![]() |
Te Puke Ki Hikurangi 1897-1913: Volume 1, Number 1. 21 December 1897 |
![]() |
1 1 |
▲back to top |
'NO WAIRARAPA Papawai. Turei Tihema 21 1897. E nga iwi, e nga hapu, e nga reo, e nga mana. 1., Tena ra koutou; He panuitanga tenei i ta tatou Nupepa ia "To Puke Ki Hikurangi" ka tukua atu nei kia haere atu ki nga hau e wha o tatou motu e rua, o Aotearoa me te Waipounamu me o raua motu ririki, hei taringa, hei reo, mo tatou e noho nei tatou i roto i te pouritanga o nga mahi nunui a to tatou Kotahitanga ,ara te oha a o tatou tipuna a o tatou matua, te Tiriti 0 Waitangi me nga mahi a to tatou Paremata e tu mai nei i Poneke, me nga rongo korero o te ao e whakarongo noa nei te taringa, e ui noa nei te ngakau, ki a ia ano, a, kowai hoki hei whakautu 1 te patai E hoa ma tenei ahau ka tu ake ki runga hei whakautu i tenei patai. E tu. ana o tatou perehi Maori a te Wananga, a te Korimako, a Huia Tangata Kotahi, ko ratou nga kai whakaea i enei tu ahua patai i era wa- kua hori ake nei ki muri. Kaati iau ka tu ake nei, ko au hei kawe korero atu kia koe e taringa, e ngakau 1 na tonoa mai ahau kia haere atu. Ara e nga tane, e nga wahine, e nga taitamariki whai whakaaro kua pakari, nei koutou ki to tu i roto i nga whare hui, rapu matauranga, otira e hoa ma me titiro "te, whakaaro me te ngakau ki enei taonga kua tata mai nei kia tatou, na runga ano i -to koutou kaha ki te hapai i te matauranga i whaihangatia ma; ra e o koutou tipuna, matua i te tau 1840, te whanautanga mai ko te Tiriti tenei o Waitangi. Te putanga mai i roto i tenei kote Te ture nui tenei, mo Niu Tireni ara71. Otira i puta mai nga matauranga katoa o te Pakeha i roto i e nei. Ka hapu mai ka whanau ko Te Tiriti tenei Ki Kohi Marama, otira ka whanau ka puta mai kote Kooti whenua tenei, ko Te a Teha, Ko te Paremata, ko nga Mema Maori, Ite tunga te Paremata ka tino kaha rawa to kau huri ite ora a o Tatou Tipuna i whaka takoto ai kaati ra in e hoa ma ia -nga Puhi ano e pupuri ana mai to tatou taonga i nga wa e tukinotia ana, kaati ra. me hoki mai te titiro whakamuri ki te tau 1892 kite hui i tu ki Waitangi Ko te whanautanga mai te ra. ote Tamaiti nei ote Kotahitanga puta ana ki Waho mauria mai ana raua ko tona Whaea Ko to Titiri noho rawa ake i to Waipatu i Heretaunga I Te Whanautanga . mai ko te Tamaiti nei. kote Paremata Maori o te Kotahitanga mete Whare Ariki I me te Timuaki, mete Pika, mete Tiamana, me te Pirimia, me nga minita, me nga Mema, Ite putanga mai o enei tangata ka tahi ano .ka. Iriiria ate Kotahitanga koia tenei ko te Ki rihipi hei- wha" tuturu tanga i tenei kupu kia-. kotahi nga iwi maori - o Aotearoa me te Waipounamu, e ki ana taus kupu ma; ia taane Wahine, Tamariki e haina o Ratou Ingoa Kirihipi a kua oti tenei kupu, 37, 000na haina kua Tuturu hoki tenei ta tatou. onga a tatou '0 I Puta mai ano i te tunga o te hui o to Tiriti 0 Waitangi ki te Waipatu ko te mana motu hake e kimi nei e Rapu nei ano Tatou tira hei taonga atahua rawa tenei mo te Iwi Maori. Otira tenei ano tetahi tamaiti 1 whanau ki te Waipatu, ko te Pire a Taiaroa, i Pakirikiri ko Pinepinetekura, enei katoa i puta mai anake i te Tiriti i runga i te kaha o nga toa hapai rakau o te Kotahitanga i te tu-nga o to Tiriti ki Rotorua; ko te kohi tenei e 2/- mo te whakawhiti I te "Mana Motu Hake" ki Ingarangi. Me huri ake ki te taha ki nga wahine, ite Waipatu ka puta te kupu a nga wahine kia whakaaetia he mana komiti mo ratou 'No te tu nga o te Tiriti ki Pakirikiri ka Whakaaetia e te Kotahitanga. Ite tu nga o te 'I I riti ki Taupo ko te pire tenei a nga Re-elri (Ladies) kia tukua atu he mana mo ratou kia tu Mema ratou 1 roto I te hunga whiriwhiri o nga Men-ia o te Kotahitanga; nit kua tae tenei ki te tu-nga tua-whitu wahi o te tu-nga tua-ono o te hui o te kotahitanga i tu nei ki Papawai Wairarapa; no konei E paahitia taua Pire; heoi ra hei mohiotanga tenei mo tatou kua tu tahi nga wahine me nga taane hei hunga whiriwhiri rat( it i roto i te Paremata o te Kotahitanga, kaati ra e ki ana hoki to ratou whakatauki; 1 it maru te kori, kori tahi, i nga taane te rapu oranga rapu tahi, tena ra to hanga e to. A e tu ra koutou