![]() |
Te Puke Ki Hikurangi 1897-1913: Volume 4, Number 11. 16 September 1901 |
![]() |
1 1 |
▲back to top |
[NAMA 11, O TE TAU TUAWHA 4.] WAIRARAPA. HEPETEMA MANE 16tb 1901. [Wharangi No 1] TE PUKE KIHIKURANGI. [PUTEA.] Kaua e awangawanga o koutou ngakau ki te hoki tuarua, tuatoru, o te kaupapa korero i raro iho nei. Ko tenei kaupapa korero, he whakatupato he tohutohu, he whakau hoki i a tatau ki runga ki te ara kotahi o te tohu tangata; Kaua e hoki ki mori, kaua e noho i waenga- nui, engari titiro atu nga konohi ki mua i te aroaro, e kore hoki nga tikanga me nga ture a te Iwi pakehe e hoki mai ki muri, engari ka piki whakarunga i roto i nga ra o a tatau uri. No konei whakarongona nga tohutohu a nga Rata, whakarongo, titiro, whakaaro te Iwi Maori ki nga tohutohu a Maui Wiremu Piti-Naera Pomare, o roto i te kahui tamari- ki, te hua o nga kupu o nga whakaae a nga kaumatua kua mate atu ki te po, i hoatu ai nga whenua e ratau mo nga Kura, he mohio rawa aua kaumatua ; ina ra kua kite tatau i nga hua e ruia ana e a tatau ' taitama. kaua e hoha, kaua e tihe, kaua hoki e riri, kaua e ki ka pau noa iho a te 'Puke Ki Hi- kurangi" mo enei korero anake, a, ko nga korero pai KO nga rongo korero, me nga ko- rero whakakata e ngahau ai te kai panui, i waenganui i ona hoa. Taku kupu, ta to koutou maunga oneone, morehu o nga maunga i ea ki runga o nga kare o nga wai whakamate, i te wa i o kou- tou tipuna. "Te Puke Ki Hikurangi" awhi- natia atu nga kupu tohutohu i raro iho nei, kaore mai i mua, kaore ano he Rata Pakeha i tu noa i roto i te Iwi Maori kauhau ai, i te rongo-pai o te tinana kikokiko, i hokoa nei ete Atua kinga toto utu nui o tana tama kotahi e noho iho nei i te ringa matau o tona ma- tua e titiro iho nei ki nga mahi pai, hei apiti ki tona Rongo-pai e maha ake ai nga ra ki runga ki te whenua. E kore au e pai, e whakaae wawe atu ki tenei kupu—Kai te hamama tonu te rua tupapaku kaore ona makonatanga. Ki te kore te tohutohu e whakarongona ka rite tonu te hamama o te oneone, tena ki te manaakitia te tohutohu ka hapa taua kupu. Me korero tonu koutou i nga kupu a Taku- ta Pomare i raro iho nei, ka panui atu ki ro- to i o koutou takiwa. Pai rawa hei hoa moe tahi mo nga taitama me nga taitamahine, mo nga tangata whai hoa, me nga wahine whai tamariki kua mate katoa nei ki te one- one. E korero ana a Pomare i roto i Aotea me te Waipounamu, ki te whakaritea e tatau nga Ture a te Atua mo te tinana kua kauha- utia nei e ia ki te Iwi, penei kua kore rawa tatau e kai rongoa, e hiahia atu ranei ki nga Takuta. TAKUTA MAUI WIREMU PITI NAERA POMARE. Kua titiro iho te tika i te rangi, kua tipu ake te pono i te whenua, kua tutaki te mahi tohu me te pono, kua kihi kia raua te tika me te rongomau. Te Iwi kua tutaki tatau ki nga mea i wha- kaarotia e nga kaumatua kua hori ake nei ki o ratau moenga, kia whaia te matauranga o te heke o muri nei, e kiia nei he Pakeha. Koia nga Kura Minita, me nga Kura matau- ranga whakaaro-nui o taua Iwi, hoatu ana a tatau tamariki kia whakaakona ki aua tika- nga, kaa tutaki i tenei wa hei painga mo te Iwi. I enei tau ka taha nei, ka tu mai ki mua i o tatau aroaro he kahui tamariki, no roto i aua whare Kura, hei whakamarama ia tatau ki nga mea hou o roto o enei ra, mo te wai- rua me te tinana, kia hoki mai ai he toi ora ki runga i te Iwi, hei whakataki, hei patuki i te ara o te ora ki runga ki raro, ki maui ki matau, hei pupuri i nga whakatipuranga e heke mai ana ki te whenua o te Maori. Ko taua kahui tamariki no te Kareti o te Aute me era atu Kareti wananga, kua huihui o ratau whakaaro me o ratau konohi, ki te titiro ki te Iwi Maori me o ratou uri e puhoi nei te tipu, ko te waahi tere hohoro, ko te heke ki raro kia aitua. No te tau o to tatau Ariki kotahi mano e waru rau e iwa tekau mawhitu 1897, i tima- ta ai ta ratau paihere i te Iwi ki roto ki nga tikanga o to ratau whakaakoranga. Ko A- pirana T. Ngata nana i tomotomo tuatahi te motu, no roto i taua kahui tamariki, ko ko taana kupu ki te Iwi, whakapaia te hua- rahi o te ora tinana i nga marae me nga ta- ngata, he pai mei matao mei mahana ranei, ko tenei he mea mahanahana kau, ara. kai waenganui te Iwi i nga tikanga e rua e tu ana i te tikanga Maori me te tikanga Pakeha, ka waiho tenei hei taura kukume i te ora tinana ki te po. No nga ra timatanga mai o Akuhata nei, ka tomokia mai te rohe potae o Rongokako e Takuta Maui Wiremu Piti Naera Pomare, he mea whakahau e te Kawanatanga kia haere ia i te motu i roto i te Iwi Maori, kauhau ai i te mate i te ora o te tinana, i ahu mai i te Rawhiti, i timata mai tona kauhau i Tama- ki, Ngaawapurua, Hamua , Te oreore, Taue- ru, me era atu waahi e whakakite ana i te ahua o te tinana oneone o te tangata e ora nei i te ao, kua korerotia nei e te Karaipitu- re, he whare te tinana o te tangata no te Atua, kia pai te tiaki i taua whare. No te mane 19 o Akuhata nei, ka tae mai a Taku- ta Pomare ki Kereitaone, no te wenerei te 21 o nga ra ka haere ki te Kohunui ki te marae o Rakaiwhakairi ; kua huihui nga taane nga wahine me nga tamariki, e toru nga ra e whakamarama ana i tenei taonga nui i te tinana tangata, me te whakaatu ano i nga paanga mate o tenei wa. No te haterei te 24, ka tae a Takuta Po- mare ki Papawai, ka nekehia tona korero mo te mane te 26, no te mane te 26, ka tae a Pomare me A. H. Kumeroa ki Aotearoa i Papawai, no te 10 a. m. Ka tu te korero, kua huihui nga tangata katoa o te marae, i konei a Mohi Turei Minita o Ngaati-porou. Pomare. Ka mihi ki te Iwi, ki nga taane ki nga wahine me nga tamariki, ka mutu katahi ka timata tona korero whakamarama i te matauranga o tona Kuranga, i whaia ai e ia ki tera taha o nga moana whanui, i hoea
![]() |
2 2 |
▲back to top |
[NAMA 11, O TE TAU 4.] TE PUKE KI HIKURANGI, MANE HEPETEMA 15th 1901. [Wharangi No. 2] " " kakahu. Ko te tu i waenganui i nga tikanga e rua kai te pekanga tatau o nga huanui e tu ana i tenei wa. Whare. Me wehewehe te whare, ara, me ruuma haere, kia wehe te moe a ia tangata me taa- na wahine, me wehe nga tamariki he ruuma ano, engari me matapihi ano nga ruuma ka- toa, me tarewa te paparahi o raro kia tiketike ake i te oneone, kia pata te hau ma raro, me mahi he Tumere, kia rite nga mahi o te wha- re, ka oti te whare, ka hoatu he peeti mo runga ake i te paparahi, kia tarewa ake i te paparahi, He pai te rua putu te tiketike, ka hoatu ai ona taonga mo runga e mahana ai te tinana, me moe ki runga i taua peeti, kaua hei moe i runga i te paparahi, ahakoa tiketike ake i te oneone, me peeti nga ruuma moenga katoa, me wkakatuhera nga matapihi i nga awatea katoa, kia puta atu te hau kino o roto i te whare ki waho, kia haramai hoki te hau pai o waho ki roto, hei rongoa i nga mea o roto i te whare, tae atu ki nga ruuma moe- nga, kaati te noho o te kumu ki raro ki te oneone, ki te paparahi ranei, engari e noho ki runga i te tuuru kia rewa ake i te oneone, akona o koutou tinana ki te noho tarewa ake i te oneone me te paparahi o te whare; he aha hoki te pai o enei kupu kua korerotia atu nei mo te whare me ona mea katoa, mehe- mea e noho tonu ana te tinana ki te oneone, ara, ki runga i te otaota e maku ana, e ma- kariri ana, he tare kua homai e te Atua ki te tangata, mo enei ahua katoa kua korerotia atu nei kia koutou, ki te takahia e te tanga- ta, he aha te utu ? he mate ra. He ture to nga mea katoa e mahia nei e tatau e kitea nei e nga, konohi, tenei mea iti rawa te ngira he ture ano tona, ki te takahia e tatau toona ture, ka poua ketia ki o tatau tinana, he aha te mea e puta mai kia tatau? he mamae he mate, He ture kai runga i te ahi. ki te ta- kahia e tatau te ture o te Atua i runga i te ahi, ka puta mai he mamae he mate, engari na to tatau mohiotanga i mamae i mate etahi tangata i te ahi, i te wa mai i nga tipuna, ua reira ka tupato ratau me tatau hoki, ko te ahi no nga tipuna mai, ko te ngira no tenei wa ano i a tatau nei, ko te oneone me nga otaota e korero atu nei au kaua e nohoia a runga, he mea tahito no nga tipuna, he pai i to ratau wa, he kino ia i to tatau nei wa. Ko nga whare huihuinga me matapihi nga taha, a mua a muri, me puare he putanga mamaoa i te tuanui, hei pikau ake i nga kino o roto, i te mamaoa me te haa kino ki a puta atu ki te takiwa, me horoi ki te wai pera ano i te wha- re moenga, ko te waahi pai hoi tuunga wha- re. hei nga waahi tairanga ki runga. Kaore he hee i roto i te noho a nga tipuna i nga waahi tairanga ki runga o te whenua kia he- ke te wai ua kia maroke te oneone; kia ma- mao mai hoki i nga harotoroto kaore nei e heke te wai mehemea e taea, mehemea he awa wai e heke ana i te taha e aua waahi tairanga e tu ra nga kainga me nga whare ko te tino painga tena mo nga tahi marae o tenei wa. Kaua e tukua te hau o waho kia puta mai ki roto i nga matata o te whare o naianei he ngira te ahua o tena tu hau, pepaia pei- tatia kia ruru, me hanga he whare turuma kia mamao atu i te whare moenga ; ko te mea i wehea ai kia motu ke te moenga o ia tangata o ia tangata, kia ngongo ai i te hau pai o te ora, ko te tangata moe wahine, me wehe ke tona moenga, kia tika ai te haere mai o nga tamariki. NGA KAI. E rua nga kai i homai e te Atua hei kai ma te tangata he wai he nau, kia kai tonu te tangata i te hau i nga meneti katoa, e rua nga hau e kainga ana e te tangata, kotahi o aua hau he ture na te Atua kai runga, hei whakaatu ki te tangata he kino tena hau ka- ua e kainga, ko te ture tenei, ki te pa mai te hau ki te ihu o te tangata ka puta mai he haunga i roto kia tere te pana e te tupato, he hau kawe mate tena ki te tangata, ko te hau pai kawe ora ki tinana o te tangata kaore he ture, tona paanga mai ki te tangata heke po- upou tonu ki roto i te tinana, hei whakahae- re i nga uaua me nga toto, hei whangai i te tinana hei whakatika i nga uaua kawe wha- kaaro ki nga waahi katoa o te tinana, waihoki ko te kai nui tenei i homai e te Atua ma te tangata, ma tatau e titiro tona nuinga o tenei kai o te hau i runga atu o nga kai katoa e kuhua ana e te tangata ki roto ki tona tinana. Mehemea kaore tatau e kai i te taewa me era atu kai e whakaarotia iho nei e tatau ko nga kai nunui tera hei oranga mo tatau, ka tutuki atu ano to tatau oranga ki te rima ki te ono o nga ra, tena ki te tutakina nga tatau o tenei kai o te hau pai. E kore to tatau o- ranga