![]() |
He Kupu Whakamarama 1898: Number 2. 01 April 1898 |
![]() |
1 1 |
▲back to top |
![]() |
2 2 |
▲back to top |
HE KUPU WHAKAMARAMA. No. 2.NELSON (WHAKATU). APERIRA, 189«. EDITOR-REV. F. A. BENNETT. HE AWHINA MO NGA MAHI O TE HAHI. I runga i te whiriwhiringa a nga pakeha me nga Maori i tetahi huarahi hou e kitea ai he tikanga hei awhina i nga mahi a te Ariki, puta ana te panui ki nga takiwa o Whakatu kia whakaaro nga Maori ki taua tikanga. Whakaritea ana ko te Weneri te 30th o Maehe, hei ra huihuinga mai mo nga tangata ki Whakata, ki reira whakata- koto ai i a ratou taonga. Takana mai ana nga taonga a nga Maori, ara nga piupiu, nga kete muka, nga ipu whakairo me era atu mahi a nga Maori, huihui ata hoki ki nga kai, ki te taewa, ki te tikaokao, ki te heeki me era ata oranga mo te tinana Ko enei mea katoa he mea tuku noa mai i runga i to ratou whakaaro nui ki te awhina i nga mahi o te Hahi kia puta ai te Bongo Pai ki nga takiwa mamao. Nai ata te pakeha i huihui mai ki te matakitaki, ki te hoko hoki i etahi taonga ma ratou. Ehara i (e mea na nga Maori anake tenei mahi. Ko nga tangata e whakaaro nui ana ki nga mahi a Pihopa Wirihana ara te Pihopa o Meranihia, i huihui hoki ratou ki te matakitaki i nga patu, i nga wero, i nga whakakai me era atu taonga a o tatou whanaunga e noho mai nei i runga i nga moutere o te moana nui. Ko tana tikanga he tikanga tino pai mo runga i nga huarahi awhina i nga mahi o te whakapono. Kaore he raruraru. I takoto ano hoki te Kai ma nga tangata haere mai. Ko nga moni katou i puta i runga i taua tikanga e £40. Ko enei moni kei te Komiti e takoto ana. Ka wehea aua moni me nga mahi ki te taha Maori, mo nga tangata o Meranihia, me te tuku i te Bongo Pai ki te whenna o nga Tiainamana. HE KARAKIA WHAKAWHETAI MO TE KOTINGA, I runga i te whakaaro o etahi o nga tangata Maori o te takiwa o Motueka, o Whakapuaka. o Takaka, ko te Atua kei te | homai i te tomairangi, i tupu ake ai nga hua katoa o te whenua hei oranga mo te tangata, mahara ana ratou he mea tika kia wehea e ratou tetahi Ratapu hei whaka- whetaitanga mo ratou ki te Atua mo ana | manaakitanga ki a ratou. • No te 27th o Pepuere ka huihui mai nga ; tangata ki te Whare Karakia o Te Ahurewa i Motueka. Ko te Whare Karakia oti rawa te whakapaipai ki nga hua katoa o te whenua i puta mai ai te ora mo nga tangata o aua takiwa ; ara he mea whaka- paipai ki te oti, ki te witi, ki te pare, ki te hoopa. ki te rai, ki te taewa, ki te kumara, ki te mereni, ki te aporo, ki te pea, ki te i paramu, kite pititi, me era atu hua tini I tini noaiho. Pai ana te ahua o te Whare i Karakia. He wahine pakeha nga hoa o | nga Maori, na ratou i ata whakariterite te takotoranga o ia hua o ia hua. Nui atu te whakapai o nga pakeha ki tenei tikanga i puta ake nei i waenga nui o nga Maori. ! I muri tata iho i te Karakia o to ata ka ; whakatakotoria te Hakarameta. i No muri o te tina, ka huihui mai nga i tamariki o te Owhiniti o Whakarewa hui- ! hui atu hoki ki nga tamariki Maori; ki ana te Whare Karakia i te tamariki. Ko tenei karakia i karakia pakehatia. No te whitu o nga haora ko te Karakia o te Ahiahi mo nga Maori. I muri tata iho i tenei Karakia ka huihui katoa matou ki roto i ki te whare Karakia tawhito, ki reira mihi ! ai mo nga manaakitanga me te aroha o te Atua. Whakaaetia ana e taua runanga, ko nga kohikohi o taua ra, me nga moni e riro 'mai ana i te hokonga atu o nga hua whaka- paipai o te whare, me tuku katoa hei awhina mo te Kura Maori mea ake ka whakaturia ki Whangarae (Croixelles.). TE MATENGO O MEIHA KEEPA TE RANGIHIWINUI. He nui te pouri me te mamae i puta atu ki nga Maori tae atu hoki ki nga hoa pakeha
![]() |
3 3 |
▲back to top |
