![]() |
Pipiwharauroa 1899-1903: Number 86. May 1905 |
![]() |
1 1 |
▲back to top |
Te Pipiwharauroa, he Kupu Whakamarama. NAMA 86. MEI 1905 HEE ANA TE MANAWAl KA nui te pouri o te Etita ki te kore e tika o te haere o te pepa ki etahi o ona hoa. He nui tona raruraru i enei ra, ehara hoki i te mea kotahi ano tana mahi ko te whakahaere anake i te pepa, e taea ai e ia te titiro nga pukapuka, nga rarangi ingoa me te kaute o nga moni. Ko ta te Etita mahi ke he whakatakoto i nga korero mo te pepa. Ko a koutou riri mo te ahua o nga korero utaina mai ki runga ki tana upoko, otira aha- koa nui te mahi i a ia ka whakamatau ia ki te titiro kia tika te puta a te pepa. Me whaka- atu pea nga mahi a te Etita kia mohio ai nga hoa ki te take i kore ai e taea e ia nga mea katoa. E whakaako ana ia i te Mane i te Turei, i te Wenerei, i te Taite, i te Paraire. I te Ra Tapu ka haere ia ki te karakia i nga Maori a i etahi Ra Tapu ki te karakia i nga pakeha, e whakaako kura Ra Tapu ana ano ia. He tangata marena te Etita, he tangata rawakore, heoi mana ano e mahi nga mahi o te kainga, te tata wahie, te mahi i ana kaari. I enei ra kei te whakapai raua he whare mo raua, heoi e mahi ana ia i te atatu, i nga po. Hei tenei tau noho ai te Etita mo tetahi whakama- tautauranga nui, heoi kei te ako ia inaianei mo taua whakamatautauranga. Me korero e ia nga pukapuka o nga mea hei whakaakonga mana ki te kura, e hanga kauwhau ana ia i nga wiki katoa. He nui ana mahi o waho o te Kareti. Kei te komiti putupaoro ia purei hoki, Mahi Mihinare, tuku i te Paipera ki te ao, Karapu o nga taitamariki o te taone. Hei etahi wa ka haere ia ki Uawa karakia ai e 40 maero te tawhiti atu i konei. Heoi e nga hoa, ka mohio koutou ki te nui o te mahi i te Etita. Kia manawanui koutou ki a ia. E mama te mahi a te Etita ki te nui te wha- ngai a te iwi i te pepa, kia utua ai he tangata ke hei mahi i nga kaute. Ka inoi atu ano matou e nga hoa kia whakaaro mai ki ta tatou pepa. HUI WHARE. TE PIPIWHARAUROA. TENA koe tukua atu enei torutoru korero ki runga ki te Pipi mo teta- hi whare i tu ki Patangata, hui ana nga iwi 200, te moni £158 17 5 i kohia mo te- nei whare pai. Te roa o tenei whare 47 putu. Tukua atu hei titiro ma nga marae katoa He Kaha tenei iwi Mgai-te-whatui-- apiti ki te mahi i tona whare i tu nei ki Patangata. Ki te Etita o te Pipi, tena koe. Heoi na Ngati-te-whatuiapiti, naku na te kai tuku korero, Na HEMI WAIPARERA TAHKIWA.
![]() |
2 2 |
▲back to top |
TE PIPIWHARAUROA NGA MAHI MAORI. i TE ETITA O TE PIPIWHARAUROA. EHOA tena koe me te komiti whakaha- ere o te Pipi, otira te tino mihi a toku ngakau ki a koe. Etita mo te tureititanga o te pepa o Hanuere i runga i tou mate a nga- kau i te kupu, kati ra i te -mea kua hoki mai ano te ngakau aroha ki a koe me ki atu au, Kia ora koe, kia tino ora, ma te Rungarawa koe e whakakaha ki te mahi i nga mea e tupu ai he painga mo te iwi. E manu ehara au i te tangata whai taonga hei haringa haeretanga mau i nga taha tika o Aotearoa me te Wai- pounamu, ehara au i te roro i te pukorero engari he hiahia ki te whakauru atu i etahi maku nei kupu ki te taha o a nga tangata matau e korero nei i ana whakaaro mo Ke- hua mo Tohunga mo makutu. He mano mano nga korero mo enei taniwha i roto i Te Pipi o nga tau kua hori ake nei, a tikanga kore ana pea ena take ki te titiro a te tangata, otira ki toku whakaaro he titoko tenei i nga kanohi o tatou ngakau ki te rapu i te tinana o taua mahi ngaro, e kiia nei he horihori. He take nui tenei ki. a au hei whawha ma tatou me kore e ahukahuka te mau o te tinanatanga hei unga mo te titaha hei tua i tenei taru kino e whakakowaowao nei te purapura pai. Koia tenei ko tetahi o nga mea e whakaheke nei i te hahi maori ara ko tohunga. KEHUA. E rua ahua & te ingoa kehua (II) he wairua o te tangata e mate nei, ka whakakite i a ia ki tetahi tangata, ko tenei ahua e kiia nei na te roro taua kite a, e ui ana etahi he aha oti • au te kite ai? Ehara tenei i te mea hui rawa hei, whai ma tatou, e mohio ana tatou he wai rua kei roto i te tinana, a ko te matenga ma- hue ai taua tinana i te wairua, ko te wahi ia e taupatu nei nga korero mo te ki i kite i te Kehua ara i taua wairua'. E Pi he tangata kite au i te kehua a e kore au e whakapono na te roro i hanga ake he mea hei kitenga atu ma oku kanohi hei hoa mo nga mea maha i kitea atu e au i taua taima. Tetahi he wa ano he tokomaha ki te kitenga i te taima kotahi. I pehea ra nga upoko o aua tangata i taea ai te whakaririte o ratou roro ki te kite kehua? Tenei ano tetahi, i a au e haere ana i runga hoiho i te po he mea ano ko maua tahi ko ta- ku hoiho he rite tonu to maua kitenga wehi ana hoki au. I pehea hoki te whakariritenga o maua roro ko taku hoiho? Mehemea pea na te roro i kite ai, mo ahu te patai a te hunga e kore e kite ki te roro kaua e patai ki te hunga e kite ana kahore hoki he tangata i hapa i te roro. Kei te ui mai etahi ha he aha oti au matou te kite ai i te kehua e? Ka tika to patai, hoi me patai hoki au ki a au ano hei whakautu iho ano maku. He aha oti matou i kite ai e? E kore pea e taea te whakapumau e tatou te whakautu i enei pa- tai. Kati kau taku kupu ko nga tangata ka- toa i te ao kihai i ririte te whiwhinga i nga ahua mea katoa e " tuhaina ana ki tenei," ko tetahi he tangata kuare ko tetahi he mohio, ko tetahi atu he tangata tino mohio he pera ano pea to tatou tu i roto i tenei take. He mea tawhito tenei i wehi nga akonga a te Ariki i tana haerenga mai i runga wai hua noa ratou, "he wairua," ehara pea tera e ma- haratia ra e ratou i te wairua kehua. E hoa ma e tautoko ana tenei mea i te kupu o te pono e whakaatu mai nei i te aran, ga mai o te hunga mate, a te mea wairua he tinana ano." KEHUA WHIOWHIO. Ko tenei ahua he wairua ano no te hunga kua mate atu, ko aua wairua kua karakiatia e nga tangata whakatohunga kia uru mai ki roto i a ia whio ai, korero ai, hei atua rewera mona, ko tenei ahuatanga ka kiia e au kei roto i te ingoa tohunga maori, a hei te wha- karapopototanga o aku korero mo te mahi tohunga ka kite tatou i to ratou kotahitanga. Na reira me whakahaere ake au i aku wha- kaaro me aku titiro ki a tohunga ma. TOHUNGA. Ki taku whakaaro, he maha nga tu, nga haere, me nga mahi a te tangata i roto i tenei mea i te mahi tohunga (I) He tohunga e mahi nei i ana tikanga maha ki nga turoro* kia ora ai e ai ki te korero a tona waha. (2) He tohunga whiowhio kehua, kua oti ake ra te korero e au i te take mo te kehua ko ena tu tohungatanga e rapu ana au he aha te hua i roto i o ratou whakaaro i whai ai i tera ahua- tanga, ma tatou katoa tenei e rapu. (3) He tohunga makutu, i nga ra o mua ka mate te tangata i te makutu me nga mea ano a te ta- ngata, ara, te kai, me etahi atu mea. Kati ake aku e whakahua ai, ma koutou atu etahi. E Pi me korero au i aku mahara mo enei take hei whakarongo mai ma o "taua hoa e noho mai ra i nga kokonga, i nga marae, i te akau roa o te ika a Maui e takoto nei.
