![]() |
Pipiwharauroa 1899-1903: Number 167. April 1912 |
![]() |
1 1 |
▲back to top |
Te Ptpiwharauroa HE KUPU WHAKAMARAMA. NAMA 16 GISBORNE. He ao te rangi ka uhia, He huruhuru te manu ka rere." APERIRA 1912. Kui! Kui! Whitiwhitiora HE KORERO TAWHITO. KO nga korero nei na tetahi kaumatua ko Hori Karaka tona ingoa. He taina ia no Atirikona Karaka, te Atirikona tuatahi o Waimate. Ko ana korero he whakaatu nana i nga mea i tupono tonu ki a ia i Niu Tireni nei i nga ra o mua. Ko enei korero ana mo te taenga tuatahi o te Wiremu Parata ki Waiapu. E ki ana ia ko ia te hoa o Wiremu Parata i taua wa, i haere atu raua i Turanga. E korero ana ia i nga mea i tupono ki a raua i taua wa, i te ahua hoki o nga Maori. I whakaahua ngahautia e ia ana korero, kia pai ai te tangata ki te korero i te taha o tona aha. Kati me waiho tona mana e korero. I a te Wiremu e mea ana ki te haere ma uta ki Waiapu, ki nga wahi hoki o tera tai a tata atu ana ki Opotiki ka tono ia i au kei haere hei hoa mona. I Turanga maua i taua wa. Kaore ano he mihinare i tae ki Waiapu i mua atu. He maha o maua ra ki te ara ka tae ki Waiapu. Ko te pa i noho ai maua he pa nui, e tata ana ki Whanaokeno, i tata pea ki te 3000 nga tangata o taua pa. He tino tangata nui atu a te Wiremu ki a ratou. Ko tetahi take i penei ai to ratou whakaaro ki a ia na tona awhina i etahi tangata o taua iwi i riro pokanoa ki a Ngapuhi. I mauria atu aua tangata e tetahi kaipuke patu weera i Waiapu whakarerea ana ki Pewhairangi. E whaka- ponongatia ana ratou e Ngapuhi, ka riria e te Wiremu. I mea atu ia ki a ratou, " Katahi te mahi tutua ko ta koutou, ki te whakapono- nga i enei tangata i paea mai nei e te mara- ngai ki o koutou tatau. Mehemea i riro mai i a koutou i runga i te rau o te patu katahi ka tika ta koutou mahi, tena ko tenei he mahi tutua ta koutou mahi kaore e tika ma nga rangatira. " Rongo tonu a Ngapuhi ki nga kupu a te Wiremu, tiakina paitia ana aua tangata, a whakahokia patia ana hoki ki to ratou whenua." Ka tau atu te ra i te Hatarei ka tae maua ki te pa o Waiapu. He nui atu hoki to ratou koa i te kitenga i a maua, ara i taku hoa. I te ahiahi ka haere toku hoa ki te karakia, ki te whakariterite hoki i nga mahi mo te karakia nui o apopo. Ko au i noho iho ki to maua teneti ki te tunu kai mo ta maua tina o apopo. Kua kiia ake nei e au he nui atu te tangata o taua pa, engari ki taku whakaaro i pera ano hoki te nui o nga kuri me nga tangata, tata tonu ano hoki te rite te tu o nga tangata ki nga kuri, ara ahua puihi tonu. Hei te turituri kaore e taea te whakaatu, me te pokai kaka tera e tataki ana i te ahiahi, he rite tonu te tataki o te tangata me to te kuri, kaore e mohiotia ko tewhea te mea kaha. I nga haere penei he hinu te parakena o nga hu. I tata tetahi raruraru ka pa ki a maua mo o maua hu te take. I te po o taua Hatarei, e whaka- tata ana ki te ata, ka oho maua i tetahi mea e haere ana i roto i to maua teneti. He kuri e waha ana i tetahi o nga hu o te Wiremu hei kai mana. Hopu tonu ake taku hoa ki tona rakau ka haua te kuri nei, hangai tonu ki te upoko hemo rawa, Ka wehi maua kei mohio- tia ka pa he raruraru. Ko taku aranga ake i taku moenga ka mauri e au te kuri ra ki te
![]() |
2 2 |
▲back to top |
TE PIPIWHARAUROA. tahataha ka makaia atu taka atu i te pari. Kore noaiho taua mea i mohiotia. Kati kaore maua i mohio i mate tonu atu ranei i ora mai ano ranei taua kuri. I te karakia nui o te ata ka kite au i tetahi whakaminenga nui e karakia ana ki te Atua, he hanga atahua ki te mataki- taki. Ko te whare karakia he whare runanga, he whare nui, he mea whakairo. Ko tetahi taha o taua whare mo nga wahine me nga tamariki, ko tetahi taha mo nga tane. Ko te tepu mo te minita i te tuarongo. Kotahi haora i mua o te karakia ka timata te whakapai a te tangata i a ia mo te karakia. Kaore e taea te ata korero o ratou whakapaipai. Ko etahi i whai kakahu, ko etahi kaore. Kaore he whaka- arotanga ake ki te ahua o te kakahu, ahakoa he marama noa, e whakamau ana ki tetahi wahi o te tinana. Ko etahi huri ke i te tarau hei koti, i te koti hei tarau. Kati kaore he tangata mohio i roto i a ratou, kaore he kata kaore he aha, pena tonu to ratou ahua me to nga tangata e mau na i nga tino kakahu o enei ra. I te tangihanga o te pere ka heke te tangata ki te whare. Ara, tangi ana te pere, aue ana hoki te mahi a te kuri. I muri mai ka mohio au, ko te whakaaro o te Maori kaore e tika te kuri kia tae ki te whare karakia, na reira i te tangihanga o te pere ko te wa tera hei putanga i nga kuri kia omaoma ki roto ngahere. He tamariki au i taua wa, kati ki pai ki au te matakitaki i nga tangata e haere ana ki te karakia. I mohio ratou he pukapuka te mea nui o roto i tenei karakia hou, na reira ka whai ia tangata ia tangata kia whai puka- puka karakia, ko etahi he rau nupepa noa, kaore he tikanga he pukapuka anake i te mea tonu e mau pukapuka ana i roto i te karakia. Engari he mohio ano etahi o ratou ki te korero pukapuka. Ko etahi o a ratou pukapuka he paraone pepa noa nei tuhituhia ai etahi o nga inoi, o nga waiata, me etahi atu wahi o nga karakia ki runga. Ko te mangamangu he para kohua. Koianei noa etahi o nga pukapuka a nga kai whakahaere o te whakapono i era ra, a he hanga whakamiharo to ratou kaha, me to ratou ngakau nui. He maha o aua puka- puka kei au tonu inaianei, hoatu ai e au he mea pai hei utu. Ka ki te whare i te tangata ka haere atu maua. I te tatau e tu ana toko- rua nga tangata, heoi ano o raua kakahu he rapaki. Ko ta raua mahi he heteri no te whakaminenga, kei hianga te tamariki, kei korerorero te tangata, kei tomo mai ranei te kuri ki ro whare i te wa e haere ana te karakia. Tae ana mai tera te wehi ki au i te ahua noa o aua tangata- I kite au i nga kai tieki tatau o te whare karakia nui o Mahomete i Hiruha- rama, engari kaore i rite te wehi ki enei. I te timatanga o te karakia ka hapainga ake e te Wiremu te 1oo o nga waiata. Kaore te whaka- minenga i mohio ki taua rangi, tiro atu ana, tiro ana mai hoki tetahi ki tetahi. Ka haere atu te kai whakaako ki a te Wiremu, ka mea atu, kaore ratou e mohio ki tena, maku e hapai ake te mea e mohio ana i a ratou. I tona timatanga ake he rite tonu te hapainga ake a a te whakaminenga. Ko to ratou hiahia nui kia mohio atu a te Wiremu he karaitiana ra- tou, na reira ka whakapaua te kaha ki te hiki i ta ratou waiata. Nga tamariki, nga wahine, me nga tane, whiri ana nga uaua o nga kanohi i te whakapaunga i te kaha ki te waiata. Ko nga heteri kei waenganui o te whare, e ha- mama ana nga waha, e wiri ana nga patu. Rongo ake au ki tetahi kaumatua e karanga ana, "kia kaha, kia kaha," hei tona kanohi ngaro ana tera i te wera. He hanga atahua to ratou ngakaunui. Kaore ratou i mohio ki te whakahau a Paora e mea ra, " Kia ahua pai, kia tika te meatanga o nga mea katoa." I muri iho i tenei he pai noaiho te haerenga o nga mahi o te karakia a mutu noa. Ko te ahua tenei o te taenga tuatahi o te Wiremu ki roto o Waiapu. Koianei te kainga, koianei hoki te iwi i huaina ki te Pihopatanga i whir!