![]() |
He Kupu Whakamarama 1898: Number 10. 01 December 1898 |
![]() |
1 1 |
▲back to top |
![]() |
2 2 |
▲back to top |
HE KUPU WHAKAMARAMA, Nama 10.NELSON, TIHEMA, 1898. EDITOR -REV. F. A. BENNETT. TE KIRIHIMETE ME TE TAU HOU. Ei nga iwi ki nga hapu o te Aotearoa me te Waipounamu, tae atu hoki ki Whare- kauri, me era atu motu. —Tena koutou i raro i te manaakitanga a to tatou Ariki a Ihu Karaiti. He mihi atu tenei na te Kupu Whaka- marama ki a koutou e te iwi i roto i tenei Ra Whanautanga o ta tatou * Ariki, me te Tau Hou. Ma te Atua tatou katoa e awhina, e tiaki, e arataki ki runga ki nga huarahi pai katoa. Mana tatou e whaka- kaha ki te mahi i nga mahi katoa e tupu haere ai tona kingitanga ki nga marae katoa o nga iwi, o nga hapu, e noho nei i enei moutere, tae atu hoki ki o tatou hoa tangata ki o tatou whanaunga e noho mai nei i nga wahi mamao, i nga wahi kaore nei i te whitingia e nga tihi o te Ra Whakamarama. He tau hou tenei. Kua tata haere tatou ki to tatou kainga pumautanga. He tira haere tenei. E ki ana a Paora " Kahore hoki he pa tumau mo tatou i konei; engari e rapu ana tatou i tetahi i roto i nga wa a muri nei" (Hiperu xiii, 14.) E te whanau e! heaha te o mo tatou ki taua kainga? He aha nga taonga kua purangatia e tatou ki taua wahi " e kore nei e whakakino te huhu te waikura ; ki te wahi hoki e kore ai e keri nga tahae, tahae ai." (Matiu vi, 19, 20.) Me pewhea te puranga o enei taonga ? Me takahi i nga maihi a, te kikokiko, me whai ki nga hua o te Wairua, ara, "he aroha, he hari, he rangimarie, he manawanui, he ngawari, he ngakau pai, he whakapono, he ngakau mahaki, he ngakau kua taea te pehi." (Karatia v, 22, 23.) Konga taonga enei hei whawhao ma tatou ki roto ki a tatou kete, hei o mo o tatou hinengaro, kia tae pai atu ai ki to tatou kainga tuturu, ki te aroaro o to tatou Kai Whakaora, He tau hou tenei Eia kaha e te iwi ki te rapu i nga tikanga e tupu pai ai to tatou iwi Maori. He maha nga tikanga pohehe kei te mau . tonu i a tatou i te iwi Maori. Ko aua mea me whakakore atu, ara te kai-waipiro, te puremu, te mahi makutu me nga mahi tohunga katoa. No te ao pouri enei mahi, he hua no te kikokiko (Karatia v. 19-21. ) Hapainga i tenei tau hou nga mahi nunui. Kia kaha e te iwi ki te whakahaere tikanga mo a tatou tamariki. Tukuna katoatia nga tamariki ki te kura. I te mea e iti ana ano te rakau e taea te whakatika; tena ki te waiho kia kaumatuatia, kua piko tonu, e kore hoki e tika. Kia pai te whakatupu i nga uri, ko ratou hoki hei Kai-arahi mo te iwi i nga ra e haere mai nei i mua i a tatou. Kia mau ki te whakapono Ko te haramu tenei mo to tatou waka Kaua hei waiho i be whakapono a ngutu noaiho, engari ko te ngakau kia tapaea atu hei nohanga tuturu- tanga mo te Wairua Tapu. Eo te kupu nui rawa tenei, kia mau, kia u tonu ki to tatou whakapono, ki to tatou Hahi, ki te whaea nana tatou i whakangote ki te u i tupu ake ai tatou hei tangata hei wahine i raro i te maru o te whakapono. Awhinatia to tatou whaea nana nei tatou i tiki atu i roto i nga wa o te pouritanga, i nga wa i kai-tangata ai o tatou tipuna. Eia aroha ki to koutou whaea nana nei koutou i tiaki