TE PUKE KI HIKURANGI
[NAMA 14 O TE TAU TUARUA        WAIRARAPA.        HEPETEMA PARAIRE 15th    1899.[Wharangi No. 1]
KEREITAONE HEPETEMA 15TH 1899. WAAHI TUAWHITU O TE
NGAKAU  POURI.
Tenei te reta a Paraire Tomoana i tuhia mai i te Waipatu Hastings, H. B.
E tohutohu ana i te ahua o nga hua rakau Pakeha e kainga nei e tatau nga hua, e wha-katupato nei nga Takuta kaua nga tamariki e whangaia ki nga hua rakau a te Pakeha, i puta mai tenei tamaiti i te Kura Kareti o te Aute, kua panuitia atu e te Puke nama 19 o te tau tuatahi Wharangi  6 ka panuitia atu ano tetahi wahi o taua reta whakamarama a Paraire Tomoana,  i tenei putanga he mea nui hoki kia matau nga tohutohu a nga tamariki i akona kinga matauranga Pakeha mo nga mate e pouritia nei e te ngakau,  otira ma tatau e titiro iho ki te Take e noho ai te Ngarara hei mate ki roto   i te   tinana   o te tangata,   kua kite hoki matau i etahi Tamariki Maori o tenei takiwa i pangia e te mate, no te kawenga atu kinga rata ka mohiotia he Ngarara nga mate ara he Noke, ka whangaia ki nga rongoa e tika  ana  mo  aua Ngarara, me te ata whakarite  hoki i nga  tohutohu a nga rata ka puta mai aua Ngarara ki waho, ko nga tamariki i tere te tuku a nga matua ki nga rata ora katoa, ko nga mea i roa te puritanga a kua ngoikore haere te tinana te putanga mai o nga Ngarara nei ki  waho., ka moe hoki te tamaiti  ki te moengaroa.    Kua kite tinana matau i te putanga mai o enei Ngarara ki waho o nga tamariki,   tetahi  ingoa he Noke, ko raro i te oneone to ratau nohoanga, kua kitea hoki e matau, ko   tetahi mate nui tenei e paa ana ki nga tamariki,  he Noke Ngarara, he tohu ano o tenei mate e mohiotia ai e nga matua, e hohoro ai  te kawe  ki nga rata, maana e whakatuturu mai he  tika, he Ngarara Noke, kaore  ranei,   ahakoa tirohia atu te tamaiti kanui te kaha te ora,  engari mehemea ka pirori tonu tona ringa i tona ihu, koia tena he Ngarara,  mehemea ranei ka noho noa iho, ka takoto ki raro,  ka koromeke ara ka hui  ake nga turi ki te poho, i nga wa katoa, koia tena kua  timata te Ngarara ki roto i a ia, kia tere te kawe ki te rata, kia pai hoki te tiaki a te matua i nga tohutohu a te rata, ki te mea ranei ka timata te tamaiti ki te maremare pakupaku  nei, a ka ngaro  noa iho ka tae ki tetahi  wa ka pera ano, he Ngarara kai te tipu i roto i te ngakau o taua tamaiti,  kia tere te kawe ki te rata, maana e whakatuturu mai he Ngarara he maremare ranei, ko te mea nui ko te hohoro ki te kimi, ina kitea nga tohu o te mate, kaua e whakaroa, kia penei tonu to tatau ahua, me tatau e haere nei i nga tira haere, ki te kitea e tatau nga tohu o te rangi, e tino mohio nei tatau, he ua   ta-whakarere ka tata te puta mai, mohio tonu ake he  mate tenei, katahi tatau ka hohoro te haere ki te waahi kua mohiotia hei arai atu i te   ua o te rangi, me te hau kaha o te takiwa ki te whakaroa

[NAMA 14, O TE TAU 2.1        TE PUKE KI HIKURANGI,     HEPETEMA PARAIRE 15th 1899.[Wharangi No. 8]
Koi wareware rawa koutou ki te titiro ki tenet wahi, ara ki tenei kupu, ki te nai nga korero ka mau tona ki te 8 nga wharangi, a ki te iti nga korero ka hoki ano ki te 6 nga wharangi, a me te titiro iho ano hoki ki te Tauira poto onga Tare, ara ki te Ture 1, ko te utu mo te pepa ote "Puke" i te tau, 10/- moni, kaore ite 10/- Pane Kuini, a me te tango hoki a te tangata ite pepa hei te tau anake kaore e hoki iho, heoi kia mau i roto i o koutou ngakau enei kupu. "Te Pake."
KAHORE E TAU TE HEE, KI NGA KAI-MAHI O TE "PUKE," ME To TATAU NUPEPA Mo NGA WHAKAARO, ANGA RANGATIRA TAANE, WAHINE, E TUKUA MAI ANA KIA. PANUITIA  E "TE PUKE KI HIKURANGI," OTIRA KIA TUPATO ANO KOUTOU, KAUA NGA KORERO KINO.
MARAMA-TAKA O TE "PUKE." Eo nga ra enei hei putanga ata mo te Pepa, i roto i te marama, a, pau noa tenei tau, ko nga ra hei taenga ata ki o koutou Kainga kaore te "Puka" e mohio, engari te poohita-nga atu i konei, e mohiotia ana, koia e whai ake nei:—
Akuhata