- whiria nei e te Herewini ko taku hoa hei Pihopa tuatahi, i roto i nga tau maha i muri iho kaore he ingoa pai atu ki a ia te ingoa, " Pihopa o Waiapu." HE AITUA NUI KI TE MOANA. TE TAHURITANGA O TE "TAITANIKI." I WAENGANUI po i te 14 o nga ra o Aperira nei, ka tupono tetahi aitua nui ki tetahi tima i waho o te moana. Ko te ingoa o te tima nei ko te Taitaniki. Ko tetahi tenei o nga tima nui i te ao, a hei haere tuatahi tenei mana ka tupono nei ia ki tenei aitua. Ko te tima nei i haere atu i Ingarani ki Amerika. A i a ia ka tata ki nga takiwa o Amerika ka tutuki ia ki tetahi toka haupapa e teretere ana i waho o te moana, a e rua haora i muri iho ka totohu. Ko te hohonu o te wahi i tutuki nei ia ki te toka haupapa e rua maero. Ko te nui o te tima nei e 45,000 tana. I nuku atu i te 2000 nga pahihi me nga heramana i runga i a ia. Ko tetahi tenei o nga tima whakaatahua i mahia ki nga mea whaka- miharo katoa a te pakeha. I te kaha rawa o te hanga o tenei tima na reira ka whakaarohia e kore rawa atu ia e rarua i tetahi mea ina tupono mai ki mua i a ia. Na reira ka iti nga
![]() |
3 3 |
▲back to top |
No. 167. HE KUPU WHAKAMARAMA. mea whakaora tangata i runga i a ia i te takiwa i tahuri nei ia. I te tutukitanga ai, ka whaka- hau te Kapene kia whakamanutia nga poti, kua tino matauria hoki e kore rawa e roa ka totohu, kua kaha rawa hoki te rere mai a te wai ki roto. Ko nga wahine me nga tamariki nga mea i eke wawe ki runga me etahi ano o nga tane; me nga heramana hoki hei hoe i nga poti. Nga mea i eke nei ki runga i nga poti i ora katoa. I roto i te 2340 tangata e 745 ano nga mea i ora ko te nuinga i mate katoa. I te tutukitanga nei ki te tokahaupapa ka tukua nga waea uwira o runga i te tima ki nga wahi katoa kia haere mai ki te awhina i a ratou kua aituatia ratou ki waho i te moana. Ko tetahi tima i waho o te moana e haere ana i tana haere ka mau i a ia te waea uwira a te tima pakaru nei. A e rua haora i muri mai kua tae ia ki taua wahi i pakaru nei a te Taitaniki. Ka ora i a ia nga wahine nga tamariki me etahi o nga tane i eke ra ki runga i nga poti. Tokorima nga wahine i mate i te ekenga atu ki runga i te tima. He nui nga wahine i whakarere atu ia ratou tane i runga ia te Taitaniki i te totohutanga ai. Otira he nui ano nga mea kihai i pai ki te whakarere atu i a ratou tane engari kia mate ngatahi atu ratou katoa. Nga mea atahua nga mea whaka- * miharo katoa i mahia ki runga i tenei tima. Ona reke e kotahi tekau. He tino wai kau- kau nui mo nga tangata katoa kei runga. He kaari putiputi me nga ruma whakapaipai i hanga ki runga i tenei tima. I muri tata iho o te tutukitanga nei, ka pureitia e te pana te himene " Kia tata ahau e toku Atua kia Koe" (Nearer my God to Thee). Koia nei te mea mutunga i rangona ki runga ia te Taitaniki. Ka ngaro atu ia ki raro i nga rire o te moana. Nuku atu i te kotahi miriona pauna nga moni kua ngaro tahi atu ra me te Taitaniki. I tua atu o nga taonga me te mera. He nui te pouri i tae ki Amerika, ki Ingarani ki Uropi i te rongonga ai ki tenei aitua. A nga wahi katoa o te ao inaianei kei te tangi kei te pouri mo tenei aitua nui. He nui ano nga tangata rangatira o Amerika i runga me to ratou whakaaro ka mutu ano te tima hei taunga mo nga whakaaro o te tangata. Otira no tenei ra kua kitea kaore i rite ki ta o ratou ngakau i wawata ai. Ka tika te kupu a Rawiri i ki ra ia " Kotahi ano te hikoinga atu i te takiwa oku o te mate." HE KUPU APITI. KO nga meiha enei o te Taitaniki: 882 putu te roa; e 92½ putu me te hawhe te whanui; ko te tiketike mai i te kiira ki runga o te whare o te Kape 105 putu e 7 mihi; mai i te kiira ki runga o nga tumera 175 putu 10 inihi. Ko ona papa-takatakahi 11; ko te taumaha o tona tia 1oo tana. Ko tona tau- maha katoa e 45,000 tana. Ko ona tumera e wha. E kiia ana ka haere pai noaiho te Taramu ka kotahi i roto i tetahi o aua tumera. Ko tona haerenga tuatahi tonu tenei i te moana. Ko te kaute enei o ona tangata:— Katoa. Nga mea i ora. Karaihe 1 e 300 21 o Karaihe 2 e 320 12o Karaihe 3 e 750 200 Nga Apiha me nga Heramana e 945 130 Hui katoa 2310 Nga mea i mate kei te 1636. Ko te take i nui rawa ai te mate o te tangata na te whakapono ki nga korero a nga kai hanga o te lima kaore e totohu. He tokomaha o nga tangata i hoki ano ki te moe i te mohiotanga kua tutuki te tima ki runga huka. Ko etahi i kata mai ki nga mea e eke ana ki runga poti, i mea mai ka haere noa koutou ki waho ngaua ai e te huka i runga poti. Ahakoa nga whaka- hau ki nga wahine kia eke ki runga poti, whakaaro tonu te nuinga he tikanga tupato noa taua mea, mo te tupono rawa ake ki te totohu kei runga poti. Tera ano etahi ihu i hangaia mo taua tima, hei hapai i a ia kei totohu ina tupono ki te aitua. Ma te Kapene e pehi tetahi patene kei runga i tona piriti ka kutoro aua iho ki waho. Koianei aua mea i whakapono nei te nuinga o te tangata e kore te tima e totohu. Tera tonu pea te tima nei e manu mehemea i tutuki ko tona ihu ki runga ki te huka. I te wa i tutuki ai ko te tere o tona rere e 21 maere (maero o te moana) i te haora. Kitea rawatia ake taua huka kua tata tonu atu ia. Ki te whakamutua te haere o te tima ka eke tonu ia ki runga, e kore hoki ia e tu wawe, ma tona taumaha tonu ia e kawe ki runga. I te karangatanga mai a nga kai titiro he huka kei mua, ka whakaaro te Kapene ka taea noa atu pea te huri tona tima kia haere i te taha. I te tata rawa mai o taua huka, i te kaha hoki o tona haere kore rawa ia e tere ki te huri. Ko te take tenei i akina ai ko tona taha ki te huka kati kaore hoki ia i tu, engari i harakuku haere tonu te huka i tona taha kati pakaru katoa hoki tona taha te hahae e taua huka. I te nui rawa o tenei haenga i a ia kore rawa ia e taea te whakamanu ki ona ihu kua whakahuatia i runga ake nei. Mehemea i whakamutua tona haere, a riro ana na tona taumaha tonu ia i kawe ki runga i taua huka tera e kopetia ko tona ihu anake, e kore noa
![]() |
4 4 |
▲back to top |
