![]() |
He Kupu Whakamarama 1898: Number 17. 01 July 1899 |
![]() |
1 1 |
▲back to top |
![]() |
2 2 |
▲back to top |
HE KUPU WHAKAMARAMA, Nama 17. NELSON, HURAE, 1899. EDITOR-REV. F. A. BENNETT. ai, tera hei tetahi atu Kawanatanga ka murua o tatou toenga whenua. E toru nga huarahi hei whakaarohanga ma te Kawana- tanga i nga whenua Maori. (1) Ko te tango noaiho. (2) Ko te whakatuwhera i te hoko ki nga tangata katoa, (3) • Eo te tango a te Kawanatanga ma ratou e whaka- haere. E kore te Kawanatanga e whakaae ki te tikanga tuatahi, e kore ano e whakaae inaianei ki te tikanga tuarua, engari ko ta ratou e whai ana ko te tikanga - tuatoru na reira, ka whanau mai nei ko te Pire Poari. Ki ta matou rongo e mea ana etahi tangata Maori tera ano he tikanga tuawha ara kote-, tuku ma te Maori ano e whakahaere he ture mo ratou whenua. He penei pea te ahua o te Pire a Kaihau, e karangatia nei ko te ' Pire Kaunihera ? Ma ana noa te Kawana- tanga e whakaae mai ki tenei tikanga, he tino rite rawa ki te mana motuhake e whaia wairuatia nei e nga Maori. Pai ke atu ki au kia riro taku whenua i te Poari i raro i te mana, me te whakahaere a te Paremete, ina te tino he ko te riro atu ma te Maori anake e whakahaere. E hoa ma, na te Ture Poari ranei i pau ai o tatou whenua, a e toe nei e 5,000,000 eka ano? ' E hokona ana e te kawanatanga ia tau ia tau mo nga tau maha ka pahure ake nei, e 400,000 eka o nga whenua Maori." Taihoa i te iwi Maori ano e pokaikaha noaiho ana nga mahara ka pau katoa nga whenua. E ki ana te pakeha something must be done —me mahi tetahi mea. Na reira ka ui matou he aha taua mea ? Me waiho noaiho ranei nga whenua kia ururuatia, kia ta ngahere ana kia tipungia ranei e te tataramoa ? Ka whakaaetia ranei e te Pakeha tera tikanga ? E kore pea na reira ka hoki ake ano ta matou kupu, kimihia he tikanga e ora ai o tatou toenga whenua, e ora ai hoki tatou me a tatou tamariki. Tera ake ano te raw- akatanga a matou korero mo nga mahi o te Paremete, otira me waiho hei etahi atu tuhinga pea. ka whakaoti ai. E nga mema e nga rangatira, e nga tangata matau, e te iwi katoa kia kaha te kimi oranga mo o
![]() |
3 3 |
▲back to top |
HE KUPU WHAKAMARAMA. o tatou toenga whenua—Kia kaha, kia toa, kia maia. "Kui! kui! whitiwhitiora!" B. T. M. K. HE POROPOROAKI. Ko te poroporoaki tenei a Tianara Puutu te upoko o " Te Ope Whakaora " ki Ahiter- eiria, i tona hokinga ki Ingarangi :—" Hei Konei ra e Ahitereiria ! He nui to manaaki i au, a tenei kua. riro atu i a koe toku nga- kau whakawhetai, a mate noa ahau. I aro- haina e ahau to iwi, a i rapu ahau i te painga mo ratou, ara i te painga mo nga mea o tamariki e noho mokemoke ana, e noho ana hoki i roto i te pouritanga. I taka mahinga i tenei, e hari a o toku ngahau, mo te mea, kahore au i whakararuraru i nga mahi a etahi atu, e mahi nei i runga i te ra oha ki te Atua, ki te tangata. Mehemea i oti i au tetahi mea, me hoatu te honore ki toku Ariki. Hei konei ra e Ahitereiria ! Kei to aroaro tetahi wa nui, e ahei ai koe ki te "hanga i tetahi pakitara mo te mana o Inga- rangi, a mehemea ka whakaturia ki runga ki nga tikanga tuturu o te pono me te tika, ko koe hei kainga mo tetahi iwi aroha, koha-kore, koa. He iwi hei whakahari i te ngakau o te Matua Nui, a he tauira hoki ki te ao katoa." " HAERE MAI." KAUWHAU I. TE 14 o nga upoko o Ruka, tetahi wahi o te 17 o nga rarangi, " Haere mai." E nga hoa, ehara enei kupu, i te kupu tangi hou ki roto ki o tatou taringa. I a tatou ano e kai-u ana, i a tatou ano e ako ana ki te tu, a i a tatou ano e tu hurorirori ana, ka to- toro mai nga ringa o tatou koka, ka karanga mai hoki ki a tatou, "Haere mai." Ka hikoi te waewae, katahi ka hinga, otira i te mea kaore ano kia tau noa ki te whenua kei roto tatou i nga ringa o tatou koka. Haere te tangata tauhou ki tetahi kainga ke; kaore he reo pohiri i a ia, heoi ano ko te titiro makutu tonu mai o tangata whenua ; e! akua nei te tau mai ai te whakama. Tena koa kia rongo ki te reo pohiri, " haere mai! haere mai!" ; ka ngaro te whakama, ka hari to ngakau, ka mahorahora te noho ; ka reka te kai; ka au te moe. Waihoki whanau ana mai tatou pohiritia ana e te Atua, ki tana hakari o te oranga, ki tona rangatiratanga o te rangi. Kaore i a nei tatou iriria .hei tamariki ma te Atua, hei kai noho i te rangatiratanga o te rangi'? Tena pea kei te puhoi tona o .tatou taringa ki tana karanga. He..reo kaha tona reo, kahore ano kia tamate noa ahakoa kua, pakeke nei tatou kei te tauhou tonu pea ki te Atua. "Haere mai, kua rite hoki nga mea katoa." He aha te whakaroa ? Anei ra te pohiri e marama ana, heoi ano kei te toe atu ko te haere anake.. Ko ta tatou rarangi he mea tang o .mai i te kupu whakarite a Te Karaiti mo tetahi tangata i taka i te hapa nui. E mohio ana tatou katoa ki taua kupu whakarite. I te ritenga o nga mea katoa mo te hakari, ka tonoa e iaua tangata tana pononga ki te