e nga tamariki 1 kowhiria I nei koutou e o koutou Iwi, hapu hei-riwhi mo o koutou matua 'na rat, it nei i whakahua tenei kupu kia kotahi tatou no enei ra kua riro ko koutou hei whakahuahua, koi ra tenei ko te Kotahitanga. E tit ra koutou e te whanau kia maia, kia toa, hei huri ko- tua te whakaaro. Tenei ka huri ki te aronga mai o nga kupu kua whakararangitia 1 runga ake nei. Kua whakatoputia i enei hui a koutou 1 tu nei ki Papawai, Wairarapa; ara i whakatuturutia te ra hei whaka-whiti-tanga i te Mana Motu Hake ki te Hakui ra. I pae ano nga huata nga tokotoko nga mere- pounamu, nga patu paraoa me nga kakahu, ko te parirau anake nana i whakatau te iwikore ki nga toa hapai rakau; -otira no nga -kai rapu i te parirau te iwikore. E nga kai hautu waiho i runga i te whakatauki nei, mauri mahi, mauri ora.. Otira e, hoa ma e hara rawa pea, 1 to mea na te wre parirau na te ngoikore. ranei i noho ai a to Mana; engari na te putanga mai o tona taina o te Mihi kia te Kuini na konei i ta-tutu ai tona haere; kaati ki te titiro iho ki te ahua ote kotiro nei kei waenganui o te mate raua ko te ora, ano ia ki te kore e huri mai to aroaro o te: takuta, hei i mahi i to kotiro nei heoi ano ra hoki kua mite: Otira ki te huri mai is -te takuta nei ki te ata whakarongo mai i te whakamarama a. nga kai-tiaki o te tamaiti i te ahua o te mate tera tonu e ora, ki -te whakaaro iho. Otira ki to titiro iho ko to tatou Pirimia tonu me tona Kawanatanga to takuta me te rongoa hei, whakaae mai i te rahui tuturu mo. te 5 000 000 eka e toe nei kia tatou.. .Otira e nga toa. a up hapu e nga iwi kia kotahi te ngakau to whakaaro rurukutia Ao tatua, kungia to manawa, pepengia ite pepe a to, koutou "I tipuna a Kahungunu i riro mai ai te wahine a teratangata i a ia. ME WHAKAHUA i konei te tui a to koutou matua a Tamaihotua Kaore hoki taku mahara-hara taku manuka-nuka ki aku tini mahara e pupu ke ake i roto i te hinengaro e hoa mae katahi ano au i Tumairangi ka ako ake kite titotito kite hangarau e ka tukua taku pere kite tairawhiti kia Hinematioro e kui e tenei ano au kei te kimi ake kei te wawae ake i roto i te ururua kia kite au i te mama mai o te ata kia kite au 1 te hihi o te ra kia whiti mai te mahanatanga ki taku kiri kia kohakoha taku noho kia tae te mahanatanga kite tau o taku a te kapapapiritia ka-ha-ku-tu ritia I te, a whitanga ate mataotao e kui e kia huri ake to taringa kite whakarongo kite tangi a te Matuhi e tangi nei tui a, tui a, tui -tuia. E ka tukua taku Pere kite tihi o Hikurangi e Ia mae kia huri mai te taringa kite whakarongo kite tangi a te Matuhi e tangi nei tui a tui a tui-tuia. E ka tukua taku Pere kite Tiriti ki Waitangi e mara mae kia huri ake te taringi kite whakarongo kite tangi ate Matuhi e tangi nei tui a tui a tui-tuia. E hara i te matuhi na ona tohu kite whakamohio meaha ite pukenga te pakoko tahi to ate riaki nga pukenga mahara o tuaiho otua whakarererawa e katuka taku Pere kite tai tuarua. Kia Mahinarangi e pa ma kote purapura tenei a Potatau i whiua mai kite upoko o te motu nei mau hoki ra e kimai i te aha tonu ite matauroa ka hori nei. Ka whakahemo nga tangata kite po kapau nei kite reinga maku hoki ra e ki atu e hika ma he ururua note whenua he titohea note oneone ite roa hoki kite whakatiputipu kite rauhi ite tangata mauria e Rakaihikuroa kite upoko ote motu nei. E ka tukua taku Pere kite tihi o Taranaki e whiti ma e tenei ano au kei te whakahou ite owhaki ate tangata kua mate kite po e hoa ma kia huri mai te taringa kite whakarongo kite tangi a te Matuhi e tangi nei tui a, tui a, tui-tuia. E ka tukua taku Pere kite nuku ote whenua e ka titia taku Pere kite tihi 0 Tongariro kia hinana ki. taira kia hinana ki uta ra e hoa ma kati hoki ra te hinana ki tai. ra hinana iho ki uta ra. tirohia, iho nga manu mohio e torn e korero nei i runga i Aotearoa e tangi nei hoki te Matuhi tui a,, tui a, tui- tuia. E ka tukua taku pere ka kau ite tua hiwi ki Raukawa ra e ka titia taku Pere kite tihi o Tapuaenuku ra kia Taiaroa kia Tuhawaiki, kia Tamaiharoa' e tai kia huri mai te taringa kite whakarongo kite tangi a te Matuhi e tangi- nei tui, a, tui a, tui tuia.