![]() |
3 3 |
▲back to top |
HE KUPU WHAKAMARAMA. Ki taku mahara ko te mea nui i takoto kau- papa i enei mahi a te tangata he mahi maku- tu a ko te tianara whakahaere o tenei hunga ko te rewera raiona horo tangata. E ki ana etahi tangata kua kore e mate te tangata o naianei i te makutu kua kainga nga tapu, kua kore nga karakia maori, he ra no te wha- kapono inaianei. E tika ana pea ena kupu engari ki taku mahara na enei kupu, i kataina whakahorohorotia mai ai tatou e taua ropu kei te hari mai ratou ki a tatou e hapahapai nei i enei take, a ka tahuri ano tatou ki te hanga tunga mo ratou. He tino tunga ano no ratou tenei kupu e kore te pakeha me te ture e wha- kapono ki tenei mahi a te maori. Kia hoki ake inaianei he korero maku ki nga kupu a etahi e ki nei kua mutu taua mana. Me patai au, no tehea wa? I pehea te ahua o te meatanga kia whakamutua taua mahi? He aha te kai haukoti atu? Hoi ano pea ta koutou whakautu, na te whakapono i whaka- kore atu, ae pea, otira he tika mehemea i taea te ngakau o te tangata te tino motuhake kia te Karaiti hei tino Karaitiana mana tena ko tenei ko te nuinga kei te ngakau maori ano, a kia mahi tohunga katahi ka hapai i te karakia me te karaipiture hei hipoki "kirihipi" mona. He penei hoki to nga rewera tu, e tango ana ki nga karaipiture hei pou mo tana kupu, a kei nga rewera ano te whakapono noa, e kore te rewera e taea te patu e te tangata ki te rakau kia mate atu i roto i te hunga e awhina ana i a ia. Na konei au ka ki e kore nga mana maori a te rewera i whakato ai ki roto ki te tangata e mate kau noa iho i te tu kau mai o te whakapono i waho atu o te tangata. Tenei etahi ahua a te tangata ngakau mao- ri e rongo ana au, a he pono ano. (I) He hira noa atu te tangata e noho nei e kore e pai kia tae te waiwera ki runga ki tana upoko. He aha ra te take? ae rapua, ma a, ka kitea, he aha ranei. (2) He tikanga ano na nga tangata pera kohia ai te roke kuri ki roto i te pakete aikiha kohia ai ki tona manawa, heia ai ranei ki tona kaki hei arai atu i te mate mona a tetahi atu. I runga i te mahio ki te pono o a ratou mahi ara ki te mau tonu ratou ki aua tikanga mei torutoru pea te roke kuri nui atu te utu ki a ratou mo te aunihi i to te tutae tohora (amakirihi). Ko enei ahuatanga o taua o te maori e ko- rerotia ake nei, he mea hei whakaara i a tatou kia titiro tahi kia whakaaro tahi ki te tika ki te he ranei o enei take. Kei enei ahua pea teta- hi take e whakaheke nei i to taua tupu tinana, tupu mahi, tupu tikanga, tupu whakaaro. I ki tetahi kupu a T. Pomare i te pepa o Mae- he, na te rongonga o te tangata kua makutu- tia ia koia i wehi ai i pouri ai nawai a he he- mo te mutunga. Ha ? Kahore ra te makutu ki te tangata e makuturia ana e mea ngaro koia anake i matau, engari ma te tohunga- tanga o tetahi e kite atu mehemea he tohunga- tanga to te mea i makututia. Erangi pea i mate ai i tenei wa ao hou kei te mahara tonu o ia tangata he kopere tena kua oti te wha- kapiko mai ano i nga tupuna e takoto nei i roto i tona wai i to nga iwi maori. Koia to- nu nei te mahara a te tangata he mea ano tera. E kore Pomare e mate me te mano o te pakeha, he aha ranei te take? He tuturu motuhake rawa atu pea ki te kore noa iho, he aha tetahi mea. E kore ano hoki au e mate mehemea ka tapatahi toku ngakau ki a te Karaiti toku hepara. E aku hoa ki te mahi tonu tatou ki te wha- kahawea, ki te whakateka ki enei mahi ka kapi nei te ao turoa, tera e neke tonu ia tau. E ki ana ano T. Pomare i mahi penei ano te Ingarihi i mua a no te nuinga haeretanga o te matauranga, katahi ka hohonu te titiro ki aua mahi he tito noa iho. Na, titiro no te kitenga o Taewa, he mahi tito a ratou na ma- kutu, katahi ka pahitia he ture nui whaka- hara hei whakakore i ena mahi a ratou. Ha? ka pehea tatou? Ka whakatuma noa iho? Hei aha tena mahi hamupaka, titotito hori- hori. Hua atu ka kite i te tito me rapu he tikanga, kaua e tu tonu ki te tawai whaka- hawea, e pari tonu ana te tai o te ao maori, e tumanako ana toku ngakau kia kitea i roto i tenei Koroni o Ingarangi, he tikanga e me- hemea ai enei karepe kaiota. E manu e kore pea e taea e koe i te rere- nga kotahi te pikau i nga kupu nei, engari e inoi atu ana ahau kia koutou ko te komiti ko taku hiahia kia kotahi tonu pepa hei putanga. Ko koutou ano ia e mohio ana. Kia ora koe kia kaha te ora. Na to hoa aroha na W. T. P. HAPETA, Naumai, Northern Wairoa.
