![]() |
Pipiwharauroa 1899-1903: Number 176. March 1913 |
![]() |
1 1 |
▲back to top |
Te Pipiwharauroa HE KUPU WHAKAMARAMA NAMA 176. GISBOR-NE. " He ao te rangi ka uhia, He huruhuru te manu ka rere." MAEHE 1913 HE PANUI!. HUI O TE HAHI MAORI—PIHOPATANGA O WAIAPU. Takiwa. o Turanga me te Takiwa o Heretaunga. KA tu te Hui o te Hahi Maori mo te Takiwa o Turanga me tera mo te Takiwa o Heretaunga ki Manutuke a te 9 o nga ra o Maehe, 1913 Ko te ra hoki tera e whakapuwaretia ai te Wharekarakia o Te Tokotoru Tapu. Na HAPATA WIREMU, Atirikona. HE AITUA NUI NO TE WHENUA HUKA. NO tenei ra ano te tekau ma tahi o nga ra o Pepuere ka tae mai te rongo o te aitua nui i pa ki a Kapene Kooti ratou ko ona hoa, i mate i te whainga kia tae ratou ki te pito whakamutunga mai o te ao o te taha ki te tonga. Kei te mau mahara pea koutou ki korero i roto i tetahi putanga o ta tatou Pipi e whakaatu ana i reira i te taenga o tetahi tangata ko Kapene Amundsen tona ingoa ki taua wahi i poua ai e ia ki reira te haki a tona iwi a te Nowitiana hei tohu ko ia ko te Nowetiana kua tae wawe ki reira. Kei te mau mahara koutou ki nga korero o tona haerenga, hokinga mai hoki. Koiara ano te wahi i whaia nei e Kapene Kooti kia tae ia ratou ko ona hoa. I tae ratou, engari no to ratou hokinga mai ka aitua nei to ratou ope. I akina haeretia ratou e te huka a ko Kapene Kooti tonu tetahi o nga mea i mate tuatahi no muri iho ko etahi. I te rongonga o Kapene Amundsen kua mate taua tangata ka mea ia," Katahi te rongo tino kino, ki toku whakaaro tena atu ano te mate i pa mai kia ratou," ara i korero penei ai ia he mohio nona i runga i te mea kua haerea e ia taua wahi e kore e riro ma te huka a Kapene Kooti ratou ko ona hoa e patu, engari pea ma etahi tu mate weriweri i pa mai ki o ratou tinana. No te Hanuere o tera tau ka tae a Kapene Kooti ratou ko ona hoa ki te pito whakamutunga o te ao. I mohiotia ai i tae ratou ki reira, na runga na nga korero tuku mai a Kapene Kooti me nga tohu hoki i waitohu ai ia i roto i aua whakaatu mai. I kite a Kapene Amundsen i aua korero aua me ana waitohutanga ano hoki, a whakatika ana ia, me te mea ano, ko te wahi tenei i waiho atu nei e au te haki a taku hapu a te Nowiti- ana kia iri ana. Ko tenei mate no te Ingarihi, kati kei te aue katoa nga wahi katoa mo tenei aitua nui, whakaaroha hoki. TE AITUA O KAPENE KOOTI. NO tenei rate 12 o Pepuere katahi ka tae katoa mai nga korero o te aitua o Kapene Kooti ratou ko ona hoa. Kitea ana te toa o tenei iwi o te Pakeha kahore ona wehi mo te mate i runga i te whainga kia whiwhi to ratou iwi ki te kororia ki te honore. Tokowha nga tangata o Kapene Kooti i whiriwhiria e ia hei hoa haere mona ki te pito whakamutunga o te ao a ko te nuinga o to ratou ope i whakahokia mai i te huarahi ki to ratou tino pu pahi. Nga ingoa o nga tangata i whiriwhiria e Kapene Kooti hei hoa mona koia enei—
![]() |
2 2 |
▲back to top |
2 TE PIPIWHARAUROA. No.176 Takuta Wirihana (Dr. Wilson). Rewhetenana Paoa (Lieut. Bowers). Kapene Oti (Captain Oates). Ewana he heremana (Seaman E vans). No te 18 o Hanuere ka hori ake nei ka tae a te Terra Nowha (Terra Nova) te kaipuke o Kapene Kooti ki Ewana i hoki mai i reira ki Niu Tireni nei a hoki atu nei ano. Te taenga atu ka korerotia mai enei korero e nga mea o taua hunga i reira. Note 18 o Hanuere, 1912, ka tae a Kapene Kooti ratou ko ona hoa ki te pito whakamutunga mai o te ao o te taha ki te tonga. Engari no to ratou hokinga mai ko ona hoa, ka pangia katoatia ratou e te aitua. Ko Kapene Kooti, ko Takuta Wiri- hana, me Rewhetenana Paoa na te huka i patu mate ana i te 29 o Maehe, 1912. Ko Kapene Oti na te huka ano i patu no te 170 Maehe ka mate ia ko ia te mea tuarua ki te mate. Ko Ewana te mea o ratou i mate i to te tangata mate ara i taka ia pakaru aua tona mahunga. Ko ia tonu te mea tuatahi ki te mate ia Pepu- ere te 17 o nga ra. "Maharahara o nga mea i noho iho." Ko te tikanga kia tae mai a Kapene Kooti ratou ko ona hoa ki tetahi pu-pahi ano o ratou, i te 10 o Maehe, 1912, ka whakatata ki taua takiwa ka maharahara a Takuta Atikinihana (Dr. Atkinson) katahi ka tono tangata ia kia haere ki te whakahei i a Kapene Kooti ratou ko ona hoa. Ko Takuta Atikinihana te upoko o nga mea i noho iho. Ko Karara (Garrard) raua ko Timitiri (Dimitri) nga mea i haere me a raua tima kuri to koneke e rua. No te 3 o Maehe ka tae a Karara raua ko Timitiri ki tetahi pupahi, ko Wana Tono te ingoa, engari kotahi wiki tona raua ki reira ka hoki ano i te paunga o nga kai ma a raua kuri to Koneke i te kino hoki o nga rangi. No te 16 o Maehe ka tae ano raua me a raua kuri ki Hata Paina (Hut Point) tetahi o ratou tino pupahi te wahi kei te noho tatari atu ratou nga mea i noho iho ki a Kapene Kooti me ona hoa. Tae rawa mai tenei tokorua ka mate katoa nga waewae o a raua kuri i te ngaunga a te huka. He maha nga ope whaka- hei i haere, kore noaiho he painga a whano tata ka aitua ko ratou ano. Kitenga i nga tinana. No muri o te Hotoke, i te 30 o Oketopa ka haere ano he ope whakahei na Takuta Atiki- nihana ano i whakataka. I wahia kia rua nga ope whakahei nei. Ko Takuta Atikinihana, ko Karara, ko Timitiri ratou na me a ratou tima kuri. O tetahi ope ko Raiti (Wright) ko ia te upoko o tenei wahanga me ona hoa tokowhitu me a ratou miuru e whitu. Ko a ratou kai i whakaritea te roa mo nga marama e toru. Ka haere to Takuta Atikinihana tona ope, ka haere hoki to Raiti. Ka tika ko to Raiti i runga i te huarahi. Ka tae ratou ki tetahi pu-pahi no Kapene Kooti ratou ko ona hoa, ka kite ratou e pai tonu ana, e takoto pai tonu ana nga kai. I a Nowema i te 12 onga ra ka eke ratou ki tetahi huarahi—he huarahi tawhito, he huarahi e tino mohiotia ana. Kihei ratou i roa e haere ana ka kitea atu e ratou te teneti o Kapene Kooti e tu mai ana. To ratou taenga atu ka kitea e ratou e takoto ana i roto i te teneti kua mataotao ke a Kapene Kooti (o te Royal Navy), a Takuta Wirihana, a Rewhetenana Paoa hoki. E takoto tonu ana nga pukapuka a Kapene Kooti whakaatu i nga ahuatanga katoa o a ratou mahi mai o te haerenga ki te pito whakamutunga o te ao tae mai ki te wa i matemate ai ratou. Na aua pukapuka enei korero— Te Pukapuka a Kapene Kooti. To matou tangata tuatahi tonu ki te mate ko Eteka Ewana (Edgar Evans). No Pepuere te 17 o nga ra ka mate ia. I taka ia pakaru aua tona angaanga. Ko Kapene Oti (Oates) te mea tuarua o matou ki te mate. Tino mate atu