![]() |
Te Puke Ki Hikurangi 1897-1913: Volume 2, Number 10. 15 July 1899 |
![]() |
1 1 |
▲back to top |
NAMA 10 O TE TAU TUARUA.]WAIRARAPA.\_\_ HURAE HATAREI loth 1899.\_\_\_\_\_\_[Wharangi No. 11 KEREITAONE HURAE 15TH 1899. WAAHI TUATORU O TE NGAKAU . POURI. Kua puta atu a matau whakaaro mo te hekenga o te Iwi Maori ki raro, me te ahau i heke ai, kei nga kai hou e heke una ki te ngakau, hei wai. hei toto, mo nga wai hou e Inumia ana, ka noho tahi enei i roto i te ngakau whawhai ai tetahi, ki tetahi, i he ai te noho a te wai raua ko te toto, i runga i te kuaretanga o te Iwi ki ona tikanga o enei kai hou, me nga, wai hou e Inumia nei ki roto i te ngakau, hei pupuri i te ora, ki ta te mahara i whakaaro iho ai. Na nga tau maha nana, i korero mai, kai tawhiti noa atu koe o te tatau o te ora e tu ana: Maranga e tu ki runga, whakatata atu ki te tatau o te ora mo te tinana, Rapua ka kitea: Patukia ka huakina kia koe te ora, me te tipu whakarunga o te Iwi Pakeha, te tangata naana enei kai, me enei wai e kainga nei, e Inumia nei e koe, hei wai, hei toto mo tou tinana tapu, rite tonu o korua toto, me o korua tinana, he iti nei te mea i tau wehe ai korua, na o korua reo. me o konui kiri, kua haere te Whakakotahitanga o korua reo, kai te ma-• hia tena i roto i ou rohe katoa, he Whakakotahitanga tika tena mo korua, ko te mea ka waiho kia koe ko te kakano o to kiri, hei pikau i tou Ingoa nui i te Maori ki era atu Whakatipuranga, e tu mai nei i te waahi ngaro, ina whakapaua tou ngakau, me tou Hinengaro ki te kimi, ki te Patuki i te tatau o te ora, me te tokomahatanga, ko te ora tuatahi kua herea hei huu mo nga Waewae, kia Takatu ai koe kite Patuki i tenei oranga tuarua, ko te oranga tuatoru kai te Atua tena e pupuri mai ana, hei manawa tuturu mo nga oranga katoa, e Patukia nei e koe. Te Iwi ka tika te tohutohu a nga tan maha e korero nei, kua whakaatutia e matau te tokomaha o te Iwi Maori i te tau 1852, takoto mai tae noa mai kite tau 1896, ka kitea e tatau he nui rawa nga mano Maori kua ngaro, ki te mahara ake kaore i heke atu ki etahi atu Moutere noho ora mai ai. I te mea kaore e rongona he heke nui to te Maori ki Hawaiki, ki etahi atu Moutere ranei, mehemea i pera kua pai, ahakoa roa e ngaro ana, tena ano e kitea te kakano kiri Maori, tokomaha e hoki ana mai ki te toro mai ia tatau, me te mau mai i etahi rongo korero papai o era atu Moutere i noho ai ratau, me ona Matauranga, me to ratau tokomahata-nga, me a ratau whakahaere pai i tipu ai ratau, i ora ai, kua korero mai hoki kia tatau i te ara marama o te whairawatanga, me to ratau kaha ki te Whakapono ki te Atua nui o te rangi, penei kua waiho hei pai, hei ma-aha, hei koa, hei hiahia mo te ngakau, me te Hinengaro, kia whai atu hoki i muri i to ratau heke, kia kite i te takiwa o te ao i noho ai ratau, me a ratau tamariki, me a ratau wahine, mehemea i tata atu ki te tekau ma
![]() |
2 2 |
▲back to top |
[NAMA 10. O TE TAU 2.]TE PUKE KI HIKURANGI, HURAE HATAREI 15th 1899.\_\_\_\_\_[Wharangi No. 2] ora tinana e maharatia nei e ratau, ko te take tera o te maringi nui o te Iwi ki te mate, i timata mai te tu o tenei huihui i te tau 1896 e rua tunga ki te Aute, no te tau 1898 i a Tihema, ka tu ki Taumata Omihi Tuparoa, i te takiwa o Waiapu, he mea karanga mai na nga Eanga tira o Ngaati-Porou. Kua whakaaro hoki matau nga tangata o Wairarapa, mehemea kaore he karanga a etahi Iwi kia tu ki o ratau takiwa i tenei tau, tena matau e karanga kia huihui mai ki Aotearoa me te Waipounamu me Hikurangi whare hui, ki ta matau titiro, he tika tenei Kotahitanga o nga tamariki, he