![]() |
Pipiwharauroa 1899-1903: Number 68. October 1903 |
![]() |
1 1 |
▲back to top |
Te Pipiwharauroa, He Kupu Whakamarama. NAMA 68. GISBORNE. OKETOPA 1903. TE WAIRUA ME TE TINANA. TENEI ra o te pukahu tanga o te tohunga hei whakaora i nga mamae maha o te tinana (e ai te korero a te iwi e whakapono ana ki te tohunga) i te kaha o te aroha o te tangata ki tona tinana kua whakahawea ia ki nga mea e ahu ana mo tona wairua. I panuitia e te Puke ki Hikurangi nga korero ta- wai a Eruera te Kahu mo te Hahi, he mahi no te Hahi mo te taha anake ki te' wairua, ka wareware te taha ki te tinana; I puta ano enei kupu i a ia i te hui a tana tohunga a Wereta i tu nei ki Pakirikiri. I mea nga kaikarakia o te Hahi i riro i te pohehe ki roto i nga mahi tohunga, " Koia nei ke ia te hangaitanga ko te mahi mo te tinana raua ko te wairua." He tu tonu no te tangata te rapu tikanga hei whakatika i nga mea e mahia ana e ia, e awangaawangatia ana hoki e tona nga- kau he he. I ui tetahi tohunga Ringatu mo te take i whakapono ai au, no taku whakau- runga atu, kia ora ai taku wairua, ka kata ia. Kei te penei toku ngakau na, ko te ora anake pea mo te tinana e whaia nei e nga Ringatu, ko te oranga pea mo te tinana te take nui i karakia ai ratou. Ka iti te whakapono o te tangata ki te Atua, ka nui rawa tona whakaaro mo nga mea anake o tenei ao, mo te tinana, nawai ra kua hou ona whakaaro katoa ki roto anake i a ia, kua kore e whakaaro ki te Atua ki nga mea whakaatua ranei, kua kore ia e whakaaro mo nga mea e kore nei e kitea e ia e taea ra- nei te whawha e ona ringaringa. Nui ke atu te pirangi o te tangata ki nga mea e kitea ana e ia i tona pirangi ki nga mea kahore nei e kitea. Ko etahi tangata kuare kaore e wha- kapono ki nga mea kahore nei e kitea e o ratou kanohi. He maha nga mea e kore e kitea otira e kore e taea te whakakore kahore kau he mea pera. Kaore e kitea atu te Atua hari korero, hopu korero ranei a te pakeha, te electricity (hiko), otira ko nga tangata waira- ngi anake e ki kaore kau he mea pera. Ko nga mea e kore ana e kitea nga mea mau tonu nga mea nui, ko nga mea e kitea ana e meme- ha. 'E mea ana te Karaipiture," he mea no nainei hoki nga mea e kitea ana; he mea mau tonu ia nga mea e kore e kitea." Ko nga mea e kore e taea. e nga kanohi te titiro, e te ngakau ranei te whakaaro ma te whaka- pono ka kitea ai, ma te whakapono e whaka- tinana. "Na, te whakapono, he whakapumau- tanga i nga mea e tumanakohia atu ana a he whakakitenga i nga mea kahore nei e kitea" (Hape. ai, i). I te kore o nga kanohi maori o te tangata e kite 'i te Atua, kaore ona tino wehi i te Atua, kaore ia e whakapono ki te Atua; i tona kore e kite i te rangi me ona painga, ka whakapaua katoatoa ona whakaaro ki nga mea memeha noa o tenei ao, ka tata ra ano te mate ka wareware i a ia te te kupa, "I te awhi tonu ano ona ringaringa ki tenei ao, ka haere tahanga mai tatou ki tenei ao, ka haere tahanga atu ano hoki i tenei ao."- I te kite o te tangata i tona tinana i tona kore hoki e kite i tona wairua ka pau katoa ona whakaaro, ona hiahia me ana mahi mo tona tinana, nui ke atu tona aroha ki tona tinana i tona aroha ki tona wairua, ahakoa e tino marama ana he pirau tona tinana he mutunga-kore ia tona wairua. Ko taua aro- ha nui ki te tinana e whakapohehe nei i te tangata i enei ra, i mamingatia ai ratou e nga hanga a te tangata; ko taua aroha nui ki te tinana e mea nei ki te Hahi, " Hei aha koe, kaore ou whakaaro ki te tinana, ko te wairua anake tau e whakaaro ai." He tika ranei tenei taunu ki te Hahi me nga kai-kauwhau i te Rongo Pai a Ihu Karaiti? He tika ano ehara nga minita i te rata te tohunga, otira
![]() |
2 2 |
▲back to top |
TE PIPIWHARAUROA. e tohutohu- ana ano ratou i nga tikanga e ora roa ai: te. tangata—kia tupato te tiaki i te tina- na. Mehemea e tupato ana te tangata i nga huarahi mai o te mate e kore ia e haere auau ki te rata e kore hoki e rere porangi ki te whai haere i nga tohunga kia whakanuia, o o ratou mate. Ka hia nga tau i kauwhau ai te Kotahitanga o Te Aute mo te tiaki i te tina- na? Kaore te Maori i te whakarongo ki a ratou kauwhau a me te mate ato te iwi Maori. He. mahi nui na etahi, minita. te tirotiro turo- ro, te rongoa. Otira kaore kau he tikanga e uhupoho ai a Eruera te Kahu kei whakaaro anake te ta- ngata ki tona wairua i runga i takaha o nga minita ki te kauwhau a ka wareware i a ia tona, tinana. Ehoa, kei wehi noa koe. E kore. te tangata e wareware ki tona tinana, engari tona wairua e warewaretia. Ko te take i karakia-ai: etahi tangata ehara i te mea he. hiahia,.nui po ratou kia: ora ai o ratou wai' rua-engari: kia ora roa ai o ratou tinana. He aha ra te -take o ta: Te Kahu karakia? E mea.; ana a: Paora» " Kahore hoki tetahi kia kino noa ki. tona kikokiko ake: engari e ata- whai ana, e. whakaahuru ana," Whanau ana mai te tangata ki te ao, a tae noa ki tona matenga he whakaahuru tonu te mahi i te tinana. I te tamarikitanga; ka whangaia ki nga kai: ngawari» ka, takaia ki nga kakahu mahana, ka tiakina te koka i te ao i te po, ka horoia, ka tapuhitia, pau katoa te whakaa- ro o ona matua ai te tiaki i. a ia; ka pakeke ka whakaakona ki te. kura mutu atu te kura ka timata, te mahi oranga, hei oranga mo te tinana, heke; ana. te kakawa, i te mata, ka mahi i te matao i te maku i te whainga ki te oranga-mo te tinana. I hanga he whare mo te tinana: kia-maru ai. Hei te haerenga ki te moe, ka tomo ki te ruma, ka piki ki te moenga, he ngawari, he huruhuru; manu ka tomo ki waenganui i nga huti, kei waho ake ko nga paraikete ko te. kuira, ka. takoto tona mahu- nga ki te urunga kopungapunga he mea whakairo rawa, ka moe ka ngongoro te ihu. I te ata. ka. maranga, ka kakahu i a ia, ki te paranene, ki te haate, ki te kara ki te hei. He kakahu ke ano. o roto he kakahu ke ano o waho; ka takaia ona waewae ka kuhua ki nga hu. Ka mutu te horoi me tana. kakahu ka noho ki te kai kua rite rai tana wahine i ana pononga ranei, ka pare ko te tuara ki tetahi te kopu; ki nga kai; e toru e wha e. rima rawa ranei ona kainga i te ra. Ka hiahia ia ki te haereere ka eke Ia te hoiho, ki te paihi kara, ki te. paki, ki te tima, ki te rerewe, ki te motuka ranei, ka haere, ka whakapau i ana moni. Ka hiahia ia ki te ngahau, ka haere ki te takaro, ki te reihi hoiho, ki te riata, ki te aha ki te aha. Ka pangia ia e te mate, ka takoto, ki te moenga tino pai, ka homai nga kai tino pai mana, ka tiakina ia te ao i te po, ka haere mai te rata; hei tona hemonga ka tangihia, ka takaia ano, ka hanga he kawhena whakapaipai, 'ka tanu- mia, ka tataitia tona urupa ki te puawai, ka taiapatia, ka tangi nga whanaunga i muri nei. Enei mahi katoa hei atawhai i te tinana ko te pirau nei tona mutunga. E tawai ia nei te tangata mo te kore o te Hahi e whaka- aro ki nga tinana, a he aha i tawaia ai mo te whakaarotanga ki te wairua Tirohia te nui o nga mahi a te tangata hei manaaki i tona tinana. Mo nga tau e hia?*' Nga reo o ma- tou tau e whitu tekau tau; a ki te whai kaha, a ka waru te kau nga tau; heoi he mahi mauiui, he pouri to ratou kaha." E whitu tekau tau; a ki te whai kai, ka waru tekau. E te tangata mo enei tau anake ranei tau mahi? Ka pehea a tua atu? Pehea te nui o tou ka- ha, o au moni, o to taima, o whakaaro, e pau ana i te rapunga i te ora mo tou wairua, kaore nei e mate tahi me te tinana? Mo ake tonu atu te wairua, ko to tinana e kore pea e tae ki te whitu tekau nga tau. E tika ana ranei te kupu tawai ino te kauwhau anake mo te taha ki te wairua? Kaore ranei koe e mohio kia nui ke ake nga mahi mo te wairua, a kia iti iho mo te tinana? Otira ko te hea te mea e nui ana tau mahi? Kaore rawa i penei te uaua o te mahi e ora ai te wairua, otira kaore noa iho he mahi, kua oti ke hoki i a te Karaiti. Heoi ano te mahi ko te whaka- pono anake o te ngakau. "Me whakapono ki te ariki ki a Ihu Karaiti, ka ora ai koe." E te tangata kia whai •whakaaro. Mahara ki te Atua i a koe e ora ana. Ma to mohio ki te Atua, ma te whakaorangia o tou wairua, ka mohio koe te painga o te oranga i tenei ao. Kei maumauria e koe tou wairua i mate nei a te Karaiti, kei maumauria e koe mo tou tinana memeha noa, pirau, atarangi. Inoia te inoi a te kai-waiata, " Akona matou ki te tatau i o matou ra kia anga ai te ngakau ki te whaka- aro." Kanui rawa te noho kino o Ruhia raua ko Tiapani, tera pea e whawhai. Kua hokihoki etahi Tiapani i era atu whenua, kei te hoko kaipuke whawhai hoki a Tiapani, kei te wha" kahuihui a Ruhia i ana hoia. Ki te ki a etahi tangata ka whawhai ana e " pare-te-ihu" o Tiapani.