4 TE PIPIWHARAUROA. No. 167 pea tera e rite ki tenei te kino, tera ano hoki ia e taea e ona ihu te whakamanu. I te whaka- aro pea o te Kamupene e kore taua tima e totohu, kaore i aro ki te mau kia rawaka nga poti mo runga. Hui katoa ona poti e 20: 14 nga mea nunui, e rua nga mea ririki, e wha nga mea hono. No te 40 meniti te pahitanga o te 11 i te po ka tutuki, no te 20 meniti te pahitanga o te 2 i te ata o te Mane ka totohu, no muri tata i te 3 ka tae a te Kapeitia ki te awhina. E kiia ana he maha nga poti kaore i ki i te tangata i te tukutukunga ki raro, na te whakaaro e kore e totohu, no muri etahi o aua poti i ki ai no nga mea e manu noa ana i te moana. Te korero a Bride, tetahi o nga tangata o te waea o te tima, i te tukunga o te waea karanga hei awhina e rua nga tima i whakahoki mai ko te Parakiwhata (Frankfort) raua ko te Kapeitia. Ki te whakaatu a te waea ko te Parakiwhata te mea tata. Ko te mahi a tera he uwi tonu mai he aha te raruraru, po- rearea noaiho tana hoa waea, karanga atu ana, " Kati hare atu koe." Ko te Kapeitia i waea atu, " Kei te haere atu au." I patu tonu taua tangata i te waea a ngaro noa tona ruma i te wai. Ko tetahi tima ko te Wetinia 170 maero te tawhiti i rongo i taua waea tae noa ki te mutunga whakareretanga o te waea, ka mohio ia kua mate. I whakapaua tona kaha ki te rere ki te awhina tae rawa atu kua riro ke nga morehu i a te Kapeitia, rapu noa ia me kore noa he mea i mahue kore rawa i kitea. Ko te Orimipiki, ko te tuakana o te Taitaniki i rongo ano ki taua waea. Ko raua nga tima-nunui o te ao. Ko to raua tawhiti e 700 maero. I whakapaua tona kaha ki te rere mai ki te awhina. Pau rawa ake te 13 haora e rere ana ka whakaaturia e te Kapeitia ki a ia kua taea nga mea i ora, ka haere hoki ia i tana haere ki Ingarani. I te paunga o nga wahine e hiahia ana ki te haere ki runga i nga poti ka karanga te kapene ki nga morehu i runga i te tima, " E nga tane kua rite katoa i a koutou nga mea i tika kia. mahia i te wa penei, kaore he mea ke atu hei mahinga ma koutou. Kati e tena tangata e tena tangata e kuhu i a koe." I korero tetahi o nga morehu i pupuhi te kapene i a ia, ko te nuinga ia e mea ana he hanga noa aua korero, engari i totohu tahi ia me tona tima. Ko te ihu kua totohu wawe. I te hekenga o te ihu ka ara mai te kei. No te rewanga o te kei ki runga ka whati te tima, poroa tonutia i waenga nui. Ka heke ko te wahi whati ki ro wai ka rewa mai ano te kei. Na ko nga tangata ka poi katoa atu ki te kei, nawai ra ka tu poupou te tima, ko te papahorotanga mai tenei o nga tangata ki ro wai, ko te wa tonu hoki tera i heke atu ai te tima. I te ka katoa nga raki o te timata i a ia e heke ana, no te ngaronga katoatanga atu ki ro wai katahi ka poko. No te ngaronga, atu ra o te timata ka paku tetahi o ana paera, ko te mea tenei nana i kokiri ake tetahi o nga apiha. Tona putanga ake ko te mokihi e pae hae re ana me nga tangata ano i runga ka ake atu ia. Ko ia tetahi o nga mea i ora. O te tini tangata i poi atu ra ki te kei he maha i peke ki te moana i te mea ka poupou haere te tima. Ko nga mirionaea o Amerika i runga i te tima i mate katoa. Ko Astor tetahi o nga tangata. I ki atu ia ki tetahi o nga Apiha mehemea e ahei ana kia haere tahi raua ko tona wahine ka kiia mai kaore ko nga wahine anake i te tuatahi. Ka tukua atu e ia tona wahine me te ki atu ano, " Hoatu kaua hei wehi," ka tahuri ia ki te awhina i nga wahine kia eke kia runga poti. Ko te korero a tetahi o aua mirionaea, " Ki atu ki taku wahine i mahi au i te mea e tika ana," katahi ka huri ki ona hoa ka mea atu, " Kia tama-tane he matenga mo tatou." Tenei ake nga korero huhua mo tenei aitua nui whaka- harahara e kore e taea te ata korero i te wehi. Kei te haere te whakawa uwiuwi inaianei, kei te kohia hoki tetahi moni hei awhina i nga whanau a nga heramana me era atu o nga mea kore oranga i mate nei ki runga ki taua tima. Ko te moni a Ingarani ka £1oo, ooo, ko ta te Marikena ka £20, 000, kei te piki tonu te kohi. Ko te moni a Kingi Hori i homai ai hei awhina e £575» ko ta te Kuini £262. Ko te wariu o nga taonga i runga i a te Taitaniki kei te tata ki te 3 miriona pauna. E kore tenei aitua e ngaro i roto i te mahara o nga tangata i rongo ki ona korero. HOROUTA WAKA. Ki te Etita o Te Pipiwharauroa. EHOA, tena koe. Tukua atu enei kupu ruarua nei. I rongo au i tetahi hui i tu ki Whanganui i ara nga waka e whitu:— A Tainui, te Arawa, Matatua, Takitimu, Ao- tea, Tokomaru me Kurahaupo. I tapaea ano he tahua taonga mo ia waka mo ia waka e whitu, me te korero ano te kaituku taonga i ana korero. Ka mutu ano ko enei nga waka i whakahuatia. E ha, maku koe e ki ake kei te he to whare wananga. Inahoki i mahue ai a Horouta. Tera iara kia whakamarama ake au i a Horouta. I te wa i u mai ai tenei waka ki Waiapu, ka whakatokia tana kurnara ki
![]() |
5 5 |
▲back to top |
No.167. HE KUPU WHAKAMARAMA. Whakararanui. Auina ake i te tau tuatahi nui atu te makuru o te kumara. Koia tenei whakatauki, " Ka taia te riu o Horouta ki Waiapu te taea te opeope;" te rua," Ka mahi nga marua a te Pui-paraheka." E hoa ma ko ahau no runga i a Matatua, i haere mai ki tenei wahi ki te whakairo i nga rakau mo te whare karakia o Manutuke. Heoi kia ora a te Whatahoro me Whanganui katoa. • TE TUHI PIHOPA. Manutuke. 27 Aperira, 1912. [Ko nga kupu a Te Tuhi Pihopa e mau ake nei he whakaatu nana i tenei waka i a Horouta he waka motuhake tonu. Tera hoki etahi tangata i kuraia ki nga korero tawhito kei te ki he waka kotahi tonu a Horouta raua ko Takitimu. Ki a ratou whakamarama ko Ho- routa te ingoa o te waka i Hawaiki: he tere no, taua waka ki te rere i te wa tonu atu i Hawaiki ka kiia ko Horouta. No te taenga mai o taua waka ki Niu Tireni nei ka kiia ko Takitimu. No te korenga nei o Horouta i whakaingoatia i te hui i Whanganui ka whaka- aro a Te Tuhi Pihopa koia ano kei te pupuri nga kai-whakahaere o taua hui i taua whaka- akoranga e ki nei he kotahi tonu a Takitimu raua ko Horouta. He korero pai tenei hei whakaputanga ma nga morehu kaumatua e toe nei inaianei i nga korero mo enei waka e rua. Me whakaatu mai he waka kotahi ranei enei, he waka wehe ke tonu ranei tetahi i tetahi. Ko te nuinga ia o nga korero mo enei waka me te mea nei he waka kotahi. Me waiho i konei ma nga morehu kaumatua e korero.