e tutuki atu ki te haora kotahi, ma tenei tatau e tino whakamohio ko te hau e kainga ana e tatau ki roto i o tatau tinana, rae te puta ake ano ki waho mau ake ai i nga mea kino o roto i te ngakau ki waho o te ti- nana, he hau kino tena ki te kainga tuarua- tia e tatau, ka hee i te ture, ki te kainga ranei e nga Kohungahunga taua hau kino i panaia ake ra e te hau hoou, e tomo atu ana ki roto i te tinana, penei kua waiho hei ara mate ki tena Kohungahunga kua takahia te ture, me tupato ki tenei kai nui ki te hau pai ko te kai tuatahi tena i hoatu e te Atua ma te tangata, nana tonu ake tena kai i hoatu ki a Arama ki te tangata tuatahi. WAI KOROPUPU. Ko tenei kai ko te wai he nui ona ahua otira ko aku e korero ake kia koutou e rua, ko te wai koropupu i haere ake i te ngakau o te whenua hei nama tahi tena No 1, he ora kai roto i tena wai ka tika hei kai, i haere ake ia i te hohonutanga ote oneone, ko te wai i heke iho i te rangi ka mau te hopu e nga taika o nga whare, hei nama rua tena No 2, me kohua kia maoa ka inu ai ka pai. Ko nga wai papaku o roto i te whenua e kore nei e hohonu te karinga ka tae ki taua wai e tu tonu ana no runga taua wai no te oneone, i heke iho i runga ka tu i raro tata iho o te oneone, kai te mauria o taua wai nga mea kino pirau, e hora ana i runga i te kiri o te whenua, me era atu otaota pirau rau rakau paihini, e huihuia ana e ia hei hoa moona. Ko te putake tena o te mate Taipo Piwa, kua hangaia aua mea kino hei Ngarara, ki te kainga taua wai e tatau ka haere tahi aua Ngarara ki roto i o tatau tinana hei mate Ta- ipo Piwa, a, ki te pangia tetahi tangata e taua mate, ki te kore e tiakina i runga i te tupato nga mea i puta mai i roto i tona tina- na ka hora noa i roto i nga whare me nga Marae, ka rere tena mate ki te katoa, he ma- te kaha tenei ki te huna i te tangata o te ao nei, hui tahi atu te kino o tenei wai ki nga wai hapunapuna e kitea ana e nga konohi o maanu ana i te koraha me nga kainga noha- nga tangata, i nga Roto ranei; kaua rawa e kainga ki te pa mai te monomono o aua wai, na te hau i mau mai ki te ihu he reo tena ki a koe. ko koe ano te utu, ka mamae ka po- uri ka pau nga rawa i te whainga ata ki te Takuta, mei whakarongo ki te reo i pa mai ra ki tona ihu me nga tohutohu e penei ana. Tiakina toou tinana penei kaore e mammae kaore he pouri kaore he rawa e pau. Kaore he rongoa mo tenei mate mo te Tai- po Piwa, heoi tena rongoa, ko te wai o nga hua rakau Aporo Here Paramu me era atu hua rakau, rae kohua ka maoa ka tatari i te wai ka hoatu he \\vai matao ina hiahia, enga- ri me kohua te wai kia maoa ka waiho kia makariri, engari ko te tiaki a te hunga ora kia pai kia rite, ko tena kai ko te hua rakau, kaore ona paihini. Ko nga mate nunui kai te Maori. He Kohikiko. " Piwa. " Huango. " Rumatiki. " Wahine. Ko nga mate tuturu-tenei kai te Iwi Maori ka uru tomo ai era aru mate Pakeha, ka taea e te tangata te arai enei mate koi pa mai ki tona tinana ki nga tamariki ranei, mehemea ka tiakina ona tohu me ona ture, penei kaore he Takuta kaore he rongoa kaore he rawa e pau. Ko etahi o nga mate e tipu ana i roto ake i te tinana, na te whakaaro kore na te wareware o te ngakau ki te tinana, ka waiho tena hei Whakapararutiki i etahi o nga uaua e rite ana mo ia mate mo ia mate, tomo kau atu te mate kua kore kaha aua uaua ki te pana atu kia hoki ki waho o te tinana. Tona putake o tenei na te kore mataura- nga ki nga mea o tenei wa me ona whaka- haere e tika ai hei pai mo te tinana me ona raweke o roto o tena whare, ko nga kai ko nga kakahu, mo waho i enei ko te whare, ko te makariri ko te matao kai te haere i nga ra katoa, kimi ai i tetahi matapi o te whare tinana tangata hei urunga atu mona ki roto Whakapararutiki ai etahi o nga raweke o taua whare tinana tangata, tona rongoa me tenei hatana he mahana pai, rite tonu i te kapu o nga waewae tae noa ki te mahunga, i te hotoke tae noa ki te raumati, i te po tae noa ki te awatea, ki te rite tenei i a tatau kua kore he kaha o nga mate kua korerotia atu nei e au kia koutou, kua iti rawa ta tatau ahu atu ki nga rongoa me nga Takuta, ka toe o tatau rawa mo etahi maharatanga a to ngakau. NGA KAI. He whakatauki na te Tiamani mo tenei taonga nui mo te kai, ahua kai ahua tangata, ko tenei taonga nui ko te kai hei whakapai. mo te tinana, ko tatau tinana tonu te kai e tukua nei ki roto i o tatau ngakau hei wha- kakapi hei papaki, ki te pakaru te whakakapi ka pakaru katoa te papaki ka makere te ti- nana. Ko te Atua kai roto ia tatau e whakahaere ana i a tatau kai; kainga katoatia nga kai e tika ana kia kainga e tatau, kaua ia nga kai e whakaatu mai nei te ture e pa mai nei ki te ihu; ko te Paraoa ko te Taewa ko te Miiti me era atu kai kikokiko, me tunu me kohua, kia maoa rawa katahi ka kai, kia ma nga kai; kia mahara koe ki toou Atua; ata ha- mama ka uru ki te mangai ata ngaua kia nga\\vari ka ata tuku kia heke i te korokoro, ka tatu iho ki roto i te peeke ka pai te mahi i nga toto me nga uaua, ko te kinaki mo enei kai, he wai he tote ; he huare kai roto i te mangai hei whakatakataka i te kai i mua atu i te tukunga ki te korokoro maana e peehi ki te peeke, hei huri tuarua e pai ai te heke ki nga waahi katoa o te tinana, he huare ano to te puku, ara, to te peeke, ko taua huare he atete, e oho ake na koe i te moe i nga ata e kawa ana to waha. Ko te Atua kai roto ia tatau e whakahaere aua i nga kai e heke ana ki o tatau koopu, ko nga hua rakau he kai pai tena na te Atua i tunu kia maoa, kaua e kainga i te mea ka- ore ano i tunua e te Atua kia maoa, he Apo- ro he Pititi he Here he Pea he Paramu he Waina he Eperekooti me era atu hua rakau, engari kohuatia ko te wai ma nga turoro, ta- kitahitia te kohuatanga. Ko nga kai kikokiko ko te putake mai tena o te mate Kaute kooti, kaua e kainga nga mea pirau na tatau na te Pakeha ranei aua Kai, ko te haunga e rongona e tatau o aua kai kua pirau, ko te reo tonu tena o te Atua e mea mai ana kia koe kaua e kainga he ture nana kai runga, ki te takahia e koe ka pirau ano koe, na enei kupu ka mea atu au kia koutou kia mau ki nga ture o nga kai ka ora tatau katoa. WAI RAMA. E pouri ake ana au i te mea kaore aku hoia i konei, kua tu nei hoki au hei Takuta mo ratau, i runga ano i to ratau hiahia, na te pirautanga o te Witi o te parae o te Waina o te Taewa, ka puta mai i roto ko nga wai rama e kainga nei e te tangata, tona mutu- nga atu o nga wai rama he Winika, ki te ka- inga e te tangata te rama a ka haurangi, oho ake i tana moe ka mamae tona mahunga, ko te reo tena o te Atua e mea mai ana ki a ia whakamutua kei hoki atu ano koe ki taua, kai, engari ma te Takuta anake te kupu me inu te turoro. Ko te maroketanga o te waha i te rama kua ngoikore kua mangere, kua pararutikitia nga uaua kawe toto. Ka nekehia i te 1 ki te 2 p.m. 2 p.m. Takuta Pomare. Ko nga mahi a te rama be whakaako i te tangata ki te korero teka ki nga mahi kino katoa, ko nga wahine e kai ana i te rama, e kohuru ana ratau i nga kaakano tangata kai roto i o ratau tinana, e tatari ana ki te \\va tika e tae mai ai ratau ki te ar nei, hei wha- kakapi mo nga mea kua moe. E nga Kaunihera Maori, whiua te tangata te wahine kai rama, pai atu te mate o te whe- nua, i te mate o te tangata, he aha hoki te pai ki te mate te tangata ka ora ko te whe- nua, ma wai e ngaki e ahuahu, ki te mate ko te whenua ka ora ko te tangata tena ano e whanau he whenua i te werawera o te tanga- ta. TUPEKA. He kai hoou te Tapeka na te Iniana tenei kai, i te kitenga tuatahi o te Pakeha, ara, e Koromapihi, e kai ana te Iniana i tana Pai- pa, e puta mai ana te auahi i tona waha, ka mahara tetahi o nga heramana e, ka wera a roto i te ngakau o te Inia ra i te ahi, katahi ka oma ki te tiki i te peere wai, ringitia ana ki runga i te Inia, ka ara i konei te raruraru; ki te kainga e te tangata te waikura o tona Paipa, ka mate ia mate rawa, tuarua ka kaha te kai Paipa a te tangata ka pakapaka tona manawa, kua kore te manawa e kaha ki te
![]() |
3 3 |
▲back to top |
[NAMA. 11, O TE TAU 4,] TE PUKE KI HIKURANGI HEPETEMA MANE 16th 1901. [Wharangi No. 3] mapu i nga toto ki te tinana, ki tona tikanga ake o te mapu a te manawa i te toto tika e • 75 tukunga i te toto i te meneti kotahi, tua- toru ko te pau nui o nga moni a te tangata mo tenei kai e homai mate nei ki te tangata, tena whakarongo mai, he tangata kai Paipa, e rua hereni me te hikipene 2/6 i te wiki e pau ana mo ana tupeka, e £6 pauna i te tau, mehemea he kai Paipa tana wahine me tana tamaiti, hui katoa te moni e pau ia ra- tau i te tau £18 pauna, 180 i te tekau tau ; e hoa ma kua oti he whare nui mo ratau ko tona wahine me ana tamariki, na enei tatau i rawakore ai, kaua nga tamariki e kai tupeka tikareti, tiakina 6 koutou tinana me o koutou rawa. Ko nga tamariki e whanau hoou ana, ko te miraka he mea maaro, kei mua tonu o te miraka o te matua, na te Atua tena i hoatu ki roto i te matua hei rongoa mo te tamaiit, hei tahi mai i nga mea kino o roto i te nga- kau o te tamaiti, ka puta tena mea o roto i te ngakau o te tamaiti ki waho ka marama te kai i te miraka tuarua kapiri hei ora mo tena tamaiti. Ko te kai tuatahi a te tamai i roto i tono hakai, he toto. 2 ko te miraka maaro o te matua hei rongaa, 3 ko te miraka o tona matua ake ko te mea tino pai, kaua nga tamariki e whangaia ki te miraka o te kau engari ma te mate anake o te matua i tetahi mate kino; ko te wai-u o toona matua ake te mea tika, hakoa kaore e puta mai he miraka me whangai tonu ki te tamaiti a puta noa mai he wai-u, e kore hoki e homai e te Atua he tamaitiki ki te tangata ka puritia atu te kai hei oranga mo te tamaiti, kaore he wai-u pi- rau kai tetangata, ahakoa pehea te ahua o te wai-u he rongoa mo te tamaiti, kei muri ko te wai u ma, hei kai ma te tamaiti hei oranga hei whakapai i ona toto, ahakoa he pai te tamaiti kai wai-u kau, he kino i etahi wa he mate, ka ki atu au kia koutou wha- ngaia a koutou tamariki ki o koutou wai-u. Kia pai nga kai kia ma pa pai nga kai, ka pai hoki te roro, tena ki ie kino nga kai no- hea hoki e puta mai te mea pai reka i roto i te mea kawa, ka pai te taonga ka reka te moe ka tau nga whakaaro, ka kite te roro i nga mea kei mua i te aroaro, me nga mea kuo hori ki muri, i roto i nga taa maha kua pa- rea ki muri. KAI MA NGA TURORO Ko te