![]() |
He Kupu Whakamarama 1898: Number 13. 01 March 1899 |
![]() |
1 1 |
▲back to top |
![]() |
2 2 |
▲back to top |
HE KUPU WHAKAMARAMA. NAMA 13. NELSON. MAEHE, 1899 EDITOR-REV. F. A. BENNETT. TE WHAIKORERO A TE PIHOPA O WAIAPU KI TE HUI TOPU O TE HAHI MAORI, 6 MAEHE 1899. E oku hoa aroha, Ue tika kia whakawhe- tai tatou ki te Atua mo tana tohu i a tatou i roto i nga tau e toru ka pahure nei, i hui- hui ai ano tatou ki konei ki te Hui Topu o te Hahi o tenei Pihopatanga. He maha ano ana mahi atawhai ki tenei, ki tenei, e mohio nei tatou ; ko taku ia e whakama- hara nei inaianei, ko tana ata tiaki i ahau i toka whakawhitinga i te moana, tae rawa atu ki Ingarani, a hoki noa. mai ki te wahi o tana mara kua whakaritea nei hei mahi- nga tatutanga ma tatou. Te mea nui o taua haerenga oku hei korerotanga maku i tenei wa, ko nga mea i kite ai, i rongo ai ahau o te mahi a te Hahi a Te Karaiti ki te tini o nga whenua*o te ao. He tokomaha nga Pihopa i haere ake i roto i nga iwi kahore ano kia ata mohio ki te Rongo-pai o Te Karaiti. Ka kitea hoki ki reira te kakama, te ngahau o etahi o nga tangata o te Hahi ki te whakarite i ta Te Karaiti whakahau ki ana tangata kia haere ki te mea i nga tauiwi katoa hei akonga mana. E mahi nei ano te Ropu tono Mihinare, na reira nei i tuku mai he kai- kauwhau i te Rongo-pai ki tenei motu i te tau 1814. Te timatanga o te mahi a taua Ropu tono Mihinare no te tau 1798 ; ka tutaki hoki te 100 o ona tau i te tau ka pahure ake nei. Ehara i te . mea ko Niu Tirani nei anake, engari he maha noa atu- nga whenua kua taea atu e te Rongo-pai, ko te nuinga ano ia o nga tangata kahore ano kia tahuri mai. Etahi ata Ropu, ko te Ropu whakaneke ake i te Matauranga Karaitiana, na reira nei i mahi mai a tatou pukapuka Inoi, me etahi atu pukapuka ; ko te Ropu perehi Paipera hoki, na reira nei tatou i whiwhi ai ki te Paipera reo Maori. Te mea ma tatou, ko te whakawhetai ki te Atua mo enei mahi nui i whakakahangia ai ana pononga ki te mahi. Kauaka te whaka- whetai kupu kau, engari ko te anga nui ki ana mahi, me te mau tonu te mahara ki tana whakahau kia kauwhautia te Rongo- pai ki nga tauiwi katoa. Ta Te Karaiti i pai ai mo tana iwi, ko te tapu, ko te mawehe i te hara, ko te nui haere o te matau ki a ia. Kua whakaritea e ia ko nga Minita hei tohutohu i te iwi, hei whakamahara i a ratou ki tana i whakaako ai, hei mea i a ratou kia tupato ki nga mahi tinihanga a te hoa-riri. Otira ehara i te mea ma nga Minita anake, engari me mahi tahi te hunga katoa kua oti te iriiri ki roto ki a Te Karaiti hei wahi mo tona tinana. He maha nga mea hei mahinga ma te tangata o te Hahi hei tautoko i ta te Minita. Tetahi, ko te inoi tonu mona kia tohutohungia, kia whakakahangia e te Wairua Tapu, e ata tutuki ai te mahi kua tukua mai nei e te Ariki ki a ia. Tetahi, he whakaaro ki a ia ano, kia mahi i nga meapai katoa, kia mawehe i te hara, kia kaua e mangere ki te karakia ki te Atua, kia whai tonu ki te Tinana, ki nga Toto o Te Karaiti, hei mea