![]() |
2 2 |
▲back to top |
Rauna noa te Waipounamu te waa Iii i takote ai te kuruauhunga te kurutenga rerewa te tiki Pounamu te Taramea te Tikumu te rau o Titapu nga taonga whakapaipai nga tehu Rangatira o te maori titia ki runga kite upoko te piki Kotuku te piki Huia te Riiukura te Tikumu whakakaitia kite,tarmga te pohoi teroa te kuruauhu-nga tekuru tenga rerewa heia ki tekaki te hei taramea te tiki pounamu hei aha hei whakapaipai ra hei whakata kune.kune kia pai ai kia huro ai kia rawe pai maiai kia maie mai ai nga Tamahineatahuangawhaiaipo ngakare aroto nga putiputi whakapaipai o Aotearoa kote whakamaoritanga tenei o nga manu mohio e tern e korero net i runga i Aotearoa e tangi nei hoki te Maiuhi tui a, tui a, tiii tuia, e whakakoia nei hoki te huia koi a koi a koi ano e tangi nei hoki te huia hui a hui a kia kotahi e whakaoti nei hoki te Wharauroa-whiti-whiti whiti whiti ora na mo nga tau o Hinawa. Poneke. Oketepa 25 1897. No te 23 onga ra o te marama nei ka whakakaarohia kia tae tetahi, etahi ranei o nga I rangatira o te Kotahitanga kia kite I te Pirimia; patai mehemea e pehea ana tena whakaaro ki te whakahoki mai a Te Kumi i te kupu mihi a ona iwi maori, whakataua ana ko H. T. Mahupuku hei mangai mo te Kotahitanga mo tenei putake. He tekomaha nga rangatira, i haere hei hoa, mona. I te 25 onga ra I te 2 3o p.m. I te ahiahi katu taua hui, ka tae mai hoki te Pirimia i runga i te teno a H. T. Mahupukii, ko nga mema o te Koroni i tae mai ki tenei hui, ko Honore nore Timi Kara, ko Wi Pere, ko Hone Heke ko Tame Parata, me Henare Kaihau, ko Apirana Ngata (Roia-maori) te Kai whakamaori me hono ake ki raro I tenei nga korero o taua, hiu kua oti nei te whakamaori:- Papawai, Oketepa i5/97. Ture whakawhanui atu i nga, tikanga o te ture whakawa mote Karama. Kai roto I te Nui Tireni Taima o te i5 o Oketepa 1897. Hone Hoke. E, motimi ana i te kererotanga tuarua I te, Whakawhanui whakawa i te Karauna" 1897!. Ka whakamarama ia. Tera e tehi tangata maori kei te Waipounamu e hiahia ana kite whakahore tikanga ki te Kawana, mo runga i te kore kaore i whakarite i etahi oati a te Kawanatanga mo etahi whenua i Otakou i nga ra o mua. I whakahe te Pirimia I te Pire no te mea hoki kite paahitia ka pa he maie ki nga take kite nuinga o nga whenua i te Poraka o Otakou. Oketepa i5 1897. "Pire whenua Maori". Wi Pere. He motini kite korero tanga tuarua o te Pire whenua maori. Whakatu maori Tiati mote Pakeha hoki hai ateha hai whakawa i nga raruraru o nga maori ki o ratau whenua. Pirimia-Kua tata te mutu o nga Kooti whenua maori i muri o te Kotahitanga i te Pire ka tukuakite Komiti whiriwhiri o nga mea maori. Ko nga korerotanga tuarua me era atu Pire i whakaaetia. Ka hiki te whare i te ii.5 p.m. Kai te putanga tuarua o te tatou pepa te pu- ta ai nga korero o te hikinga ote whare. Papawai 16. 1897 Nga whai korero a Tamahau ma kia Wi Pere kia Henare Kaihau me te Rawhiti; he manuhiri i ahu mai i te Paremata o te Koroni i Poneke. H. T. Mahupuku. He whakatau ki te manuhiri. Haere maii haere mai!! haere mai!! e Wii haria mai nga iwi nunui ki roto ia Aotearoa ia Hikurangi mete Waipounamu. Haere mai e nga iwi Rangatira haere mai haere mai!! haere mai ki nga, whakarerenga iho a nga Tipuna me nga Kaumaiua. Haere mai haere mai!! haere mai!! ki roto i o koutou whare i Aotearoa i te Waipounamu. Haria mai nga mahi o te motu kua kitea na e koe me whakawhirinaki taua ki reira ara ki te Paremata o te koroni. haere Haere mai, haria mai nga putea o tera whare, o tatou pikautia mai nga tikanga te oha a nga, tangata maiua kua riro atu ki te po I nga ra o nga Tipuna, he rereke te ahua kotahi te haere, kotahi te whakaaro ka huri te ra ka huri ko te haere o tenei ra tenei haere mai haere mai kia kite I nga morehu o Wairarapa nei haere mai e te reo o te Taihauauru kapai te taenga mai i tenei he ra tenet no te kimihanga i te ora mo tatou kapai haere mai e Waikato haere Mai e Henare kimihia mai te ora mo o taua iwi I roto I tera whare kapai ka tae mai i korua ki konei kia kite kia rongo i nga mahi a te Kotahitanga haere mai e te mema mo nga motu nei haere mai te Rawhiti ki te hiu o te tai Rawhiti haere mai e te kai whakahaere o nga iwi o tera wahi o to tatou motu ahakoa ngaro a Mahuta otira ko koe tonu te ki o tena whakahaere o tatou. Haere mai tana ki te Kotahitanga o nga iwi maori o nga motu e rua. He rereke i nga ra i o tatou Tipuna he rereke hoki i naianei he maha nga kupu a Wi Pere mo te taha ki te Kingitanga o Tawhiaotae iho kia Mahuta otira ia te Wherowhero i pa ano he kupu mo te taenga o te Kotahitanga