PUKE KI HIKURANGI
NAMA 6.WAIRARAPA.                               MEI TUREI 10th  1898.                                                       Wharangi No. 1
Na, nga mea i tuhituhia i mua he mea tuhituhi hei whakaako i a tatau, kia whai tumanakotanga ai tatau, i te mea ka whakamanawanui, ka whakamarietia hoki e nga Karaipiture. A ma te Atua o te manawanui, o te whakamarie, e homai ki a koutou kia kotahi te whakaaro a tetahi ki tetahi, kia rite ki ta Karaiti Ihu: Kia kotahi ai te ngakau, kia kotahi ai te waha,e whakakororia ai koutou i te Atua ara, i te Matua o to tatau Ariki, o Ihu Karaiti. Na, me whakahoa koutou tetahi ki tetahi, kia rite ki a te Karaiti i mea nei i a tatau hei hoa mona kia whai kororia ai te Atua.
I tuhituhia nga mea katoa o te Kawenata Tawhito, hei tohu mo te haerenga mai o te Karaiti mo te Rangatira o te Kawenata Hou, I tuhituhia nga mea o te Kawenata Tawhito kia whai Tumanakotanga atu ai tatau, ko te tino putake hoki o to tatau Tumanako ko te Karaiti, ka tipu hoki to tatau Tumanako i runga i te Marie, ki te ata korero te tangata i te Karaipiture ka Marie ia, ka Manawanui ia, ko te take i Marie ai i Manawanui ai, te tangata e korero ana i taua Pukapuka a te Atua, ka kitea i reira, ara, i roto i taua Pukapuka a te Atua, tona aroha kia tatau, ko te mea nui atu ko tenei kupu ko te Atua o te "Whakamarie" o te Manawanui.
Kaati ma te Atua hoki kua whaka-aturia mai nei i te Kawenata Tawhito, mana tatau e Whakakotahi te whakaaro o tetahi ki tetahi, kia rite hoki kia Ihu Karaiti i whakakotahi mai nei kia tatau, kotahi te Atua o te Kawenata Tawhito, a taemai ki te Kawenata Hou kotahi hoki te Atua onga mea katoa, i runga i te Rangi i te Whenua, mana hoki e homai kia tatau kia kotahi te whakaaro a tetahi ki tetahi, kia u ra hoki tatau ki a ia.
Heoi i te mea kua kotahi te whakaaro a tetahi ki tetahi kua rite hoki kia te Karaiti, kaati kia penei hoki taiau me te Karaiti, ara,
Kia aroha tatau tetahi ki tetahi, i te mea kua Whakakotahitia peratia tatau, ka kitea to tatau Whakakotahitanga i runga i ta tatau mahi ki te Atua, ara, i te whakakororia i te whakawhetai, ko te mea nui ma tatau ko te whakahoa tetahi ki tetahi, kia pera me te Karaiti i whakahoa kia tatau; kia mohio koutou te hunga whakaaro tirohia nga kupu i runga ake nei, kia mohio koutou ko te Whakahoatanga o te Karaiti kia tatau, no te mea he hara tatau, na reira hoki i whakahoa ai a te Karaiti kia tatau, kia peneitia ta tatau whakaaro, ahakoa he tangata hara au i ma-nakohia au e te Karaiti, kia manako hoki tatau ki era atu tangata, ki te pera hoki tatau • ka Whakakororiatia e tatau te Ingoa o te Atua, tera ano • hoki tatau katoa e whai i a tatau mahi katoa.
E mea ana hoki te Atua "Kia tiaho raia to koutou maramatanga ki te aroaro o nga tangata, kia. kite ai ratau i a koutou hanga pai, kia whakakororia ai hoki i to koutou Matua i te rangi. Ara kia kotahi ai te ngakau, e nga Hapu mohio kite rapu i nga tikanga e ora ai tatau, tena koutou, e hapai nei i nga tikanga o runga, i nga Motu e rua, e whakakotahi nei i te Tikanga e ora ai tatau, nae te whakaaro ano ki nga kupu whakamarama o

TE PUKE KI HIKURANGI.
A koia   nei   tonu te   Ingoa   ote   Komiti Wahine o Ngaaituwharetoa nei.
Ko Waiheketua Ngapunaherau  Atua-rna-tua ka tuhia nga Ingoa onga Mema.
Takarea Te Heuheu.        Timuaki.
Hapi Paora.Tiamana.
Kataraina Paurini.
Te Aonini Huruao.
Ngaumu Manawa.
Tuia Pikitu.
Tamoe Tamaira.
Atamira Te Heuheu.
Mamae Tuia.
Matewai Wakauta.
Ngauru Pikirangi.
Paepaeroa Te Wharenui.
Paremata Heta.
