![]() |
Pipiwharauroa 1899-1903: Number 172. September 1912 |
![]() |
1 1 |
▲back to top |
Te Pipiwharauroa HE KUPU WHAKAMARAMA. NAMA 172. GISBORNE. " He ao te rangi ka uhia He huruhuru te manu ka rere." HEPETEMA 1912. "Kui! Kui! Whitiwhitiora." HE TANGI, HE UHUNGA. Piko nei te matenga, Tau mai ko te pourl nui E te Tama a te Atua, Tenei arohaina mai. Ngaro nei o matou hoa, Riro atu ki te po; Tangihia i muri nei, Tenei arohaina mai. Tena koe kua taunga noa Ki nga mate o te ao; Nou te mate tino nui Tenei arohaina mai. Tena koe te mohio na Ki nga paanga mamae mai Nou te mamaetanga nui; Tenei arohaina mai. Mamae ko te ngakau he, Pouri whakaroto ia, Pehi kino iho nei; Tenei arohaina mai. Whakapikau ana koe I nga hara o te ao; Nau katoa i whakaea: Tenei arohaina mai. Rev. NIKORA TAUTAU. ITE Manei te 23 o nga ra o tenei marama ka rere te korero i roto i nga waea a te Pakeha ko Nikora Tautau tera kua mate : taka i runga hoiho. He nui te pouri me te tangi o te ngakau mo tenei rongo kino. Ko te aroha me te pouri mo nga mea i mahue iho ki muri, ehara i te mea mo tona: mo tona hoa wahine me nga tamariki ka mahue pani nei ki te ao; mo te pariha o Tokomaru kua kore nei he matua tohutohu; mo te Hahi Maori o Niu Tireni, mo te iwi nui tonu hoki. Me tangata waha korero a Nikora i roto i nga huinga tangata, mo te taha ki nga mahi o te whakapono, puta atu ki era atu mahi hei painga mo te iwi. Ma Nikora e korero te korero ka pakari nga niho o tangata ki te kata, ma tetahi e korero kaore e kataina. E ki ana ko tetahi tangata he putiputi pai o Nikora no nga paparinga o te tangata —mo te kata o te tangata taua korero. I roto i enei ra ko Nikora te kaumatua rongonui o te Hahi, ahakoa kaore ano ia i tino eke ki runga i te kaumatuatanga. Ko te tumanako o te ngakau ko ia rawa hei kai hautu i roto i te Inu mo te whare ka tu nei ki Manutuke. He tangata tenei i tino mohio ki tana mahi ki te to i te tangata ki te huarahi o te tika. E whakapaua ana e ia tona kaha ki te rapu huarahi i roto i te karakia, i waho ranei o te karakia, e riro ai i a ia te tangata. I roto i te karakia e kata ana i a ia te tangata, ehara i te mea hei mahi noa, engari kia ngahau mai ai te tangata ki te karakia, a pai noaiho ki ona tikanga. I waho o te ka- rakia e whakararatatia ana e ia nga tamariki ki nga mahi takaro katoa, kia mohio mai ai nga tamariki e ahei ano te tangata whakapono te uru ki nga takaro, kaore ia te hara. I mau i a ia nga kupu a te Apotoro i mea ra—" Mei- nga ana ahau hei mea katoa ki te katoa, kia pou rawa ai taku hei whakaora i etahi." Ko te ahua tenei o Nikora i pouri ai te ngakau mo tona ngaromanga. Ko tenei tangata ko Nikora Tautau no runga i nga tahu nunui o te Tairawhiti, puta atu hoki ki a Ngapuhi. No tona itinga ano ka whakawahia ia e tona tipuna e Paora Tutu mo tenei turanga i turia nei e ia. I whakaritea e taua koroua ko te Honiana, ko te tuakana, mo te marae; ko te Moana, ko to raro iho, mo ro whare; ko Nikora mo te Hahi ko nga taina hei taka i waenganui i enei. Me penei tonu te ahua o enei tangata. I kuraina a Nikora ki Te Raukahikatea. No te tau 1893 ka whakapakia hei Rikona, no tu tau 1896 ka
![]() |
2 2 |
▲back to top |
![]() |
3 3 |
▲back to top |
![]() |
4 4 |
▲back to top |
4 TE PIPIWHARAUROA. No.172 TE KAWANATANGA O INGARANGI. KUA tumeke haere te Kawanatanga o Ingarangi ki te whakaririka ki tona take, ara ki te hoatu he paremata motuhake mo Airana. He take tawhito tenei. No mua i whakahaere ai. Ko tenei Kawanatanga rawa te mea i kaha ki te whawha atu. I kore ai e whakaarohia tenei take e nga Kawanatanga o mua, he wehi i te Airihi. He iwi pakani te Airihi, ara hohoro ki te riri, mehemea ka hoatu ana he Kawanatanga mo ratou, he iti noa tetahi raruraru ana ki a Ingarangi tera ia e whakamatau ki te wehe tonu atu i a ia i raro i te mana o Ingarangi. Ko tetahi take hoki i kaha ai taua wehi na te mea he Pikopo tera iwi. Mehemea ka hoatu ha paremata mona, ka waiho enei mea e rua hei take e wehe atu ai ia i raro i te mana o Ingarangi. I tino kaha ai a Airana ki tona tohe, he tika ano hoki tana na te mea ko ia anake te iwi i roto i te Kingi- tanga o Ingarangi kaore ona ake Kawana- tanga. He Kawanatanga to Kanata, to Ahi- tereiria, to Niu Tireni me te Awherika ki te tonga. Ko nga Poa ina tata nei i whawhai ai ki a Ingarangi kua whai kawanatanga, ko ia kaore ano. Kaore ano enei whenua i mohiotia he whenua ka noho a Airana i raro i te mana o Ingarangi, a tae noa mai ki naianei e noho nei. He Kawanatanga ano to Airana i mua rawa, engari he kino no ana mahi ka whakakorea, a na te wehi o Ingarangi ki tenei ahua ona i kore ai e hoatu ano. I te potitanga mema i te timatatanga o tera tau, ka whakaaro te Kawanatanga tera ia e mate, katahi ia ka ki e whakaae ana ia kia hoatu he paremata mo Airana. Na tenei korero a te Kawanatanga huri katoa mai te nuinga o nga mema o Airana ki te tautoko i te Kawanatanga. Ko te take tena i tu ai te Kawanatanga. I te mea na nga mema o Airana e hiahia ana kia hoatu he paremata mo Airana i tu ai te Kawanatanga, ka kaha ia ki te whakahaere i taua take. Ko tetahi tenei o nga take nui kei te aroaro o te Paremata e takoto ana. Otira kaore a Airana katoa i te kotahi te whakaaro ki tenei mea. Ko te tai whakarunga o Airana, e karangatia ana ko Arahita, kaore i te pai ki tenei tikanga. Ko nga tangata o reira ehara i te Pikopo, engari no nga Hahi Poroteihana. No mua mai ano i pera ai taua wahi. Ko