ki Maungakawa a kihai I tirohia mai e Waikato ko enei he nui noa atu kati maku e whakapoto mai he poto te taima he nui te mahi no reira me whakarapopote ki enei i runga ake nei.He pu katoa nga korero a Wi mo runga i te ahua o te Kingitanga. Kati koianei te hua o ana korero kia whakakotahitia nga iwi maori katoa o nga motu e rua. Ka mutu nga korero a Wi Pere Te Rawhiti. Ka whai,autu i nga poroporoaki kia raua ko Henare Kaihau M H R ka mutu tena mihi me tena whakatautau. Ka wha- kahaere i nga korero a Wi Pere he pai rawa te ahua o tena arahi haere I nga tikanga katoa i whakahaerea e Wi Pere mo te Kingi tanga o Mahuta. I penei tena kupu, ko tona Kingitanga I rangaia ki runga I te Tiriti o Waitangi mete Kotahitanga nei kai runga ano i taua Tiriti ra ano, ehara i te mea he Tiriti ke e ngari ko taua Tiriti kotahi ano. Na nga whakahaere ke i rereke ai. Heoi i penei ahau kai te kotahi tatou i raro I te mana o te Tiriti o Waitangi, Ka pai ka tika nga mihi mai, I whai takoha ahau kite Kotahitanga i te taenga ake ki Mau- ngakawa, otira kihai i whakarongo ki taku kupu kia noho atu tai hoa e hoki mai kia whiriwhiritia e matou te kupu ate Kotahitanga hoki mai ana, na, e Wi, ehara ia au tera he. Heoi ra e nga iwi e nga Taane Wahine Tamariki, kia kaha kite whakahaere i to tatou Kotahitanga. Kia ora koutou katoa. Henare Kaihau, M H R. Karanga mai kia Waikato tenei te haere nei kite ra, ka pai nga mihi tenei i haere mai kia kite ia koutou i tae mai,ai ki konei tena, koutou katoa. Tera atu te roanga atu ona korero otira i pau katoa te nuinga, o ana korero ia te Rawhiti kai roto ia rau a Pohuatau te nui nga o raua kupu. Kaore i uru ki roto i e nei whai kerero. W K Wihape. Me huri iho te titiro ki to tatou Nuipepa, ki te "Puke ki Hikurangi". 1.Ko tenei pepa he nupepa maori na H. T. Mahupuku. I Tangohia mai e ia I runga ake i tona whakaaro hei mahi i nga mahi a te Kotahitanga i te tau 1895, i timata mai I taua tau te mahi i nga mahi a te Kotahitanga tae mai ki tenei tau ki te tau 1897. 2. Kaati i te ' tukunga atu i te nupepa nei kia rere atu kinga pito e wha o tatou motu e rua me o raua utanga e rere atu ana te tatou manu i raro i te mana o te Kotahitanga me te Tiriti o Waitangi me te iwi nui tonu me te komiti o te pepa me H. T- Mahupuku. 3- Kua oti i te Paremata o te kotahitanga me H. T. Mahupuku te whakatuturu enei tikanga e mau ake i raro iho i te kupu apiti hei maramatanga kia koutou koia ano i noho ai te mana kinga tangata e maura te whakaatu i te rarangi 2 i runga ake. ra 4. Kupu apiti;- Te motini a te whare mote Perehi. Hemotini:- kite whakaaro o tenei Runanga me whakahaere he tikanga e taea ai te tono kinga takiwa maori katoa o nga motu e rua nei i Aotearoa mete Waipounamu me nga motu e patata ana mote perehi nupepa a H. T. Mahupukukote Puke Ki Hikurangi; te ingoa me whai mana, tenei runanga o te kotahitanga me tena Kawanatanga kite whakariterite tikanga I waenganui ia ratou ko H. T. Mahupuku ratou ko ona kai whakahaere hei whakaotioti mo etahi mahi a te Kotahianga kua whakahaerea, e whakahaerea ana ranei amuri ake nei mete awhina ano onga mema me nga Rangatira o te Runanga me etahi atu Rangatira o te Iwi nei tuku atu I te korero whakamarama ki ona hapu komiti tane wahine o te iwi maori e kore e araia te Pakeha e hiahia ana kite utu nupepa mona mo era atu panui o nga toa hokohoko me era atu mahi e ahei ana I nga kai whakahaere o te perehi te tuku atu I nga pukapuka hainatanga, tono nupepa ki nga mema me nga Rangatira, wahine taane o nga takiwa. H Tare Tikao; Kai motini Hiraka Te Rango; Kai tautoko, 1. Kupu apia, me whiriwhiri he, komiti hei whakahaere nga tikanga o te mahi a nga kai mahi me era atu mea katoa e whakapaua ana mote perehi me nga moni kua utua ki waho me nga moni e utua ana ki roto ko te tokomaha o nga mema kia tokorima hei Papawai mei te komiti huihui ai 2. Me hui te komiti ia, toru marama ia toru marama ma ratou e whakaotioti nga mahi o te perehi ia taima ia taima ma ratou hoki e whakarite nga kai mahi me o ratou utu me uru atu ano a Tamahau ki roto i taua komiti ia wa ia wa me haina tona ingoa ki nga mea kua whakaaetia e tenei komiti 3. Whakarite mete whiriwhiri ano i roto I nga takiwa etahi komiti maori tetahi tangata ingoa pai ranei hei whakahaere atu mo nga tangata wahine ranei e hiahia ana ki te tango nupepa I roto ia teru marama i te ono marama i te tau ranei me utu nga moni ki nga Tiamana o nga komiti me tuhi rawa ki te pukapuka a tena komiti a tena komiti i mua mai o te tukunga o nga moni kite komiti tuturu o te nupepa ma te Tiamana o ia komiti e hoatu he rii-ti-i- ti mo nga moni e utua ana kia ia me hoatu hoki e te komiti tuturu ara e te Tiamana he rii-ti-i-ti mo nga moni kua tae mai kia ia, ia wa ia wa .4.Me utu nga moni a nga kai tango nupepa i mua o te tau ia tau ia tau e kore e haere noa te nupepa kite Tangata e hiahia ana engari me utu rawa te moni me tuhi mai ranei te kupu awhea utua ai kote utu mo te tau ma te tangata tekau herengi mo te ono marama e rima herengi me te hikipene mo te teru marama e teru herengi. 5. E rua putanga o te pepa i te marama hei te turei me tuku noa atu he tauwira ki nga Tangata kotahi putanga i mua mai o te taima e mohio tia ana kua tae ki te teru rau