ona ringa me ona wae- wae i te ngaunga a te huka, otira hei aha mana ka whakamanawanui tonu ia. I a Maehe te 16 o nga ra ka mohio ona hoa o kore ia e ora, otira i kaha tonu ia ki te whakamanawanui a tae noa ki te haora i mate ai ia. Kaore ana aue, amuamu ranei, aha ranei he tohu no te toa. He matenga Tangata Toa He tuhituhinga enei na Kapene Kooti mo Oti. He tino tangata toa ia. Te ahua o taua moe me te mea tera e moe ana ia i tetahi moe roa, he moe kaore nei he tumanakotanga kia ara ake ano i te ata. Otira te hahaetanga o te ata kua ara ia. I a ia e rere nei te huka ka mea a Oti, " E haere ake ana au ki waho nei, a mana ra ka oti atu ki waho e taea hoki te pewhea." Tona putanga atu ki waho ka mutu ano to matou kitenga atu i a ia. I mea ano a Kapene Kooti i roto ana tuhituhinga, " I tino mohio matou e haere ana a Oti kia tutaki huarahi raua ko tona mate, a ahakoa i whaka- matau matou ki te tohe ki a ia kia kaua hei haere i tino mohio matou ko tana haere he akiakinga na te ngakau toa, he ahua no te tino Ingarihi (English gentleman). Ka mate nei a Oti ka haere ano a Kapene Kooti, me Takuta Wirihana me Paoa ka ahu whakarunga. I runga i te kiko o nga rangi kaore i mamao to ratou haerenga, ko to ratou nohanga nei i te wahi i kitea ai to ratou teneti me o ratou tinana e takoto. Na te huka, na te kore kai ratou i patu. I te tirohanga a Takuta Atikinihana i nga pukapuka a Kapene Kooti ka kitea i reira ana kupu whakamutunga ara.
![]() |
3 3 |
▲back to top |
No. 176. HE KUPU WHAKAMARAMA. He kupu ki te ao katoa: E hara i te mea nga take o tenei aitua i pa mai ai he he no te whaka- haere, engari he aitua tonu i runga i nga kino i hangai mai ki te aroaro i te kino o nga rangi—i te rewanga o te huka nana i whakaporori ta matou haere—i te matemate o nga kararehe hari kai, te piki haere i runga i nga Maunga Huka i taka a Ewana i reira, i pakaru ai tona mahunga. I tino mate ai matou no to matou ekenga ki runga ki taua maunga hukapapa. Ko te mutunga mai rano o te kaha o te huka o te makariri a runga o taua maunga me te aki mai hoki o te hau i o matou aroaro. He mea tipu rawa tenei Id a au te puta- nga penei mai o enei ahuatanga. Kaore au i mohio ki enei ahuatanga! mua atu, katahi ano. He Ingarihi Toa. Ki taku mahara kaore ano he tangata kia uru noa ki roto i enei tu ahuatanga kua korerotia ake rei. Tera matou e puta pai noatu engari no te panga o Kapene Oti e te mate, no te paunga haeretanga hoki o a matou kai e kore nei e taea e au te whakaaro te take i penei ai, rokohanga hoki e te akinga haeretanga a te hau i a matau i a matou ka tekau ma tahi maero te tawhiti mai i tetahi pupahi o matou he wahi kei te whakamau atu o matou ngakau hei reira matou whiwhi kai ai. Kaore matou i puta a ko a matou kai e tae ana e rite ana mo nga ra e rua tonu. E wha nga ra i noho ai matou i roto i to matou teneti kaore e taea te puta ki waho i te awha huka e aki mai ana i waho. Kua ngoikore matou, kua kore kaha. Kua ngoikore matou, kua kore kaha. He mea tino uaua te pupuri i te pene te tuhituhi, engari toku whakaaro tonu ake, kahore aku awangawanga aku pouri aku aha mo tenei haere i kitea ai i konei te kaha te manawanui o tenei iwi o te Ingarihi ahakoa haere rato u i roto i te awaawa o te ata- rangi o te mate, kitea ana te whakaaro pai o tetahi ki tetahi awhina, tetahi i tetahi, kitea ana to ratou wehi-kore kia mate ratou mo to ratou kingi-iwi whenua hoki. He inoi whakamutunga ki te Iwi. Ko nga kupu whakamutunga enei a Kapene Kooti i mua atu o tona moenga roa.—I mohio matou ki nga mate i o matou aroaro e whakapae ana mai, a i pa mai aua mate ki a matou no reira kahore he take e amuamu ai tetahi kotahi o matou, heoi ta matou he tuku atu i a matou ki roto kinga ringaringa o te Kaihanga, o te Kai-whakahaere o nga mea katoa. Otira i runga i tenei tukunga atu nei a matou i o matou tinana kia mate mo tenei take nui he take i wawatia e matou kia tutuki kia puta mai ai he honore nui ki to matou whenua e te iwi tirohia tenei ahuatanga. Whakaaro i mate matou mo koutou i te whainga kia rongo nui koutou kia whiwhi koutou ki te kororia ki te honore. Mehe- mea he whakaaro to koutou ki a matou, he aroha whakaputaina taua whakaaro taua aroha o koutou ki a matou pouaru ki a matou tamariki i muri i a matou ki nga mea kei a matou nei he taro e ora ai ratou. Mehemea i ora ahau ka riro tonu maku e korero te toa, te manawanui, te kaha o tenei iwi o te Ingarihi. Ma enei tuhituhinga, ma o matou tinana mataotao hoki e takoto atu nei e korero nga korero i muri i a matou. R. KOOTI. Maehe 25, 1912. HUI O MANUTUKE. KEI te haere nga mahi whakariterite mo te hui nui ka tu nei ki Manutuke. Kua oti a te Tokotoru Tapu te whare mona te hui kua tutu haere katoa ona pou whakairo. He hanga ataahua, he hanga whakamiharo te whare katoa tae atu hoki ki ona whakairo. Ma te tangata tino tohunga tonu pea e kitea ai nga nawe o tenei whare. Mana tonu e korera atu tona ahua ki a koutou a te wa e tae mai ai koutou ki tona kawanga. Pai ake i to koutou rongo korero. Kei te whakaotioti haere te whare kai inaianei katoa te roa o taua whare kai e rima tiini. E toru tekau ma rua nga teepu, e 24 putu nuku atu ranei te roroa o ana teepu. Ko nga tangata mo runga i te kainga kotahi kei runga tata atu i te whitu rau. Kei te whakahaeretia ano hoki ara atu tika- nga e kore ai he mate e pa ki te tangata ara nga mate tonu e ra roto ana mai i nga hui- huinga nunui penei. Kei te kaha nga tangata o te marae ki te whakapai i to ratou marae. Kua oti nga whare putunga kai, putunga miiti, tununga kai hoki. Ko nga tima he tao kai kua tukuna katoatia ki a Taranaki Te Ua te whakahaere. Hei te 20 o tenei marama ka whakaeke mai ia ki runga i te marae. Kua putu te mahi a te Koori wahie kaore e arikarika. Kua tawheta te mahi a te taewa, e kore e pau i te hui. I te taenga o Ta Timi Kara ki Manutuke raua ko tona hoa wahine ko Reri Materoa ki te titiro i te ahua o nga mahi o te marae ki te whakahauhau hoki i a raua tamariki. Ka mea a Ta Timi Kara, he hui nui whakaharahara tenei. Tera e tae katoa mai nga iwi o nga motu e rua nei. Ko te hui anake o Manutuke kei roto i te waha o te tangata i nga huihui- nga tangata, i runga reriwe, i nga tutakitanga huarahi. Ko te tino korero tenei kei te hau mai nga rongo ara ko te nui o te tangata kei te whaka- teteka kia tae mai ki tenei hui. Te Pipiwharauroa. Ko te o ranga mo te Pepa, e rima hereni i te tau.