whakaatu ki te hunga i karangatia kia haere mai ki te hapa. Otira i whakahawea taua hunga ki te tono a taua tangata, i pata a ratou kupu whakakahore, kupu whakata- runa. E kore e taea e au inaianei te ata whakaatu kia tatou i te ahua o nga whaka- hoki a aua tangata, he mea noku kei tino roa rawa to tatou karakia, engari te mea pai atu ma koutou ano e ata titiro i roto i a koutou Paipera, te tikanga, te heenga ranei o nga whakahoki a enei tangata i te pohiri aroha ki a ratou, no te mea he iwi whai- whakaaro te Maori ki te titiro i te he i te tika ranei. I mea te tangata tuatahi, " Kua hokona e ahau he maara, me haere ahau kia kite." Ata tirohia enei kupu e tatou. He tangata mahi paamu tenei, he tangata ahuwhenua. He mea ahuareka ki te Atua te kaha ki te mahi, tena ko te tangata mangere e kinongia ana. "Ki te kore tetahi e pai ki te mahi, kei kai ia." Otira he aha ia te haere ai ki te hakari mo nga haora ruarua nei, ka mutu ra te hakari ka haere ki a kite i tona whenua. Kaore hoki ra he waewae o te whenua, penei me nga whenua o te Maori, e ahei ai te oma. He aha ia i tatari rawa ai hei te haora tonu e tu ai te hapa ka mea ai ki te haere kia kite i tona whenua ? Tetahi he po pea te takiwa i tu ai te hapa, e kore e marama tona matakitaki i tona maara. Tena pea hei nga hui noa iho nei, rika ai tona ngakau ki te haere. Ehara ! he hangarau na tenei tangata. Tena ta te tangata tuarua. " E rima takirua nga okiha kaa hokona e ahau, ka haere ahu ki te whakamatau.'' He tangata whakatipu kararehe tenei. He whaka- tipu karahere tetahi mahi rangatira atu.i te ao nei. Etahi tino tangata a te Atua he
![]() |
4 4 |
▲back to top |
HE KUPU WHAKAMARAMA. hepara. He hepara a Apera, a Aperahama, a Mohi, a Rawiri, a i whakarite a te Karaiti i a Ia ki te. hepara. Ehara i te mea na nga kau a. tenei tangata i kore ai ia e haere ki te hakari, engari he kore tonu nona e hiahia Ahakoa,ia whakamatau i ona kau i te wa i tu ai te hakari, e kore e rata tonu i taua po, kia pau. atu te wiki, te marama e whakarata ana i te kau mahi. Ko te tuatoru o enei tangata i ki, " Kua marenatia ahau ki te wahine, a he mea tenei e kore ahau e ahei te haere" Ko te wahine a tenei tona punga, otira mehemea ana i ngakau-nui ia ki te haere, e kore ia e noho i tana wahine. Tetahi, e hoa ma, kaore te Atua i te ki mai ko nga taane anake e uru ki te oranga. I mate a te Karaiti mo nga tangata katoa taane, wahine ; kaumatua, tamaiti:;' rangatira, ware ; pai, kino ranei. He aha tenei tangata i kore ai raua ko tona hoa-wahine e haere ngatahi, ehara hoki ra i te mea he he to raua marenatanga. E te iwi kua marama pea kia koutou, ehara i te mea na te ahua o nga mahi a enei tangata pupuri ratou i whakaparahako ai ki te pohiri a tenei tangata, engari he taumaha no te ngakau ; hei whakapeka nga noatanga iho nga mahi. Kei pohehe hoki tatou ki te whakapono tatou, ki te haere tatou ki a Te Karaiti, me whakarere e tatou a tatou mahi Mam i meinga nei e te Atua hei mahi ma tatou, engari me whakatapu a tatou mahi katoa e to tatou whakapono. Otira kia tino tupato ano hoki tatou kei rite tatou ki enei tangata, ara kei riro katoa o tatou whakaaro i a tatou mahi, a ka wareware tatou ki te Atua, ka whakakeke ki taua karanga. Mehemea ana he mahi ta tetahi o tatou e whakama ai ia ki te tu i te aroaro o te Atua me whakarere atu taua mahi, He aha te pai ki te riro i te tangata te ao katoa, a kaore he ora mona ? He tika pea i a te kupu a te Karaiti i mea ra, " Matua rapua te rangatiratanga o te Atua, me ana mea tika a ka tapiritia mai enei mea katoa ma kou- tou "—ara nga mea hei oranga, hei painga mo te tinana ? " Kahore rapea : engari ko te Atua kia pono, a he teka kau nga tangata katou." "Haeremai." -Ko te pohiri tenei a te Atua, kua rongo noa atu tatou, a kua rongo nei i tenei ahiahi. Kua haere ranei au kia Ihu ? Mehemea kaore ano, he tangata teka ahau, he tinihanga kau taku kauwhau kia koutou. Ma te aha e ahei ai au ki te ki atu ki te tangata kia haere ki te wahi kaore ne au e mohio ki. Pai ke ata ki te noho au ki roto. Kua haere ranei koutou kia te Karaiti? Mehemea kaore ano, he tinihanga noa iho ta tatou karakia ki te Atua. Ko nga ngutu noa iho kei te mahi atu kia Ia ko nga nga- kau i a, ko te mea e mate nuitia ana e Ia kei te kaiponuhia. " Homai, e taka tamaiti, to ngakau ki a au." Ko te haere kia te Karaiti, ara ko te tahuri atu kia Ia, ko te whakapono ria Ia, hei te tuatahi, hei muri mai ko te karakia. Ki te mea kaore ano tatou kia haere noa ki a te Karaiti, e kore tatou e mohio ki ta tatou e karakia ai, ki ta tatou e noi atu nei. 1 mea a te Karaiti ki nga Hurai, " Heoi, e kore koutou e pai kia haere mai kia au, kia whiwhi ai koutou ki te ora." Kaore te tangata e pai ki te mate, otira ki te kore ia e haere mai Ma te Karaiti kaore ano hoki ia e pai ki te ora. I te mea kaore ano tatou kia haere mai kia Ia, e kore Ia e ahei te whakaako i a