e whai kaha ai, e whai manawa ai tona wairua i roto i te Hapa a te Ariki. Tetahi, he whakaputa i te whakaaro ki nga tamariki o tona kainga kia whakaakona i nga Ratapu, i etahi ra hoki o te wiki, ki nga mea e ata tupu ake ai hei pononga ma Te Karaiti. Tetahi, he whakaaro ki nga taitamariki, ki nga taitamahine kua hoki nei i te kura i Te Aute, i a Tipene, i Huka- rere kei whakawaia e te rewera, ka heke ai te tupu. Tetahi putanga hoki mo te whakaaro o nga tangata o te Hahi i tenei wa, ko te oranga mo nga Minita, e watea ai ratou ki a ratou mahi ake. I te mea e iti ana te oranga mo te Minita, he nui nga whakaware mona ki te mahi kai mana, ki te kimi oranga mona, mo tana wahine, mo ana tamariki. Kei te takoto ano nga Tahua Oranga Minita, ehara i te mea rahi; ko nga hua ano kua hoki haere. Ki te whai tatou ki nga Minita kia kaha ki ta ratou mahi, me whakamama e te tokomaha nga taimaha o te taha ki te oranga mo te tinana Tetahi tikanga pai, ko te kohikohi kia puta i nga Ratapu katoa, kia rite ki ta Paora whakahau ki nga Hahi o Karatia, o Koriniti; kei waiho e te tangata kia takoto noa ana
![]() |
3 3 |
▲back to top |
HE KUPU WHAKAMARAMA. tana moni, ka pau i nga mihi takaro, i nga mea huakore noa iho. Tetahi putanga nui hoki mo nga moni kohikohi, ko te kawe i te Rongo-pai ki nga iwi e kuware ana o tenei motu, o nga motu o Melanesia, o era atu wahi hoki o te ao. Ma konei ka tino kitea ai te ngakau whaka- whetai ki te Atua mo tona aroha ki a tatou. Ki te kore tetahi e uru ki tenei mahi he whakakore tana i ta Te Karaiti, he mea i nga mahi a te hoa-riri kia neke ake. He tangata e u ana ki a Te Karaiti ka u ano ki nga mahi a Te Karaiti. He mea pai kia puta tetahi kohikohi nui ma tatou i tenei wa ka taku ata ai ki te Ropu tono Mihinare, hei whakangahau i taua mahi, me te inoi tonu mo taua mahi a Te Karaiti kia kaha haere i nga wahi katoa o te ao. Kaua ano ia e wareware ki te tautoko i nga wahi o te mahi e tata ana ki a tatou, ara ki te mahi i Niu Tirani net, i nga motu hoki e kiia nei ko Melanesia ; kaa tukua mai nei hoki enei ma tatou ake, ara ma te Hahi i Nia Tirani. Me puta tonu a tatou kohikohi mo enei i ia tan, i ia tau. Tetahi mea hei korerotanga maku aianei, ko te ture kua takoto i te Hinota Nui mo etahi tangata Maori kia whakaurua ki te Hinota o te Pihopatanga. Ma nga tangata o te Hahi i nga takiwa e toru, e tu nei he Hui mo te Hahi Maori, e whiriwhiri. Hei te tau e haere ake nei (1900) whiriwhiria au nga tangata mo te Hinota. Me mahi hoki i te takiwa e takoto ake nei nga mea e tika ai te whiriwhiringa o nga tangata Maori toko- toru mo enei takiwa etoru o te Pihopatanga. Ma te Atua tatou e tohutohu i tenei wa kia pai ai a tatou mahi ki taua titiro iho. HUI NUI KI TURANGA. Ki te Pipiwharauroa, E koro tena koe me tou Etita. He kupu torutoru nei, hai mau atu mau ki nga pito e wha onga motu e rua nei ara, e te Waipounamu me Aotearoa. Tera atu te nui o nga Hui Kohikohi moni whare karakia o roto o te pihopatanga O Waiapu, heoi ka