![]() |
4 4 |
▲back to top |
TE PIPIWHARAUROA. No.176 KAIAPOI Na ATANATIU KAIRANGI. KO te tino take i haere ai a Te Rauparaha, he kanga na Ngatiruanui mo te tama- hine a Te Puoho, a tetahi rangatira nui o Ngatitama. No Kawhia te whaea o Te Puoho, ko tona matua no Taranaki. Te rongonga o Te Puoho mo te kanga i tana tamahine, ka tuku karere atu ia ki a Te Ao-o-te-rangi, he rangatira no Ngatitahinga, e noho ana i te puwaha o Waikato. He whanaunga taua tangata ki a Te Puoho. Te rongonga o Te Ao-o-te-rangi i taua kanga, katahi ia ka tuku karere atu ki a Ngatiwhatua, ki a Ngapuhi. Ko nga rangatira o Ngatiwhatua, ko Tuwhare raua ko tona matua, ko Taoho, me etahi rangatira o Hokianga, a Moetara, me Patu- one, me Nene. Ka haere mai nga rangatira o Ngapuhi me Ngatiwhatua, ka tae mai ki Kawhia, ka uru a Te Rauparaha, me Te Rako, me Te Pehi, me era atu rangatira o Ngatitoa, hokowhitu topu ratou. Ko Ngapuhi kotahi rau topu. Ka tae mai ratou ki Taranaki, ka tonoa e Ngatiawa o Waitara kia haere ki te patu i nga tangata o Taranaki. E rua nga pa horo o Taranaki i mate i taua ope o Nga- puhi ratou ko Ngatitoa me Ngatiwhatua. Nga ingoa o nga pa horo, ko Tataraimaka, ko Panikau. Ka hoki taua ope ki Waitara, ka tonoa ano e nga tangata o Waitara kia haere ki uta o Waitara ki te patu i a Ngatimaru. Ka horo te pa o Ngatimaru ko Te Kerikeringa te ingoa. Ka tika tonu atu te haere ki a Ngati- ruanui, ki te tino take i haere atu ai ratou. Te taenga atu, kua oma katoa a Ngatiruanui ki runga ki nga maunga. Tuwhera kau ana nga pa, kahore he tangata o roto. Ka haere tonu atu ki Whanganui. Te taenga atu ki Whanganui, kahore kau he tangata o te pu- waha o Whanganui kua oma katoa ki nga maunga, ki roto ki te awa o Whanganui. Katahi ka haere tonu atu ki te takiwa o Nga- tiapa, ka patu i nga tangata o Whangaehu, o Turakina, o Rangitikei. Kahore he patu i Manawatu: i oma nga tangata ki runga ki nga maunga ko etahi i oma mai ki te takiwa o Heretaunga. Nuku tata atu ki Horowhenua, kahore he tangata. Kua wawa nga tangata ki te maunga. Tae atu ki. Otaki, kahore he tangata. Nuku tata ki Waikanae kahore he tangata. Ko nga tangata o enei takiwa, o Otaki me Waikanae, ko etahi i haere ki te moutere, ki Kapiti, ko etahi i haere ki Puke- rua. I reira tetahi pa nui e tu ana. Nga tangata i roto i taua pa, e waru rau topu. Te taenga atu o taua ope ki Waikanae, ka kitea te ahi e ka ana i Kapiti ka whakawhiti atu te ope i runga i nga waka ki Kapiti. Rokohanga atu kua huihui taua iwi ki roto ki te pa. Nga tangata o taua pa, e wha rau topu. Te ingoa o te pa, ko Te Hape. Ka whaka- ekea e te taua. Te kitenga o nga tangata o taua pa e kore ratou e kaha, houhia ana ki te rongo. I te ope a Te Rauparaha ma e noho ana ki Kapiti, ka tonoa atu tetahi o taua iwi ki te iwi e noho ana ki Pukerua kia wahia te pa, kia haere atu ki nga maunga. Kahore taua iwi i whakaae. Katahi te ope a Te Rauparaha ma ka haere atu i runga i nga waka ki Pukerua, ka whawhaitia taua pa. Ka nui te kaha o nga tangata o taua pa. He maha nga rangi e whawhai ana, ka horo te pa. Patua katoatia taua iwi he ruarua nga mea i ora, ko nga mea i oma atu ki te maunga. Te rongonga o nga tangata o Porirua kua horo taua pa, ka horo ro nga tangata o Porirua ki Wairarapa. Te rongonga o nga tangata o Te Whanga-nui-a-Tara kua horo taua pa, a Pukerua, kua mate katoa hoki taua iwi, ka horo atu ano ki Wairarapa. Te taenga atu o te ope a Te Rauparaha ma ki Porirua, kahore he tangata, ko nga pa kau e tu ana. Ka hoe atu i ranga i te waka ma waho i te moana. Te taenga atu ki Te Whanga-nui-a-Tara, kahore kau he tangata, ko nga pa kau e tu ana. Ka haere tonu atu ratou i runga i nga waka, ka tae ki Mukamuka, ka kite atu i te hua o te karaka, ka u ki uta ki te tao karaka. I te nui o te karaka ka wehewehe to ratou noho. I te po ka huaki mai te taua a Ngati- kahungunu: tupono tonu ki te puni o etahi o Ngapuhi, patupatua iho oma ana ki runga ki te maunga a Ngatikahungunu. Te mara- ngatanga ake o te nuinga o te ope i te ata, haere atu ai ki te titiro ki etahi o ratou, kua mate i te patupatu a Ngatikahungunu; he tokomaha i mate, nga tane me nga wahine. Katahi ka whakatakariri taua ope, katahi ka haere ki Wairarapa. Rokohanga atu te tangata, kapi ana te whenua. Te tirohanga mai ki te ope taua e haere atu nei, te kitenga mai ano ki te iti, whakatika tonu mai ki te riri. Haere atu ana tetehi, haere mai ana tetehi te tutatakitanga ki a raua, te pekenga atu o te ope taua, patua iho te tangata whenua, he tini ki te takotoranga. Tapaa iho te ingoa o tena parekura, ko te Mawhitiwhiti. Ka hoki mai te ope taua a Te Rauparaha ma ki Te Whanga-nui-a-Tara, rokohanga mai ko te kaipuke e tu ana i te whanga o Poneke.