tatou, te tohutohu i a tatou, kia kaha ai, kia tika ai ta tatou noho i tenei ao i roto i Tana Hahi. Kua kite tatou i nga whakapekanga ketanga, i nga whakata- runatanga a era tangata, a he pehea hoki a tatou, a ko te hea e manakohia mai e Ihowa, a te ra whakawa ? He nui nga tangata, nga tamariki taane e kino ana ki te whaka- pono, notemea ki ta ratou whakaaro ae ki ta ratou whakaaro noaiho, ki taratou mohio kaore—kaore kau he ahuarekatanga o te whakapono; mo te koroua, mo te kuia anake te whakapono ka pai. Kaore ra te Atua i te pohiri i a tatou ki te tangi tupa- paku, engari ki te hakari, ki te kui, ki te hari nui. " Whakamatauria, kia kite ai koutou i te pai o Ihowa. ' Kia kainga te kai ka matauria ai te rekanga te kawanga ranei. Tera pea tetahi tangata e mea " he kino rawa au, e kore au e haere.'' Ma te noho pea e pai ake ai ? Mehemea ana pena te whakaaro o te tamaiti maumau taonga, he whangai poaka he mahi mana a mate noa, e kore rawa ia e hoki ki tona papa. Kaua e tatari kia ahua pai ake ka haere ai ki te Atua. Ka rite tena ki te tikanga a taua a te Maori e mau " kopare "nei ki nga hakari, ki nga tangihanga. Kaore te Atua i ki mai ki a mau kai atu tatou ki te hakari, ara i o tatou nei pai. Heoi ano tana ko te pohiri, " Haere mai, kua rite hoki nga mea katoa.'' Ko te manuhiri anake tana e tatari mai nei, hei kai i tana hapa. Kahore kau he tangata tika i te ao. Ehara i te mea naku tenei kupu engari na te Atua ano. "Ko te mea hoki ia i tuhituhia, kahore he tangata tika kahore kia kotahi." (Koma, 8, 10). Ko tatou nei tika katoa e ki ana a Ihaia he rite ki te " kahu rukenga'' kahore nei he painga. Kei tatari tatou, kia pai
![]() |
5 5 |
▲back to top |
HE KUPU WHAKAMARAMA. rawa ka haere ai. Mana tatou e whakapai e whakakaha, e uhi ki te" kahu marena," e " kopare " i te aroaro o tona matua ki ona toto. " Ki te haere mai tetahi ki au, e kore rawa e panga atu e ahau ki waho." Ae ! ki te haere mai te tangata e rite to kupu ki ta te kuini O Hepa, " Nana, kihai te hawhe i korerotia mai kia au." E te Ariki! ina ra ka haere atu ! Na te aroha i tiki ake, na te mate i kawe mai! Mate koe i te mauiui, Tamia rawatia, Nei kei au te ata noho, " HAERE MAI." Te Kareti, Waerenga A Hika, Mei 6th, 1899. Ki te Etita, Tenei te Kui,. Kui, whitiwhitiora te haere nei, ta tatou mokai a te Pipiwharauroa i enei ona marae. Eia whakaaturia atu nga mahi o enei Kareti me era atu mea hoki. E hara i te mea he maha nga kupu i te mea tonu e mana ana te tono a te Pipiwharauroa ki tenei kura. Eo tenei whenua e tu nei tenei kareti e 400 nga eka, he mea tuku na nga Maori ki te papa o Pihopa Wiremu (W. L. Williams) mo nga mahi kura hei oranga mo nga tamariki Maori o Nui Tireni, Kati, he mea tuku tekihana na te Pihopa ki nga pakeha, ko nga moni o te reti, koia kei te whangai i tenei kura me Hukarere. No te tau 1866, ka tahuna e te Hauhau te whare kura tuatahi, i taua takiwa taemai ki te tau 1890, ara e 25 tau i muri mai o te tahunga, katahi ano hoki ka whakahoutia ano tenei kareti he nui atu i te kareti taw- hito, i na hoki ra te nui. E 20 nga ruuma, haunga nga ruuma pakupaku. E wha nga ruumanunui hei moenga mo nga tamariki; e uru ano tekau ma rua, te tekau ma whitu tamariki ki roto i te ruuma kotahi. Koia nei ra te pai o te mahi a te pakeha, mehe- mea ia nei i whakahokia atu ano ki nga Maori taua whenua, kua riro noa atu na ia Merepia. Kati na te mohio o taru nei o te pakeha ki te. whakahaere hei oranga mo nga tamariki maori koia e tu nei. Ko nga mahi o tenei kura e rite ana ano ki o era atu kareti —e rapu nei i te matauranga e ora ai te . Wairua me te tinana, ko te mahi nui ano ia ko te huarahi e ora ai te Wairua. I runga ite paku o te oranga mo tenei kura, koia i . kore ai e neke ake i te 80 nga tamariki. He tokomaha nga mea kua puta atu i tenei kura kua riro kei Te Aute, o tenei tau (1899) toko- wha kua riro ano kei reira. Ko nga Iwi tenei o nga tamariki kei konei e kura ana inaianei. Ko Ngatiporou me Ngatika- hungunu ; nga hapu, Teaitanga-a-Hauiti: Teaitanga-a-Mahaki, me Rongowhakaata. Heoi ano, hei kona koutou, Ma te Atua tatou etiaki, Na te hoa pono o te tairawhiti, PENE WARU. Ki te Etita o Te Pipiwharauroa. Tena koe,—Mau e ta atu ki ta tatou nupepa te pukapuka a nga tamariki o Te Aute ki o ratou tuahine o Hukarere, i tuhia hei whakatata i enei kura e rua kia whaka- haere a tahitia ai he tikanga mo nga tane me nga wahine hei huarahi e tu ai a muri ake nei he kotahitanga mo nga kareti Maori o te motu. Heoi. Mau e mea atu kia hapea e o taua hoa e Waata Hipango raua, ko Purakau Maika. Na APIRANA T. NGATA, Te Aute Kareti. Hune 16th, 1899. Te Aute Kareti, Hune, 14th, 1899. Ki o matou tuahine o Te Kura o Hukarere, e noho mai nei a kua puta atu. E hine ma, Tena ra koutou i raro i te atawhai o to tatou Ariki, nana nei koutou me matou i kowhiri mai i roto i to tatou iwi Maori puta noa te motu, hei toro mai i te