![]() |
He Kupu Whakamarama 1898: Number 5. 01 July 1898 |
![]() |
1 1 |
▲back to top |
![]() |
2 2 |
▲back to top |
![]() |
3 3 |
▲back to top |
![]() |
4 4 |
▲back to top |
![]() |
5 5 |
▲back to top |
![]() |
6 6 |
▲back to top |
HE KUPU WHAKAMARAMA. He tohu e hoa ma tenei o te aroha o te Pakeha kia tatou mehemea ka kite ratou i te pai o ta tatou whakahaere i a tatou mahi. No te 25th o Hune ka purei kiki pooro ratou ki nga tamariki o Te Kareti o Whakatu. Wini ake i nga Maori 20 paina ki te o. No te Ratapu ka huihui katoa matou ki to matou whare karakia pakeha i Nelson kara- kia ai (All Saints). No te Awatea ka haere etahi o nga tamariki ki te kauwhau ki nga .tamariki pakeha o te Kura Ratapu i tai, i uta hoki. No te 3 p.m. ka huihui katoa mai nga tangata o nga Karapu Kiki-pooro, ki te karakia i whakaritea ai mo nga taane anake . I tae pea ki te 800 taane i huihui mai. Ko te kauwhau na Te Tatana (Kai wha- kaako tumuaki o Te Aute), ko te karakia na Tietetene raua ko Peneti. I te ahiahi (6.30 p.m.) ka huihui katoa matou ki to matou Whare Karakia nui o tenei Porowini (Cathedral). Ki tonu nga wahi katoa o taua whare i te pakeha. I neke ake pea i te ono rau i te whitu rau ranei nga tangata i huihui mai ki taua karakiatanga. Ko te kauwhau na Rev. P Peneti, he tangi atu nana ki te iwi pakeha kia mahara mai ki te iwi Maori, kia awhina i nga tikanga katoa e puta atu ai he painga mo te taha.Maori. Ko tana rarangi i kauwhau ai kei a Hoani xx. 17: "Haere ki oku teina, ka mea kia ratou, ka kake ahau ki toku matou ki to koutou matua, ki toku Atua ki to koutou Atua." No te Mane ka haere katoa nga tamariki o Te Aute ki Brightwater i runga to ratou kooti. Na te minita o reira (Bey. Baker) i whakatakoto te kai ma ratou. I te ahiahi he huihuinga ki te hooro. Na nga tamariki Maori nga waiata. Ko nga moni i pata £5 6s. Ao ake, i te Turei, ka haere katoa ta matou ope ma uta ki Motueka. No te 8.80 p.m. ka tae. Rokohanga atu e whanga mai ana nga Maori o Motueka i te marae o to ratou Whare Karakia, mo te taenga atu o to matou ope. (Taria e whakaoti.) PITO-PITO KORERO. I roa ai te putanga o ta tatou pepa i tenei marama ko nga kai-perehi i pangia katoa- tia e te mate mare e kiia nei he " Influenza.'' Kua tae mai nga reta a Revs. Nikora Tautau,. Matiu Kapu, A. Williams, A. H. Rangi, Pererika Peneha, Eruera Kawhia, me Hemi K. Taitimu. Ko etahi o nga putake korero hei tetahi putanga ka whaka- hoki ai. Nga moni katoa i puta i runga i te whakahaere tikanga mo nga tamariki o Te Aute i tae mai nei ki Nelson £106. Ko nga moni i toe i muri mai i te utunga atu i nga raruraru e £35. Eo enei moni ka waiho hei whakahaere i nga tikanga e kitea ai he painga mo nga mahi i roto i te iwi Maori o tenei Porowini (Nelson.) I roto i te tau kotahi e wha miriona nga Paipera e hokohokona ana. I roto i nga tau katoa kei te nui haere nga Paipera e perehitia ana. I roto i nga marama katoa ka panuitia nga korero mo nga whenua mamao o te ao. I tenei marama i mahue ake nei mo Awherika nga korero. I tenei marama mo Inia. He whakaatu enei korero ki a tatou i nga mahi.a te Ariki e toro haere nei i nga whenua nunui o te ao. (Kua whakane- kehia mo te pepa o Akuhata nga korero mo Inia.) Ko nga tamariki o Te Aute i tae mai nei ki Nelson kua whakaahuatia. Ko te utu mo to ratou whakaahua e wha nga hereni. Ka hiahiatia e koutou, tukuna mai ki ahau nga hereni. He maha nga patai kua tae mai. Hei tetahi putanga o te pepa nei ka whakahoki ai nga patai. E koro ma! kei te kimi ahau i tetahi ingoa pai mo ta tatou manu. Haunga ia te Kupu Whakamarama ka mau tonu hoki tera; engari ko tetahi atu ingoa pai. Kimi- hia mai he ingoa e nga kaumatua o te Aotearoa. Na te Waipounamu i whaka- whanau, kati, ma te Aotearoa e whakaingoa ta tatou karere, kia waiho ai ma ta tatou manu e honohono nga mekameka o te aroha o te Aotearoa me te Waipounamu. Tukuna mai a koutou ingoa. NGA KOHIEOHI~0~TENEI MARAMA. £ s. d. Mrs Brittan, Tauranga ... ... O 5 O Mrs Grant, Pipiriki ... ... 1 I o Hon. H. Williams,Kawakawa... 050 Mr H. V. Gully, Nelson... ... O 5 O Ngakiriki Meihana, Takaka ... O 5 O Wi Katene, Motueka ... ... O 2 O Karani Katene, „ ... ... 05 O Hori Karaka, „ ... ... 010 Hare Te Ngohi, „ ... ... O 2 O Mr B. W. Jenkins, Blenheim ... 1 O O F.H.S. ... ... .. ,.. o 1 O Ka hiahia koutou ki te tuku kupu mai ki ahau, me penei nga kupu o te whare puka- puka.REV. PERERE PENETI, \_\_\_\_ Nelson. Bond, Finney, and Co., Printers, Nelson.