—ETITA.] TE REV. HONE PAPAHIA. HE PEKETUA. Ki te Etita o Te Pipiwharauroa. TE ohaki a te hunga kua moe i roto i te ariki. Hei peketua mo ta M. Taurere. E manu, panuitia ano enei aronga mihi ki te ao katoa. He aroharoha hoki, te rapurapu nei. He huahua riringi no te hinehimengaro. Ma te puna aroha e whakaoti atu. I tangohia te manawa-ora o H. Papahia i te 9 o Pepuere ki roto ki te whare o tana potiki o Kahi Tipene. Koia nei hoki te whakakapi mona mo te taha tangata. No te Mane, 12 o nga ra, ka tutuki to matou nei tira, a no muri rawa o te tena ka hiiratia te rua o nga kawhena, to waho. No tenei ra tonu, ka tatu nga whakaaro o te katoa, penei na, ko tenei tupapaku me mau atu ki Whangape, ara, ki te toma tapu. Ko te tapu nui tera o ana tupuna matua. Ko taua tapu, ko te kainga tera o Oneoneone raua ko tana hoa-aroha, ko Rehu. Ka oti nei. me tapuke a H. Papahia, ki Waiparera Tapu i Hokianga nei. Ki te whare karakia a tawhito o Rev. Piripi Patiki. Ko te whaea hoki o H. Papahia kei konei e tapuke ana. No te aonga ake i te Turei, ka rere te ra, ka tae mai a te Hokena raua ko Hone Wi Kaipo. Ka ao i te Wenerei ka mauria te tupapaku ma runga tima Ranihi. Kei te 3 ki te 4 maero te roa o taua Waiparera. He maha ma nga ranihi, he nui hoki ma runga hoiho. Tae atu ki ro whare karakia, ka rite ka puta ki waho ki te poka pai ana tera tona tukunga atu ki te oneone. Na tona papa i panga te nehu mutunga mona na Herewini Te Toko. He nui te tangihanga mona, e kore e warewaretia tona komaru kua mahue iho nei ki muri nei. E nga iwi i tino matua ki tenei tangata, tangihia a wairuatia mai te kumuri hauraro, e pupuhi atu nei i runga o Hokianga whaka- pau karakia. I a Niwa, i a Araiteuru, i a Te Ponatu e moe nei a te mutunga ra ano o te ao. Aotearoa me te Waipounamu, Whare- kauri, me nga tini Moutere o waenga Moana Nui o Kiwa," tangihia mai to tatou whanau- nga o te wahi ki te kikokiko, to tatou matua- tapu o te wahi ki te whakapono karaitiana. Koianei hoki tetahi o nga tangata tin haere i te Rongopai Tapu. Ko tenei tangata kaore e ngaro ki te kuare, tona tu, tona haere, tona reo, me tona ahua. Kua ngaro nei ia i o tatou tirohanga. Haere atu taku teina, haere taku matua tapu, "Toku tikitiki whakamanamana, o iwi nui, o iwi mano, o iwi whakatangitangi oriori nei e ha,! tangi ou iwi i mahue nei." Haere ki te okiokinga i tua o te Arai. Ma nga Tai o Huarau taua e whakatutataki aianei ake tonu atu, amine. " Tenei nga iwi te ru nei, te paro nei, te whaka- aro rangi nei," mou kua ngaro. E mea ana te kupu a to taua tupuna a Tamariki: "Whaka- mori kau ana nga tai o Wharoo ka ngaro a Toakai." Whakamori kau ana nga tai o Ho- kianga ka ngaro a Papahia. "Tu noa ana nga turanga i Kaitu ka ngaro a Ririhape-Nui- a-Tau." Penei ano hoki mou kua ngaro nei: " He pupu ano to roto, he pupu ano to waho, whakaruru whakawawe, ko koe ano ko ahau, a te miriniuma." Haere atu Papahia hoatu ki te wahi e ngaro nei i te whatu pango o te kanohi, mangu nei, ara, tou wairua whaka- anga,. He nui te ruihi ou iwi mou kua kore nei e puta tinana atu ki o ratou marae maha.
![]() |
6 6 |
▲back to top |
6 TE PIPIWHARAUROA. No. 167 Tena koutou e nga iwi katoa; Maori, pa- keha, i to tatou matua, hoa takahoa. Me mihi tatou ki te ao, ki te po, ki te pouritanga, me te maramatanga nui. He whitiki e kore e hapa i a tatou i nga iwi e noho nei i raro i te komaru o te ra. Kia ora roa tatou i te ora ano ia o te manawa whakaeaea i roto i o tatou kaupapa. Heoi nei ra nga mea o roto i te peketu, o te ke te aroha a taku tamaiti tapu, a Rev. M. Taurere. Naku, WAAKA TE HUIA. HE RETA NA APIRANA NGATA. Ki te Etita o Te Pipiwharauroa. TENA koe me te iwi. He whakaatu tenei naku i runga i te whakahoutanga o te Kawanatanga i tenei ra i muri mai o te Pare- mata o Pepuere nei kua maunu maua ko to tatau Kaumatua ko Timi Kara ki waho. E kore e taea te whakamarama a pukapuka atu nga tini ahua i penei ai. Koia au i whaikupu atu ai ki a koutou kia ata puritia o koutou mahara mo te Kawanatanga hou, he mea i ata whiriwhiria. Ko toku hoa ko Te Rangihiroa kua whakanohoia ki toku tuunga i runga i toku hiahia ko ia hei reira, a ko ia hei tiaki mai i reira i te taha Maori. E pai ana hoki kia puta nga manaaki a nga iwi katoa mo to tatou Kaumatua, kia karanga- tia ia ki nga marae katoa haere ai, kia tangihia, kia whakanuia. Ko au kei te haere atu hoki i roto i enei ra ki te whakamarama i te taha ki au. Heoi. Na to koutou hoa, A. T. NGATA. HE MIHI. Ki te Etita o Te Pipiwharauroa. I KITE iho au i te matenga o Noa Whaka- atere o Turanga i te Pipiwharauroa 166. Koia ka tuhia nei e ahau taku mihi mona ki konei. " Haere e koro, haere, haere e te papa o nga tangata o te Rarawa, te Aupouri, Nga- puhi e haere nei ki te Rau ki te kura minita. Ko etahi o ratou kua riro atu i mua atu i a koe ki te kainga kua haere atu na koe ki reira. Haere ma ratou koe e powhiri mai, haere tahi korua ko to tamaiti atawhai e tangihia nei e te ngakau i nga ra katoa, ara, ko Rev. Hone T. Papahia. E tino mahara ana ahau, ko koe tona papu, ko ia tau tamaiti i te mea e noho ana i kona, ara, ko matou katoa o tamariki. Koia au i tuhi ai i aku kupu mihi mou ki konei, ahakoa te kitea e koe, ma matou ano e titiro ma te hunga ora. Haere ou wahi e rua ki nga wahi kua oti nei te whaitongi i mua, ara, nei na taua tongi, " Na, hoki ana te puehu ki te whenua, ki te pera ano me ia i mua, a hoki ana ano te wairua ki te Atua nana nei i homai. H. W. KAIPO. HEMI MATENGA. NO te Paraire te 26 o Aperira ka puta nga whakaatu kua moe a Hemi Matenga o Whakapuaka, Motueka, i te moenga roa. He kaumatua rongonui tenei i te taha Maori tae atu hoki ki te taha pakeha. Ko ia tetahi o nga tamariki Maori i kuraina i raro i nga waewae o Pihopa Herewini. No te mutunga mai o tana kura ka moe ia i tetahi wahine rangatira o Whakatu i a Huria. E korero ana ia he tangata uaua a Te Herewini ana tikanga. Engari ahakoa tona uaua kaore ia i whakarere i te kura. Kati ki tona whakaaro ko te mea tera nana ia i whakakaha ki te mahi. No te wa mai ano i a Te Herewini tae noa mai ki tona matenga mau tonu ia ki te whaka- pono. He mema ia no te Hinota nui o Whakatu. He tangata hoki e whakapono ana ki te tikanga tapae atu ki te Atua i te wahi whakatekau, he pera tonu tana mahi i nga tau katoa mo nga tau maha ka taha nei. He tangata ngakau makoha ki te tangata: ahakoa Maori, pakeha ranei. He hoariri kino no te waipiro, ara no nga mahi kino katoa. Ko te mea nui i roto i tona ngakau he awhina i nga mahi o te whakapono. I te tau 1909 ka tae ia ki te hui a te Ropu o te Ao Hou i tu ki Rotorua, ko te kahanga o tona hanake kia whai kupu ia mo te whakapono, ara mo te awhina i te Hahi Maori. E kore au e ware- ware ki nga kupu tuatahi tonu o tona whai- korero. E mate ana ano ia i taua wa. Ko ana kupu enei, " Ko era atu mahi katoa a te Pakeha no muri noa nei i tae mai ai kua paka- ritea ki roto ki te Iwi Maori, tena ko te whaka- pono kei te ahua ano i waiho iho ai e nga kaumatua mihinare. Kua turia e te Maori nga turanga nunui katoa o te pakeha i era atu karangatanga maha engari ko nga turanga nunui o te whakapono kaore ano i taea, kei te waihotanga iho ano a nga kaumatua," He tangata kaha a Hemi Matenga ki te tautoko i nga mahi tika, ahakoa tu ko ia anake kaore ia e wehi. Haere ra e koro ki te okiokinga, waiho iho au tikanga ki muri nei, hei puri- tanga ranei, hei rukenga ranei ma te whaka- tipuranga e tipu ake ana.—PIPI.
