NAMA 9.
HE KUPU
WHAKAMARAMA

HE KUPU WHAKAMARAMA,
Nama 9.NELSON,                                NOEMA, 1898.
EDITOR-REV. F. A. BENNETT:
TE    WAIPIRO.
Ko te roanga tenei o nga korero.
I MUA atu o te whakatuwheratanga i te
wahi tuarua o te korero mo te waipiro, me
tuhi iho nga mea i kitea e tetahi tangata
hei whakamarama i te mahi a te waipiro e
patu nei i te tangata.
I eke taua tangata ki runga, i tetahi
maunga teitei titiro ai ki tetahi whenua
koraha. Boa rawa ia ki reira ka kitea atu
e ia etahi manu e rere ana. Takitaro rawa,
ka tau ratou. Mahi atu i a ratou mahi,
kotahi ano te rewanga, me te rite ano o to
ratou ahunga ki te kainga. Kaore hoki
ratou i roa e rere ana, ka mahue mai tetahi
o ratou ki muri. Na, wai nga hoa i tatata
mai, ka aua tonu atu ki mua—me te whakaro
ake ano a te tangata ra ki tona porori ki te
whai i ona hoa. Kaore i roa tona mahue-
tanga mai ki muri, ka kitea atu ka maanu
noa i te takiwa—me te titiro whakamatatau
ake ano te tangata ra. Kaore i roa ia e
maanu ana, ka kitea atu e porotiti ana, me
te kapakapa ano o nga parirau. He poto
noa te kapakapanga, ko te takanga iho o te
manu- mate rawa?
Ehoa ma ! kua mau mai ranei i a koutou
te hopu te take mai o te mate o te manu
nei ? Kei te mea pea etahi, he mate ohorere
tena ? Ko te nuinga ia kei te mea "Kaore !
he aitua hou rawa tena."-
I te kuare o taua tangata ki te mate o
taua manu haere tonu atu ia ki te titiro
I tawhiti ano ia e haere atu ana, kua mohio
atu ia ki te take o taua aitua.
Te mahi i tau ai nga manu, he hopuhopu
kiore hei kai. Mau ake a ona hoa, he rapeti,
he kiore. Mau ake tana he kiore tipua, ara
he witara (weasel). He kiore tino kino
tenei.
Kei te rere te manu ra, kei te mea pea e
hoki ana ia ki te mau i tona kai ki tona
kainga, a kaore i te mohio iho, tenei kei te
haere tahi raua ko te mate. I a ratou e
hopuhopu kiore ana, kaore pea ia i ata
whiriwhiri. Ko te kai tonu ki a ia. Ta te
kuare pai hoki! Kei te rere te manu, kei
te ngongoa ake nga toto e te witara—ko te
patu tenei a te witara i te kai. Te paunga
ano o nga toto, ko te takanga iho o te manu
mate rawa !
Kaore i tino rereke atu te ahua o te mahi
a te waipiro e inumia atu nei e te tangata.
Mau ana i te tangata, timata ana ta ngongo
i te paahi. Inumia atu ana, timata ana ki
te kaha o te tangata ngongo ai, na te mea
ano ka pau nga rawa, ma ta kaha o te
tinana, ko te matenga.
. He nui nga tangata tino rangatira kua
takataka iho i o ratou turanga nunui, na te
waipiro i patu. He maha kei nga
"Refuge " (whare mo nga koroua rawakore)
e noho ana, haaunga te nuinga o nga tan-
gata kei nga whareporangi, me etahi atu
wahi, e noho ana.
Kua oti ake te whakaatu i roto i te wahi
tuatahi nga korero a nga mea kua tino rapu
i te ahua o te alcohol.   Kua kitea iho, he
tino paihana.    Kati apiti atu ki te alcohol,
ko te narcotic.    He tino paihana hoki tenei.
He nui nga tu paihana e mahia mai ana i
te narcotic, ara he , he hydrocyanic acid,
he chloroform, he opium, ana atu etahi.    Na
be alcohol ka kori, ka kamakama te tangata.