![]() |
5 5 |
▲back to top |
No.176. HE KUPU WHAKAMARAMA. Ka whakarongo a Te Rauparaha ki nga ranga- tira o Ngapuhi e korero ana ki a ratou ake ano, kia tere to ratou hoki ki Ngapuhi, ka hoki mai i runga i te kaipuke ki te tango i Poneke hei waapu tunga kaipuke ma ratou. Ka mea atu a Te Rauparaha ki tona iwi, ki a Ngatitoa, kia tere hold to ratou hoki mai ki te tango i Poneke hei waapu turanga kaipuke ma ratou. Te taenga atu o Te Rauparaha ki Kawhia, ka timata tana whawhai ki a Ngatimaniapoto me Waikato hoki kotahi te tino tau e wha- whai ana: ina hoki i timata i a Mei, i te tau 1818, tae noa ki a Mei i te tau 1819 I mohiotia ai ko Mei taua marama, ko te nga- huru hoki, ko Hune hoki, ko te tahi ki ta te Maori tatau. Ko te ngahuru, ara ko Moi te marama i mau ai te rongo a Ngatimaniapoto ki a Te Rauparaha. Ka ata takoto te whenua i te pakanga. Ka heke mai a Te Rauparaha ki Taranaki, ka noho ki Mimi Ka rongo a Waikato kua heke a Te Rauparaha, kei Mimi e noho ana, ka mahara katahi ka mate i a ia. Ka haere Waikato ki te whai i a Te Rau- paraha ratou ko tona iwi, ko Ngatitoa, roko- hanga atu i Mimi e noho ana. Ka whakatika raua ki te riri. Patua iho Waikato e Te Rauparaha ratou ko tona. iwi, he tini nga rangatira o Waikato i mate. Whakaorangia ake a Potatau Te Wherowhero e Te Rau- paraha. Te hokinga atu o Potatau Te Whero- whero ki Waikato, kei te hanga i tona pa, i Matakitaki. Te otinga kautanga o taua pa, ka puta te ope taua a Hongi me tona iwi, me Ngapuhi ka horo taua pa, he nui te tangata o Waikato i mate. Taua tau, ko te 1822. I taua tau 1822 ka mahue Taranaki i a Te Rauparaha, ka heke mai, noho ake i Patea. Ka tonoa atu e Te Rauparaha etehi tangata o tona iwi ki nga tangata o Waitotara kia homai he waka mo ratou. Kaore he waka i homai ko aua tangata i tonoa atu ra, patu- patua iho. Ko nga ingoa o aua tangata i patua ra, ko Hape, ko Te Whatuatepo, ko Te Rangi-i-runga. He hunaonga tenei ta- ngata na Te Rauparaha. Te kitenga o Te Rauparaha kua mate ona tangata, haere atu ana ratou ko tona iwi, whakangaromia iho taua iwi ko nga mea i oma ki te maunga i ora ko nga waka hoki i kaiponutia ra, i riro katoa mai i a Te Rauparaha. Ka mahue a Patea i a Te Rauparaha, ka haere ki te pito o te tonga. Kihai i whaka- patari riri ki Whanganui he whakaaro ki a Te Rangiwhakarurua raua ko Turoa, e whanaunga ana ki a Te Rauparaha. Te taenga atu o Te Rauparaha me tona iwi ki Whangaehu, ki Turakina me Rangitikei, kihai i whakapatari riri ki tena iwi, he whakaaro ki a Te Piki, he wahine rangatira no Ngatiapa, i moe i a Te Rangihaeata iramutu o Te Rau- paraha. No te haeretanga tautahitanga o Te Rauparaha ratou ko nga rangatira o Ngapuhi i mau ai taua wahine, a Te Piki, moe iho hei wahine ma Te Rangihaeata. Engari i haere tonu a Te Rauparaha ratou ko tona iwi, ka tae ki Horowhenua, ka rokohanga atu a Mua- upoko ki reira e noho ana. Ka haere atu a Te Rauparaha raua ko Te Poakai me a raua tamariki, a Te Rangihoungariri, a Te Uira, a Taiko, ki roto ki te pa o Muaupoko, ara o nga tangata whenua, he korero kia noho ratou, kia whaka-iwi-kotahi ki roto i a Ngatitoa. Ka whakaaro a Muaupoko tera ratou e waiho hei pononga, patua iho a Te Poakai me a raua tamariki; ko Te Rauparaha i puta, ora ana. Ka waiho tena hei take mo Muaupoko e whakangaromia ai. Maringanui te whaka- pono kia tere te tae mai i puta ai he morehu ki te ao. Ka mahue te noho o Ngatitoa i te tuawhenua, ka hoe i runga i nga waka ki Kapiti moutere noho ai. Kihai i maha nga ra e noho ana i Kapiti, ka hiakai ka hoe mai i runga i nga waka ki Waikanae, ki te keri aruhe hei kai. Ka huaki mai nga taua nga tangata noho maunga o Muaupoko ma, ka male tetehi tangata rangatira o Ngatitoa, ko Tangahoe te ingoa, me etehi wahine rangatira hoki o Ngatitoa. Ka mate a Pohe raua ko Tiaho, ka hoki ano a Ngatitoa ki Kapiti. Ko enei raruraru katoa i pa nei ki nga tangata o Ngatitoa, no te tau 1823. Kihai i maha nga ra i muri iho i te matenga o Tangahoe, ka kitea te kaipuke e rere ana i waho iti o Kapiti, ka whaia e Ngatitoa i runga i te waka. Ka mau taua kaipuke, ka rere atu a Te Pehi ki runga, haere tonu atu ki Inga- rani. Ka karangatia tona ingoa e nga pa- keha, ko Pehi Kupa. I te tau 1824 ka whakaaro nga iwi katoa, timata mai i Whanganui, Ngatiapa me Rangi- tane, Muaupoko me Ngatikahungunu ki Wai- rarapa. nga iwi o te pito marangai o te motu ki Te Waipounamu, kia whakangaromia a Ngatitoa e noho nei i Kapiti kua kitea hoki ehara i te iwi nui. Ka haere huna mai ratou i te po, tae po mai ki te motu o Kapiti, huaki tonu i te ata po ki Waiorua, te ingoa o te pito marangai o taua motu. Otira ahakoa to ratou haere po mai, i kitea ano ratou e Ngatitoa; i rangona e nga tangata o Ngatitoa e noho ana i runga i nga maunga tata ki te moana ki te wawa o nga kirikiri kowhatu o tatahi i te ekenga mai o nga waka o te taua ki uta ka takahi hoki te waewae o te tini ki whea? Ina hoki rere ke te wawa o te ngaru me ka whati
![]() |
6 6 |
▲back to top |