i arahi a taea noatia te wa i pakeketia ai koutou. Kaore he kino o to koutou whaea. Ma te tangata ano e whakakino ka kino ai. Hapainga nuitia to koutou Hahi. Hoki mai i roto i te ao pouri, ki te ao marama. "E kore hoki e whakakawea te Atua ki te ngakau maru, ki te ngakau iro." I tenei tau hou kia whakaaro nui tatou ki te tuku i te Rongo Pai kia toha haere ki nga wahi o te ao e noho ana i roto i te pouri- tanga. Whakaarohia te ahua o o tatou whanaunga e noho mai nei i nga Moutere o Meranihia Tukuna to koutou aroha kia puta mo ratou, ara a koutou ohaoha me a koutou inoi. 1 tenei tau hou kia nui ta koutou awhina i o koutou minita. Kaua hei waiho ma ratou anake nga mahi e hapai. Eia tere atu ki te awhina i a ratou. Manaakitia o koutou minita hei Matua hei Hepara mo koutou. Ma te ngahau mai hoki o nga tangata ki o ratou Minita e ngahau ai hoki te mahi a nga Minita i o ratou takiwa. Whakariteritea nga Kai-karakia mo ia kainga kia mau tonu ai te Karakia i nga wa katoa. Whakatuheratia he kura Ratapu i nga takiwa katoa hei ako i nga tamariki ki nga mea katoa e tika ana hei ako ma ratou kia
![]() |
3 3 |
▲back to top |
HE KUPU WHAKAMARAMA. mohio ai ratou ki nga mahi ki te Atua, ki te tangata ano hoki. Kaati era kupu. Mo te taha ki te tinana. I tenei tau hou kia kaha ki te ako i nga mahi katoa e puta ai he painga ki te tinana o te tangata. Ara, kia kaha ki te mahi. E ki ana hoki a Paora " Ki te kore tetahi e pai ki te mahi kei kai ia " (2 Teharonika iii, 10). Kaua hei noho mangere. Eo nga tangata ma- ngere nga mea e whakawaia nuitia ana e Hatana. He tikanga honore rawa tenei mea te mahi. Eia kaha ki te mahi i o katou whenua, kia pai ai te takoto, kia puta ai he oranga ki a koutou. Eo nga mea e whai rawa ana, kia pai ta koutou tiaki i ena taonga i homai ai e te Atua kia koutou. E ki ana hoki a Hakai poropiti, " Naku te hiriwa, naku hoki te koura e ai ta Ihowa" (Hakai ii. 8). I te mea na Ihowa ena taonga i a koe na, kei wareware koe ki a Ia. I haere kau mai koe ki te ao nei. Ea haere kau ata ano hoki koe. I a koe e ora ana, whakahokia atu ano e koe tetahi wahi o ta te Atua i homai ai ki a koe hei whakanui i tona Kingitanga, hei o, e toha haere ai te Rongo Pai. Kaua hei maumauria a katou rawa, engari whakapaua ki nga mahi e puta ai he painga ki te tangata ki te Atua. He taranata te moni kua tukua mai e te Atua ki te tangata, me tana ki mai ano, " Whakamahia enei kia tae mai ra no Ahau " (Ruka 19, 13). Kaati ake i konei nga kupu hei tirohanga iho ma tatou i tenei tau hou. E te iwi e ! he tangi atu tenei ki a koutou i tenei tau hou. Kia kaha, kia maia, kia toa, " Whakatangata, kia kaha.' E ki ana o tatou tipuna, " Te upoko i takaia ki te akatea, e kore e ngawhere." " Kei whaka- hawea ki te iti o tama; He iti tangata he rongo kua hau e." Heoi ano Kia ora, kia ora, e te iwi. Na te Etita o te Kupu Whakamarama. WHAI-KORERO A TE PIHOPA KI TE HUI O TE HAHI MAORI I TU KI WHAKAPAU WAIROA. 