Na te narcotic, ka hiamoe, ka haurangi ka
anini, na te alcohol ia i kino ai te mate o te
mahunga.   Ko te puku tetahi mate.    Kaore
te tinana e whiwhi toto.    Ka whakahemo-
kaitia te tangata.    Ka whakahiahiatia kia
hoki atu ano ki te waipiro.   Na te alcohol
tenei mahi.    Ana atu te nuinga o nga mate
e ahu mai ana i runga i te kai waipiro.   Ko
te tino mate e kitea ana e nga kanohi, kua
pa ki te Maori, he whakaaro pohehe.    Te
hokinga haurangitanga mai ki te   kainga,
kei te patu i nga wahine, me nga tamariki,
a i etahi wa ka tahuri atu ki nga hoa taane
moto ai, a ka waiho tenei hei take mauahara-
tanga.    Whakarerea ake te waipiro, te pai-
hana, kaore rawa nga whakaaro e penei te
kotiti ke.     Heoi kati nga whakamarama
hei whakatupato i nga mea kua pa ki te
waipiro, tae atu ki te hunga kaore ano kia
pa.    Kua tino horopa rawa tenei mate ki te
iwi.    Te kati mai pea.i nga pakeha, kaore
kua horapa hold ki nga tamariki pakupaku.
He mea pouri rawa tenei.     Kaore ano o
ratou tinana,  me  o ratou  whakaaro   kia
pakari noa.    Ko ratou nga mea e whaka-

HE KUPU WHAKAMARAMA.
arohia ana hei whakakapi i nga turanga o
nga matua, ara hei tangata mo nga marae.
E nui ana nga mate kaore e taea e tatou te
karo. Ko nga mea e taea ana, karongia
inaianei; kei apiti atu ki nga mate huhua e
huna nei i te tangata.
Whakapaa mai te kaha o nga tinana,
me nga mahunga ki te rapu huarahi e puea
ake ai te iwi i roto i nga pouritanga o enei,
me etahi atu whakahaere he a te Pakeha.
Kua mahi atu a konei. Eo te rakau a te
Pakeha i whakawhiwhi ai kia matou ka
waiho hei raupatu i ona huarahi he. Eo
Te Kotahitanga o Te Aute Kareti, ahakoa
he ropu tamariki, na te aroha ki te iwi i
whakatoitu te ngakau kia rapu tikanga e
puta ai te iwi i nga huarahi he, kaore nei e
taea te tatau. Ko te hui tuatoru a tenei
Kotahitanga ka tu ite U o nga ra o tenei
marama ki Tuparoa, Te Tai Rawhiti, ara ki
waenganui o Ngatiporou, Kia kimi tahi i te
ora mo te tinana me te wairua.
Kati, kia kaha ! Kauparea atu te waipiro
i nga taitamariki, me nga tamariki pakupaku;
arai te katoa. Tukuna kia tupu hei tangata, hei
iwi. Tohutohungia kia aroha ki te tangata,
kia wehi ki te Atua. Eia tupu ake ai hei
iwi e puta atu ana te honore me te kororia
ki te Atua, a e puea ake ana ki te ao ma-
rama.
.  -[THE END.]
TE UTU ATU MO   NGA RETA  KUA
TAE MAI.
Reihana Ngatote, Peria, Mangonui.
1. Kua tae mai to reta. Tukuna mai o
patai. Kei a koe ano te whakaaro mo te
rahi mo te iti ranei o te kakano ma te manu
nei. Kaore i whakaritea he utu tuturu mo
ta tatou pepa. E waiho ana i runga i te
tikanga o te kupu a Paora e ki nei :—" He
torutoru a tetahi i rui ai he torutoru ano
ana e kokoti ai; a he maha nga mea i ruia
e tetahi, he maha ano ana e kokoti ai, kia
rite ano ki ta tenei, ki ka tenei i whakaaro
ai i roto i tona ngakau ; kaua e tua pouri,
kaua e tua whakauaua: ko ta te Atua hoki
e aroha ai, he tangata e hoatu ana i runga
i te ngakau marama" (2 Koriniti ix. 6, 7.)