![]() |
7 7 |
▲back to top |
No.167. HE KUPU WHAKAMARAMA. TE HUI O TE HAHI MAORI I TE TAKIWA O WAIAPU. TE WHAIKORERO A TE TUMUAKI. E O KU hoa Minita, e nga Mangai o te iwi, tena koutou. Kua rongo noa atu koutou, ko to TE PIHOPA.,, tatou Pihopa kua haere ki Inga- rani. Hei rapu tangata mo te Pihopatanga nei, katahi; hei titiro i ona whanaunga, ka rua; kia whakahonoretia e tona kareti, ka toru; kia whai okiokinga ai raua ko tona hoa, ka wha: He take ena i haere ai raua. Ma te Atua raua e ata arahi, e whakahoki ora mai ki ta raua mahi ki konei. Tera tetahi mea hei whakaaro- TE KARAKIA.,,,, hanga ma tatou, ara nga tikanga mo te karakia ki te Atua. Kei te pohehe etahi ki te karakia he mea e whiwhi ai tatou ki te pai. He pera ano me ka tika ta tatou karakia, tena ko tenei me ka whakaaro tatou ki ta tatou anake e whiwhi ai, e kore rawa tatou e whiwhi Heoi ano te mea e whiwhi ai tatou ki te pai, he ngakau tika, he tika hoki te whakarite i te ka- rakia. Ko te ngakau tika mo te karakia, he nga- kau e mea ana kia whakakororiatia, kia whaka- honoretia te Anua mo tona pai, mo tana ata- whai i a tatou. Ki te pena te ngakau o te tangata, e kore rawa e he tana whakarite i te karakia. Inahoki, e kore rawa e pai kia noho wahangu ia i te mea e whakakororiatia ana te Atua; e kore rawa ia e pai kia ngutu kau tana whaki-hara,—ka mahara hoki ia ki te mu ru o ona he—; e kore ia e noho turi ki nga upoko e korerotia ana, ki te kauwhau: e kore ia e noho mangere ki te turu, engari ka tuturi ki raro ki te inoi, ka tu ki runga ki te whakapai, ki te himene: e kore rawa ia e korerorero noa ki ona hoa, ka mahara hoki ko te whare tena o te Atua, kei te aroaro hoki tatou o te Atua, i a tatou e karakia ana, kia hopohopo hoki tatou ki a ia Tetahi take i he ai te ahua o te NGA TAMARIKI tangata te whare karakia he kuware Mehemea i ata whakaakona, i ata whakatupuria nga tamariki, e kore rawa e wareware ki te tikanga pai mo te karakia ki te Atua: ki te kore ia e whakaakona, ma te aha e mohio ai te tamaiti ki te Atua, ki tana hoki e pai ai mo ana tangata. Pera te ki a tetahi tangata o nehera, he tangata mohio ia: meka tukua ki a ia nga tamariki kia whakaakona e kore rawa ia e wehi ki ta tetahi e whakaako atu ai ki nga kaumatua: ka mau tonu hoki te mahara ki nga mea i whakaakona ki te tama- riki. He mate nui tera no te Hahi Maori—ara nga tamariki e tupu kuware ana, e kore e whakaakona ana i te Ratapu. He mahi tena e kore e taea e te Minita ki te kore e kitea etahi hoa mona. Ka tukua a koutou tamariki ki te Aute, ki Hukarere—ka hoki mai ki te kainga, he maumau noa o ratou tau e noho ana ki te kura ki te kore e whakawhiwhia ki te iwi tetahi wahi o te taonga i riro noa i a ratou i te kura. He mahi pai tena ma koutou, e nga tai tamariki, e nga tai tamahine, kia waiho koutou hei hoa mo te Minita, ara hei kaiwhakaako i nga tamariki i te Ratapu. He aha te take e kore ai e kitea TE PAIPERA. ... nga tamariki tamariki o te Aute, o Huka- rere e ngakau nui ana ki taua mahi? Tetahi take, he wareware no ratou ki te Paipera i whakaakona ki a ratou ki te kura. Ka kiia te Paipera he whare-tonga—ka waiho hoki kia takoto noa ana, e kore rawa e tikina nga mea pai i roto. He tino oranga mo te wairua o te tangata te ata korero i te Paipera i tenei ra, i tenei ra. Ki te whakarere tetahi i taua mea e kore ia e tau hei kaiwhakaako mo etahi. Kia tupato tatou ki taua mea, ki te korero Paipera. Kia mahara tatou ki ta Te Karaiti i mea mai ra," E kore te tangata e ora i te taro kau, engari i nga kupu katoa e puta mai i te mangai o te Atua." Kia inoi hoki ki te Atua kia tukua mai tona Wairua Tapu hei whakamarama mai i tana kupu ki a tatou. Kati tena, kia tahuri tatou ki etahi o nga tohu o waho e kitea ai te pai o te ngakau i roto. Tetahi mea e mohiotia ai te ngakau TE OHAOHA. nui tangata ki te Atua, he tukutuku tonu i tana rawa ki nga mea a te Atua. Ehara i te mea pai tukua e te tangata tana kapa, hikipene ranei ki te pereti i te Ra- tapu, kia maumauria hoki ana pauna ki te kai, ki te purei kaari, hoiho ranei, ki nga mea me- meha noa o tenei ao. Mehemea he hunga rawakore te iwi Maori e kore e korerotia tenei mea. Kahore, he iwi whaitaonga te iwi Maori.