TE PIPIWHARAUROA. ki uta ki te kirikiri kowhatu waihoki rere ke te wawa, ara te ngaehe o te kirikiri kowhatu me ka takahia e te waewae tangata. Te whakatikanga ake o Ngatitoa patua iho aua mano, waiho iho nga kohiwi kia paea aua e te tai ki uta, waihoki ko nga waka tino nui ki uta paea ai e te tai i te kore tangata hei eke mo runga. Ko te parekura tenei i mutu te whakapatari pakanga a nga iwi o Aotearoa nei ki a Te Rauparaha. Te ingoa o taua riri, ko Whakapatai. Ko te wa hoki tenei i ata takoto ai te whenua, timata mai i Rangitakei, tae ki Poneke, ki nga ringa o Te Rauparaha ratou ko tona iwi, ko Ngatitoa. No te tau 1825 ka timata te haere mai o Ngatiraukawa me Ngatiawa ki te noho i taua whenua. No taua tau, 1825, i hoki mai ai a Te Pehi Kupa i Ingarani. I tu tona kai- puke ki Hakaroa. I rokohanga mai e Te Pehi a Tamaiharanui ki reira. 1 eke mai a Tama- iharanui ki runga ki te kaipuke o Te Pehi; ka rere tahi mai raua ki Kaikoura. Ka haere atu a Tamaiharanui ki uta, ka ki mai a Tama- iharanui ki a Te Pehi, " Haere ki Kapiti, mau e hoki mai kia kite i a au." Ka whakaae atu a Te Pehi. Ka rere mai te kaipuke o Te Pehi, ka tu ki Kapiti. Ka rongo a Te Pehi ki te matenga o nga iwi o taua whenua i a Ngatitoa, ka koa ia, ka ea te mate o tona matua o Tangahoe Ka tae mai hoki etehi tangata o Ngatikoata ki Kapiti, i haere mai a Rangitoti kia kite i a Te Pehi, ka korero ki a Te Rau- paraha, ka mea atu, "I ki a Wharepini, ki te whiti atu koe ki Hoiere, ka patua koe e ia ki te tukituki patu aruhe." Te rongonga o Te Rauparaha i taua kupu, ka riri; otira i ata wa; ho e ia taua kupu i tona ngakau. I te tau 1827 ka hara te wahine a Te Rangi- haeata ki a Te Kekerengu, he rangatira no Ngatikahungunu ki Wairarapa, no Ngaitahu hoki tetehi hawhe o taua tangata, o Te Ke- kerengu. Ka oma taua Kekerengu ratou ko tona iwi ki Kaikoura. Tona taenga atu ki Kaikoura, ka korero ki nga tangata o taua whenua, e whaia ana ia e Te Rauparaha kia patua. Ka puta te kupu a Rerewaka, " Ki te tae mai ia ki konei, ka haea tona puku ki te niho mangaa." Kaore i maha nga ra, kua tae atu te ope taua a Te Rauparaha ki Kaikoura; otira kihai nga tangata o taua pa, o Kaikoura i mohio, he taua. Ki ta ratou whakaaro, he waka hoe mai no etehi kainga o to ratou ta- kiwa, me ta ratou mau atu ano i nga neke, me te tohutohu atu ano ki te wahi pai o te akau hei ekenga atu mo nga waka. No te rerenga atu o nga waka i runga i te ngaru ki uta, ka mohio a Te Kekerengu ki te ahua o nga tangata. Kihai rawa i karanga ki taua iwi o Kaikoura, " Ko te whakaariki." I oma hu ki te maunga ratou ko tona iwi. No te ekenga atu o nga waka o te taua a Te Rau- paraha ki uta, katahi ka mohio a Ngaitahu, ko te whakaariki . Tu kau noa iho taua iwi, kihai i korikori ki te rapu utu mo ratou. Hopuhopu kau ana te taua i taua iwi. Otira kaore taua iwi i patupatua e Te Rauparaha. Tokorua anake i mate, ko Panewhai raua ko Te Paewhiti, ko nga tino rangatira o Kai- koura. Kihai hoki raua i pai kia mau herehere, no reira tahuri ana raua ki te riri patua iho raua e Te Rauparaha. Ko Rerewaka ia, nana ra te kupu kia haea te puku o Te Rauparaha ki te niho mangaa, whakaorangia ake e Te Rauparaha. Ka mea a Te Rauparaha kia hoki mai ratou i Kaikoura. Ka ki atu a Te Pehi ki a Te Rauparaha kia haere ratou ki Kaiapoi, kia kite i a Tamaiharanui. Ka whakaae atu a Te Rauparaha ki te kupu a Te Pehi. Kihai hoki a Te Rauparaha rana ko Te Pehi i mahara ki nga toto o Panewhai raua ko Te Paewhiti i whakahekea e nei e raua. Haere ana ratou ki Kaiapoi. I reira tetehi rangatira o Ngapuhi e noho aua i rere atu i runga i te kaipuke ko Hakitara te ingoa. Tona kitenga i a Te Rauparaha ratou ko ona hoa rangatira ka mahara ia ki nga toto o Te Waero raua ko Te Paeoterangi i patua e Tuhourangi ki Tarawera, i runga i te whakahau a Te Rau- paraha kia patua. Ko enei tangata, he ranga- tira no Ngapuhi. Ka korero a Hakitara Id nga rangatira o Ngaitahu kia kohurutia a Te Rauparaha ratou ko ana tamariki, me te whakaatuatu ano a Hakitara ki a Ngaitahu i nga tino rangatira o Ngatitoa. Otira he tangata tino tupato a Te Rauparaha, me tana ki atu ano ki tana whanau kia kaua rawa e haere ki roto i te pa. Kihai a Te Pehi i whakarongo. I taua ope e noho ana i waho iti o te pa, ka tae mai te karere a Tamaiha- ranui kia haere atu a Te Pehi ki roto i te pa. Ka mea atu ano a Te Rauparaha ki a Te Pehi kia kaua e haere. Kihai a Te Pehi i whaka- rongo. Haere ana a Te Pehi ratou ko Pokai- tara me Te Aratangata ki te pa. Te kitenga o Hakitara i a ratou, ka mea atu ia ki a Ngaitahu, " Ko nga tino rangatira tenei o Ngatitoa patua." A patua ana ratou, mate ake otira he tokomaha ano etehi tangata i whai i a ratou, i mate tahi me aua rangatira. Tokorua nga tangata i tupeke mai i roto i te pa, i ora, ko Te Iti te ingoa o tetehi, ko Rere- pari tetehi. Te kitenga o Te Rauparaha kua mate ona iramutu, ka whakahau i ona tangata e whitu tekau kia whawhai ki te pa. E toru nga ra o taua hokowhitu e whakaeke ana i taua pa, kihai hoki i horo. Heoi ka hoki mai
![]() |
7 7 |
▲back to top |
HE KUPU WHAKAMARAMA. a Te Rauparaha ma ki Kaikoura, ka eke mai i runga i o ratou waka, ka rere mai ki Kapiti. I muri i to ratou rerenga mai i Kaikoura, ka mohio ai Te Kekerengu kua hoki mai a Te Rauparaha, ka hoki iho hoki a Te Kekerengu ki te pa, ki Kaikoura. Te kitenga o nga tangata o Kaikoura i a Te Kekerenga, ka mahara ra- tou, na taua tangata te take o Te Rauparaha i tae atu ai ki to ratou whenua, i mate ai a Panevvhai raua ko Te Paewhiti, i mate ai hoki nga iramutu o Te Rauparaha, i whai take ai hei whakangaromanga mo ratou i te ao nei, ka oti ta ratou whakaaro, ka whakatika atu ratou, patua iho a Te Kekerengu me tona iwi. Otira i ata tiakina e Te Rangihaeata te tamaiti a Te Kekerengu, ko Te Mihaoterangi te ingoa, e ora nei ona uri, kei Wairarapa e noho ana. I te tau 1829 ka rongo a Te Rauparaha, kua mate a Te Kekerengu, ka haere te ope taua a Te Rauparaha ki Kaikoura, ka mate taua iwi, ka mate hoki to ratou tino rangatira a Ngatitakaihe. Te ingoa o tona riri, ko Hui- aka. Ka hoki mai ano a Te Rauparaha ki Kapiti. I te. tau 1830 ka tu mai te kaipuke o Kapene Tuari ki Kapiti, ka mea a Te Rauparaha kia tonoa e ia. taua kaipuke hei ara muna ki Ha- karoa, ki te patu i a Tamaiharanui. Ko Te Kaora tetehi pakeha o runga i taua kaipuke, he taitamariki i noho ki Peiwhairangi i mua atu, kua