![]() |
3 3 |
▲back to top |
KUA tae mai te pukapuka a Paora Ho-] pere o Taupiri, Waikato, mo nga; korero o te hui karakia i Te Muriwai, i kiia ai e matou ko Nga Waea i hinga i runga i nga tautotohe mo te Hahi Momona. Kaore matou i te hiahia ki te panui katoa i te puka- puka a Paora Hopere, ko tana hiahia hoki he tautotohe, mehemea he he ta matou panuita- nga i nga korero o te hui ma Nga Waea e whakahe ma tetahi tangata ranei o Te Muri- wai, ma tetahi tangata i rongo i nga korero. Kaore o matou wehi ki te whakahoki i nga korero a Paora, e mama noa te whakautu i ana korero engari kotahi rawa te kupu a tenei tangata me whakahoki e matou, ki tana wha- kaaro hoki e he matou e kore rawa e taea te whakahoki. I mea a Paora Hopere, "Ka nui rawa taku hiahia kia whakaaturia mai e koe te upoko i noho ai tenei kupu a au e ki nei, kotahi ano ta te Karaiti wahine i whaka- rite ui ma te tangata no te mea kei te tino ngaro tena upoko i a matou o Waikato nei, hanga te kupu mo te wahine i whakaritea e te Atua ma Arama hia kotahi ano, e tika ana tena." Kua whakaae aP. Hopere kotahi ano te wahine i whakaritea e te Atua ma te tangata, a tena nonahea i taka ai ta te Atua ture i whakaritea ai e ia kia ngahuru he wa- hine ma te tangata? Koi ara ano te wa hei whakanuinga i nga wahine ma te tangata ko te wa i a Arama i te mea e tokoiti ana te tanga- ta i te ao. Ki te whakaaro aP. Hopere kaore rawa a te Karaiti i mea kia kotahi ano he wahine ma te tangata engari pea ia kia toko- maha tonu. E puta ke ranei ta te Tama i ta te Matua? Mehemea kahore a te Karaiti kupu, he aha aP. Hopere me Waikato te whakapono ai ki ta Ihowa? I mea te kupu, "No konei, ka whakarerea e te tangata tona papa me tona whaea, a ka piri ki tana wahi- ne a hei kikokiko kotahi rawa" (Kene. 2, 24). Kaore i penei na ana wahine," " hei kikokiko kotahi ratou," ko te tikanga ano ia tenei ki a Hohepa Mete. I penei ano ta Paora (Epe. 5, 3 • I penei ano hoki ta te Karaiti. I whakaukia e ia, i hiiritia ta tona Matua wha- karitenga kia kotahi ano he wahine ma te tangata i whakahuatia ano e ia ko nga kupu i a Kenehi 2, 24; i mea ia, " Mo konei ka mahue i te tangata tona papa tona whaea, a ka piri ki tana wahine a hei kikokiko kotahi raua tokorua" (Matiu 19» 5; Maka 10, 6-8). Kia pehea rawa te marama ki te Momona? Kaati mehemea kahore i mea a te Karaiti kia kotahi ano he wahine ma te tangata whakaa- turia mai ta te Karaiti kupu kia tokomaha he wahine ma te tangata kotahi. Whakaa- turia mai, e hoa, maku hoki te tono ki a koe. Kei te mohio ranei koe ki nga whaka- akoranga katoa a to Hahi'? Uia ki o koutou minita pakeha mehemea e whakaaro ana ratou he wahine ano a te Karaiti, a i moe hoki te Atua i a Meri whanau mai ana ko te Karaiti. Uia, e hoa, kia kitea to ratou kaha ki te whakakorekore. E kore ranei e tika kia tino riri te nga- kau ki te Hahi e penei ana etahi o ana whakaakoranga? I mea a Paora Hopere hi te whakaaturia atu e matou ta te Karaiti ku- pu mo te kotahi o te wahine ma te tangata katahi ano ia ka whakaae i hinga a Nga Waea. Na wai ra i whakarite ko ia hei kai whakatau,- he wairangi pea ia ki a ia nga ta- ngata o Te Muriwai i hone rawa ai ia mana rawa e whakatau, ko ia hei Hupirimi Kooti. I te tau 1900 ka tuhituhi mai tetahi tangata Momona, ki te whakaaturia atu nga he o te Hahi Momona ka puta ia me etahi atu ki waho o taua Hahi. I whakaaturia nga he kino o te Hahi Momona, kahore i taea e taua tangata aua kupu te whakahoki, kaore hoki taua ta- ngata i puta ki waho o te Hahi Momona, waihoki mehemea koe he Momona e kore koe e whakaae kia hinga a Nga Waea he Momo- na hoki ia. Ae, kaore matou i te tino tauhou ki te ahua o te tangata. TUKUNGA I WHITIREIA. [Ko te kape tenei o te Tiiti tuku i Whitireia hei turanga Kura. Na Rev, Peneti i whakahau kia 'R M Tolhurst, Roia o Poneke kia kimihia i te Tari Whenua Kawanatanga.] Otaki, Akuhata, 16, 1848. E hoa e te Kawana Kerei tena koe, e pono ana ta matou whakaaetanga ki Witireia hei Kareti ma to Pihopa, ehara i te mea he tuku atu na matou hei kainga mo te Pihopa, otira mona mo nga Pihopa a muri ake nei e wha- kakapi^ ai tona turanga, hei whakatupu i nga ritenga o te whakapono ki a Te Karaiti, kia waiho ai hei patutu kia ruru ai i nga hau huanoa o te ao ara i te he. Heoti ano kua tumau rawa taua kainga hei Kareti ma nga Pihopa o te Hahi o Ingarangi. Heoti ano na matou, NA TE RAUPARAHA. NA WIREMU KANAE. NA TAMIHANA TE RAUPARAHA. NA RAWIRI PUAHA. NA MATENE NA TE 'WATARAUIHI NOHORUA. NA HOANI TE OKORO. NA RAWIRI HIKIHIKI.