![]() |
4 4 |
▲back to top |
TE PIPIWHARAUROA [Ka maha rawa tenei nga tau i tuhia ai a matou korero mo te kehua, a, ki ta matou whakaaro he tika ta matou kei roto ke i te roro o te tangata te kehua e kitea nei. E ki- te ana ano au i te kehua. Ki te kino a roto o taku puku i te nui o taku kainga i te kino ranei o te takoto o taku mahunga, i te mea e oho ake ana au, ara i te mea kahore ano aku whakaaro kia hoki katoa mai ka kite au i te kehua, kia tino oho au, ka ngaro. Na taku roro noa i hanga taua mea, kei roto ke i taku roro kahore i waho engari kei roto ke i nga roro o te tangata. Mo te oho o te hoiho, he tino mahi tena na te hoiho, engari no te ohonga o te hoiho ka mea te tangata he kehua, kahore hoki he reo o te hoiho hei ki ake he kehua te mea e mataku ra ia, na te tangata ke i wha- kakehua. I kite ai etahi tangata i te kehua i kore ai etahi kei te ahua o nga roro. Mo te ki- tenga o nga. Akonga i a te Karaiti i runga i te wai, e kore e hapa to ratou miharo, kii he wariua, kahore hoki ratou i mohio e ahei ano te tangata te haere noa i runga i te wai, otira he tangata ano ia ehara i te wairua. Ehara tenei i te take i kiia ai he tika nga kehua e whakahaehae nei, e pukana nei, e wheterotero nei, e whakatautau nei i nga u.—ETITA.] " Te Puke-ki-Hikurangi." Ki TE ETITA o TE PIPIWHARAUROA. TENA ra koe, mehemea e taea e koe te tuku atu enei kupu i raro iho nei. Kua titiro iho au ki te ahua o ta tatou nupepa ara o Te Puke-ki -Hikurangi. I pai taku whakaaro i mua i te takiwa e ora ana, to ta- tau Matua a, Tamahau Mahupuku, inaianei kua whakaaro au te waahi tika hai tuunga, mo taua nupepa mo te Puke-ki-Hikurangi me tu ki Kihipane, ki Uawa, ki Waiapu ra- nei, "ko nga turanga waewae," tera o Porou- rangi, kia tika ai te whakatauaki nei, ko Waiapu te awa, ko Hikurangi te Maunga, ko Porourangi te mana kai runga," a, inai- anei kua tu ke taua maunga he waahi ke a he iwi ke hai whakahaere, a, ka tau ke, ki ta nga iwi tawhiti whakaaro, ka penei ko Wai- rarapa, te moana, ko Hikurangi te maunga ko Tamahau te mana kai runga. I rongo au ki tetahi kaumatua, o Ngaitahu nei, i ki mai ana ki a au, kai Wairarapa tonu taua mau- nga ka ki atu au, kaore i Wairarapa, kai raro atu i Turanganui, tena maunga, a Hikurangi, a, ki taaku mohio he tokomaha nga tangata kai te pera me taua kaumatua kai te penei me taua kaumatua, a kua penei tooku mahara kua mate katoa pea nga uri rangatira a Porourangi, atu i Toka-a-Taiau, ki Potikirua ko au anake pea to matou morehu ina hoki ra i tukua ai e ratau te mana o to ratau tipuna ki Wairarapa mahia ai hei whakapohehe, i etahi o nga tangata o te motu nei, penei me te kaumatua o Ngaaitahu nei, a, ki taku whaka- aro me penei te ingoa o te pepa a Te Wairata raua ko Niniwa, me Raukura hoki, me hua te ingoa o ta ratau pepa, ko nga Waka-a- kupe, kia marama ai te takoto o te tikanga, me nga tangata hapai, kia marama ai te takoto ake o te moana, me nga waka me te perehi o te pepa me nga tangata o te komiti o taua pepa, kaati tenei. Me tuku mai e te Etita o Te Pipiwharauroa, ki a au tetahi pepa kia mohio ai au, ki te ruuri o Te Pipi- wharauroa. na N. W. Te ATA. Kei Inangaawhio, Bruce Bay, Hokitika, Westland, South Island. [He hanga aroha enei kupu a tera momo o Ngatiporou, e noho mai ra i tera whenua tawhiti, engari e te hoa ki taku nei rongo he Puke-ki-Hikurangi ke tenei i huaina nei ki te pepa a Tamahau ehara i to taua engari he maunga kei Hawaiki. He mea pai kia whaka- maramatia te tikanga o te ingoa o tenei o a tatou nupepa, he tokomaha hoki te tangata kahore i te mohio.—ETITA.] Ki te korero a te pepa i whakaatu i mua ake nei ko au e hiahia ana ki te hoki atu kua kore e taea te hoki atu inaianei, i runga i te matenui o te Pihopatanga o Akarana i te kore i tokomaha, nga Minita Maori na kona ka noho iho ano au mo tetahi wa otira kua whakaritea au e te Pihopa o Akarana hei hoa mo Hokena hei k ai tirotiro haere i te Hahi Maori katoa o tona pihopatanga. NIKORA TAUTAU.
![]() |
5 5 |
▲back to top |
HE KUPU WHAKAMARAMA. NGA RARURARU O RUHIA. ITE mea kaore ano a Poota Aata kia horo ka puta te kupu a etahi tangata hei te horonga o taua pa tino noho kino ai a Ruhia. I pono taua kupu. Ka nui te kino o Ruhia inaianei, kei te kohuru, kei te whakamoti ite kai. Kua panuitia e Te Pipi- wharauroa nga korero katoa mo te ahua o Ruhia, ona iwi, o tona Kawanatanga, Ko nga tangata mahi nga mea e tino peehia ana e nga rangatira, na konei i te mea kua he te manawa o Ruhia i te whawhai ki te Rawhiti, ka whakohongia e ratou te whenua kia wha- karongona ai a ratau inoi. He haerenga ki te kawe i ta ratou pitihana ki te kingi i patau nei e nga hoia, hinga ake e 5000, otira kaho- re ratou i wehi, kei te tohe tonu. Ko te ra- tou kai whakahaere he minita no te Hahi, tokorua, ko Father Gapon raua ko Father John. I te kino o etahi o enei ta ngata patau ana e ratou tetahi o nga rangatira nunui o Ruhia, he papa-keke ki te kingi. Kua oho katoa te whenua inaianei, kua mutu te mahi a etahi, kua murua nga rawa o nga rangatira. Ko te rite o nga ware o Ruhia kei te pono- nga, ahakoa kaha noa ratou ki te mahi ko te nuinga o nga hua o a ratou mahi e riro katoa ana i te Kawanatanga. Kaore rawa e whai reo te iwi nui ki nga mahi o te Kawan- atanga, heoi ano ma te kingi anake ratou ko nga rangatira e whakahaere nga mea katoa i runga i ta ratou i pai ai. Ko te tono a te iwi kia whakaritea te ahua o te Kawanatanga ki o era atu whenua, kia whai mana nga tanga- ta katoa ara kia pera me to Ingarangi kawa- natanga. Ki te whakaaro o etahi tangata e kaore e pai kia hoatu he manaki te iwi nui, i to ratou kuare e kore ratou e mohio ki te whakahaere i taua mana, e rite ana ki te hoatu i tetahi mea tino nui ki te tamaiti paku rawa kahore nei e mohio ki te nui o taua mea. HE WHAKATAUKI. ITE kauwhau a Te Wiremu i Manutuke i whakapuakina e ia tenei whakatauki, he whakatauki kahore i rangona e matou i mua atu; heoi he mea pai kia tohungia ara:— "He ta kakaho e kitea, he ta ngakau e kore e kitea." E rite ana tenei whakatauki ki tenei:— " He kokinga whare e kitea; he kokinga ngakau e kore e kitea." Ara kua mohio noa atu o tatou tupuna ki te nanakia rawa o te ngakau o te tangata, pera ano me ta te poro- piti i mea ai, " Te tinihanga o te ngakau, nui atu i nga mea katoa, kino rawa: e mohio- tia ranei e wai?" (Here. 17, 9-) Ki te hiahia te tangata kia pai ia, ko tona ngakau hei te tuatahi whakapai ai; ki te pirau hoki a roto, ka puta ano ki waho te pirautanga; ki te pai a roto ka puta ki waho te painga. Ko etahi tangata ko waho noa he pai ki te titiro atu ko roto ia he pirau. Ma te ngakau ra ano kia pai ka pai ai nga mahi, nga kupu me nga whakaaro o te tangata. Kua rongo pea kou- tou, ki te poaka a tetahi kingi o Haina, he mokai nana. I whangaia ki nga kai pai, i whakakakahuria ki nga kakahu pai, kaore he poaka hei rite mo taua poaka te ataahua ki te titiro a te kanohi. Otira i tetahi ra ka ki- tea taua poaka e okeoke ana i roto i te paru me ona kakahu ataahua ano. Ahakoa he pai a waho o taua poaka, ko roto ia ko tona nga- kau poaka tonu na reira ka konohi tonu ano ki te paru ki to te poaka hiahia. Waihoki kite- mau tonu te ngakau tawhito i roto i te tanga ta ahakoa pehea te pai o waho tena te ra ka rere ano ki roto i te hara. Kei te hiahia te Atua ki te homai ngakau hou mo tatou, e mea nei tana kupu, "Ka hoatu ano e ahau he ngakau hou ki a koutou, ka hoatu ano e ahau he wairua hou ki roto ki a koutou; ka tango- hia atu ano e ahau te ngakau kohatu i roto i o koutou kikokiko." (Ehek. 36, 26.) Na te Karaiti ano te kupu ki te kahore te tangata e whanau hou e kore rawa ia e kite i te ranga- tiranga o te Atua. Ko enei etahi tohu o te ngakau tawhito: He kohuru, he riri, he puremu, he hiahia ranei he tangata ke he wahine ke, he apo moni taonga ranei, he hae, he mauahara, he korero kino, kanga he ngau- tuara, he whakahihi, me era atu hanga. Ki te whiwhi koe ki te ngakau hou ka mutu enei hanga i te tangata. E te hoa kahore koe e hoha i te hara, ka tahuri ki te Atua?
