NAMA 8.
HE KUPU
WHAKAMARAMA

HE KUPU WHAKAMARAMA.
Nama 8.NELSON,                           OKETOPA, 1898.
EDITOR—REV. F. A. BENNETT.
HE INOI MO NGA HUI O TE HAHI
MAORI.
E te Atua Kaha rawa, kua oti te whaka-
kotahi e koe tau hunga whiriwhiri katoa,
hei tinana mo tau Tama, mo to matau Ariki,
mo Ihu Karaiti: ki te huihui hoki au tan-
gata ki tetahi wahi i runga i tou ingoa, ko
reua ano koe ; kia anga mai te whakaaro
atawhai ki tenei wahi o to Hahi, manaakitia
mai hoki matou, te Pihopa, me nga Minita,
me nga Mangai o te iwi, kua mine mai  nei
ki te rapu tikanga.   Kia riro mai i a matou
nga taonga maha o tou Wairua Tapu,  ara,
te mahara, te mohio, te kaha, te aroha, me
te ata whakaaro ; kia whai tonu ai matou i
roto i a matou   mahi   katoa, ko koe   Ma
whakakororiatia, ko te pai o to iwi kia kake,
ko tou rangatiratanga kia whakanuia.    Kei
meatia   tetahi  mea e matou i runga i te
tikanga totohe,  i te whakapehapeha, i te
mataku ranei i te tangata.   Kei he hoki a
matou mahi i te whakaaro pokanoa ake, i te
hianga ranei a te tangata: engari, kia ata
whakatakotoria nga tikanga katoa, e tupu
pai ai tau Hahi i roto i a matou; kia mahia
ai e matou katoa nga mahi pai kua rite mai
nei i a koe hei mahinga ma   matou; kia
whakakotahitia ai matou katoa i roto i te
whakapono, i te aroha ; kia rite tahi ai hoki
o matou whakaaro, me o matou mangai, te
whakakororia i a koe; ko Ihu Karaiti hoki,
to matou Ariki.    Amine.
HE TUHITUHINGA I NGA MAHI  A
TE HUI TOPU TUAWHITU O TE HAHI
MAORI O TE PIHOPATANGA O AKARANA
I HUI KI PARAWAl, HAURAKI.
I mine te Hui Topu o te Hahi Maori o te
Pihopatanga o Akarana ki te Whare-karakia
o te Tokotoru Tapu i Parawai, Hauraki, i te
Wenerei, me te Taitei, Maehe 23, 24, 1898.
I te 10 o nga haora i te ata te karakia
whakapuare, Eo te hunga i hui mai ki te
karakia 130 ; i tango i te Hapa Tapu a te
Ariki e 68. Ko te Ohaohatanga e Ł2 6s Od.,
i tukua mo te perehitanga i nga Mahi o te
Hui I muri tata iho ka mine te Hui, a na
Rev Matiu Kapa, i karangaranga nga ingoa
o nga Mema. Ka mutu i te Upoko te inoi,
ka kiia e ia he Hui e rite ana ki a te ture i
whakatakoto ai. Muri iho ka whaikorero
te Upoko.
WHAKARAPOPOTOTANGA  O   TE
WHAI-KORERO A TE PARAIMETE.
Ko nga mihi mo Pihopa Hone Riharihona
Herewini ratou ko Revs. Rapata Para, raua
ko Wiremu Turipona, ara nga tangata whai-
ingoa o te Hahi i mate i muri mai o te Hui
Topu i te tau 1895.
Ko nga korero o te Hui Pihopa i Inga-
rangi. Ko nga mema o taua Hui ko nga
Pihopa katoa e whakaae ana ki nga tikanga
o to tatou Hahi. Ka Whakaatu hoki ia i
nga mahi o te Hinota Nui o ienei Porowini
i mine ki Christchurch ia Pepuere. I oti he
tikanga i taua Hinota e uru ai nga Mangai
Reimana Maori ki nga Hinota Pihopatanga.