tenei whenua kei te mea kaore tahi he painga o te homai paremata, ka noho kino te iwi ki te pera. Tera ratou e whakatoia e nga Pikopo, e kore ratou e manawanui ki te whakaririka. Ko te taha Apitihana o te Pare- mata o Ingarangi kei te tautoko i te korero a nga tangata o Arahita. E mea ana te Api- tihana ki te tohetohe te Kawanatanga ki te whakahaere i tenei take, tera e tu tonu nga tangata o Arahita ki te pakanga. I tera wiki ka puta tetahi kino ki Arahita, a na taua raru- raru, ka kite te nuinga o te tangata tera e tika te korero a te Apitihana. He whutupooro noa te mea nana i timata, he Pikopo tetahi tima he Poroteihana tetahi, ara ko te Mihinare nei me era atu. I waenganui o te purei ka ara te haki a nga Pikopo. Te kitenga mai o tetahi taha, ka whakaaro, he wero riri taua mea, ka ara hoki ta ratou na haki; ko te ma- takitaki tenei ehara i te mea ko nga tangata purei. Ka timata te whawhai. Ka mutu te purei. I timata ki te riri ringaringa, kua mau ki te kohatu, ki te rakau, a tae rawa ki te pu; engari he ruarua noa nei nga mea whai pu, he pitara. Nuku atu i te 1000 nga tangata i taua whawhai. E 60 nga mea i tae ki te hohipera. Hei whakaatu tenei kaore i te noho pai nga Poroteihana o Arahita me nga Pikopo. Ka kite te Kawanatanga inaianei i te uaua o tona mahi. Tera pea e whakaarohia e te Kawanatanga kia wehea mai Arahita ki waho o taua paremata. TE KURA O HUKARERE. ATE Turei te 22 o nga ra o Oketopa ka taia te kawa o te whare kura o Huka- rere. Ma te Pihopa me nga minita o tona Pihopatanga, o te taha Maori o te taha Pakeha e whakatuwhera. Ko te hiahia o nga kai-tieki me nga kai-whakaako o te Kura ki tae atu ki taua ra nga wahine katoa i kuraia ki Hukarere, me nga tangata katoa hoki i nga wahi katoa ki te awhina i taua taonga a te katoa. PITOPITO KORERO. Kua pau katoa te tango nga taonga, me nga mea whakapaipai o te tima Star of Canada i u nei ki runga toka i Turanga nei. I whaka- matau noa hoki te kaha o te Pakeha ki te whakamanu, kore rawa i taea, katahi ka tango- hia nga mea katoa e taea te tango. Ko te tinana anake kei te tu inaianei. No te 27 o nga ra o tenei marama ka maketetia nga tao- nga. Pau katoa nga mea te hoko, i te papai tonu o aua mea, i te kaha hold o te hiahia o te tangata kia mau ki tetahi mea hei tohu mana. Kei te whakamatau ano tetahi kamu- pene ki te whakamanu i te tima.
![]() |
5 5 |
▲back to top |
NO.172. HE KUPU WHAKAMARAMA. 5 ETAHI KUPU WHAKAMARAMA. Na TE ONE KERE He mea tango mai enei korero no Te Karere o Akuhata 1912. KI Te Karere.—E hoa, tena koe. Panui- tia atu enei kupu whakamarama na Te Pipiwharauroa nama 169. kia mohio katoa mo te timatanga o te Hahi o Ingarangi e he ana te ki nei i timata mai i a Henare Tua- waru. He tika, e Te Pipi ko au tetahi kaore e mohio. E ki ana Te Pipi no te ra o te Pete- koha i whanau ai te Hahi. Ehara taku i te whakahe , engari he whakaatu i te take i po- hehe ai au. Taku mahara i timata i a te Karaiti te whakapono, ka toru tekau nga tau o te Karaiti ka iriiria. Ruka:3, 22). Na, i a Ihu e whakatata ana ona tau ki te toru tekau i timata te kauwhau a te Karaiti. {Matiu 10, 1, 9)- Ka tonoa ana Apotoro tekau ma rua. Koia nei ahau i pohehe ai. Koia nei te tima- tanga o te Hahi. Mehemea au ki te tuhi i nga upoko me nga rarangi ka kapi te pepa. No reira, ka uma haere taku whakaatu i te take i pohehe ai au. I muri i a te Karaiti ka wehe nga Hahi, he Roma, he Karaitiana. Ko te Hahi o Roma, e ki ana nga Katorika na Pita i timata; te hahi Karaitiana, e ki ana te Karaipiture na Paora i timata. {Nga Mahi, 11, 26). " I ma- tua huaina nga akonga he Karaitiana." I whakahetia a Pita e Paora (Karatia 2, 11), "A, ka tae a Pita ki Anatioka, ka whakatika atu ahau ki a ia, he kanohi, he kanohi, no te mea kua tika kia whakahengia ia." " I toku kite- nga kihai ratou i haere tika i runga i te pono o te Rongopai, ka mea ahau ki a Pita i te aro- aro o te katoa, ki te mea ko koe, he Hurai, ka whakatauiwi, a kahore e whakahurai, he aha koe ka mea ai nga tauiwi kia whakahurai?" I te tau 68 kua riri te Hahi o Roma, ko Nero te emepara, ka whiua a Paora me nga Karaitiana i te whare herehere. I te tau 90 panaia a Hoani ki te motu o Patoma—ko Nga Whakakitenga. I whakataki ai au i enei korero kia tae ai ki te wa i te ingoa o Henare Tuawaru. I te tau 330 ka huri katoa te kingitanga o Roma ki te whakamate i nga Karaitiana, tae rawa ake ki te tau 371 kua karangatia te Hahi o Roma he Karaitiana, kua mate katoa pea nga tino Karaitiana. Kua tae ki te kupu i Nga Whaka- kitenga 14, 6: " I kite ano ahau i tetahi atu anahera e rere ana i waenganui o te rangi, kei a ia te rongo pai mau tonu hei kauwhau mana ki te hunga e noho ana i te whenua." I te tau 1154 kotahi te minita o Ingarangi, i tu hei Popa mo te Hahi o Roma, ko Nikora Perekipia. I te tau 1517 ka puta nga panui whakaatu a Henare Tuawaru kingi o Inga- rangi. kia wehe te Hahi o Ingarangi i te Hahi o Roma. Na, ka mate a Henare ka tu ku Meri hei kuini, ka whakahokia nga tangata ki te Hahi o Roma. Ka mate a Meri ka tu ko Irihapete, ka whakahokia ano ki tu Hahi o Ingarangi. Ka mate a Irihipete ka tu he kingi ka pai te haere o te Hahi I te tau 1562 ka tu te Hinota, ko te kaupapa tenei o te Hahi. I nga whakamarama ano a te Hahi o Inga- rangi i te 475 o nga wharangi o te pukapuka e kiia nei he rawiri. Te whakamarama mo te Hahi kei te 192 o nga wharangi. " E whaka- pono ana ano ahau kotahi ano hahi ko to nga Apotoro