![]() |
4 4 |
▲back to top |
TE PIPIWHARAUROA. NGA TOHUNGA MAORI. HE nui atu te pouri, mo te kaha tonu o te Koiwi o nga tohunga maori ki te koiri ake i roto i nga ra o te ture a te pakeha e hoa i mua nei ki nga mahi whakatahunga kia tino whakakorua atu. Kua maha ano nga tohunga maori kua whare hereheretia e te ture i runga i te whakaputa tonu i a ratou tikanga. Otira e te iwi, e kore au e ki, no nga tohunga anake te he, engari no te iwi nui tonu, hui atu hoki ki nga rangatira, e hapai ana e whakamana- mana ana i runga i te mana o ratou tohunga, e ai ki ta ratou korero no reira ka titiro etahi tangata kuare, whakai he mahi pai tenei te whakatahunga, kia whai ingoa ai ratou. kore rawa e mohio tera ano te ringa kaha o te ture kei te matakitaki tonu mai ki a ratou. Inai- anei kua taimaha te whiu mo nga tohunga no te mea kua roa rawa tenei e whakatupato haere ana te ture. I mua tata ake nei, ka hopukia tetahi o aua ta tangata, e korero ake nei au, i runga ake nei, ki te whare-herehere, mo te ringihanga wai matao ki runga ki te tinana o te turoro, o to tatou hoa aroha o Heta te Kani-a-Takirau kua mate nei. E mohiotia ana tera ano e ahua roa atu ona ra e era ana na tenei mahi kuare ka tangihia wawetia tona tinana. Heoi tanapu tirotiro marire nga tangata e whakaaro ana kia whai- ingoa ratou i runga i nga mahi maminga. I tuhia atu ai ene; korero, ehara i te mea he aha, engari he ngakau aroha, pouri hoki, mo te kaha tonu o nga mahi pohehe a te Maori i roto i nga ra o te matauranga o te pakeha. Na to hoa aroha, na TAME ARAPATA. Te Arai, Gisborne. HE NGAHURU TOHUNGA. I TE matenga o Heta te Kani kotahi ano te korero nui ko tona matenga i runga i nga mahi tohunga; i nga whaikorero i puta tenei korero, i nga tangi i puta ano. Ko Heta te Kani tetahi o nga rangatira i tautoko i a Wereta; i runga i te nui o tona whakapono ki a Wereta i runga hoki i te kupu a te tohunga takahia ana e ia te kupu a te Kooti kia kaua ia e whiti ki tua o Whangara, kia kaua e uru ki te rohe o Ngatiporou. Otira i tera tau i tae ia ki Tokomaru. Na, e ki ana te Ringatu inaianei na te takahanga i te kupu a te Kooti i mate ai a Heta. Ki a matou nei hoki he horihori noa iho nga kupu a te Kooti, ehara ia i te Atua e mana ai ana kupu. He tinana mate tonu a Heta, na te kaha o te rata mate pai o te tiaki i tera tau i ora mai ai ia, engari he ora whakauaua noa iho. I era ra kaore he tohu- nga hei whakamanawatanga penei me enei ra. Ko te mate o Heta, ehara, i te tangata, he mate tawhito tonu, engari na nga mahi tohu- nga i whakahohoro tona matenga. I mauria atu a Heta i te taone ki Whakato, ki te hui a te Ringatu, koi ara hoki tona karakia. I reira ka eke he tohunga hou ki te mahi i a ia, ko Matene Kaihau. No nga ra i a Wereta ka whakaea tenei tohunga, ka tapa ingoa mona, ka ngahau hoki te mahi tohunga i te hapainga a nga rangatira, a nga mema o te Paremete. Ko nga atua o tenei tohunga he atua maori, ko Teko ko Toiroa, ko Toi-korero-parau. I puta tana kupu e toru nga ra ka ora i a ia a Heta. Heoi ano te tikanga o enei kupu, he tino teka, he korero ranei na te rorirori. Ka kitea i konei te kaha o te tangata ki te whaka- puta i nga kupu uaua, i te whainga pea kia nui tona ingoa kia rite ki to Wereta. I te whakaaro o Matene he tangata a Heta i whakatupua ka puta tona hiahia kia mukua e ia nga tapu o Heta, katahi ka tono ki a Heta kia horoia ia ki te wai matao, otira kaore a Heta i whakaae, hei aha ka tohe tonu te tohunga nei. I te ata tu ka mau tohunga nei ki te pakete wai, ka ringihia ki runga i a Heta. I te matao o te ata, i te matao o te wai, i te nui o te mate, i te tino ngoikore o te tinana, i te ohorere o te ringihanga i te wai, kino tonu atu te mate o Heta, a mate noa. I te taenga o te rata ka mea e kore a Heta e ora, ka pouri hoki ia mo te whakarerenga a Heta i a ia, tahuri ke ki nga tohunga. No tenei wa ka rere te karere a te Kaunihera Marae o Taki- timu ki te tiki i tetahi atu tohunga ko Ena te ingoa, no Waikaremoana Te putanga mai o tenei, ano he uruhanga, oma tonu mai te hoiho, tuku tonu ki raro, ka whakatupato i te iwi kei turituri i a ia e mahi ana i te turoro. No te hokinga ake o Heta, he hokinga whaka- mutunga, ka hari nga tangata hapai i nga tohunga, ka ki kua ora a Heta i te tohunga. Ko Heta ia i mohio tonu kua he ia, i tangi ia mo tona kuare ki te whakarongo ki nga tohu- nga maori. He nui to matou pouri mo te matenga o Heta, i kaha ia ki te riri ki tona mate papatua, otira na nga tohunga korero •parau nei ua ana i raru ai. Ko te mea pai kia hopuhopukia enei tohunga ki te whare •herehere. I hopukia a Matene e nga pirihimana a kua tukua ma te
![]() |
5 5 |
▲back to top |
HE KUPU WHAKAMARAMA. Hupirimi Kooti e whakawa. I te whakawa- kanga ka kiia na Matene tonu i tohe nui kia riro mana a Heta e mahi, ko te mate o Heta i te kaki e ai ki a ia, he koko kei roto, kaati mana ka puta ai ki waho, ma ona atua. Ko i te mate o Heta he kohi-a-kiko, hei te tohunga : kuare ka ringihia ki te wai, oho ana te tinana katoa, tanuku ana, tangatanga ana nga hono- nga o tona tinana, puni ana tona wai. Kaore a Heta i whakaae kia ringihia ia ki te wai, no te mea ka 10 nga tau kaore ano ia i pa noa ki te wai matao, otira i mea a Matene,'(Waiho mai tena i a au," ara e kore te he e pa ki a Heta i te mea na te tohunga te kupu. I te ata tu ka haria a Heta ki waho, ko tona tarau moe anake te kakahu, katahi ka ringihia e te tohunga ki te wai matao, he tonu atu a Heta, he mea whakawaha ki te whare i tae ai, i mua atu haereere ai ano; kore rawa a Heta i ara ake a mate noa. Na te takuta i papu ka puta te wai. Ahakoa ka tata a Heta te mate, i te taenga mai o Ena kei te whakamanamana tonu ano etahi tangata mo nga tohunga maori. Na runga i te korero parau a Matene kei a Ena te mate o Heta ka tukua e te tumuaki o Takitimu he pukapuka ki taua tangata kia haere mai. Kua mohiotia e te tangata te kino—te kino nui o TE PIPIWHARAUROA ki nga tohunga maori, ahakoa ko wai te tohunga. Pai ke atu te takoto noa iho o te turoro i tana haere ki te tohunga. Ki te kore e taea he takuta me ui ki nga, pakeha matau nga rongoa tika, me te tiaki i te turoro. E te iwi kaati te whakarongo ki nga mahi teka, no hea te mohiotanga o nga tohunga ki te mate? Kei te mohio noa te tangata kuare he mea kino te wai matao mo te turoro otira he pai ia ki te tohunga. Koia nei ranei nga tangata hei whakawhirinakitanga mo tatou? Kua puta mai he rongo o roto o Turanga kua mate ano he tamaiti i runga i nga mahi tohunga, na te "apotoro" tenei hanga, na tetahi o nga apotoro a Wereta mihaia. I tapahia nga makawe o te kopako o te tamaiti, ka tahuna ki te ahi, ka whakahongihongia ki te turoro. E kiia ana na Wereta ano tenei tikanga, kaati e taea e ia e te tangata mohio ki nga Karaipiture te kimi he rarangi i te Paipera hei kaupapa mo tenei tikanga. Kei te uiui ano te pirihi mo tenei tohunga. E te iwi, i kite ranei koutou i te patai a TE PIPIWHARAUROA o Akuhata, i mea ra, " He aha ra te mutunga o tenei mahi, he aitua pea?" Kaati noa te whakawairangi i a taua ki te whakapono ki enei mahi wairangi, mahi tini- hanga. PITOPITO KORERO. KEI te whawhai a-kupu tonu a Ingarangi mo te tikanga a Tiamurini kia kaua e tiutitia nga taonga o Ingarangi e tukua ana ki nga koroni me o nga koroni e tukua ana ki Ingarangi, engari ko nga taonga o era atu whenua katoa me tiuti. Ki te whakaaro a etahi tangata ki te oti tenei ture ko te hekenga ano tenei o te Emepaea, ki ta etahi ki ko te pikinga. He tino riri nui tenei. I te hokinga o Takuta Torei raua ko Aro- hawera ki to raua kainga ki Tikako, i to raua taiawhiotanga i te ao katoa kauwhau ai, he nui whakaharahara to raua powhiritanga, i waiata te mano i himene. I mea a Torei mea ake ka oho te ao katoa ki te whakapono. I a raua i Parawaha, Aerani, nui atu te tangata i popoke kia rongo i te Rongo Pai, i tata ki te 10, 000—i te kore whare ka tu i waho. Kei te mura tonu te whawhai i Makeronia, kei te kohuru tonu nga hoia o Takee, kei te rere tonu te wahine me te tamariki i runga i te mata o te hoari, kei te wehi nga mana ki te wawao. Ki te penei te ahua tera pea e ngaro atu i te mata o te whenua te iwi o Makeronia. Kei te tohe te spector, he nupepa nui no Ingarangi kia whakaaro nga iwi Ki te whaka mutu i tenei riri kino,, kia whakaturia he Kawana Karaitiana hei whakahaere i Makere* oia. Kei te karanga tonu te tangata o Make roma me ia i karanga ra ki a Paora, kei te hamama tona reo tangi ki nga iwi Karaitiana, kei te mea, " Whakawhiti mai ki Makeronia, whakaaro mai ki a matou." I tera ra na te tau tangata te karanga ki te tangata Karaiti- ana, i tenei ra na te iwi Karaitiana ki nga iwi Karaitiana. Kahore a Paora i whakaroaroa ki te whakarite i te karanga a-wairua noa, tena i enei ra kei te tahurihuri noa iho nga wi kaha ki te whakarite i te karanga a tai o tama- riki a tai o te wahine, " whakawhiti mai ki Makeronia, whakaaro mai ki a matou." I nga mahi takaro a te Kareti nui o Otepoti. ko Pita Paaka te tuatahi i te rere tupeke, i te oma rere taiapa, i te whiu i te kohatu taima- ha. I hinga i a ia nga pakeha. I mea a Huriu, pihopa o Otautahi, mehe mea ana no enei ra te nohoanga o te Karaiti i te ao tera e kiia he tangata taikaha, ehara i te ngawari, no te mea he tokomaha nga ta- ngata rangatira i mamae i nga kupu i nga mahi a te Karaiti. Ko te tangata ngawari inaianei ko te tangata kaore e hamumu te reo, ahakoa kite atu i te he. Kaore i penei to te Karaiti ngawari.