2. Kia Henare Peneti, Moawhango.
Kua tae mai to reta me o kupu whakahe
mo nga kohikohi. He maha nga tangata e
whakahe ana mo te kohikohi. Na te kuare
pea i whakahe ai. No te takiwa ano i nga
Apotoro tenei mea te kohikohi. He wahi
tuturu tenei no te Karakia. Tirohia nga
kupu a, Paora i a 1 Koriniti, 16. 1, 2, me 3.
Kei te korero a Paora mo te kohikohi, e
whakaritea ana e ia hei te ra tuatahi, ara
hei te wiki ka kohikohi ai, kia rice ai ta
ratou tikanga ki ta te Hahi o Karatia.
Tirohia ano hoki nga korero a Paora i a
2 Koriniti ix. 12—14. He whakapai, he
whakawhetai na Paora mo nga ohaoha a
nga tangata. He tohu nui hoki te ohaoha
no te whakapono o te tangata. Ina hoki e
ki ana a Paora ( 2 Koriniti ix. 13 ; mo te
kohikohi ana korero), " ka whakakororia
ratou i te Atua mo koutou kua whakaae nei,
kua ngohengohe ki te Kongo Pai o te
Karaiti, mo to koutou ohaoha." Na te
ohaoha o enei tangata i mohiotia ai kua
ngohengohe ratou ki te Kongo Pai o te
Karaiti. No mua mai ra no tenei mea te
kohikohi. Tirohia a Tiuteronomi 26,5—10
Maharatia hoki te kupu whakanui a te
Karaiti mo te pouaru i inaka atu ra i tana
moni nohinohi (Maka 12, 41 —44.) Maha-
ratia ano hoki be tikanga o te kupu ra a te
Karaiti, " Ka tika hoki te utu mo te kai-
mahi. '- (Ruka 10, 7.)
Tirohia hoki te tikanga o enei rarangi,
1 Koriniti 9, 7-14.; 2 Kori 9, 6-7. ; Karatia
vi. 6. " Te tangata, ano e whakaakona ana
ki te kupu, me whakawhiwhi e ia tona kai
whakaako ki nga mea pai katoa."
3. Hare T. Rangi, Waitangi, Russell.
Kua tae mai to reta. Whakamaramatia
mai te tikanga o to panga. Mehemea kei
runga i nga tikanga o te whakapono, ka tika
ai mo tenei pepa.
NGA RETA KUA TAE  MAI.
Takapu, Rangiriri
Hepetema 3rd, 1898.
Rev. Perere Peneti.
E hoa tena koe, te reo o te manu o te
whakaoranga e tuari nei koe i te kupu o te
Atua, ki nga wahi katoa o te motu. Koia
kanui nga mihi aroha kia tatou i roto i nga
ringa o te whakaoranga a te Atua.
E hoa kia ora tonu koe i roto i te kaha o
tou Atua. Tenei kua kite iho i o Kupu
Whakamarama. Koia katahi atu kia koe
mo etahi Himene, ara Waiata Peene, hei
whakatangi i roto i nga Whare Karakia
Mehema he maha o Himene, me tuku mai
e koe kia au etahi. Koia tena toku Kainga
ko Te Takapu, Rangiriri, Waikato. Hei
tohu tenei mote whakanui i to tatou Hahi
Heoi e hoa, tena koe ara koutou katoa.
Na to koutou hoa aroha,
NA HORI HEREWINI.

HE KUPU WHAKAMARAMA.
E hoa i wareware i au taku, ingoa mo ta
tatou manu. Ko." Te Ika roa a Maui" Te
tikanga o tenei ingoa, he mea hi na Maui
tenei motu. Koia tena taku ingoa.
Tehatepe, Taupo,
Hepetema, 1898.
Na Rev. Hoeta Te Hata.