puta noa i te ao." 1 te 223 o nga wharangi " Kua takoto nei ta te Karaiti kupu me whakaae ano hoki enei tamariki, ara kou- tou ona Matua (-atua) ko koutou hoki hei mangai mona," mo te iriiringa tenei. I te 478 o nga wharangi, " Ehara i te mea tika kia kaua e tino whakaaetia, e tino whakaponohia nga whakapono e toru, ara te whakapono o Naihia, te whakapono a Atanatiu me tera e kiia ra ko to nga Apotoro." Na, e taku hoa, e Te Pipi ehara taku i te whakahe, i te whakateka ranei; engari hei whakamarama i to matou nei he i to nga kuare. E hoa, kaore au e mohio ki mua atu o nga Apotoro. Heoi taku e mohio ai i mua atu i a te Karaiti me nga Apotoro ko te Kawhenata tawhito. Kia ora e hoa, e Te Pipi. Na tou mokai, TE ONE KERE." TE WHAKAUTU. Ki a Te One Kere. [E hoa, tena koe. Tenei au kupu i roto o te Karere Nama 15, 1912 kua whakaurua e au Id roto i te Pipi. kia pai ai taku whakahoki. Tera koe e kite iho i taku whakatikatikanga i te takoto o atahi kupu, he kore e marama ki au no te ahua o te takoto i roto i te Karere. E kore koe e riri ki au mo tena. I o kupu timatanga me o kupu whakamutunga e mea ana koe, kaore koe i te mohio: engari ahakoa taua kupu au, kaha tonu koe ki te whakataki i te tipunga mai o te whaka- pono tae noa ki te kingi i muri iho i a Erihapeti. Mo te kupu tuatahi mo te tupunga mai o te Hahi. Kei te tika to korero. Na te Karaiti ano i timata. I whakaarohia ai te Petekoha he ra whanautanga no te Hahi no te mea no taua wa ka; timata te mahi a te Hahi i tana mahi e mahi nei. I mua atu ko te Karaiti te mea mahi, ahakoa hoki i tono ano ia i ana akonga kia haere ki nga pa,
![]() |
6 6 |
▲back to top |
6 TE PIPIWHARAUROA. No. 172 ki te kauwhau, he ako tana mea nana i a ratou mo te wa e mahue iho ai ratou. Ko te wa i a te Karaiti he wa whakaako. No muri i tona aranga katahi ratou ka tino tonoa—" Haere ki te ao katoa, kauwhautia te rongo pai ki nga tangata katoa." (Mk. 16, 15; Mt. 28, 19-2o). Engari i ki atu ia ki a ratou taihoa e haere, kia tatari ki te mea hei wha- kakaha mo taua mahi—"Na ko koutou hei kai whakaatu mo enei mea. A maku e tuku ki a koutou te mea i korerotia i mua e toku Matua: otira kia noho koutou ki te pa ki Hiruharama, Ida whiwhi ra ano ki te kaha i runga." {Rk. 24, 48-49)- No te taenga mai o te Wairua Tapu i te ra o te Petekoha ka tu a Pita ki te kauwhau, a te tukunga iho i tata ki te 3000 nga tangata i huri ki te whakapono, a e kiia ana, " U tonu ratou Id te ako a nga Apotoro, ki te whakahoatanga, ki te whawhati taro, ki te inoi." (Mahi 2, 42). Ko te timatanga tena o te Hahi ki te mahi ko ia anake, ara kaore a te Karaiti, engari ko te Wairua Tapu kei roto i a ia e whaka- kaha ana, " Ko te take tena i kiia ai taua ra he ra whanautanga no te Hahi. Ka nui taku whakamiharo ki etahi o korero. E ki ana koe i muri i a te Karaiti ka wehe nga Hahi: ko te Hahi o Roma na Pita i whakatu; me te Hahi Karaitiana na Paora i whakatu. I riri te Hahi o Roma ki a Paora me nga karaitiana, ma- kaia ana ki te herehere, panaia ana a Hoani ki Patomo, tae rawa ake ki te tau 330 ka mate katoa nga karaitiana, ka tangohia e Roma te ingoa ki a ia. E Kere he tino whakapae kino rawa tenei nau ki te Hahi o Roma. Kia rongo mai koe. I muri i a te Karaiti kotahi tonu te Hahi. Kei pehehe koe ki a Roma, ki a Koriniti, Epeha, Katatia, Anatioka, me era atu, e whakahuatia nei i roto i te Karaipiture he Hahi wehewehe, penei me enei e mohio nei tatou. Ko nga kainga ena, na kona i wehewehe ai te whakahua, ko te Hahi ia i aua wahi he Hahi kotahi; He penei ano me tou Hahi kei Amerika tetahi wahi, kei Ingarangi tetahi vvahi: kei Niu Tireni nei tetahi wahi: ahakoa he wehe enei whenua, e kore koe e pai ki te ki ahau he wehe ke noa atu te wahanga o to Hahi i Amerika i te mea i Ingarangi, i te mea hoki i Niu Tireni nei. Kei te pohehe koe ki te Kingitanga o Roma ko te Hahi o Roma. He wehe ke tonu te kingitanga o Roma i te Hahi o Roma, he hoa riri tetahi no tetahi. Ko nga atua o Roma ko nga atua maori. No te kahanga o te tipu o te whakapono ka riri te Kingi o Roma, ka tahuri na ki te patu i nga Karaitiana. Ko Nero te kingi, e kiia mai na e koe, ehara ia i te Hahi o Roma. Ko Paora i tapahia te kaki ki te hoari, ko Pita i ripekatia, e taua Nero. Ko te wahanga o te Hahi i Roma, i era atu wahi hoki, i whakamatea e Roma Kingitanga. Mai i te tau 64 ki te tau 313 he patu te mahi a te Kingitanga o Roma i te Hahi, ara i te whakapono. Kaore ra i patu tonu i nga wa katoa; kia noho mai he kingi pai, ka mutu te patu; kia ara mai he kingi kino ka ara ano te patu. I roto i tenei wa roa kotahi tekau nga aranga o te patu. Ko te mea whaka- mutunga ia te mea kino rawa, ko ta Tiokeretiana raua ko Karienu, i nga tau 303 ki 313 I te tau 313 ka riro te kingitanga i a Konatataina. Ko Konatataina ehara i te karaitiana. Ko ia te kingi whakahaere i te mana o Roma i te Hauauru, ko Ingarangi tona wahi noho. He pai no ana tikanga ka powhiritia ia kia haere atu ki te tango i te tu- ranga o te kingi i Roma. Nona e haere atu ana ki te whawhai ki taua kingi i Roma ka puta he tohu ki a ia—he ripeka i te takiwa o te rangi e tu ana, me nga kupu ano e mea ana, ma tenei koe ka toa ai. Ko te maunga tena o Konatataina ki te tohu o te ripeka hei kara whawhai mana. I te tau 313 ka riro te nuinga o te kingitanga ki raro i tona mana. Ka huri a Konatataina ki te whakapono, ka whakamutua hoki e ia te patu i nga karaitiana. Ko te take nui i roto i o korero