Ka puta hoki tana tangi mo te Iwi Maori
ka ngaro nei i to ratou motu. Eo te take
i hohoro ai te ngaro he kore no nga Maori e
ata tiaki i o ratou tinana. I tino whakahe
ia i nga tikanga kino noa iho a nga Maori,
te kino o nga whare, te moe huihui, to noho
i roto i nga kakahu maaku; me era atu mea
kino e patu nei i te tangata. Muri iho ka
korero ia i te taha mo nga minita maori, ara
to ratou rawakoretanga i te iti o nga hua o
nga tahua. Ahakoa ka rite mai he tangata
i te Kareti i Turanga a ka kiia kia whakami-
nitatia, tera pea ia e kore e whakaae i te kore
oranga mona ina tu ia hei minita. Ma
koutou ma te Hahi Maori e rapu mai he
tikanga hei whakaranea i te oranga mo o
koutou minita. Kaati ta koutou titiro mai
ki te taha Pakeha, inahoki he mahi ano ta
ratou he whangai i o ratou ake minita. Kua
whaihiahia nga maori kia whakaturia he
Kura kotiro, ki te takiwa o Akarana. Kua
whiwhi hoki nga tamariki taane i te Kura i
Tipene, a he mea tika kia whai Kura ano
nga wahine. He aha te pai kia kurangia ko
nga taane anake a kia kura kore nga taita-
mahine ? Ko nga wahine nga kai-whakatu-
putupu i nga tamariki, a ki te he nga
tikanga whangai, whakakakahu, whakaako,
e kore rawa e neke ake te iwi, engari ka

HE KUPU WHAKAMARAMA.
piri komi ki nga tikanga kuare a nga tupuria.
Kua timata nga hoa Pakeha ki te kohikohi
mo taua kura, waihoki me puta to koutou
uaua kia uru tahi ai tatou ki te whakatu i
te mea e tupu rangatira ai, e tupu tika ake
ai, nga uri e haere ake nei. Kahore he
hiahia o te Pakeha kia ngaro te maori, kia
tutua ranei, engari kia uru tahi koutou ki a
matou mahi pai katoa, na reira i tono atu
ai kia koutou katoa kia kaua e mangere ki
te whakatu i taua kura.
TE MIHI KI A MATA HEREWINI.
Ko matou ko nga Mema o te Hui Topu o
te Hahi Maori o te Pihopatanga o Akarana,
e mine nei ki Hauraki, i a Maehe 23, 1898,
ka tuku atu nei i to matou mihi ki a mata
Herewini, mo te matenga o tana tama, o
Hone Riharihona Herewini Pihopa o Mera-
nihia, ratou tahi ko tana pouaru me ana
tamariki. Kua tomo ia ki tana okiokinga,
a, kei te aru ana mahi i a ia. Kei te mau
tonu te mahara o nga Maori ki a Pihopa
Herewini kaumatua, me te uaua o tana mahi
i te Hahi, i waenganui i nga Pakeha me nga
Maori, tae atu ki nga iwi o nga motu; a,
takahi atu ana ta korua tamaiti i nga tapuae
o tona papa. E mahara ana hoki matou i
whanau ia ki te Waimate, me tana whakahua
tonu, ko Ngapuhi tona iwi.
Aue ! Taukiri e ! ! Te hinganga o Hone
Herewini, ano he hinganga no te Rata
whakamarumaru ; ngaueue ana te Hahi.
Heoi ra, e inoi ana matou kia whai marie-
tanga koutou i roto i a Karaiti Ihu, i to tatou
Ariki.
TE POROPOROAKI A WIREMU TURI-
PONA.
Ki a Ngatimaru katoa, katoa: Tena
koutou! Kotahi tonu taku—kia mau te
rama o Hauraki: na te rama hoki i kitea ai
te pai, me te kino, te tika, me te ata noho,
te aroha me te atawhai,—kia kaua e tukua
mai nga whakaakoranga pohehe kia mau ki
nga tikanga o Hauraki, kei horoia to tuhi
mareikura,—kia mau ki te whakapono e uru
ai tatou ki to te Atua kororia,
Hei konei; ma te Atua koutou e tiaki, ma
te Wairau Tapu koutou e whakakaha, e kitea
katoatia ai ki te aroaro o te Runga Rawa.
Na to koutou papa kua ngaro nei i o
koutou kanohi.
NA WIREMU TE PEA.
Ko nga Tahua Whangai Minita ena o te
Atirikonatanga o  te  Waimate i a Hune
1,1898:—
£     s.   d.
Mangakaahia         ...    300   4   8
Ahipara      ...        ...    149    O   O
Kaikohe      ...        ...    266    5    o
Waiparera...        ...    100   O   O
Kaitaia       ...        ...    105 10   O
Waimate     ...        ...    161 13   O
Paihia        ...       ...    474 10   7
Parengarenga        ...    277   1   6
Hokianga* ...       ...    305   O   O
Whangarei ...        ...    228   8   4
Rarawa*     ...       ...    200   O   O
Parapara     ...        ...        533
Whangaroa...        ...      80   8   O
Waimamaku...    248 15    O
.   Ripia         ...       ...     19 10   6
Kapehu     ...       ...     38   O   O
Parirauewha         ...      21    O    O
Taita         ...       ...       500
Ko   ena   moni  no   te   Minitatanga   o
Hokianga.