Ki te Etita o te Kotuku rerenga tahi, ara
o te Kupu Whakamarama. E hoa tena koe.
Kua tae mai o Kupu Whakamarama ki
ahau, a kua kite iho ahau i te pai o to wha-
kataki haere i te tikanga o tenei kupu
whakarite a to tatou Ariki a Ihu Karaiti.
He mea pai ano kia pataitia atu nga kupu
pakeke i roto i te Karaipiture hei whakama-
taara i te ngakau hei whakaoho hoki i te
hinengaro. A tenei kua kite iho te kanohi
kua marama te ngakau.
He nui rawa atu toka whakamiharo mo
tau whakariterite haere ki te taha ki te Atua
me te taha ki te tangata, Kati nga kupu.
Ehoa e te Etita, koina tonu taku ingoa
mo ta tatou manu ko te Kotuku rerenga tahi.
Te tikanga hoki o tenei whakatauki, kotahi
rerenga o taua manu i te tau. Tona rite
mehemea ki te haere mai koe ki konei kau-
hau haere ai i te tau kotahi, ka whakatau-
kitia e te Maori " he Kotuku rerenga tahi.
Waihoki ko ta tatou manu, kotahi putanga
i te marama, me ki ake e ahau he tau tena.
(Taria e whakaoti.)
Kihipane (Gisborne)
Noema 1, 1898.
Ki te Etita o te Kupu Whakamarama.
E hoa tena ra koe. He mahi pai tena
nau te whakatuwhera i nga wharangi o to
pukapuka hei urunga ata mo nga whakaaro
a te iwi nui tonu o a tatou nei motu. Ma
tena tikanga hoki e rangona ai te oranga,
nga mate ranei, nga peheatanga ranei i
waenganui ia tatou, e taea ai te hari tahi,
te awahina ranei tetahi i tetahi i, nga takiwa
o te raruraru. He mahi uaua ano hoki tena
te whiriwhiringa me te perehitanga i nga
tini korero e tika ana kia panuitia Li tenei
tu nupepa, a be mea tika kia tautokona
nuitia e nga iwi reo Maori katoa. He tino
taonga nui tenei mea te nupepa kinga iwi
pakeha e rongo ai ratou i nga whakaaro nui
o a ratou hoa tangata e taea ai hoki e ratou
te whakapuaki atu i nga rongo korero o ia
takiwa o ia takiwa o ratou.
Tetahi mea e tino koa ai ahau ki tenei
pukapuka au, ko tona hapainga i nga tikanga
o te whakapono. I mua ai, i te putanga o
nga nupepa tawhito ma nga Maori i hangai
te nuinga o nga korero ki nga mahi horihori
a te ao.    Kati kua mate era, tu ake ana ko
tenei.    Heoi ra e koro kia maia, kia kaha,
kia tapatahi te haere.    '' Whakariharihangia
te kino; kia u ki te pai."    E noho ana tatou
i roto i te takiwa o nga tini pohehetanga
inaianei.     Kume ke,   kume   ke    ana nga
whakaaro a te tangata o tenei whakatipur-
anga ki nga mea  " e mau ai te rongo.''
Whaihoki  "Kia tiaho raia a tatou mara-
matanga ki te aroaro o nga tangata, kia
kite ai ratou i a tatou hanga pai kai whaka
kororia ai hoki i to tatou Matua i te rangi."
E kite nei au ki nga pukapuka e tae mai
ana ki au i to tono kia whakahuatia atu he
ingoa tuturu mo te nupepa nei, me te wha-
kaingoatanga ano hoki o etahi tangata.    Na
ki taku titiro e whai ana nga Maori ki te
ingoa manu hei ingoa.     E pai ana tenei
whakaaro, kia marama ai hoki   ta   ratou
tuku atu i nga kai ota, i nga kai maoa ma ta
ratou mokaikai. E kore hoki tena tu manu e
ora ki te whakatikia ki ena mea. Engari kaore
ano ahau i kite noa i tetahi ingoa i era kua
tukuna atu ra e rite ana ki taku hiahia.