![]() |
6 6 |
▲back to top |
TE PIPIWHARAUROA ETAHI RETA KI TE ETITA. Ki TE ETITA o TE PIPIWHARAUROA. E HOA, tenei etahi kupu torutoru nei hei tuku atu mau hei titiro iho hoki me nga i hoa aroha hei matakitaki iho hoki i nga mahi i puta i tenei wa e te tau, he nui ta whakamoemiti o te ngakau ki tetahi tikanga i mahia e Rev. P. Peneti ki Taranaki nei he kohi moni hei awhina i te kura kotiro, kua tu nei ki Akarara. E hoa ma, kanui te tuma- nako o te ngakau ki te kaha o to tatou hoa o Peneti ki te kimi i tenei mahara hei awhina i tera taonga o tatou he nui hoki te whakamoe- miti o te ngakau ki nga pakeha o taua takiwa, tane wahine, rite tonu te kaha ki te awhina ki te tautoko hoki i a Peneti ratou ko tona Komiti, heoi e nga hoa kia titiro nui tatari ki tenei tikanga nui e mahia nei e to tatau hoa hei painga mo te katoa. Heoi na to koutou hoa aroha, na INIA TUHATA. Ki TE ETITA o TE PIPIWHARAUROA. TENEI etahi kupu ruarua hei tioro haere- tanga ma ta tatou manu i raro i tona mana, ara koia enei;—No te ata o te Paraire, Hepetema 25, ka moe a Wiremu Kake i te moengaroa, i te 51 ona tau. Ko ia tetahi o nga tangata rangatira o tenei hapu, o Ngati- hau, Ngapuhi, i roto o Whangarei. Ko ia te tangata whai mana o tenei marae o Pehiaweri, he tangata hoki ia i arohaina nuitia e ona iwi ake, me ona hoa pakeha hoki. He tangata ia i u tonu ki te whakapono mai, i. ona tupuna, a tae noa ki tona matenga. No te 27 o Hepetema i te Ratapu te 3 o nga haora i te ahiahi, ka nehua e ahau ki te wahi tapu o Pehiaweri. I nuku atu i te rua rau nga maori me nga pakeha i tae mai ki a kite i tona nehunga. Na nga Maori i kawe mai i te marae o te tupapaku ki te keeti o te taiepa nui o te whare karakia, na nga pakeha i kawe mai i reira ki roto ki te whare karakia, a tae noa ki te tuku- nga ki. te poka. E rua nga reo o te karakia, o nga kauwhau hoki, he maori, he pakeha, i roto i te whare karakia, i waiho hoki. Katahi ano ahau ka kite i te tini o te maori, o te pakeha hoki i roto o te pariha o Whangarei i runga i te nehunga tupapaku. A, ko tana tamaiti matamua ko Henare Kake, te kai- whakakapi i muri i tona papa. Heoi ano, na to hoa ponanga, na H. M RUARANGI. KI TE ETITA O TE PIPIWHARAUROA. HE mihi poto. Kia ora! te mokai taonga e hari mai nei i nga taonga nunui o nga whakaaro-whaimahara o nga hoa aroha i tera wahi i tera wahi o tatou. E hoa panuitia atu aku mihi mo te matenga o taku tuahine o Mange K Tuauru, no Ngapuhi ki Kaikohe no te 18 o nga ra o Hepetema i mate ai. He wahine i arohaina nuitia e ona iwi, he nui nga tangitangi i tae ki tona matenga no roto tonu aia i nga momo rangatira i te ra i tanumia ai ia. Ka pupuhi te iwi he maimai aroha mo tona ngaronga katahi ka pakaru te pu a tetahi o ratou, ara a Rangi Arama Karaka, poroporo katoa nga matikara o te ringa rerere ake nga maramara o te pu tititi atu ki nga kanohi ki te matenga hoki. i te matenga te poare nui. I kite tohu ahau i tenei aitua kei te hohipera ara i Whangarei e takota ana i tenei ra. Haere e te hoa ki te okiokinga o te hunga tika. Heoi nei, kia ora ra. Na TAURAU TOI. KI TE ETITA o TE PIPIWHARAUROA. E MANU, tena koe! me o Ariki ma te Atua koutou e awhina. Kati, kei a koe te ritenga ki te tuku atu i tenei korero hei titiro manga Iwi o Aotearoa me te Waipou- namu. He kite noku i nga korero o tenei mea o te tohunga kati i tae tetahi tangata o Kaipara nei ki Pewhairangi. Ko te take i tae ai taua tangata nei ki reira i haere ki te Kooti Kauni- hera Whenua. Ka tae mai te tohunga nei a Te Wereta tae atu i te ahiahi ka ki taua tohunga kia whakapuaretia te hooro hei kitenga mona i te iwi kati ka whakaaetia i te ahiahi ka hui ki te hooro nei ki tonu i te tangata ka mutu ka karanga a Ngapuhi i te tohunga nei ka mutu ka tu mai a Te Wereta ki runga ka puta te kupu ko te mana kei au nei no Ihowa he mana whakaora tangata. Ahakoa pehea te mate, ka ora i a Ihowa. Katii mutu tonu te korero a te Wereta kei runga atu ko tetahi tangata no Ngapuhi kati e ki naka koe ko te mana kei a koe naka ko te mana o Ihowa. Kati taku mate kei toku tuara he puku no konei ahau te paingia ai e te wahine mau pea e mahi kia ora ka whiwhi pea ahau ki te wahine te kinga atu a Te Wereta. E kore e taea e ia no te kopu mai ano o to, whaea to mate ko te kino nga tenei o Ngapuhi kia te Wereta kati ko ahau ko Ngatiwhatua e kore e pai ki te tohunga.