take i hoatu ai nga kai ngawari ma nga turoro, kua ngoikote kua kore kaha te puku kua pakihi te mare o te puku, ma nga kai ngawari i hoatu ma te turoro maana e hanga he huare mo te puku, e whakahoki mai tona huare, ko aua kai ngawari, he wai Kau, he wai manu. NGA KAKAHU. Kaore he kahu o Arama raua ko Iwi, ko te take he mahana he wera no te wa ia raua, no te taenga mai ki to tatau nei wa, ka heke ki roto i te matao, kua makariri nga mea katoa, kua waiho mai te matao hei hoa whawhai mo te tangata me ona uri, ko tana mahi he kimi i nga matapihi o te tinana hei urunga moona ki roto, whakapararutiki ai i nga ua- ua kawe whakaaro e pupuri nei i te tinana ki te ora, e paihere nei i nga toto me nga ki- ko ki toona toitutanga hei taiepa mo nga wheua. Na, tenei ahua kia tupato ano ta tatau whakahaere i nga kakahu e uhi nei i o tatau kiri, hei arai atu i te hoa-riri o tenei wa, kua taka nei o tatau toto ki roto i nga kai, me nga wai, me nga whare, o tenei pito o to ta- tau whakatipuranga. Ko nga kahu kua whakaritea e te ture ta- ngata mo roto i te whare moenga e takoto ai o tatau tinana i nga po, waiho marie i runga i tou takotoranga, kaua e mauria i runga i a koe ki waho hei kahu awatea, takoto ai i ru- nga i te otaota, i te paparahi ranei o te wha- re, he hae te kahu o te po ina kakahutia i te awatea, pena ano nga kahu awatea ka hae ina kakahutia e tatau i te po. Me mohio ano tatau ki tenei, he hu ano te hu, he potae ano te potae, ki te whakawhitia e tatau enei kia taka ke i tona ture, tere tonu tatau te mohio ake kua hee, engari ko te hoa-riri nui ko te matao, nui atu tona koa ina kite mai ia kua takahia e tatau te ture o te hu me te potae, o te kahu po, o te kahu awatea. Ki te kite mai taua hoa-riri ia tatau e ta- kahi ana i nga ture o te whare, o te kai, o te kahu, katahi ka tukua ana karere ki ona hoa kia piwa, kia kohikiko, kia huango, kia ru- matiki, kia ngarara, kia whare; kia kai, kia wai, kia kahu, ka ara ake enei hei hoa-riri mo tatau. I runga i enei take katoa, wha- karitea nga ture o te whare, o te kai, o te ka- hu, kia rite te mahana i nga wa katoa o nga kahu mau awatea, mai ano i te kapu a nga waewae tae noa ki te mahunga, i timata, atu tatau i te hu eke noa ki runga, kia mau i nga wa katoa, i nga ra i nga tau, kai roto tatau i te maeke o tenei motu e noho ana, me tona wera tuaiti mahana pai, ko te waahi piri o te tangata ki te whenua me te paparahi, ko ta- tau waewae i nga ra katoa o te tau, no reira kia tupato kaua hei tangohia o hu i tetahi ra ka haere ai i waho, ka rongo tonu koe i te rereketanga me te matao, ina tu atu o wae- wae ki runga i te whenua me te otaota, hau- nga hoki to konohi, kua taunga kua waia ki te roa o nga ra e watea ana i te hipoki, no te tai-tamarikitanga tae noa ki te rua tekau. Ko te matao makariri nau ake i mahi ki roto i tou whare, ka tuku i te wai matao hei kaukauranga mou i ia ata i ia ata pumau to- nu, kaore tena i te takahi i te ture o te ma- hana, engari e whakamaro ana i te tinana me nga kiko me nga uaua me nga toto, e whakapai ana, a, e oro ana hoki i nga wheua o te tinana, kia rite te utonga ki te kanohi, kua utonga kua maro i tona wateatanga, e horoia ana ki te wai matao i ia ra i ia ra, kaore ona uhi i te po i te awatea, po hotoke, po raumati, awatea hotoke, awatea raumati, ko nga ringa kaore ona uhi, engari Ka kaha rawa te maeke ka uhia ano e te Pakeha. Waihoki kia rite te mahana o nga waahi katoa o te tinana e uhia ana ki te kahu, me horoi nga kahu kia ma i nga wiki katoa, ka- ore he utu o te wai he iti te utu o te hopi, ki te kore, he nui te pungarehu o a tatau ahi, tiakina nga hinu o a tatau miiti e tunua nei, ka pokeke heoi ano kua hopi e horoi ana ki nga kaha, ona tino taonga o te kahu he ma- hana he ma. He kino tenei kahu te tei e roromi nei i nga kaokao me te hope, kaua e tango atu i tena taputapu, pai atu o tatau kahu, engari kia mama te hope, me kawe ake te taumaha ki runga i nga pakihiwi, hei rei- ra nga tau, kia mama ai te waahi e mau nei nga kahu nui i te wahine kia watea mo a tatao kohungahunga taua takiwa, ko nga wahine o Hawaiki ko ta ratau mau tenei i o ratau kahu, me te pai hoki o ratau tinana nae te whanau o a ratau kohungahunga, mehe- mea tatau ka whawha atu ki tenei mau kahu ki o tatau tinana, ka pera ano a tatau nei kohungahunga te ora. Turei 27th. 1901. NGA MATE MAORI. He patai tenei naku ki nga tangata mohio ki nga mate Maori e korerotia nei, kia wha- kamaramatia mai kia mohio hoki au, mehe- mea pehea te ahua o enei mate, kaore maua nga kai whakarongo i kii kii. Kaore he mate Maori i tenei wa i a tatau nei, he tinana Pakeha o tatau tinana, he toto Pakeha o tatau toto, waihoki he mate Pake- ha o tatau mate, e peehi nei i te Iwi ki te mate, kaore he mate Maori kei a tatau i te- nei wa, kotahi te mate e whiu ana i te Pake- ha me te Maori. TANGIHANGA. Me mutu nga tangihanga nunui e aumiki nei i te tangata, . i kite ano au i etahi tangi- hanga, i kite au i te nuinga tonu e kopare ana i o ratau konohi ki o ratau potae, kei ki- tea te kore aroha, i kite ano au i etahi e tuo- hu ana ki raro huna ai i te kore aroha, he iti te hunga aroha pono, heoi ano ko te ngahau te mea nui ina tae ki te marae o te tupapaku, e kore nei e tika taua ngahau kia mahia i runga i taua tupapaku, heoi he pouri te mea nui, tangohia ana te pouri e te ngahau ahu- areka. Kia tere tonu te tanu i te tupapaku i nga ra e toru, ki te puritia roa noa atu nga ra. he take mate ano tena no nga mate Pakeha, ka marara haere ki te hunga i tae me te hu- nga kainga, na kia tupato tatau. He matao te take mai o te maremare, me- hemea kaore taua maremare i tiakina i ro- ngoatia ki te mahana me te rite o nga mea i runga i te tinana, me te mahi o te tinana kia puta te werawera ki waho o te . kiri, ka tipu tena maremare hei rakau nui, e kore e taea te huhuti te ranga atu ki waho o toou tinana, ka puta taua werawera totaa ki waho, he paihini tena totaa, ki te hoatu e koe te totaa kia 80 nga pata ka whangai ki te Rape- ti ka mate, na kona horoia kia ma o kahu i nga wa katoa, araia atu te whawhai a te to- taa ki tona whare ano ki te tinana tangata. E toru nga taupa o te mate me te ora, tua- tahi, ko te ora pai tuturu, tuarua, ko te ora i - waenganui i te ora tika me te mate, tuatoru, ko te mate, mehemea ki te taka iho tatau i te turanga o te ora, i runga i to tatau takahi i te ture o te ora tinana, ka haereere tatau i waenganui o te ora o te mate, kanui te pakeke, kai tena takiwa e haereere ana nga ngarara o nga mate katoa o te Taipo piwa o te Kohikiko o te Huango o te Rumatiki; ki te tutaki tatau ki aua ngarara he nui te po- uri te pakeke, ko te taka o tatau tinana ki waenganui o te ora o te mate me te mate ra- wa, he mea ngawari noa, engari ko te kume- nga ake ki runga ki te turanga o te ora, he mea taumaha, na konei kia wehi i nga ture mo te tinana, kai roto kai waho i o tatau ti- nana. Ara, ko enei taonga nunui ko te ahi ko te wai, he ture kai runga na te Atua i uhi e kitea ana e tatau, ki te takahia e tatau taua ture, ka mate ka pungarehu o tatau tinana, ko nga mate tenei kai te kitea e tatau i nga wa katoa me to tatau tupato ano, iti ana te paanga mai me te mate. Ko te ahi, ko te wai, ko te taka, ko te ra- ina, ko te raawa, ko te hinga, ko te whanau tamariki, ko te matao, ko te mate kai, ko te patu a tetahi i tetahi, ko te hinga iho o te rakau ki runga i te tinana, ko te mate i te waro, ko te piki ki runga i te rakau, ko te mate whakama, ko te mate tunga, me era atu mate e kitea ana e te konohi, kua kitea e tatau ona rongoa o enei mate, na te mohio- tanga na te tupato i rapa ka kitea, ka ora te tinana i roto i enei mate, he mea urupa noa ka riro atu takitahi nei, kore noa iho e hia- tau ka kite ka tangi ai, mehemea kaore tatau i tupato ki nga ture o te tinana mo enei ma- te, penei kua kore he morehu, i heke mai e- nei rongoa i o tatau tipuna, e ora nei tatau hei tangata mo te ao. RUMATIKI. Kei nga kai te putake mai o tenei mate, ka whakatetetia nga toto o te tinana, ko tona toha mehemea ka ka whitiwhiti te mamae ki tetahi waahi ki tetahi waahi he rumatiki tena, ki te pumau ki te waahi kotahi ehara he mamae ke. Ko te pi tetahi take o tenei mate, kaua e kai nui i te kai kikokiko e puta ana he pi i roto. HUANGO. Kaore he rongoa mo ienei mate, kai roto tona nohanga i nga peeke hau o te poho. E toru nga uaua nunui ki roto i te tanga- ta e ahu katoa ana ki te roro, ko era atu ua- ua ririki, he kai mahi na te roro, e rua nga uaua ara toto he toto kino he toto ora, he oto ma tetahi, he pirihimana hei herehere i nga ngarara o roto i te tinana, ki te kaha taua pirihimana ka kawea ki roto i te here- here, ka puta mai he whitirama te mamae ki te tinana. NGA AHUA O NGA MATE ME TE TANGATA. Ka whakatutia mai ki mua i te Iwi, kia titiro i te ahua o roto i te tinana me nga ua- ua, te manawa te ate, te ate wharowharo, te puku me nga roro, ka tohu ia i te ahua o roto i te tinana, i patua ai e nga mate, tae noa ki te ahua o roto i te tangata mate i te rama, me nga uaua i pararutiki i te whakaa- rokore o te tangata ki tona tinana, me nga ahua o ia ngarara o ia ngarara o roto o nga kai me nga wai, e tukua nei e te korokoro ki roto i te ngakau. ka nekehia. 2 p.m. Ko nga ahua tenei o nga ngarara o roto i nga kai me nga wai i korero atu nei au kia koutou, he ngarara ano kai roto i te huka, ki te titiro atu penei i te papaka te ahua. I muri ka tukua mai ko ana karaihi, wha- kanunui i nga mea e tirohia ana ki roto, ka kitea te rereketanga o roto i te taewa me nga ngarara ririki rawa, marama ana te titiro iho ki te ahua o nga toto ora o nga toto mate me te toto pirihimana, hei hopu i nga ngarara kai tangata, ko te wai hua rakau hei patu i enei ngarara katoa. Ka eke te toru karaka ka haere atu nga wa- hine mate kia Pomare ki te paparahi o ru- nga o te Waipounamu, kia tirohia mai o ra- tau mate, kia tohutohutia mai ratau ki te tiaki i o ratau mate ; ka aiutu ka hoki mai ano ki roto i Aotea, whakaotioti ai i ana korero me nga whakakitekite. Tamahau. He aha te tohu pai hei okioki- nga mo enei tikanga nunui e korero nei koe. Pomare. He whare Ohipera te mutunga mai o enei korero me enei whakaatu, katahi ka tino pai atu, ka taea ona pito katoa o nga mahi ki tona otinga. Tamahau. Tenei a Aotearoa me te Wai- pounamu, kua mutu a raua nei mahi kua