![]() |
8 8 |
▲back to top |
TE PIPIWHARAUROA. He maha noa atu nga huarahi e whiwhi ai te iwi Maori ki te moni: he rihi whenua, he kutikuti hipi, he mahi hipi manaake, he mahi kau, he kaanga, he kanataraka, he aha, he aha. Kahore i panuitia he rarangi e mohiotia ai te moni o enei huarahi katoa. Kei te mohio ia tatou he nui noa atu nga reti e utua ana e te pakeha ki te iwi Maori i tenei Pihopatanga, ka nui noa atu i te 2, 000, 000 hipi a te pakeha e kutikutia e te tangata Maori, e 240, 000 nga hipi a te iwi Maori: ko nga hua o enei take e toru ka nui noa atu i te £175» ooo i te tau, haunga ia era atu take e whiwhi ai koutou ki te moni. He iti noa iho te wahi o taua moni e hoatu ana e koutou ki te Atua. Ki ta te Hurai mo te Atua te wahi whakatekau—e hoa ma, mehemea i hoatu te pauna kotahi i te rau- pauna kua nuku ake i te £2000 a koutou i te tau. Kei te he hoki a koutou tikanga mo te kohikohi moni. Ka mea koutou kia tu te kohi- kohi ki whea kainga:—Ka takoto te hakari, ka hui te mano tangata ki te kai, ka maka atu nga hereni a etahi, engari ko te nuinga o te moni ka maumauria ki te puku o te mano, he iti noaiho te toenga mo te kohikohi. He tika- nga pewhea tena e mea ai koutou kia matua ki toku puku ka maka noa atu taku hereni hei tautoko i nga mahi a te Atua? Ka mahara koutou ki te whaka- tauki a te Hurai, "I whakatangi noa matou i te putorino, kihai koutou i kani- kani mai." Ko te rangi o te putorino i whaka- tangihia ra ki a koutou ko te Kura ki Huka- rere. Kua whakaaturia ki a koutou te utu mo taua kura e £7000 kua iti noa iho. ta kou- tou whakahoki. Hua noa a Te Wirernu tera pea e £1500 a koutou mo taua mahi. I, a Hurae ka hori nei kua £66o, kua tapiritia etahi engari kahore ano kia £1000. Kei te tatari o koutou hoa pakeha ki a koutou. E mea ana hoki ratou, " Ki te mea e hanga kura aria ma- tou e kore e uru mai te iwi Maori ki taua mahi, hei aha tatou e uru ai ki te hanga i te Kura ki Hukarere?" me tenei: "He ngakau kore te iwi Maori ki te kura mo ana koriro, he mau- mau ta matou hanga i taua kura." E hoa ma, he taonga nui tena, ara a koutou kotiro kia ata whakatupuria he nui noa atu hoki te moni a te iwi Maori; kia kaiponuhia tetahi wahi o te moni i te hakari, i te purei hoiho, hei hanga i taua kura kei whakama koutou ki te aroaro o te pakeha. Kia tukua a koutou moni mo Iaua kura ki a Mita Hemi Wiremu, ko ia hoki te kai-whakahaere o te mahi. Tera ano te whare karakia ki Ma- nutuke. Kua hanga ano taua whare - karakia. Ko te moni i a au £1 ooo o te moni inihua, £150 hoki i kohia i te Hui ki Waiomatatini i tera tau: engari he nui noa atu i tena te utu mo taua whare. £705 e takoto nama ana, kahore ano kia hanga noa he turu, he aha ranei mo roto. Tena ano etahi Pariha kahore ano kia whai whare mo te minita, me te mea he kararehe te minita, e noho parae ai. E rua tekau ma tahi nga minita i NGA MINITA. . te pihopatanga nei-: kua mea to tatou Pihopa kia £100 te oranga mo te minita i te tau. He iti noa iho tena mo te minita, he ahakoa ra e £2100 te moni hei whangai i a tatou minita Maori katoa. Tera ano he Tahua oranga mo aua minita: he mea a kohikohi e o koutou matua—me te tapiri ano te aroha o te pakeha: ko te hua o aua tahua oranga mo te minita Maori e £550 i te tau. Ko te toenga £1550. Hei kimihanga ma koutou taua toenga e ora ai o koutou minita. He mea tera kia kohia e ia pariha, e ia pariha. Kotahi tonu te Pariha kua tutuki nei te oranga mo tona minita i roto i te Pariha. He iti noa iho te moni i kohia i era atu pariha katoa. Heoi ano te mea e kore ai e mate noa atu o koutou minita he aroha no o koutou hoa pakeha. E hoa ma, he mea tera e whakama ai koutou. Kia puta to koutou uaua mo tana mea. Ko te pariha whai moni—kia tautoko i te pariha rawakore —e ora ai nga minita katoa. Te tikanga pai mo taua mahi koia tenei. Kia whakaae te pariha tera ano e rua pauna e kohia i te tau hei oranga minita—me whakarite ano etahi tangata pono hei kohi, hei tiaki i taua moni. Kia tukutukua mai ki a au ranei ki a J. B. Fielder ranei i Nepia. E hara te Hahi Maori i te tamariki noa, e whangaia ai e te taha pakeha. Ko te oranga o o koutou matua, £10 e kohia ana e koutou ano, e £65 e homai noa o koutou hoa pakeha. E hoa ma, e taea noatia te whangai o koutou ake minita kati te kai- matai i nga mea a te pakeha. Kua puta te kupu a te Hinota nui ki a inuhuatia katoatia nga whare a te Hahi, ahakoa whare karakia, ahakoa whare
![]() |
9 9 |
▲back to top |
No. 167. HE KUPU WHAKAMARAMA. minita. He tikanga nui tena—he mea hoki kia whai moni ai tatou hei hanga ano i te whare me ka wera i te ahi. He whakahaunga tena ki te hahi watene o te Pariha kia ata whaka- ritea tena, kei wera noa tetahi whare, me tuku mai te pukapuka inihua ki a au, tiaki ai. No tera tau i whakamatauria ai te TE WAIPIRO tikanga hou kia potitia te waipiro e te iwi Maori. Kua whakakahoretia hoki ki tetahi takiwa, ara ki to Horouta. A, ahakoa tu ana taua pooti ki tetahi takiwa, ahakoa hinga ana ki etahi wahi, e kore te iwi Maori e ora i taua hoariri, i te waipiro, ki te kore ia e tu i runga i te Kaha e homai nei e te Atua. Ka nui toku hiahia kia kati katoa te papara- kauta; ko te mea e whakakahoretia wawetia ai taua mea kino, ko te whakarere a te tangata i te waipiro: e taea hoki tena i runga anake i te kaha e homai nei e te Atua. Ma te Atua tatou e tohutohu i a tatou e hurihuri ana i nga whakaaro e whiwhi ai tana Hahi ki te pai e whakakororiatia ai tona Ingoa Tapu. HE KAUWHAU. " Kia pau ou mahara ki te tiaki i tou ngakau: No reira hoki nga putanga o te ora." —Nga Whakatauki 4, 23. MEHEMEA no te ngakau nga putanga o te ora, ko te mea nui rawa kia pau o tatou mahara ki te tiaki i te ngakau. Kia whakaaro tatou i tenei wa ki taua mea e karangatia nei e tatou ko te ngakau. He aha te tikanga e tenei kupu i te Paipera e te ngakau? Ko tenei te wahi whakamiharo i roto i a tatou, i takoto ai nga mahi katoa, i whanau ai hoki nga mahara katoa. He tini nga purapura o nga mea pai, o nga mea kino e huna ana i roto i te ngakau. Kahore e taea enei mea katoa te mohio e tatou. E mohio ana Atua anake ko te ki enei mea katoa, "Taku, ta Ihowa, he rapu i ia te ngakau." I te poroporoaki a Rawiri ki taua tama, ki a Horomona i mea ia, " E rapu ana e Ihowa i nga mea o nga ngakau katoa, a e mohiotia ana e ia nga tokonga katoatanga ake o nga whakaaro." E tuwhera aua nga wahi ngaro ki a Ihowa. Kahore tatou e ahei te huna i tetahi mea i ona kanohi. E mea ana a Rawiri, " Tirohia iho ahau, e te Atua kia matou hoki koe ki toku ngakau; whakamatautauria ahau, kia matou hoki koe ki oku whakaaro." Ko te nga- kau, ko te putake o o tatou hiahia, o o tatou ma- nawa, o o tatou hinengaro, ko te puna o a tatou mahi, o a tatou kupu, o a tatou whakaaro. He mea nui kia ma tonu tenei puna mehemea kahore e ma te awa ko tenei te take i inoi ai a Rawiri i enei kupu i muri i tona hara nui " Hanga . e te Atu