mohio ki te reo Maori; ko ia te kai- whakamaori i nga kupu a Te Rauparaha ki a Kapene Tuari. No te whakaaetanga o taua Kapene Tuari, ka rere te kaipuke, ka tae ki Te Hakaroa, ka tonoa atu nga pakeha ki te tiki i a Tamaiharanui Te taenga atu o ana pakeha, kihai rawai korero ki a Tamaiharanui, he Mauri kei runga i taua kaipuke. Te taenga mai o Tamaiharanui ki te kaipuke, heke tonu ki te kapene, ratou ko tona wahine me tana tamahine. Kihai a Tamaiharanui i v, whai me- neti ki te kapene, ka puta atu a Te Rauparaha. Ka mea atu a Te Rauparaha ki a Tamaiha- ranui, "Tenei o kai kei roto i te hooro o te kaipuke nei e noho ana tikina ake, patua hei kai mau." Ka mea mai a Tamaiharanui ki a Te Rauparaha, " Maringa nui ahau kia hopu ake i a Te Pehi hei utu moku, kei mate kau a Panewhai raua ko Te Paewhiti, kaore he take." I a Te Rauparaha e korero ana i enei kupu ki a Tamaiharanui, kihai nga hoa o Te Rau- paraha i puta ki te teki o te kaipuke, he whakaaro kei kitea mai e nga tangata o uta. No te mea ka ahiahi po, katahi ka puta ki runga i te teki o te kaipuke, ka eke hoki ki nga poti, ka haere ki uta. Kihai nga tangata o taua takiwa i mohio ko te whakaariki tenei. Whakaeke kau ana te taua ki nga pa. E rua nga pa horo i taua po, ko Wainui tetehi, ko Onawe tetehi he nui nga tangata i mate, ki- hai hoki tetehi tangata i tukua kia whakaora i tetehi tangata hei pononga mana ko nga tangata katoa i tupono mai, ka patua. Ka hoki mai taua iwi, me to ratou kaipuke, ka riro ora mai a Tamaiharanui raua ko tana wahine. Ko ta raua tamahine i kohurutia e raua i runga i te kaipuke i te po. Te taenga mai ki Kapiti, ka hoatu a Tamaiharanui e Te Rauparaha ki te wahine a Te Pehi, raua tahi ko tana wahine. I whakamatea ki Wai- tohu i Otaki. I taua tau, 1830, ka rongo a Te Rauparaha, kua haria mai nga iwi wheua o ona iramutu e Tuhawaiki, he tangata no Whakatu, hei ma- tau hi ika mana. Ka pouri a Te Rauparaha, ka mahara hoki ki te kupu a Wharepuni mona, kia patua ia ki te tukituki patu aruhe. Ka tono ia i tona iwi ki te whakangaro i nga iwi o te pito marangai o te motu ki Te Waipou- namu. Ka rongo aua iwi, a Rangitane, a Ngatikuia, a Ngaitara. a Ngaitumatakokiri ka huihui ratou ki Hikapu. kotahi tonu te whakaaro. Te putanga atu o te ope taua a Te Rauparaha, patua iho aua iwi wehewehea ake nga tangata i ora o aua iwi hei pononga ma ia tangata, ma ia tangata o te iwi o Te Rauparaha; me to ratou whenua hoki, vvehe- wehe rawa ki ia tangata, ki ia tangata, tae noa mai ki te tau 1853 te wa i hokona ai te pito marangai o te motu ki Te Waipounamu e Ngatitoa ki a te Kuini e Te Makarini Ko- mihana. I taua tau, 1830, i te mea e patu ana a Te Rauparaha i nga iwi o te pito marangai o te motu ki Te. Waipounamu, ka tono tangata atu a Te Rauparaha kia haere ki Kaiapoi, Id aWhakauira ki te rangatira o Ngai tuahuriri, he hapu no Ngaitahu. Ko te hapu tenei o taua pa o Kaiapoi Ko ana kupu enei, " Kei mahara iho koe ki te umu i taona ai e koe aku tamariki, ahakoa muia to ratou umu e te papakura, ko te tae ata ano ahau ki Kaiapoi." Te kupu whakahoki a Whakauira, " E kore ia e puta mai i te pari! mata;" ara i te nui o te pu, o te paura, o te mata. 1 te tau 1832 ka tonoa e Te Rauparaha tana ope ki Kaiapoi, he tino nui Te taenga atu ki Kaikoura, kaore he tangata. Hoko- whitu anake nga kai-tiaki o tana pa, patua iho e mua o taua ope. Haere tonu te ope ki Kaiapoi: rokohanga atu kua huihui katoa ki roto ki te pa taua iwi; kua tae mai hoki a Taiaroa ki roto ki taua pa. Ka whakaekea a Kaiapoi e te ope, kihai rawa i horo. Ka whakapaea te pa, e rua marama, kihai i mate
![]() |
8 8 |
▲back to top |
8 TE PIPIWHARAUROA. No. 176 i te hiakai. Katahi ka keria atu ki te awa, he mea whakahoki nga awaken. Ka tae atu ki te taiepa o te pa, ka tahuri ki te tope ma- nuka. Ka horahia kia maroke nga manuka, ka paiherea, ka amohia hei tahu i te pa Id te ahi. Otira kikai taua iwi i mohio hei aha ranei aua manuka. Ko nga tangata kei roto i te awaken e haere ana, ko nga paihere ma- nuka e puta ana ki runga. Ka pupuhi kau mai ki nga manuka, kaore i kite mai i te tangata. No te kitenga ka nui te manuka ki te taha o te taiepa o te pa, katahi ka mohio, hei tahu i to ratou pa ki te ahi. Mau rawa ake ki nga tirou hei kape atu kia mamao atu i te taiepa. Me pewhea i te whiu a te mano i te manuka? Ka ngaro te pa ki raro i te manuka. Katahi ka tahuna ki te ahi, ka wera te pa i te ahi, ka horo hoki te pa, ka patua taua iwi i te awatea, ka patua i te po. I te mea kaore ano te pa i horo noa, ka mahara a Taiaroa, meake te pa ka horo. Ka karanga mai a Taiaroa ki a Te Hiko. kia put a te whakaaro o Te Hiko kia a ia kihai hoki ia i uru ki te whakaaro o Ngaitahu, i kohurutia ai a Te Pehi. Ka mea atu a Te Hiko kia puta mai a Taiaroa ki waho o te pa ratou ko ona teina me puta mai i taua wahi e tu atu ra ia. Puta mai ana a Taiaroa ratou ko ona teina, kotahi tekau ratou. I muri i a Taiaroa, i te awatea, ka horo te pa, ka tahuna ki te ahi, ka mate a Whakauira me tona iwi. E waru rau topu nga tangata o taua pa, o Kaiapoi Ko nga oranga o taua pa i riro herehere mai hei pononga; he takitahi i oma atu ki te tonga. I te mea ka horo nei a Kaiapoi, ka haere te ope ki te patu haere i nga tangata o taua whenua, tae noa ki Onawe. Te taenga atu o te ope, kua huihui nga tangata o taua pa ki roto i to ratou pa. Ka whakaekea e te ope, ka horo a Onawe Ka mutu te patu, ka kore he tangata o taua takiwa, ka heke katoa ki Murihiku, ka rere atu ki nga moutere noho ai, ara ki Ruapuke, ki Rakiura. Otira i a • Ngaitahu e noho ana i Murihiku, i tae. mai ano he ope taua ma Ngaitahu ki te pito ma- rangai o taua motu, o Te Waipounamu. Ko- tahi te haerenga mai