Mehemea he pukapuka whakaatu tenei i nga
kupu a te Atua heaha te pai kia whai atu
ki nga tipua ki nga korero tara ranei a nga
tipuna rapu haere ai i tetahi karere mana e •
waha haere i aua korero.    Te ata rapu atu
ki nga whakaritenga ano a te Atua nana
nei nga mea katoa hei tauira ma tatou.
Ia Noa e noho ana i roto i te aka, i runga i
tana pohehetanga ka tukua atu e ia tetahi
manu kai kino hei karere maua, tena no te
kitenga pea a taua-manu i nga kai whakari-
hariha,—nga mea i minamina ai ia—kihai
i hoki atu ki tana kaiwhakaora. Na reira
ka tukua atu e Noa tetahi kukupa a ko tena
i pono tona hokianga atu ki te aka. No te
tuarua o nga haerenga ka hoki atu ano me
te rau Oriwa i tona waha. He oranga nga-
kau tena kia Noa i mohio hoki ia kua
mimiti haere te wai i runga i te whenua. A
no te toru o nga haerenga a tana manu a
kihai i hoki mai ka tino mohio a Noa kua
tata te wa o tona putanga ki waho o te aka.
Kati, he Karere tena manu o te Rongo-pai
kia Noa,
Whaihoki ki te whakarongo tatou ki nga
Waiata a Rawiri me te Waiata a Horomona
koia tonu, a koia anake te manu e whaka-
ingoatia ana hei tohu mo te pai i nga
takiwa o te ora, i nga takiwa te mate.
Tena ano hoki, i te tapaenga ia Ihu
Karaiti i te temepara i Hiruharama e
rua nga kukupa i mauria atu e ona matua
hei whakarite i te ture a te atua. Na i te
takiwa hoki i iriiria ai ia e Hoani, he kukupa

HE KUPU WHAKAMARAMA.
ano te tohu a te atua i mohiotia ai te taunga
iho o te Wairua Tapu ki runga ki a ia.
Kati ano ra pea i konei aku kupu kei
taumaha noa koe. Mau e ata titiro iho i te
kino i te pai ranei a hei reira mohiotia ai
nga tikanga mo muri atu.
Na to hoa pono,
HOHEPA PEKA.
HE WHAKAHOKI MO NGA PATAI.
Ko wai nga Kai-Whakaatu tokorua ?
Whakakitenga xi., 3.
Ko te Whakamaramatanga mo tenei patai,
me ki penei atu, ki te whakaaro a te nuinga
o nga tangata matau, ko Mohi raua ko
Iraia enei Kai-whakaatu tokorua.
Kua kore he wahi watea o tenei putanga
o te pepa hei ata Whakamarama haere i nga
rarangi katoa o tenei upoko. Taria e ata
Whakamarama. Engari me ki noake.
Kaore ano a Mohi raua ko Iraia i mate noa.
Ko o raua tinana i tangohia atu. Maharatia
hoki a raua merekara te kapura, te kopani-
tanga o te rangi i kore ai e ua, te whakapu-
tanga ketanga i nga wai hei toto, me nga
patu katoa mo nga Ihipiana.
Tirohia hoki a MARAKI 4 : 4 me 5. Me
MATIU, 17: 3.
E   KOBE   TE   TAHI  E   PANGA   KI
WAHO.
Ki te haere mai te tahi ki a au, e kore rawa
e panga atu e ahau ki waho. Ko te pai
tenei a toku Kai tono mai ko nga tangata
katoa e kite ana i te Tamaiti, a e whaka-
pono ana ano ki a ia, kia whiwhi ratou ki
te oranga tonutanga, maku ano hoki ratou
e whakaara ake a te ra whakamutunga.
Hoani vi. 30—40.
