁 ㌀搀⸀ഀഀ䬀愀眀攀渀愀琀愀 瀀愀欀甀Ⰰ 洀攀 䬀愁 眀愀椀愀琀愀Ⰰ ㈀⼀ⴀⰀ ㈀⼀㘀Ⰰ ㌀⼀ⴀⰀ ㌀⼀㘀Ⰰ ഀ㐀⼀ⴀⰀ 洀攀 琀攀 瀀愀渀攀 欀椀䬀椁Ⰰ ㌀搀⸀ഀഀഀഀ倀爀椀渀琀攀搀 愀渀搀 倀甀戀氀椀猀栀攀搀 戀礀 䠀⸀ 圀⸀ 圀䤀䰀䰀䤀䄀䴀匀Ⰰ 愀琀 吀攀 刀愀甀 ഀ倀爀椀渀琀椀渀最 圀漀爀欀猀Ⰰ 䈀攀爀爀礀 匀琀爀攀攀琀Ⰰ 䜀椀猀戀漀爀渀攀㬀 一攀眀 娀攀愀氀愀渀搀⸀ഀഀ一䜀䄀 䠀唀䄀 䬀䄀刀䔀䄀伀 䴀䄀 吀䄀 吀䄀吀伀唀 䴀䄀一唀⸀ഀഀ㜀⼀㘀 吀⸀ 䜀漀甀最栀㬀 㔀⼀✀ 刀愀渀椀攀爀愀 䴀椀琀椀渀最愀爀攀Ⰰ 䴀愀眀攀渀攀 ഀ䬀椀爀椀眀椀Ⰰ 吀⸀ 䄀⸀ 䈀愀洀昀漀爀搀⸀ഀഀ䠀⸀圀⸀圀䤀䰀䰀䤀䄀䴀匀 吀䔀 刀䄀唀 倀刀䔀匀匀 䜀䤀匀䈀伀刀一䔀