![]() |
He Kupu Whakamarama 1898: Number 57. 01 November 1902 |
![]() |
1 1 |
▲back to top |
Te Pipiwharauroa, he Kupu Whakamarama. NAMA 57. GISBORNE. NOWEMA 1902. HUI KARAKIA KI TE ARAI. NO te 20 o Oketopa nei ka haere nga kai- whakaako o Te Rau Kareti a te Rev. F. W Chatterton raua ko Reweti T. M. Ko- here me a raua tamariki o te kareti, ki te Arai ara ki te Pahou noho ai mo te wiki kotahi. I tino manaakitia ratou e Ngatimaru e Ngati- ruapani, i manaakitia nga tinana a i manaaki- tia ano hoki nga kupu. I tu he karakia i nga po katoa i roto i te whare nui i " Taharakau," i ki hoki te whare i nga po katoa. Ko enei nga putake kau whau : (1) Te hara me ona hua, (2) Ko te Karaiti anake te Kai-whakaora, (3) Te Ripeneta me te Whakapono, (4) Nga wha- kakopeka a te tangata i kore ai e whakapono, (5) Te Tu ki te Wairua o te Atua. Tokoto- ru nga kai-kauwhau ia po ia po. Ko nga hi- mene he mea hou i whakaritea mo te whaka- oho i te Whakapono, he himene hari nui. Ko te Kareti ki te hapai i nga himene ko te ha- monia ki te arataki, tatangi ana te haere. I te po o te Hatarei ko nga kupu i ahu ki nga tamariki tane na Te Tiatetene raua ko Kohe- re. I mea a Hoani, " I tuhituhi atu ai ahau ki a koutou, e nga tai-tamariki, no te mea e kaha ana koutou." He mea tika ma nga ta- mariki tane e hapai te Whakapono no te mea he kaha ratou, he kaha ki te mahi i te pai a he kaha ano hoki ki te mahi i te kino mehemea ka hiahia ratou. Ki te kore te mahi e tauto- kona e nga tamariki tane e kore e kaha. Ko tetahi take i tika ai kia tautoko nga tamariki tane i te Whakapono no te mea he taitamari- ki te upoko o te Hahi, he tamariki tonu a te Karaiti ka mate, kaore i tino nui atu ona tau i te 30. I te Ratapu te 26 o nga ra ka tu nga karakia ki te whare-karakia whakairo i Manu- tukea, i ki tonu taua whare nui i te tangata. I a Kohere te kauwhau i te ata i a Te Tiate- ne raua ko Makoare Taurere i te ahiahi. Nui atu te ngahau o enei karakia, he mahi ngahau tonu ia te Whakapono, he ngahau pai kaore te kawa i muri mai penei me nga ahuareka o te ao. I whakatakotoria te hapa a te Ariki. Ahakoa i whai kupu a te Tiatene kia kaua e tino nui te mahi kai i te Ratapu kei kore etahi tangata e puta mai ki te karakia, otira nui atu te kai ki te tangata whenua. Kua whakaaro- hia me whakatu he karakia toopu ki Manutu- kea ia tau ia tau. Kaore hoki i wareware te whangai i nga " reme". I te mutunga mai o te kura ia ra ia ra ka huihui nga tamariki ki te whare karakia ki te karakia i wehea mo ra- tou anake, i tata ki te 40 nga tamariki. Nui atu te ngakau nui o te tamariki ki te karakia nui atu pea i to nga pakeke. Ahakoa he ra kore kura te Hatarei i mea ratou kia tu ano he karakia mo ratou. Na te tamariki paku- paku i hapai nga himene o nga karakia nunui. Kei te aroaroa matou ki o matou hoa tamariki. I nga whai-korero a te tangata whenua, i mea ratou ka tika te haerenga atu o Te Kareti ki Te Arai ko Whakato hoki te wahi i whakatu- ngia tuatahitia ai te Whakapono ki roto o Tu- ranga. Kua whakapuakina te kupu i runga i te ngoikore, ma te Atua ia e whakamakuku. I tata ki te 50 nga taitamariki i tuhi i o ratou ingoa kia whakaakona ratou mo te whakaunga. He hua tino nui tenei, kia whakakorotia te Atua i te rangi. Tera ano etahi mahi atu, he takaro, he waiata, a he mahi kai, he pangapa- nga taewa. I whakamihi te manuhiri ki te nui o te atawhai o Winiata ratou ko ana ta- mariki me te iwi katoa i a ratou. I tupu te aroha pono i waenganui o te manuhiri me te tangata whenua, i nui te "hari, hari nui," " pai, pai rawa." Ina tae ki te rangi Hei ra tino hari tino koa: Ina kite i a Ihu Ka hikitia te waiata.
![]() |
2 2 |
▲back to top |
TE PIPIWHARAUROA, NIU TIRENI KI INGARANGI. NGA RA NUI I RANANA. ITE paanga o te Kingi e te mate, ka neke- hia te ra o te karaunatanga i a ia. Ka mea te whakaaro e kore e kite i te Kingi, ko tenei hoki te tino take i mahue atu ai te kai- nga i reia mai ai ie moana i roto i ona tini ahua- tanga katoa. Ahakoa i nga mahara e pehi ana i runga i tenei whakaaro, ara, i te kore e kite i te Kingi, ka puta mai te kupu, ko nga hoia o nga koroni me noho katoa, me tatari ki te peheatanga o te ahua o te Kingi. Ko nga hoia anake o Kanata i hoki, he tikanga ano i whakaaetia ai era kia hoki ki to ratou na whe- nua. He noho noa iho te mahi he tatari ki te wa e whakaritea ai hei karaunatanga i te Ki- ngi. Ahakoa he noho noa iho te mahi kaore te pakeha i mangere ki te whakamanuhiri i nga hoia o nga koroni, ki te kawe haere ki nga wahi rongo nui o te taone nei o Ranana. He nui te atawhai a te pakeha i a matou katoa; kaore matou e ata tau ki raro. Ka kite au i te aroha o te iwi nei o te pakeha, e ki nei ta- tou kaore, te pakeha e mohio ki te aroha: RORE RAPATA. I. tetahi rangi ka puta mai te korero e haere mai ana a Rore Rapata kia kite i nga hoia o nga koroni, ka mea ake.te ngakau-akuanei ki- te ai i te tangata rongo nui nei i a Rore Rapa- ta. Ka huihui katoa matou ki to matou wa- hi whakatutu, katahi ano hoki matou ka ma- takitaki, kia matou ano. He rereke tena iwi tena iwi, he ma, he pango kerekere, a he rere- ke noa atu etahi. Na te ahua o nga tangata, ka. kite te kanohi i te nui whakaharatau a o te mana o Kingi Eruera. Kaore i roa to matou turanga ka puta mai taua kaumatua nei a Ro- re Rapata. Matakitaki haere mai ana ia i eta- hi atu hoia, ka tae mai ki a matou, katahi ka titiro ki te Maori, na etahi ano pea i ki atu ko matou nga Maori. I pehea ra ona whakaaro i te kitenga mai i a matou ? Ko matou katoa i kite pai i a ia, i o matou aroaro tonu e haere ana. Ko tona ahua i to matou kitenga atu kua tino koroheke rawa, he kureherehe te ma- ta, wiriwiri katoa tona tinana, he tangata iti noa iho nei ka pau tonu ki roto i te kanohi ko- tahi. Ko te kaumatua tenei i hau mai nei nga rongo i Awherika, ko te taniwha hoki o roto i nga tini pakanga a te Ingarihi i roto i nga tau ka hori nei. Ko tona ahua ia tenei i te tiroha- nga atu, he iti noa, kaore hoki i roa rawa. Whiu ana te puku i te roa e matakitaki ana i a ia' whakahihi ana hoki mo te kitenga atu i to mata e Rore Rapata. Te mutunga hoki o tana titiro ki a matou, ka haere atu ia, ka pa- karu hoki to matou matua. KUINI AREHANARA. I te 1 o Hurae, ka kite matou i a Kuini Are- hanara, te wahine a Kingi Eruera. I whaka- emi katoa nga hoia o nga koroni ki te wahi i whakaritea hei kitenga mona i a matou. Ka- ore ano nga hoia o Kanata kia hoki noa i taua takiwa nei. I haere atu matou ma te tereina i to matou puni ki te wahi i