he ngakau ma ki roto ki a au whakahoutia hoki ki roto ki a an he wairua tika I whakao te Atua ki tenei inoi, a ka korero a Rawiri i muri iho. " Ka hari te tangata kua oti tana he te muru, tona hara te hipoki." E ma te puna, ina whakatahuri- tia te ngakau—a ko tenei tukunga iho, kahore te whakapehapeha, engari te ngakau papaku—kahore te mahara poke, engari te ngakau ma—kahore te he, engari te tika. " E pupu ake ana ranei i te puna ko te reka ko te kawa i roto i te poka kotahi? Kahore. Engari ki te mea e ma ana te puna, ka pera ano te wai. Na reira kia pan on mahara ki te tiaki i tou ngakau: no reira hoki nga putanga o te ora." Kua kitea e tatou te ahua o te ngakau—ko te putake o nga mahi katoa, ko te puna o o tatou whakaaro me a tatou kupu. Kia whakaaro hoki tatou ki tenei, ko te ngakau ko te ruma o o tatou wairua e tutaki ai tatou ki te Atua. E mea ana a Paora" ma te ngakau, kia whakapono ka tika ai." A i mea a Piripi ki te unaka o Etiopa," ki te whaka- pono katoa Sou ngakau, e ahei ano te iriiri." Ko te ngakau te wahi e tutaki ai te Atua ki a tatou, no te mea ma te whakapono tatou ka haere ai ki te Atua a ma te ngakau tatou ka whakapono ai. He mea rereke te ngakau e tomo ai te Atua ki roto. i te ngakau kahore te Atua e tomo ki roto. Ko te tuatahi ko te ngakau Maori. ko te tuarua ko te ngakau hou. Whakarongo ki nga kupu a te Atua mo te nga- kau Maori. Tuatahi, he mea whakapono kore. " Kia tupato, e aku teina, kei noho te ngakau kino. whakapono kore i tetahi o koutou; kei whaka- rerea te Atua ora." (Hip. 2, 12). Tuarua, he mea tinihanga te ngakau Maori. " He kuare te tangata e whakawhirinaki ana ki tona ngakau," e ai ta te Atua i te pukapuka o nga Whakatauki. (Whaka- tauki 28, 26). A e mea ana a Heremaia. "Te tini- hanga o te ngakau, nui atu i nga mea katoa, kino rawa." E mea ana hoki te Kai Kauwhau," Te ngakau ano hoki o nga tama a te tangata ki tonu i te kino." Tuatoru, e matara noa atu ana te ngakau Maori i te Atua. E mea ana a Ihaia, "Te iwi nei, ko o ratou mangai hei whakatata mai, ko o ratou ngutu hei whakahonore i a an; matara noa atu ia i a an o ratou ngakau." Tuawha, ko te puna o nga mea kino katoa ko te ngakau Maori. E mea ana a te Karaiti. "No roto hoki no te ngakau o nga tangata te putanga o nga whakaaro kino, o nga puremu, o nga moe puku, o nga kohuru, o nga tahae, o nga hiahia apo. o nga kino, o te tinihanga. o te hiahia taikaha, o te kanohi kino, o te kohu- kohu, o te whakapehapeha, o te wairangi." Ko tenei te ahua o te ngakau Maori. Kati. 2. He aha te ahua o te ngakau hou ki ta te Karaipiture:- Tuatahi, ko te ngakau hou he mea wvhakawvhirinaki. " Ka hari te tangata e wehi ana i
![]() |
10 10 |
▲back to top |
10 TE PIPIWHARAUROA. No. 16- a Ihowa. E u tonu ana tona ngakau, e. whaka- whirinaki ana ki a Ihowa." Tuarua, he mea whaka- iti. E mea ana te Atua, "Te wahi e noho nei au kei te tiketike, kei te tapu, kei te tangata he maru rawa tona ngakau." Tuatoru, he mea ma te nga- kau hou. E mea ana a Pita, "Kia nui te aroha o tetahi ki tetahi kia ma ano hoki te ngakau." Ko te ngakau hou he puna no te aroha, no te hari, no te rangimarie me era atu hua o te Wairua. Ko enei nga ngakau e rua i whakaaturia e te Atua i te Paipera. He aha te ahua o o tatou ngakau? E mea ana to tatou rarangi," Kia pau ou mahara ki te tiaki i tou ngakau; no reira koki nga putanga o te ora." Me tiaki tatou i te ngakau, no to mea he nui nga whakaekenga a te rewera, me nga hianga o te ao, o te kikokiko hoki. He mea uaua tenei, na reira e mea ana te Atua ki a tatou, " Kia pau ou mahara ki tenei mahi. Me tinei e tatou te whaka- aro kino i te whanautanga. Kaua e tukua kia tupu ana. Ka nui te tere o te tupunga o te kino, no te mea e awhina ana a Hatana i nga mea kino; engari e tata ana te Atua ki a tatou, a i te wa o te whakamatautauranga ka homai e Ia tona kaha, mehemea e inoi ana tatou ki a Ia. Me mahi tatou ki a Ia. Me mahi tatou i nga mea e toru kia taea ai te rewera, kia tiakina ai hoki te ngakau— (1). Kia matara kei whakatokia nga purapura iti o te kino. (2). Kei whakamutua te inoi. (3). Kia hinga te kino i tou pai ko te Atua to tatou kaha i roto i to tatou ngoikore, engari e mea ana Ia ki a tatou, " Kia pau ou mahara ki te tiaki i tou ngakau, no reira hoki nga putanga o te ora." Ma te Atua e whakakaha i a tatou kia meatia e tatou tenei mea. HE NGARARA TIPUA. KEI hoha koe ki te tuku atu i nga korero torutoru nei ara i runga i te mea kua kahore noa atu tenei hanga te ngarara. Ko te wahi i noho ai taua ngarara hepukatea maroke, te nui e 5 putu turu. Akuanei no te tapahanga, a nga pakeha hei wahie, ka kitea te puta ka mea nga pakeha nei he a ha ra te mea o roto i taua puta, katahi ka werohia e tetahi o aua pakeha te rakau ki roto i taua puta, e tama ka puta te ngarara nei ki waho heoi ka wehi tetahi. Ka karanga atu tetahi kia haria mai te peke hei hopu kia haria e raua ki Whanganui. Ka karanga atu tetahi e kore rawa atu ia e haere atu ahakoa tekau pauna e kore rawa ia e haere atu. Kati ka tapahia e te pakeha nei te peke kia rite ki te roa o taua ngarara hei whakapuru mo nga makao, katahi ka haere atu taua pakeha ano ka tau rite tonu ki runga katahi ka hopukina mau tonu tetahi o nga ringa ki te kaki, ko tetahi ringa ki waenganui. He roa ta raua whawhai ki taua ngarara, pakaru ana te toto i nga ringaringa o taua pakeha. Ka mauria ki roto ki te pouaka ka haere atu tetahi o nga Maori kia kite ko te roa e 7 putu e 9 inihi. Ko te nui e 7 mihi turu o taua ngarara. Akuanei no te po, ngaua ake te pouaka, oma ana taua ngarara. No te haerenga o etahi ano o aua Maori, ka kitea kua tae ano ki tona nohoanga. Kati kua kawea e nga Maori ki te roia mana e kimai me taiepa taua wahi, me tuku atu ranei hei utu moni ma te pakeha. Heoi ano kei a Aperira ka haere matou kia kite, tae atu pea ki te rau tangata e haere i taua rangi. Ko te nunui o nga kakau o nga waewae, ahua rite ki te ringaringa kaumatua, engari ko te kiri i penei me te mango, engari he maeneene, kaore i penei me te tuatara.— Heoi nei, WHAREAITU, Fraser Road, Hawera. —No Te Mareikura. A TATOU TAONGA OHA I ROTO I TE HAHI. Ki te Etita o te Pipiwharauroa. TUKUA atu nga korero nei ki a Pine Tamahori. Tena koe. Tenei kua kite iho i to whakautu i taku panui i te Pipi 165. E ki ana koe he pokanoa au ki aku kupu e e whakautu nei i to panui notemea e korero ke ana koe i ta to Hahi i whakaaro ai. Otiia e hoa ko taua korero au i ta to Hahi i whakaaro ai e whakaatu ke ana ki nga tangata katoa ko- iana nga minita i heke mai to ratou mana i a Te Karaiti tae mai ki nga Apotoro tae mai ki o minita. Na i runga i tenei ahua ka tika noatu au ki te whakahe i to whakamarama no te mea kei te marama tonu kaore i heke mai i a te Karaiti te mana o te Pihopa tae mai ki o minita. Inahoki e whakaae ana koe kaore nga Apotoro i whakatu riwhi mo ratou i mua o to-ratou matenga a kaore ano hoki i ki iho ki nga tangata i muri ia ratou kia pera. Na e hoa i te mea kaore i pera ka tika atu i whea he mana ki to Pihopa? Inahoki e ki ana o whakamarama ko te Pihopa anake te tangata whaimana ki te whakatu minita. Na e hoa ki te pera me nga Apotoro to Pihopa, ki te mate a kaore ia i whakatu minita i muri i ana i