![]() |
7 7 |
▲back to top |
KI TE ETITA O TE PIPIWHARAUROA. EHOA, tena koei i runga i te pono o tau whakahaere i ta tatou manu i a TE PIPIWHARAUROA kia ora koe heoi te mihi. E hoa, he tautohe na matou ko nga kai- whakahaere a Mahuta ara o Honore Mahuta M L C., i haria mai e ratou he pitihana hei haina ma matou penei na he tautoko i te kupu a Kingi Eruera raua ko te Kawana me tu a Mahuta hei kingi na ko te ingoa e mau nei i te nupepa kua oti nei te ta e koutou e ki ana nga kaiwhakahaere a Mahuta he horihori e hara ia Mahuta i haina tena ingoa hoi ko ahau te kai- tautohe e ki atu ana me tahuri a Mahuta ki te whakahe i tana ingoa e mau nei i te nupepa ki te kore ia e whakahe i taua ingoa e kore ahau e haina i tena pitihana e kore ano hoki ahau e pai kia riro maku e whakahe ta te Kawana ingoa i iriiri ai mo Mahuta hoi ko te pitihana nei, kia marama mai koe e penei ana he haina mo te whakatu a Kingi Eruera raua ko te Kawana i a Mahuta hei kingi, tuarua hei turaki i nga pitihana teka a te maori kati e mea atu ana ahau ki a koe, kei roto tonu ahau i te kohu e whakapohehetia ana e aua iwi kawenga matauranga nui, kia tino mohio ai ahau ko wai e horihori ana. Na H. PARAONE. WHAKAATURANGA. KI TE ETITA O TE PIPIWHARAUROA. NO te 13 o nga ra o Hepetema 1903» ka whakaaro tetahi hapu o Waikato ko Ngatitamaoho kia kohi moni whare mo ratau hei whare huihui apiti tonu atu hei whare karakia takoto ake te moni timatanga mo taua whakaaro ^3 14s 7d. No te Mane te 14 ka kohia ano, ka kohi te Maori ka tautoko te pakeha, i te mea ka tautokona e te pakeha ka puta te mahara, ki te nui nga moni ka wehea kia rua whare; kotahi whare karakia kotahi whare huihui, ki te kore e nui nga moni ka whakakotahitia taua whare. Kaati kua ^60 te moni kua takoto mo taua whakaaro na te pakeha te nuinga kotahi te pakeha i homai ki au mo taua whakaaro e ^'35' Kia mohio mai nga kaititiro i TE PIPI. No te tau 1863 te whawhai ki Waikato nei, ka mahue i nga tangata o Waikato nei te karakia ki te Tokotoru Tapu. Na ko te tau 1903 tenei ka tino tutuki te 40 o nga tau. Katahi ano ka whakaaro ki te hanga whare karakia, i roto i tenei 40 tau kaore rawa he whare karakia o nga maori o tenei takiwa nui o Waikato. Na maua ko Rev. T Hapimana ka tae mai ki enei takiwa ka kohia he moni e te iwi i noho ai maua £20 to matau kaha ka mutu na te pakeha i awhina ki te ^.50 ka hanga he whare karakia e o matau ake ringa- ringa, ka oti he whare karakia ki Te Pourewa i te takiwa o Ngatimaniapoto. Kua tukua ano te whakaaro mo enei whare kia panuitia e te kahiti a te Hahi kia whaka- aro mai te taha pakeha. E te iwi kauaka e tukua ma te pakeha anake e tautoko e aroha. He tamariki e wha.- kamatau ana ki te hikoi taupurua koi hinga whakaaroa te ture a te Karaiti, ko te aha-ianei taua ture? Ko te aroha rai Tena ra e te iwi e e! Mahara mai, pikaua e koutou nga whakataumaha o tetahi hei whakaritenga ma koutou i ta te Karaiti ture. (Kara. 6. 2.) . Ki te kore koe e Pikau i tetahi waahi o tenei taumahatanga, kaore koe i te whakarite i te ture a te Karaiti, ara i te aroha. He aha te Karaitiana? He aha te tohu e kiia ai, i kiia ai he karaitiana koe? ara koutou he aroha pea! ae, otira kaua e ki he aroha pea, kaua e pea, engari he aroha. Kaati kia aroha mai ra kia arohaina ai hoki koe e Ia, e te tangata karakia kore me te haurangi me era atu ahua tangata, kaore koe e wareware ana i te minita e inoi ana mou i roto i te whare karakia i nga wiki katoa ki te ki koe he teka tenei ki na reira ka ki atu au ki a koe tirohia te Ritani i te pukapuka inoi wharangi 27. Kaati me whakamomori noa pea koe i to inumanga kotahi i to pia tukua noatia tetahi o 6 (1. i whakaaroa e koe mo to karaihe mo to piriote ranei kaore e whakahaweatia te hepene te kapa ranei. He aha hoki kai runga atu ka koa ra hoki te kai tono ka tuku mai me penei te tuku Rev. Nikora Tautau, Hopuhopu, Tau- piri, Waikato. Ki te kore koe e tuku mai ki au me tuku ki te pakeha penei te tuku ki a ia Mr. S. Hunter, Mercer, Waikato, ki te kore tukua ki a Rev. H. A. Hokena, North Shore, Akarana (1. Ahakoa kapa to moni tera ano koe e kite ka tukua atu ano ki TE PIPI te whakaaturanga koia tenei ko matau tokotoru i whakaritea e te Komiti hei tukunga moni mai kauaka hei waiho ma te pakeha anake e aroha. Taikiu mo a koutou hereni mea ake nei tukua mai. Na NIKORA TAUTAU.
![]() |
8 8 |
▲back to top |
TE PIPIWHARAUROA. HE IWI MOHOAO. KI TE ETITA O TE PIPIWHARAUROA. WHAKAATURIA enei kupu. Ko etahi pea, e noho nei i Aotearoa kaore ano kia rongo i etahi iwi e noho mohoao tonu mai nei i Te Waipounamu, ko to ratou kainga kai runga i te maunga, he pari etahi taha o taua maunga, ko Kairuru te ingoa. He huka a runga e ai te rongo, kaore e taea e te tangata te haere e kitea ana etahi tangata mohoao o Ngatimamoe, e tae iho ana ki raro ki te hi ika ki te patu tuna, ka whaia kaore e mau ko etahi i mau kaore i ora. Ko tenei iwi he tino tangata whenua no Te Waipounamu, na te whawhai o mua noa atu i te taenga mai o te whakapono nei, i haere ai ki te maunga, ki Kairuru. Me mutu i konei taku whakamarama. E te tangata o Te Waipounamu e kite ana i tenei korero aku, mau e ata whakaatu mai te pono o aku korero te he ranei, me tuku ano e koe ki TE PIPIWHARAUROA. E tino kaha ana toku whakaaro kia marama enei korero. Ko te tikanga ia ma te kawanatanga e kimi taua iwi, ma nga tangata ano ranei o Te Wai- pounamu, otira ko taku whakapae, mo te take i kore ai e kaha ki te kimi, na te mea ko te iwi tera nona te motu ki te puta mai ki waho kua he nga kootitanga o te whenua, me te rironga o te whenua i te kawanatanga, kaore nei taua iwi i te mau patu, ko ratou nei nona te whenua. I tae a Te Rauparaha ki te whawhai ki Te Waipounamu, kaore ia i whawhai ki taua iwi e kiia ai i riro i a Te Rauparaha, kaati ake enei kupu. E Etita, ki te pono aku korero, ko te Ngatimamoe kai te noho mohoao otira e ki pono ana au e pono ana. Na reira ka penei taku whakaaro me panui kia rongo te ao katoa, me kore e tokomaha hei tautoko i toku whaka- aro aroha ki taua iwi. He penei taku mahara me kohi e te Hahi o Te Karaiti e whawhai nei i tenei ao, he moni kia paenga tena ka tuku ai he kai titiro mo te ahua ki te kitea tera hoki e kitea he huarahi e taea ai. Ko te aroha tika tenei i roto i a Ihu Karaiti, me whakapaunga mahara ki era wairua tangata. I mate a Te Karaiti mo taua, me ratau, kia ora ai, kauaka e penei te mahara, e kore e taea. Me tohe ahakoa e hia tekau noa tau, otira me tohe i roto i te Ariki mana e tuara te tohe kaore aku mahara penei ka mate i te huka, ka patua ranei e taua iwi ko te kakahu whakapaipai ra hoki tera mo tenei ingoa mo te Karaitiana, ko te mate, i runga i te mahi i whakahaua mana. Ki te oti tenei whakaaro i nga kai whakariterite o te mahi ki te whakahaua he tangata kia haere kaore aku mahara ki te mate, ki te mea ka kiia ko au tetahi, na te aroha i roto ia au e akiaki ana i au i ki penei ai au, a i panui ai hoki i tenei take, me whakapau te uaua ki te kawe i te Rongo Pai. Heoi ko Ihu te Hepara. Na NIKORA TAUTAU. HE AITUA NO TE NGAHERE. HE nui te pouri i pa mai ki te ngakau i te putanga mai o te rongo kua mate a Tamati Paenga ki te ngahere, i tamia e te rakau hinga. Tokorua nga hoa o Tamati ki te tua i ta ratou ngahere, ko Tamati i te tope i te tawa. Ka keke te rakau ka whakatupato atu nga hoa, hei aha tope tonu ia, no te hi- nganga o te rakau ka oma, e oma ana ka taia e te rakau te tuara, takoto tonu atu a Tamati, kahore i roaroa rawa kua hemo. Na nga hoa te riri nui ki te whakawaha i to raua hoa ki te kainga o te pakeha, hei reira ka utaina ki te paki no te po ka tae ki Te Arai. Ko taua ra ano he ra hei taenga mai ki te kainga, i tae mai ano ia engari i tae tupapaku mai. Nui atu te aroha me te tangi mo Tamati, no te mea he tangata tino pai, kaore rawa ana koha ki te tangata, he tangata aroha he tangata ahuwhenua. I mea tetahi tangata i matau ki a Tamati o tona marenatanga ki tana wahine a tae noa ki tona matenga kaho- re rawa ana kupu taikaha ki tana wahine i rangona e ia. Tokoono nga tamariki a tenei tangata, he tamariki i ata whakatupuria e ia, i kaha hoki ia ki te rapu oranga na reira ka aitua nei ua ana. Kaore tenei tangata e pai ki te mangere, i etahi wa e wha marama ia e ngaro ana ki te ngahere katahi ano ka puta mai ki te kainga ki te toro mai i tana whanau me tana hoa wahine. I ana tamariki i te ka- reti i te Aute i puta tona uaua ki te rapu ora- nga mo raua kia pai ai ta raua noho i te kura. Koia nei nga tangata e pouritia nei te matenga e arohaina nei ina ngaro. Haere, haere, e te hoa, i te ringaringa o aitua, tenei ou haereerenga te whakamakukuria nei ki te roimata—waiho tou whanau ki muri nei hei whakaarangaranga i tou ingoa.