matauranga o te pakeha, kia whakahokia atu ai. Ki muri ki o tatou kainga hei taonga ki te iwi. Kei mea mai ki to matou pakari rawa ki te tuhituhi atu kia koutou, kaore nei i matatau mai i era ra ki tenei ahua. Ehara koa; he hao atu no o matou ngakau kia whakakotahitia tatou a roto i enei ra e takoto mai nei ki te kimi tahi ite ora mo to tatou iwi Maori. He taikaha ano ta matou nei mahi: otiia na koutou te mahi pakeke rawa ki te whakatahuri i nga ngakau o o tatou whaea, ki te turaki i nga tikanga Maori e whakatutua nei i nga wahine o te iwi Maori. E hine ma, ma koutou rawa ka taea ai; he aha hoki ma matou, ko te whakapai i o tatou whenua, ko te whaka- haere i nga marae, i nga mahi nunui a o tatou hapu. Ma koutou, a enei ra e takoto mai nei, ko te whakapai i nga kainga, ko te
![]() |
6 6 |
▲back to top |
HE KUPU WHAKAMARAMA. tieke i nga turoro, ko te tukituki i te mana o nga tohunga, ko te whakaako i a koutou na tamariki ki a koutou i aho ai a e ako nei i tenei wa, te ata noho, te ahu whenua, te karakia, te whakarongo ki te reo o nga ma- tua, te whakapono. Kei te timata mahi matou ma tatou tahi, e rongo mai na koutou kua toro nga Kau- peka o ta matou rakau, e kua nei ko Te Kotahitanga o nga tamariki o Te Kareti o Te Aute. Kei ko tata atu hoki te huihui- nga o o tatou kareti Maori, kia takote whanui ai he kaupapa mo tenei mahi nui whakaharahara, e wawatatia nei e te ngakau te hapai i to tatou iwi Maori. Ma koutou ma nga mea wahine e manaaki mai i te * tuatahi, kia waiho ai ko koutou nei tohutohu, i nga tikanga mo te ropu wahine o te iwi Maori. Kei ngakau kore ki ta koutou nei mahi, kei whakaaro koutou e kore o tatou whaea e rongo i o koutou reo, e manaaki ranei i a | koutou tikanga. Kia manawanui, kua pai haere o tatou kainga, kua whanui haere nga huarahi hei takahanga ma o koutou waewae e taea ai te matauranga, te ora mo to tatou iwi. Ma te Atua koutou e awhina. Eia ora tona koutou. Ma te Atua e titiro iho to tatou iwi. Mana koutou, me matou e tieki e whakakaha. Heoi. Na o koutou tungaane o te Kareti o Te Aute. Na Ware P. Waitai me etahi atu e 52 i haina PUKAPUKA III. Ki Nga Etita o Te Pipiwharauroa, Tena Korua, - Katahi ano au ka watea ki te tuku atu i enei kupu kia korua. No te 12 o Aperira ka tae au, te Pihopa me Te Manihera ki Te Rere, kei uta ake o Opotiki, e hui ana Te Whakatohea i reira. Ka mutu te Karakia me nga mihi ka whaikupu Te Pihopa mo Te Ropu Tono Mihinare o Te Hahi; muri iho ka ahu ona kupu mo nga whakapae a te Maori ki nga Mihinare, he mea tuku mai ratou e te pakeha hei whakawai i te iwi Maori, kia mahue ai a ratou mahi Maori, kia iwikore, kia ngawari ai te whakaunga mai o nga tikanga pakeha. He roa nga whakamarama a Te Wiremu. Torutoru nei aku Kupu Apiti atu mo ana ; Ko te mea nui i kitea e au i roto i nga whakahaere a nga Mihinare. ko to ratou manawanui, ko te u ki a ratou tikanga i kauwhau ai o mua iho, a e haere nei. Kaore au i whakahaere i to tatou kotahi- tanga i roto i nga rohe o te Whakatohea, he maharahara mai nooku ki nga awa me nga huarahi kikino o Waiapu. Engari hei te raumati au hoki ai ki reira ata whaka- tutuki ai i era rohe. No te 12 o Aperira ka whiti mai au i Tarakeha ka haere mai i roto i te takiwa o Ngaitai, o te whanau a Apanui, tutuki noa ki Whangaparaoa i te 21 o Aperira. Ko nga take ano i kauwhautia ki nga marae o Ngatiawa, i korerotia e au ki enei rohe, a i kaha te tautoko a nga Rangatira. Ko nga mea enei i whakaaetia:— 1. Ko enei whare ka pokapokatia:— Te WarangaKei Maraenui Rongomaihuatahi „ Omaio Te Ikiwa o Rehua „ Whakaruru Te Ruamanawahonu „ Maruohine- [maka. 2. E rua nga whare tera e whakaarahia, a kua whakaaetia kia pokaia:— Torerenui a Rua Kei Torere He whare hou „ Te Kaha 8. Kua whakaaetia Ma whakatapua te waipiro i runga i nga hui e tu ki enei marae:— TorereWhakaruru Te KahaRaukokore. Ko Te Whanau a Apanui o Hawai tae mai ki Waiorore kei te whiriwhiri i ta ratou kupu mo tenei take. He take hou ano i timataia atu e au i tenei takiwa, 1. Kia hainatia te pitihana i tuhia ki Taumata-o-Mihi, Waiapu e Te Komiti o te Kotahitanga, Ma whakaakoria nga karaipi- ture ki nga tamariki o nga kura Maori o te. rohe o Ngatiporou, Turanganui ki Tarakeha. I whakaaetia tenei take e nga pa katoa a kua tata te tutuki o te haina i nga pukapuka. 2. Kia tonoa ki Te Kawanatanga kia tukua mai he mana ki nga komiti Maori ki te whiiu i te tangata haurangi e tomo ana ki nga whare runanga, e tukino ana ranei i nga marae o aua whare. I tautokona tenei take, a kua tae atu i Te Komiti o Te Aute ki te aroaro o te Kawanatanga. No te taenga mai o Timi Kara ki Papawai, Wairarapa, i te SO o Hune ka whakaatu ia i tona whakaaro, kia whakatuturia he kom- iti mo nga pa Maori hei tiaki, hei tohutohu, hei whakapai i nga kainga. Ka mea atu i reira, mehemea ka ara enei komiti, ko te mahi tuatahi tonu ma ratou ko te whaka- haere i nga tikanga peehi i te -waipiro.