ki taku titiro iho, e Kere ko te rarangi i a Whakakitenga 14, 6. Ka Tareitia e koe nga korero o te tipuaga mai o te Hahi kia hangai ki taua rarangi. Ka kiia e koe kua mate katoa nga karaitiana te patupatu, kua rite ki te korero a te rarangi i a Whakakitenga, " I kite ano ahau i tetahi atu anahera e rere ana i waenganui o te rangi kei a ia te rongo pai mau tonu hei kauwhau mana Id te hunga e noho ana i te whenua." He pai noaiho ra te korero, engari he pai rawa te ata rapu kia kitea te tika ka korero ai. Kia mohio mai koe kaore i ngaro te whaka- pono karaitiana; e kore ano hoki e ngaro i te hoari a te tangata. Ko te pepeha a nga Karaitiana i taua ra ko tenei—" Ko te toto o nga matira te ka- kano o te whakapono." Mo Henare Tuawaru. Kaore i wehea e Henare te Hahi i te tau 1516 No te tau 1530 ka timata te riri a Henare ki te mana o te Popa, no te tau 1536 ka whakakorea rawatia taua mana. Kaore a Henare i riri ki te Hahi engari ki te mana o te Popa. I te matenga atu o Henare Tuawaru ko te whakapono ano o Roma tona whakapono, kaore ano hoki ia i pai kia whakarerea etahi o nga whakaakoranga a te Hahi. Ko te hahi katoa, he iti nei nga mea i puta ki waho, i whai i muri i a Henare, kaore ano hoki te wahanga o te Hahi ki Ingarangi i pai ki te mana o te Popa. Ko te ahua tena o Henare ki te Hahi, kaore ia i whakatu hahi hou.' Ko etahi o korero kei te pai, kaore hoki koe i te whakahe ki aua mea, engari e whakahua noa ana koe. Ko tetahi o whika kei te he, he tapepa pea, ko te 223, he 213 te hangaitanga. Kaore aku hia- hia kia mamae koe i aku kupu, engari na te hiahia kia ata marama koe i penei rawa ai te rawaka, tetahi na to kore rawa i hopohopo ki te ki na te Hahi ia o Roma i patupatu nga karaitiana. Heoi ano.—ETITA,]
![]() |
7 7 |
▲back to top |
No. 172. HE KUPU WHAKAMARAMA. WHAKATAKINGA TUTURU O NGA KO- RERO O TE HAHI O INGARANGI. Akutini me nga Pihopa o Ingarangi. Ko nga tino tikanga katoa o te whakapono kei te puretiatahitia e te Hahi o Roma me te Hahi Kereti. Heoi ano nga mea i rereke ai raua ko te ra o te Aranga, ko te ahua o te Iriiri me te heunga hoki o nga makewe o nga minita. Mo te Iriiri ki a Roma kotahi ruma- kanga, tahoronga ranei i te wai, ki te Hahi Kereti kia toru kia rite ano ki nga ingoa o te Tokotoru. Ka kite tatou ehara i te rereke whai tikanga rawa enei. I te tau 602 ka tu he hui ma Akutini ratou ko nga Pihopa o te Hahi Kereti i Weeri. Ko taua hui he mea na Akutini kia whakakotahi ratou, a ko ia hei Akipihopa mo te Hahi katoa. I te haerenga mai o nga Pihopa o Weeri ka haere ratou kia kite i tatahi tangata tapu no taua Hahi, noho ai ko ia anake i ro ngahere, ka patai atu hoki me aha ratou. Ka kiia mai e taua tangata, mehemea kei a Akutini te ngakau o te Karaiti, ara te ngakau ngawari, e pai ana kia whakaae ratou ki te tono a Akutini. Mehemea ia he tangata ngakau uaua, kau hei whakaaetia. Ka patai atu ratou, me pewhea ratou e mohio ai, ka ki mai ia, me whakatomuri ta ratou haere, me tuku ko Akutini kia tae wawe ki te wahi o te hui. Ki te tu mai ia ki runga ki te oha mai ki a ratou i te taenga atu, he tohu tena he tangata ngakau mahaki ia; ki te kore ia e tu mai ki runga, he tangata ngakau uaua, he tangata whakamanamana. Te taenga atu o aua tangata kaore a Akutini i tu mai ki te oha, engari i riri mona i whanga ki a ratou. Ka whakaaro nga tangata ra e kore e tatu taua take. Ka whakamutua e tetahi o ratou te hui ki enei kupu, " kaore matou e rongo ki nga tohutohu a Akutini, kaore ano hoki e whakaae ki a ia hei Akipihopa." Ko te pakaru- tanga tenei o te hui. Ka hoki atu a Akutini ki Karia ki te whaka- riterite i te ahua o tona mahi. Ka hangaia mai e Kerekori Popa o Roma te ahua mo tona mahi. Ka wahia a Ingarangi kia rua nga wahanga: kia tekau ma rua nga Pihopatanga ki raro i a Akutini, kia tekau ma rua hoki ki raro i te Akipihopa ano me whakatu ki Ioka. Kaore i taea te whakatutuki taua whakaaro o Kerekori. Ko te mahi a Akutini kaore i tipu ki Ingarangi; e rua ano ana ake pihopatanga i whakatu ai, ko Kanataperi me Rokeheta. I te kingitanga kotahi anake o Ingarangi te mahi Akutini. E te tau i muri mai i te mate- nga o Akutini kotahi ano te Pihopa o Inga- rangi na Roma i whakatapu. Ko te mahi a Akutini ratou ko ona hoa kaore i pumau, i kaha i te wa i a Akutini e ora ana, no muri mai ka mate haere, a ka riro na te Hahi Kereti i whakakaha, i whakapumau. Te Kupu Katorika I a tatou e korero ana mo te mahi a Akutini i haere mai nei i Roma, he mea pai kia mahara tonu tatou ko te whaka- pono i taua wa, ara ko to Roma, kaore i penei i tenei e puritia nei e Roma inaianei. E ka- rangatia ana te Pikopo inaianei ko te Hahi Katorika, ara ko te Hahi Romana Katorika. Ko te tikanga o te kupu Katorika, ko te Hahi puta noa i te ao. Ko te ingoa Katorika e hoatu ana ki te Mahi i mua hei whakaatu i tona kotahitanga. Ko nga peka hoki o taua Hahi i tena wahi i tena wahi e karangatia ana ko te Hahi i aua wahi. E karangatia ana hoki te peka i Roma, i ana ra o mua, ko te Hahi o Roma; te peka o Epeha e karanga- tia ana ko te Hahi o Epeha; he pena ano hoki i era atu wahi: engari he peka katoa enei no te Hahi kotahi no te Hahi nui; ko taua Hahi nui te tikanga o te Kupu Katorika Ko te Hahi o Roma inaianei ehara i taua Hahi, engari he peka ia no taua Hahi , he pera ano hoki te Hahi Mihinare, he peka no taua Hahi. E toru nga tino mea o roto i taua ingoa: (1) te Hahi puta noa i te ao, ehara i te mea ko te Hahi o