kimi i te ara. i haere nui ai te Iwi ki te mate, me te pako-kotanga o nga tinana ora, me te matemate o nga kohungahunga, me nga mea i nga kopu o ratau hakui. E whakaae ana hoki matau kia-tautoko te Kawanatanga o te Koroni i tenei mahi pai a nga Tamariki i puta mai i te kura, he puawai tuatahi tenei i puta mai i a ratau tohutohu mo te Iwi Maori, kia kaha te tuku i nga Tamariki ki te ako i nga matauranga katoa i roto i nga kura, to ratau putanga mai ki o ratau matua me te Iwi, ka kitea e ratau, kua rite to ratau Iwi ki nga roto ki nga awa e mimiti nei i te kaha o te ra, heoi tu tonu atu ratau Ki te kimi ki te haahau i te matapuna o tetahi awa-nui, hei tukunga ma ratau i te wai ki nga roto me nga awa ririki kua mimiti nei i te kaha o te ra, e ki ai aua roto me aua awa, a maringi noa ki ranga ki te oneone titohea, hei whakawairakau e pihi ai te tarutaru ki toua puawaitanga, me te whaihuatanga. Kua tu mai ratau hei mama tohutohu ia tatau ki nga ritenga pai o te awa-nui i tikina noi e ratau te wai hei whakamakuku hei whakaki ia tatau kua maroke nei, hei whakawairakau i nga titoheatanga i roto i te Iwi, heoi he kupu ma tatau, ae ae, kia kaha, kia kaha, kia toa kia inaia. Kaore i mutu. "Te Puke Ki Hikurangi."
![]() |
3 3 |
▲back to top |
[NAMA 10. O TE TAU 2.]TE PUKE KI HIKIRANGI. HURAE HATAREI 15th 1899.\_\_\_\_\_[Wharangi No. 3] He Tautoko I Te Ngakau Pouri. Hoani Peteri Mr (Jno Petrie,) Otakou Witinihi Nerehana Whakatu Kereimauta Tai-Rawhiti
![]() |
4 4 |
▲back to top |
[NAMA 10. O TE TAU 2.]\_\_\_\_\_TE PUKE KI HIKURANGI HURAE HATAREI 15th 1899.\_\_\_\_\_. [Wharangi No. 4] ngakau, na koutou ano i whakarere mahue kino ia koutou nga mana katoa e tohutohu whakahe nei koe kia au, e pupuri nei au i to koutou reo hei tirohanga ma nga whakatipuranga e tu mai nei i mua i o koutou aroaro, ka tata nei te tino makaia e koutou ngaro atu, ma te Iwi Pakeha anake pea e pupuri to koutou reo, me enei mahi katoa a te Iwi Maori e korero nei koe, e 80 nga whare Wananga kai runga i enei Motu, e mahi ana e 2,972 nga Tamariki Maori e akona ana ki te reo hou, me nga ritenga hou, e 20 tau e toe mai nei ka ngaro atu te reo Maori me ona tikanga katoa, tae noa atu ki te kakano kiri Maori, kaati tena, mehemea koe i ata ui mai ki te tikanga o enei kupu e wha, penei kua korero atu au kia koe, he ngakau mahaki toku, ko tenei i panuitia e koe hei rekarekata-nga me nga. ngakau o nga tangata katoa, e korero ana e whakarongo ana ki toku hoa kia te "Tiupiri," e panui ana i to matauranga nui mo aku kupu, ki taku mahara iho ko kupu whakahe moku kai te hora noa iho i te taha tai o te Moana, te hoa mona ko te tai maranga, kia mohio koe, kaore ena kupu i te tawai ki te Iwi, me whakamarama au kia mohio koe. Te Kararehe he Kiingi, mate tangata matau e tatau tona whika, me to te tangata whika. Te Nakahi, kia rite ki te Kukupa te hara kore, kia rite ki te Nakahi te mahara. He Iwi mohio nui te Maori, kua panuitia e au i te tau tahito, me te tau hou, te matauranga, te toa, te tupato o nga Tipuna e rite nei ki te Nakahi te mahara nui, nau ano tau kupu te kai tangata, e korero nei to panui, e kii nei koe na te pukuriri tera mahi a nga Tipuna, whakarongo mai maku e korero atu kia koe, no roto i te Hapu tena te pukuriri ka patu, be kai kahu, he riri Pakitara a whare he kino tena ahua, tena he riri ki waho kia Tumatauenga na te Kararehe tena, na te inana, na te hiahia, na te oma, na te mate, na te toa ko te houhangaarongo, na te Nakahi, na te matauranga, na te mana na te aroha, na te ngoikore, na te Taware, na te whakaware na te korero tito, kaati tena, ko te taonga nui o nga Tipuna he korero tito parau mai ano i te wa ia Maui Tikitikiotaranga, tae mai nei kite wa ia Uenuku raua ko Whena tae noa iho kia Ruatapu, no reira nei taku ingoa