![]() |
6 6 |
▲back to top |
TE PIPIWHARAUROA RUHIA ME TIAPANI. I TERA marama i panuitia e matou nga taua kaipuke a nga iwi e riri mai nei i te Rawhiti Pamamao ara a Ruhia a Tiapani. I tenei ra kahore ano kia tutataki. Kei nga moana tonu o Haina nga kaipuke o Ruhia e rere ana ko Toko kei te tatari tonu mai. I puta tetahi raruraru i waenganui i te Wiwi i te Tiapani he ta- unga no nga kaipuke o Ruhia i tetahi wahapu o te Wiwi, i mea a Tiapani kei te awhina te Wiwi i tona hoa riri, ko te hia- hia hoki o Ruhia ko tetahi tauranga pai hei utanga waro ki ona kaipuke whawhai, hei horoinga i te kutakuta hei utanga i te kai. I mea a Tiapani ki te awhina te Wiwi i te Ruhia ka karangatia e ia a Ingarangi kia awhina hoki i a ia. Ko te whakahoki a te Wiwi kahore ia i te awhi- na i Ruhia na nga kaipuke tonu o Ruhia i haere mai kahore e rongo ki te kupu otira inaianei kei te tiaki nga manuao o te Wiwi kei whakapiri mai te Ruhia ki ona takutai, heoi inaianei kei te rerere kau noa nga kaipuke o Ruhia. Ko te whaka- aro o Atimira. Rohotepeneki kia rite katoa ona kaipuke ka tuaoma ai ki Paratipotoka. E kore pea a Toko e pai ki te riri nui ki a Rohotepeneki kei pakaru etahi ona kaipu- ke no te mea he uaua rawa te whiwhi o Tiapani ki te manuao i tona tawhiti rawa mai i Iuropi. Ki te mate te Tiapani i tenei pakanga kua he rawa a Tiapani kua riro te moana i a Ruhia kua kore ona kai- puke e ahei te whakawhiti ki Korea ki Ma- nakuria ki te hari hoia ki te hari kai. Ki te whakaaro ko te riri a Toko e kore e aronui engari ka takitahi, ka kokiri po i tona tu- pato rawa kei aitua tetahi o ona kaipuke. Ki te ki a Atimara Taare Perepota o Ingarangi ma te mohio o te Tiapani ki te pupuhi purepo e mate ai te Ruhia. Kua korekore noa iho te whawhai o uta i tenei pakanga nui ki te moana e taria nei e te ao katoa ma tenei hoki e ata marama ai ko wai ranei e tino hinga. Tena ra e Toko e, e tapa i to ingoai Nga herehere Ruhia kei Tiapani, 10 tinara, 70 kanara me nga meiha, 784 kapene, me nga rewheteneti, 3558 apiha noa, e 50, 700 hoia, hui katoa, 55, 182 . Nga tangata katoa o Ruhia kua mate, i taotu, i pangia e te mate, i mau herehere, ka 435,000 ; nga moni a Ruhia kua pau i tenei whawhai ka £200, 000, 000. HUI TOPU. TE Roanga o nga korero o te hui i tu ki i Manutuke, Turanganui. Wero a Te Wiremu. I runga i te ui a te hui kia whakaaturia te nui o te moni kua ta- koto hei whakahoki mo te Wero a Te Wire- mu, ka whakautua e Wiremu Aata, hekeretari o te Hahi Maori, e £80 ano te moni kua tae atu ki a ia. otira e apititia e ia ki te ripoata o te hui te kaute katoa o nga moni. Na Tepe- ne Wenerei te patai ki te Pihopa kia whaka- ritea a Nikora Tautau hei minita mo te Pari- ha o Te Horo. I mea te Pihopa kahore ano a Nikora kia watea. Motini Tuatoru, na Te Teira Maihi, kia ka ha te arai i nga pakeha kei tae ki nga kainga maori takahi ai i te Ra Tapu. I kore ai etahi maori e haere ki te karakia i nga Ra Tapu he noho ki o ratou hoa pakeha. E utua ana hoki nga tamariki maori e nga pakeha kia haere ki te kohikohi paraki pere i nga Ra Tapu. I mea a Wi Repa he mahi na te tangata te haere ki tona kainga pupuhi manu ai i nga Ra Tapu, na runga i tana kaha ki te arai ka mutu. Ki ta Hakaraia Pahewa whakaaro he rite tonu te tutu o te maori i te Ra Tapu ki to te pakeha. Kia kaha nga Komiti Marae ki te tiaki i o ratou marae kei takatakahia i nga Ra Tapu. Ki te rite te whakaaro o te maori ki te whakarite tikanga hei whakatapu i o ratou marae tera tonu te pakeha e whakaro- ngo. I penei ano hoki to te Pihopa whaka- aro. I whakaatu hoki a Tame Arapatai te tu- tu o nga pakeha o Te Arai i nga Ra Tapu ki te purei kirikiti. Ka purei nga pakeha ka uru atu nga Maori.