![]() |
9 9 |
▲back to top |
HE WHAKAPAPA. KI TE ETITA O TE PIPIWHARAUROA. TENA koe! me tou Komiti, te whaka- haere na i nga ara o te pono me te tika me ka tau hua me ka tau titohea me ka ra roroa o te waru. E hoa, taku mihi atu ki a koe kia ora koe i ka wa e heke mai nei me ou kaiwhakahaere e PIPI kei pouri koe ki taku panui ka tukua atu nei mau e hari atu kia marae. I te 31 o nga ra o Hurae kua taha nei i te tau o to tatou Ariki 1903 ka mate taku kotiro a Tuatini Kararaina te Mamaru i te ono o nga haora i te ata o te Paraire. E rua tekau ma wha ona tau te putake o tona mate he atua maori he rewera i pa mai ano ki Mahi-no taua mate. E hoi, kanui toku pouri i au e noho nei i roto i te whare i mate ai tona tinana i tona whaea hoki e ruha nei i te karoka atu o ta maua tamaiti, i te tahi o nga ra o Akuhata i timata ai ka uhuka te tae mai ki te taki ki to ratou mate i te Turei te rua o nga haora ka nehua te tupapaku, ki te urupa ihaua e ona tipuna, ki tawhiroko i te Wenerei ka pakaru kauhuka ka hoki ki o ratou kaika. E hoi nei, me hoki atu ki etahi wahi o nga whakapapa e mau ana ki ona tipuna tae mai ki ona matua tae mai ki a Tuatini Kataraene te Mamaru, kua mate nei. Me timata mai i Waitaha kei a Hikaororoa ka wahi te taha ki tona whaea me te taha ki au e hoi ano ka haere ano etahi putake whaka- papa etahi ko te nuika me waiho noa iho. Na WAITAHA Meti ki atu ia Putauaho tana Ko Temaha-nui-o-raki tana Ko Teputaka tana Ko Ru Tarukauako tana Ko Rakaihaiti tana Ko Te Uhitataraiakoa tana Ko Marakaoneone tana Ko Hinerauti tana Ko Toi Kawahia tana mai ki a Raru Ko Rauru tana Ko Hatoka tana Ko Ripeka tana Ko Motoro tana Ko Tahatiti taua Ko Ruatapu tana Ko Terakaumanini tana Ko Terakauhape tana Ko Parea tana Ko Terakauwhakamataku tana Ko Uruao tana Ko Waitahanui tana Ko Waitahaki tana Ko Wairaki tana 2 Ko Te Waireika Kawahi ki a Mata- [kinui Muri iho Ko Te Whatukorokota tana Ko Rakiroa tana Ko Rongomai tana Ko Te Whatueki tana Ko Te Watere tana Ko Hotumamoe tana Ko Auaitaheke tana Ko Matairaki tana 3 Ko Houmea tana Ko Uenukukorea tana Ko Haeremaitua tana Ko Haerearoarouri tana Ko Haeremaiwhano tana 4 Ko Teutuporaki, Houmea, a Rokoi- [pae a tera tahu, i a Rata Ko Tuhukutira tana Ko Tukaumoana tana Ko Hikaororoa. Urupa tana Tumaikuku Me waiho i konei me tiki atu kia Hikaeroroa Ko Hikaororoa Ko Whakataha Ko Marunui Ko Matamata Ko Tenukutauraro KO Terakitaukene Ko Karapohatu KO Tutumakohu Ko Taratuturi Ko Takaiwaho Ko Moi Ko Tuara Ko Te Wini Ko Mere Teone te Mamaru Ko Tuatini Katarina te Mamaru, [kua mate nei. Me waiho i konei te taha ki tona whaea Ko Hikaororoa Ko Tumaikuku Ko Rokokote Ko Manawatakitu KI Tuwhaitara, Marukore. No te ka [hea tenei. Ko Tamaraeroa Ko Teaohikuraki Ko Hamua Ko Hutika Ko Reitai Ko Hakina Ko Tehauraraka Ko Kukure Ko Kerehe Ko Kawiri te Mamaru Ko Teone Rena te Mamaru, Ko Tuatini Kataraena te Mamaru, [ka mate nei Me tiki atu ki tera putake mai o Kahukahu Kia Kahutuanui Nana a Matapirau Mana ko Rokokako Tana ko Tamatea Tana ko kahukunu Taua ka Rokomaipapa Tana ko Te Whatumariaria Tana ko Kahukuranui tamu pi rawa Na Te Whatumariaria nana a Maika tana ko Tutekawa, Tana ko Terakitama Tana ko Hikitiateraki Tana ko Takaoteraki Tana ko Pitorua
![]() |
10 10 |
▲back to top |
TE PIPIWHARAUROA. Tana ko Te Waipunahau Tana ko Te Ketewahi Tana ko Mahaka Tana ko Matatohu te Mamaru Tana ko Teone R. te Mamaru Ko to tupapaku ko Tuatini Kataraere te Mamaru Me tiki atu i a Uetahaenui Uetahenui a Pahinu Hinkura Rakihikaia Kahukiao Taitea Tanetiki Hinemihi Kekauiro Makuru te huanoa Teuawhakataka Te hau raraka Kukore Korehe Rawiri te Mamaru Teone Rena te Mamaru Tuatini Kataraene te Mamaru, kua mate nei KO Tauaweheera Ko Marainaka Ko te Rakinukai Pouraka te Kete Matarau Puaka te Raki te Uawhakatata Tehauraraka Kirikure Korehe Rawiri te Mamaru Teone Rena te Mamaru ko te tupapaku Tuatini Kataraene te Mamaru Tutaimaaro Hine teraraku Tutatara Huikai Tewekeehu Teakinaiwaho Teiwipaoa Te Waipunahau Te Ketewahu Mahaka Matatohu te Mamaru Teone Rena te Mamaru e tupapaku Tuatini Kataraena te Mamaru ko Peke Tewekeehu Te Akinaiwaho Te Iwipaoa Te Waipunahau Te Whakatikipoua Korehe Rawiri te Mamaru Teone Rena te Mamaru Whata Te Kete Te Ruatuwhenua Puaka te Raki Teuawhakataka Tehauraraka Korehe Rawiri te Mamaru Teone Rena te Mamaru ko te tupapaku Tuatini Kataraene te Mamaru ko Raukawa ko Haumia ko Tamakaitahi: ko Mokai ko Kakanui ko Tapaki ko Teuawhakataka ko Tehaurarakia ko Kakure ko Koreto ko Rawiri te Mamaru ko Teone Rena te Mamaru ko te tupapaku, Tuatini Kataraena te Mamaru E hoi hei konei mutu iho ai taka tuhi atu i enei putake whakapapa ki a koe, e PIPI kia ora koe me ou matua ki te oha koe ki te panui i enei patake ka tukua atu nei e au ki a koe, mau e whakahoki mai e hoi, tena koe i raro i te atawhai o te Ariki. E hoi, na to hoa pono, na T. R. TE MAMARU Moeraki. RONGO KORERO O PONEKE. KANUI te kaha o Tame Parata raua ko Hone Heke ki te riri ki nga ture kino e pa ana ki te Maori. Ko Kaihau kua hoki ki te kainga. I whakahaerea tetahi pire, i mea tetahi ra- rangi me raihana rawa nga Maori ka ahei ai te hi ika te pupuhi manu ranei, na Tame Parata raua ko. Hone Heke ka pangaia taua rarangi. I mea tetahi mema o te Whare o Runga he tino pai atu nga maori o Tonga, he iwi nga- kauwhakahopu. I mea a Tame Parata i te Paremete, " E whakama ana au i taku kitenga he nui ke atu ta whakapono o nga maori o nga moutere o te moana i haerea nei e matou, he nui ke atu i te whakapono o nga Maori o Nui Tireni." I ki a Rorehana mema mo Riritana, " Kua tutaki au ki etahi roia tika, kahore i tokomaha rawa. Ko etahi o ratou kua hemohemo—he mate kai i hemohemo ai." Ma te tangata e whakaaro te tikanga o nga kupu a Rorehana. NA TE ETITA. HE nui te pouri mo te roanga o te putanga o TE PIPI i tenei marama. I penei ai na runga na to matau haerenga ki te kauwhau i nga marae maori o Turanga nei.