Ko ena moni no to Minitatanga o Te
Wairoa, Kaipara.
"TE TOHUNGA MAORI."
" PATU NGARONGARO HE TANGATA, TOI TU
HE KAINGA."
Kite Kai-ta o Te Kupu Whakamarama
Ehoa tena ra koe e mahi maina i tena mahi
pai, e tuku na i te maramatanga ki nga
wahi o Aotearoa raua ko te Waipounamu e
noho ana i roto o te pouritanga. Heoi te
mihi atu.'
He kupu ruarua nei aku e hiahia ana au
kia rangona mai e nga tangata Maori o nga
wahi katoa etae ana to " Kupu Whakama-
rama." Ma ratau hoki e tirotiro mai te
painga, te kinonga ranei, te tikanga, te
henga ranei. Aua kupu aku mo nga
" Tohunga Maori," e mahi nei i waenganui
i a tatau.
Ahakoa ehara au i te tangata kaumatua
rawa, engari kanui taku rongo me taku kite
i nga mahi a Te Tohunga Maori. Nga
mahi e kite ana au he kino anake.
Ka taea eau te whakahua nga ingoa o nga
tohunga e rongo ana au, me nga mea kua
kite au, otira waiho noa era kia ngaro ana.
Ko a ratau hua kino noa e kohura ki runga.
He maha nga kaumatua e mau tonu ana
ki nga matauranga o nehera, e whakahe ana
kinga mahi a nga tohunga o naianei, e mea
ana he hangarau, no reira au ka mea, ko
enei kupu ehara i a au anake engari na nga

HE KUPU WHAKAMARAMA.
tangata katoa e whakahe ana ki nga mahi
pohehe a nga tohunga.
Otira ko te nuinga o te iwi Maori e
whakapono ana kinga mahi a nga tohunga.
He mea tenei e turakina ana e nga
Karaipiture, no reira au ka miharo ki te
maha rawa o nga tangata o roto o Te Hahi
e ura ana ki aua whakahaere.
He maha nga kaumatua o te Hahi e
mohio ana au e whai ana i nga mahi a nga
tohunga. Tena pea mau tetahi kupu kia
ratau e ura ai te maramatanga ki roto ki o
ratau ngakau, e mahue ai hoki ia ratau aua
huarahi tinihanga.
Ko au tetahi tangata i whakapono ki nga
mahi a nga tohunga i mua i nga ra o tooku
ta marikitanga, ia au i roto i te pouritanga.
E rima tau ooku kite kainga pakeha e noho
ana me taku whakapono tonu ki taua mea.
No te ono o nga tau ka uru mai te marama-
tanga o te Karaiti ki roto ki tooku ngakau,
kai reira katahi ano ka puta te pouritanga
ki waho, me te whakapono ki te tohunga.
Ka taea eau te ata wananga atu ki to taua
iwi, te kino, te he o tenei mea, e ngari kei
whaka apiapi noaiho, no reira ka waiho i
waho.
Ko tetahi mahi tenei a taua a te Maori e
whakaikimoke nei.i te tangata. Kia mohio
ano ia taua nei ki nga rongoa a te pakeha,
ka puta ke ai ki reira raweke ai, apiti atu
hoki nga karakia tinihanga.
Ia au e tamariki ana, e ahua iti ana taua
tipatipa. Inaianei, kai te tino kaha atu.
No reira au ka ki e hoa, kai te tino mataara
a Hatana ki te pou i tona rahui ki waenga-
nui i a taua i te Maori.
Ma te Atua e homai te maramatanga, kia
awe enei poropiti teka e iki nei i te tangata
me tona wairua kite po. te mutu atu te mahi
hianga.
Ehoa ehara i te mea he aha ranei i tuhia
ai e au enei kupu, engari he aroha, he
pouri nooku ki to taua iwi kite Maori e
whakapokaikahatia nei. A, kia mohio mai
hoki koe, ki te pai te Ariki, a enei tau e
takoto mai nei, ka ara ia au te pakanga ki
enei tohunga, ara ko te upoko tonu tenei o
te taua ka kokiri nei.