![]() |
4 4 |
▲back to top |
[NAMA 11, O TE TAU 4.] TE PUKE KI HIKURANGI, HEPETEMA MANE 15th 1901.\_\_\_\_\_[Wharangi No. 4] tutuki, he taonga hoou tenei e korero nei koe, tirohia iho mehemea e tika ana e pai ana hei Ohipera mo nga tangata o Wai- rarapa, mau e ki mai to kopu. Pomare. Ko taku hiahia nui tena o korero mai na koe, kia tu he Ohipera maku, kua puta atu taku kupu kia koutou kia kaha, awhinatia au ki to hapai i nga tikanga mo to tinana, katahi ano au ka rongo i tena ku- pu, he moa nui tona, o taea ai te whakahaere ena tikanga o tenei kimi e haeroa nei e ma- tau e nga taitama o to lwi Maori, ka nui te pai o nga whare noi tino pai, kotahi anake te he kai roto i te wharua, ho hokio ki raro no to turanga, mehemea i runga i te taira- ngatanga pai rawa atu, ko te turanga pai mo U; whare Ohipera e pai rawa ai, kia rewa ki runga, kia hopu i nga hau, kia takoto he awa wai heke i te taha, kia tu mai ho motu nga- here rakau. Maori i to taha. 1 rongo tetahi Pakeha i au o korero ana mo tenei taonga nui mo tu Ohipera, i aku i kito ai i au e hae- re ana i nga tua-whenua o te moana pama- mao, ka tono mai tera kia hoatu te ahua pai mo to Ohipera. tenei ake te wa ka rongo koutou kua tu taua whare, na te Pakeha i whakatu ki te Tai-rawhiti. Tamahau. To Iwi tomokia te tatau kua huakina nei, e te tai-tamariki kua ara ake nei hei Kauma- tua tohutohu i tenei taha e to ora tinana. Me tuka ake ano etahi kupu mihi ki to tatau Kawana-tanga, mona i whakahau, i ha- pai hoki i tenei tai-tama hei tohutohu i a ta- tau ki tenei matauranga nui, e whakaatu nei a ia ki nga Iwi me o ratau hapu, kua kitea ihu nei hoki e tatau, e korero ake ana i nga tuhituhinga tapu, e tohi ana ko Ruka he Ra- ta, he hoa haere he hoa mahi tahi i te Rongo Pai o te Ariki no nga Akonga, tuturu to raua haere tahi ko Haora, nana hoki i tuhi te Rongo Pai kua tao mai nei kia tatau, a. he tino Rata a Ruka. Kia ora te Kawanatanga o Niu Tireni e tu nei i tenei wa, kia pata te manaakitanga mou i te waahi ngaro, roa, roa, roa noa atu "Te Puke Ki Hikurangi." E MOHIO ana ahau he tino mate te kohi kei te Maori, kei te whakamamae kei te wha- kapouri i a ia, kei te iki hoki i ona whana- unga ki te po, na reira ahau i whakaaro ai ki te whakaatu ki a ia i etahi moa mo tenei mate, te tino mate nui atu i te ao, te mate tino kaha atu hoki i te ao ki te patu tangata, he tino mato uruta e noho tonu ana ki a tatau, otira he mate kua kitea ano he rongoa mehemea i mohiotia wawetia i maa atu i te tino kahanga. Ko te mea tuatahi maku ko te whakaatu i nga take o te mate kohi, te take i ngau ai ki etahi tangata i kore ai ki etahi, i mari iho ka whakaatu au i nga tohu ina timata taua mate ki te tangata, hei muri rawa ka wha- kaatu au i te patu mo taua mate i te mea ka- ore kau he rongoa. NGA TAKE O TE MATE KOHI. Tetahi tino take nui o te mate kohi, he ngarara tino paku rawa, kaore o kitea e te kanohi maori, e kiia ana e te Pakeha he "microbe,—maikorope ;" i te tino paku rawa o taua ngarara, ahakoa he kotahi mano te whakanuinga ake ka pouriuri tonu te kite ; otira e mama noa te kite a te Pakeha, i tana taonga i te karaihe whakanui, hei whakanui i nga mea ririki kia kitea ai. Na, ko tenei ngarara ko te "microbe" kei nga waahi katoa e puhia haeretia ana e te hau, ko nga waahi ia e tino momona ana te tupu a taua hanga kei nga waahi e nui ana te noho huihui o te tangata, kei nga taone nunui kei nga waahi hoki e noho ana nga tangata e pangia aua e te mato kohi. Kei roto taua ngarara i nga korokoro i nga waahi o nga tangata katoa, otira kaore ana rawa mehemea he ora, he kaha te tangata, he tangata koakoa. Otira ki to ngoikore te tinana i te mate, i te kaha ranei ki te kai Waipiro, ki te horo ranei i te han kino o nga whare werawera, ma te pa- ngia ranei e tu rewharewha me era atu mate, katahi ano ka timata te ngau i nga-pukapuka ka paihinitia ka timata hoki te nui o te mate. E kore rawa koe o pangia e te mate kohi ki te kore he ''microbe" i roto i a koe i o puka- puka, otira ahakoa uru ki nga pukapuka o kore koe o pangia mehemea he tinana ora tou. Na, ka kite koe tera atu ano etahi take. Tetahi take tino nui, ko etahi tangata e hoho- - ro tonu ana te pangia e taua mate, ko to ratau kikokiko he ngoikore atu i o etahi, na reira ahakoa kahu noa nga uaua o te tangata, otira e hohoro pea tona pangia e taua mate, hohoro ke atu to pangia o te tangata kaore nei ona kikokiko i kaha. E pangia ai tenei tangata, ma le pangia e te rewharewhare, ma te taka, ma te nohoanga i waho, ma to kino ranei o nga kai. Ko nga tangata e penei ana ko nga tamariki a nga tangata i maty i te mate kohi. Ko nga Iwi Maori kaora noi ano kia roa te urunga ki nga tikanga Pakeha e kaha ana te pangia e taua mate, otira na te Pakeha i mau mai te mate ki a ratau. I te mea kua roa noa atu te matt ki te Pakeha, kua taunga ia, ki taua mate, na reira ia kaore e kaha te pangia. Ko te tako tenei i nui ni te mate o te Maori i te mitara i te piwa i Le mate kohi, notemea kaore ia e taunga, ki era mato, ehara hoki i te mate nona no ama iho, he kore hoki e mohio ki to tiaki i nga turoro, engari i mahia etahi mea hei whaka- kaha i te mate. He take katoa no tenei mate te tinana hi- roki te whare pakaru, te hau kino i roto i nga whare ki i te tangata, e kino rawa ai mehe- mea he mate etahi o nga tangata, te kainga maku, te nui o te tangata ki roto i to whare, te horo i te hau ki i te puehu, to kino, te kore e nui o te kai. Te mea kino rawa ko te kore o te tangata, o te wharo, o kitea e te ra, ma te va hoki e patu te microbe ka mate. Ki te mea he mate o pukapuka tera koe e pangia e te mate kohi, i te ngoikore o pukapuka e hohoro tonu ranei te pangia, kia maha rawa ranei nga tau i muri mai. Mehemea hoki be mate to poho, i tu ranei o pukapuka i te matia, i te mata, i te haona kau ranei, tera koa e pangia e te mate kohi. E pangia ana ano nga tangata e tiaki ana i nga turoro e pangia ana,e te mate kohi, i te mea hei te rerenga o te puehu ka mauria ake tetahi waahi i maku i te huare o te turoro, ka uru ki te waha o te kai tiaki, ma te hau ranei e aritarita, a ma konei hoki e pangia ai ratau e te mate kohi. He take ano no te mate kohi te inu i te wai-u, te kai i te tiihi, i te pata ranei o te kau e pangia ana e te mate, te kai i te poaka mate, e kino rawa ai ma te kore e maoa te tunu. He mea hoki e pangia ai te tangata e te mate, ma te maku ma te makariri, me te ngenge me te ruha, i te mea kaore te tina- na i te kaha, penei me te puhia o te poti e te hau ki te maona, kaorre o kai, kaore e mahana, a ka tata tonu te mate ka taea atu koe te whakaora, ma te ngaro ranei ki te ngahere i roto i te marangai, he take tima- tanga mate katoa enei. Te tino take mai o te mate kohi ki te Ma- ori he rewharewha, he piwa, he matao i te maku i te mate kai, i te ngenge i te mea i kaore he kaha o te tinana, e kore e mutu to maremare engari ka mare tonu, ka heke to tinana ka ngoikore, a ka pangia e te mate, te take kua whakamate-kohi taua maremare. E rua nga timatanga o te mate kohi :— 1. Kua whakaaturia e ahau tetahi tima- tanga o te mate kohi, hei muri tata iho i te piwa i te mea kua pai haere, i muri iho ranei i te mitara, i te maremare; ka miharo to tangata i te kore e hohoro tona ora. engari ka hiroki ano ia, ka iwi-kore, ka timata ano te mare, ka tino kino ke atu ; ka mea atu te takuta ki a ia he kohi tona mate. 2. I etahi wa ano timata noa ai kaore kau he mate i te tuatahi. I Le tuatahi tonu ka kite te Maori, ahakoa ho tangata kaha, koakoa, ora ia i mua, otira i naianei kua timata tona ahua turoro, kaore e Uaha tona tinana, ka whakaaro ia kua mama rawa ia, ka hoha ia i te maremare tonu, ka nui pea tana tuhatuha, ka whakananu hoki te huare ki te toto. Ka timata te heke a te werawera. kaore e reka te moe, hei etahi wa i a ia e moe aua ka nui atu te heke a te werawera, hei te ohonga ake i te ata-ka nui te ngenge te iwi-kore. Kaore e roa ka pau tona hau. ki te piki i te pukepuke ka nui tona tunganga kaore e roa kua ngenge, kaore e rite tona kaha ki to mua. Ka wera tona kiri ka maku tonu. A ko ia kei te whakaheke haere tonu- atu kei te iwi-kore. Hei etahi wa i te Maori e mate ana, i te ohonga ako i te po e ki ana tona waha i to toto. I muri iho e koro pea ia e puka ano i te toto, kia kaha rawa te mate, kaore noa ranei engari ka tu-a-toto tona huare. 1 etahi wa ka pangia te turoro ete mate rere, o kore rawa e mutu ahakoa kai ia i te koromi- ko. Tora ano hoki poa e mamae tona taha i raro iho i ona rara. Ki te pangia te tangata e te mate kohi, ki te kore e pai to tiaki e kore rawa ia o ora, engari ka heke tonu atu, ka ngoikore, ka hiroki, ka poto to hau, kaora e kaha ki te kai, ka mamae ia ma mare, otira ka nui tona koakoa me tona tino mohio tonu e koro e hapa tona ora, otira e kore rawa ia e orai engari ka mate i runga i te ngoikore i to ngohe noa iho o tona tinana. (Taihoa pea e whakaaturia ai te Pakeha nana nga korero n ei, te tikanga mo te patu i te mate kohi, i to mea kaore kau he rongoa. —ETITA.) (Whakarongohia e tatau nga kupu a te Pa- keha Takuta i runga ake nei. e tohutohu nei i te ahua o te mate nei o te Kohikiko, tonui mate kai nga Iwi e toru, e noho nei i Aotea- roa me te Waipounamu, tae atu hoki ki nga Moutere e tu mai noi i te moana, tae noa ki nga tangata ke e noho nei i roto i te Iwi Pa- keha; ehara i te mea ko te Maori anake e mate ana i te Kohikiko, e ahei ai to korero a ta tohunga he atua maori tenei Kohikiko, me te whakapono ano etahi tangata tokoma- ha ki tenei reo. I marama ai te ngakau ki te hopu ake i tenei whakaatu, kia mohio ano tataa ko nga mate katoa e pa ana ki te tangata Maori, e korerotia ana e nga tohunga be atua maori kai tangata, kei te pa aua mate ki te Pakeha me era atu Iwi nunui, e pa ana enei mate ki nga Kararehe, te maremare te Kohikiko te Hua- ngo te Pohe te Porangi te Rumatiki te Wai- hakihaki te mate i te whanautanga te Tuu- ma te Kauta whakapupuhi waewae Mumutu Ngerengere; otira nga mate katoa e pa ana ki te tangata e pa ana ki te Kararehe; e kore hoki pea te tohunga Maori e kaha ki te kore- ro he mate atua Maori Kai-tangata e patu nei i nga Kararehe e rongoatia nei e te Pa- keha Ua ora, kua korerotia hoki i runga ake nei, nga maue e pa ana ki te tangata, e pa ana ki nga Kararehe.