![]() |
3 3 |
▲back to top |
nga kai tango nupepa hei reira ka haere tonu nga pepa mo ia tangata mo ia tangata 6. A te wa e hui ai te Runanga-nui o te Kotahitanga ia tau ia huinga ranei me whakatakoto mai nga kaute moni mehemea kua ea katoa nga moni a Tamahau i utua ai te perehi me nga moni hua me tuturu te perehi ki te Kotahitanga 7. Kote komiti tuturu me te perehi o te Puke Ki Hikurangi me Rehita rawa ki te tikanga o nga ture Pakeha hei arai ano hoki i te hiahia o otahi mea rereke e oho ako ana i waenganui ia ratou 8. Ko nga kaute moni me nga kaute e utua ana me paahi rawa e te komiti i miiii o te utunga me whakarite ano e te Tiamana raua ko Tamahau te Tangata hei utu I te moni tiaki moni keehi ranei mo nga nama e pa ana ki tenei perehi me te tuhi iho ki te pukapuka 9. Ko nga reta tuhi mai e pa ana ki te kitoa kaore he utu ko nga reta tuhi mai e pa ana kia ia raua ratou ranei me nga mea ngaro aha ranei tupapaku mate ranei whanautanga tamariki marenatanga panuitanga kanikani me era atu e taea e te perehi te takai te Etita ratou ko te komiti te whiriwhiri mo te utu I runga ano ia i nga tikanga o te utu mo nga mea pera e tenoa ana era atu nupepa 10. Ko nga mahi katoa it te Kawanatanga o te Kotahitanga e whakahatia ana kia taia Me hoko nga pukapuka kite maori me te Pakeha kai te nui ote mahi me te ahua o nga pukapuka 11. Ko nga korero o nga nupepa Pakeha me whakamaori a me haere ano te mahi o te nupepa I nga reo e rua he mea pai ano te reo rua kia taea ai te kupu a te maori te titiro e te ra taha 12. Ko nga mema katoa hui atu ki nga Rangatira Taane Wahine e tae ana kite hui me whakakaha katoa ratou ki nga kupu tautoko o tenei perehi me te whakaaeanoki te tango nupepa ma rateti, kai tena whakitaro anake te tikanga e kore e ahei te tonotono. 13. Kia whai kaha te komiti tuturu kite tukutuku atu ia wa ia wa i ta ratou, i whakaaro ai hei whakakaha atu i nga mahi o te nupepa me te panui ano kia rongo te katoa. 14. Ko nga reta a tetahi a etahi ranei me ata Titiro te Etita ki te titiro ia kore e tika kia ta ia me whakaatu ara me panui ki tena waahi ano I wehea mo nga mea pera he I whakaatu e kore e ta ia. 15. Roto Etita kote utu mona e whitu tekau ma rima Pauna I te tau kotahi koto raro iho i te Etita he Pauna i te wiki mo etahi tokorua kotahi tekau marima herengi I te wiki mo tetahi tekau herengi i te wiki tokowha katoa nga kai mahi 16. Kite tae kite tau e mahi ana nga kai mahi mate komiti ratou ko Tamahau e whakariterite te nekenga ake o te utu mo nga kai mahi te hokinga iho ranei i raro ano I nga tikanga o te ture mahi kirimina whakarite Te kupu apiti nate komiti. 1 - Ki te tuku korero mai koutou ki to tatou puke hei utanga kia kotahi tonu te taha o te pepa hei tuhinga o ia wharangi o ia wharangi, kia ngawari ai nga kai mahi o te perehi. 2. Ki te tono mai te tangata kia tukua atu te pepa kia ia me whakamarama mai tona ingoa iriiri mete ingoa o tona matua me tona poutapeta mete porowini o tena, takiwa, kia marama rawa kia tae pai atu ai to pepa kia koe. 3.Ki te tuku reta mai koutou me penei te tuhi mai ki waho o te kawa. [Kia Purakau Maika Etita o, te Puke Ki Hikurangi Greytown North Wairarapa] Letter Box No. 16 4. Kahore e perehitia nga korero, whakakino mo te tangata, MO nga tangata ranei, mo nga iwi mo nga hapu me era atu mea whakakino e pa ana ki te tangata e tukua mai anakia perehitia he mea kino rawa tenei kinga perehi katoa o te ao kaore e perehitia. 5. Ki te puta o koutou nupepa kia tiaki kauaka hei rukerukea noa tanga atu me tiaki tonu tae noa ki te tau ka whakahoki mai ai kia whakapaiperaua kA whakahoki atu ai engari mau ano e utu te panekuini itio te tukunga mai mo te whakahokinga atu kahore he utu mo te mahinga. 