28 Nowema, 1898. E hoa ma, e nga Minita, e nga Mangai o te iwi:— Me whakawhetai tenei ki te Atua mo tana whakaora i a tatou i enei wa ka mahue ake nei i huihui ai ano tatou inaianei ki te rapu i nga mea e tupu pai ai tenei wahi o tana mara. He nui ano nga mea e hapa nei. Na tatou hoki aua mea i hapa ai, ara na to tatou mangere, na to tatou ngakau-kore. Ko to tatau Mataa i te Rangi kei te anga tonu mai ki te whakakaha, ki te whakanga- hau i a tatou: no tatou te whakaaro-kore ki te tiki atu i te kaha o tona Wairua i runga i te inoi i tenei ra, i tenei ra. I etahi take mo a tatou whakawhetai inaianei ko te Ropu kawe i te Rongo-pai ki nga tauiwi, e kiia nei ko te "Church Missionary Society," ka tutuki ki te 100 ona tau. Ko ta te Atua karere tena ki tenei motu i rongo wawe ai te tangata Maori ki te Rongo-pai o Te Karaiti i mutu ai nga raru o te wa o te pouritanga, i timata ai te iwi Maori te uru ki te Hahi a Te Karaiti. Tenei ano taua mahi te mahia nei i nga wahi pouri katoa o te ao. Kua whakatu- wheratia e te Atua inaianei he huarahi e taea ai etahi wahi kihai nei i taea i mua ; he karanga hoki tena nana ki te Hahi, ara ki a tatou, Ma whakatika ki te mahi; kei te mana tonu nei hoki tana whakahau kia kua- whautia te Rongo-pai ki nga tangata katoa o te ao. Te huarahi e puta ai ta tatou whakawhetai mo aua mea pai ka riro utu-kore mai nei i a tatou, ko aua mea ano kia whakawhiwhia e tatou ki etahi. Me kohikohi pea he moni e te Hahi Maori, ka tuku ai ki te Ropu nana nei i homai te Rongo-pai ki te iwi Maori i te tuatahi, hei whakangahau i ta ratou mahi ki etahi wahi o te ao. Kaua ano ia tatou e wareware ki te mahi pera e takoto mai nei ki to tatou aroaro, ara ki te kukume mai ki 4 Te Karaiti i nga iwi Maori e anga ke nei, ki te kawe hoki i te Rongo-pai ki nga mota o tenei moana. Ma konei ka kitea ai te ahua ora o te Hahi o Niu Tirani nei, ma te kakama ki te whakarite i te whakahau a Te Karaiti, me te hono tonu o te inoi mo te Kupu a te Atua kia tere te haere puta noa i te ao. Tokowha nga tangata i motuhia hei Rikona i te 25 o nga ra o Hepetema ka pahure ake nei. Tokorua o enei, ko Apera- hama Tamihere, raua ko Tapeta Timutimu, kua oti te whakarite hei haere ki roto ki a Te Urewera mahi ai, me kore taua iwi e taea te whakahoki mai ki te huarahi o te Rongo pai o te Karaiti, ka mahue nei i a ratou. Eia hono tonu tatou te inoi mo raua, kia tohutohungia raua e te Wairua Tapu, kia whakamanaa hoki ta raua mahi hei mea e whai kororia ai te Atua, e nui haere ai hoki te Kingitanga o Te Karaiti ki tera wahi o Niu Tirani. Tetahi tokorua, ko Te Katene Pukerua, raua ko Hemi Pititi Huata, kei roto i a tatou inaianei hei whakakapi i te tunga o nga mea kua mate atu, ara o Manahi Te Aro, o Hoani Te Wainohu. Kua roa te takiwa i kore ai he minita tuturu mo era wahi. Mate Atua e manaaki ta raua mahi, e whai hua ai ki o raua ake takiwa, e
![]() |
4 4 |
▲back to top |
HE KUPU WHAKAMARAMA. whiwhi ai hoki te Hahi ki te pai. I te tunga o te Hinota Nui i a Pepuere ka mahue ake nei ki Christchurch, ka takoto tetahi tikanga mo etahi tangata Maori kia tukua ake ki roto ki te Hinota o te Pihopa- tanga, mo nga tangata o te Takiwa o te Hui o te Hahi Maori e tuku ake. Kua whakaritea hoki e te Hinota o te Pihopa- tanga kia takikotahi e tukua ake e nga Takiwa e toru e tu nei ki reira he Hui no te Hahi Maori.