![]() |
11 11 |
▲back to top |
No.167. HE KUPU WHAKAMARAMA. 11 whakatu ai, ma wai e whakatu he minita? Kei te pena tonu hoki taku korero mo nga Apotoro kei a ratou anake te " mana apotoro- tanga" mo te whakatu tangata mo nga mahi minita i roto i te Hahi. Mo Henare he tuturu Katorika ia. I te wa i whakarerea ai e ia tana wahine ka hiahia ki te marena ki Ani Ponana, kaore te Popa o tana Hahi i whakaae ki taua mahi a Henare. No tena wa ka puta a Henare ratou ko tana Ropu ki waho o to ratou Hahi Katorika, me nga tangata whaka- haere i tona kingitanga, whakaatu tonu atu i te Hahi mo ratou me ona Pihopa, minita; huaina rawatia te ingoa ko te Hahi Poroteana o Ingarani. Ko Henare tonu i tautokona e te Paramete hei tumuaki mo te Hahi. Ko te wa tonu tenei i timata ai te Hahi Porotehana o Ingarani, kaore he ingoa pena i mua atu. Koia nei te hekenga mai o te mana o minita. Ko te wa i whakapumautia ai nga tikanga o to Hahi no te tau 1562. Koia nei e whakahaerea nei e koe au tika i runga ano i te mana i heke mai ra i a Henare ratou ko ana Pihopa. Ko to whakapapa e ki nei ka taea e koe, ka pai tonu matou kia kite. Kia hohoro ai to matou mohio atu ae kua tika tau. Me kati noa i konei. PAORA HOPERE. Taupiri. HE WHAKAHOKI. EHOA tena koe. Kei te pai ra to whaka- marama mo to pokanoa. Engari kia mohio mai koe na toku hahi tenei pepa. Ko aku kupu ki nga tangata o toku hahi, he whakaatu i nga mea no te wa mai ano i nga Apotoro i puritia ai a tae noa mai ki naianei, kua taonga oha aua mea. Kaore aua kupu i tuhia i runga i te ngakau whakamanamana, whakahawea ranei ki etahi atu hahi, e tika ai to ki e whakaatu ana au ki nga tangata katoa koianei nga minita i heke mai to ratou mana i a te Karaiti, me te mea nei e ki ana au ko etahi atu minita katoa kaore he mana. Kati hei putanga whakamutunga enei mo a taua korero, kaore hoki koe e pai ki aku kupu. Ko a taua korero ki te whaia haeretia ka tutuki ki te hohonu. He korero paku noa ta taua korero, kati ko tera anake taku e whai ake, ka kore hoki koe e whakarongo ki tera e kore ano koe e rongo ahakoa pewhea to taua roa e korero ana. Ko ta taua korero mo te mana o nga minita, ehara i te mea mo te Apotorotanga. E ki ana au i heke iho taua mana i a te Karaiti rano, koia au i ki ai i te whakaupoko o aua korero aku, he taonga oha, ara, "a tatou tao- nga oha i roto i te Hahi." E ki ana koe kaore taua mana i hekemai i a te. Karaiti. Ina taku whakapapa poto mo te mana nei. Na te Karaiti i whakatapu nga Apotoro, na nga Apotoro i whakatapu nga Rikona me nga Pihopa. Kaore taua mana whakatapu i hoatu e nga Apotoro ki nga Rikona, engari ki nga Pihopa. Ko Timoti raua ko Taituha he Pihopa. I waiho a Timoti ki Epeha, ko Tai- tuha ki Kariti. Ko nga kupu atu enei a Paora ki a raua:—" Kei whakapakia wawetia nga ringaringa ki tetahi tangata."—1 Tim. v, 22. " Ko te mea tenei i waiho ai koe e au ki Kariti, kia whakatikaia ai e koe nga mea i mahue, ki' whakaritea' ai ano hoki e koe he kaumatua ki ia pa ki ia pa, kia pera ai me taku i whaka- takoto atu ai ki a koe."—Taituhi 1, 5. Na ka kitea iho i te wa tonu i nga Apotoro e ora ana ka riro i nga Pihopa taua mana whakatapu minita. E mea atu ana a Paora kia Timoti, " Kei takoto noa te mea homai noa i roto na i a koe i homai ra ki a koe he mea poropiti, i nga ringaringa ano o nga kaumatua i whaka- pangia atu ra."—1 Tim. 4, 14 Ko taua mana tenei. I heke iho i a te Karaiti ki nga Apotoro i nga Apotoro ki nga Pihopa, a e mau nei ano i nga Pihopa. No taua wa ano i a Timoti ma ra i mau ai i nga Pihopa a tae noa mai ki naianei kei te mau tonu tenei mana i nga Pihopa. He nui atu te Pihopa kei roto i te Hahi, na reira kaore e tupono te aitua e kia mai nei e koe ki te kore he Pihopa ma wai e whakatu he minita. Kaore aku korero mo te mana Apotorotanga. He take ke tena. Kaore au i ki, kaore nga Apotoro i whakatu riwhi mo ratou. I ki au kaore nga Apotoro i whakatu Apotoro hei ri whi mo ratou, engari ko taua mana whakatu minita i hoatu e nga Apotoro ki nga Pihopa. Ki taku mohio ka marama te tika o taku ki e mea nei mo te mana whakapa minita i heke iho i a te Karaiti ki nga Apotoro, a i nga Apotoro ki nga Pihopa. No taua wa ano i tu ai he Pihopa mo te Hahi a tae noa mai ki naianei kaore ano he wa i kore ai he Pihopa e whati ai te heke raina iho o taua mana i runga i te kawai Pihopa mai i nga Apotoro a tae noa mai ki naianei, Na konei hoki i tika ai te ki kua taonga oha tenei taonga a te mana whakapa minita. Ka mutu i konei aku whakamarama, ki taku whakaaro hoki ka marama noa atu ki nga tangata e hiahia ana kia mohio. Kaore i te tika o korero mo te Ropu o Kingi Henare VIII. He mea hohonu tena hei whainga ma taua. Kaua koe hei rona- rona haere i a taua ki nga taka huhua. Kati i tenei, me mutu ano hoki i tenei. PINI: TAMAHORI , Etita. Te Rau. 24 Aperira, 191 2.
![]() |
12 12 |
▲back to top |
TE PIPIWHARAUROA. HE TURE TUTURU. 1. Kotahi putanga o TE PIPIWHARAUROA i te ma- rama. 2. Ko te oranga mo te pepa e rima hereni (5/-) i te tau, me nooti o te Poutapeta me pane ranei, auaka i te tiaki he pane kingi hepene nga pane e tino hiahiatia ana. 3. Ki te pau nga hereni a tetahi tangata i tuku mai ai ka tukua atu he kaute. Ki te tae atu te kaute kia hohoro te tuku mai i te moni, na te moni hoki i puta atu ai te pepa ehara i te mea tupu noa. 4. E pai ana kia tukua mai nga korero o ia wahi o ia wahi o te Motu, engari kei te Etita te tikanga mo te ta i aua korero : kia marama te tuhituhi. 5. Me penei te tuhi i waho o nga reta katoa: — Ki TE PIPIWHARAUROA, Te Rau, Gisborne. HE PANUI Ki te tangata e hiahia ana ki te Rawiri ki te Himene : he nui noa atu nga pukapuka kei a au inaianei : ko te utu : — He mea nui, kin noa ... 2/6 He mea nui, kiri wher ... 3/- He mea nui, kiri pai ... 4/— He mea nui kiri pai rawa ... 5/6 H e mea paku, kiri whero ... 1/6 H e mea paku, kiri pai . . . 2/6 He mea paku, kiri noa ... 1/- He mea paku, kiri pai rawa 3/6 Rawiri & Himene, kiri noa 1/6 Rawiri & Himene, whero ... 2/- Rawiri & Himene, pai ... 3/- Rawiri & Himene, pai rawa 4/- He Himene ... ... -/6 Maku e utu te Pane Kingi hei tuku atu i nga pukapuka ki a koe. Na H. W. WILLIAMS, Te Rau, Gisborne. Ki te hiahia te tangata ki te Paipera ki te, Kawenata, me tono ki te BIBLE DEPOSITORY SUNDAY SCHOOL UNION, Auckland. Paipera, 2/6, 3/6, 4/6, me te pane kingi //- Kawenata me nga upoko whakamarama 2/6 3/- 4/6, me te pane kingi 3d. Kawenata paku, me nga waiata 2/-, 2/6, 3/-, 3/6, 4/-, me te pane kingi, 3d. Printed and Published by H. W. WILLIAMS, at Te Rau Printing Works, Berry Street, Gisborne, New Zealand.