whakaritea ra hei kitenga i te Kuini. Te taenga atu ki te tei- hana e tata ana, ka tuku ki raro, katahi ka whiriwhiria matou ; ko Kanata ki mua, i mu- ri mai ko Ahitereiria, ko matou ko Niu Tireni te tuatoru, ko nga hoia o Keepa Koroni i mu- ri ake i a matou, ka haere atu ki nga mangu- mangu, ki nga maori o Whiti, ki ana kiri whe- ro, Tiapani, Tiainamana. Ko nga Inia kaore i uru mai ki roto i a matou, he mea wehe ke he ra mo ratou. Ka timata te haere, ka ahu matou ma te taha tonu o te whare o te Kingi, he mea ki ano nana me haere matou ma reira kia rongo ai ia ki ana hoia e haere ana i a ia e takoto ana i runga i tona moenga mate. Te taenga hoki ki te wahi hei kitenga i te Kuini ka whakararangi matou katoa. Mutu ana te- na raruraru, ka rongo atu matou, e tangi ana te umere, e haruru ana te waewae ki te taka- hi, kaore ko te pakeha e whakanui ana i to ra- tou Kuini, kei te haere mai hoki ia. Kaore i roa ka puta nga peene, nga tangata nunui, ara nga apiha e whakahaere nei i nga hoia a te Kingi, i muri atu ko te kareti o te Kuini, ko ona kai-tiaki ki mua ki muri. I mua rawa mai ko te Piriniha o Weiri, ara.ko te tangata i kite nei taua te Maori i Rotorua, me te Ti- uka o Konota taina o te Kingi, papa ki a ia. I muri mai i enei ko Rore Rapata me tona ti- ni noa iho o te rore, o te tiuka, o te apiha. Ha, rarama ana taua iwi nei ki te haere. Te putanga o te Kuini ki mua i a matou katoa ka karangatia te karanga whakanui, ka mea ho- ki te hoia i tana tu whakanui. Ka pera ano te wahine nei me Rore Rapata ra ka mataki- taki haere i a matou. Ko ona hoa i runga i tona kareti, ko te wahine a te Piriniha o Weiri, ara ko tana hunaonga, me tana tamahine hoki me Wikitoria. Te taenga mai ki a matou ka kite mai taua wahine ate Piriniha nei i to ma- tou ahua i o matou huia hoki ka whakaatu ki te Kuini ko matou nga maori o Niu Tireni. Tata rawa atu tona kareti ki a matou ka titiro mai ia ka mahi hoki te whatu Maori ki te ma- takitaki ki te mata Kuini. E hika i koa te nga- kau i te kitenga i te kanohi Kuini. I pera ano te Piriniha i whakaatu i a matou ki te Tiuka o
![]() |
3 3 |
▲back to top |
HE KUPU WHAKAMARAMA. Konota. Kite rawa i ta tatou manuhiri tua- rangi, i huihui ai tatou kia kite i Rotorua. Ka mutu tena mahi, ka hoki atu tona kareti ki mua i a matou katoa tu ai. Katahi matou ka haere atu i ta te hoia tu haere, he whaka- nui i a ia, piri tonu ki tona kareti haere ai, e whakahuangiaana tenei e te pakeha he " march past."—He tungou te mahi a tona mahunga ki a matou, me te mimingo kata ano. Kei hea te wahine i te Kuini, mo te pai, tae atu ki te mata te painga. Ka pai te wahine, ka aroha, ka whakahonore, ka arohatia ka Whakahonore- tia e te iwi. Te atahua hoki o te kanohi, ka- tahi ka kino rawa atu te haere. He wahine pakeke te Kuini, inahoki ra kua whai moko- puna rawa, engari ia ko tona ahua kei te tai- tamahine tonu. Tera e pohehetia atu kaore ano kia whai tamariki, mokopuna hoki. He roa atu te Kuini i te Kingi. I kite hoki ma- tou i a Pirinihehe Wikitoria, tamahine a te Ki- ngi, koia tetahi o nga hoa o te Kuini .ki runga o te kareti. Te mutunga hoki ka hoki te Ku- ini, ka hoki hoki matou nei ki to matou puni. RORE KITINI. I te nekehanga i te ra hei karaunatanga i te Kingi ka tukua matou kia hararei ara kia haere, ka haere nga pakeha whai whanaunga ki nga kainga o nga whanaunga noho ai. I te rongonga kei te haere mai a Kitini, ka to- noa enei kia hoki mai kia tae mai ki Ranana, ki te whakanui i te toa i te ra e tae mai ai ia. I taua ra ka hui katoa maua nga hoia o nga koroni, ko ia. kei te haere mai ma te tereina i Southampton ki Ranana nei, ka haere matou ki tetahi wahine tata ana ki te teihana hei tu- kunga mona. Ka puta hoki te Piriniha o We- iri, te Tiuka o Konoota, a Rore Rapata, me te tini noa iho o te rore o te tiuka. I haere mai enei ki te whakatau i a Kitini, i te maia, i te tangata nana i whakamutu te whawhai i roto o Awherika, ka whakaemi mai hoki te pakeha kiki ana nga wahi katoa e haere ai taua maro-. hirohi nei. I te paenga o nga whakariterite katoa, ka rangona atu te umere, haruru ana, kinaki atu hoki ki te pakipaki a te ringa me te takahi a te waewae, porangi ana te ahua o te pakeha i te koa, i te whakanui hoki i tenei pou taahu o Ingarangi, ka kite atu hoki matou nga Maori e haere mai ana, ko nga ariki i korero- tia ake i runga nei i mua, koia rawa i muri, ko Tianara Piriti tona hoa i runga i tona kareti. Ko to matou kitenga tenei i te tangata e rongo nei taua te Maori. Te kitenga atu i tona ka- nohi ka whakaae ake te ngakau e tika ana nga kupu e whakaatu nei TE PIPI, ka kitea katoa- tia atu i runga i tona kanohi. Ko tenei te tangata i tino rite tona ahua katoa hei hoia. Oho ana te tinana i te \\vehi ki te titiro atu ki a ia. He tangata roa, hei te haere hikaka to- nu, maaro tonu, me te kahikatea. Tona ahua rereke ana, mate ana, te kanohi whero tonu i te kainga pea a te ra i Awherika. Aroha ana ki te titiro atu, na te kaha tonu o te mahi, na te kore kaore e tau nga whakaaro ki raro, na te whai kia mutu te whawhai, na te aroha pea i a ia ki te kite i te mano o te tangata e hinga ana i tetahi taha i tetahi taha ona.' Ko te ta- ngata nui ata tenei inaianei, kei te kake haere tonu tona rongo. I kite tatou ko Tianara Pu- ra te kai-whakahaere i te tuatahi, kaore i mu- tu te whawhai ki te Poa, muri mai ko Rore Rapata, kaore tonu i mutu, taemai ki a Rore Kitini, ka whai ia kia tau te pakanga ki raro. I a ia i tenei turanga, ka tonoa e te Tari Wha- whai kia hararei ia, kaore ia i pai. Ka' ki te- ra, "I haere mai au ki te riri ki te hoa riri tae noa ki te mutunga." Ina kua kite tatou kua mutu te whawhai, ko tenei tana i whai ai i tohe ai. Kua whiwhi ki tana i tumanako ai. KINGI ERUERA VII. Kua pai ake te Kingi i tona mate, kua koa kua hari tona iwi i raro i a ia, kua hapainga te waiata, " E te Atua tohungia to matou Kingi pai." I tona painga ake ka whakatauria te ra e karaunatia ai ia, hei te 9 o nga ra o Aku- hata. I mua mai o taua ra ka huihui katoa matou ki to matou puni. Te tino mahi lie ako i nga mahi mo taua ra, he whakapai i nga ka- hu me era atu mea hoki. Te taenga ki taua ra ka haere atu matou ma runga hoiho ki te •wahi hei kitenga mo matou i te Kingi, he roa te wa i haere ai. I te toru i te ata ka haere atu matou, i te tekau pea ka tae ki te wahi nei. Ko matou ko nga hoia o nga koroni ka tu i te taha o te tiriti e haere ai a Nehe, kaore e uru ki te ropu hei arahi i a ia ki te whare e kara- unatia ai ia. Ka tu i kona ka tatari. He roa te wa i tatari ai. Ko nga whakaaro kaore i te tau ki raro, i te whainga kia tere tonu te kite i te Kingi. I nga whakaaro e penei ana ka rangona te harurutanga o te repo, he wha- kaatu tenei i tona haerenga mai, katahi ka whakananua e te umere a te waha, ka titiro atu te whatu, e haere mai ana te tini o nga pa- keha rangatira o Ingarangi; he piriniha, he tiuka, he rore, he aha he aha. Ka whakapu- taputa tena ahua, tena ahua, kanapa mai hoki te koura, te taimana, te aha ake i runga i nga kahu, mau ana mai te wehi. Ka penei tonu te ahua na he kingi katoa te ahua o te tanga- ta. E whakamarama ake ana ahau ki te ahua o nga tangata arahi, i puta mai i mua o te ka- reti" o te Kingi. I reira a Rapata, a Kitini, a ia tiuka, rore, me te huhua noa iho o te piri-