6. Ki te tuku moni mai koutou mo te pepa nei kaua te noti, te hiriwa, engari hei nga moni ota anake o nga poutapeta te ahua o te tekunga mai me titiro ki te nania teru i runga ake nei. 7. Ko Mei te marama i te tau 1898 i whaarotia ai kia tukua whakareretia atu te perehi o te Puke Ki Hikurangi ki te Kotahitanga ma kaha nga kai tauteko ki te whangai kia ia te whakahaere menga mahi katoa menga moni hua e puta ana mai I roto mana e whakarite ana kai mahi katoa. Ki te Etita o "Te Puke ki Hikurangi " E' hoa tena koe, mau e tuku atu ena, korero ki roto ki te Nupepa mana e hari atu ki nga waahi katoa o nga motu erua, ara nga tikanga o te hui i tu nei ki Papawai Greytown, Wairarapa, I te marama o Oketopa 6 1897. I te marama o Hepetema I te 25 onga ra, 1897, ka haere a Tamahau Mahupuku ki te tai-rawhiti whakawahaia mai ana e pa nga Iwi o reira. Hoki mai I reira ka ara mai tena ara i hoki mai ai ma te tai-hauauru whakawahaia mai ana e ia nga iwi o te tai-hauauru, I runga I tona kaha me te mana ote Kawanatanga a, whakahokia ana e te Kawanatanga te utu o nga tereina ki te hawhe tikiti te rataana mo nga tangata e haere mai ana ki te Paremata o te Kotahitanga i Papawai Kereitaone Wairarapa. Ko nga Iwi tuatahi I tae mai ki te marae ko Ngati Raukawa, ko Muaupoko, ko Rangitane, ko Ngatiapa, ko Whanganui, ko Ngati-Waewae, ko Ngati Pikiahu, ko Ngati Hauiti, ko Ngati-Whiti, ko Ngarauru, ko Ngati Tuwharetoa, me era atu iwi nunui o nga motu e rua. Ko enei iwi katoa e haere ana he peene ano ta ratou ko te peene a Ngati Raukawa. Kotahi maero te mamao mai I te marae o teParemata, I Papawai ka tutaki kite peene o temaraee kiia ana tona ingoa te peeneo te Kotahitanga, ka hapainga e taua peene nga iwi o te Tai-Hauauru. A te hawhe maero te mamao mai I te marae ka tutaki ki te matua a nga wahine he rau-rakau te kakahu, he haki no Ingarangi inga ringaringa ko ta rateti powhiri "Toi-a-mai te waka, ki te urunga te waka, ki te moenga te waka, ki te takotoranga Itakoto ai te waka e Na e hoa ma, ko Kahukura ki te rangi ko Tauaiwi ki raro, tara ana te haere a te tangata, ka hapainga ano nga Iwi nei e rima tiini te mamao mai i te Paremata. Ka tutaki ki te matua o te marae, ta ratou powhiri koia tenei:- Toi-a-mai-nga-iwi ki-te uru-nga-ki-Aotea-ki-te-takotoranga-i-takoto-ai-te- Tiriti-i-Waitangi. Na, e hoa ma, ko whaitiri kite rangi, ko taua iwi ki raro, Na, e hoa iiia, e pono ana tenei, ina-hoki, i, rangona iho e matou te ngatere tanga ote whenua, kauru kite marae ote Paremata kite Rongootaketake, kotahi haora e whakarite ana ite ture anga tipuna, menga maiua kite tuku atu ite roimata hei tohu mote aroha. Na e hoa ma I muri o tena ka maioha, katu i kona nga tama ate tangata ka kitea kona te rawe ote meremere mete taiaha kapakapakau ana, rere ana te wehi. No te rua o nga haora ka hiwihia nga haki e (4); ko te Tiriti o Waitangi, raro iho ko te Rongopai, raro iho ko Maui, raro iho ko ta te Potangaroa, i te hiwinga o nga haki tangi katoa nga peene e rua, ki te whakanui, ka haere atu hoki nga wahine o te Tai-hauauru ka rauna i te pou o ngii haki me te mihi aroha ki nga oha a nga Kaumaiua. Ko te hiwinga o aua haki he tehu no te whakatuheratanga i te Paremata. Ka mutu nukuhia atia i te mea e tatari ana ki nga iwi kia rupeke katoa mai, i te po o taua rangi ano ka tae mai a Taare Tikao o Ngaitahu o te Waipounamu te Tiamana o te komiti o te Kawanatanga o te Kotahi tanga. No etahi rangi ako ka eke mai e tahi o nga iwi o te Tai- Rawhiti a te Arawa, a Rongowhakaata, te Whanauapaniii, a Ngati Hineuru, Teurewera, a Ngati Porou me etahi iwi atu, ko taua ahua powhiri ano kua whakamaramatia i runga ake nei. I etahi rangi ako ka eke mai ko nga IwI o te Tai- Rawhiti ki Heretaunga ara ko Ngati Kahungunu, ko aua powhiri ano i whakamaramatia i runga ake nei. No te Rahoroi te 16 onga ra ka tae mai a Waikato ara a Te Rawhiti Hekeretari o Mahuta a Henare Kaihau mema o te Taihauaru - Hone Heke-- Wi Pere. Ite 2o onga ra ka tangi nga Peene e rua, katu hoki nga wahine kite Pukana a Wiki Eruha, a Meri Whariki, it Huhana Tuhokairangi, note marae enei wahine. Na e hoa wa he rawe te mahi a nga Tamahine ate tangata wiri ana te tinana kapakapa ana te rau o te Taiaha mete mea nga Kanohi ko Tawera, I muri o tera katu no Ngati Tu wharetoa ko Meraina Hiraka no Taiwiri ko Ngati Henare Haeretuterangi no Whanganui ko Ripeka te Mawae no Ngatiapa no Rangitaane kote Raraku Hunia, kotaua a hua ano o te tuatahi te pai, I muri mai katu ko Hinepaie ko Mihi te ua, ko Hepine te Ropu, ko taua ahua ano i runga ake nei. Na e hoa ma e hanga, whakamiharo ano enei tikanga katoa kua Whakaaturia I runga ake nei. Te whare Paremata he kaari putiputi rakau whakapaipai a waho I tata kite rua eka te, nui. Te ingoa ote whare oraro ko Aotearoa e 2 tiini te roa me ona