tohitu ake taku korero mo te Hui i tu ki Pakirikiri nei, i te 3 o nga ra o Maehe, 1899. E toru nga take o taua Hui. (1). Ko te Hui Topu o te pihopatanga o Waiapu. (2). Ko te kohi moni mo tetahi whare karakia meake hanga ki Kaiti wahi o Tur- anga. (3). Ko te Hakari mo te Kohatu whakam- aharatanga a te Kawanatanga o Niu Tireni mo Hirini Te Kani-a-Takirau rangatira o Turanga, i mate nei i te tau 1897. I timata te hui i te tahi o nga ra o Maehe. I hui mai nga hapu o tera wahi o tera wahi o roto ano i te pihopatanga o Waiapu. I neke atu i te kotahi mano nga tangata i whakamine mai ki taua hui. E toru nga whare nunui o taua marae. E rua nga whare moenga, kotahi te whare kai. Ko te roa o te whare kai e 48 iari. E rua nga teepu kotahi ki tetahi taha kotahi ki tetahi taha, me nga mea katoa ano hoki a te pakeha e rite ana mo te teepu. Heoi neke at ui te 300 tangata e whakaeke ana i runga i nga teepu i te kainga kotahi. Ka nui te pai o te whakahaere katoa o nga mahi o te marae. Tera ano etahi mahi o taua marae e kiia ana he mahi ahuareka ara he whakatangi Peene, he haka, he poi. [ te pakeha te peene heoi inaianei kai te Maori. I Parihaka te poi, heoi naianei kai nga wahi katoa, akuanei ra he pewhea te tukunga iho. He mahi ahuareka te poi ki te titiro atu, engari ki taku mohio taihoa ka waiho kai atua mo etahi iwi, pera hoki me te Whiti raua ko Tohu. Tokowha nga minita i tae mai i te tima- tanga tonutanga iho o tenei hui, Rev M. Waaka, Rev T. Huata, Ren A. H. Rangi, and H. T. Huata. I te wha o nga ra katahi ka nui atu nga tangata me nga minita hoki. E tukua ana te kauwhau ki tenei minita ki tenei minita i te ata i te ahiahi. Ko nga kai hapai himene no Ngati-pahauwera, no Mohaka. Ka nui te pai o nga kupu kau- whau, Engari ki taku titiro ara ki te hunga e whakarongo mai ana, e rite ana ki te kupu whakarite a te Karaiti mo te kai Rui. I penei ai taku kupu he tokomaha no nga wha- kahaere ke i tae mai ki taua Hui, he Ringatu, Momona, Kaupare, me era atu. Otira ahakoa maha enei whakahaere, i nga minita tonu o tenei Hahi, nga karakia katoa, a mutu noa te Hui. I te 4 o nga ra ka takoto te Pereti Kohi moni mo te whare karakia, puta ake te moni e £501 Os Od. Ko te kohi nui tenei o nga kohi whare karakia katoa a te iwi Maori. I te 5 onga ra ka hui katoa matou ki te whare karakia i Manutuke e kiia nei ko te Tokotoru Tapu. Ka tutaki hoki matou nga minita maori ki nga Kaumatua nei kia Pi-
![]() |
4 4 |
▲back to top |
HE KUPU WHAKAMARAMA. hopa Wiremu raua ko te Atirikona Hamiora Wiremu. Ka hui katoa nga minita i konei e 21, ara, koia enei nga ingoa Renata Wiremu, Pihopa o Waiapu Arch. H. Wiremu, o Hawke's Bay Rev. H. W. Wiremu, o Gisborne G. Manihera, o Opotiki W. Kutia, o Tauranga ,, A. Wiremu, o Te Aute, Heretaunga T. Huata, o Wairoa M. Turei, o Rangitukia ,, M. Waaka, o Turanga H. Waitoa, o Kawakawa ,, E. Kawhia, o Whareponga ,, H. Pahewa, o Te Kahanuiatiki ,, M. Pahewa, o Tokomaru ,, R. Te Aihu, o Whangara ,, A. H. Rangi, o Mahia Nirai Runga, o