![]() |
7 7 |
▲back to top |
HE KUPU WHAKAMARAMA. Kei te whakaaro Te Whanau a Apanui ki te whakamahi i o ratou whenua. Kua noho he hipi ki Tunapahore. Ki te whai moni i tenei tau ka whakanohia he hipi ki Te Hou- poto Paraka. I takoto ta ratou tono moni i au ki te aroaro o nga komiti o Ngatiporou : Kaore i taea e era, i te nui o nga raruraru hei whakapaunga mo nga toenga hereni. He iwi ora enei ki taku titiro, i to ratou ahu whenua, i te kaha ki te tautoko i nga kura, i nga tikanga o te karakia. He hua te tamariki o tenei takiwa : i tirohia e maua ko Hakaraia Pahewa, Minita o Te Kaha, te pukapuka rehita o nga iriiringa tamariki o nga tanumanga tupapaku o te pariha o Te Kaha mo nga tau e wha ka pahure nei: 176 nga tamariki i iriiria, e 62 nga tupapaku. Kaati ki te whakaaro e tata ana ki te 120 te pikinga ake o te tokomaha o nga tan- gata o tenei takiwa, timata mai i Torere, whakamutu ki Whangaparaoa, i roto i enei tau e wha. Kei te wehewehe nga karakia : ko Ngai- tai, ko Te Whanau a Te Ehutu me Te Whanau a Maru, kei te Hahi Mihinare : Ko Te Whanau a Apanui kei .te Ringatu. E whakauruuru ana ki roto i enei te Pikopo. Kanui toku whakamihi kia Hakaraia Pahewa mo toma kaha, mo tona ata whakahaere i tona tinana me to raua kainga ko tona hoa. Ko ia hei kaumatua hei whakamaunga atu mo nga mahara o ona taina, tuahine i hoki- hoki atu i nga kareti, i nga kura, hei taunga atu hoki mo nga tikanga a Te Kotahitanga ina toro he peka mona hi tera wahi. Tera e nui ake nga mihi mo nga manaaki . a enei iwi: kaati me haere i roto i te nga- kau. Ehara hoki i te kitenga kotahi, ka takataka tonu nga waewae o nga kaiwhaka- haere o a tatou mahi i era takiwa, ka honu tonu te kite te mihi. Otira ki te kite iho o ratou kanohi i enei kupu, ka mohio iho ratou kei te mau tonu atu nga whakaaro ki nga nohanga tahitanga, ki nga korero, me nga ahuareka o era ra i haere ai au i roto ia ratou. Kia hono mai hoki te .whakaaro, kei tau te aroha. Heoi enei kupu, Na to korua hoa, Apirana T. Ngata. Greytown North, Hurae 1, 1899. NGA WHAKATAUKI MAORI. " He Waka ia nei e taea te here."—He tino whakatauki tenei na te tangata i nga whai- korero mo te tupapaku. E takoto marama ana, te tikanga o tenei whakatauki. Ki te hiahia te mate ki tetahi tangata, kite ki a te Maori, e kore ia e taea te here ara te pupuri ki te ora. E whakatika ana au, e whakahe ana hoki ki tenei whakatauki. Biro ake te waka i nga waipuke nunui, ahakoa herea ; engari te mea pai me to ki tahaki ki te wahi kaore nei e taea atu e te wai. He maha nga tangata kua mate, e taea ano te here kia roa nga ra e ora ana, ka mate ai, (hei te mate ano hoki te mutunga) otira i te kuare o nga kai-tiaki na reira i hohoro ai to ratou mate. Mehemea ana i waiho e etahi tohunga Maori a ratou turoro ki uta ki te wahi mar- oke, tera ano pea e roa e ora ana ka mate ai, tena koa pangaia ana ki te wai, a mate tonu atu. Ehara i te mea ko nga tohunga anake e whakahohoro ana i te mate o te tangata, engari ko te nuinga ano o te tangata, Maori, Pakeha. Kotata nuinga na te kuare, ko ta nga tohunga na te tinihanga na te kohuru. Ehara ia nei i te kohuru te rumaki i te tangata e pangia aua e te mitara ? Mehe- mea e kore e taea te tangata te here, he aha i hoata ai he rongoa mona ? Kaore au e whakapono ki te kia te tangata e mea nei, " He ra ano i whakaritea e Te Atua mona." Ki taku whakaaro he kohukohu tenei korero. Na te Atua ranei nga tangata i patua kohu- rutia i whakarite ki a kohurutia ? Mote mate o te karaitiana tera ano pea tenei korero, e tika. E kore au e whakapono na te Atua i whakarite te matenga o te tangata haurangi, i kai waipiro nei, eke ana ki runga i tona hoiho, whakaoma ana i te hoiho, taka ana, a whati tonu atu tona kaki. Na te Atua ranei i whakarite tenei mea ? Pai ke atu ki te Atua ki a ora ia, me kore tona ngakau e ripeneta. " Kahore he hiahia o te Atua kaha rawa, o te Matua o to tatou Ariki, o Ihu Karaiti, kia mate (mate wairua) te tangata hara, engari kia tahuri mai ia i ana mahi tutu, kia ora'' Ahakoa herea te waka, toia ranei ki uta he pirau, ano te. mutunga. Ahakoa herea te tangata toia ranei ki uta he pirau, ano te mu- tunga. " He puehu koe a ka hoki ano ki te puehu." E te kai-korero, e mohio ana ranei koe he puehu, he pirau, he mutunga mo to tinana ? I te motunga o " te aho hiriwa " ka rere koe i te awa o te mate, ki hea he unga atu moa, ina tae koe ki te Moana o te Mutunga-kore ? He ngaro tangata ora"—Haere te tan- gata ora i tana haere ki etahi atu whenua, ngaro i tana ngaro mo nga tau maha, a tena ano te ra ka hoki ki te wa kainga; tena ko
![]() |
8 8 |
▲back to top |
