![]() |
Te Puke Ki Hikurangi 1897-1913: Volume 7, Number 26. 30 November 1912 |
![]() |
1 1 |
▲back to top |
![]() |
2 2 |
▲back to top |
![]() |
3 3 |
▲back to top |
Nama 26 o te tau 2. Te Puke Ki Hikurangi, Haterei, Noema 30, 1912. Ngati-Tuwharetoa, Ngai-Terangi, Ngati-Whiti, Ngati-Kahungunu, ara, ki te tautoko i te kupu a Te Heuheu. Otira i patai a Timi raua ko te Heuheu me haere Maori ranei tatau ki runga ki te mate ra, me haere pakeha ranei, ko te whakautu a nga iwi me haere pakeha, engari ko te manu- ka anake e whakatakoto ki runga i te tupapaku, engari me maemae ano. Heoi nga kupu o tenei po. Ka hiki. I te ata o te rua tekau, i te 11 a.m. ka whakawhiti atu i runga i te paati, ka whiti katoa nga tangata ki tera taha, ko te kaute i tenei wa e whitu rau (700). Ka haere ka kitea atu te whare rae nga haki e rere ana, ka kitea mai hoki e nga tangata mahi i nga pu-repo ka timata te pupuhi, e rima nga pu i te paku- tanga kotahi, e rua tekau nga pakutanga, a ka timata hoki te tangihanga ki te maemae, ka whakatata atu ki te marae ka haere mai te peene me te mahi tonu ano nga pu-repo ara nga (kenana), he hanga whakaaroha, a ka tae mai te peene ki mua nga iwi ka timata te tangi, ko tenei peene ko te peene tona a Mahuta, ka tae ki te kokinga o te rori, e hangai atu ana ki te teneti o te tupapaku, e tu ana nga hoia Maori i nga taha e rua o te rori, i o ratau rae tonu o ratau ringa e whakanui ana ki nga whakaeke, ka haere atu nga manuhiri i waenganui i nga hoia ka tae ki te timatanga atu o nga kai-pohiri, e wha mano i tetahi taha o te rori e wha mano i tetahi taha o nga kai-pohiri tae noa ki te teneti i takoto ai te tupapaku, me te whakahua ano i ta ratau pohiri. " Toia mai te Waka," ka mutu ta tetahi taha ka riro i tetahi. Ka haere a Matotoru ki te whakatakoto i te Manuka ki runga i te tupapaku, ka hoki mai ka whakahuatia te maemae a te tangihanga Ripiripia, Haehaea; tuakina, Haparangitia te Upoko o te Ngarara kai-tangata Hue-e. Koiana tonu te tangi i roto i te rua haora he maemae anake, a ka tahi ano ka timata ki te tangi, nui atu te tangi o Timi Kara, o te Heuheu Tukino, o Teri Te Paerata, otira o nga rangatira katoa me nga iwi, Ngati-Haua, Maniapoto, Ngati-Tuwhareto, Te Arawa, Ngai-Terangi, Ngati- Mahuta, Ngati Koroki, Taranaki, Whanganui, Ngatiapa, Ngati Kahungunu, Ngatiawa, Te Wai- pounamu, me te Whare Potae, i te taha o te whare o Mahuta e tangi kapo ana, ka roa e tangi ana ka tukua nga taonga, ringinga roimata o nga tangihanga, Ngati Kahungunu ki Heretaunga, Ngati Kahungunu ki Wairarapa, Ngati Tuwharetoa, otira o te maha noatu o nga iwi i whakaheke ki
![]() |
4 4 |
▲back to top |
Te Puke Ki Hikurangi, Haterei Noema 30 1912. Nama 26 o te tau 2. HAWITI ME TAOMANA. (SAVAGE & SOWMAN.) Tiriti Nui ... Kaatataone. TE HAAPU iti iho te utu o nga taonga kei Wairarapa nei, mo te mahi Tuuru, Toopa, Iringa whakaahua (framing), Toroa iringa kahu, Teepu tuunga peihana wai, Peeti waea, Teepu- koroihe (covers). Taonga whaka- paipai, ara, kuihini, kaari kirihi- mete, taporena whariki, otira nga ahua taonga katoa mo te whare. Nga utu o nga Toroa e £2 12s 6d a raro. " Toroa iringa kahu £4 5s a raro. HAERE MAI KI TE MATAKI- TAKI. KEI A AU NGA HUTU KAHA, PAI HOKI TE MAHI- NGA, KO NGA UTU E £3 5s. (a raro.) NGA Kaka mo nga haere, ko nga utu e £2 os. a raro. Nga MEA katoa e hiahia ana koutou kei a — Paaka- TINO TOA KAHU, o KAATATAONE nei. H. H. KARANI. (G. H. CULLEN.) (Kereitaone, Wairarapa.) ROIA- Tenei au te tangata tika, matau, pai hoki ki te whakahaere i nga ahuatanga mahi katoa a te Roia. Ko taku Tari kei tawaahi atu o te Whare o te Etita o te Mareikura. Ka taea e au nga mahi Maori katoa, e hangai ana ki te Ture Mahi "Riihi, Hoko, Mokete Paara moni. He moni kei au mo te tuku i runga i nga Taitara motu- hake. E hoa ma kana hei whakarea i o koutou hiahia me a koutou TAKE. He whakamaharatanga tenei naaku na Makiwera Takana Ma kahana, tangata unu niho o Kaatataone, kei te tuhera tonu taku whare. Haere mai.