![]() |
5 5 |
▲back to top |
HE KUPU WHAKAMARAMA. perehi. Kanui taku koa i taku kitenga iho i roto i a te " Tiupiri " o Whanganui. • He kupu atu naku ki a koe kia tukua mai nga " Kupu Whakamarama " ki a au, kia mohio ai au ; hei tuku maku ki Rotorua, ki Make- tu, ki te Puke. Katahi nei ano au ka tae mai ki konei, ki Nepia nei, no te Raumati i mahue ake nei. Me tuku mai e koe nga tikanga o to pepa i te reta perehi ano, kia marama ai te tautoko atu i tena taonga. E taku mokopuna, waha o tupuna ki te ao, i runga i tena taonga nui whai ingoa. Mehemea ko nga tikanga anake o te Karai- piture tana mauranga, he aha te he; he pai tonu. A, mehemea mo nga korero katoa, he pai rawa tera. A, he kawekawe mai hoki i o tawhiti korero, a he pai tonu. E tama tena koe. Heoi ake nga mihi a to tupuna ki a koe. Heoi ano. Na to tupuna i roto i te whakapono ki to tatou Ariki. HOHAIA TARAKAWA. Te Whaiti, Noema 28, 1898. Rev. Peneti. Tena koe, te manga kua mana- kohia e te Matua, hai putanga mo enei hua e whai painga ai Tona Hahi Maori, te hunga ia e noho tonu ana i roto i te atarangi o te mate. Rev. Peneti i tono koe ki a whaka- aturia atu te ahua o nga tangata. Kai te tangi atu nga wairua o koutou taina e noho nei i roto o Te Urewera ki te maramatanga. Na Te Kooti te hahi me nga whakahaere o konei, kati ko koe e mohio ana ki te tino mea hai tuku mai e whiwhi ai ratau i te maramatanga. Tetehi mea kia tino marama ko te timatanga mai me nga tikanga o te Ra-tapu. Kaore he hepara tuturu o e nei wharua, a ki te taea te tuku mai ki a maha, o nga pepa nei kia Mr. F. Wykes, ma maua e toha haere. Tenei kakano iti hai o mai. Ma te Atua tatau katoa e wawao. Na to tuahine i roto i te Ariki. TIRITA TE AWEKOTUKU. Kia Tame Erihana, Poneke. Kua tae mai to reta me nga kakano ano i roto, hei o atu mo ta tatou manu. Kia ora tonu koe mo o kupu mihi mai, me to aroha. Joseph G. Baker, Gisborne. Kua tae mai to reta me te kakano a Anaru Ratapu i roto. Tenei ka tukuna atu nga pepa ki o hoa i tono mai nei. Kanui te whakamoe- miti atu ki. a koe mo to kaha ki te whaka- haere i nga tikanga mo ta tatou taonga i ena takiwa. Moses Edwin, Matata. Tenei to reta. Ka tukuna atu he pepa ki a koe. Kia kaha, kia u ki nga mahi pai katoa. Akapita Tahitangata, Awahuri. Kua tae mai to tono mo nga Kupu Whakamarama. Tenei ka tukuna atu ki a koe i roto i nga marama katoa. Mo to kupu mo te oranga, kei a koe tena. Henare Roera, Muhunoa, Ohau. Kua tae mai to reta me to aroha. Ka tukuna atu ki i a koe te-pepa nei i roto i nga marama katoa. RUNANGA A HATANA. (He Moemoea.) I KITE a moemoea tetahi tangata i te tunga o te runanga a Hatana, ratou ko ana toa. Te take o tana hui he whakatakoto tikanga e ngaro ai te