Ka kite nei tatou i konei kahore a te Atua
tikanga puku hei whakangaro i te tangata, a
ahakoa i nui noa atu nga hara o raua, a
tupu tonu nga weri o te kino, mau tonu ta
Hatana, ahakoa i paheke ki te he, i ngoikore
ranei ki te haere ki a te Karaiti, e kore ia e
whakahe mai ki te tangata e hiahia ana kia
ora, a e haere atu ana ki a ia i runga i te
whakaaro ki tona pono ki tona kaha, ki
tona aroha noa; e tika ana i runga i te
huarahi i whakatakotoria e ia Eke tonu ki
runga ki tenei ta tona Matua i pai ai; ko te
mea hoki ia i haere mai ai te Tamaiti i
runga i te rangi. Ko tana i pai ai koia
tenei, ara, kia kaua e whakakahoretia tetahi
o te hunga i homai ki tana Tamaiti.
Ahakoa i te mate, ahakoa i te ora, kia wha-
kaarahia katoatia ake ratou ki te haringa
mutunga kore i te ra whakamutunga.
Ehara i te mea ko te whakaora anake to
Ihu mo te hunga katoa e whakapono ana ki
a ia, e whakakahoretia ana ano e ia te he o
te hara, te kaha—te poke—me te utu o te
hara; a amua ka kore noa iho i a ia te hara
me nga hua o te hara, ina ka horomia te
mate e te wikitoria, a ngaro noa iho te pouri
i te hari, ake ake ake.
Kei te whakaroa ranei koe, E IE TANGATA
HARA ? E ruarua ana ranei to ngakau ki tenei
kupu nui. Ko te ra tenei no te whaka-
oranga ; ko te wa ano tenei e ora ai koe, e
murua ai o he maha, e whakaorangia ai to
wairua, a ake ake ake. Hiahia tonu a te
Karaiti ki te whakaora i a koe. Tena, tukua
atu ia ki roto ki to ngakau, a mana koe e
kawe ki te rangi.
Taku e hiahia nei kia whiwhi ano etahi
atu ki nga pai i kitea e ahau i roto i enei
kupu.

E hara i te mea ma Nga Mahi, engari ma
Te Whakapono ka Ora ai.
Me Aha ka ora ai Ahau ? Me Whakapono
ki te Ariki ki a Ihu Karaiti. Nga Mahi
xvi. 30, 31.
Nga tangata katoa e whakapono ana ki a
Ihu, ka whakatikaia i nga mea katoa, e
kore nei e whakatikaia i runga i te Ture.
Roma iii 20—22.
Marie rawa te ngakau mamae, koa rawa
i enei kupu ! Kei te takoto pea ia, he
ngaunga na te mate, whakarahi rawa te
tinana, pouri rawa te ngakau. Kahore he
kaha e puta ai te tahi Mahi Pai, e tata ai ki
te kingitanga o te rangi; he rawakore ano
pea ki nga taonga o tenei ao; kahore . ana
mea hei atawhai i tetahi atu e mate ana.
Na ki te mea ko nga mahi nga mea e tata
ai ki te rangi tera e ngaro katoa nga tangata
ake ake ake. Tera ke ia te whakaaro a to
tatou Ariki aroha. Kihai ia i mea mai ki
tetahi mahi a te tinana hei utu e taea ai te
rangi. Heoi ano tana i whakatakoto ai, he
Whakapono ki tana Tamaiti aroha.
Ki te u to tatou whakapono,—ka aroha
tatou;—ki te aroha,—ka mahi i tana i ki
mai ai. Ko taua mahi nei te tohu pai mo
to tatou hiahia kia whakatapua, kia huihuia
ki roto ki a te Atua tamariki. He teka ia
ma te mahi tatou ka tika ai ki ta te Atua

HE KUPU WHAKAMARAMA.
aro. Heoi ano te mea e tika ai tatou ko te
Whakapono ki a Ihu Karaiti; kahore he
mahinga i ta te Ture ; kahore he pai o tatou
ake. Rom. iii. 20—28. Tena korerotia
katoatia aua rarangi; korerotia kia koa ai to
ngakau.