HE KUPU WHAKAMARAMA. i te pakutanga mai o te rongo i roto i nga Niu pepa kua mate a Meiha Keepa. E kore e taea te korero i konei nga mahi nunui katoa a tana tangata. I runga i tona aroha nui ki tona iwi Maori, hapainga nuitia ana ia hei rangatira ingoa nui, hei upoko whakahaere tikanga hei painga mote iwi. Ko te kupu a nga Niu pepa pakeha mona e penei ana :—" He tangata maia, he tangata piro pono ki ona hoa, he mahaki ki ona hoa riri." Ko ta ingoa o Meiha Keepa kua rangona nuitia e nga iwi e rua o enei moutere, mo ana mahi maia me tana toa i nga wa o te pakanga. No tana kaumatua- tanga, ka mutu nei nga pakanga, ka tau nei te rangimarietanga ki te tangata, ka kimi ano ia i nga huarahi o te pai mo te taha Maori. Ko tona ingoa e rangona nuitia ana i roto i nga mahi katoa a te Whakakotahitanga. He nui hoki tana awhina i roto i nga ra kua pahure ake nei i nga tikanga katoa o to tatou Hahi. No mua i kiia ai e nga iwi e tae ana ki Whanganui ko Putiki te pou o te whakapono. Ahakoa i runga i nga pakanga i nga raruraru i taka atu te whakapono, no roto i enei tau kua pahure ake nei kua rite ano taua kupu mo Putiki, ko te pou ano tenei o te whakapono. Na te aha ? Na te nui o te manaaki a taua kaumatua i nga tikanga o te whakapono. He nui hoki nga manaakitanga a te Atua i taua kaumatua, me tana kainga, i me tana iwi. He Rangatira tenei i kaha rawa ki te turaki i nga wai whakahaurangi katoa. I i roto i enei tau maha kua pahure ake nei kaore rawa te waipiro e tata mai ki a ia, ki te marae ranei o tona kainga. E ki ana nga Niu pepa pakeha ahakoa i tae ki te 1,500 nga Maori i huihui atu ki te tangihanga, kore rawa i kitea te haurangi ki reira tutu ai. Titiro e te iwi ki tenei mahi. Kua waiho tenei ahuatanga o te tangihanga hei whaka - miharotanga ma nga mano tangata i tae atu ki Putiki. He mea whakahouhou rawa ki te rangatira pakeha te inu waipiro i nga tangihanga. E ngu rangatira Maori titiro atu ki a ratou hei tauira mo nga tikanga e rite ana mo te rangatira. I te nehunga i a Meiha Keepa e kiia ana i tata ki te 11,000 nga tangata i tae atu ki te urupa ki te kawe atu i to ratou aroha. Heoi, haere ra e koro e, haere, haere. Ahakoa kua ngaro atu koe i a matou, ko o mahi tenei te haere nei, ko o kupu tenei te maharatia iho nei. Haere. Haere. Ka po i ngaro atu koe i runga i nga mahi kino a tenei ao, ka mamae tonu ai te ngakau mou; ko tenei, he tangata whakapono, he pononga na te Ariki, kua tae atu koe ki te ao marama ko matou ia i whakarerea iho ki te ao pouri. Ko o purapura i tou ai, tenei, ka whai hua i muri i a koe. Ka tika mou nga kupu a Paora. " Ahakoa mate ia, e korero ana ano ia " (Hiperu 11, 4). "TE PUKAPUKA A MOMONA." (Na te Kerehi i tuku mai.) Nohea mai taua pukapuka? Tenei te utu atu mo tenei patai—korerotia iho, ka mohio koe, he tito katoa taua mea, he nukarau na te tangata. Eo Hohepa Mete e ki ana he mea kite nana tenei pukapuka i roto i te whenua he mea tohutohu mai na tetahi anahera ki a ia i te 22 o nga ra o Hepetema 1823—Na, no te 22 o nga ra o Hepetema ano 1827, ara e wha tau ki muri, e ki ana ia ka homai te pukapuka ra e te Anahera ki tona ringa tonu. Otiia tenei ke te kupu pono mo te mahi a Hohepa Mete—I te tau 1809 ka noho te tangata ra a Horomona Paurini he minita ki Harema Hou, Ohio. Amerika, he tangata matau taua, tangata Whakaaro ana te tangata ra me tuhituhi e ia tetahi pukapuka korero tara—me ki e ia nga iwi Maori o Amerika ko nga iwi kotahi tekau o Iharaira kua marara a e ngaro nei. Ka tuhi tuhi te tangata ra i tana pukapuka, e toru tau e mahi ana. a ka oti, huaina iho e ia te ingoa "Ko te Tuhituhi i kitea." Tokorua nga tino tangata i roto i taua korero tara, ko i Momona raua ko tana tamaiti ko Moroni i I te tau 1812 ka tukua e Horomona Paurini i tana korero tara ki a Te Patehona kia taia ki te perehi, otii kihai ano i oti noa ka mate a Horomona Paurini—muri iho ka mate ko I Te Patehona. I konei, ka riro te tuhituhi i ra i te kai-mahi a Te Patehona ko Hirini Rikitona te ingoa, na, nukarautia ake e I tenei tangata raua ko Hohepa Mete, he mea i kite taua pukapuka i roto i te whenua. Na, ma nga kupu tonu a te wahine, me nga whanaunga, me nga hoa o Horomona Paurini e whakaatu mai te mahi tito rawa a Hohepa Mete raua ko Hirini Rikitona. I na te kupu a Hoani Paurini teina o Horomona Paurini he mea oati nana—Kua korerotia e au Te Pukapuka a Momona, whano rite katoa nga korero me nga ingoa o roto ki era i roto i te pukapuka korero tara a taku tuakana, ki taku titiro iho ra, ki te pukapuka a Momona ko te pukapuka tonu a taku tuakana a Horomona Paurini ko nga
![]() |
4 4 |
▲back to top |