o te ope a Ngaitahu, wahi iti ka mate a Te Rauparaha ki Kapara- tehau. I kau a Te Rauparaha ki te moana, ka ora. Ko te nuinga o nga tangata i eke ki uta, i mate i a Ngaitahu. Tenei ake te roanga. MAUI. Ka mea atu tetehi, waiho kia noho ana engari kaua e hoatu he aho kia ia. Ka hi ratou, na ka kai te ika nui ki te matau a Mauimua, e ki ana ia he hapuku, katahi ka kiia pukutia atu e Mauitikitiki-a-Taranga, he mango, te ekenga ake ki runga i te waka koia ano he mango. Ka kai hoki te ika ki ta Mauiroto, ka mea ia he hapuku, ka ki puku atu ano a Mauitikitiki-a-Taranga he rari, koia ano he rari. Ka rupeke nga tuakana he mango anake nga ika, he rari. Katahi ano ia ka ki atu, " Homai hoki tetahi maunu ki au." Ka mea atu ratou ki a ia, " E kore e marere atu." Ka kukua te ringaringa, ka motokia ake ki tana ihu, ka toto te ihu ka pama ki te matau ka whiua ki te moana i runga ano e haere iho ana, ka kai te ika, katahi ka hutia e te koroke nei tana ika, ka eke ki runga, ko te whenua. Hoki ana ratou ki to ratou kainga. Katahi te tangata nei ka whakaaro ki te tinei i te ahi a Mahuika. Ka po, ka tikina ka tineia katoatia nga ahi o nga kainga. Ka hi te ata ka karanga atu ia " ka hemo au i te kai." Katahi ka haere tetehi Id te tiki ahi. Kaore i kite ahi, ka hoki mai ka korero mai, kaore he ahi. Ka ki atu a Hine te whaea o Mauitikitiki-a-Taranga, " Tikina he ahi i a Mahuika." Haere ana ki te tiki ahi i a Mahuika, ka homai e Mahuika ko te koiti o tana ringaringa. No muri a Maui ka haere atu ka tutaki i te tangtaa tiki ahi, ka turakina e Maui Id te wai, ka mate te ahi. I turakina ai, kia mea ai nga tangata i hinga ki te wai. Haere ana ki a Mahuika, ka homai e Mahuika ko terehi o nga maikuku Ka hoki a Maui. ka; a tae Id te wai, ka tineia te ahi. Ka hoki atu ano kia Mahuika, ka homai e Mahuika ko tetehi o ana maikuku. Ka haere ano ia ka tae ki te wai, ka tineia ano te ahi. Ka hoki atu ano ki a Mahuika, ka ki atu " Kua mate ano taku ahi." Ka homai ano e Mahuika ko tetehi o aua maikuku. Na ka peratia tonutia e Maui, pau noa tetehi o nga ringaringa, ka tango ki tetehi o nga ringa- ringa, pau katoa tetahi o nga ringaringa. Ka tango ki nga waewae pau katoa nga wae- wae, kotahi i toe ko te koromatua. Ka mohio a Mahuika, ka ki atu kia Maui, " Ko te tangata pea koe e korerotia nei," ka ki atu a Maui, " Ae." Katahi ka tahuna e Mahuika ki te mea i toe o nga maikuku. Na rere ana he kahu. No konei i tika ai tona whakatauki, " Ko Maui tinetinei ahi." Na haere ana i roto i te pawa o te ahi, piri ana ki te rangi. Katahi ka ka- rakiatia e ia ki te ua whatu, ki te ua ti, ki te ua ta, ki te ua patapata nunui. Ka haere te uira me te whatitiri i roto, na ka mate te ahi a
![]() |
9 9 |
▲back to top |
No. 176. HE KUPU WHAKAMARAMA. Mahuika i konei, ko te oranga o taua ahi i whiua e ia ki te kaikomako. Ka ki atu a Maui ki tana taokete ki a Ira- waru, i moe hoki tona tuahine i a Maui, a Hine. Ka haere raua ko tana taokete ki tetehi kainga ka noho raua i reira. Ka hoki mai ka ki atu a Maui ki tana taokete, " Haria he kai ma taua." Ka ki mai te taokete, " E ora ana au." Ka haere raua, ka kumea e Maui te whenua kia roa, kia hemo ai tana taokete i te kai. Ka haere raua, i mau ano a Maui i tetehi kai mana. Ka hemo raua i te kai, ka noho a Maui ki te kai, ka noho noa iho te taokete, kaore ana kai. Ka mutu te kai a Maui ka ki atu ki te taokete," Haere mai ki te hapaki i aku kutu." Haere atu ana te taokete hapaki ana i nga kutu o Maui. Ka ki atu a Maui, " Homai hoki ou kutu kia hapakina." Takoto atu ia ki te aroaro o Maui, hapakina ana. Ehara i te pakani he nukarau nana, whakamoea ana ia, takahia ana e Maui te iwi tuaroa, kumea ana te whiore. haere ana he kuri, whangaia e Maui ki te paru. Haere ana a Maui ki te kainga ka karanga mai nga wahine, " Kei whea to tao- kete?" Ka ki atu ia " I waiho ake e au i konei, na tena iana karangatia." Ka karangatia e te wahine a Irawaru, " Kei whea koe?" Ka ki atu a Maui, " E kore e rongo mai ki tena ka- ranga." Ka ki atu te wahine, " Ati me pewhea te karanga?" Ka ki atu a Maui, " Moi, moi." Haere mai ana ki te kainga he kuri, torohe- rohe mai ana te whiore. Ka mutu tenei ka timata ki nga uri o Maui. Ko te Rupe ta te Rupe. Ko Titipao ta Titi- pao. Ko Rarapo ta Rarapo. Ko Moana ta Moaha. Ka moe i a te Kowhara. Ko Kai- tangata ka moe i a Whaitiri. Ko Hema ka moe i a Urutonga, ko Tawhaki tona teina ko Karihi. HIMENE MO TE WHAKAPU WAKETANGA O TE HAHI O TE TOKOTORU TAPU i Manutuke, Maehe 9, 1913. 38 Rangi, St. Philip. 94 00. 777. 1 Te Ariki, tenei au Ka tahuri atu nei. Inoi pono atu ai. 2 Homai ra he ngakau hou, Ngakau kino ki te he, Mahi i nga mahi pai. 3 Tenei ka tuohu nei, Tukua mai te Wairua pai Hei whakaako i ahau. 4 Nei ra whakarongo mai, Tino awhitia ahau Hei tamaiti tupu mau. 174 Rangi Gertrude. Hymn. Con 32 • 6565o. 1 Hoia o te Hahi, Whakatika ra Haere maia ake Nei he mahi mau. Te Ariki Tapu, Nana koe i ki, Haere ki te whawhai, Takahia te he. Hoia o te Hahi, Whakatika ra Nei te tohu mana, Ko te Ripeka! 2 Ma te rongo maia Hatana e pei Haere i te whati Ia me tona nui. Wehi mai te Reinga I te rongo toa Tena, e te iwi, Kia tatanga mai. Hoia, o te Hahi, &c 3 Me he ope taua, Ko te ahua ia O te Hahi tapu: E, ka oho mai. Haere ropu tonu Haere maia ai. Ma wai ia e wehe? Ma wai e whawhai Hoia o te Hahi, &c 4 Taonga! e memeha. Pai! e ngaro noa Tena ko te Hahi, Pumau tonu Ia. Ahakoa te Reinga Whakatene mai; Kore noa e kaha a, Kore ia e tua. Hoia o te Hahi, &c. 5 Tena, e te iwi, Whakatika mai Haere ropu tonu Haere a matua. Whakahua te hari Mo te Kingi nui. Whawhaitia te kino; Turia ko te pai. Hoia o te Mahi, Whakatika ra Nei te tohu mana, Ko te Ripeka!