HE KUPU WHAKAMARAMA. te ngaro o te tangata mate e kore e hoki mai. " He ngaro tangata ora, ngaro ake a ka kitea ano, tena he ngaro tangata mate, e kore hoki e kitea ano." Ehe aha tenei whakata- uki i runga i te tikanga o te whakapono. Ahakoa mate te karaitiana, ehara i te ngaro i ona whanaunga, i ona hoa, engari he haere i te tuatahi ki te wa kainga, kaore hoki he kainga pumau mo te karaitiana i konei, a tera ke atu ano he okiokinga mo te iwi a Te Atua, e tino rite ai enei kupa, " Mutu ake i reira te whakararuraru a te hunga kino ; okioki ana i reira te hunga kua mauiui." (Hopa. 8.17). " Na, e kore ahau e pai, e aku teina, kia kuare koutou ki tohunga kua moe, (he moe te mate ki te karaitiana) kei koingo koutou, kei pera me era atu kahore nei o ratou tumanakotanga atu." (1 Teharonika 4.18). <• Kua whiti . ata ratou i te mate ki te ora." He manene te karaitiana i tenei ao, " He ngaro tangata ora.' Ko tenei he kupu ma te hunga whakapono ina hoki mai a Te Karaiti hei kingi mo tenei ao. He tika ano kua ngaro atinana ia, otira " he ngaro tangata ora,'' apopo ia te heke iho ai i runga i nga kapua o te rangi, me tana hunga tapu—e heke iho ia he nui te koro- . ria me te mana. Ko taua ra karanga ai te hunga i whakaparahako kia ia, i whakaha- wea, i takatakahi i ona toto tapu, " E nga maunga horo iho ki runga kia matou: e nga pukepuke hipokina matou " ; a taua ra ano* hoki te hunga i tahuri kia ia, i uru ki ona . mamaetanga, hari nui ai, hamama ai te reo ki te karanga," Amine. Ae ra, haere mai, ete Ariki e Ihu." (Whakakite 22.20). E te kai-korero, ki te puta mai a Te Karaiti inaianei ano, ka pehea tau karanga ? " Ka mate kainga tahi ka ora kainga rua." Te tikanga o tenei whakatauki mo te mate kai. I te mate kaitanga o tetahi o nga kainga o te tangata, ka haere ia ki te rua ona kainga, ki te wahi e hua ana te kai. Ea ahei ia ki te ki, " Ka mate kainga tahi ka ora kainga rua " Ea rite pea tenei kupu -mo Hakopa. I te mate kaitanga o te whenua o Kanaana, heke ana ia me tona whanau ki te whenua o Ihipa, ki te whenua nui te kai, ki te kainga hoki kua rite mai i tana tamaiti i a Hohepa hei tukunga atu mona. Waihoki e rua ano nga kainga o te Karaitiana, ko tenei ao, me tera ao, ara ko te kainga kua riro atu nei to ratou Ariki kei -te taka mai hei tukunga atu mo ratou. ."Kei pouri o koutou ngakau. . . . He maha nga nohoanga i roto i te whare o toku Matua. . . . , Ka haere ahau kii te mea i tetahi wahi hei tukunga ake mo koutou " (Hoani 14, 1 2) Te aroha nui o te Tama a Te Atua ! I timata mai tona aroha i te whenua - i te puke ki Kawari—a tae noa ki te rangi-—ki te torona o tona Matua. Apopo nga Karaitana mangere, ngakaukore, te pera ai me nga tuakana o Hohepa te whakama ai, te tangi ai ina tino mohio ratou ki te hohonu o te aroha o Te Karaiti. Ae, e rua nga kainga o te Karaiti- ana, ko tenei ao, ko tera ao. Otira ahakoa kei te ao nei ratou, ehara ratou i te ao (Hoani 17,14,15). I koingo te ngakau o Paora ki te haere ki tona kainga tuturu, " E karapitia mai ana hoki ahau e nga mea e rua he hiahia nei toku ki te haere, kia noho ai ahau kia Te Karaiti; ko te mea tino pai rawa hoki ia." (Piripai 1, 28). Ko Te Karaiti te whaiaipo a Paora. Otira ahakoa te koingo o tona ngakau kia wawe ia te tae ki te karauna kaa rite mai mona, Id tetahi hoki o " nga nohoanga maha," mea atu ana ia ki nga tangata o Piripai, " Ko te noho ia i te kikokiko, engari tena he pai mo koutou." E te Kai—korero mou tetahi o aua " nohoanga maha," kei wha- kaparahakotia e koe te aroha o Te Atua. Ko te hea kainga tau e whai ana ? Kei rite ra koe ki te purerehua e rereere noaiho ana. Ki te hiahia koe kia tae koe ki te Rangi, ko te huarahi kei a Hoani 14, 6; ko te tino whakamaramatanga o taua huarahi taihoa ka tuhia, ara, ko, "Te Huarahi ki te Ora,"i tangohia mai i " Te Karere o te Rongopai,'' No. 21. [E Te Pipiwharauroa—Tenei kua kite iho i to tono kia tukua atu a taua whaka- tauki a te Maori, kia tuhia ki to poho, hei titiro ma enei whakatupuranga e haere mai nei. He whakaaro pai tenei. Kei te tatari toru au ki nga kaumatua kia whakamana i to tono, otira kaore ano. He aha ra te take ? He nui rawa pea no ratou raruraru. Kaati maku ma te mea mangere e tuku atu he paihere whakatauki, e toru tonu nga taka- kau. Ko enei whakatauki e mohiotia ana ete katoa, he hauwarea noaiho. Heaha koa ra, hei timatanga mahi noa pea. Ite potopoto rawa o enei whakatauki, i te tino marama hoki o ratou ritenga, na reira i tapiritia atu ai e au. Ki nga kupu-whaka- wairua. E tumanako ana ahau, e inoi ana hoki me kore enei kupu e manaakitia e te Atua hei hoatu i te maramatanga ki etahi ngakau pouri. Heoi. Na to tuahine \_\_\_\_\_\_\_Te Hineiti Horirerire.] Bond, Finney, & Co., Printers, Nelson.