Makere Turumakina.
Ngarama Hapeta.
Teoti Akaroa.
Tepiata Te Whataiwi. Heni Te Raukura. Haumu Te Tauri. Ani Haumu. Kerenapu Hori Tauri. Whati Kahupu. Ngaikiha Te Raurura. Ngamako Te Rohu. Parekura Te Whata. Pareawa Maniapoto. Mihi Parewaikahurangi. Terina Hapi. Tauri Te Nihotahi. Ngahuia Hiroa. Rakera Ihaia. Pehi Manini. Teata Ngamotu. Rangitakaiho Paora. Ira Heta Terama. Wairau Te Where. Pehi Te Whe.
Heoi ano.
Me whaka-marama atu a muri atu i tena, katahi ano ka tino Hainatia, ano nga Mema katahi ka tino tuturu, ka tuku atu ano kia Panuitia mai ko te moni mo te pepa ka tukua atu ko £1 pauna ki te tukua mai ngapepa me tuku mai kia rua me penei.
Kia Hapi Paora Tiamana kei Oruanui Taupo. Ko tetahi me penei. Kia Takarea Te Heuheu Tumuaki-
Kei Tokaanu Taupo. E hoa tena koe. Na Takarea Te Heuheu. Na Hapi Paora.
Kua tae mai te moni 10/- na Takarea Te-Heuheu mote pepa kia ia mo te tau Tokaanu.
Kua tae mai te moni 10/- na Hapi Paora mo te pepa kia ia mo te tau Oruanui Taupo. Ka tukua atu.

TE PUKE KI HIKURANGI.
" Rarena Noa.
" Parakira Ti Rihana.
" Tirikama Panga.
" Paranihi Mi Raimana.
" Hoani Henare Mete.
" Hori Tihiteera.
" Hipa Te Karanati.
" Hoani Wi Teira.
" Merina Mi Merare.
" Anatane Rona.
" Matiaha Whohi Kauri.
" Aperehana O Ena Wururawhi.
Kua tautokona e nei Tangata hei Apotoro hei matakite hei whakaatu i nga mea e wha-kakitea mai ana e te Atua kia ratau, hei Tumuaki mo te Hunga Tapu o nga ra o muri nei, a, i te Ao katoa hoki, a, tautokona ana e te whakaminenga, aia e nga ringaringa katoa, ko Hoani Mete kia tautokona hei peteriaka ko te Tangata e hiahia ana kia whakaatutia he manaakitanga mona mo haere ki taua Tangata.
Kua whakaritea a Hima Pi Tanga, a Tare Wheriteita, a Honatana, E. Kimapara, a P. Henare Ropata, a Hori Renara, a Riirona S. Weera, a Hohepa Makamarana, hei Timuaki mo nga Whitu-tekau e tonoa nei ki ta Kauwhau. Wiremu P. Perehitana, hei Timuaki mo nga Pihopa me Ropata T. Pata-na he Kaunihera tuatahi kia ia me Hoani R Winita he Kaunihera tuarua, i roto i te Pihopatanga. Ko Parakirana Ti. Riraha, me Hooni Heke raua ko Tare, W. Penerohe hei kai Tuhituhi tikanga me nga whakapapa mo te Hahi, a tautokona ana e te whakaminenga, i ara katoa o ratau ringaringa,. Ko Etera Who Rihara, me Etera Ti Tiwinihana, hei Tumuakimo Niu Tireni, a tautokona ana, ara i tu nga ringiringi katoa, muri iho ka tu a Etera T. Tiwinihana ka mihi ki te whakaminenga ka mea i hui nga Mema o te Tohungatanga i tenei ahiahi ka hori ake nei i mea atu ahau kua riro mai i a ratau te Tohungatanga o te Atua. No reira ka mea atu hoki ahau ki a koutou kua riro mai hoki i a koutou te raneatanga Oue Rongo Pai no te mea kua riro tatau hei Tangata hou he mai na te iriiri rumakitanga, a kua riro mai hoki he whakapakanga o nga ringaringa o nga pononga ate Atua, kua riro mai hoki t3 Wairua Tapu i a tatau, no reira nga Tangata katoa i roto i tenei Hihi, nga Taane nga Wahine kaua e hoki ki te hara i nga ra e takoto mai nei no te mea ki te hara ano tatau kino noa atu to tatau whakamutunga, na e hoa ma kia mahara tonu koutou ki enei mea no te mea kei te titiro mai o tatau hoa kua mate atu nei, me he mea kei konei ratau kua ki tonu mai ratau kia tatau kia u ki te mahi pai i nga wa katoa. Me nga Anahera me te Atua, kei te titiro tonu mai ratau ki a tatau mahi, ahakoa pai ahakoa kino.