Tenei te whakamarie mo to ngakau, e te
tangata hara,—e mutu ai tou pouri, e kore
ai to wehi. Kahore he pakeke o ta te Atua;
heoi tana e mea nei i a koe,—kia u te
whakaaro.(ara, kia whakapono,) ki tana
kupu e ki nei, ka ora tonu te tangata e
whakapono ana ki tana Tamaiti. Hoani
vi. 47. Mei taea ka hoata pea o taonga
katoa i te ao nei kia ora ai koe ki tera ao.
Kahore ana tono ki te tahi mea kia homai e
koe:—ko tana kupu hoki tenei, kia inumia
te wai ora, kaua he moni, kaua he utu.
Waiho atu tou ake tika, au ake mahi pai;—
ma te tika anake o te Karaiti koe ka ora ai.
Nui atu te aroha noa i takoto ai he rongoa
mo te mate, ara, mo te hara. Ma tenei nga
tangata hara,—te hunga kino rawa,—ka ora
ai, ma tenei ka rite ai ta te Atua ture. "Ko
te Karaiti hoki te mutunga o te ture hei tika
mo nga tangata whakapono katoa." Roma
x. 4.
PITO-PITO KORERO,
1. Hei te 14th o Tihema ka tu te hui a
nga tamariki o te Aute ki Tuparoa. East
Coast.
2. No te 21st o Noema nei, ka mate a
Ro ata Paaka ki Motueka. He tamaiti ia
i aroha nuitia e nga tangata Maori, pakeha.
E toru ana marama e takoto ana i te Hohi-
pera i Nelson, engari kaore tana mate i taea.
" Tukuna nga tamariki nonohi kia haere
mai ki ahau, aua hoki ratou e araia atu, no
nga penei hoki te rangatiratanga o te rangi."
3. Ka perehitia he inoi hei ako ma nga
tamariki, ma nga kaumatua ano hoki.
Akona e hoa ma a koutou tamariki kite inoi
i te ata i te ahiahi. Ko enei inoi me ako nga-
kau e tatou katoa.
4. Ko nga korero mo Tiapani, kua kore i
uru ki tenei pepa. Hei a Tihema ka perehi
ai nga mahi o te Hahi ki reira.
5. Te Matenga o Wikitoria Katene.
No te ata o te Mane, Noema 7th, ka mate
a Wikitoria Katene, ara a Ngarua, ki
Whakapuaka. Ko ona tau i tona matenga
e iwa tekau. Kotahi ano te wiki o te paanga
mai o tana mate ki a ia, ka hemo nei. Kua
mate katoa ana tamariki, kotahi tonu te
mea e ora nei ko Huria Matenga. He nui
te aroha o te iwi pakeha ki taua kuia.
NGA KOHIKOHI MO TENEI MARAMA.
Ł   s   d
Archdeacon Clarke Auckland ...    1    O   O
Mr A. S. Atkinson, Nelson      ...    O   2   6
Mrs Ellison, Te Aute    ...        ...   O   5   O
Rev. E. Jennings, Waerenga-a-
Hika       ...       ...       ...   O 15   O
Pene Waru, Waeranga-a-Hika...   O   50
Eru Titi, Gisborne       ...        ...    02   O
Archdeacon Grace, Blenheim ...    O 10   O
Mr A. Edwards, Motueka        ...    O 10   O
He whakapai atu tenei kia koutou katoa
mo to koutou aroha.
Kei wareware e te iwi ki te tuku mai i
tetahi oranga mo te manu nei. Ma, ta kou-
tou manaaki e ora raa ai ta tatou pepa,
Ahakoa he iti noaiho te kakano i whiwhi
ai koe tukuna mai tetahi wahi iti nei kia
tae tonu atu ai to mokai manu ki to marae
tangi atu ai ki a koe. Kotahi hoki te ma-
rama i mahue, ka huri te tau. Kia tata te
Ariki kia katou katoa. Na to koutou hoa
mahi.
NA REV. P. PENETI,
Nelson.
Bond, Finney & Co., Printers, Nelson.