![]() |
5 5 |
▲back to top |
[NAMA 11, O TE TAU 4.] TE PUKE KI HIKURANGI, HEPETEMA MANE 15th 1901. [Wharangi No. 5] Rongokako Hoani Te Toru Rangitakaiwaho Henare Parata Aotearoa Heretaunga Wairoa Turanga Whanganuiatara Porirua Waikanae Otaki Horowhenua Manawatu Orona Rangitikei Whanganui
![]() |
6 6 |
▲back to top |
[NAMA 11. O TE TAU 4.] TE PUKE KI HIKURANGI HEPETEMA MANE 16th 1901. [Wharangi No. 6] runga i tenei kupu, kaore kaore; kua wha- nau hoou tenei ki roto i tenei ingoa e tuma- nakotia ana e te Iwi me nga matauranga me nga Kaumatua me nga rangatira, ki a Kawa- natia te Iwi, kua oti te "Kaunihera Maori Marae Kawanatanga Maori Marae" huia tangata kotahi, taroa whakapai tangata. "Te Puke Ki Hikurangi." TE RONGOA MO TE MATE KOHI. Ko te mahi maku i naianei he whakama- rama ki aku hoa Maori i te rongoa mo te mate kohi—notemea ahakoa he mano te ta- ngata e patua ana e tenei mate i ia tau, i ia tau, otira mehemea ka hohoro te tirohanga e ngawari noa iho te rongoa, e kore ai e pau nga moni a te turoro. I etahi wa, ahakoa hohoro te rongoa ka heke tonu atu te turoro, e kore rawa e taea te whakaora. E kiia ana tenei tu o te mate kohi he "tere" he "kohi karapu" (Galloping Consumption) he tere no te pa mai, he tere hoki no te mate o te ta- ngata. Kua whakaaturia e au ko nga tangata e tino pangia ana e te mate kohi, ko nga uri o nga tangata i pangia e taua mate, ko nga tangata e kino ana te nohanga i roto i nga whare kino, i hangaia ki nga waahi papaku, he kai i nga kai kino, he inu i nga waipiro, he kore kaore e kitea tonutia e te ra, e te hau pai, he mahi i nga mahi taumaha me era atu take. Na reira ko te tohutohu tuatahi tonu ki te tangata, kia kaua ia e mahi i nga mea kua tauria ake nei. E kiia ana tenei rongoa ko te "Rongoa Hau-pai"—i peneitia ai te ingoa, notemea ko te tino kai ma te turoro, he hau pai i te ao i te po—me noho tona ia i waho i nga rangi atahua, a, i nga po ano hoki mehemea e taea, ki te mahana tonu hoki te tinana. Me horo tonu ia i te hau pai i nga wa katoa. Ko te "hau pai" ko te hau pai o waho, he hau kaore i ki i Le puehu, i te piro, i te mamaoa, i te hauku i te rehu, ko te hau o nga pukepuke o nga mau- nga, o te moana. I naianei kua hangaia kei Europi he whare nunui penei me o tatau Ohipera, hei waahi e ha ai nga tangata mate e haere ana ki reira, i te hau pai, notemea i hangaia ki runga maunga, kaore i tata mai ki nga pa he kino nei te hau. E meinga ana e nga takuta kia noho tonu nga turoro i waho ha ai i te hau pai o te tua-whenua. Ki te kino te rangi, he uru ngahere ano kai reira hei haereerenga mo nga turoro, ki te maku te ngahere he waahi ano i hangaia kia maru ai nga turoro, me ta ratau ha tonu ano i te hau pai, ki te kore ka tu tonu ratau i roto i te ua i te ma- tao, engari he hamarara ki te ringa, he koti nui mo te tinana kei maku, kia mahana to- nu ai te tinana. E kore te tangata e pangia e te rewharewha, ehara hoki i te mea ma te hau makariri e homai te rewharewha, te maremare ranei, engari ma te hau kino ke. Kia pai tonu te horonga i te hau pai, ara, ki a roa te hiinga ki roto, ka ha ano ki waho, me te whewhera ano i te poho. Na konei i meinga ai nga tangata ahua kaha kia pikipi- ki tonu, kia tere ai kia kaha ai to ratau ha. Ko nga mea ngoikore hei nga waahi tika haere ai , me te okioki tonu. Kai ai ratau ki waho, ki roto ranei i te ruuma e tuhera tonu aua nga matapihi. Hei nga po ka we- he he ruuma ke mo tena mo tena, me te tu- hera tonu nga matapihi, engari kaua hoki te hau me te ua e uru mai ki roto i te ruuma. Mehemea e kiri ka ana te turoro, e kaha kore ana ka takoto tonu ia i te moenga i nga awatea me te tuhera tonu nga matapi- hi taea noatia te wa e kaha ai te turoro. Ha, e taea noatanga atu tenei tikanga e te Maori kaua noa ia e whakarere i tona kainga. Me noho tonu ia i waho i nga awatea, hei te po ko ia anake hei tona ruuma, me te tuhera tonu te matapihi, ki te taea, me tuhera ano te tatau; mehemea he tumere, he kaanga ahi ranei to te whare, ka whakapaingia te hau o roto i te whare. Tetahi tikanga pai he noho i ro teneti; he hoa oku kua pai ra- wa atu i te whakarerenga i te taone, ka hae- re ki te tua-whenua mahi ai, ki te patu ra- peti, i noho ratau ki ro teneti, mo etahi ma- rama i te wa pai o te tau. Tetahi mea nui hei tirohanga ko te oneone, ko te oneone hei turanga mo te whare, mo te kainga ranei, hei te oneone maroke, hei te oneone kohatu kirikiri, papa, hei te oneone mama, me tu te whare i te waahi tairanga kaua hei te take o te awaawa. Hei te heke- nga o te ua, ka hohoro tonu te mimiti o te wai, ka maroke te oneone, he take ano hoki te oneone maku no te mate kohi. Te mea tuatoru, he mea nui hei rongoa i te mate kohi, ko nga kai. Kia pai tona nga kai ma te turoro, kia tino kaha hoki tana kai, kaua hei kai tahi me etahi, hei te mu- tunga o te kai, ki te taea, me moe, me tako- to ranei mo te haora kotahi. Kaore te turoro e pirangi ki te nui o te kai, engari kia roa ka taunga, ki te kaha te kai ka reka. Nga kai papai rawa he hua manu, he ika, he ma- nu, he otimira, he taewa, he raihi, he heko, he tapioka, he kaanga-paraoa, he hararutu, he hua rakau, he puha: ko te mea nui rawa ia ko te wai-u, ko nga kai hoki e mahia ana ki te wai-u, he purini miraka me era atu kai pera. Tetahi mea ano hei whakaaronga ko te tino rongoa, kaore kau he rongoa e mutu ai te mace kohi, ko nga rongoa kai te takuta anake. Engari ra tera ano etahi rongoa pai hei whakakaha i te tangata, hei whakanga- wari hoki i a ia. Ko te rongoa pai atu he hinu ika (Cod-liver oil) ko te hinu ika anake, kia kotahi kia nui atu ranei i te ti-puunu, kia toru nga kainga i te ra, hei muri i nga kainga. Kei nga toa rongoa, kei nga toa huka e puranga ana, he tino rongoa pai. I etahi wa e whakananua ana te hinu ika ki etahi mea whakareka hei whakapai i te kai- nga, engari he nui te utu. Kei te takuta ano etahi rongoa hei whakangawari i nga ahua kino o te mate kohi, i te wharo, i te kakawa, i te mamae, i te ngoikore o te tinana,; me tiki enei i te takuta, ehara i te mea hei wha- kamutu i te mate na reira kaore kau he ti- kanga e nui ai aku kupu mo aua rongoa. Ko te mea whakamutunga ko te tupato kei horapa te mate ki etahi atu, ki tau whanau ranei, notemea he mate horapa te kohi. Ka- ua te tangata i te mate kohi hei tuba ki te whare, ki te marae, engari te mea pai me tuha ki runga i te ahi, ko nga kakahu horoi i te waha me tahu ki te ahi, ko nga paepae huare me horoi rawa ki te wai Koropupu. Kei horapa te mate, ko koe anake hei tou ruuma moe ai. Hei a koe anake au maripi, au whaaka, au puunu, au riihi, au kapa : ka- ua rawa tetahi hei kai atu ki a au mea, hei te horoinga me kuhu ki Le wai koropupu, kaua rawa tetahi atu e mau i o era atu. Kaati aku korero, a, ki te mea kua whi- whi te Maori ki tetahi matauranga i runga i tenei korero, kua kite hoki ia i te pai- nga, penei me ahau i ngahau i taku tuhitu- hinga i enei korero, ko tenei he utu nui mo- ku. He mea tino pouri rawa ki te ngaua e te- nei mate weriweri, otira ma te mohio tera ano koe e ora i a koe ano, ma tenei e whaka- iti iho te wehi o tenei mate kino, te mate kua pa nei ki te whanau katoa o to tatau whe- nua atahua, whanau Pakeha Maori hoki, he pakanga nui, he pakanga kaore ona mutu- nga, kei waenganui i te mate raua ko te ro- ngoa, ahakoa roroa noa atu te whatinga a nga waewae a te toa nei a rongoa, otira kai te auto tana oma i muri i ona hoa-riri i a mate, i a rawakore, i a kuare, e taiawhio nei i te ao katoa, e puritia nei e o ratau ri- ngaringa whakarihariha, otira kai te matara haere ta ratau pupuri. Heoi ra ko te mea tika tenei ma matau ma te hunga kua ako ki te whakaora i te tangata, kia kaha matau kia mahi ngakau, ahakoa iki, heoi i te mea tonu e tautoko ana i te whawhai, me te whakaaro ano e kore rawa e ngaro te mate, engari e taea te whakaiti te ngau te apo a nga hoa-riri, tokotoru nei o te tangata me tona oranga, me te mohio ano kei te mate ano te Wikitoria, ahakoa ra ka pera ratau me Rewi Maniapoto, i te tononga a te Ka- nara o te Pakeha kia mutu tana whawhai i Orakei, katahi ka hamama tona reo ki te rangi ka mea :— "Ka whawhai tonu matau ake ake ake" Tena koutou katoa. Na to koutou hoa aroha. Wiremu W. Mua, M.B., B.Ch., (N.Z). "Te Puke Ki Hikurangi." HE POI!. Poi, poi, poi, atu taku maana, wani atuta ku maana, nga pikitanga ki te Raaroa i papataurite mai ki Waihau, e ka tirotiro ki roto ki Puatai ka raana tonu ki Parinuiotera, kia takahia atu nga oneki Whangara ko Matioro, ka toira taka haere ki Titirangi ki a te Eketuoterangi, e ka tiro iho ki Tokaataiau ki te rohe mutungai a Porourangi, ka peka I au ki taku takeia Mahaki e ko Wi Pere, mo Rongowhakaata kia Heta Te Kania Takirau, ko te aurai nohia ete takupuko kopututea, kia ope noa te kuare, kia hone noa te taru- taru, ko te tono au a Hoani Ruru kia tika mai te whakaaro mo aku haere, putuputu ki Turanga, i henui taku maana, e harai muri nei, no tuawhakarere no aku Kaumaatua, i whiua ki te Muriwaiki taku whare ka mara- nga kai runga, ka rawe ra maua ko taku manaki te hapai mahi ki nga awhenua, ta- papa ana i te hiwi ki Maatiti e katiro ake ki waho ki te kuri a Pawa, ka whai au ki taku takeia Kahungunu tau rawa atu ki Nuhaka kia Epanaia, ki te kai tiakio taku pungarehui kaiuku me te Pukenui, katae au ki te Wai- roa kia te Apatu kia Kuru Pakiaka, ka tipi ra taku haere ki Mohaka ko Paora Rerepu ko te waha pango ki Petane, nga kai tiakio taku