tetahi whenua kotahi; (2) te Hahi o nga iwi katoa, ehara i te mea o tetahi iwi kotahi; (3) te Hahi e mau ana ki nga whakaakoranga katoa a te Atua i whaka- kitea nei e ia i roto i a te Karaiti, ehara i te mea ko te Hahi e pupuri ana i etahi noa o nga tikanga a te Atua. Nga he o te Pihopa o Roma. Kua whakaaturia i runga ake nei, ki te whakaaro o te tangata he rite tonu te Hahi o Roma i nga ra o mua, ki te Hahi o Roma e mohiotia nei inaianei. Hei whakaatu ake i te he o tenei whakaaro ka tuhia ake enei kupu e whai ake nei. Ko enei he o te Pihopa o Roma, ara o te Popa, kaore i tipu mai i te wa kotahi, engari he roa te wa i tipu ai, a i ata tipu hoki: he iti te timatanga, he iti ano hoki tona tipunga haere- tanga, a pau rawa ake nga taumaha kua rakau nuitia. Me whakahua noa ake ko etahi o nga whakaakoranga a Roma inaianei, hei whaka- marama ake i tona rhreketanga i te Hahi Ona- mata. E ki ana a Roma inaianei ko te Popa te upoko o te Hahi a te Karaiti i te ao nei. He tino whakaakoranga tenei na te Hahi o Roma. Engari kaore tenei tikanga i mohiotia e te Hahi Onamata. Kaore he pihopa i kiia i nga ra o mua he upoko no te Hahi. He whakaakoranga ano hoki i whakahokia e Ke- rekori te mo, te tangata nana nei i tuku mai a Akutini. Kaore ia i whakaae ki taua korero. No te tau 853 ka whakaritea e Popa Nikora
![]() |
8 8 |
▲back to top |
TE PIPIWHARAUROA. No.172 kia puritia. Kaore i puritia i mua atu i tena wa. Ko tetahi tikanga a Roma inaianei kaore i puritia e te Hahi Onamata, ko te he kore o te Popa. He tikanga hou ano tenei na Roma. Kaore te Hahi Onamata i mohio ki tenei mea. Ko te uaua o tenei take a Roma ki a ia ano, kei te whakahenga a te; Hahi katoa i a Popa Honoriu. I te hui tuaono a te Hahi katoa, ka whakahengia e te Hahi a Popa Honoriu mo ana whakaakoranga, ka kia ia he heretic, ara he tangata whakaako tika. I kangaia taua Popa e te Hahi, a mo nga rau tau maha i muri mai, ka ara ake he Popa hou ka whaka- hua ia i te kanga a te Hahi mo Honoriu. Ka mohiotia i konei he tonu ai ia te Popa, e kiia nei e Roma inaianei kaore te Popa e he. Tera atu ano etahi o nga tikanga e puritia ana e Roma inaianei, kaore nei i mohiotia e te Hahi Onamata, Mai ano o te wa i a Akutini A.D. 597 ki tenei wa ka 93 nga Akipihopa o Kanataperi, ko te Pihopa tumuaki tenei o te Hahi o Inga- rangi. Te Kauwhautanga o te Rongo-Pai ki Ranana. Ko te taone o Ranana kaore i tino tawhiti rawa i te wahi kei reira nei a Akutini, i Kenete, engari he kingitanga ke tonu hoki tera. Ko te iwi o te kingitanga o Kenete he Hutu; ko te iwi o te kingitanga o Ranana he Hakona. E toru nga kingitanga o nga Hakona: ko Eheke, kei te taha ki te ra-whiti, ko Ranana tenei; ko Haheke, kei te taha tonga; ko Weheke, kei te taha hauauru: ko enei kingi- tanga e toru kei te noho tata tonu tetahi ki tetahi. Ka huri ra a Kenete ki te whakapono i a Akutini, ka ahu atu tona mahi ki Eheke, ara ki Ranana. Ka tonoa e ia tetahi o ana tangata, ko Meritu te ingoa, kia haere ki reira. No te tau 604 ka whakatapua a Meritu hei Pihopa mo Ranana, i muri iho i te huringa mai o te kingi o taua wahi ki te whakapono. I taua takiwa he uaua rawa atu a Ranana ki te mahi, no te mea ko te iwi tera i tino kaha rawa te karakia ki nga atu maori, na reira ehara i te mahi ngawari ta Meritu i Ranana pera me ta Akutini i Kenete. TE RARURARU O WAIHI. KO te whawhai nui e enei ra ko ta te tangata mahi raua ko te rangatira. E hau ana mai te rongo o te Taraiki i nga wahi katoa: ehara ia i te mea ko nga tangata ko- nohi maro nei anake e mau ana ki taua rakau, ko nga wahine ano hoki. ko te iwi o te ngakau ngawari; tae atu ana ki nga tamariki kura. He riri hou tenei, ko tona tutukitanga kaore e tino mohiotia, he pai ranei, he pewhea ranei. He tino tangata kino ki ta nga tangata mahi whakaaro te rangatira, ara te rangatira kaore nei e mahi ana mo tona oranga. I tetahi hui nui a nga tangata mahi i Ingarangi ka inoi to ratou kai-whakahaere ki te Atua kia patua atu tetahi o nga Rore o Ingarangi, aminetia ana taua inoi e nga mano e whakarongo ana ki nga korero a tana tangata. Ko te ahua tenei. Ko te kaha o nga tangata mahi inaianei kei ta ratou tikanga whakaropu i a ratou, e ka- rangatia nei he Uniana. He Uniana tonu to tena mahi to tena mahi, kei te nui tonu o te tangata ki roto ki tetahi mahi te kaha o tera Uniana. E rua nga wahanga nunui o nga Uniana: e karangatia ana tetahi he Trades and Labour Party, ko tetahi e karangatia ana ko te Federation of Labour. Ko te nuinga o nga tangata kai mahi kei roto i te mea tuarua; ko nga tangata mahi ano, engari i nga mahi e paingia nei e te tokomaha kei roto i te mea tuatahi. Ko te whakaaro nui i roto i te mea tuarua kia riro tonu ma ratou, ma nga tangata mahi e whakarite nga mea e pai ana mo ratou, kaua hei whakarongo ki tetahi atu. Ko te mea tuatahi e ki ana me waiho a ratou raruraru katoa ma te ture e whakarite, me whakarongo ratou ki te ture. He kotahi tonu te mea e whaia ana e enei ropu, ko te pai mo te tangata mahi; engari ko tetahi o raua he tamaiti nga- kau kino. He nui te whakapae o tona ngakau ki te ture, ki tona whakaaro kei roto te ture i te ringa o nga rangatira, na reira e kore ia e awhinatia e te ture, engari ka hopukia. Ko tetahi o raua he tamaiti ngakau pai, kaore ana whakapae ki te ture. E whakaaro ana ia ki te pai ana whakahaere ka awhinatia ia e te ture. E whakaaro ana ia he tikanga uaua ta tona hoa e whai nei, a ki te waiho ko tera hei tikanga, ka tau ano te papa ki a raua. I kaha rawa ai tenei whakaaro ona na nga mate i puta mai ki te nuinga o ratou ano i nga whenua i mau ki taua tikanga e whaia nei e tetahi o raua. Kua hopukia te tumuaki o te Federation of Labour, me ona hoa, ki te herehere mo nga raruraru o Waihi. Kua timata noa atu tenei raruraru. Ko tona putake he putanga mai no nga tangata taraiwa i nga mihini o nga maina waro o Waihi ki waho o te Federation of Labour. He kite no aua tangata i te kino o