![]() |
7 7 |
▲back to top |
HE KUPU WHAKAMARAMA. Na Hakaraia Pahewa te tono kia whakama- oritia tetahi pukapuka, ko te " Christine Doc- trine." I whakaaetia. Ki ta Katene Pukerua whakaaro he mea pai kia haere etahi tangata ki nga kainga maori ki te whakaoho i te whakapono. He tikanga tenei na nga tangata o te Kareti o Te Rau i mua. I tautokona tenei motini e Hemi Huata, a i whakaaetia. Motini Tuawha. Na Ahipere Rangi. I puta ana kupu mo te kaha o te moe-puku i o te iwi maori. He tokomaha nga maori kua nui nga tamariki kahore ano kia marena- tia hahore ano hoki nga tamariki kia iriiria. Ko etahi tangata kahore ano kia roa te mare- natanga kua mahue, ka moe te tane he wahine ke ko te wahine he tane ke, ka wha- nau nga tamariki ka poriro. Ko te take i penei ai te ahua ki tana whakaaro na te tiki nga e marena nei te tangata kahore kau he aroha, i runga i te tohenga a nga matua a te tangata ranei. Ki tana whakaaro he pai ta te pakeha e taumau nei i te tuatahi kia titiro ai tetahi i te ahua o tetahi kia mohio ai raua mehemea e tika ana raua ma raua. Ko teta- hi mate tino nui tenei o te Hahi Maori ko te moepuku. I tautoko etahi o te hui i te moti- ni a Rangi, ko Hone Waitoa ia i whakahe i te tikanga taumau. I mea a te Kutia kia whakahoutia te tikanga tawhito a te Hahi, te po karakia roa. Ko te rongoa e mutu ai nga mahi tohunga ko te inoi. Motini Tuarima, na te Kutia, he tono ki te Hahi Maori katoa kia kaha te pehi i nga ma- hi kai-waipiro, he mea tika hoki kia homai ki te iwi maori te mana turaki i te hoko waipiro. I tautoko a Reweti Kohere i te motini a Te Kutia, i mea ia kahore he take e nui ai ana kupu mo te kino o te haurangi no te mea kei te mohio tonu te tangata ki nga kino o te waipiro Ki te kiia atu te Maori kia mutu te kai waipiro ka tohu te ringa ki te whare ka mea, "Turakina atu tera whare a ka mutu taku inu waipiro," no konei i kaha ai tana tautoko^ i te wahi tuarua o te motini ara kia tukua ki nga maori te mana pooti mo te hoko waipiro. I katia ai tenei mana i te maori he wehi no te Kawanatanga kei kuare te maori ki te pooti, kei whakainumia ki te waipiro ka pooti mo te waipiro, otira ki tana whakaaro ia e turaki te iwi maori i te waipiro. He aha te pai ki te riro ma nga pakeha ruarua nei e pooti he whare waipiro mo nga takiwa maori. E puta ana nga kupu mo te hoko tahae i te waipiro i nga wahi kua hinga nei te hoko tahae i nga wahi raihana. E mohio? na ia ki tetahi paparakauta kei tenei takiwa he hoko tonu te mahi i te Ra Tapu—he hoko tahae tera. I puta nga wha- kamihi a Hakaraia Pahewa mo te tangata hoko waipiro o tona kainga, kaore e nui tana hoatu i te waipiro ma te tangata. Mehemea i pera nga tangata hoko waipiro katoa ka nui te pai. I mea a Hone Waitoa kahore ana whakahe mo te tangata e hoko waipiro ana, ko tana tino whakaahe mo tana kai, he kai kino, patu tangata. I tautoko te Pihopa i te tuku i te mana pooti mo te waipiro ki te Iwi Maori. I mea a Hakaraia Pahewa ko tetahi mea nui a te minita ko te titiro turoro, ko te mea tenei hei kukume i te ngakau o te tangata. Ki te kore te minita e tirotiro turoro e kore tana mahi e piki. Ko nga kupu whakamutunga a Te Wire- mu Atirikona he Poroporoaki nana no te mea "e whakatata ana tenei te haere." I mea a te Wiremu e whakama ana ia mo te kore o ana wero i hoki i te Hahi Maori mo te ui a te pakeha kei te korikori ano ranei te iwi maori tera ia e whakama. He maha nga hui a te Iwi Maori kahore kau he hua o roto me pehea e awhina ai te iwi pakeha. Ko tana Wero kia kohi te Pihopatanga o Waiapu kia £2000, to Akarana kia £2000, a kia £2000 mana. Ehara i te mea koia nei hei tino oranga mo nga minita engari ko tona hiahia hei take whakaputanga ma te Hahi Maori i tona ngakau hihiko, hei kaupapa moni. Kua rite katoa te oranga mo nga mi- nita o Poneke, kaati kia kaha hoki tatou kia tutuki ai a tatou kaupapa hei oranga mo o tatou minita. Ko te Motini Whakamutunga he whaka- whetai ki te tangata whenua, ki a Rongowha- kaata me Ngatimaru mo ta ratou manaaki i te hui. (Ko te Mutunga.)
![]() |
8 8 |
▲back to top |
TE PIPIWHARAUROA KO PAORA HOPERE ANO. Ki TE ETITA O TE PIPIWHARAUROA. T U KU A atu nga korero nei, He panui 1 na te Rev. W. Beatty kei Te Pipi No. 83. E ki ana i hanga te tangata ki te ahua o te Atua, ehara i te pena me ta te Momo- na e ki nei he rite tonu te tinana tangata ki te tinana Atua. E mea nei te Paipera he "wairua te Atua." Kahore ona tinana. Na he mea whakawai- ruatatou i rite ai tatou ki te Atua. E hoa kei te u rawa te whakamarama o te Momona he tinana to te Atua, ina hoki kaore he kupu i te paipera e ki ana na te whaka waruatanga o te tangata i rite ai ki te Atua. Nau ake ano tau kupu, whai hoki kaore ano he kupu i te paipera e ki ana kaore he tinana o te Atua. Kei te tino whakawiri koe i te paipera kia rite ki tou whakaaro. E mohio ana matou i haere atu te Atua i nga mania o Mamere ko- rero ana raua ko Aperahama i tunua ano he kai a i kai ratou (Kenehi 18, I, 8.) E ki ana te Atua, tatou ka hanga i te tangata kia rite ki a tatou." Mehe wairua anake te Atua me pewhea e hangai ai tana kupu i te mea kaore tatou e mohio he pewhea te ahua o te wairua? E ki ana hoki a Paora, ko te Karaiti te kanapa- tanga o tona Kororia te tino ahua o tona pu- mautanga, (Hiperu 1, 3.) E hoa, e whakaae ana matou, He wairua te Atua, a he tinana ano hoki to taua Atua, no te mea e ki ana a Paora nga mea wairua he tinana ano. E ki ana ano hoki a te Karaiti ki ana akonga, ko ia e kite ana ia au e kite ana i te Matua. Kati e hoa me huri mai nei tatou ki te Rongo- pai a te Atua. Koia ke tenei te rongopai a te Atua. Na te mana tangata tena rongopai i a koe na i whakatu. Koia i pohehe ai kou- tou e kaore he tinana o te Atua. A kore ona wahi. He pohehe nui tena no koutou me ata tuku iho to whakaaro ki raro uru mai ki te Hahi pono o te Atua kia whiwhi ai tatou ki tona rangatiratanga ina u tonu tae noa ki te mutunga. Heoi ano, PAORA HOPERE Taupiri, Waikato, Maehe 28, 1905. [Ko Paora Hopere ano tenei! He hiahia totohe. He kauwhau i tana Hahi Momona. E hoa, kua hoha tenei takiwa katoa ki te Momona, kua kitea he mea tahanga kau ka- hore he hua o roto, he whakaputanga no te whakaaro o te Marikena. He korero tawhito na koutou na te Momona te whakahe mo te Hahi o Ingarangi ara mo tana Whakarohe tuatahi, e mea nei, "kahore ona tinana, kaho- re ona wahi, kahore te mamae e pa ki a ia." E whakaae ana a Paora Hopere he wairua te Atua, (Hoa. 4, 24), kaati ra he pehea ki a koe te tikanga o nga kupu a te Karaiti, "Ti- rohia oku ringa me oku waewae, ko ahau ano ia; whawhakia ahau, kia kite ai koutou, kahore hoki o te wairua kikokiko, wheua ra- nei." (Ruka 24, 39)- Na te Karaiti ano te ku- kupu he wairua te Atua a nana ano hoki te kupu kahore he kikokiko kahore he wheua o te wairua, heoi e tino marama ana i runga i enei kupu kahore he kikokiko kahore he whenua o te Atua, kahore ona tinana. He aha ra te tika- nga o tenei kupu o te tinana ki a Paora Hopere? I hanga te tangata kia rite ki te Atua te ahua, ehara i te mea te ahua o te tinana, o te ihu o nga kanohi o ona wahi, mei penei kua rite tonu te ahua o nga tanga- ta katoa engari kia whai-whakaaro, kia matau kia tapu. I rite te tangata ki te Atua kahore i rite ki te kararehe. Ehara i te mea ko te tinana o te tangata tona ritenga ki te Atua, me i penei kua rite ano te makimaki, engari ko te ngakau whakaaro ke o te tangata. I peke- peke haere a Paora Hopere ki te Kawenata Ta- whito ki te titiro rarangi mana otira ko nga kupu ano a te Karaiti taku. Ma Paora Ho- pere e whakamarama te tikanga o aua kupu o te Karaiti. Ko te hara nui o te Momona he whakatangata no ratou i a Ihowa kia rite ki a ratou te ahua. I te hiahia o te Momona kia tokomaha a ratou wahine e mea ana a ratou pukapuka he tokomaha ano nga wahine a te Atua ara e whakarite ana i te Atua ki a ratou, e kukume ana i te Atua ki te ao kikokiko. Kaati te whakahoki ki a Paora Hopere e kore hoki a Mr. Beatty e kite i ana korero.— ETITA.]