putu maahe o motukumara hai o haere- nga ki o Otaanuiarangi, i poua ai taku rahui ki runga ki nga upoko o nga rangatira o Heretaunga, me whakatangi te korowhiti ki Waipatu kia Tiakitai kia Tomoana ko te Uamairangi, nga morehu o taku karinga i te Rotoatara i mau ai a te Paerikiriki, ka naku au ki Waipawa kia te Hutana Pakatiti ko Paora Ropiha, karere au ki te puotetonga ki a Tutepakihirangi ki a Tamahau ma, nga kai tiakio taku awa Tooto iriro ai te Poraka o Wairarapa ia te Whaakumu, ka tiapu au ki Tararua ka titia taku mahungaki te Huia turae, tohitu ra taku haere ki Poneke e ko Wi Tako, ka tiawhe au ki Porirua kia Ta- mairangi, kahuri au ki takutakeia Rongo- maipapa ko te Rangihaeata ko te Rauparaha Otaki, katu rangatira au ki Whanganui e ko Taitoko ko Topia Turoa, ka piki au ki To- ngariro ko Ngatoroirangi, e ka tuupeke au ki Taranaki ko te Whiti me Tohu Kaakahi, nga kai pupuri o te whenua hei ora mo te iti mo te rahi, ka tatuu au ki Taupo kia te He- uheu kia Maniapoto, nga morehu o taku putai te pakarutanga o Tarawera, ka eke au ki Pirongia ko Maahinarangi ko Kiingi Ma- huta ki Waikato, ko te mearae wawatatia nei e mau a ko taku mana, pikautia i te Ti- riti o Waitangi ki raro ki te moreo te whenua, ta tonu mai a Hoone Heke i raro i te puhio taku waka o Taakitimu, ka tika tutuki te haere ki te rerenga wairua ki Aotearoa, ka whakaarorangi te nei au ki te wa kainga ki taaku putu moni i roto i Hauraki, ma Hou- taketake e tuku te oota kia Mangakahia kia te Rauroha, pikautia ki Tauranga kia Tu- paea ki Whakataane rawa kia te Hurinui, me whakamau mai ki te ringa o te Awanui ki o Opootiki, koi akoa ete remu taumaha nei ki te rere ki roto ki aku hui, nga mahi a te mana hauhau titike pou ke ki waenga pa- rae, me whakatakoto ki te ara tangata ki Toorere, ma Ngaitai e ranga mai te muri ra- ro e ko Apanui, tau rawa mai ki te Kahanui- atiki e ko Hetekia e ko Moutara ki Raukokore, noho ana au i Paatangata o ko te Ngarara raua ko te Keepa, nga kehua hoki aana te ki nei koi ako te kai rangatira ruiataia, tea, ka eke au ki Whitirangi e katiro hura ki Nuku- taharua kia Houturangi, whakahangai taku haere ki te whetu matarau ki nga a koringa o aku tipuna, i kari ai te haunga o Tutawhi- whirangi. ki te iha o te Houkamau, Hoone Waitoa e ranga mai te rongo tieki o Pukea- maru, ka taupatupatu te rere a taku mana e ahu ana ki Horoera kia Wi Wanoa kia te Wikiruhi, nga Tianara whakahaere o te Pa- pa Parengo o Mataikaro, kai whea te moni ka hapainga mai, kai Waiapu ko Porourangi ko aku mana ririki, ka taoro haere kia eru Pahau ki nga a Taaruke Tiwara a Ruataupa- re, tiwaraia ia mai ki te maro makanga ki te wai, tau rawa mai ki Waipiro kia Pine Kai- papa ki te rere i haruru, ko taaku hamene tuatahi tenei kinga a mana katoa rauna noa te motu, me tae ake koe ki roto ki Tokoma- ru i te tau tahi mano iwa rau marua, tiheru - tia mai te hiriwate nooti ki te pereti a Hou- taketake, ki Poha poha ki Poha poha, au au ko wai au mohaio. Maketu. Akuhata 5th, 1901. Kia Tuta Nihoniho e pa tena koe, koutou nga waka e anga atu ana ki te uranga o te ra, e nga Iwi; Ngaati Porou, Rongowhakaata Kahungunu, me nga wehewehenga hapu i roto ia koutou tena koutou katoa te iti me te rahi, nga pu korero me nga putea mahara he mihi anake te taonga nui, i hokia ake ai ano te kupu nei "Tena koutou, tena koutou, tena i koutou, katoa, katoa, katoa," ahakoa he reo i I
![]() |
7 7 |
▲back to top |
[NAMA 11, O TE TAU 4.] TE PUKE KI HIKURANGI, MANE HEPETEMA 15th 1901. [Wharangi No. 7] no te Kotuku kotahi i koroki mai i te rerenga mai b te ra he taha tika i papatahi kinga Iwi o te Rawhiti i taiapotia atu ai e te mahara "no koutou katoa te reo kua tae mai nei ki enei marae-kahau haere ai," he kawe mai i te aroha,. nana net i maturu iho ai te roimata i tatu iho ai ko nga kupu korero, e mihi mai nei, e poroporoaki mai nei ki to koutou hoa, ki to koutou papa kia te Pokiha Taranui; ka oti nei te here e te taura kaha o te po, i ka- wea mai nei e tona kai whakatutuki e Aitua. E Tuta tenei to matua te rere ronaki atu ua i roto i nga pukohu o te ata-tu, te wha- kangaro na i waenganui i te anu-matao o I Hikurangi e whai atu ana kia moe ngatahi i I te moenga i tiraha ai tona hoa a Ropata Wa- hawaha, ka tutuki atu te aroha ki tena ona i hoa, ka tipi ki te ao o te tonga ; e whakamau I atu ana kia takoto ngatahi to ratau tokotoru J ko Meiha Keepa, i runga i te moenga te taea S te whakaara ake i te urunga, te taka mo ake tonu atu, ka topu atu ratau ki Paerau kei reira e hautu ana i nga tinanatanga o ratau waka e pakiwaitaratia nei e tatau i te ao ta- roa. Mehemea ranei kei tetahi waahi, e | hamenetia nei i te ao marama, kei reira ano ! e kauhau ana i nga tikanga o te Rongopai o te rangimarie : tokotoru hoki ratau he kai hapai anake i nga tikanga e rua, ara, rao te taha ki te tinana me te taha ki te wairua, ia ratau e takatu ana i waenganui o nga lwi i waiho pani ake nei e ratau kia tangi tikapa ana i tenei ao whakamamae roa. Koia i manatu tia ake ai e te whakaaro e rite ranei nga tikanga me nga kupu i waiho ake e ratau ki nga uri nei e pehea ranei, no reira ka tika to kupu e whakamatatu mai nei, kia takatu i muri ia ratau mo nga tika- nga kua oti nei te here ki runga i a tatau, mai o te Tiriti o Waitangi tau 1840 ki te Ti- riti o te tau nei 1901, i whakatutukitia mai nei e te Tiuka o Ioka ki Rotorua nei. E hika kia kaha ngatahi tatau, matau i konei, me koutou hoki i ena pito o te motu, ki te tautoko i nga tikanga i runga ake nei. Ke tenei hei kona ra noho mai ni, e taea hoki te pewhea te tangata nui o te ao, Aitua nana i homai he mamaetanga ki a tatau i enei ra. Waiata. Mihi mai tangi mai, hai aha ka tangihia, te hanga ka tauwehe atu, rirarirau ohi naawa Kotahi tona maana e homai te ngakau tatu hei whakamarie i nga whakaaro pokai- kaha i enei ra, ko te kai-hanga anake maana e homai he okiokinga mo te ngakau poari, moona kua ngaro atu nei i waenganui i te hono. Hai kona ra, waiho ma nga ra e titiro he wa e tutaki ai o tatau Aitua i runga i a tatau i nga urupa ora o nga mate o waenga o to tatau wehewehenga i te ra o te Moko- puna i runga o Rotorua, heoi nei koa. Hemana Pokiha. TE PUHANGA I A MEKINIRI TIMUAKI O MERIKA. Kotahi tetahi waea hohoro i tae mai i te Haterei, te 7 o nga ra o Hepetema nei, e whakaatu mai ana i tetahi pouritanga nui i pa ki te Iwi o Merika, mo runga i te kohuru- tanga ia Perehitini Mekiniri ; ko te mea tu- atahi i whakaarotia iho ai mo taua kohuru, "i kino rawa atu tona taotutanga" e ai ki te whakaatu mai a nga waea tuatahi, otira ki- hei i tino eke rawa ki runga ki tera kupu engari tera e kitea i roto i te whakaatu i raro iho nei, era ano e whai waahi a Mekiniri ki te ora, e ai ki te whakaaro a nga Rata. Ko te waahi i kohurutia nei a Mekiniri kote taone o Pawharo, i te taha o te moana o Eri. I haere ia ki te Ekepihana, a, uru ana ia ki roto i te ropu tangata o roto i te Temepara whakatangitangi o taua whare whakakiteki- te, a, puhia iho ia ki reira. Ko Perehitini Mekiniri, ko ia te 25th o nga Timuaki o te mana nunui o te whakakotahi- tanga o te rangatiratanga o Merika. No te tau 1896 ka whakatungia ia hei Timuaki, a, tutuki noa te toru tau i a ia e tu ana; no te tau ka hori nei ka pootitia tuaruatia ano ia, a, tu ana ia tae noa mai ki tenei wa. Ko ona tau kua tutuki ki te 58, i whanau ia ki te Naera, Ohio, i te tau 1843. Hei tuatoru tenei mo nga Timuaki o Me- rika i hinga i runga i tenei mahi i te kohuru. Ko te Timuaki tuatahi o Merika i kohurutia ko Aperahama Rinikana, he mea pupuhi e Puutu i te tau 1865. Ko te Timuaki o muri mai, ko Tianara Kawhiira, lie mea pupuhi e Katiu i te tau 1881. No tenei tau ka puhia hoki ko Mekiniri, i runga ano i taua mahi i i te kohuru. i NGA KORERO MO TAUA MAHI i KOHURU. i I te wa e whai korero ana taua Timuaki , ki te huihuinga tangata, ka haere atu tetahi L tangata ki te hariru ki a ia, no te toronga atu o tona ringa katahi Ua puhia atu e tana tangata a Mekiniri, ko te pu a taua tangata i roto i te akitiwha i tona ringa maui e pu- puri aua, e rua nga pakutanga atu o tona pu kia Mekiniri, ka hinga atu a Mekiniri ki roto i nga ringa o tetahi-Pirihimana haere wa, (ara Detective) e tu ana i tona taha, katahi ia ka ui ake ki taua Pirihi, "kua tu ranei au'?" Heoi ko te huihuinga o nga Pirihimana me nga Hoia ki te hopu i taua tangata, no te maunga katahi ia ka whakaatu i tona Ingoa, • ko Whereere Taenaua o te Iwi o Porana, me tona ki ano he tangata ia kaore ona ture, a, katahi ano ka tino tutuki tona whakaaro i maharatia ai e ia i tenei wa roa. I taua wa ano ka mauria a Mekiniri ki ro- to i te Ohipera i reira ano, e wha nga takuta i ranga i a ia e mahi ana. Kotahi o nga mataa i tu ki fee iwi o te uma. tangohia ana e nga takuta ki waho, ko tetahi o nga mataa i tu ki raro iho o te paku, engari-kihei i kitea te mataa. TE RONGO O MURI. I patua mai te waea i Wahingitana, e whakaatu mai ana, ko te mataa tuarua i tu atu i tetahi taha puta rawa i tetahi taha o te puku, engari koia kai te pai, kua mauria atu ia ki tona kainga i Pawharo Ekepihana, ka nui tona hauora, kaore hoki ia e rongo ana i te mamae. Kaati kua kitea i naianei ehara i a Where- ere Taenana te Ingoa o taua tangata kohura, ko tona tino Ingoa ke ko Riona Horokohe (Leon Czolgosz). J whanau ia ki Titoroiti, ko ona tau ka 28. 