![]() |
9 9 |
▲back to top |
he Apiti ki te Pipiwharauroa. TE AO KATOA. " Koia ano te aroha o te Atua ki te ao ( katoa ara kia koe ) homai ana e ia tana Tama kotahi, kia kahore ai e mate a ..................(to ingoa) e whakapono ana ki a ia, engari kia whiwhi ai a .................. ( to ingoa] ki te oranga tonuta- nga. " — Hoani 3. 16. E hoa e whakapono ana ranei koe ki tenei korero, a he aha te tohu o to whakapono ? RONGOMAIMATE. I haere etahi tamariki taane pakeha tokorua ki te pupuhi manu i tetahi roto i te Waipou- namu. I te ahiahi i a raua e whakawhiti ana i te roto i runga poti, ka rere tata mai etahi waana kia raua. I te kaika o te hoatutanga a tetahi i te pu a tona hoa paku tonu atu, ka tu te kaki, a mate tonu atu. I te unga atu ki uta ka whakawahaina e te mea ora te mea mate ki to raua kainga, e wha maero te taw- hiti. I kite ano etahi taangata i a ia otira ki- hei i aroha mai. I te taenga ki te kainga hi- nga tonu atu ia i te kaha rawa o tona ngenge a i ngaro katoa hoki ia i te toto. — I mate te- tahi tamaiti iti e 4½ nga tau, ki Poneke, i te kainga wehike. I waiho e nga matua kia moe ana. No muri ka maranga a haere ana ki te ruma, i reira te pounamu waipiro e tu ana. Ka tapiki tona ringa, ka hamama te waha, ka wakaheke te korokoro, mate tonu atu. No nga matua te he ki te waiho i ta raua kai ki a tu noa. He maha nga maori kei te kohuru i a ratou tamariki ki tenei kai kino. I roto ano i te kopu te tamaiti e whangaia ana ki te wa- ipiro, i te whanautanga mai ka matakitaki ki nga matua e inu ana, e haurangi ana, i te pa- keketanga ka whakamatau i te kai e arohatia nei e ona matua, a tona mutunga kei———— ! I Poene he taone hi ika i Ahitereiria i ngaua tetahi tamaiti e ono nga tar, e te nakahi. I a ia e oma ana i roto i te kaari ki te puna wai ka mahiti mai te nakahi, tarewa ana ki. tona ringa matau. Katahi ka puritia e ia ki tona ringa maui te mahunga o te nakahi, ka kutia e ia kia kore ai e kaha ki te ngau, ka oma ia ki tona whaea hei patu i taua ngarara. I tapahia e te koka te pito o te ringa o tona ta- maiti i ngaua e te nakahi, ka herea a runga o te ringa hei arai i te paihana. I te taenga mai o te takuta ka hoatu he rongoa hei whakatu- ngawiri. Kaore ano kia mohiotia tona oranga matenga ranei. He tino maia tenei tamaiti ! I haere a Rutene Haerewa, no N ' Porou ki te hopu hoiho. I te maunga o tetahi ona ho- iho'ka panga te kaha ki tetahi a.ka tau atu ki te kaki. No te rerenga atu o te ringa o Ru- tene ka oho te hoiho kua mau ra i tetahi pito o te taura a ka uru te ringa o Rutene ki te kaha i tetahi pito, katahi ka kahakina. I ka- ha ano ia ki te karo i nga rakau, no te huringa o te hoiho ite whare ka akina ki te taha o te whare ; e rua nga ra i takoto ai ka mate. I tino whaia tenei tangata e te mate. I whano tata ano ia ka mate i te pakarutanga o tona pu engari ko tona ringa i haehaea. — I tetahi pakeha no Mangaweka e tauraki ana i te tai- namaiti ka paku taua mea, pakaru katoa tona whare a koia mate rawa. — I horo tetahi rua waro i Hariwheki, Kanata, 160 nga tangata i tapukea e 30 ano nga tupapaku kua taea — I kitea a Hami Pahiroa he tangata e tino moh- iotia ana ki Wairarapa ki Taupo, e takoto ana kua mate i taka i runga hoiho. — "I a tatou ano e ora ana kei roto tatou i te mate. " RONGOMAIMOANA. Kua kitea a te Perthshire, e 54 ra i ngaro ai, i maanu haere ai i te moana. E 4 ano ra hei rerenga mai mona i Poihakena ki Murihi- ku. No te 26 o Aperira ka rere mai i Poiha- kena : no te 28 ka whati te rino huri i te wira. Kaore nga initinia i whakahaua e te kapene ki te whakaora i te wira, i tatari ma tetahi ti- • ma ratou e parete. I hutia ano nga heera, otira i te pakupaku o nga hera me te nui o te kaipuke, ( e 5550 tana ) kore rawa i panuku, engari i paea haeretia e te au e te hau. No te 13 o Mei ka kitea e te Whangaroa, he kai- puke hera, nana i kawe mai te korero kei te ora taua tima, i mea hoki te nuinga o te tan- gata kua totohu, pera me te Ohau. I pouri nga pahihi i tenei wa mo to ratou putanga ki waho o te ara o nga tima mai o Poneke. I ki ra. tou i rite to ratou kaipuke ki te Aka o Noa. I te 24 o nga ra ka mahara ano ratou ki te ra wh- anautanga o te Kuini ; i tumanako ki a whiti rangimarie atu ia ki tera ao a tona matenga. No te 25 ka kitea ratou e te Northern Chief, he kaipuke hera ano. I tenei wa 10 nga tima ki te rapu ; kua hangai hoki a te Perthshire ki te huarahi mai o nga tima o Akarana. Ka pau nga taewa mete paraoa, ko te miiti he nui he hipi huka hoki te utanga o te kaipuke. I te 27 ka 926 maero te paenga a ka whakata- , ta ki nga moutere. I te wehi kei pakaru, ka timata te mahi a nga initinia i te wira : tetahi riri kaha, he iti kau te kai me te moe. No te 7 o Hune ka kitea e te Vera Jean he kaipuke hera ano. Ka 46 nga maero te tatanga atu ki Norfolk Island, te motu o te Pihopa o Mere- nihia, ka oti te wira te hono ka haere iti te ti- ma. Ka 100 maero te rerenga, ite 13 o Hune ka kitea e te Talune, he tima no te Uniana, ka paretetia ki Poihakena, kaore hoki e kaha te ngoki a taua turoro. I pouri nga initinia mo te moumou o ta ratou mahi; No te 20 o Hune ka tae ki Poihakena. He nui te pohi- ritanga i a te Tarune raua ko tana whakaora- nga. I arahina raua i whio nga tima i umere te mano o te tangata. .I a te Pahia e piupiua ana e te hau e te marangai e rua ona taiawh-