![]() |
11 11 |
▲back to top |
HE KUPU WHAKAMARAMA. RONGO KORERO. NO te 21 o Hepetema i whakapangia ai a Reweti Kerehoma hei rikona, e te Pihopa o Akarana; i te mate o Makoare Taurere kahore ia i whakapangia, engari kia era ka whakapangia ai. E haere ana a Kere- koina ki Whangarei mahi ai. Kua puta a Reweti Kohere raua ko Wi Paraire i te whakamatautauranga minita pakeha, ko Wi Paraire i te turanga tuarua, ko Reweti Kohere i te wahi tuatahi o te turanga tuawha. Kia puta te tangata i te turanga tuatoru ka ahei ia te whakapangia hei minita pakeha, ko te tuawha ta mutunga mai o te whakamatautauranga minita. Kua puta mai nga rongo o kaitakaro, Waiapu, mo te weranga o tetahi wahine i te ahi ko Maraea Ariari te ingoa ratou ko ana tamariki tokorua. I te moe ratou ka timata te ka o te whare, na te kaha 6 tenei wahine i ora ai etahi, no muri mai ia ka mate hoki i te kino rawa o tona weranga. No te 27 o Oketopa i mate ai ki Whanganui a Meiha Topia Turoa, he rangatira nui no era iwi. I whawhai tenei kaumatua mo te taha hauhau i tuatahi no muri mai ka huri ia ki te taha Kawanatanga, a whakaturia ana ia hei meiha. Ko ia tetahi o nga rangatira Maori i haere ki Ingarangi ki te kawe i nga mate o te Iwi Maori ki te aroaro o te Kuini. E whakapai ana te tumuaki o te Kareti o Te Rau ki nga tangata i tuku mea mai mo te whare karakia, na Mrs. Simpson wahine o te pohimahita o Kihipane, he takotoranga pukapuka, nana ano i whakairo, na Rev. Butterfield o Te Wairoa, he uhi mo nga mea o te Hapa. Ko Rev. Ahipene Rangi kei te whakairo he korerotanga pukapuka. Kei te tatari tonu to matou whare ki tetahi pere. Kua panuitia e matou nga korero o te Tirikamu, ara o te waka e taiawhio nei i te ao. Kua mahue mai a Ahitereiria i taua waka, kei te whakawhiti inaianei ki Awherika. I te ngahau o etahi pakeha o Niu Tireni nei kua hanga poti hoki hei taiawhio i te ao. Kei Taranaki tetahi, engari kaore rawa i roa te rerenga kua raruraru, hoki mai ana, kaati inaianei kua aukatia e te Kawanatanga kei haere. No Akarana tetahi ko te Kia Ura te ingoa. I te rerenga mai o tenei i Akarana ki Turanga nei ka paea ki uta — ko te whakaaro o tenei ko te rere ki Ranana. Kua poauau te pakeha. I te waiho tonu o tetahi wahine i tana ta- maiti e wha nga tau ki roto i te taiapa heihei kua ako taua tamaiti ki nga mahi a te mana kua whakamanu haere. Takaro ai ratou ko nga manu, rakuraku ai i te oneone ki ona ri- ngaringa ki ona waewae, takaokeoke ai, kohikohi ai i te otaota, tangi manu ai, whaka- tataha haere ai, penei me te heihei toa, ngooki ai tana haere, ka whai haere i nga manu; kahore ona potae ona hu, he pakarukaru nga kakahu. I hamenetia te whaea o tenei tama- iti, he kotiro ka 20 ano nga tau, mo tana mau kino i tana tamaiti. I mea taua wahine, e kore e taea e ia te tiaki tana tamaiti, 6.20 marama i mahi ai ia kaore ano kia utua ia e tona rangatira. E tu ana te hui o te Kotahitanga o Te Aute ki Manutuke a tera tau, hei nga ra whakamutunga pea o Hanuere. Kua tukua te powhiri a nga rangatira o Turanga nei ki a Te Wiremu kia haere mai ratou ko ana tama- riki. KIA PONO TE KORERO. I NGA korero whakatoi a Eruera te Kahu mo te Hahi, i panuitia e Te Puke ki Hiku' rangi, i mea ia i whakarerea e tetahi minita pakeha tana mahi i Putiki, Whanganui, haere ana ki Te Waipounamu, he whainga ki te utu nui. He aha ra te nawe a tenei minita ki a Te Kahu i puta ke ai ki reira taunu ai? E tino mohio ana ranei a