![]() |
9 9 |
▲back to top |
NO. 172. HE KUPU WHAKAMARAMA. nga tikanga a te Federation of Labour, ka whakatu Uniana ratou mo ratou, ka mea kia uru ratou ki roto i te mana o te ture. Ka riri te Federation ki a ratou, whakamatau noa ki te tohe kia noho, kore rawa aua tangata i rongo.\_ Ka karangatia e te Federation he taraiki. Ko te mahi a te Federation i taua wa a tae noa mai ki naianei he whakawehi i aua tangata. Ka kite atu ana nga tangata o te Federation i tetahi taraiwa e haere ana i te rori ka whai i muri korero kino atu ai, mea atu ai kia patua, kia makaia ki te wai. i nga korero katoa e wehi ai. Ko te mahi tonu tena. He tieki tonu te mahi i aua taraiwa, kitea tangatia tetahi e haere ana, kua kara- nga mea i kite, e kore e roa kua tae ki te 100, a nuku atu, e whai ana i muri i taua taraiwa korero kino atu ai. Nawai ra kua kore aua taraiwa e haere noa, engari haere tonu me te pirihimana hei tieki. I te kaha o te Federation ki tenei mahi ka whakahaua e te Kawanatanga kia tonoa kia rawaka he pirihimana hei tieki i nga taraiwa me nga tangata noa hoki o Waihi me Waikino. Mutu ana te mahi a te Federation, a inaianei kei te whakawatia etahi o aua tangata, nga mea e tino mohiotia ana, mo ana raruraru. Nga tangata tuatahi i whakawatia, kaore i mau, i huna katoa ratou. I mea etahi kaore ratou i reira i taua wa; ko etahi i ki i reira ratou, engari kaore ratou i tino uru atu ki roto, i muri noa ratou e whai atu ana, he haere noa atu ta ratou. he kawe- nga na te ngahau, he matakitaki hoki. I tono te Tiati ki a ratou kia tikina he pono mo ratou kia whakahuatia hoki e ratou tetahi moni hei here i a ratou kei whakaara raruraru pera i muri atu. I whakarite era i te tono a te Tiati. Ko te tumuaki me etahi atu kaore i whakaae ki taua tono a te Tiati. I ki enei, kaore ratou e tiki pono, kei kia he hara ratou; i te mea kua kite te Tiati kaore o ratou he, me tuku ratou ki a haere. I mea atu te Tiati kaore tahi he mea e wehi ai ratou ki tona tono. Kaore ratou e utu moni, heoi ano he whaka- hua kau i te ingoa o te moni, me te tiki atu ano i tetahi pono. Ko te hiahia hoki o te Kooti, kia kaua tenei raruraru e ara ake ano. Ki te kore ratou e whakarite i te tono, ka whakaaro te Kooti kei te hiahia tonu ratou ki te mahi i taua mahi, a i te mea he mahi he tera ki te titiro a te Kooti ka hopukia ratou ki te herehere. Ki ana aua tangata, kaore ratou e tiki pono, kaore hoki e whakahua moni, engari ki te kore e tukua, kati ka haere ratou ki te herehere. Ko te take tenei i tae ai ratou ki te herehere. Ko nga tangata mahi katoa i roto i te Fede- ration of Labour kei te whakaaro he toa nga tangata i tuku nei i a ratou ki te herehere. Ki ta ratou whakaaro e rite ana ratou ki nga tangata e tuku nei i a ratou ki te mate mo a ratou tikanga pai. Kei te haere te mahi a te tangata mahi ki waho o te whare herehere waiata atu ai ki aua tangata, whakamihi atu ai ki to ratou toa. Kei te kaha haere tenei raruraru, a ia ra i ia ra e piki haere tonu atu ana ki te nui. Ko etahi o nga mema o te Paremata kei te tono ki te Kawanatanga kia whakahokia te nuinga o nga pirihimana i Waihi, i Waikino. Ko etahi ano kei te tono kia whakaputaina mai nga mea i hereherea nei. Kaore tenei e taea e te Kawanatanga i te mea kaore ano i puta he whakaatu ma te Federation e kore e ara ake ano taua raruraru. Kaore rawa he take i uaua ai te Federation ki te korero a te Tiati. Ina tonu te ahua na, kei te whawhai tonu ratou ko ta ratou kia tika. Ka tuku ratou i a ratou ki te herehere, kia whakaaro atu ai te iwi he tino tika ta ratou whakaaro, ina hoki kore rawa ratou e wehi mai i te mate. Ki te titiro atu ko to ratou hiahia tenei, ara kia riro atu te iwi ki to ratou taha, kia whakahengia te ture mo te herehere take kore noa i a ratou. Ko te ahua tenei o te riri nei inaianei. Ka pewhea ranei te tuku- nga iho, kaore e mohiotia atu, ma te wa e whakaatu. TE EMEPARA O TIAPANI. I TERA putanga a ta tatou manu, i mauria atu e ia etahi kupu whakaatu i te mate- nga o te Emepara o Tiapani. I tenei putanga atu ona he kupu ano ana mo te nehunga o taua Emepara, mo te matenga hoki o Tianara Noki. No te 13 o nga ra o te marama nei ka mauria atu te kawhena o te Emepara i tona whare ki te wahi hei takotoranga mona. Ko tona kawhena he mea hanga tonu ki nga rakau e tipu ana i roto i tona kainga. He maha nga kawhena— ko te mea kei roto ia, whaohia ai tera ki roto i tetahi atu, ki roto ano i etahi atu. Ko te roa o taua kawhena 10 putu; ko te whanui e 5 putu; ko te taumaha 1½ tana. I mauria atu taua kawhena i runga kaata kau i tona whare ki te hooro hei huinga mo te tangata. E rima nga kau to i te kawhena. Ko nga kai amo, u haere tonu ana i te taha o te kawhena ko Tianara Kuroki. Tianara Oko, Atimara Tuko. Ria Atimara Rore Haito me Atimara Rore Koro Ihuimi: ko nga toa o te whawai ki a Ruhia.E 25.000 nga hoia,
![]() |
10 10 |
▲back to top |