![]() |
5 5 |
▲back to top |
[NAMA 10. O TE TAU 2.]\_\_\_\_\_TE PUKE KI HIKURANGI HURAE HATAREI 15th 1899.\_\_\_\_\_\_[Wharangi No. 5] HE MEA TUKU MAI KIA TAIA ATU E MATAU, I TANGOHIA MAI I ROTO I TE KAHITI O NIU TIRENI. Ko te whaikorero a te Kawana, i tona whakatuheratanga i te Paremata o te Koroni, i te 23 o nga ra o Hune 1899 ki nga Mema o te Whare o runga Ariki, me nga Mema o .te Whare o raro. - Ko te tuawha o nga huihuinga o te tekau ma toru o nga Paremata o Niu Tireni, i whakatuheratia e te Kawana i tenei ra, a pai ana ia ki te whakapuaki i tenei. WHAREKORERO. E NGA RANGATIRA HONORE o TE KAUNIHERA ME NGA RANGATIRA o TE WHARE o RARO;— Kanui toku koa i taku kitenga i a koutou i tenei ra. e ahei ai ano ahau ki te whakamoemiti atu kia koutou, mo te nui o te tupu haere me te mau tonu o te ora o te Koroni. I muri i tera tuunga o te Paremata, he maha nga takiwa o nga Motu e rua i taea e au te torotoro, a kua tae ahau ki nga Whenua mahinga Koura, o te Tai-Hauauru o te Waipounamu, me Hauraki, i te Motu o Aotearoa. E kore e wareware i au nga Whenua mahinga Koura o Niu Tireni, me o reira Iwi aroha, i runga i nga kupu i whakapuakina e ratou hei whakaatu i to ratou piripono, ki te Torona, i to ratau aroha hoki ki to tatou Kuini Tino Atawhai, hui atu ki a ratou powhiri ki au ki te tangata kua whakaturia hei reo mo te Kuini ki tenei Koroni. Kanui toku koa i te taenga mai o Mahuta, te tino rangatira o te Iwi o Waikato, me etahi atu rangatira whai mana o reira, kia kite i au, a mea ratou kupu i whakapuaki ai, hei whakaatu i to ratou piripoho ki te Torona, i to ratou aroha ki te Kuini, me a ratou kupu mihi moku, e tumanakohia ai, tera e nui nga painga e puta i to ratou kitenga i au, taro ake nei ka haere ahau ki Waikato, a haere tonu atu i reira ki te Whenua e mohiotia nei ko te "Rohepotae." I tae ano ahau ki te torotoro i etahi kainga Maori. A i tae ahau ki tetahi hui nui i tu ki "Waitangi," ki te waahi i hainatia ai te tiriti rongo nui i te tau 1840. I pai katoa te aronga me te mutunga, o a matou huihuinga, ko nga rangatira me nga Iwi Maori, a i puta i a ratou nga tino kupu hei whakaatu, i to ratou piripono ki nga ture, apiti atu ki to tatou Wahine Rangatira, kia te Kuini. I te mea kua ea te takahanga o te rangatiratanga o te tore, pai ana ahau ki te whakakore atu i te toenga o nga tau, i whiua ai etahi Maori pohehe, i uru nei ki nga raruraru i mahia nei ki Rawene, me Waima i tera tau, a whakaputaina ana ratou, i runga i te kupu pono a nga rangatira, e kore aua tangata i tukuna ra e mahi ano i aua tu mahi pohehe. Ahakoa kei te mau tonu te rongo i waenganui i a Ingarangi, me nga Mana nunui o te Ao, whakaaro ana aku Minita me mahi tonu kia oti rawa nga pa whawhai, o nga kokorutanga tuunga Kaipuke, a me whaka-tokomaha ake, a me whakawhiwhi katoa ki te Pu, nga hoia waranatia. E koa ana ahau ki te whakaata kia koutou, kua takoto atu ki te aroaro o te (Imperial Colonial Defence). Komiti tetahi tikanga, hei arai atu i nga hoa riri o te Koroni, a kua hanga kia kaha ake nga pa whawhai hei tiaki i nga wahapu o o tatou kokorutanga tuunga Kaipuke. I runga i te tono a te Hekeretari Nui o Ingarangi, i tae ahau i tenei tau ki te torotoro i nga Motu o Rarotonga, a kitea ana e au kua ahua pai nga raruraru o reira. Kua tohutohungia atu e au ki te British Resident
![]() |
6 6 |
▲back to top |
![]() |
7 7 |
▲back to top |
![]() |
8 8 |
▲back to top |