1 te wa i puhia ai e ia a Mekiniri ka hopungia ia e nga tangata, mau rawa ake ia i nga tangta kua motumotu ka- toa tonu, konohi i nga tangata te rapirapi, kua ngaro katoa hoki i te toto. I a ia e he- reheretia ana e nga Pirihimana, ka hokaka iu matara ana ona ringa, katahi ia ka wha- kamatau ano ki te pupuhi ia Mekiniri kia tino mate rawa, kihei i puta tona hiahia, i te huhua o nga Pirihimana, tangohia ana tona pu me ona mea katoa. 1 te marangatanga ako o Mekeirini ki ru- nga i te puhanga i a ia, katahi ia ka haore atu ka noho i runga i ta tuuru, kia ahua mahea iho ai te pouri o nga tangata mona, me toua whakaatu ano kia ratau, kaore i ki- no rawa tona tuanga i te mataa ; engari ko tona pouri anake, koi waiho tenei aitua hei tukino i tenei Ekepihana. Ka titiro atu ia e ronaronatia ana a Horokohe, ka karanga atu ano ia ki nga tangata, "kaua rawa hei tukua tetahi tangata kia pa tona ringa kia Horokohe." Ko te ripoata a nga takuta i ta ratau ta- patapahanga ia Mekiniri, e ki ana—ko te mataa tuatahi i tu kia Mekiniri, i harakuku i te taha o te iwi o runga o te ama, ko te mataa tuarua, i tu ki tetahi waahi o te puku e rima inihi ki raro iho o te u maui. I te whakatuheratanga a nga takuta i te riu o Mekiniri, ka tirohia kaore i pakaru te whe- kau, heoi tutakitia ana, tuia ana ki te hira- ka, me te ki hoki a nga takuta ka ora i a ratau a Mekiniri. Ko te kaha o tona wera i te ono o nga haora i te ata o te Haterei 102, ko te kaha o te mapu a ona toto 110, ko te whakaea o tona nga e 24. Ko te whakaatu o te po o te Haterei e ki ana :—E tu ana a Mekiniri i runga i te wa- ahi tairanga o te paparahi o te whare, ara, e whakautu ana i nga mihi a te Iwi mona, ka haere atu nei a Horokohe, me te akitiwha i roto i tona ringa maui, ka emiemi atu ki te kata, katahi ka toro atu te ringa ki te hariru kia Mekiniri, ao te toronga atu hoki o te ri- nga o Mekiniri, katahi ka pakia e taua ta- ngata, ka puhia mai e tona ringa maui e mau ra i te akitiwha. Kaore hoki nga ta- ngata katoa i mohio a i kite ranei, tera he pu kai roto i te akitiwha e mau ra i te ringa, i te mea ko taua rangi he rangi wera, me te maha hoki o nga tangata e mau ana o ratau akitiwha i nga ringa, hei horoi i o ratau we- rawera, me te mahara atu hoki o te katoa, he mau pera ta taua tangata i tona akitiwha hei horoi werawera mona, no te pakutanga o te pu i roto i te akitiwha, katahi ano ka mo- hio te katoa he rereke te mea e horoia ana ki tona akitiwha. Ko te rongo o te 7 o nga ra e ki ana, i te ra i puhia ai a Mekirini, katahi ia ka ui ake mehemea, kai whea tona wahine, no te tae- nga mai o tona wahine, katahi raua ka hari- . ru ka-mea, "kia pai ake ta taua mahi i tenei" me te maangi ano te wai o raua konohi. 1 te tapahanga a nga takuta i a Mekiniri, kotahi haora rawa e aiahi aua nga ta- kuta katahi ano ka taea te mataa, he noho no te mataa ki waenganui o nga uaua o te tuara, ka tirohia hoki nga takihi e pai katoa ana, me te ki hoki a nga takata mehemea ka kore e noho he paihini ki roto i nga toto, i roto i nga haora e rua tekau mawha, katahi ka tino tuturu te mohiotanga ka ora a Meki- niri, tokoono nga takuta e mahi ana i a ia, hui tahi kia Mekaani tetahi o nga takuta. nui o Niu looka. Ko Riona Horokohe kai to pai, ka nui to- na kaha ki te kai, me te au hoki o tona moe i nga po, kaore hoki ona manawapa mo tona tangata i kohuru ai, a. mona ranei e noho ana i roto i te whare-herehere. Engari i korero ia ki te Pirihimana, ko ona matua he Ruhia Pooro, no te tau 1859 i tae mai ai ki Merika. I kurangia ia ki Titoroiti, i muri mai katahi ia ka mahi ki te mira hanga, waea i Kerewerana, me tona ki ano, ko tenei wha- kaaro i puta ai i a ia kia patua te Timuaki o Merika, na te kauhau a tetahi wahine o Ke- rewerana, ko Ema Kooromana te Ingoa, ara, i mea raua wahine :—"Ko nga kai whakata- koto tikanga me whakamate katoa, kaore e tika kia ririo ma te tangata kotahi e hanga he Ture mo te Iwi, engari ma tena tangata ano e hanga tona Ture tona Ture, kia puta ui nga hiahia maha o te hunga iti." No reira he maha ratau i tahuri ki to hapai i nga ti- kanga a tana wahine, nae te whakamau mai hoki o tona whakaaro, kia riro inana tonu e whakamate te Timuaki o to whakakotahita- nga o te mana rangatira o Morika, koia to tako i haere ai ia ki Pawharo, he whakatutu- ki nana i taua hiahia ona. I tu Turei te 3 o nga ra, ka whakatata ia ki te taha o Mekiniri kia whakamatea e ia, kaati i runga i te huhua o te tangata kore ana o mato i a ia i taua ra. No reira i ma- hia ai e ia he tikanga, me huna e ia tona pu ki roto i tona akitiwha ka mau haere ai i tona ringa, kia kare ai e mohiotia e nga ta- ngata, kia kitea rawatia ake tona pu e nga tangata kua mate hoki i a ia te tangata i hiahia ai ia kia mate. Ko te whiu mona e raa tekau tau ki roto i te herehere, tekau tau mo ia pakutanga o tono pu kia Mekiniri, a, ki te mate a Mekiniri i runga i te puhanga i a ia, ka whakamatea hoki ia. He maha nga pukapuka inihi a nga Iwi o te ao, kua tae atu ki te Kawanatanga o Merika, mo runga i te aituatanga o Mikiniri o te tangata nui o tera takiwa, me te Inoi hoki o nga waahi katoa kia whakaorangia ia e te Atua, he nui hoki te pouri o Kiingi E- ruera-VII, me ona Iwi katoa i raro i tona inana, mo te kohurutanga i tana tangata, me- te ki hoki a te Kiingi "Na te Atua i hoatu te manawa ora ki te tangata, a, mana ano e tohu tona pononga e whakamamaetia nei i tenei ao." I te taenga mai o tenei rongo ki Poneke mahara tonu nga tangata katoa o Poneke kua tino mate taua tangata, heoi tukua ana te haki o te Paremata kia rere i waenganui o te pou, he tohu hoki tera no te mate ki te Iwi Pakeha ; tae noa ki nga whare Karakia himenetia ana nga himeno mo te tangata mate me nga Inoi hoki, i runga hoki i te mahara o nga tangata kua tino marere ia, heoi no te taenga mai o te whakaatu tuarua kai te ora tonu, katahi ano ka tau te mauri o nga tangata ki raro. Kaati i runga i te pakutanga o tenei ro- kgo kohuru ki nga waahi katoa o te ao, ka- tahi ka hoki te whakaaro a te ngakau ki te wa i kohurutia ai era Timuaki o Merika kua kiia i runga ake nei, koia i taia atu ai e ma- tau nga korero o te kohurutanga i aua Timu- aki. KOHURUTANGA IA PEREHITINI RINIKANA. I tetahi po o Aperira o te tau 1865, ka tu tetahi Purei Tiata, he maha nga tangata rangatira i tae ki taua purei, me Tianara Ka- raata hoki; ko Aperahama Rinikana kaore ia i hiahia kia tae ia ki taua purei, engari na runga i tona whakaaro koi rarua nga tanga- ta i te whanganga mai ki a ia, katahi ia ka haere nae tona hoa wahine, me o raua hoa
![]() |
8 8 |
▲back to top |
[NAMA 11, O TE TAU 4.] TE PUKE KI HIKURANGI, HEPETEMA MANE 15th 1901.\_\_\_\_\_[Wharangi No. 8] hoki. I to ratau taenga atu ki reira, ka umere te Iwi kia raua ko tona wahine me te koa hoki o nga tangata mo to raua taenga atu. He maha nga tangata i tupato mo taua tangata, ara, i mea kia noho he kai tiaki mona, i te mea kaore e mohiotia nga tangata he ngakau kino kai roto i a ia, o roto i taua huihuinga tangata, kaati nana ano i peehi taua whakaaro tupato o te Iwi kia noho he kai tiaki mona, ara, i mea ia me pera ia me te katoa me noho makohakoha noa iho, kaua he kai tiaki mona, a riro ana i runga i tana i hiahia ai. Noho ana ia i runga i tetahi tuuru whakatikorikori i roto i tetahi ruuma matakitakitanga, i ko mai i te paparahi pu- reitanga, i te waahi e tata ana ki te katoa. I te koata paahi o te 10 o nga haora o ta- ua po, katahi ka haere atu tetahi taitama, ka whakaatu i tona kaari ki te karere a te Timuaki, ka tu i reira matakitaki iho ai ki te Iwi e purei ake ana i raro, i muri iho ka- tahi ka tomo atu taua tangata ki roto i te ruuma matakitaki o te Timuaki ratau ko ona hoa, ka ata katia e ia te toa kia kore ai e rongona tona urunga atu ki roto i taua ruu- ma, ka whakamautia hoki e ia te toa, kia kore ai e taea te huaki mai i waho ; ko nga tangata katoa i roto i taua ruuma kaore i mohio ki te urunga atu o taua tangata, i te mea kai te titiro katoa ratau ki te Iwi purei, a, kaore hoki tetahi tangata kotahi o roto i taua ruuma i kite i taua tangata ; katahi te tangata i uru atu nei, ka tango ake i tona pu-hurihuri i roto i tona pakete, ka mau i tona ringa katau, ka tangohia ake hoki tona oka-matarua ka puritia e tona maui, katahi ka haere atu ki te taha o te Timuaki ka tu i muri o te tuuru, katahi ka puhia atu i muri o te mahunga o te Timuaki, ka hinga wha- rara atu ia ki runga i te kurupae o raua o te waahi matakitakitanga iho ki te purei. Heoi no te pakutanga o te pu a taua ta- ngata ki te Timuaki nei, katahi ano ka huri whakamuri ake nga hoa o te Timuaki e noho nei ratau i roto i te ruuma kotahi, ka ngaro te ruuma i te auahi o te pu, ka kite atu a Meiha Raahipoono e takoto tapapa ana te Timuaki i runga i te kurupae, nae te tangata nana i pupuhi e tu ana i muri, me tona naihi ano i roto i tona ringa, ko te rerenga atu o Raahipoono ki te hopu i taua tangata, ka makere te pu, katahi ka werohia a Meiha Raahipoona e taua tangata ki tona naihi, whakamanawanui tonu te Meiha nei ki te hopu i taua tangata, kaati i runga ano i te kaha o taua tangata puta ana ia ia Meiha Raahipoono, haere atu ana ki mua o te ruu- ma e hangai iho ana ki te Iwi purei, me te hunga matakitaki hoki i raro ; katahi ka ha- mama tona waha ki te whakapuaki i enei kupu kino "Sic semper tyrannis." Te mu- tunga o te hamama o tona waha, katahi ia ka tarapeke iho i runga, ki te paparahi purei- tanga i raro, no te wa ka maiangi ia ki te takiwa e rere ana ka mau tona waewae i nga taura iriiringa o nga