![]() |
4 4 |
▲back to top |
TE PIPIWHARAUROA, niha i emi mai ki te whakanui i te Kingi. Ka kite matou i nga ahua whakamiharo katoa, te tu o te tangata, nga kakahu, nga kareti, puta atu ki nga hoiho to, tae atu ki nga pononga te uiratanga o te kakahu. Ka kite i te peene e purei ana nga tangata i runga hoiho. Kaore e taea te tuhi nga mea whakamiharo i kitea. I mahi te whatu i tana mahi, nana noa kaore i ngenge i te nui o nga mea whakamiharo i matakitaki ai. Ka poto enei hanga, ka kitea atu te kareti o te Piriniha o Weiri me tona hoa wahine me a raua tamariki, ka matakitaki te whatu ki ena. E haere ana ano o raua kai- tiaki ki mua ki muri. I muri rawa atu ko te kareti o te Kingi. He kai-tiaki ki mua ki mu- ri, i uru etahi o nga hoia o nga koroni hei kai- tiaki mona, kotahi he awhekaihe ko Hone Wa- aka no Ngatiporou. Te kitenga atu mau ana mai te wehi. Tena kareti he Koura katoa te ahua, uwira ana. Ka rereke u i.u kareti e te Kingi. Ko nga taha e rua he karaihe katoa ; i kitea tonutia raua ko te Kuini e noho mai ana. E waru nga hoiho kirimi ki te 15. He tanga- ta ki runga i nga hoiho'e wha i te taha maui, he tangata ki te arahi i te mea kotahi o aua hoiho. Nga whakapaipai o aua hoiho nei au- ahi ana, puta atu hoki ki nga tangata. Ko to matou kitenga tenei i te Kingi. Rekareka ana i te kitenga, ka waiho hei whakaaroaro ma te ngakau i roto o nga tau e ora ana te tinana. I tata tonu to matou kitenga, kaore i neke atu i te tekau iari te tawhiti ona. He tangata to- nu nei te ahua, koi ana tonu e kite na koutou i ona ahua, kaore i ko atu. He kaumatua engari kei te mau tonu te ngawari o tona ma- ta, he kanohi a ahua ki te ma akitaki. E mau katoa ana ona kahu kingi, ko te karauna ana- ke kaore ano kia mau noa. He uwira ano o etahi ona kakahu, no te taenga mai o nga wha- tu ki tenei, kei konei ke ia nga tu ahua kana- pa katoa. Mau ana mai te wehi. Ka haere atu ia ka hoki matou ki to matou puni. Ka- ore matou i kite i tona karaunatanga. I kite matou i to a karauna me to te Kuini hoki i te Pourewa o Ranana-e takoto ana, e tiakina ana e te hoia. Ko te ra tenei i haerengia nei e matou, ka mutu nei, ka koingo mai te ngakau ki te wa kainga. Ka whiu te whatu i te ma- takitakitanga ki nga mahi a te pakeha. (Taria te roanga.) I MEA tetahi taitamariki o konei ki ona hoa i hoki mai i Ingarangi: " E hika ma ka kite nei koutou i Ranana ko te Rangi kei te toe atu. Kia kaha, kia kite hoki koutou i te Rangi." HE WHAWHAI KI TE WAIRUA KINO. I PANUITIA i tera marama te matenga o Hamaka, he tamaiti i whakaakona ki Te Aute. Kua tae mai nga pukapuka a tetahi ona hoa, a Reihana Paraone, kei Tonga e no- ho ana inaianei. Ko Reihana te hoa o Hama- ka i haere atu ai i Nepia ma te waewae ano, huri noa i Taupo ki Rotorua a tae noa ki Oko- roire, te kainga o te matua o Hamaka, kotahi to raua wiki ki te kainga ka tae. Ko Reihana ano tetahi ona hoa noho ki Akarana, i te iti o te utu mo ratou i nga tau tuatahi paku noa te ora, ka mate ratou i te hia-kai. Taunu ai eta- hi tangata ki nga tamariki o Te Aute mo te kore kaore e whakaputa i o ratou matauranga kaore ratou i te mohio ki te uaua o te timata- nga i te mea tekau ma rima hereni ano heke iho ranei te utu i te wiki. E kitea hoki i roto i tenei reta te kaha o te nui o te riri a te tai- tama ki te kino ki nga whakamatautauranga o te ao. He mea marama tenei, nui ke atu te whaiwhai a Hatana ki te tangata whakapono, e kore ia e whawhai ki te tangata kei tona ta- ha ra ano. Ki te kite a Hatana ka u tonu te whakapono o te tangata ka timata tana wha- kawai i taua tangata kia mea he tangata tini- hanga ia kahore kaa ona whakapono. E ki- tea i roto i tenei reta e whai ake nei i ti o to- he a Hatara kia riro i a ia a Hamaka, otira hinga ai a ia, kei a Hani ka te wikitoria ina- ianei, a kua tae ia kei tona korona. Ata tiro- hia tana reta: Te Reta a Hamaka. Ponsonby, Auckland. Ki a Reihana, E toku hoa, tena koe. E tu- hituhi ana au ki a koe mo te meera ap po, ko koe ke ia e tuhituhi mai ki a au inaianei, ara i tera meera. Ko to taua mate tawhito ano pea ko to te Maori, ara ko te atua nei ko " tai- hoa." Kia mohio koe kaore a " taihoa" e ta- tari ki te tangata, ahakoa ko wai te tangata. Otira kia mohio ai koe kaore tena mea te mau- ahara i a au, na reira kei te whakaheke te pe- ne, kei te ruku ki roto i te mangumangu. He ra tino pai tenei, kore rawa he pokarekaretanga o nga wa o mua hei takakino i tona tapunga. Kei ko ei a Retinara kei te whakatangitangi ia i te piana, kaore ano ia i te mohio kei te tu- hitahi atu au ki a koe. I tina ia ki konei, ka- ati i a maua e kai ana kei a korua anake ko te Watene a maua korero. E noho ana ano ia ki konei maua ti ai. I St. Sepulchre maua e karakia ana i tenei ata, e hoki ana ano maua ki reira i tenei po. Tokotoru matou Maori
![]() |
5 5 |
▲back to top |