10 TE PIPIWHARAUROA. NO. 172 10 ooo nga heramana, e haere tahi ana hei tieki i te kawhena. He maha nga piriniha me nga rangatira o nga mana nunui o te ao i tae ki te whakanui i te nehunga i te Emepara. Ka mutu nga mahi i roto i taua hooro i kawea atu nei te tupapaku ki reira, ka amohia ano te kawhena. I tenei taima e 50 nga tangata na ratou i amo. Ko te wahi hei nehunga kei te tihi o te maunga. Ka amohia atu a ka tae ki te take o te maunga ka utaina atu ki runga i te taramu ka, a na reira i huti atu ki te tihi o te maunga. Ko nga tangata katoa ka noho atu i raro o te maunga. I te mutunga o te raimatanga o te rua, ka tukutukua nga kukupa e 80, ka whaatangihia nga pere o nga teme- para, 108 nga tangihanga, ko taua mea be whakaatu 108 nga ahua hara o te tangata i takahia e te Emepara. I waiho iho e te Emepara tetahi moni, £100, 000 hei aroha mana ki te iwi. Ko nga moni i pau ki nga whakapaipai o nga huarahi i te wa o te nehunga e £25, 000. TIANARA NOKI. ITE wa i mauria atu ai te kawhena o te Emepara i tona whare ka tangi nga pere katoa o te taone. I te tangihanga o aua pere ka mau a Tianara Noki ki tona hoari tapahi ana i tona kaki. Te kitenga mai o tona wa- hine ka mau hoki ki te hoari patu ana ano hoki i a ia. He nui te mihi, me te pouri ano te iwi ki te patunga a Tianara Noki i a ia. I te ra i mua atu ka haere ia kia kite i te tupapaku, e takoto ano hoki hei tirohanga ma te iwi. I muri mai ka haere ia kia kite i ona hoa, ki te oha atu hoki ki a ratou. Kaore era i mohio he aha ra te tikanga o tona oha ki a ratou. I mea atu ano a Piriniha lamakata kei tahuri ia ki te patu i a ia, kati kaore ia i whakahoki atu. I mua atu o to raua matenga ka kakahu raua i nga kakahu tangi, ka kai. Ka mutu ta raua kai ka tangi mai nga pere, ka patu hoki i a raua. Kaore a Noki i whakaaro kia patu ano hoki tona wahine i a ia, no te mea i roto i tona reta i waiho iho ai i wiraia e ia tona oranga ki tona wahine. He tino mea honore tenei ki te Tiapanihi, te tuku i tona tinana kia mate he whakaaro ki te Emepara. Ki to ratou na whakaaro hoki kua riro te Emepara ki tera ao kingi ai, a e haere ana ano a Tianara Noki ki reira hei pononga mana. Ko te ingoa o tenei tikanga he Hari-kari. Ka 63 nga tau o Tianara Noki. No te tau 1877 ka timata ia te uru ki nga whawhai. I te tau 1894 i te timatanga o te whawhai a Tiapani rana ko Tiaina ka tu ko ia tetahi o nga Tianara- I taua wa ka whakaekea e ia a Poota Ata, a riro ana i a ia. I muri i taua whawhai ka meinga ia hei rore, ka whakaturia hoki hei kawana mo tetahi moutere kei te taha o te tuawhenua o Tiaina. No te pakaru- tanga o te whawhai ki a Ruhia, ka whakaritea ko ia hei whakaeke i Poota Aata, na te mea pea kua mohio ia ki reira i te wa o te whawhai ki Tiaina i mua atu i peneitia ai. Ko te mea tenei i nui ai te ingoa o Noki. Ko te tangata i roto o Poota Aata e noho ana ko Toihere, he toa no Ruhia. No te 10 o Mei 1904 ka timata te whakaeke a Noki a no te 2 o Hanuere 1905 ka hinga taua pa. Ko nga tangata a Noki i mate i te whakaekenga i taua pa e 92, 000, e 58) 000 na te whawhai, e 34,000 na te mate i pa noa mai. Ko te pa o Pota Aata he pa tino kaha, e ki ana nga mana nunui e kore rawa tetahi tangata e porangi ki te whaka- eke. I muri i te horonga o Pota Aata ka haere a Tianara Noki ki te awhina i a Tianara Oiama i te whawhai ki Makatene. Ko te riri nui tera o taua whawhai katoa, i reira katoa hoki te kaha o nga taha e rua. I a Tianara Noki te whakahaere o te taha mauwi o te ope hoia a Tiapani, i a Oiama te taha katau. E kiia ana nana i hinga ai a Ruhia i taua riri. Kaore i roa te timatanga o te riri ka tapahia e ia te wahi nui tonu o te ope o Ruhia, ka whakaekea e ia, hinga tonu atu. No te hinga- nga o nga hoia a Ruhia i a ia, ka whati hoki nga mea i te taha a Tianara Oiama. E kiia ana kaore he wehi i roto i taua tangata, he tere hoki ki te whakahaere i ana hoia, na taua tere ona ki te whakahere i ona hoia i pororaru ai i a ia nga Ruhia, a whati ana. Tokorua ana tamariki i mate anake i roto i taua wha- whai. E ki ana tetahi korero he pouri nona Id te nui o nga tangata i mate i te whaka- ekenga o Pota Aata i patu ai ia i a ia. Ko nga korero enei o Tianara Noki, i rangona nuitia ai tona toa. HE KORERO NO NEHERA. Ki te Etita o te Pipiwharauroa EHOA rena koe. Mo te patai mo nga waka me korero e au ko Horouta. Ko tenei waka no Whakatane tonu nei. Me korero ake e au na korero parau a enei kaumatua. Tokorua na tangata i haere mai i Hawaiki, ko o raua ingoa, ko Hoake, ko Taukata. Ko o raua waka i haere mai ai he Pungapunga. Te wahi i u mai ai ko Te Pakira,
![]() |
11 11 |
▲back to top |
No. 172. HE KUPU WHAKAMARAMA. 11 kei Whakatane. To raua unga mai ka tapapa i runga i te onepu. Kei te haere atu etahi tangata ka rongo atu e tamumu ana, katahi ka whakarongo atu e karakia ana: ko ta raua karakia, E whiti, e whiti te ra, tenei ano to wahine te noho nei i a maua, ko te Popokorua : upoko, upoko, whiti te ra. Ka haere atu na tangata nei ka tonoa ki te kainga. Ka tapaia te aruhe, te mamaku no te kainga, ka whakakino. Ka patai a Toiki- te-huatahi, he aha na kai o to korua ana kainga ? Ka wetewete i o raua tatua ka ngahoro na kao; ka tahi ka rapu, ka kai aToild-te-huatahi: ka kino te haere. Ka patai a Tolki-te-huatahi, me aha e taea ai te kumara. Ka utua atu e raua, ina te poro tawhaowhao i tutuki ki a maua i te kauanga mai nei. Ka tikina ka karia, te taeatanga ka tapaia ko Totarakaria ; no te oti- nga te tarai kua waka, ka tapaia te