![]() |
9 9 |
▲back to top |
HE KUPU WHAKAMARAMA. HOKOHOKO. ETITA O TE PIPI. TENA koe. Panuitia atu ki otaua iwi Maori e tu ana he hokohoko taonga Maori, ki te whare o te kawana i Akarana nei mo te kura kotiro Maori, ara, mo Wi- kitoria kura. He tono atu ki te iwi kia ngakau mahara mai kia hanga nga taonga Maori te kete, te whariki, te potae, te piupiu me era atu taonga a te Maori. Awhinatia mai kia pera ano me te awhinatanga i tera tau i tera kawana. Kua whakaae to tatou ka- wana hou kia tu ki tona whare ake te hokohoko, a, mana e whakatuwhera. Ko te marama e tu ai te hokohoko hei te Noema e heke iho nei 1905. Heoi e te iwi kia tatanga mai. He mahi ma katoa. Me penei te tuku mai o nga taonga. OTENE PAORA, Hekeretari, c/o Victoria School Parnell, Auckland. (. HE URUPA KAIPUKE. KEI te tonga o Niu Tireni etahi mou- tere ririki, ko te Antipodes, e kiia ana ko te tino hangaitanga ki Ingarangi, e tata ana ki te moana huka ko te Campbell, me te Auckland ara Akarana. Kei te hu- arahi kaipuke i Ahitereiria ki Ingarangi enei motu, ka maha hoki nga kaipuke kua pakaru, a ko nga tangata i noho ki runga i mate etahi. I te tau 1864 ka pakaru a te Invercauld (1. E 25 nga tangata, e 3 ano i ora. I muri mai i taua tau ano ka paka- ru a te Grafton, i ora nga tangata. I te tau 1886, ka pakarau te General Grant, i ora etahi o nga tangata. I te tau 1887 ko te Derry Castle. I te tau 1891 ko te Compadre. I pakaru katoa enei kaipuke ki Akarana. Ko te General Grant he ko- ura te utanga i pakaru £30, 000, ki te ki i uru ki roto ki tetahi ana. I te whakaaro o te Kawanatanga o Niu Tireni ka hanga he whare ki runga ka waiho he hipi hei kai ma nga tangata kaipuke pakaru. Kia ono marama ka rere a te Hinemoa ki te mata- ki. I nga ra o tenei marama ka rere ano a te Hinemoa, kitea ana he tangata i Aka- rana no tetahi kaipuke Wiwi i rere mai i Merepana ki Ingarangi, no te 5 rano o Pepuere i pakaru ai to ratou kaipuke, he kaipuke nui ko Anjou te ingoa. I te paritu o te motu he roa te hoenga o nga poti ka kitea he unga. E wha rawa nga ra ka kitea te whare kai o te Kawanatanga ka ora hoki ratou, ko ta ratou kai i nga ra tuatahi he pupu he hee- ki. I mauria mai e te Hinemoa ki Kopu- tai (Port Chalmers Kua puta te kupu whakawhetai a te kai whakahaere o te Wiwi ki te Kawanatanga o Niu Tireni. TE KOPARA. Ki TE ETITA O TE PIPIWHARAUROA. U TAINA atu taku manu ki roto o te rarangi o nga manu kaore nei o ratou whakapapa e korerotia o ratou whakatauki, taku manu he kopara ko tenei manu he pu korero no nga manu tataki o te ata. Hei te 3 karaka o te po ka ara ia ki runga ki tona ahurewa korero ai me tana ku- pu, ka ao te ra, he awatea. Kei te whakaro- ngo te iwi nei a te kopara, ara nga iwi manu katoa o te Wao-nui-a-Tane, ki te reo o taua honore manu i te 4 karaka ka ao he awatea, katahi te nuinga o te manu ka kori ka koi i runga i ona taumata korero me ona whare rangatira i runga i te tahatu o te rangi ka mea te iwi, amine ki to ratou kai hanga ami- ne. Kei roto o tenei manu nga whakatauki a nga tupunu o te Tairawhiti. Ka tu te ta,- ngata ki te whai korero i te po tae noa ki waenganui po ka rongo te tangata i te reka o te waha o taua tangata e korero ana ka mea te iwi, "E katahi ano ka ko nga kopara tataki a Rongomaitapui ." Koia nei te ingoa ki te- nei iwi ki a Ngatiporou he kopara a he ko- rimako pea ki etahi iwi o te motu me ana whakatauki pea mo tenei iwi mo te kopara. He whakamarama kau. Heo aku kupu, na PENEAMINE TUHAKA Port Awanui Waiapu.
![]() |
10 10 |
▲back to top |
TE PIPIWHARAUROA TE POU O WHANGAPARAOA. Ki TE ETITA O TE PIPIWHARAUROA. EHOA, tena koa, me te komiti. Panui- tia atu kia rongo mai nga whanaunga o Haimona Te Waititi i nga wahi katoa no 22 o nga ra o Aperira 1905 ka hori nei i moe ai i te moenga roa o te mate e kore nei e hoki mai ki a tatau. Kua tae atu ia kai te okiokinga. He kaumatua atawhai manuhiri, he o-kiokinga no nga iwi katoa e haere ana i te takutai nei, he kaumatua whakapono, ata- whai ki nga Karaitiana. Tenei kua ngaro to koutou okiokitanga, mai tenei a Tikirau maunga te tu nei kua ngaro te kai tiaki, tenei te tuwhera kau nei te riu o 'Whangaparaoa ka ngaro a Haimona Te Waititi hai karanga atu i a koutou. HE POWHIRI KI TE AO KATOA. Kati ake enei kupu me whakaatu ake e au tana kupu mihi ki nga iwi i mua atu o tona matenga ara i a Hepetema 12, 1903, ka ki ia ki ana tamariki wahine kia mahia tetahi whare hai okiokitanga mai mo nga tangata e haere ana i te takutai nei kati e hoa ma kua mate ia tenei tona whare te karanga atu nei ki nga tira haere «peka mai, peka mai ki te whare," ka tu whera ki nga tira haere tona whare ara te poho-o -tana tupunu o Kauae-tangohia, aha koa kiri pango kiri ma ara nga ahua kiri katoa i te ao, ka manaakitia koutou e tenei whare ki nga manaakitanga a te whare a te tangata e hari ai te ngakau o te tira haere. Heoi ana, Ko au tenei, hai hoa mo koutou, ko MANIHERA WAITITI. Whangaparaoa, Mei 9, 1905 KAIREHITA. Ki TE ETITA O TE PIPI. EHOA mau e tuku atu enei kupu ki roto ki te Pipi. He tau hou tenei ka hou ano ona mahi me ona tikanga me ona ture. Kia whakaatutia ano ki o tatou hoa maori e noho ana i roto i te takiwa o Takitimu kei wareware ki te whakaatu mai nga ra whanautanga tamariki me nga ra matenga tupapaku. I taku rongo ka- nui nga tamariki whanau hou o tera tau tae mai ki tenei tau me nga tupapaku kua mate kaati kaore ano kia tae mai he whakaatu ki a au kei te wareware pea te iwi Maori inaianei mo te mahi rehita kia penei tonu tatou me te iwi pakeha. Kaore e wareware ana no te mea kei te wehi ratou i te ture. Kaati me pera ano tatou me wehi i te ture. Kaati te whakakeke ki te whakaatu mai. Ia toru ma- rama e whakaatutia ana e au ki te kai rehita pakeha o Kihipane nei nga mea kua rehitatia e au nga tamariki kua rehitatia e au o tera tau i tae pea ki te 20, nga tupapa- ku o tera tau 30 ko te nuinga kaore ano kia rehitatia i runga hoki o te whakakeke o te iwi maori ki te whakaatu. I taku mohio penei i pau katoa te rehita o tera tau tera e tae nga tamariki tata ki te 100 nuku atu ranei nga tupapaku tata ki te 100 iti iho ranei. Heoi ano Na te hoa WAKANA KINIHA. Kai-rehita. HE MEMA. He Whakaaringa tangata Hei Mema mo te Tai Rawhiti. KO A. T. Ngata kua karangatia e nga iwi o-roto i te takiwa o te Paritu ki Tarakeha kia tu, ki te whakaaringa Mema, mo te takiwa Pootinga Mema Maori o te Tai Ra- whiti. He tino tangata nui tenei no te iwi maori katoa, kua eke ki te taumata nui o te Matauranga, o te Iwi pakeha, me te iwi maori ano hoki. Ka tika te whakaara i te tu tangata pena, mo te Whare Paremete o te Koroni. (He mea tuku mai.) Ki ta matou rongo hoki e whakaingoatia. ana a Ihaia Hutana, a Mohi te Atahikoia, a Taranaki, me Tuhaka Mokena Kohere.