![]() |
5 5 |
▲back to top |
Nama 26 o te tau 2. Te Puke Ki Hikurangi, Haterei, Noema 30, 1912. HU RAUMATI. ••• Koia nei te taima tika hei whakaa- rohanga ki te tango Putu, Hu raumati hoki Haere mai kia KITINA mo te ra rangi pai, kakama hoki, kei roto i te ro he o Wairarapa nei. Na matau nga tao- nga pai atu, e taea ai te hoko mo te mo- ni iti, a, & whakapaua ana o matau wha- kaaro ki te iwi Maori. HAERE MAI! J KITINA "Te hoa o te waewae." K tawahi o te Poutapeta. Kuini tiritiMAHlTAONE.
![]() |
6 6 |
▲back to top |
Te Puke Ki Hikurangi, Haterei, Noema 30,1912. Nama 26 o te tau 2. TE RANANA PUKAPUKA TU-TOHU, (Kotahi putanga i te tau.) He pukapuka hei whakahangai i te tuhituhi a nga tangata whai-mahi, ki nga Ingarihi. Kamupene Mahi, Hokohoko hoki, i roto i ia wahanga o te taonga.A, hei tu-tohu hoki ki nga tangata e haere ana ki Ingarangi i Ranana me ona rohe katoa Kei roto ano hoki-i tenei pukapuka te rarangi ingoa o nga Tangata tango taonga, me nga taonga e tukutukua ana e ratau, me nga taonga makete onga Koroni, me o era atu motu hoki. Nga raina Tima. Hei whakaatu ki nga tangata e haere ana ra runga tima, i nga wahapu hei rerenga mona, a, hei whakaatu hoki i nga taima e rere ai nga tima i tena wahapu, i tena wahapu. Hei panui hoki i nga mahi o ia takiwa, a nga tino tangata mahi, tangata tango taonga hoki, me era atu tu tangata whai-mahi, i roto i nga tino taone nunui, a, i waenganui ano hoki o nga Takiwa Mahi-ahu-whenua, o te Kingitanga Kotahi. Ka tukua atu he kape o tenei pukapuka ka utua hoki te tukunga atu, mehemea ki te tukua mai he poutapeta oota mo te moni £1. The London Directory Co.Ltd, 25 Abchurch Lane London E. C.
![]() |
7 7 |
▲back to top |
HE RETA TUKU MAI. KAATATAONE, Tihema 9th, 1912. Ki te Honore Ta Timi Kara,— E te hoa Ho- nore, tena ra koe i roto i te aroha nui ki te iwi nui kua mene atu ki te po, mahue ake ko koe hei haere i nga tahatinga o te motu nei. E hoa he hanga whakaaroha ki te hunga e mata- tu ana te ngakau, ki te whakarongo atu ki a koe e hautu ana i runga i nga Marae o nga iwi, ka manaakitia to hamumu ka koa noa atu to ngakau o te hunga i tawhiti, ka puhaina ki waho to hamumu, ka kikiwa noa atu te nga- kau i tawhiti. Ho mihi ake ki to kaha ki te whakahou i te kupu a o taua matua i ki ai kia Waikato i nga ra i a Potatau, " Ko te whakahaere mo te " Kiingi " me tuku mai ki te motu." Ko te whakautu he kupu kino, a, ko te utu o te kupu kino a Waikato, " Ka matenga ke koe, ka matenga ke ratau." Waihoki i tenei ra ko taua kupu kua tuaruatia e koe, koia tenei to kupu :—" Whakahokia te Potae o te tangata, e hoki ki ton Potae," Koia tenei taua Potae, ko te Ariki o nga Ariki," tuarua, ma te motu e hanga te kaupapa hei tuunga mo te Ariki o nga Ariki, heoi, puhaia ana mai e Waikato to hamumu ki waho. Kaati, e te Mangai o nga iwi, kua puta to koha, heoi, kua rite ki ta te Karaiti kupu i mea ai kia Pita:—" E kore au e mea atu ki a koe e Pita kia whitu tata, engari kia whitu tekau whitu. Ko tenei kua nuku atu i te whitu rau whitu nga whakakahoretanga a Waikato i nga iwi o nga motu nei, kaati enei kupu, ko te Ngaru-mutu kei te toe. He waiata tenei hei whakaroa i aku Kupu. " Pokarekare ai te Pounamu rama nei, me aba koa ra i te Ture a te iwi, tenei ka inumia kia wawe ko te pau te hanga a te kaki e horo nei ki te rama rama. " Kauaka range au e te iwi e whaka- wehia mai tukua te tamara kia tau ki roto ra, ki te kai haurangi nahau e te Kiingi, e kemo noa atu ra ki runga ki te Kaute Haute." Heoi kia ora. Na to hoa, MEIHA TUNUIARANGI " TAIHOA."
![]() |
8 8 |
▲back to top |