whakapono. I uiuia e ia ana tangata mo nga mahi i oti ia ratou, hei kukume i te wairua o te tangata ki te po. Koia nei te whakahoki a te tuatahi o aua marohirohi ki to ratou ariki, " E toku ariki i kite ahau i nga kaipuke e hari ana i nga tangata kauwhau i te Rongo- pai ki a whenua, ki a whenua. Katahi ka whakaputaina e ahau tetahi hau tino nui, a tahuri iho aua kaipuke, ko nga tangata o runga mate katoa. Ka whakahokia mai e Hatana ' Ko tau i mahi ai ehara i te mea mohio rawa. Katahi ka koha rawa te haere a te tangata ki te kauwhau i te Rongopai inaianei. E kore rawa te mahi a Te Atua e mutu i tena tikanga. I muri iho i tenei ka puaki te mangai o te tuarua. Ko ana kupu enei. E toku ariki he nui nga puka- puka kua tuhituhia e ahau, hei whakatahuri ke i nga whakaaro o te tangata i te Atua, i nga mahi pai katoa, i nga mea tapu. Ka mea atu a Hatana kia ia. Nui atu tou mohio i to te tuatahi, otira, ekore te nuinga o te tangata e korero i o pukapuka, e kore hoki e whakarongo mai ki o korero. Ko te ono mano tenei o nga tau i tohe ai ahau ki te tangata kia mutu ta ratou whakapono tera ano he Atua, he Rangi, he Reinga ranei, a kahore ano ratou kia whakarongo noa mai kia ahau." No muri rawa ko te tino toa, ko tona ahua he wehi rawa. Ko ana kupu enei, " Anana! e toku ariki o te ao pouri, whakarongo mai ki ta to pononga i mea ai. I tomokia e ahau nga whare katoa i kau- whautia ai te Rongopai. Ko taku korero
![]() |
6 6 |
▲back to top |
HE KUPU WHAKAMARAMA. tenei ki te tangata. " Kahore rawa tetahi kupu he a te kai-kauwhau, he tika e aroha ana te Atua kia koutou, i mate a Te Karaiti mo koutou ; e tohe ana te Wairua Tapu kia koutou, he tino nui hoki te rangimarie e puta mai ki o koutou ngakau "; engari i te mutunga o te karakia, i te whakaminenga e haere ana ki waho, ka kohimuhimu atu ahau ki roto i o ratou taringa, kamea atu "Taihoa, hei apopo, kaua e tahuri ki a Te Karaiti inaianei, taria hei apopo." Nui atu te hari, o Hatana i tenei, karanga ana ia, mea ana "Ka tau taku manakitanga kia koe nui ke atu tou mohio i o enei katoa, hei turaki i te whakaaro me te tikanga a Te Atua, Ma ora ai te tangata," E te hoa, whakaarohia te tikanga o tenei korero, Rua rongo koe i te karanga kia tahuri kia Te Karaiti, kia ripeneta, otira kei te mea pea to ngakau " Taihoa hei apopo." E mea ana te Atua "Nana te wa manakohanga mai, nana te ra o te whakao- ranga." Whakarongo inaianei ano, tahuri, kei kore apopo e taea atu e koe. TE AUTE ME HUKARERE. • I TE tono a te Atirikona raua ko Mihi Wiremu, haere ana nga tamariki o Hukarere ki Te Aute i te tahi o nga ra o Tihema. E ono tekau matahi nga tamariki, hui atu ki o ratou kai-whakaako ka eke ki te whitu- tekau. I te taenga atu