Heoi ano.
TAKI-O-TE-RANGI.
Te Kareti, Te Aute,
Heretaunga.
TE MATENGA O REV. HETA
TARAWHITI.
No te 24th o Hurae ka mate a Rev.
Hohua Moanaroa. No te 29th o Akuhata
ka mate hoki tana hoa mahi a Rev. Heta
Tarawhiti. I mate mai ki Taupiri.
Ko raua nga minita kaumatua rawa o te
Pihopatanga o Akarana. I rikonatia raua i
te 4th o nga ra o Maehe 1860, e Pihopa
Herewini. No te tau 1866 ka whakapangia
a Heta hei Piriti e Pihopa Herewini ano.
He tino uri Rangatira tana kaumatua, no
te hapu e Te Ngaungau, o Ngatimahuta.
Na Ahirikona Manihera ia i iriiri.
Tekau ma rua nga tan o Heta e tu ana
hei Kai-whakaako. Ko ia ano hoki te Kai-
whakahaere o te kura mo nga kotiro i Tau-
piri. No te tau 1858 ka haere mai ia ki te
kura o Tepene, Akarana, kia akona ia ki te
mahi minita. Ko ana Kai-whakaako ko
Pihopa Herewini, Ta W. Matenga (Sir W.
Martin) me tetahi o nga Ahirikona (Arch-
deacon Kissling) Ko ana hoa i reira ko
Hohua Moanaroa, Raniera Kawhia, Matiu
Taupaki me Pirimona Karari. Kaore he
tangata kotahi o enei kaumatua i te ora
inaianei. I muri i tana whakapakanga ka
whakaritea a Heta hei minita mo Taupiri.
I noho tonu ia i reira i nga wa o te wha-
whai ki te pakeha, me tana kaha tonu ki te
whakakaere tikanga mo te taha ki te whaka-
pono, ahakoa i pakaru atu te nuinga, i nga
raruraru i nga whakawainga.
Ka toru nga tau o te paanga mai o tana
mate Rumatiki ki a ia. Kua kore noatu ia
i kaha ki te haereere. No nga ra whaka-
mutunga nei e Akuhata, ka mate.
" Ka hari nga tupapaku e mate ana i roto
i te Ariki i nga wa i muri nei: Ae ra, e ai
ta te Wairua, kia okioki ai ratou i a ratou
mahi; e aru tahi hoki a ratou mahi i a
ratou." (Whakakitenga 14, 18.)
E TE TANGATA HARA!    HE  PUKA-
PUKA TENEI EI A KOE !
Hei mea e whai tumanakohanga ai koe, e
;atu ai te ngakau, e hari ai, e marie ai.
PAI tonu te Atua ki te whakaora i te tan-
gata e tahuri atu ana ki a ia. Tena ra,
inoi ki a ia. E kore rawa tana kupu e taka,
whakapono atu ki a Ihu Karaiti, a ka ora
koe.
KIA MAHARA—"E tatari ana a Ihowa, he
mea kia atawhaitia ai koe." Na, kei wha-
karongo atu ki ta Hatana. E ki ana hoki
ia kia kana koe e whakaaro ki nga mahi a
te Atua ; he nui atu ano hoki o kino, e kore
e taea te muru. He teka kau tenei; no te
mea " e horoia ana o tatou hara katoa ki

HE KUPU WHAKAMARAMA.
nga toto  o  Ihu Karaiti  o tana  Tamaiti.
1 John i. 7.
Kei tauhikuhiku; kati
Te mea ki tau ake pai
Heoi ano tana e pai ai
Kia kite koe i to he.
I nga wa o te pouri ko te inoi puku te
mea e marama ai e marie ai te ngakau : me
tohe ia ki te inoi.
Te ngakau kua mate ki te hara, te ngakau
iro e mamae ana ki ona he ; e tangi ana kia
tohungia—he mea enei e tata ai koe ki te
ora: e manakohia ano enei e te Atua.
Kia mahara, mau ake ano e kore e taea
tetahi mea e pai ai te Atua; otiia kei mate
te ngakau; e pai ana hoki te Atua ki te
homai i tona Wairua Tapu ki te tangata e
inoi ana ki a ia; ina, ka homai ano e ia he
ngakau ripeneta, he whakapono, he ngakau
inoi ano, ki te wairua e rapu ana : e kore ia
e kaiponu.
WHAKAANGATIA KETIA KI TE
REINGA!!!