![]() |
11 11 |
▲back to top |
HE KUPU WHAKAMARAMA. KINGI O TONGA. I TAE mai a Hori Tupou, kingi o To- nga ki Niu Tireni nei. Ko te take o tana haere mai he whakahe nana ki te kai whakhaere o Ingarangi i tona motu he tango i te mana i a ia . I te taenga o te kingi o Tonga ki Rotorua ka manaakitia e te Arawa, ka tapaea ki te kakahu. I puta tana kupu kia haere atu nga Maori ki to- na whenua ki to ratou matapuna. I te tononga i tenei tangata kia kite i te pupu- hatanga o te puia i te Whakarewarewa kahore ia i, haere no te mea he Ra Tapu taua ra, e ono nga ra. hei matakitakinga mo te tangata, ko te whitu hei ra karakia. Mehemea he rangatira Maori ka haere tonu. He tangata tino whakapono tenei. HIMEN MARENA. (RANGI: How welcome was the call.) A NO te tiho pai O taua hakari, I tonoa ai a Ihu ra Hei manuhiri nui. 2 He koa, to te hunga I marenatia ai, Mo Ihu ra i atawhai; Kore noa he pouri. 3 Na tona mana nui I huri ai te wai I tino waina pono ai, Hei tohu mo te koa. 4 Ariki atawhai, Kia tata mai ra Koe; Me homai he aroha nui, Kore e memeha. 5 Na, manaakitia mai Enei pononga au, Me uhi ki Ou toto nui I ringihia nei. 6 He inoi ta matou Mo tenei tokorua; Kia honoa tonutia e Koe, Kia piri pono ai. KI NGA AWHEKAIHE. EHOA ma kei te haereere to tatou hoa pakeha a David Whyte, i nga wahi katoa o te rohe pooti o Waiapu. Ko ta- na haere he whakatu komiti pakeha, awhe kaihe ranei hei whakahaere i te turaki i te hoko waipiro i tenei rohe pooti. Ko te hiahia hoki o te pakeha ko te turaki atu i tenei kai kino. He mana pooti to nga awhekaihe katoa ki te tuhituhia ano ia o ratou ingoa E nga hoa awhina- tia to tatou hoa, kia toto hoki te ngakau ki te turaki atu i tenei kai e putu nei i a tatou. Kei tinihangatia koutou e nga hoa o te waipiro e a ratou kai whakahaere ranei. Ko te hoko waipiro anake e wha- kakorea ana ka tu tonu nga whare manu- hiri. KIA MAHARA, 1. Ehara i a koe te mea i kitea e koe; ki te puritia e koe e tahae ana koe. 2. E kore koe e tika kia wahi i nga reta ki to wahine ki to tane ranei mana ra ano e whakaae ka tika ai. 3. E kore koe e tika kia korero i te reta ki tetahi atu tangata. 4. Ko nga taonga a to wahine ehara i a koe, mana ra ano e whakaae ka tika ai to hoko to hoatu ranei ma tetahi tangata. 5. Ki te maumauria e koe te kapa e mau- mauria ano e koe te pauna. 6. Ehara i te mea whakakororia i te Atua i te tangata ranei te paru. He wha- katauki na te pakeha, "I muri iho i te karakia ko te ma." HE PANUI. KEI a matou etahi Katikihama he akoranga ma te Tamariki me Nga Inoi mo nga Ratapu Ke te whakaatuma i tetahi minita ana e hiahia ana hei ukun noatia atu.