Petane ,, K. Manahi, o Heretaunga ,, A. Te Awekotuku, o Rotorua Hoete, o Taupo ,, B. Haumia, o Maketu A. Tamihere, o Whakataane ,, H Huata, o Mohaka Tokorua nga minita kihai i tae mai ko T. Tapeta me R. Rangamaro. I timata te Karakia a te Pihopa ki te whakatapunga o te Tokotoru Tapu mo nga mahi anake ki te Atua. Ka panuitia te whakatapunga e Ahipene Rangi i te tomo- kanga atu i te kuwaha o te whare. Ka mutu ka korerotia e te pihopa te Waiata 24. me te korero ano nga minita ia ratou e haere atu ana ki o ratou nohoanga. Ka timata ko te karakia nui. I te Atirikona te kauwhau, te rarangi kei a Ruka 17, 19. He nui te pai o te kauwhau a te Atirikona. Te wahi timatanga o tana kauwhau, he whakaoho i te whakaminenga kia anga nui atu ki te whai ia te Karaiti. Te wahi whakamutunga, he tino pehi atu i nga mahi tohunga Maori. Te moni ohaoha o tenei karakiatanga i tata ki te £5 0s Od. Ko nga tangata i tango i te Hapa e 80. I te karakia nui i muri o te tina kihai te pihopa i tae mai, i ahu ke atu ia ki * nga Pakeha Ko te Atirikona te kai whakahaere o tenei karakia. I a Matiaha te kauwhau Rarangi I Kori 15, 10. He pai te kauwhau a Matiaha Pahewa. I te 6 o nga ra ka tu te Hai Topu. Ka whakatu-wheratia e te Pihopa ki te inoi. Muri iho ko tana whai korero, te wahi timatanga o tana whai korero he whakahau ki nga minita ki nga Mangai-Reimana me te Hui katoa hoki kia whakawhetai atu ki te Atua mo Ana atawhainga maha i a tatou i nga tangata. Te wahi whakamu- tunga o tana whai korero ko tana whakahau ki nga tangata kia kaha te whakatipu i nga mahi o te Rongopai, kia neke haere ai to tatou pai ki te aroaro o te Atua, kia whai kororia ai te Atua i runga i a tatou mahi. Otira tera atu te momonatanga o nga kupu a te Pihopa. Engari ka tukua atu ano te kape o tana whai korero. E rua nga ra i whakahaerea ai nga korero o te Hui katahi ano ko, mutu. Ite 7 o nga ra i te ahiahi ka mutu te Hai. I te 8 o nga ra ka pakaru atu nga tangata ki tona wahi ki tona wahi. Heoi ano na to hoa pononga i roto i te Ariki, (REV.) HEMI P. T. HUATA, Mohaka, Hawke's Bay. Maehe 15. 99. TE URUPA O TE MATENGA. I ta te whakaaro i hua ai, i ta te waimarie hoki, haere ana ahau ki Poihakena (Syd- ney). E wha o matou ra i rere atu ai i Poneke ka u ki te kainga rongo nui nei ki Hirini. He tino ataahua te wahapu o taua taone, ano he roto. Hei te kaipuke huhua ana mai i te kaipuke whawhai tae noa ki tenei i te poti-whaka- whitiwhiti nei. I to matou po tuatahi ki Hirini ahua rereke ana nga mahara i te huhua o nga mea hei matakitaki ma te kanohi tauhou. E rere ana, e turituri ana ona waka huhua, e karanga ana te reo o te tini o te tangata, e ngaweki ana te mano o te tangata i ona tiriti te kiri ma, te kiri kaunenehu, me te kiri mangu. Ko Hirini tenei taone ara ko Poihakena. E kore e pau i au te korero te nuinga o nga mahi, me nga mea i kitea e ahau. Tera ano te tino tikanga o taku haere. I haere au ki. te hui a nga tangata kareti. He hui tino pai, nui atu te atawhai te kaingakau o te Pakeha ki ta ratou manuhiri Maori kia Hamiora Hei me ahau. He aha i kiia ai te aroha o te Pakeha ! I kawekawea matou ki ona wahi. I te mutunga o te hui ka mauria au e tetahi takuta ki Paramata, he taone e tata ana ki Hirini. Ko Paramata tenei i noho ai a Te Matenga (Rev. Samuel Marsden); i konei ka kite nei ia i a Toki raua ko Hura. I te papai o ana maia, koingo ana te ngakau o Te Matenga kia
