[NAMA. 15 O TE TAU 2      TE PUKE KI HIKURANGI,   HEPETEMA HATAREI 30th 1899,         Wharangi No. 3
Hune Mane 5, 1899.
Kua Tuwhera Te Whare. Ihaia Hutana:—
Ko te mate kua whakaaturia e te taha kia Mohi ma mo koutou, kei te mutunga mai o nga tau e whatekau marua ko tena he mea whakaaro atu na te ngakau i konei,  ka pera ranei ka pewhea   ranei, ko taku ora e korero nei au ehara i te mea whakaaro noa na te ngakau, kua kitea e tatau kei roto i te Pire a te Kawanatanga e mau ana te whakamutu i te hoko, i te mokete, i te muru,  i te Kooti, koi nei nga mea e aue nei nga Iwi katoa o te Motu, e mohiotia nei he morehu to tatau oranga e toe nei, ki te noho tatau i runga i tenei ahua e kore e arohirohi ata nga miriona eka e toe nei kia tatau, ki nga tau e wha tekau marua, ka ngaro atu te Iwi ki te po, he mea nui tenei hei whakaarotanga ma tatau i nga mahara totika.   Kua whakama-ramatia e te taha kia Mohi te mate o nga Iwi i raro i te Ture Ngawha,   me te Ture taone,   me te Ture   Motuhake o Tuhoe, e whenei atu ana ahau Ma koutou, ko nga Iwi tena ka ora, ara, ka tino ora atu ratau.   Ko tatau te Iwi ka tino mate rawa ki te kore e tiakina e te Ture.   Ko te whakatikatika e Papawai kei roto i o koutou ringaringa, na te taha kia Mohi me te Iwi nai tonu taua whakatikatika.   Kaati ko ta koutou, whakatikatika kua tahuri nei, ki te Moana,  ki te hiahia koutou ki te  whakaora i ta koutou  whakatikatika pai tonu tena ki taku whakaro, ki te hiahia, koutou ki te whakatopu ki raro i te whakatikatika o Papawai pai atu tena, notemea kua marama i a koutou te whakatikatika o "Waitangi"