Ka whakaangatia ketia nga Tangata kino
ki te Reinga, me nga iwi katoa e wareware
ana ki te Atua ! Waiata ix. 17.
ANO TE  WEHI  O TENEI KUPU !
Ka pehea ra koe, e te tangata hara, e ma-
whiti ai koe i roto i te mate o enei tangata
kino ?
"Ripeneta whakapono ki te Ariki kia
Ihu Karaiti, a ka ora koe." Nga Mahi
xvi. 31.
" E kore tetahi o o hara i hara ai koe e
korerotia mai ki a koe." Ehekiere xxxiii. 16.
Ahakoa ko te tekau ma tahi o nga haora,
ka whakaora ano te Ariki. Tana whakao-
ranga oti rawa. Na, kei mate te ngakau.
Otiia kei whakaora. Ko wai hoki e tohu ai
e ora koe i te rangi apopo.
Tata tonu te ra whakarite whakawa.
E rokohanga paitia mai ranei koe e taua
ra ? E rite ana ranei tau ki ta te hunga
whakaaro-kore ? E tatari ana ranei kia
tikina mai ra ano e te mate to tairua i a
koe? Mano mano iho nga tangata nana
tenei tikanga, a inaianei kei te mamae mu-
tungakore ratou. Nana, i te tu ahau i mua
i te taha o te moenga o tetahi tangata pena.
Kihai hoki i whakaaro wawe ki te mate. He |
maha ano ia nga kupu whakatupato ki a ia.
Heoi te panga mai o te mate, hore rawa ana
whakaaro ki nga mea o runga; mate noa
iho ia,—kahore he ripeneta. Te wa pai
hei mahinga ki a Ihowa ko te wa o te ora.,'
I runga, nei ano i te mate, i te mea e wha-
kahemohemo ana, e taea te ora, ki te ripeneta,
ara, ki te ripeneta. Ruka xxiv. 47. He
tikanga kuare ia te waiho tata te rapu i
te ora.
Kei tenei wharangi i tua nei tetahi kupu e
kite ai koe i te aroha nui o te Atua, kahore
hoki ona ngakau whakamate mo te tangata
hara. Ehekiere xxxiii. 11 ; ekore ano e
maka atu e ia te tangata e haere atu ana ki
a ia i runga i te ngakau maru i te ngakau
whakaiti, a e whakawhirinaki ana ki runga
ki nga mahi pai a tana Tamaiti.
(Taria e whakaoti).
TE WHENUA O NGA TAINAMANA.
E kiia ana ko te nui o nga tangata o
Taina e 386,000,000. Eo te nui o to ratou
whenua e 4,000,000 maero (square).
Mehemea e taea ana te whakatutu o nga
tangata katoa o Taina, ka whakahau ai kia
haere takitahi, ka tu ai te kai-tatau i a ratou i
tetahi keeti, mehemea ki te puta te tangata
i taua keeti i • roto i nga hekene katoa, i te
ao i te po, tekau ma whitu nga tau o taua
tangata e tatau ana i a ratou ka mutu ai
tana mahi, i te tokomaha rawa o nga tan-
gata.
Mehemea ki te pera hoki te tatau i nga
Tainamana kua uru nei ki te whakapono, e
toru ano nga ra ka oti ai te tatau i a ratou.
Titiro ra e hoa ma ki te mahi ma nga minita
e takoto mai nei. E toru ano nga ra ka oti
ai te tatau o nga Tainamana whakapono,
tekau ma whitu nga tau o te hunga kaore
ano kia whakapono mai ki a te Karaiti, ka
oti ai te tatau.
E kiia ana e nga tangata matau o reira
1,400 e mate rawa atu ana i tera whenua i
roto i nga haora katoa o ia rangi o ia rangi.
I te rangi kotahi e neke atu ana i te 33,000
e mate ana. Ko te wahi tuarima o nga
tangata katoa o te ao nei he Tainamana.
Nga minita o to tatou Hahi, hui atu ki nga
wahine e kauwhau ana i Taina, e 230.
Ki ta ratou korero ko nga pa o to ratou
whenua, kaore ana i takahia e nga waewae
o nga Kai-kauwhau o te Rongo Pai i neke
atu i te kotahi miriona.
Kanui te kaha o nga minita o to tatou
Hahi.
I te tau 1842 e ono ano nga Tainamana
kai Hakarameta.
I tenei tau kua neke ake i te 70,000.