HE KUPU WHAKAMARAMA. kei konei e noho ana, ko Wi Henare raua ko Raniera Kerehi etahi. Kua mahue i au to ta- ua kainga tawhito e kore e taea e au te noho, nui atu taku koa i taku putanga mai. Kua mahue to taua tiriti a "What-Ho!" tiriti. Hei aha ma wai e tama, kei te takoto mai he kainga ataahua, he kainga pumau mo taua. E kore e hunaia e au i a koe i te haerenga o te Watene tata tonu au ka porangi, e kore ho- ki au e miharo. I au e takoto mokemoke ana i runga i taku moenga ko au anake, ka hoki mai ki au a taua mahi o mua; i a te Watene i. konei e whai hoa ana hei korerorero, hei pe- ehi i nga whakaaro pouri. Otira e kore koe e wareware i au, hoki ake aku whakaaro ko koe. He hoki anake te mahi a oku whakaaro ki to taua timatanga ki te mahi i whakamomori ai taua, i etahi wa kaore a taua kai, kei te mohio koe ki nga mea kaha i pa mai ki a taua—a ko te mutunga he wehevvehe. Kaati noa te hoki whakamuri o aku whakaaro he pa mai no te pouri ki a au. Kua tae mai te mea nui i taria nei, a kua riro hoki, ara te whakawahinga o te Kingi. I mahara ano koe ki taua ra e ki nei koe he ko- ko.,ati te wai i inumia ai e koe te ora o te Ki- ngi. Ka pai ka tika. He ra tino nui tenei ki Akarana nei nui-atu te tangata, kaore i rika- rika. Kaore te tangata i tau ki raro a po noa. I tae mai ki te taone te pae-ra-uta me te piri- rakau. He tino pai rawa. Nui atu te ngahau te reihi hoiho—kua mutu toku pirangi ki te reihi hoiho—he pikiniki, he whutupaoro he whakatutu hoia me tona nui o te ngahau. Kapi tonu te taone i te-kara. i whakawhitiwhi- ti te putiputi me te rau rakau i nga huarahi, i tuhituhia he korero penei na, " Kia ora te Ki- ngi '•' me era atu kupu. Kaore i whakaaengia kia haere te kaata te paki te kooti ranei i Ku- ini Tititi- Ko te mano o te tangata i Kuini Tiriti ka titiro whakarunga ki te mano kei nga parani e tu ana, timata mai te korero i tetahi pito o te tiri i ki tetahi pito. I te po ka tahu nga ahi me nga mea whakakorakora, nui atu te pai. E Rei, ki te penei a te tangata hanga whakapaipai ka pehea ra nga whakapaipai o te rangi me ona whakamarama ? Ae, ka taea e te Atua te mea tetahi mea e kotahi miriona taima te painga atu me tona kororia nui. Wha- kaaro ki nga kuwaha peara o Pararaiha ki ona tiriti koura ki ona rama hapira me ona taima- na kanapanapa. E taea ranei te hoko ki te moni ? Kei te mohio koe ki Tana kupu, " Kia haere mai hoki te tangata e hiainu ana: kia tangohia noatia ano te wai ora e te tangata e hiahia ana." Engari he mea uaua rawa he mea pakeke. He tino kaha te rewera he tino ngoikore tatou. Inaianei ano te rewera kei te kimai, "To tinihanga Hamaka, kei te whawhai koe ki te whakaaro pakeke, he tamariki tonu koe, he nui nga ra mo te whakapoururu" o te mata."\_ Wehi ai au ki te mea atu, " Haere ake ki muri i au e Hatana," otira kaore au e pai kia mahue au ki muri na reira kaore e waiho e au te ki atu kia haere ia ki muri i a au. Te- ra pea koe e mea kua rereke taku ahua.. Kei te ahua maharahara ano au mo aku korero pe- nei ki a koe. E mohio ana au kei te mea mai te rewera, " He tinihanga, he tinihanga, kaore kau ona whakapono." Engari he whakaaro pouri tenei; waiho ake enei korero, e te hoa. Huhu ana te rere a te taima. Nui atu taku hiahia kia kite i o taua hoa kura o Te Aute, engari e kore au e kite, me kite moemoea noa. Nui atu taku hari i au e tuhituhi nei i. tenei reta ki a koe, kaore rawa i penei taku hari i mua atu. Kei te whakatangitangi tonu a Re- tinara i te piana, ka rongo atu au e tangi ana ka pa mai te pouri ki taku ngakau, ka puta aku whakaaro ki nga ra ka huri nei ara ki nga ra i kura ai ki Te Aute. E Rei, kei te rere te taima, kaore heki au e pai ki te ' taihoa.' Me te mea nei au kei te rongo ki tetahi reo e kara- nga ana, " Hamaka! Hamaka !*' he whakaaro noa pea na aku mahara. Katahi ano ka ma- rama taku ngakau. Me ' kuru-pai' atu au ki a koe inaianei, kei te takatu maua ko Retina- ra ki te haere ki te karakia. E koro hei kona ra ka huri tenei. 31/8/02 Na HAMAKA WHAKAHEKE. HE TANGATA NGARO. ETE Etita e inoi-atu ana au ki a koe kia panuitia atu e koe a Mohi Pirika pea,' kia rongo mai ona whanaunga i whea ranei o te motu nei. Ko tenei tangata he taitamari- ki, i hemo ki Tangirau, Waikato, i te 26 o Akuhata 1902. I nehua e au ki Taupiri i te 30 o Akuhata. Ki nga rapunga a ana ranga- tira a Ngatinaenae, e ki ana etahi no Mohaka a Mohi, ki te ki a etahi no Nepia. Ki te ki a etahi ko Mohi Pirika, ki ta etahi ko Mohi Ta- ae. Otira no nga whakariteritenga kitea ana i roto i tana pukapuka tatau i ana hipi i kuti ai e ki ana Mohi Tare. Mohiotia ana ehara a Tare i te ingoa nona engari he whakahua pakeha i tana tatau ara ' tare'. I whakahau mai ona rangatira maku e kimi ona whanau- nga. I tuhi au kia Rev. H. P. Huata i Mo- haka, ka rua enei marama e tatari ana ahau ki te utu mai. Kaore na kona i tukua atu ai kia panuitia. Na NIKORA TAUTAU.
![]() |
6 6 |
▲back to top |
TE PIPIWHARAUROA, NGARONGA O TE PIPIWHARAUROA. Ki TE ETITA o TE PIPIWHARAUROA. TENA koe te kai-tuku i TE PIPI kia haere i ki nga wahi katoa o te ao, whakaatu ai i nga pouritanga, i nga ngahautanga, i nga auetanga, i nga koanga o ia iwi, o ia hapu, e noho mai nei i nga topito o te ao. Kua kite iho ahau i te whakahoki a Julian Thompson, o Hauiti mo taku patai mo te nga- ronga o te pipiwharauroa i te takurua. E hoa e Tamihana he korero tena kua waimehatia ki nga taringa o nga kaumatua. Anei ia te wha- kaaro kia takoto tika ki nga taringa o a tatou tamariki e heke iho nei. Inahoki ko te kuaka huihui ai ki te Rerenga Wairua muri iho ka hiki te waewae o te iwi nei ki Oropi. Kua marama tenei i TE PIPI te whakaatu. Kati e hoa mehemea-ana ka taea e koe te whaka.itu te hekenga o te pipi me te kainga huihuinga i mua o to ratou haerenga whakaatutia e korua ko to pukapuka, kia noho tika ai te rongo o te hanga tamariki e heke iho nei. A kia haere atu hoki etahi kamakama kia kite i te - tanga o te pipi ki o motu mahana kua panui- tia nei. Kua korero a W. H. Cooper tetahi tino pa- keha o Turanga nei ki au. Ko te pipi e hoki ana ki nga motu mahana, engari noho tonu ai i roto i o konei ngahere. He wehi i te matao i kore ai e puta.ki waho tangi ai. Tana whakawhanau heeki hoatu ai ki roto o te kohanga a te horirerire mana e awhi. He kohanga tana i kite ai ia i runga o Akarana i i te ngahere. Ko te kohanga na te horirerire ko te kuao na te pipiwharauroa nui ato te tua- hae o te koka horirerire i reira ki taua kuao. He maha ona hoa i kite i te taenga i a ia o tenei kohanga ki te taone i Akarana. Kai te ora katoa ona hoa inaianei. Kaati i konei e te E- tita kia pau ai ki roto o tetahi noa ona paihau takoto ai enei rapanga noatanga. TAMARANGI KINGI. Waerenga-a-Hika. TE RAUKAHIKATEA. HEI te 13 o Tihema mutu ai te kura o Te Rau, e hokihoki ai nga tangata ki o ratou kainga. Ko enei nga tangata i tae mai i tenei tau, ko :— Ropere Tahuri me Mihirini, Tuahangata Pereiha, no Te Arawa; Reweti Kerehoma me Ngahiraka, Makore Taurere me Rawinia, Hori Raiti me Tipina, no Te Ra- rawa ; Karira Karaka, no Ngapuhi; Riwai Hiwinui, Poihipi Kohere, Paraone Tarei, Ra- niera Kawhia, no Ngatiporou; Ware Waitai, no Ngatikahungunu ; Ernest Cartwtight no Ingarangi, i mate ki te moana. Tokorima nga tamariki pakupaku. Tokowha i uru ki te whakamatautauranga minita pakeha, i puia katoa. Ko Reweti Ko- here raua ko Riwai Hiwinui i te turanga tuatoru, e