ingoa ko Te Aratawhaowhao. Ka haere a Toiki-te- t-iuatahi ki Hawaiki. No te tere o te waka nei ki Hawaiki l\\a tapaia ko Horouta. No te whanaketanga a Toiki-te-huatahi i te kuri a Uenuku, hei kai mana ka patua a Toiki-te- huatahi e Uenuku: ka mate atu a Toi ki Hawaiki. No te \\va o te heke nui mai nei, ka riro mai hoki i a Kahurura raua ko Rongo- iamo ; l\\a tapaia te ingoa i tena wa ko Taki- timu. Ki mutu i konei. Ki te hiahia te tangata ki te whaka!io mo na wahi he, mo katoa ranei, ma te pena ka tino marama ai na korero mo tenei waka. Heoi ano na to hoa. Na T. M. RAWIRI. HE KUPU NO TE MATAURANGA. KO enei kupu he mea tango mai no nga tuhituhi a Wireniu Hakipia. He kupu tohutohu, he kubu poroporoaki na tetahi ta- ngata ki tana tama e haere ana ki te whenua o te Wiwi. E kore e tino whakamaramatia e ahau te tikanga o ana kupu katoa, me waiho ina te hinengaro o te tangata e wh;ikaaroaro, e hurihuri ; tuaruatia, tuatorutia te korero; whakamaoritia nga kupu taikaha. No te 1564 a Wiremu Hakipia i whanau ai, no te tau 1713 1 mate ai—ko ia tetahi tangata matau atu o te ao : i kiia ia ko te " Kai-wliakamaon o te ngakau o te tangata." HE TOHUTOHU KI A TAMA. Ina; taku manaakitanga ki a koe 1 Ko nga kupa tohutohu torutoru nei ki tou hine- ngaro. Kia tu rahuatira. Kaua e hoatu he arcro ki o wvhakaaro, Kaua ano e mahia te mea he hua nei no te whaka- aro he. Whakahoa ki te tangata, otira kaua ki nga. tangata katoa. Ko ou hoa. i te mea kua v.-h;i.ka.inat:uiria. ratou c koe, Ronaans'n. ki to wairna ki n;-;a. horc rino, Eus;u-i kei utonga to rine;i i te xvhak;unanawa- rckatan^a Ika hoa wh.'uian-hou. hunihuru-koro. Kia tupato Kei nril koe ki roto ki nga riri, otira ki te uru koe. Kia tu-tane, kia wehi ai te hoa riri i ;i koe. Hoatu to taringa ki te tangata, ko te reo ia ki te tokoiti: Wh;ika;u-ohia te kupu a te tangata, ko tou whaka- aro i;i pnritia. Kia rite te tu o kakahu ki te nui o moni. Kn.na hei ta te k;mohi i inin;umn;i, ai: kia pai. kaua hei whakahihi. No te ine;i e wh;ikaaturi;i ana. ano te ahua o te o te n^.ikau e te tu o nai kakahu, A ko na;i tangata o te Wiwi o na;i. tum;ing;i, ranea- tira He hunga tino whiriwhirl. tino wh;aka;iro ino te tu o te kakahu. Kau;i hei na.!n;i. moni hei tuku moni ranei; E ngaro :ina hoki te moni ine te ho;i. i tena tik;iki,w;i A m;i. te ii;un;i e wli;ikapunuki te inat;i o te ;ihu- whcnii;i. Te mea tino nui rawa ia: kia pono ki :i koe ;ike ano, Kia rito te u o to pono, ki te u o te po ki te aru i te ao A, e kore rawa koe e teka ki ran:i tangata. Hare ra: ina tuku inan;i;ikitan^a c whakau aku kupu ki to ngakau. HAMLET. Act I, Scene ui. He maha nga kupu in;itau kei roto 1 enei rarangi ruarua hei whangai i te hinengaro,— ma te whangai hoki ka kaha ai te hinengaro, penei i"ne te tinana me te wairua e whangarnga nei kia pakari ai. Ko enei etahi kupu matau atu :—" Kaua e hoatu lie arero ki o whaka- aro," ara kaua hei hohoro te wliaaki noa i o whakaaro ki te tangata. " Ma te nama e whakapunuki te mata o te ahu-whenua," ara he mahi ngenge he mahi taumaha te main moni hei utu nama i te mea kua whakahemo ke nga mea i namaia. He tokomaha nga maori kua rongo i te mani;ic i runga i te nama E ki ana te whakatauki pakeha, " P.u atu te haere mate-kai ki te moe, i te maran,^a tai- maha i te nama." E ki ana hoki te Apotoro Nui, " Kei waiho kia takoto rua ana te mea i tika kia hoatu ki tetahi, ko te aroh;i anake o tetahi ki tetahi." {Roam xiii. S). lie t;ihae, he hara te kore e utu i te nama, i tu mea lie moni ano ta te tangata, te kore ranei e uaua ki te mahi moni hei utu i nga uaina. " E \\\\ haka- ;Uuria ana ;ino te ahua o te ngakau e te ahua o nga kakahu." R. T. M. KOHERE.
![]() |
12 12 |
▲back to top |
TE PIPIWHARAUROA. HE TURE TUTURU. 1. Kotahi putanga o TE PIPIWHARAUROA i te ma- rama. 2. Ko te oranga mo te pepa e rima hereni (5/-) i te tau, me nooti o te Poutapeta me pane ranei, auaka i te tiaki he pane kingi hepene nga pane e tino hiahiatia ana. 3. Ki te pau nga hereni a tetahi tangata i tuku mai ai ka tukua atu he kaute. Ki te tae atu te kaute kia hohoro te tuku mai i te moni, na te moni hoki i puta atu ai te pepa ehara i te mea tupu noa. 4. E pai ana kia tukua mai nga korero o ia wahi o ia wahi o te Motu, engari kei te Etita te tikanga mo te ta i aua korero : kia marama te tuhituhi. 5. Me penei te tuhi i waho o nga reta katoa: — Ki TE PIPIWHARAUROA, Te Rau, Gisborne. HE PANUI Ki te tangata e hiahia ana ki te Rawiri ki te Himene : he nui noa atu nga pukapuka kei a au inaianei : ko te utu : — He mea nui, kin noa ... 2/6 He mea nui, kiri wher ... 3/- He mea nui, kiri pai ... 4/— He mea nui kiri pai rawa ... 5/6 H e mea paku, kiri whero ... 1/6 H e mea paku, kiri pai . . . 2/6 He mea paku, kiri noa ... 1/- He mea paku, kiri pai rawa 3/6 Rawiri & Himene, kiri noa 1/6 Rawiri & Himene, whero ... 2/- Rawiri & Himene, pai ... 3/- Rawiri & Himene, pai rawa 4/- He Himene ... ... -/6 Maku e utu te Pane Kingi hei tuku atu i nga pukapuka ki a koe. Na H. W. WILLIAMS, Te Rau, Gisborne. Ki te hiahia te tangata ki te Paipera ki te, Kawenata, me tono ki te BIBLE DEPOSITORY SUNDAY SCHOOL UNION, Auckland. Paipera, 2/6, 3/6, 4/6, me te pane kingi //- Kawenata me nga upoko whakamarama 2/6 3/- 4/6, me te pane kingi 3d. Kawenata paku, me nga waiata 2/-, 2/6, 3/-, 3/6, 4/-, me te pane kingi, 3d. Printed and Published by H. W. WILLIAMS, at Te Rau Printing Works, Berry Street, Gisborne, New Zealand.