![]() |
10 10 |
▲back to top |
TE PIPIWHARAUROA. OK Rangi, Stephanos. 254 00. 85 S3. Turanga Mate koe i te mauiui, Tamia rawatia? Nei kei a au te ata noho; Haere mai! 2 Matauria ai ki te tohu, Whaia atu ai? Poka pu nga wae, nga ringa, Te kaokao. 3 He karauna kingi ranei, Mau ki tona rae? Koia tena, otira he Taramoa. 4 Kite au, whai haere atu Whiwhi ranei au? Nui te mahi, nui te raru, Te mamae. 5 U tonu ahau ki a ia, Aha ra te pai? Mahue raru, mutu mahi, Nui te koa. 6 Whakatata au ki a ia, Panaa ranei au? Rangi, whenua, kia pahure, Kore noa. 7 Kitea, whaia, taea, tohea, E manaaki mai? Ae katoa te hunga tapu; Ae ano! I AO Rangi, Vigilate. 269. 103 7773 Turanga Koe, Karaitiana nei, Ata whakarongo mai, Tenei, kia mataara koe, Kia inoi. 2 Aua koe e ruwha noa, Kei te nui he mahi mau; Ae ra, kia mataara koe, Kia inoi. 3 Tohe mai te hoa whawhai; Ranea ana whakawai; Tama, kia mataara koe, Kia inoi. 4 Kei te whanga tonu ia Mou kia taka ki te he; Oti kia mataara koe, Kia inoi. 5 Whakarongo ake ra Ki ta Ihu ako mai; Tama, kia mataara koe, Kia inoi. 6 Kia mataara tonu koe, Hono tonu te inoi; Ae ra, kia mataara koe, Kia inoi. 102 Rangi, Aurelia. 215 102 7676o. 1 TE take o te Hahi, Ko Ihu Karaiti; He taonga tupu nana I matea nuitia ai. I runga i te rangi Ka rapua mai e ia; Mo konei ona toto I whakahekea ai. 2 Ka ata whiriwhiria I roto i te ao Nga iwi kia kotahi, Hei Hahi ma t' Atua Nei hoki te pepeha, Kotahi Ariki, Kotahi Whakapono, Kotahi Ingoa nui. 3 E taunutia te Hahi Ua pangia e te he E pehi ko nga kino E hono ake nei He tutei tonu tana, He mataara tonu He mihi tonu ake, He roa! A hea ano? 4 E ranea ko nga mahi, Pa ranei ko te he, Tuhono tonu ake Nga whakararu nui, Kahore he whakaaro Kia po u ri tonu ia Kua tata nei te wahi •E okioki ai. 5 Homai, e te Ariki, Te Wairua atawhai, Hei arataki ake, Hei ako i te pai Kia whaia ko te hunga Kua okioki nei, Tutuki rawa atu Ki a koe noho ai.
![]() |
11 11 |
▲back to top |
HE KUPU WHAKAMARAMA. 15 7. 8884. Rangi, Almsgiying. 365. 1 Nga pai katoa e ranea nei, I pono ai te tangata, E te Atua, Ariki nui, Nau ra katoa. 2 Te ra e whiti iho nei, Nga mau katoa o te whenua, Te ora mo te tinana, Nau ra katoa. 3 Te tino o te atawhai, Te matenga o Ihu nei, Me ona painga ranea mai, Nau ra katoa. 4 Te Wairua Tapu tuku mai, Me ana mahi atawhai, E whakahari ngakau nei, Nau ra katoa. 5 Nga kauwhau o te Rongo pai, Te maunga rongo ki te ao, Te ora ake tonu nei, Nau ra katoa. 6 Kia kaua oti maku mea E tuku oha ai ahau? Nui nei nga atawhai ki a au, Nau ra katoa. 7 Me tuku taku rawa mau I runga i te ngakau koa Nau nei ahau i whiwhi ai Nau ra katoa. 152. 77771 Rangi, Redhead, 17. 399. 152. 7777. 1 Piko nei te matenga, Tau mai ko te pouri nui E te Tama a t' Atua, Tenei arohaina mai. 2 Ngaro nei o matou hoa, Riro atu ki te po Tangihia i muri nei, Tenei arohaina mai. 3 Tena koe kua taunga noa Ki nga mate o te ao Nou te mate tino nui Tenei arohaina mai. 4 Tena koe te mohio na Ki nga panga mamae mai Nou te mamaetanga nui Tenei arohaina mai. 5 Mamae ko te ngakau he, Pouri whakaroto ia, Pehi kino iho nei Tenei arohaina mai. 6 Whakapikau ana koe I nga hara o te ao Nau katoa i whakaea Tenei arohaina mai. 89 7777, Rangi St. Bees. 2 89. 7777. 1 Toku wairua, oho mai, Whakarongo ake ra, Nei ta Ihu kupu mai, " He aroha ranei tou? 2 Naku koe i tango mai I nga here whakarau Naku koe i ora ai He aroha ranei tou? 3 Noku te aroha nui, Pumau tonu ake nei, Te ai tona rite mai He aroha ranei tou? 4 Tera te torona mou Te kororia tino nui Ki mai koia ki ahau, He aroha ranei tou? " 5 Te Ariki, koia nei Ko te mate i ahau Mau ahau e ako mai E aroha pono ai. HE ARAITANGA O TE MARA Ko nga haora ena i kitea .ai ki Poneke. MAEHE 22-23. Ka timata te ahua tuapouri. Maehe22 hei 94 Ka pa te atarangi ki te marama 104 Ko waenganui i te araitanga 114 Ka puta i te atarangi, Maehe 23 hei Ka mutu o te araitanga 1.1
![]() |
12 12 |
▲back to top |
TE PIPIWHARAUROA. HE TURE TUTURU. 1. Kotahi putanga o TE PIPIWHARAUROA i te ma- rama. 2. Ko te oranga mo te pepa e rima hereni (5/-) i te tau, me nooti o te Poutapeta me pane ranei, auaka i te tiaki he pane kingi hepene nga pane e tino hiahiatia ana. 3. Ki te pau nga hereni a tetahi tangata i tuku mai ai ka tukua atu he kaute. Ki te tae atu te kaute kia hohoro te tuku mai i te moni, na te moni hoki i puta atu ai te pepa ehara i te mea tupu noa. 4. E pai ana kia tukua mai nga korero o ia wahi o ia wahi o te Motu, engari kei te Etita te tikanga mo te ta i aua korero : kia marama te tuhituhi. 5. Me penei te tuhi i waho o nga reta katoa: — Ki TE PIPIWHARAUROA, Te Rau, Gisborne. HE PANUI Ki te tangata e hiahia ana ki te Rawiri ki te Himene : he nui noa atu nga pukapuka kei a au inaianei : ko te utu : — He mea nui, kin noa ... 2/6 He mea nui, kiri wher ... 3/- He mea nui, kiri pai ... 4/— He mea nui kiri pai rawa ... 5/6 H e mea paku, kiri whero ... 1/6 H e mea paku, kiri pai . . . 2/6 He mea paku, kiri noa ... 1/- He mea paku, kiri pai rawa 3/6 Rawiri & Himene, kiri noa 1/6 Rawiri & Himene, whero ... 2/- Rawiri & Himene, pai ... 3/- Rawiri & Himene, pai rawa 4/- He Himene ... ... -/6 Maku e utu te Pane Kingi hei tuku atu i nga pukapuka ki a koe. Na H. W. WILLIAMS, Te Rau, Gisborne. Ki te hiahia te tangata ki te Paipera ki te, Kawenata, me tono ki te BIBLE DEPOSITORY SUNDAY SCHOOL UNION, Auckland. Paipera, 2/6, 3/6, 4/6, me te pane kingi //- Kawenata me nga upoko whakamarama 2/6 3/- 4/6, me te pane kingi 3d. Kawenata paku, me nga waiata 2/-, 2/6, 3/-, 3/6, 4/-, me te pane kingi, 3d. Printed and Published by H. W. WILLIAMS, at Te Rau Printing Works, Berry Street, Gisborne, New Zealand.