ahei raua te whakapangia hei minita pakeha ina pai raua; ko Ware Waitai i te turanga tuarua, ko E. Cartwright i te tu- ranga tuatahi. He nui te aroha o nga tangata o Turanga ki te kareti. Ia tau ia .tau e tae tonu mai ana he kaata tae A a a Tame Arapata. I tae mai ano he kaata taewa a Paratene Tatae, a Heni Matuarakau me Mere Kingi. He tino aroha tenei ki te Hahi Maori, he kohikohi tino nui. TE KURA PAE A MAHINA. Ki TE ETITA o TE PIPIWHARAUROA. EHOA tena koe. U aina atu nga kupu nei ki nga parirau o ta tatou manu, kia kite iho ai toku hoa a Wi Pauro Te Whareai- tu. E hoa tenei tau panui kua tatu kei toku marae, ko taku whakautu mo to panui tenei. Haiaha i peatia ai me kite tonu iho ehara enei kura i a Tamatekapua. I pohehe pea koe kei tawahi a Ratanui ina hoki to korero e mau ake nei, ko te rukenga ki te wai i nga kura o ru- nga i a Te Arawa, he whakahoki, ki tawahi ko- ia nei te take i pakangatia ai a heke noa mai nei a Te Arawa ki tenei motu. Ana, nau ano i ki mai kai tawahi tonu atu au kura. E hoa te korero a nga kaumatua o konei i hangaia e Tamatekapua ki te poukoki tona haerenga ki te tahae i nga whakamarumaru o Uenuku, ko- ia nei pea au kura e korero nei, he mea tahae na Tamatekapua nga kura a Uenuku, inahoki te kupu o karakia, " Koi mau noa ki nga po- roporo a Nehe, ko Tuhepo ko Tuheao nga ku- ra a Tamatekapua." Mo to korero mo nga waka, e kore rawa au e whakaae atu i u a Te Arawa ki konei, he aha koia te tohu o te unga o to waka ki konei, ko hea koia te awa i u ai to waka ? Te korero a nga kaumatua o ko- nei ko Tainui anake te waka i u ki konei, ka- ore a Te Arawa me etahi atu. Ina hoki nga tohu o Tainui, ko tona takotoranga kei konei, kei konei ona punga e rua, ko Marokawiti te ingoa o tetahi, ko Pohatunui te ingoa o tetahi: kei konei te tataa o Tainui. I heke atu a Ho- turoa i konei me ona hoa mauria atu ana to- na waka a Tainui, u rawa atu ki Kawhia, ma- hue iho te tangata o runga i a Tainui i konei
![]() |
7 7 |
▲back to top |
HE KUPU WHAKAMARAMA. ko Ruamoengarara ratou ko ana tamariki. E hoa mehemea i u a te Arawa ki konei he aha i kore ai e kitea e Tamatekapua aua kura ? To mahara pea he tawhiti atu a Whangaparaoa ki Ratanui he tata mai a Moehau. Ko Rata- nui kei raro tonu i toku remu i au e korero atu nei. Maihitia ana nga otaota o te wahi i pae mai ai nga kura nei i te oinga o toku remu. Ko Ruamoengarara te tangata nana i tiki a Pou i tawahi me tona waka me Tauiramaita- whiti, mona hoki te whakatauki nei, " He ka- rere tauira ko Ruamoengarara ka hiki i te ara." Kaore au e ki atu ka pai to tautoko i te kore- ro a Takaanui, engari i tapahia e koe. Hei aha o karakia? Ina te pao me pitopito:— " Te Kura a Mahia kei Ratanui i koia te tau- titi." " Kei te awa i Ohuri i mai te kura, a na Mahia, nau mai e tama!" Heoi kia ora tonu koe o te hoa i te atawhai o to tatou Ariki, N . Whangaparaoa. MANIHERA WAITITI. TE OPE HOIA MAORI. NO te 2 karaka i te Hatarei te 25 o. Oke- topa ka u a te Tongariro ki Akarana i runga a Te Hetana me tana whanau, a Kana- ra Poata me te Ope Hoia Maori, pakeha. He nui te tangata i te waapu e tatari ana ki te powhiri i a ratou. No te Turei ka eke mai a Te Hetana me te toenga o nga hoia ma te Tu- tanekai, ko etahi i marara i Akarana. Ko Te- rei Ngatai ko Weihana Taramea me Henare Kohere no te Wenerei ka u mai ki Tura- nga nei. Nui atu to ratou ora, nui atu hoki te whakamihi mo ta ratou haere, ki ana te puku i te haere, puhake ana, makona ana nga kano- hi i te matakitakitanga. I puta a ratou kupu whakamihi mo te pai o ratou apiha, mo te pai hoki o Te Hetana. E kore nga korero e pa- enga wawe, me waiho ma ratou ano e whaka- taki. Kaati noa ki a tatou nei ki te noho kai- nga ko te paepae anake i nga taringa, ko te whakamahi ranei i nga kanohi ki te titiro i TE PIPIWHARAUROA. E whakamihi ana matou ki te pai o enei tamariki, kaore he ingoa kino. I tirohia e ratou nga mea katoa i runga i te ngakau whakaaro e whakaaturia nei nga kore- ro i TE PIPI. Kaore ratou i whakahawea ki nga mahi maori, ki te haka, a ki ta matou whakaaro na konei ratou i ingoa nui ai. He tamariki kareti etahi o ratou otira i hihiko ki te whakaatu-i nga tikanga a o ratou tupuna ki era atu iwi, ko nga mea tino Maori ia o ratou i whakatomumuri ki enei mahi. He ope tino rangatira tenei. HE KUPU WHAKAHAU. (Te kauwhau a Rev. F. W. Chatterton ki te karakia toopu i Te Arai, Oketopa 26, 1902.) HE kupu torutoru aku ki a koutou i mua i te mutunga o tenei karakia. Kanui toku koa ki te kite, i enei tangata ka- toa i roto i tenei whare o te Atua, ara nga ta- ngata o Whakato, o Ohako, o te Pahou, a o etahi wahi hoki. Me waiho tenei hei timata- nga mo te oranga hou o te hahi o tenei takiwa. Na runga i tenei me matea e tatou te kaho o te Wairua Tapu. Kia noho ia i roto i o kou- tou ngakau. Ko te wahi i noho ai te Wairua o te Ariki, kei reira te oranga pono, ma reira e tupu ai te whakapono me nga mea tapu katoa. Hei ra tenei no te hari tino nui. He ra wha- kamoemititanga. Me waiho tenei ra hei tima- tanga mo te karakia i tenei whare. E koutou katoa e noho nei i Whakato, i O- hako, i Te Pahou, i Pakirikiri, haere mai ia Ratapu ia Ratapu ki to koutou whare-karakia ki te whakaatu i to koutou ngakau whakawhe- tai ki te Atua mo ana mea homai noa katoa. He mea pai te whakamine mai o nga tanga- ta o tetahi takiwa ki te whare karakia, no te mea ko te tino wahi tenei hei huihuitanga mai mo nga tangata katoa, ahakoa i tupu pea te- tahi raruraru i waenganui i etahi tangata o te- tahi takiwa, a i to ratou haerenga mai ki te te karakia i konei e kore e wehewehe, engari ka kotahi tonu te ahua, no te mea he whare tenei mo te katoa—a hei konei -te kitea ai te aroha i ngaro ra; hei konei hoki ka kaha te mura o te whakapono, kia kaua e tineia. E tumanako ana ahau kia tupu nga pura- pura i ruia nei e matou i enei ra kua pahure nei, ara, kia tupu ki runga ki te oneone pai. Heoi e aku hoa aroha kia mau tonu ki te ku- pu a Ihu, no te mea i mea a Ihu, ' Ki te mau tonu koutou ki taku kupu he tino akonga kou- tou naku.' ' Kia mau tonu ki te aroha noa o te Atua.' Kia u ki te inoi, kia mau tonu te aroha ki nga teina, kia mau ki nga mea i ako ra koutou, kia pumau koutou ki te whakapo- no, u tonu, mau tonu, te taea te whakaneke atu i runga i te tumanakotanga atu ki ta te rongo pai i rongo ai koutou. HE PANUI. KEI a matou etahi Katikihama hei akoranga ma te Tamariki me Nga Inoi mo nga Ratapu. Ki. te whakaatu mai tetahi minita i ana e hiahia ana he tukua noatia atu.
