[NAMA   4,   O TE TAU TUARUA.]WAIRARAPA.           APERIRA HATEREI 15th 1899.             ] Wharangi No. 1]



te Waipounamu



Niu Tireni

Akarana

Hikurangi



Onehunga



Kawhia

Waikato



Ahuriri

Wairoa

Turanga

Ngati Porou

Opotiki

Whakataane

Awaateatua

Maketu

Tauranga

Hauraki

Ngapuhi

te Rarawa



Wi Pere

Tai-Rawhiti

Timi Kara





E RUA PUTANGA OTE PEPA ITE MARAMA.

[NAMA 4, O TE TAU 2.]TE PUKE KI HIKURANGI.    APERIRA HATEREI 15th 1899.            [Wharangi No. 4

kau ma tahi, ko te Ika kaha o te Ao nei he
Weera e tika ana engari te tutukitanga. o te
Raiti Weera ki te Paamu Weera, ka hinga te
te Weera, ka-tu ko te Paamu Weera koia
ana hoki te Ika kaha ake o raua tokorua,
kaati kua kitea iho nei e au i roto i te "Tiu-
piri nama rima tekau wharangi Iwa, e rite
ana ki ena kapa e kiia ake nei e ao i runga
ake nei, kaati tena kupa.

E hoa mo to Inoi mai kia pooti au kia koe
me tooku Iwi, hei Mema mo te Paremata o
te Koroni? E hoa tenei taku whakatu mo to
Inoi, ko Wi Pere te Mema e hiahiatia nei e
au tae atu ki tooku Hapu, he tangata tahito
tena naku tae atu ki tooku Hapa. Te rua
kua hina a Wi Pere ki roto i te Paremata,
koia i Kaumatua tonu ki roto i te Paremata,
me tona kaha ki te whakahaere i nga mate e
pa ana ki te Iwi Maori, e hoa tukua mai to
pooti mo Wi Pere, kaati nei he Mema mo
tatau mo te Tai Rawhiti nei ko Wi Pere, ko
te tangata kua Pukengatia ki nga mahi o te
Paremata, hei konei mutu ai enei kupu, e
hoa kia ora koe i roto i te atawhai a to tatau
Ariki a Ihu Karaiti. Amene.

E hoa e te Etita, me tuku mai e koe he
Pepa mooku, maku e tuku atu te tekau he-
rengi mo te tau, Heoi ano.

Na Toki Paora.

[NAMA 4, O TE TAU 2.1TE PUKE KI HIKURANGI.    APERIRA-HATEREI 15th 1899.            [Wharangi No. 5]

 Te Whakautu  A Taati.

Ko te whakautu   tenei a Taati ki te tono
a nga Rangatira Maori o Wairarapa, he mea
tuku kia panuitia e te Niu Tireni Taima.  .
Ki te Etita.

Mo to kupu penei na kia utua atu e
au, he kupu whakahoki mo te reta i puta mai
i roto i to panui, kia whakamaramatia te ku-
pu nei, "Mangumangu Rangatira Whenua,"
kaati, he tika te he o aua kapu, ' i te mea 
hara te iwi Maori i te Mangumangu, me to-
ku manawapa mo aua kupu i puta i au, me
taku pouri hoki mo nga kupu i mania i au
otira, na runga i nga whakahuahuatanga a
te Poohi (Evening Post,) me te Pirimia i to-
ku pohehetanga i tino kino ai.

No Nu looka.

I tanumia tetahi tangata rangatira o konei
ko (Heemi Ripe) te Ingoa, a kua nei no te
haerenga o te tangata kawe i te tiwhikete ki
te whare rehita, he whakaata i te matenga o
taua tangata, kia rehitatia hoki, ka ngaro i
te tangata nei te tiwhikete o te takuta, ko
tenei tiwhikete he whakaatu i te ahua o to
mate i mate ai taua tangata. Heoi ka kawea
ki te kai-whakawa, kia whakaaetia e te kai-
whakawa, te rehitatanga o te matenga o taua
tangata, ka mea te kai-whakawa, kahore ia
e kaha ki te whakaae atu, engari ma ratau e
tiki tetahi takuta, a me ehu te tinana o taua
tangata, ma te takuta hoki e ata titiro te
take i mate ai taua tangata, a mana hoki e
homai he tiwhikete, heoi no te ehiinga a nga
tangata nei i te tinana, ka kite iho ratau, ko
te tangata nei, he mea i nehua oratia, ina
hoki, no ta ratau huakanga i te taupoki o te
kawhena, ka kite ratau ko te karaihe o mua
o te kawhena kua pakaru, me nga ngaunga
o nga niho o te tangata nei i te taha o te
kawhena, ko te tinana hoki kua huri, ko
te aroaro ki raro.