haki i raro iho o te wa- hi i rere iho ra ia, ka hinga ia i tona taunga atu ki raro, engari tere tonu tona maranga ake ano ki ranga, ka tu hangai atu ia i mua o te hunga matakitaki, katahi ka rewa toua ringa ki te takiwa me te whakakapakapa i • tona naihi ka mea "The South is avenged" ara, "kua whai utu te tonga." I runga i te tere o te mahinga a taua ta- ngata i enei mea katoa, kihei rawa i mohio nga tangata he aha te raruraru kua pa ki roto i taua whare ; ko ta nga tangata mata- kitaki mahara hoki mo te pu i paku ra he waahi ano no roto i te purei, kati kotahi ano te tangata purei i runga i te paparahi purei- tanga i te wa i rere iho ai te kohuru ra ko Hoo- ka, heoi no tona kitenga atu i te naihi e uira ana i roto i te ringa o taua tangata, mahara tonu ia mona te naihi a taua tangata oma ana a Hooka. I te wa ka puhia ra te Tumuaki, katahi tona hoa wahine ka aue, ka karanga hoki tona hoa te tamahine a Harete kia mauria mai he wai hei horoi i te Timuaki; ka ha- mama hoki te waha o Meiha Rahipoono ki te karanga, "aukatitia mai te tangata na." i runga i te pohehe onga tangata ki taua ma- hi, kihei i whaia taua tangata kohuru, kotahi ano te tangata i whai i taua kohuru ko J. B. Tuari, engari i te mohio o taua tangata ki nga tikanga o te mahi kohuru kihei i taea te whai I te taenga atu o Tuari ki te toa putanga atu ki waho, ka kite ata ia i taua kohuru e eke ana ki runga i tona hoiho oma atu ana, he mea hoatu e ia ma tetahi tamaiti e pupuri tona hoiho i mua atu o tona kohu- rutanga i te Timuaki. Ko nga tangata o roto i te whare, kai te pokaikaha noa iho, me te uiui ki a ratau ano he aha ra tenei?, ko nga mea o ratau kua mohio, hei whakaatu atu ki nga mea e uiui ana, "kua puhia te Timuaki." I taua wa ano katahi ka tu a Rora Kiini, ka hamama te waha ki te karanga ki nga ta- ngata, i roto i te whare "kia mau te noho i runga i o koutou nohoanga, kia puta mai ai he hau ki a ia," katahi ia me tetahi atu ka haere ki te waahi kai reira te Timuaki e takoto ana. Ko te Timuaki kihei rawa tona mangai i puaki, mai o te takiwa i puhia ai ia tae noa mai ki taua taima, kaore hoki i maha nga haora e nga, ana te manawa o te Timuaki ka hemo hoki ia, a, no te 20 meneti te paahitanga ki te whitu, katahi ano ka mo- hio nga tangata kua mate te Timuaki. I taua po ano katahi ka werohia e Raiha Peina Poera ki te naihi a Hekeretari Hiari me era atu tokorima, engari kaore i kino te tuakiritanga o enei. I te wa e takoto ana te tinana o te Timu- aki i runga i te Atamira, e 25,000 mano nga tangata i haere kia kite kau noa atu i te ko- nohi o te Timuaki nei, o te tangata i aroha nuitia ai e ratau. Ko taua kai kohuru no te 25 o nga ra o Aperira o te tau 1865, ka puhia, ara, tekau marua nga ra i muri iho o tona kohurutanga i te Timuaki ia Aperahama Rinikona ka kitea ia e nga Pirihi katahi ia ka whaia e nga Pi- rihimana, tae noa ki tetahi whare tuunga Witi, ka ngaro ia ki roto i taua whare, raua ko tona hoa ko D. C. Herora, katahi ka karapotia taua whare e nga Pirihimana, ko te karangatanga atu o Tariana Kopata kia puta mai aua tangata ki waho kia tuku raua ia raua hei herehere, ki hei taua tangata i pai ki taua kupu a nga Pirihimana, ko te pe kenga atu o nga Pirihimana, tahuna ana taua whare ki te ahi, no to weranga katahi ano ka pata mai aua tangata ki waho, ka tu- ku a Herora i a ia hei herehere, ko te kai kohuru i te Timuaki kihei i whakaae, engari i tu ia me nga pitara e rua i roto i ona ringa hei pupuhi i nga Pirihimana, ko te pekenga atu o Tariana Kopata puhia ana taua tanga- ta ka tu te mataa ki te kaki, e toru haora i muri iho ka mate hoki. Ko taua tangata he tama na tetahi tangata kohuru, tuku iho hoki ki a ia mau tonu ano ki taua mahi ki te kohuru. Ko Herora, ara, ko tona hoa, i mau ki te herehere, i muri iho ka taronatia hoki ia. Ka muta nei nga korero mo tenei Timua- ki, ka huri ake nga korero kia Perehitini Kawhiira. TE KOHURUTANGA IA PEREHITINI KAWHIIRA. I tetahi wa o te tau 1881, ka kitea te Kareti o Timuaki Kawhiira e Taare Katiu, e haere mai ana i te tiriti, ko te haerenga atu o Katiu ki tetahi tangata arahi Keepa ki atu ai, "ka kaha ranei koe ki te taraiwa i a au kia tere tonu ki te waahi e ki atu ai au ? "ko te whakahokinga atu a te kai arahi kee- pa, ae !" Ka tae mai te Kareti o te Timuaki raua ko tona Hekeretari ki te waahi hei tuanga, ka tuku te Timuaki ki raro, ka ai atu ki te Pirihimana "Pewhea rawa te roa o maua e whanga ana ka haere ai te tereina ?" Ko te tirohanga o te Pirihimana ki tona wati ko te kiinga atu, "tekau ano meneti • korua e whanga ana e te Timuaki." Ka whakapai atu te Timuaki ki te Pirihi- mana ko te huringa o te Timuaki, katahi ka haere atu ma roto i tetahi ruuma, o te teiha- na. I taua wa ano ka paku mai te pu a Katiu ki te Timuaki, kihei te Timuaki i rongo a i mohio ranei. Ko te Pirihimana te mea i hakiri i te pakutanga o taua pu, engari i mahara ia, he tamariki kai te whakapakuu rakete, he whakanui i taua Timuaki. I muri tata tona iho ka paku mai ano te pu tuarua a taua tangata ki te Timuaki, ka- tahi te pu i tino rangona ai te pakutanga, katahi ka titiro ake te Pirihimana, ka kite ake ia Katiu e tu ana me te pu hoki i roto i tona ringa, a, ka kite atu hoki ia i te Timu- aki e hinga atu ana ki te whenua, ko te ha- mamatanga o te waha o te Hekeretari a te Timuaki. ki te karanga, (my god he's been murdered) ara, "E taku Atua kua kohurutia ia" he aha ra te tikanga o tenei mahi?.' Ko te rerenga atu o te Pirihimana ki te hopu i taua tangata kohuru, me tona wha- kahua ano i te Ingoa o te Atua me te kara- nga "E te tangata nei he aha te take i puhia ai e koe te Timuaki ?" I taua wa ano ka hui mai te mano o te tangita ki reira, ko te tangata tuatani i mo- hio ki taua mea ko Mr Rinikana, ko ia hoki te tama a tera Timuaki i kohurutia ra i te tuatahi, a, me tona mohio hoki ki te mea kua tipono i taua wa. Ko te tama ake a te Timuaki kihei i mohio, engari i titiro ia ki tona matua he iti nei te toto i kitea e ia, ka- ore ia i mohio i kino rawa tona tuunga i te mataa. Heoi i muri iho ka mauria te Timu- aki ki tona kainga. Ko taua rangi he rangi kaha rawa atu te wera o te ra, kihei i wha- kaarotia e nga tangata te wera o te ra, engari i tungia tonutanga me te uiui ano ratau, "Era ranei e mate?" a, "Pewhea i oti te korero a te Takuta ?" E kiia ana era pea e mate, i te mea kua kore kaha rawa atu, e- ngari kai te mohio ake ano ia ki te tangata. Ko te Takuta tuatahi i titiro i a ia ko te Takuta Mete, katahi te Timuaki ka ui ake ki te Takuta, "pewhea to whakaaro Takuta" ka ki atu te Takuta, ki taku mohio kaore i tino kino rawa, ka whakapai atu te Timuaki ki te Takuta, katahi te Timuaki nei ka ki atu ki te Takuta. "He tangata mate au." No muri iho, katahi ia ka ki atu ki tetahi ona Takuta kia Takuta Whoota, "kanui taku koa i taku mohiotanga iho ki taku ahua, engari ka whakamanawanui tonu au kaore aku wehi mehemea au ka mate." Ko te kupu e korero ana nga mano tanga- ta i nga ra katoa ko tenei "Era ranei ia e ora, a, era ranei e mate ?" ehara i te mea i Merika anake tenei kupu, enga i Oropi katoa me Ingarangi hoki. Kaati e waru tekau nga ra e oke ana te Timuaki nei katahi ano ia ka mate. I te ra i mate ai ia, ka noho a Merika me Ingarangi i roto i te whare potae mo te matenga o taua tangata. Heoi ko Katiu ko te tangata nana taua mahi kohuru i whakamatea, no te 3O onga ra o Hune o te tau 1882, i taronatia ai ia. Ka mutu nga korero mo tenei Timuaki. TE RONGO O MURI MO MEKINIRI. Ko te rongo whakamutunga tenei i pouri ai nga waahi katoa o te ao, e penei ana, kua hemo a Mekiniri i te 2 o nga haora o te ata o te Hatarei o te 14 o nga ra o Hepetema. 1 te 8 o nga haora o te ahiahi, ara, i te mea e whakahemohemo ana ia, ka tono ia ki nga Takuta kia tukua ia kia hemo, a, tae noa ki te hawhepaahi o te tahi o te ata e tohe tonu aua ia, no te mea ka tata ki te rua o nga haora, katahi ia ka ki ake, ki nga Takuta me ona kai tiaki, tae noa ki tona hoa wahine me ona whanaunga i reira:—''Hei konei ra kou- tou katoa, he huarahi na te Atua i whakata- koto, ehara i te mea na tatau." I te mu- tunga o enei kupu ana ka moe hoki ona konohi. | 1 te tino mohiotanga o nga tangata o te taone kua tino hemo rawa atu ia, katahi nga tangata katoa ka haere ki te whare-herehere i noho ai a Horokohe, ka whakamatau ki te wawahi i taua whare-herehere kia kai kinotia e ratau a Horokohe, kaati na nga Pirihi i whakamarie taua whakaaro o te Iwi i kore ai e taea a Horokohe te kai kino. Heoi no te Paraire i te 3 o nga haora ka tanumia ia, he maha nga tanggata i tae ki tona tanumanga, hui tahi ki te Tuuku o Kaanawara raua ko tona hoa wahine me era atu momo Kiingi, a, kua puta hoki te kupu a Kiingi Eruera-VII kia kotahi wiki a Inga- rangi e noho ana i roto i te whare potae mo taua tangata. Kua tu ko Kanara Roohi wheta te Timuaki mo Merika i naianei, ko enei tangata e tino rite ana ki te Kiingi, ara, he mea whakatu hei upoko Ariki mo tera Iwi, he hoa hoki no Ingarangi mo ranga i etahi tikanga. Ko Ema Kooromana riira o taua ropu ko- huru, kua hopukia ia ki te whare-herehere, me era atu hoki o taua hunga kohuru ano, he mea whakaatu e Horokohe nga taone e noho ana taua hunga, he mano noa atu ra- tau, engari kai te whaia e nga Pirihimana kia hopuhopungia ratau ki te herehere. Printed and published by T. RENATA. under the Authority of H. T. MAHUPUKU at his Registered Office Victoria-street, Grey- town North Wairarapa.