![]() |
8 8 |
▲back to top |
TE PIPIWHARAUROA, PITOPITO KORERO. NO te. 9 o tenei marama ka eke nga tau o te Kingi ki te 61; hei te 1 o Tihema ka eke o te Kuini ki 58. HEI te 25 o tenei marama te ra pooti mema pakeha. E nga tangata e pooti ana mo nga mema pakeha patua te hoko waipiro ara patua te raina tuatahi: I vote that the number of licenses in the District continue. I MEA a Te Hetana nui atu te porangitia o nga Maori e te pakeha o Ingarangi; ki ta nga Maori ki ia ko nga mangumangu o Whiti nga tino mokaikai a te pakeha. E HARI ana matou kei te whakarite etahi iwi i te Inoi a te Komiti Hokohoko o Akarana I hui a, Ngatiraukawa ki Poneke ki te whaka- rawe moni mo te Kura Kotiro i runga i te tono a Reiri Ranapare. I nui ake pea i te £100 te moni i riro mai. I WHAKARITEA te kohi o tetahi karakiatanga kotahi o tetahi whare karakia pakeha i Otepoti mo te Hahi Maori; .i eke te kohi ki te £61, e kohi ana ano tenei pariha e £50 ia tau ia tau hei whangai mo nga minita o Waikato. He mea pai kia kohi nga whare karakia Maori katoa ia Ratapu ia Ratapu. KUA tae mai te pukapuka a Rev. Nikora Tautau he whakaatu mai i ta matou korero mo te matenga o Te Ripi, tama matamua a Ma- huta. Ko Tawera ke ko te tamaiti tuarua a Mahuta i mate, i mate ki Akarana, na Nikora i nehu ki Taupiri. E.po.uri ana matou mo te he o ta matou korero, engari no te waea mai o Akarana taua korero, kaore matou i mohio he he. I RERE mai tetahi kaipuke ko " te May." te .ingoa i Kaipara ki Manakau, e toru nga rewa, he papa te utanga, na tetahi tima paku i parete. I te moana ka-puta he hau nui, ka tukua e te tima, katahi ka paea ki uta. Hei te whatinga o te ngaru ka tahuri, mate katoa nga tangata kotahi ano te morehu,he Maori ko Wati Dunn te-ingoa. Kotahi maero tona kaunga. Nui atu tona kaha, i pokia ia e te ngaru, otira riri tonu. No te unga ki uta ka hoki ia ki Kaipara e iwa maero te tawhiti, nana i panui to ratou mate. I riro i tenei tamaiti te metara tiamu- piana mo te kau i mua atu. Heoi ano tana taonga i u i a ia ki uta, i herea e ia ki tora ringa mo tona mate rawa ake ka kitea e ona tuakana tona ingoa i runga i tana metara. I ki a Wati i te mea ka tata to ratou kaipuke te tahuri ka tuturi katoa ratou ka inoi ki te Atua. KEI te whakaotioti te. tima nui atu i te ao ko te "Cedric" no te White Star Line. E 21,000 tana, e. 9 nga whakapaparanga, e 365 nga tangata mahi, e 3000 nga pahihi e taea i te haerenga kotahi. Engari kei te hangaia ano e te Tiamana he tima kia nui atu i te "Cedric" kia 32,000 tana, ko te ingoa ko "Kaiser Wilhelm II." MOUMOU paRui noa matou i te pikinga o Kanara Poata, he korero noa ia na te tangata. I ahu mai taua korero i Poneke. No te unga o Poata ki Akarana ka ki ia kaore ano tona ingoa kia whakarereketia, kei te Kanara Poata tonu. I TATA pea ki te 20 nga tau i riro he ai etahi whenua o Turanga nei i te pakeha, i runga i te hoko e ai ki a ratou, ko Waingaromia me Rangatira. I te wi akawakanga a te Hupirimi Kooti ka tukua ma te Kooti Piira, whakataua ana e te Kooti Piira ko nga Maori i tika, me whakahoki nga whenua ki to raua a ua ano o mua, me whakakore te tiwhikete a nga pakeha kei a ratou aua whenua. Kua tonoa e te roia o nga pakeha kia tukua ma te Runanga Nui o Ingarangi e whakawa. •NA Ruka Haenga o Tuparoa etahi kupu whakamihi mo nga mahi a te Kaunihera Whe- nua o te Tai-rawhiti i tu ki Tuparoa. 1 kitea te mama o tana mahi i whakawakia ai etahi poraka nunui e nga komi i poraka. Tokorua ano o te Kaunihera i reira ewhakahaere ana ko Te Kira, tumuaki, raua ko Wiremu Potae. I tukua te whakatauranga ki Poneke whaka- mana ai. No Waikato rawa tenei korero;— I te ra i karaunatia ai a Kingi Eruera, kaore tetahi taitamariki i haere ki te ngahau ki te whare karakia ranei, ko Karauna T. Tautau, no Uawa, i Hopuhopu, Taupiri; ko tana mahi he tiri putiputi hei whakamahara- tanga mana mo taua ra, i hanga retatia e ia te tiringa i nga kakano, i peneitia:— Aug. 9,1902. Ko te he o te putiputi he mate engari te rakau. I tiria he oki ki Whanganui e nga pakeha hei whakamaharatanga mo te karaunatanga i a Kingi Eruera, Akuhata 9, 1902. -—»xx*— - PANUITANGA. KA tu te hui tau o Te Kotahitanga o Nga Tamariki o Te Aute ki Taumata-o- Mihi, wahi o Waiapu, a te 19 o nga ra o Hanuere, 1903.