![]() |
5 5 |
▲back to top |
HE KUPU WHAKAMARAMA. kauwhautia te Ingoa o te Karaiti ki nga Maori kai-tangata o Niu Tireni. I tomo maua ki roto o tona whare karakia. I tetahi taha o te whare e piri ana tetahi kohatu, he whakamaharatanga ki taua kaumatua, na etahi Maori o Aotearoa. Ko te whare tenei i tohe ai a Te Matenga ki tona iwi kia inoi mo te iwi Maori kia Whakatahuritia ki te Rongopai o te Ora, o te Rangimarie. Ka puta ata maua ko taku hoa takuta ki waho, katahi ka ahu whakarunga, ka haere i te huarahi i kopikopiko ai a Te Matenga. I whakaaturia ruai ano ki au tona whare i noho ai tera, engari he tangata ke kei roto inaianei. Ea tika atu maua ki te Urupa. I wareware i taku hoa te wahi i whakatakotoria ai te " Apotoro o Niu Tireni." Katahi maua ka rapu haere i te urupa ; naku tonu i kite. I penei nga korero o tona kohatu— " Ko te Matenga, te tangata tuatahi ki te kauwhau i te Rongopai ki te iwi Maori, i te tau 1814 etc." Tau mai ana te aroha ki au, hoki ana nga whakaaro ki te wa kainga. Ea noho au ki runga i te urupa o te matua o te iwi Maori, a ka puta mai etahi, whakaaro ki toku ngakau. " Ae ! no Tihema 25, 1814 i pa ai te reo o Te Matenga i Kororareka, i mea ai—" He kai kauwhau tenei ahau ki a koutou mo te hari nui, meake puta mai ki te iwi katoa." Eo te 84 tenei o nga tau o te uunga o te Rongopai ki te whenua o taku iwi, a kei te pehea ratou inaianei ? Eo etahi kei te noho noaiho, ko etahi kua whakarere i te whakapono, ko to nuinga o nga mea e mau ana ki te karakia kei te karakia a ngutu noaiho pea, kua huhua, nga karakia, nga karakia Pakeha, me nga karakia Maori, a kua aru katoa ratou i enei. Kua whakarerea e etahi to ratou Hahi tua- tahi to ratou whaea. Kua marara ke noatu ratou ano he hipi ngaro, mehemea nei kahore he hepara. Kei te hohoro tonu to ratou ngaro, a e kiia ana e te Pakeha, meake ngaro i te mat» o te whenua." I au e penei ana, ka pupu ake tetahi inoi i taku ngakau— " E te Atua kaha rawa mahara mai ki taku iwi. Kaua e maharatia e koe o ratou warewarenga kia Koe. Whakaminea mai ratou kia kotahi te kahui. Tohungia ratou i te mata o te whenua, a meinga hoki ratou ' hei whakamoemititanga i runga i te whenua," ! E toku iwi aroha, tena ra koutou katoa. Na ta koutou pononga. REWETI T. KOHERE. PANUITANGA. Poneke, Pepuere 9, 1899. He panui tenei kia mohio ai nga tangata, nga hapu me nga iwi Maori, kei te ata tirohia e te Kawanatanga nga mahi a nga tangata e kiia nei he tohunga ratou, i te mea he nui nga kino e tupu ana i roto i te iwi Maori i runga i nga mahi a aua tohunga. Eo te mahi a aua tohunga he whakawai i ga tangata, he