Te Kahu ki te pono o tana whakapae? Kei te mohio matou: ki tetahi minita i noho ki Putiki engari kei Te Waipounamu inaianei. Kua mohio noa atu matou ki te take i mutu ai tana noho ki Putiki, he take ano, ehara i ta Te Kahu e whakapae nei. He tangata aroha tenei ki te Maori, a i a ia o noho mai nei i tera motu kei te karakia tonu ia i nga Maori o reira» ko tona hiahia ia ko te hoki mai ki tenei motu. Otira mehemea he nui ake no te utu i haere ai ki tera motu, ko wai a Te Kahu i mea ai ia mana e whakahe; e hoatu oranga ranei a Te Kahu ki taua minita ratou ko tana whanau nui, mehemea i noho tonu ki Patiki? Mehe- mea he he tera, nono anake tona he, ehara i te Hahi, i whakatoi ai a Te Kahu ki te Hahi katoa. Kanui te rere he noa iho o nga kupu a Te Kahu o te wa i whakapono ai ai ki te " poropiti" ki a Wereta.
![]() |
12 12 |
▲back to top |
TE PIPIWHARAUROA. ഀ䠀䔀 吀唀刀䔀 吀唀吀唀刀唀⸀ഀഀ⸀ 䬀漀琀愀栀椀 瀀甀琀愀渀最愀 漀 吀䔀 倀䤀倀䤀圀䠀䄀刀䄀唀刀伀䄀 椀 琀攀 洀愀ⴀ ഀ爀愀洀愀⸀ഀഀ㈀⸀ 䬀漀 琀攀 漀爀愀渀最愀 洀漀 琀攀 瀀攀瀀愀 攀 爀椀洀愀 栀攀爀攀渀椀 ⠀㔀⼀ⴀ⤀ 椀 琀攀 ഀ琀愀甀Ⰰ 洀攀 渀漀漀琀椀 漀 琀攀 倀漀甀琀愀瀀攀琀愀 洀攀 瀀愀渀攀 爀愀渀攀椀⸀ഀഀ㌀⸀ 䬀椀 琀攀 栀椀愀栀椀愀 琀攀 琀愀渀最愀琀愀 欀椀 琀攀 琀愀渀最漀 椀 吀攀 倀椀瀀椀ⴀ ഀ眀栀愀爀愀甀爀漀愀 洀攀 琀甀欀甀 洀愀椀 攀 椀愀 琀攀 洀漀渀椀 椀 爀漀琀漀 椀 琀攀 ഀ爀攀琀愀 眀栀愀欀愀愀琀甀 洀愀椀⸀ 䠀攀 眀栀愀欀愀愀琀甀 愀渀漀 栀漀欀椀 欀椀 渀最愀 ഀ琀愀渀最愀琀愀 攀 琀愀渀最漀 愀渀愀 椀 琀攀 瀀攀瀀愀Ⰰ 欀愀 琀愀攀 欀椀 琀攀 眀愀 攀 ഀ瀀愀甀 愀椀 愀 欀漀甀琀漀甀 洀漀渀椀 琀甀欀甀 洀愀椀 欀愀 琀愀欀愀椀愀 琀攀 瀀攀瀀愀 ഀ欀椀 琀攀 琀愀欀愀椀 眀栀攀爀漀⸀ 䬀椀愀 琀攀爀攀 琀攀 琀甀欀甀 洀愀椀 愀渀漀 椀 琀攀 ഀ栀甀愀 欀愀爀攀愀漀Ⰰ 欀椀 琀攀 欀漀爀攀 攀 琀攀爀攀 洀愀椀 欀愀 洀甀琀甀 琀攀 爀攀爀攀 ഀ愀琀甀⸀ 䬀漀 琀攀 甀琀甀 椀 琀攀 琀愀甀 㔀⼀ⴀⰀ 洀攀 甀琀甀 椀 琀攀 琀甀愀琀愀栀椀⸀ഀഀ㐀⸀ 䔀 瀀愀椀 愀渀愀 欀椀愀 琀甀欀甀愀 洀愀椀 渀最愀 欀漀爀攀爀漀 漀 椀愀 眀愀栀椀 漀 ഀ椀愀 眀愀栀椀 漀 琀攀 䴀漀琀甀Ⰰ 攀渀最愀爀椀 欀攀椀 琀攀 䔀琀椀琀愀 琀攀 琀椀欀愀渀最愀 洀漀 琀攀 ഀ琀愀 椀 愀甀愀 欀漀爀攀爀漀㬀 欀椀愀 洀愀爀愀洀愀 琀攀 琀甀栀椀琀甀栀椀⸀ഀഀ㔀⸀ 䴀攀 瀀攀渀攀椀 琀攀 琀甀栀椀 椀 眀愀栀漀 漀 渀最愀 爀攀琀愀 欀愀琀漀愀㨀᐀ഠഀ䬀椀 吀䔀 倀䤀倀䤀圀䠀䄀刀䄀唀刀伀䄀Ⰰഀഀ吀攀 刀愀甀Ⰰ 䜀椀猀戀漀洀攀⸀ഀഀഀഀഀഀ䠀䔀 倀䄀一唀䤀⸀ഀഀ䬀椀 琀攀 琀愀䬀愁琀愀 攀 栀椀愀栀椀愀 愀渀愀 欀椀 琀攀 刀愀眀椀爀椀 欀椀 琀攀 ഀ䠀椀洀攀渀攀㨀 栀攀 渀甀椀 渀漀愀 愀琀甀 䬀愁 瀀甀欀愀瀀甀欀愀 欀攀椀 愀 ഀ愀甀 椀渀愀椀愀渀攀椀㨀 欀漀 琀攀 甀琀甀㨀᐀ഠഀ䠀攀 洀攀愀 渀甀椀Ⰰ 欀椀爀椀 渀漀愀Ⰰ ㈀⼀㘀 ഀ䠀攀 洀攀愀 渀甀椀Ⰰ 欀椀爀椀 眀栀攀爀漀Ⰰ ㌀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀Ⰰ 㐀⼀ⴀ ഀ䠀攀 洀攀愀 渀甀椀Ⰰ 欀椀爀椀 瀀愀椀 爀愀眀愀Ⰰ 㔀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 眀栀攀爀漀Ⰰ ⼀㘀 ഀ䠀攀 洀攀愀 瀀愀欀甀Ⰰ 欀椀爀椀 瀀愀椀Ⰰ ㈀⼀㘀 ഀ䠀攀 洀攀愀 瀀愀欀甀Ⰰ 欀椀爀椀 渀漀愀Ⰰ 椀⼀ⴀ ഀ䠀攀 洀攀愀 瀀愀欀甀Ⰰ 欀椀爀椀 瀀愀椀 爀愀眀愀Ⰰ ㌀⼀㘀 ഀ刀愀眀椀爀椀 ☀ 䠀椀洀攀渀攀Ⰰ 欀椀爀椀 渀漀愀Ⰰ ⼀㘀 ഀ刀愀眀椀爀椀 ☀ 䠀椀洀攀渀攀Ⰰ 眀栀攀爀漀Ⰰ ㈀⼀ⴀഀഀ刀愀眀椀爀椀 ☀ 䠀椀洀攀渀攀Ⰰ 瀀愀椀Ⰰ ㌀⼀ⴀ ഀ刀愀眀椀爀椀 ☀ 䠀椀洀攀渀攀Ⰰ 瀀愀椀 爀愀眀愀Ⰰ 㐀⼀ⴀ ഀ䠀攀 䠀椀洀攀渀攀Ⰰ 㘀搀⸀ഀഀ䴀愀欀甀 攀 甀琀甀 琀攀 倀愀渀攀 䬀椀䬀椁 栀攀椀 琀甀欀甀 愀琀甀 椀䬀 愀 ഀ瀀甀欀愀瀀甀欀愀 欀椀 愀 欀漀攀⸀ഀഀ一愀 䠀⸀ 圀⸀ 圀䤀䰀䰀䤀䄀䴀匀Ⰰഀഀ吀攀 刀愀甀Ⰰ 䜀椀猀戀漀爀渀攀⸀ഀഀഀഀ䬀椀 琀攀 栀椀愀栀椀愀 琀攀 琀愀䬀愁琀愀 欀椀 琀攀 倀愀椀瀀攀爀愀 欀椀 琀攀 ഀ䬀愀眀攀渀愀琀愀Ⰰ 洀攀 琀漀渀漀 欀椀 琀攀 䈀䤀䈀䰀䔀 䐀䔀倀伀匀䤀吀伀刀夀 ഀ匀唀一䐀䄀夀 匀䌀䠀伀伀䰀 唀一䤀伀一Ⰰ 䄀甀挀欀氀愀渀搀⸀ഀഀ倀愀椀瀀攀爀愀Ⰰ ㈀⼀㘀Ⰰ ㌀⼀㘀Ⰰ 㐀⼀㘀Ⰰ 洀攀 琀攀 瀀愀渀攀 欀椀䬀椁 椀⼀ⴀഀഀ䬀愀眀攀渀愀琀愀 洀攀 䬀愁 甀瀀漀欀漀 眀栀愀欀愀洀愀爀愀洀愀Ⰰ ㈀⼀㘀Ⰰ ㌀⼀ⴀ ഀ㐀⼀㘀Ⰰ 洀攀 琀攀 瀀愀渀攀 欀椀䬀椁 ㌀搀⸀ഀഀ䬀愀眀攀渀愀琀愀 瀀愀欀甀Ⰰ 洀攀 䬀愁 眀愀椀愀琀愀Ⰰ ㈀⼀ⴀⰀ ㈀⼀㘀Ⰰ ㌀⼀ⴀⰀ ㌀⼀㘀Ⰰ ഀ㐀⼀ⴀⰀ 洀攀 琀攀 瀀愀渀攀 欀椀䬀椁Ⰰ ㌀搀⸀ഀഀഀഀ倀爀椀渀琀攀搀 愀渀搀 倀甀戀氀椀猀栀攀搀 戀礀 䠀⸀ 圀⸀ 圀䤀䰀䰀䤀䄀䴀匀Ⰰ 愀琀 吀攀 刀愀甀 ഀ倀爀椀渀琀椀渀最 圀漀爀欀猀Ⰰ 䈀攀爀爀礀 匀琀爀攀攀琀Ⰰ 䜀椀猀戀漀爀渀攀㬀 一攀眀 娀攀愀氀愀渀搀⸀ഀഀ∀†䬀漀 琀攀 䤀渀漀椀Ⰰ 吀甀栀椀琀甀栀椀Ⰰ 刀漀渀最漀瀀愀椀Ⰰ 漀 琀攀 刀愀琀愀瀀甀 ㈀㔀 ഀ洀漀 琀攀渀攀椀 刀愀琀愀瀀甀⸀ഀഀ 䬀漀 琀攀 䤀渀漀椀 漀 琀攀渀攀椀 爀愀 洀漀 洀甀爀椀 椀栀漀 漀 琀攀 䤀渀漀椀 漀 椀愀 爀愀Ⰰ ഀ漀 椀愀 爀愀Ⰰ 琀愀攀 渀漀愀 欀椀 琀攀 愀栀椀愀栀椀 椀 洀甀愀 漀 琀攀 刀愀 圀栀愀渀愀甀琀愀渀最愀⸀ഀഀ 䠀攀椀 琀攀渀攀椀 爀愀Ⰰ 琀攀琀愀栀椀 爀愀 爀愀渀攀椀 漀 琀攀渀攀椀 眀椀欀椀 ⠀ 栀愀甀渀最愀 ഀ琀攀 刀愀琀愀瀀甀⤀ 琀攀 欀愀爀愀欀椀愀 椀渀漀椀 洀漀 琀攀 䠀漀爀愀 椀 琀攀 刀漀渀最漀瀀愀椀⸀ഀഀ䤀 洀攀愀 琀攀琀愀栀椀 洀攀洀愀 漀 琀攀 圀栀愀爀攀 漀 刀甀渀最愀 栀攀 ഀ琀椀渀漀 瀀愀椀 愀琀甀 渀最愀 洀愀漀爀椀 漀 吀漀渀最愀Ⰰ 椀 渀最愀 䴀愀漀爀椀 ഀ漀 一椀甀 吀椀爀攀渀椀Ⰰ 欀椀 琀攀 欀椀 椀愀 愀 琀攀琀愀栀椀 洀攀洀愀 栀攀 ഀ欀椀渀漀 渀最愀 洀愀漀爀椀 漀 吀漀渀最愀Ⰰ 栀攀 椀眀椀 渀最愀欀愀甀眀栀愀ⴀഀ欀愀栀漀瀀甀⸀ഀഀ一䜀䄀 䠀唀䄀 䬀䄀刀䔀䄀伀 唀䄀 吀䄀 吀䄀吀伀唀 䴀䄀一唀⸀ഀഀ㔀⼀ⴀ 䔀爀甀攀爀愀 琀攀 䬀甀爀愀Ⰰ 吀愀洀愀爀愀渀最椀 䬀椀渀最椀Ⰰ 䴀椀挀栀愀攀氀 琀攀 䄀琀椀栀椀欀漀椀愀 ഀ䠀攀渀愀爀攀 琀攀 䴀愀椀爀攀Ⰰ 䘀愀琀栀攀爀 䈀爀甀渀椀渀最Ⰰ 䄀瀀攀爀攀栀愀洀愀 刀攀渀愀琀愀⸀ഀഀ䠀⸀圀⸀圀䤀䰀䰀䤀䄀䴀匀 吀䔀 刀䄀唀 倀刀䔀匀匀 䜀䤀匀䈀伀刀一䔀