![]() |
9 9 |
▲back to top |
HE KUPU WHAKAMARAMA HE KAIPUKE PAKARU. HE mahanga marama i hahu ai te Hai- namana i o ratou tupapaku i Niu Ti- reni nei ka whaiti ki runga i te kaipuke, i tata pea ki te 500 nga tupapaku. He tikanga na tenei iwi me takoto ra ano ratou ki to ratou kainga. I whakaritea te utu ma ia Hairama- na i Niu Tireni kia £2, ki te kore te tangata e utu hei tena hokinga ki Haina ka tonoa ki te £4. Ka ki ra te tinia ka rere, no te taanga ki waho o Taranaki ka pa te takere ki te toka, otira haere tonu, no te taenga ki waho o Ho- kianga kua ki i te wai ka timata te totohu, pa- pu noa i te wai kaore i taea, ko te tukunga i nga poti ki te moana, e wha nga poti. E rua nga poti i u ki Hokianga kotahi na te tima i kite. Ki te korero a nga tangata i u ki uta ko te wha o nga poti i tahuri ki te moana, ko te kapene me tetahi o nga mete i rere ki te moana. namana i o ratou tupapaku rukea noatanga ki te moana, engari he mea inihua rawa nga tinana mo nga mano pauna maha. He Hai- namana, he Hainamana. HE INOI KI TE IWI MAORI. KI te Iwi Maori o nga motu e rua o Aotearoa me te Waipounamu ; ki nga rangatira tane me nga rangatira wahine; ki nga tane ki nga wahine, ki nga kaumatua ki nga tamariki, ki nga kotiro. Tena koutou katoa ! He inoi tenei na matou na te Komiti o te Hoko- hoko mo te Wikitoria Kura Maori, kia awhina koutou i a matou i to matou hiahia ki te whakanui i te oranga mo te kura. Kua puta te whakaaro o nga kotiro me nga wahine pakeha puta noa i Niu Tireni, engari ko te nuinga no Akarana me nga takiwa e tata ana, kia kaha ratou ki te awhina i o ratou teina ara i nga kotiro Maori, a ko to ratou tumanako kia awhina koutou katoa, kia whai tika- nga ai tenei hokohoko. E wehea ana tetahi ruma mo nga taonga anake a te Maori, i homai hoki e te Maori, he takapau he whariki he kahu, he kete, he poi me era atu taonga a te Maori. Ki te tautoko te Iwi Maori katoa i tenei whakaaro, ki te mahi taonga mo tenei hokohoko, tena ko tana, tena ko tana, e kore rawa e hapa te nui o te moni, no te mea e tino whaia ana a koutou hanga. E te Iwi Maori ka tatari matou ki te whakahoki mai o ta matou inoi. Heoi ano, kia ora tatou katoa i raro i te maru o to tatou Kingi kotahi i raro hoki i te atawhai me te aroha o to tatou Ariki kotahi. Na o koutou hoa aroha, na te Komiti. L. GILLIES, Gladstone Road, Parnell M. HORTON, St. Stephen's Road, Parnell. A. STEVENSON, Portland Road, Remuera. E. CLARK, Victoria Avenue, Remuera. HUI KI WHAKATANE. Ki TE ETITA o TE PIPIWHARAUROA. EHOA tena koe. He tauhou ahau ki te tuku korero ki TE PIPIWHARAUROA, no reira ka penei taku korero atu. E hoa e te Etita tukua atu aku korero'ruarua ki runga i nga parirau o ta koutou manu o TE PIPI hei kawe atu i nga korero me nga whakaotinga o te hui kawanga o Anaru whare-karakia te ti- no apotoro a te Karaiti, kua tu nei ki toku ka- inga ki Pupuaruhe, wahi o Whakatane. No te 30 o nga ra o Akuhata nei ka noho te hui ki te marae, no te 1 o Hepetema ka whakatakotoria te pereti a Te Tahi-o-te-Ra- ngi, te mana honore o nga mana katoa o te Tai-Rawhiti. Te Tahi-o-te-Rangi, Tiaki Rewiri. £28 o o Pai o Hauraki, Tuterangi, 10 o o Manaia, Tame Paraone. 200 Hotereni, Thames. Hoeta Minita. 2 10 o Tuparoa, Aperahama Tamihere. 1 5 b Te Pohutu, Hone Waitoa. 500 Te Kaha, Hori Kerei me Te Paea. 500 Rangiuru Tapuika, Rota Wharehuia. 15 10 o Rangiwewehi, Waitaha, Rameka Haumia. 17 10 o Hatupatu Ngae, Rotorua, Ngawhika Tikitere. 4 10 o Hui katoa. £92 5 o Kua oti rawa tenei moni te wehewehe e te Komiti o Te Patuwai, i peneitia ta matou we- hewehe. E £34 53. hei tino whakaoti i te whare-karakia; e £38 i taumahatanga o Te Tahi; e £20 mo te wero a te Atirikona Wire- mu, heoi tena. E hoa ma e nga iwi katoa, tena koutou, kei pouri o koutou ngakau mo taku whakaotinga i nga moni kua wehewehea nei e matou ki nga putake e toru kua tuhia i runga ake nei. He hui tino iti rawa tenei no nga hui katoa o te Tai-Rawhiti nei, e 50 tonu nga tangata i tae mai ki tenei hui nga manuhiri me te tangata whenua hoki, tera ke atu nga hui whai tanga- ta whai moni hoki—kei te takiwa o Ngatipo- rou o Rongowhakaata, engari kaore ahau i mo- hio e hia ra nga wehewehenga o aua moni. He tino mahi whakamiharo te hui penei, ko toku ruihi i nga taumahatanga o te marae i aku hui ka rua nei, £124 7s. 6d. Haunga hoki nga moni kohikohi mo te pereti kei wa- ho tena kei te whare-karakia. Heoi ano. Na ta koutou mokai, TIAKI REWIRI. Whakatane, Hepetema 29. [E tino whakamihi ana matou ki te whaka- haerenga o tenei hui, ki te wehewehenga hoki
![]() |
10 10 |
▲back to top |
TE PIPIWHARAUROA, o te moni, marama ana, he hui rangatira. Kei ko mai nga hui nunui e kopenua noatanga ana nga moni ki te pouritanga, te £8oo me te £500. Ka ui te ngakau, kei hea ra ? Ka whakaho- kia mai e te pari-karangaranga o Te Kuri, o Tawhiti, kei hea ra ?—ETITA.] £& $$ $$ MO TE NGARO KI TE WAI. PANUITIA atu te rongoa mo te mate ki ro wai, hei whakamatau. Ahakoa ka wha haora ki roto i te wai, ka kitea e ora ina tika te mahi i runga i enei tohutohu. Ki te kitea kauaka nga kakahu e unuhia, kia tere te tahu i te ahi, hoatu nga rakau maku ki runga me nga rau maku, kia kore ai e mura te ahi, kia nui ai te pawa. Ka hapai i te tupapaku ka pare i te matenga, mahunga, upoko ki ra- ro, ko nga waewae ki runga, ko te whai kia tomo atu te pawa ki roto o te ihu, ki te tihe te tupapaku me mutu me tuku ki raro ki tahaki, ki te kore e tihe, ka puta mai te huka i te wa- ha i te ihu ranei, me mutu. Tukua ki raro, kia tere te unuunu i nga kakahu maku kia te- re te hoatu i nga kakahu mahana ara maroke. Ko te mahi i tenei wa he whakakopae ki te ta- ha o te ahi, ka hurihuri tonu kia uru te maha- na ki a ia, ki roa koe e pena ana ka pakaru mai te wai kua puta mai te wai, kua ora ia i tena. Pai atu tena mahi i ta te pakeha e miri nei kia mahana. E te mea e tupono kia kite i tenei tu mea whakamatauria. He tino ma- tenei na tetahi iwi o Waikato nei, ora katoa ona mate penei. Kua whakamatauria te mea kua tae ki te wha haora a kua ora. Ko tua atu i te wha haora kaore ano i whakamatau- ria, engari katahi ano ka taka atu ka taea ake parea te mahuna ki raro ka rui kia puta te wai. kua ora. Na NIKORA TAUTAU. TE WAHINE A KAINA. IPUTA etahi kupu i tera marama mo te patai a te tangata ko wai te wahine a Ka- ina. Kei konei tetahi minita ki te patai penei ko tana whakahoki tenei, " Ehara tena i te mea e ora ai tatou." Kaua hoki tatou e po- hehe he whakapono te mohio ki nga Karaipi- ture, ko tenei mea ko te whakapono no roto i te ngakau. Otira he whakaaro pai ano pea te whakamarama i te wahine a Kaina, ehara i te mea ko te tino whakahoki e tatu ai te nga- kau o te tangata. Ki taku whakaaro i moe ano a Kaina i tetahi ona whanaunga. . I tata ki te 1000 nga tau o Arama i ora ai heoi i enei tau kua tini a raua tamariki ko Iwi, kua moko- puna tuarua, tuatoru, tuangahuru noa atu. I whakahuatia ai ko nga ingoa anake o Kaina raua ko Apera me Heta, no te mea ko ratou nga matamua, he tikanga ano tenei na taua na te Maori te tango tonu i nga matamua hei whakatakinga i te kawai. (Tirohia te whaka- papa i a Kenehi v.) Ko te tawhai a te Pai- pera ko te whakataki i te kawai o te Karaiti, o Arama tau iho ki a ia. Koia nei noa te wha- kahoki mo tenei patai tawhito, ehara i te mea hou. Engari kia tupato kei porahurahu noa o tatou ngakau ka wareware nga mea o te ta- pu o te oranga tonutanga. " Kia mahara ki a Ihu Karaiti " e ai ta te Apotoro, koia te tima- nga, a waenganui, te mutunga me te Ake to- nu atu. * * * INA TAE KI TE RANGI. [RANGI: When we all get to Heaven. (Alexander's.)] WAIATATIA te aroha Waiatatia tona pai Kei nga wahi o te rangi To tatou nei tauranga. Korihi: Ina tae ki te rangi Hei ra tino hari tino koa, Ina kite i a Ihu Ka hikitia te waiata. 2 He manene tatou katoa, Ano he manu rere E wawae nei i te pouri Ki te wahi marama. 3 Tena ra kia pono tatou, Pono i nga wa katoa. Ko te kite kau i a Ia Tino utu nui noa. 4 Haere maia-tonu tatou ! Tona mata hei poa, E tuwhera noa nga tatau, He marae no te koa.