No Akuhata 1896 ka timata te tahuri nui
mai o nga Tainamana ki te rapu i nga
tikanga o to tatou whakapono. Ka toru
tekau rua ono nga tau. o Ahirikona Wuruhi

HE KUPU WHAKAMARAMA.
(Wolfe) e kauwhau ana i tera whenua. E
ki ana ia katahi ano nga Tainamana ka ata
whakarongo mai ki nga kupu e kauwhautia
ana ki a ratou. E ki ana ia, e tae atu ana
ki te mano nga tangata i etahi taima e haere
mai ki te whakarongo i nga kauwhau. He
maha hoki nga mea kua iriiria. Nui atu ta
kaha o nga Tainamana whakapono ki te
whakahaere tikanga e tahuri mai ai o ratou
hapu, o ratou iwi ki te kimi i to oranga mo
ratou i roto i to tatou Ariki.
Tetahi tikanga kino a taua iwi ko ta
ratou herehere i nga waewae o a ratou
tamariki kia ririki tonu ai nga waewae kia
kaua ai e tupu e nunui. Ko nga tutua ka
nunui nga waewae. No tenei tau kua pa-
hure ake nei ka puta te panui a te Kawana-
tanga o nga Tainamana kia whakamutua
taua mahi. Na o tatou minita i timata te
pakanga ki taua tikanga kuare. Inaianei
kua whakaaetia ta ratou.
I te whahamatautauranga o o ratou kura,
ko tetahi o nga mahi i whakaritea ai ma
nga tamariki, he tuhituhi ngakau i nga
korero mo Noa me tana whanau, ara, te
whakatupuranga tangata ki te ao nei i muri
i te waipuke.
Kua tuhera hoki etahi kura nunui ki etahi
takiwa o Taina, mo nga tane mo nga
wahine. Ko nga tikanga katoa mo aua
kura kei nga ritenga o te whakapono.
PITOPITO KORERO.
1. Kei te hanga mai te ingoa mo ta
tatou pepa i Christchurch e nga tangata
mahi whakaahua o reira,
2. Kua kore he wahi watea o tenei pepa
hei whakahokinga atu mo nga patai e rua
kua tae mai. Hei o Noema ka atu ata ai
me nga reta hoki.
3. Hei te timatanga o nga ra o Maehe ka
whakaturia tetahi mahi nui ki te kainga o
Mrs. Hauata Paraone (Hunter-Brown) i
Nelson. Ko taua mahi he hokohoko taonga.
Ko nga moni katoa a aua taonga e tukua
ana hei kawe i te Rongo Pai ki nga wahi
mamao. E nga iwi, e nga hapu, o enei
takiwa katoa, whakarongo mai ki nga mahi
a te Pakeha. He karanga tenei ki a koutou
kia manaakitia e koutou tenei mahi. Maina
mai a koutou raweke Maori, ara, nga kete
harakeke nga kete muka, nga whariki, nga
poi, nga taonga whakairo, ara nga mea
katoa a te Maori hei hoko ma te Pakeha.
Ko nga hua o enei mea hei tuku i te Rongo
Pai kia toro haere i o koutou takiwa. Ka
pera ano hoki te tikanga mo nga Tainamana,
Mo nga mangumangu o Awheriaa mo Inia,
mo nga moutere o Meranihia.
4. Kei te tangi atu ta tatou manu ki etahi
kakano hoki hei oranga mona. Tukuna
mai to koutou aroha.
NGA KAKANO O HEPETEMA HEI
ORANGA MO TE MANU NEI.
Rev. Ranapia M. Hape, Parawai,
Thames ... ... . O 5 O
Reweti Kohere, Christchurch   ...    O   2   O
Rev. Hoeta Te Hata, Taupo     ...    O   3   O
Rev. Matiu Kapa...        ...    O   4   O
Herepete Rapihana, Kaitaia, Man-
gonui... ... ... O 26
Mohi Teataihikoia, Waimarama,
Hehitingi ... ... ... 026
Heni McDonnell, Putiki, Whan-
ganui... ... ... O 10 O
He whakapai atu tenei ki a koutou mo to
koutou aroha.
Kaore he utu mo ta tatou manu. Engari
ma te tangata e aroha noa mai ka ora roa
ai ta tatou manu.
Tukuna mai a koutou kupu i kitea ai hei
painga mo te iwi, me a koutou korero mo te
Hahi, me a koutou patai.
Ma te Atua tatou katoa e manaaki.
NA REV. P. PENETI,
Nelson.
Boud, Finney, & Co., Printers, Nelson,