kahore i roa te okiokinga ka haere ki te ngahere, ki te hakari, ki te takaro. Ka ahiahi ka hoki mai ki te kainga, ki te hakau ano, ki te ngahau me era atu mahi ahuareka. I mua atu i te ti, ka huaki te ope o nga tamariki o Te Aute, ano he taua. O ratou kahu rite tonu, ara he kahu hoia, me a ratou pu ano me nga peneti. I te otinga o te whaka ahuatanga ka whakatutu ratou. Tino pai atu ta ratou mahi, whakamihi ana o ratou tuahine o Hukarere, me nga .tangata matakitaki. I huihui te kai i te ti, nga tamariki o Hukarere, me o Te Aute. Me o ratou hoa, me nga kai-whakaako ; ko nga tamariki tane nga tuari. Nga mahi whakamutunga he waiata he himene, he whakaahua. 1 haere katoa nga tamariki o Te Aute ki te tuku atu i ta ratou manuhiri. I te tatanga mai o te tereina, ka hapainga te himene e katoa. " Kia noho tonu Te Atua ki a koutou." PITO-PITO KORERO. 1. " Meri Kirihimete me te Hape Na Ia ' (e ki ana te Pakeha), ki nga iwi me nga Hapu katoa. 2. E tino whakawhetai atu ana te Etita ote Kupu Whakamarama kia koutou katoa, mo te nui rawa o ta koutou awhina mai i ta tatou pepa. Kei te nui rawa nga tona a nga tangata kia tukuna atu he pepa ki a ratou. I naianei e whitu rau (700) nga kape o te pepa nei kei te perehitia, me.te tae tonu mai hoki o nga tono kia tukuna atu ano etahi pepa. Kia mohio mai koutou ko tenei pepa e perehitia aua i roto i nga. marama katoa. Kaore he utu mo nga kai-mahi o tenei pepa engari ko nga moni e tukuna mai nei, e pau ana hei utu i te Kai-ta, hei utu hoki i nga pane kuini. Ko nga moni e pau ana hei utu i nga raruraru o te pepa nei i te tau e tata ana ki te £40. Kaati, ma koutou e titiro mai. Kei wareware ki te tuku kakano mai i tenei tau hou hei oranga mo ta tatou manu. 3. Kua oti te whakaahua mo waho o te pepa nei. Engari ko te utu tera e tae ki te wha pauna (£4) mo te hanganga. E nga rangatira e kore ranei tetahi o koutou e tuku mai i tenei moni kia ea ai te whakaahua nei i mua o te perehitanga. E nga minita, e kore ranei koutou e whakaae ki tetahi kohi- kohi i o koutou takiwa, hei utu mo ta tatou taonga. NGA KOHIKOHI O TENEI MARAMA. s d Tirita Te Awekotuku, Te Whaiti ... 2 O Pirimona, Whangarae ... ... 5 O Renata ... ... ... ... 5 O T. Ellison, Wellington ... ... 10 O Henare Te Koera, Ohau ... ... 2 O Anaru Ratapu, Gisborne ... ... 2 6 Takaanui Te Ipututu, Takapau ... 1 O Nga moni katoa kua tukuna mai i tenei tau timata mai i a Maehe £27 7s. Nga moni kua utua atu mo nga raruraru £25 8s 8d. Te toenga £1 I8s 4d. Te utu mo te perehitanga o nga kape 700 me nga pane kuini, i te marama kotahi £3 7s 6d. Heoi ano Kia tata te Atua ki a tatou katoa. < Na to koutou matua. REV. P. PENETI, Etita, Nelson. Bond, Finney & Co., Printers, Nelson.