![]() |
11 11 |
▲back to top |
HE KUPU WHAKAMARAMA. HE AITUA NO TE MOANA. Te Pakarutanga o te Elingamite' HE nui te pouri i te taenga mai o te kupu kua pakaru a te Elingamite tetahi o nga tima o te Hatata-Paapa Kamupene. I rere mai i Poihakena ki Akarana, no te wha- katatanga ki te Rerenga-wairua ka u ki runga toka i Ohau (Three King's) he moutere' kei waho o te Rerenga-wairua. E toru ano nga tima o tenei kamupene kei Niu Tireni nei e mahi ana,, ko te Westralia, ko te Zealandia me te Elingamite. No te tau 1897 ka pakaru a te Tasmania ki te Mahia i mate ai etahi o nga tangata. Ko te tawhiti atu o Ohau i te tuawhenua ara i te Motu-o-Pao e 35 maero, he maha nga motu, e toru nga mea nunui, ka- ore he tangata o runga, engari e kiia ana he poaka kei runga e taka ana. Ko te Elingamite e 2585 tana te nui. e 58 nga tangata o runga, 120 nga pahihi, Inu ka- toa nga tangata 178. Ka whakatata mai ki Niu Tireni ka tau te kohu ka ata haere hoki te tima, i runga tonu i te ata haere ka eke ki te toka. E ono nga poti i tukua ki te wai e 2 nga mokihi. I te tukunga ka tahuri tetahi ka kohikohia hoki nga tangata e te poti o te mete tuatahi, na tenei i kawe mai te korero ki te tuawhenua. No te ata o te Ratapu, Noe- ma te 9 ka eke te tima no muri i te tina o te Mane ka u tenei poti ki Houhora, i tata ki te 100 maero te tawhiti mai i Ohau, e 27 nga pa- hihi, 15 o nga tangata o runga i te tima i ru- nga hui katoa e 52, e 7 nga wahine e 2 nga tamariki, kotahi te wahine i mate i te matao. Tae mai ana te korero ka haere nga tima e rima ki te kimi i nga poti, kotahi te manuao, kotahi hoki te kaipuke heera engari he tinia ano tona, i rere atu tera i Houhora, heoi kei te tatari te motu katoa ki te rongo pai ki te ro- ngo kino ranei. Ki te whakaaro kua u nga poti kei Ohau, i mea hoki a Kapene Rire e mohio ana ia ki te unga poti i Ohau. He pa- •hihi ia engari i riro i a ia te whakahaere o te poti tuatahi. Kei te tangi te pakeha, nga wha- naunga, kei nga whare waea tonu e tatari ana ki nga rongo korero. Ka rongo te tangata e whakahuatia ana te ingoa o tona whanaunga kua ora ka karanga, " Kia whakapaingia te Atua", ki te kore te ingoa e whakahuatia ka timata te tangi te aue. Ka mau te wehi o te pakeha ona mate. Hei haerenga whakamutunga mai tenei mo te Elingamite ki Niu Tireni nei, ka tae mai ho- ki a te Victoria hei riiwhi mona. Ko te kape- ne o te Elingamite ko Attwood he mete tuata- hi no te Zealandia, no te mutunga o te mahi a te kapene o te Zealandia ka nukuhia ia hei kapene mo te Elingamite. Rongo o muri nei. 1 te ata tu o te Wenerei ka tutaki a te Zea- land i a. te Omapere i waho o Mangonui ka mea mai a te Zealandia e 89 nga tangata o te Elingamite i kitea e ia i runga i tetahi o nga motu. No te ahiahi o te Mane i rere atu ai a te Zealandia i Akarana e haere ana ki Poiha- kena, no te Turei ka kitea nei e ia nga pahihi i runga i te motu. Nui atu te aroha o te pahihi i te taengamai o te Zealandia ki Akarana. I ki tetahi o nga pahihi, karanga a: a te kapene kia hoki wha- kamuri ko te ekenga tonu o te tima, kua kite hoki ratou he maunga irunga, ake i.nga mai- he. E 30 meneti ano 'kua'totohu te tima. Na te hohoro tonu ki te tuku i nga poti i ora ai. 1 te wha whai kore rawa he kai i eke ki nga poti. Kotahi te Ahitiriana i mate he mea pa- tu ki te hoe, i rere mai taua iwi ki runga i te poti o nga wahine o nga ra tamariki, e kiia ana hoki kore rawa ratou i tangotango ki nga poti. Na Kapene Rire nga poti i arataki ki uta, e toru nga poti, kotuhi te mokihi. No te Mane rawa ka u, ko te mokihi no te po. Ko ta ra- tou kai i runga i te motu he papaka, he wehi- ke, hei whakamahana. I hangaia he whare mo nga wahine ratou ko nga tamariki ki nga heera o nga poti. I puta ano te whakaaro kia rere tetahi o nga poti ki te tuawhenua ki te ka- we korero, i te kino o te moana kaore i puta, i pakaru hoki nga poti kotahi ano te mea i ora. I te kitenga atu i te Zealandia ka tahuna he ahi, pongere ana. na reira i kitea atu ai ra- tou. Te ekenga ki runga kaipuke nui atu te hari, ka mahana ka kite hoki i te kai. Kota- hi te poti me te mokihi kei te ngaro tonu, ko tahi te wahine kei runga o te mokihi. I te pakarutanga o te tima i kitea etahi kua mate, ko te kapene me te mete he mea tango ake i ro wai. Ko te poti i tahuri i waenganui i te tinia me te toka. E 30 e 40 ranei nga mea kei te ngaro tonu, kei te kimi tonu etahi o nga tima. Te utu o te tima e £50,000, ko te nuinga o tenei moni kua inihuangia. £17,320 nga mo- ni i runga mo te peeke o Niu Tauti Weera ka- ati kua ngaro katoa..
![]() |
12 12 |
▲back to top |
TE PIPIWHARAUROA. HE TURE TUTURU. 1. Kotahi putanga o TE PIPIWHARAUROA te marama. 2. Ko te oranga mo te pepa e rima hereni (5/-) i te tau, me nooti o te Poutepeta me pane ranei, auaka i te tiaki he pane kingi hepene nga pane e tino hiahiatia ana 3. Ki te pau nga hereni a tetahi tangata i tuku mai ai ka takaia tana Pepa ki te awhi whero; e rua nga putanga pena ka whakamutua te rere atu a te Pepa. 4. E pai ana kia tukua mai nga korero o ia wahi o a wahi o te Motu, engari kei te Etita te tikanga mo te ta i aua korero; kia marama te tuhituhi. 5. Me penei te tuhi i waho o nga reta katoa:— Ki TE PIPIWHARAUROA, Te Rau, Gisborne. HE PANUI Ki e tangata e hiahia ana ki te Rawiri, ki te Himene : he nui noa at i nga pukapuka kei a au inaianei: ko te utu :— He mea nui, kiri noa ... 2/6 He mea nui, kiri whero ... 3/- He mea nui, kiri pai ... 4/- He mea nui kiri pai rawa ... 5,6 He mea paku, kiri pai, ... 2/6 He mea paku, kiri noa ... 1 /- He mea paku, kiri pai rawa 3/6 He Himene ... ... -/6 Ki te tono Himene nga Minita ki a J. Upton, Akarana, ka iti iho te utu. Maku e utu te Pane Kuini hei tuku atu i nga pukapuka ki a koe. Na H. W. WILLIAMS, TE RAU, GISBORNE. Ki te hiahia te tangata ki te Paipera, ki te Kawenata, me tono ki te BIBLE DEPOSITORY SUNDAY SCHOOL UNION, Auckland. Paipera, 2/6, 3/6, 4/6, me te pane kingi //- Kawenata me nga upoko whakamarama 2/6 3/- 4/6, me te pane kingi 3d. Kawenata paku, me nga waiata 2/-, 2/6, 3/-, 3/6, 4/-, me te pane kingi 3d. 1 NGA HUA KAREAO MA TA TATOU MANU. 10/- O.S.S.T. 5/- Taimona Tahu, R. H. Matthews, Maaka Paweherua, Sam Oilman. Weeti Katae, Huatahi, Hapi Hinaki, Eru Pou, John Hardiman, Matiu Houtaewa. 2/6 Piri Paora Matini Naera, Hohepa Te Piri. 2/- Hone Tangata.