ki ka ora i a ratou nga turoro me nga mate katoa, ko te tukunga iho rere ke a a, a pa ana te mamae nui ki nga tangata e mahia ana e ratou, mate iho etahi. Eo tetahi hoki, o kiia ana e whaka- kake ana ratou ki te ture me te whakakiki i etahi kia tahuri atu ki ta ratou mahi Na, ko te kupu tenei a te Kawanatanga : Kaore, te Kawanatanga e pai kia tinihanga- tia tona iwi Maori, kia whakamamaetia e nga mahi kino me nga kupu maminga a aua tohunga, a e kore hoki te Kawanatanga e whakaae kia kake te tangata ki runga ake i te ture. Na, reira, me tupato nga Maori, kei whakarongo ratou ki nga kupu whakawai a aua tohunga, a kaua hoki e rongo ki a ratou tohutohu ki a ratou whakahau ; na, he kupu atu tenei ki nga tohunga, kia tupato hoki ratou ki a ratou, notemea hoki he matakite te ture, he roroa, ona ringa- ringa ki te whatoro atu i te tangata hara, a ki te tupono he mate ki te tinana o te tangata, a ki te hemo rawa ranei tetahi i aua mahi, heoi ka tukuna aua tohunga ki te ture, a ka whiua ratou. A, kua whakahaua nga pirihimana kia tirotiro tonu i aua tohunga mahi kino, a ki te hopu i a ratou ina takahi ratou i te ture. NA TE HETANA, Minita mo te Taha Maori. TE RAUKAHIKATEA. No te 9 o nga ra o Maehe i timata ai te kura minita o te Raukahikatea. Nga kai- whakaako o tenei kura ko Rev. Hapata W. Wiremu, M.A., me Rev. Hector Hawkins. Tokowaru nga tangata kei te ako inaianei, hui atu ki a ratou wahine me nga tamariki ka tekau-mai-iwa. Eo nga ingoa enei o aua tangata, o ratou kainga me o ratou iwi. Turuturu M. Ngaki, Te Puke, Te Arawa ; Te Muera Tokoaitua, me tona hoa-wahine me Tuihana, Rotorua Te Arawa ; Tuahangata Pereiha, Maketu, Te Arawa ; Eru Hakaraia me tona hoa wahine me Rihi, Awanui, Te Karawa ; Mokai Kekero, me tona hoa wa- hine me Titaha, Waitotara, Taranaki; Nga- rauru ; Te Iwiora Whakarua, me tona hoa,
![]() |
6 6 |
▲back to top |
HE KUPU WHAKAMARAMA. wahine me Ngarongoa, Waitotara, Tara- naki, Ngarauru ; Wiremu Keretene, Kawa Kawa, Ngapuhi ; Matene Naera me tona hoa wahine me Hemaima. Hoki- anga, Ngapuhi; Te Ropere Tahuri-o-Rangi, me tona hoa wahine me Mihirini, Rotoiti, Te Arawa ; Ko te Reweti Kohere kei konei e noho ana inaianei, e ako ana ano i ana mahi o te kareti i Christchurch. E hoa e Peneti ana ka tukua atu etahi kakano iti nei, hei whangai i ta tatou manu i a Te Pipiwharauroa. Na Matou katoa tena kohikohi. Hei nga po hua pea te kai, ka tuku ata ano i etahi. Tukua mai etahi kape o Te Wharauroa kia matou, hei tau e hiahia ai. Heoi, ma Te Atua koe e whaka- kaha ki te hautu i nga mahi o te Hahi. Kanui to matou ora,- a nei rawa to matou mate he ruarua rawa no matou. Kowai ra e haere mai hei noho i etahi o nga ruma o te whare nei ? Tena taria. TURUTURU M. NGAKI, Maehe 15, 1899. Te Kau Kareti, Gisborne, HE INOI MO TE KARETI. E IHOWA., e te Atua, ko koe nei te Kai- homai o te matauranga, o te pai katoa, he inoi tenei na matou kia titiro atawhai mai koe ki tenei Kareti. Awhinatia tonutia mai nga kai-whakaako me nga akonga, kia