whakapaipai e iri ana hoki nga whakahua onga kaumatua Rangatira kua heke atu ra kite po. Kote whare o runga kotete Waipounamu te Ingoa e 2 tiini te roa me ona whakapaipai e Iri ana me nga whakahua onga Mema ote, Kotahitanga iho nei kite Waipatu I te tau 1893. Ko tewhare kainga e rua tiini te roa me ona whakapaipai, Me Ona whakaahua me ona putiputi e kore nei e taea te Whakaatuatu katoa I roto I tenei panui e tu ana nga taane wahine me to ratou kai tohutohu ara a Raharuhi Tohokairangi me, tana wahine ara a Taukuta Raharuhi kai tohutohu o te taha ki nga waiata wahine rite katoa nga mea o reira te kai me era atu mea i piki haere tonu tae noa ki te pakarutanga o te hui. Kaputa mai ki waho ka titiro atu koe ki waho ka kite atu koe I te whare o nga Pirihi me to ratou Tariana, ara a Kawana Ropiha rite tonu o reira mea, Ka titiro atu ki muri o te whare Paremata ka, kite atu koe I te whare Putia e Iri ana te kau te hipi te poaka te tikaokao te tuna me era atu kai o te whare rite kaota nga mea o reira, Ka titiro atu whakatai e, 2 tiini te mamao atu o te awa o Mangarara he awa huata e rawa hei kaukauranga, kai te taha o taua awa ko te tepara nui tuunga kooti o ia ahua o ia ahua, Tetahi o nga whare ko Hikurangi te Ingoa, ote marae ko Whakapaumahara kotahi tiini te mamao atu i te whare Paremata kote roa o taua whare kotahi tiini me te hawhe me te whare kainga ano i tetahi pito me o reira weita ano kote whare huihuinga, tera o Niniwa heremaia me nga Reiri komiti, Ko Papawai kotahi maero me te hawhe te mamao mai i te Taone o Kereitaone no reira i tu ai te Poutapeta ki te whare o nga pirihi e rua haeretanga i te ra o te meera rite katoa o reira mea, Ite 28 katu ano te Peene ki roto i Aotea whakatangitangi ai katu ano nga Wahine kite pukaha ara a Mihi Teua a Hepine te Ropu a,Taranaki Teua he Taane tenei, kotaua ahua ano kua whakamaramatia i te tua tahi ra I muri katu ano a Merania a Ngaahu kite pukana katatua a hua ano te pai, pera i ote tuatahi.' I tu te tina i te 1 p. m. otenei ra i whakaturia te keeke i haria mai e Tunuiarangi ote
![]() |
4 4 |
▲back to top |
TE PUKE KI HIKURANGI. tina a te Kuini Ingarangi i te ra o tona Taupiri a i kainga hoki e nga Iwi katoa taua keke. heoi ena tikanga. Ko te minita hapai anga ritenga whakamo- emiti kite Ariki ko Arena te Hana i runga i ana kupu whakarite i to te karaipiture ki to te kotahitanga i runga i enei whakarite mana pu- ta ana te whakamoemiti a nga iwi onga mo- tu e rua. He nui hoki te whakamoemiti onga iwi ki to ratou tiamana kia Taare Takao mo tona ka- ha me tona manawanui kite whakahaere i nga tikanga kia mana aki te runanga iaia. I nga wa katoa e tu ana te nei hui tae noa kite mutunga kore rawa he tangata haurangi i kitea kite marae kore rawa hoki i rangona tetahi tangata i mahi pera. Kore rawa hoki i rangona he ingoa tangata i mahi tutu ara hianga kinga mahi ngahau o te ao. Kahore i roto i enei korero nga tikanga i ma- hia ki roto i te whare Paremata ara nga ora me nga mate e pehi nei i nga tini iwi o enei motu e rua. Otira e hoa ma mehemea i ko- nei tonu koutou ka miharo koutou penei ho- ki me matou makona ana te kanohi makona ana te taringa makona ana te waha ora ana te ngakau kote nei e hoa ma kia mama mai te waewae a tenei tau e haere ake nei kite ka- we hoki ia koutou whakaaro mehemea e kore e kitea te mea tika i roto i ena, hei tapiri mo enei. kua kitea nei i raro i te Rangimarie, kia kite kanohi ai koutou kia rongo taringa ai ko- tau. Kai rite ia koutou te whakatauki nei na, E moe ana te mata hi tuna e ara ana te ma- ta hi tuna. Engari kia rite koutou kite whakatauki nei na; "i a maru te kori, kori tahi." E heke ana tenei kite hikinga, i hikitia te whare Paremata o te Kotahitanga i te 10 30pm o tenei po o te 28/10/97; mo tera tau. Ko tenei e nga iwi haere mai! haere mai! ki to koutou Kotahitanga. Heoi ano na te komiti o te Apitihana (5) o te Paremata o te Kotahitanga;— Terana Marumaru, Wiremu Ranana, Te Hanea Kawana Kopiha, Hamuera K te Korou, Hemi Rata, NGA RETA TAE MAI. Whangaehu. Noema 14 1897. Ki te Tumuaki o Te Puke Ki Hikurangi;— Kia K H T Rangitakaiwaho. E hoa tena koe; Kia whakapaingia te Atua o tatou tipuna ara te Atua o Aperehama, te Atua o Ihaka, te Atua o Hakopa nana nei korua ko to ta- tou kaumatua ara ko Tamahou Mahupuku i whakaako ki te aroha, ki te rangimarie, me te ngakau e herehere ana. E hoa:— He mea atu tena kia koe kia u- taina atu e koe enei kupu ruarua, ara, e pe- nei ana; Kua oti te haki ia matou i nga ko- miti te 10, pahitia rereatia i te hui i tu ki Whangaehu nei i te 8 onga ra o Noema 