![]() |
12 12 |
▲back to top |
TE PIPIWHARAUROA. ഀ䠀䔀 吀唀刀䔀 吀唀吀唀刀唀⸀ഀഀ⸀ 䬀漀琀愀栀椀 瀀甀琀愀渀最愀 漀 吀䔀 倀䤀倀䤀圀䠀䄀刀䄀唀刀伀䄀 椀 琀攀 洀愀ⴀ ഀ爀愀洀愀⸀ഀഀ㈀⸀ 䬀漀 琀攀 漀爀愀渀最愀 洀漀 琀攀 瀀攀瀀愀 攀 爀椀洀愀 栀攀爀攀渀椀 ⠀㔀⼀ⴀ⤀ 椀 琀攀 ഀ琀愀甀Ⰰ 洀攀 渀漀漀琀椀 漀 琀攀 倀漀甀琀愀瀀攀琀愀 洀攀 瀀愀渀攀 爀愀渀攀椀⸀ഀഀ㌀⸀ 䬀椀 琀攀 栀椀愀栀椀愀 琀攀 琀愀渀最愀琀愀 欀椀 琀攀 琀愀渀最漀 椀 吀攀 倀椀瀀椀ⴀ ഀ眀栀愀爀愀甀爀漀愀 洀攀 琀甀欀甀 洀愀椀 攀 椀愀 琀攀 洀漀渀椀 椀 爀漀琀漀 椀 琀攀 ഀ爀攀琀愀 眀栀愀欀愀愀琀甀 洀愀椀⸀ 䠀攀 眀栀愀欀愀愀琀甀 愀渀漀 栀漀欀椀 欀椀 渀最愀 ഀ琀愀渀最愀琀愀 攀 琀愀渀最漀 愀渀愀 椀 琀攀 瀀攀瀀愀Ⰰ 欀愀 琀愀攀 欀椀 琀攀 眀愀 攀 ഀ瀀愀甀 愀椀 愀 欀漀甀琀漀甀 洀漀渀椀 琀甀欀甀 洀愀椀 欀愀 琀愀欀愀椀愀 琀攀 瀀攀瀀愀 ഀ欀椀 琀攀 琀愀欀愀椀 眀栀攀爀漀⸀ 䬀椀愀 琀攀爀攀 琀攀 琀甀欀甀 洀愀椀 愀渀漀 椀 琀攀 ഀ栀甀愀 欀愀爀攀愀漀Ⰰ 欀椀 琀攀 欀漀爀攀 攀 琀攀爀攀 洀愀椀 欀愀 洀甀琀甀 琀攀 爀攀爀攀 ഀ愀琀甀⸀ 䬀漀 琀攀 甀琀甀 椀 琀攀 琀愀甀 㔀⼀ⴀⰀ 洀攀 甀琀甀 椀 琀攀 琀甀愀琀愀栀椀⸀ഀഀ㐀⸀ 䔀 瀀愀椀 愀渀愀 欀椀愀 琀甀欀甀愀 洀愀椀 渀最愀 欀漀爀攀爀漀 漀 椀愀 眀愀栀椀 漀 ഀ椀愀 眀愀栀椀 漀 琀攀 䴀漀琀甀Ⰰ 攀渀最愀爀椀 欀攀椀 琀攀 䔀琀椀琀愀 琀攀 琀椀欀愀渀最愀 洀漀 琀攀 ഀ琀愀 椀 愀甀愀 欀漀爀攀爀漀㬀 欀椀愀 洀愀爀愀洀愀 琀攀 琀甀栀椀琀甀栀椀⸀ഀഀ㔀⸀ 䴀攀 瀀攀渀攀椀 琀攀 琀甀栀椀 椀 眀愀栀漀 漀 渀最愀 爀攀琀愀 欀愀琀漀愀㨀᐀ഠഀ䬀椀 吀䔀 倀䤀倀䤀圀䠀䄀刀䄀唀刀伀䄀Ⰰഀഀ吀攀 刀愀甀Ⰰ 䜀椀猀戀漀洀攀⸀ഀഀഀഀഀഀ䠀䔀 倀䄀一唀䤀⸀ഀഀ䬀椀 琀攀 琀愀䬀愁琀愀 攀 栀椀愀栀椀愀 愀渀愀 欀椀 琀攀 刀愀眀椀爀椀 欀椀 琀攀 ഀ䠀椀洀攀渀攀㨀 栀攀 渀甀椀 渀漀愀 愀琀甀 䬀愁 瀀甀欀愀瀀甀欀愀 欀攀椀 愀 ഀ愀甀 椀渀愀椀愀渀攀椀㨀 欀漀 琀攀 甀琀甀㨀᐀ഠഀ䠀攀 洀攀愀 渀甀椀Ⰰ 欀椀爀椀 渀漀愀Ⰰ ㈀⼀㘀 ഀ䠀攀 洀攀愀 渀甀椀Ⰰ 欀椀爀椀 眀栀攀爀漀Ⰰ ㌀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀Ⰰ 㐀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀 爀愀眀愀Ⰰ 㔀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 眀栀攀爀漀Ⰰ ⼀㘀 ഀ䠀攀 洀攀愀 瀀愀欀甀Ⰰ 欀椀爀椀 瀀愀椀Ⰰ ㈀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 渀漀愀Ⰰ 椀⼀ⴀ ഀ䠀攀 洀攀愀 瀀愀欀甀Ⰰ 欀椀爀椀 瀀愀椀 爀愀眀愀Ⰰ ㌀⼀㘀 ഀ刀愀眀椀爀椀 ☀ 䠀椀洀攀渀攀Ⰰ 欀椀爀椀 渀漀愀Ⰰ ⼀㘀 ഀ刀愀眀椀爀椀 ☀ 䠀椀洀攀渀攀Ⰰ 眀栀攀爀漀Ⰰ ㈀⼀ⴀഀഀ刀愀眀椀爀椀 ☀ 䠀椀洀攀渀攀Ⰰ 瀀愀椀Ⰰ ㌀⼀ⴀ ഀ刀愀眀椀爀椀 ☀ 䠀椀洀攀渀攀Ⰰ 瀀愀椀 爀愀眀愀Ⰰ 㐀⼀ⴀ ഀ䠀攀 䠀椀洀攀渀攀Ⰰ 㘀搀⸀ഀഀ䴀愀欀甀 攀 甀琀甀 琀攀 倀愀渀攀 䬀椀䬀椁 栀攀椀 琀甀欀甀 愀琀甀 椀䬀 愀 ഀ瀀甀欀愀瀀甀欀愀 欀椀 愀 欀漀攀⸀ഀഀ一愀 䠀⸀ 圀⸀ 圀䤀䰀䰀䤀䄀䴀匀Ⰰഀഀ吀攀 刀愀甀Ⰰ 䜀椀猀戀漀爀渀攀⸀ഀഀഀഀ䬀椀 琀攀 栀椀愀栀椀愀 琀攀 琀愀䬀愁琀愀 欀椀 琀攀 倀愀椀瀀攀爀愀 欀椀 琀攀 ഀ䬀愀眀攀渀愀琀愀Ⰰ 洀攀 琀漀渀漀 欀椀 琀攀 䈀䤀䈀䰀䔀 䐀䔀倀伀匀䤀吀伀刀夀 ഀ匀唀一䐀䄀夀 匀䌀䠀伀伀䰀 唀一䤀伀一Ⰰ 䄀甀挀欀氀愀渀搀⸀ഀഀ倀愀椀瀀攀爀愀Ⰰ ㈀⼀㘀Ⰰ ㌀⼀㘀Ⰰ 㐀⼀㘀Ⰰ 洀攀 琀攀 瀀愀渀攀 欀椀䬀椁 椀⼀ⴀഀഀ䬀愀眀攀渀愀琀愀 洀攀 䬀愁 甀瀀漀欀漀 眀栀愀欀愀洀愀爀愀洀愀Ⰰ ㈀⼀㘀Ⰰ ㌀⼀ⴀ ഀ㐀⼀㘀Ⰰ 洀攀 琀攀 瀀愀渀攀 欀椀䬀椁 ㌀搀⸀ഀഀ䬀愀眀攀渀愀琀愀 瀀愀欀甀Ⰰ 洀攀 䬀愁 眀愀椀愀琀愀Ⰰ ㈀⼀ⴀⰀ ㈀⼀㘀Ⰰ ㌀⼀ⴀⰀ ㌀⼀㘀Ⰰ ഀ㐀⼀ⴀⰀ 洀攀 琀攀 瀀愀渀攀 欀椀䬀椁Ⰰ ㌀搀⸀ഀഀഀഀ倀爀椀渀琀攀搀 愀渀搀 倀甀戀氀椀猀栀攀搀 戀礀 䠀⸀ 圀⸀ 圀䤀䰀䰀䤀䄀䴀匀Ⰰ 愀琀 吀攀 刀愀甀 ഀ倀爀椀渀琀椀渀最 圀漀爀欀猀Ⰰ 䈀攀爀爀礀 匀琀爀攀攀琀Ⰰ 䜀椀猀戀漀爀渀攀㬀 一攀眀 娀攀愀氀愀渀搀⸀ഀഀ一䜀䄀 䠀唀䄀 䬀䄀刀䔀䄀伀 䴀䄀 吀䄀 吀䄀吀伀唀 䴀䄀一唀⸀ഀഀ㔀⼀ⴀ 䠀漀愀渀攀 倀愀瀀椀琀愀Ⰰ 䬀椀渀最椀开刀愀欀攀渀愀Ⰰ 吀愀洀攀 䔀爀愀洀椀栀愀㬀ഀഀ㤀搀⸀ 吀漀洀 䨀漀栀渀猀漀渀⸀ഀഀ䠀⸀圀⸀圀䤀䰀䰀䤀䄀䴀匀 吀䔀 刀䄀唀 倀刀䔀匀匀 䜀䤀匀䈀伀刀一䔀