ata mahia ai e tenei, e tenei, kia whai hua pai ai nga taonga kua homai nei e koe hei mahinga; tiakina hoki o matou tinana kei pangia e te mate, me o matou wairua kei poke i te whakaaro kino; ko Ihu Karaiti hoki to matou Ariki. Amine. TE HURINGA O NGA TAU KOTAHI RAU O TE ROPU TONO MIHINARE. Me panui tenei i te mutunga o te Karakia o te Ata, o te Ahiahi, a te 9 o o nga ra o Aperira. Ki nga Winita, ki te iwi Maori hoki o te Hahi i te Pihopatanga o Waiapu. E oku hoa aroha, tena koutou. I puta taku kupu, i taku whai-korero ki te Hui o te Hahi Maori i mua ake nei, mo te Ropu Tono Mihinare o te Hahi i Ingarani ka tutuki nei ki te 100 nga tau. Tona ra huri-tau, i rite nei ki te ra whanautanga, ko te 1.2 o Aperira. Heoi he kupu tena ki a koutou, kia puta he inoi ma tatou a taua ra mo te mahi, a taua Ropu tono Mihinare kia manaakitia tonutia e te Atua, mo nga kai-mahi hoki kia tokomaha, mo nga tangata katoa o te Hahi kia kakama ki te tautoko i taua mahi, ara i te hora haere i te Rongo- pai ki nga iwi katoa o te ao ; me te whaka- whetai ano mo taua karanga i a tatou i roto i te pouri ki tona marama whakamiharo. Ko te mea pai, me huihui nga tangata kaitoa o ia kainga, o ia kainga ki te karakia i te awatea ranei, i te ahiahi ranei. Tena nga waiata, nga upoko, me tetahi inoi mo taua karakia. Na to koutou matua, na TE WIREMU, PIHOPA. NEPIA, 17 Maehe, 1899. MO TE 12 O APERIRA, 1899. Nga Waiata, 72 96. Te Upoko tuatahi, Ihaia 49 ki ra. 14. Te Upoko tuarua, Epeha 3 ki ra. 14. He Inoi mo uaua ake o te Inoi a Karihotoma. E te Atua kaha rawa, nau, ara na tau. Tama, na Ihu Karaiti, nga Apotoro i whakahau kia haere ki te ao katoa ki te kauwhau i te Rongo-pai ki nga tangata katoa ; he whakawhetai ta matou ki a koe mo tau karanga i a matou ki roto ki tau Etahi. Mau matou e mea kia kakama ki te whakarite i tau kupu, kia takare ano ki te whakaatu i tau huarahi ki runga ki te whenua, i tau mahi whakaora ki nga tauiwi katoa. titiro atawhai mai ki nga tauiwi kahore ano kia mohio ki a koe, ki nga mano tangata e noho marara nei, ano he hipi hepara-kore. E te Matua i te rangi, ko koe te Ariki o te kotinga, whakarongo mai ki a matou inoi, tonoa hoki kia tokomaha he kai-mahi ki tau kotinga. Ma tou aroha noa ratou e mea kia tau mo ta ratou mahi ; tukua mai ki a ratou te wairua o te kaha, o te aroha, o te whakaaro pakari ; kia mana- wanui ratou ki nga mea uaua ; kia riro hoki kota ratou whakahaere tika, ko taratou ako, hei whakapuaki i tau kororia, hei kukume mai i nga tangata katoa ki te ora. ko Ihu Karaiti hoki to matou Ariki, Amine. NGA KAUTE O NGA MONI MO TE PIPI WHARAUROA MO TE TAU TIMATA MAI I A MAEHE 1898 KI A MAEHE 1897. NGA MONI RIRO ATU. £ s.d. To Printing ... ... ... 28 156 Postages ... ... ... 5 112 Clerical duties ... ... O 19O „ Cash in hand ... ... O 142 £35 19 10 NGA MONI RIKO MAI. £ s. d. By Subscriptions... ... 32 19 10 ,, Special donation for new title page ... ... ... 3 O O £35 19 10 F. W. CHATTERTON, Kai Tiaki o nga moni, COLONIST PRINT.]