![]() |
10 10 |
▲back to top |
he Apiti ki Te Pipiwharauroa, iotanga., Kaore ano kia mohiotia e hia mano pauna ranei te utu kia te Tarune. Te waim- arie o te kapene! — He hanga aroha .te mate- nga o nga tangata tokowha o te Hinemoa ki Whangaokeno, Waiapu. E kino ana ano te moana kahaere te: poti ki uta a tahuri tonu atu; e rua i ora e wha i mate; ko te mete tua- tahi tetahi. Ta ratou mahi he whakau i nga mea mo te whare-raiti i Ihi Keepa. RONGOMAITAKARO, Kua tae mai te tima whutupooro o Ingarangi ki Ahitereiria. Ki te rongo korero e kore pea ratou e whiti mai ki Niu Tireni nei, otira kei te Whakahaerea e to, tatou Uniana kia whiti mai ki te whenua o te Maori. Ka toru o ra- tou pureitanga ki Poihakena, a kaore ano ra- tou kia mate noa. I te pureitanga ki Hirini e 4 a ratou pahia e 3 a Hirini. — Ka nui rawa te :kaha: o te Arai, tetahi o nga karapu Maori o Turanga nei; tera, pea e riro i a ratou te Ka- pu, i runga i te mea kua mate katoa i a ratou nga karapu.pakeha. — I kitea e matou i roto i " Te Tui •' 13 nga pureitanga o Te Aute i te- ra iau, e 6 nga wininga, e 2 nga matenga, e 2 i rite tonu, 1:kaore i pureitia; 180 a ratou pa- ina katoa, e 43 a era atu taha. I tenei tau ka 5 o ratou pureitanga; kotahi to ratou wininga. — Ki te ki a nga nupepa o Amerika kua Wha- katahuritia a Hoani Harawana (John Sulli- van ) he tiamupiana i te ao mo te riri, ki te wha- kapono i runga i te kauwhau tanga a Muuti. Ko te .rewera tona hoa riri inaianei. — Kei Niu Tireni nei a Horano te tiamupiana o te ao mo te purei mu. Ka 763 ona pureitanga, 620 ona. wininga, 140 ona tainga, a ka toru ano ona matenga. — I te reihi potitanga o Ha- rawana, raua ko tetahi toa ano .o Ingarangi, ko Hemi te ingoa, ko to Harawana poti i wini. Ko Renara (Reynolds) te tiamupiana mo te eke paihikara i Niu Tireni, no Akarana; ko Hare. Uru;te tiamupiana Maori, no Kaiapoi. •—Kei Ingarangi te tiima kirikiti o Ahitereiria. Ka 13 o ratou pureitanga; ka 8 wininga; ka 1 ano matenga; ka 4 ritenga. I rite ai ehara i te mea, hei rite no nga paina, engari, he kore- nga kaore i mutu, te purei i nga ra i whakari- tea Ko te nuinga o nga pureitanga, ki nga karapu ririki; ka rua nga pureitanga nunui, ara o Ahitereiria katea ki Ingarangi. Te pu- rei nui tuatahi kaore i oti: Ahitereiria, e 482, Ingarangi, e 348, kotahi tangata i toe. Te pu- rei ruarua: i wini a Ahitereiria: A, 449. I, 446. Kaore: he: tangata i mate o Ahitereiria i te u- runga tuaina ka mutu: te purei; i tino mate a Ingarangi. Ko te tino tangata toa o Ingara- ngi, o te ao katoa, he mangumangu no Inia, he momo kingi Tona ingoa ko Ranjitsinhji! He golf tetehi takaro inaianei, kei te tino pi- rangitia e te Maori, engari te he he purei no etahi tangata i te Ratapu. He mahi tino pai kia " Te Pipi" nga mahi takaro ataahua, he- oi e nga tamariki taane kaua e aru i nga tika- nga a nga pakeha tutua, kaua e tukua ko nga mahi ahuareka hei rangatira mou, hei atua ra- nei mou, a kia takahi koe i te Hapati o Ihowa. Ehara te Atua i te tangata kia tinihangatia e koe. Kaore Ia e mate, engari ko koe ano ko te tangata e mate. RONGOMAITAWHITI. I whakatauria e te Komihana ko Marietoa te kingi o Hamoa, engari i tono ratou kia wh- akarerea e ia te torona. Tera e whakaturia he kawana hei kaiwhakahaere mo Hamoa. E whakaae ana a Marietoa me Mataawha. Kua tonoa ko Meiha Mea hei kai-whakahaere mo Ingarangi ki Hamoa. — Te riri a nga Piripa- ini hunahuna ai. I kokiritia e ratou te ope o nga Marikena; e 30 nga Marikena i mate. Kua karangatia a Atimara Tiui kia hoki ki te kainga. He pohiri nui kua rite mona. — Kei te ririiri a Ingarangi me Taranawara (Trans- vaal ); taihoa pea ka whawhai. Kei raro tera whenua i te mana o Ingarangi, engari ko Kur- utia ( Kruger) ko te tumuaki kaore e pai ki te Ingirihi. Kua tono etahi hoia o Ahitereiria ki a haere ratou. — I nga tangata o te karakia o Mahomete e mau mai ana i te 'whariki tapu' i Ihipa ki te pa tapu i Meka, i Arapi ka auk- atiria ratou e nga kai pahua, tangohia ana te whariki; ma te £600 rano ka whakahokiria mai ai. Kei te pehea ra te poropiti a Maho- mete mo tona takapau ? — I timataria he nu- pepa Ratapu i Ingarangi, otira i te kaha o .te riri a te iwi whakamuturia ana. Hia! hia ! hia! Ingarangi! " Ma te tika ka kake ai te iwi" — Whakatauki 14. 34. " Kui! Kui!! " RONGOMAITATA. I te whakawakanga i a O' Kanara, te piri- himana o Nepia i whakapaea mo te tahae, i tukua ia. — Kua whakaturia ko Ta Ropata te Tauti hei Tino Kaiwhakawa mo te turanga o Ta Hemi Perenetekaha, i mutu i tera marama. He roia tino matau a Te Tauti, he tino hoa- riri no te hoko waipiro. — I hamenetia e tetahi pouaru te Kaunihera o Hirinihama, Otautahi, mo te matenga o tona tama i runga paihikara ite tutukitanga ki te kaata hari paru, ite kore rama o te kaata. E £300 te utu ma te Kau- nihera ki taua wahine. —No te 23 o Hune ka tuwhera te Paremete. Te nuinga o nga kupu a te Kawana ko nga kupu ano kua puaki i ona Minita; i puta ano tona korero mo te iwi ma- ori me o ratou whenua. Taihoa ra te roanga ake o nga. korero, ka kapi te apiti. Tena ra koutou e nga hoa : mahara mai. — No te 20 nga haora i te ata tu o te 1 o Hurae ka moe a Ngamihi, e rima tau, te tamahine a te Ropere Taahuri me Mihirini, ki Te Raukahikatea. Hoatu e hine ki te wa kainga !