1897, te ingoa o taua haki, ko te Aurere ta- nga o te iwi Maori o te Kuini; i runga i ta matou whakaaro, kia panuitia atu ki nga reo e rua, pakeha maori, o Aotearoa me te Waipounamu. Heoi ano, Na H K Rangitakoru Te Kotuku Whare Komiti Reureu Rata, Noema 28 1897. Kia K H T Rangitakaiwaho, Tena koe, me to komiti tau- toko i to tatou Nupepa ia Te Puke ki Hiku- rangi. Heoi e inoi atu ana ahau kia koe kia panuitia atu e koe te ingoa o te ko- miti wahine o Ngati Pikiahu, a, "Mahinara- ngi he komiti no te Taihauauru, i raro ano i te mana o te Kotahitanga o te iwi maori o nga motu e rua o Aotearoa, o te Waipounamu, me te mana hoki o te Tiriti o Waitangi no reira e tika ana kia tae atu tenei ingoa ki te waahi i takoto ai nga ingoa o nga komiti wahine kua tae e tuna ki roto i to tatou wha- re Paremata ki Aotea, me te Waipounamu, me Hikurangi, o tenei huinga kua hori ake nei heoi i te mea kua rite nga tikanga o tenei komiti penei ka tautoko i to tatou nupepa a kei te tautoko hoki i nga mahi kua oti te mahi e to tatou whare me o tatou mema, o te Kotahitanga ko te ingoa anake te wahi e panui penei me te wahi ki tutua ki raro iho nei koia tenei. Te Komiti Wahine o Ngati Pikiahu, ko Mahinarangi; Te Kotuku Whare Komiti Reureu, te kainga Rata; te Poutapeta, e ta- ta ana ki Marton, Piahaere R H Te Huri. Tiamana o taua Komiti. Kite Etita o te Puke ki Hikurangi Tena koe he patai atu tenei naku kia koe ka whakaaturia mai e koe te utu mo te nupepa e te perehi i te tau kia mohio au he hiahia; noku kia tukua mai e koe tetahi nupepa kia au ina mohio au kite utu o te nupepa o te perehi i te tau. Ko toku kainga ko Puketotara ko te Pou- tapeta Orona Piriti. Heoi ano Hemi Warena. WHAKAUTU MO NGA RETA TAE MAI. Papawai. Tihema 21 1897. Kia Te Rangi takoru E koro tena koe, Me o hapu me o komiti kia ora tonu koutou katoa i raro i te atawhai a to tatou Ariki mana koutou e atawhai e manaaki e whakakaha ki te rapu i nga tikanga e ora ai te rahi te iti te rawakore te pani ma te pou- aru me te manene, heoi te mihi. Tenei koa panuitia to panui ki te reo kotahi, ko te take i kore ai e puta kinga reo e ru i he kore kai- whakamaori. E koro kei pouri koa me o hapu ma o komiti tera ano e puta i te puta nga tuarua tuatoru ranei o te pepa nei, otira herea tenei i whakaaro nuitia e te Kotahi- tanga i tae mai ki te komiti o te perehi kia puta nga korero o te pepa nei ki nga e rua, otira e taea hoki te aha. Heoi ano Na K H T Rangi tamaiwaho. Papawai Tihema 21 1897. Kia Poihaere R H Te Huri. Tiamana o Mahinarangi. Tena koe; Tenei kua panuitia e au te ingoa o tena o ta- tou Komiti, heoi mo to patai mai e whia te utu mo taku panuitanga, e hoa kaore he utu tahi mo te panuitanga i nga panui penei engari nga panui mahi moni. Heoi ano Na to hoa K H T Rangitakaiwaho. Papawai Tihema 21 1897. Kia Hemi Warena, E koro tena koe; Heoi te mihi. Tenei kua kite iho i to patai mai i roto i to reta. Ae mau e titiro iho ki te Nupepa nama tahi o te Puke ki Hikurangi. Heoi ano, Na te Etita. Papawai Tihema 21 1897. Kia Rerekura, E koro tena koe; Tenei to reta kua kite iho au, e pai ana ma- ku e tuku atu nga kape e waru: Heoi ano;K H T Rangitakaiwaho. Hikurangi Papawai. Tihema. 21. 1897. E nga iwi, e nga hapu, e nga reo, e nga mana. Tena ra koutou. He whakaatu kia koutou ko to tatou pepa ko te Puke Ki Hikurangi he nui ke atu. Hei te putanga tuarua tuatoru ranei te kite ai koutou, kei te nui tonu o nga korero te tika- nga. Kanui nga, korero kanui haere tonu atu hoki ia. i Heoi ano. i Na te Etita o te Puke Ki Hikurangi. Papawai. Tihema 15 1897 E nga iwi E nga hapu E nga reo E nga mana. Tena ra koutou i raro i te atawhai a to ta- tou Ariki a Ihu Karaiti. Heoi te mihi. He whakamarama atu kia koutou, E titiro iho koutou kinga reta o te Pepa nei e whaka- ngarongaro ami e taea hoki ia nei e au te aha. i runga i te mea kotahi tonu au kai te mahi i nga mahi, ara kei te whakahaere i nga mahi katoa o te Perehi nei. E huri ana kite wha- katotika i tate nei tangata mahi na, E kara- nga mai ana te tahi atu, E huri atu ana ki tera E huri a ia hoki kite matini. Kaati ka pewhea - ai ia nei te totika tanga o nga mahi i te nui noa iho o nga mahi, hei mahinga maku. Ko tahi tonu te tangata i rongo ai au i kite ai hoki i roto i nga tuhituhinga i nga Rongo- pai i roto hoki i te Karaipiture, E ki ana kota hi! tonu taua tangata nana i waha nga hara o te ao, koto tatou Ariki anake ko Ihu Karaiti.' E ngari kia marama ano koutou he Atua teta- hi waahi ona ara ko te whakakikokikotanga i te kupu. Ko au he tangata anake au na reira pea i kore ai au e kaha kite whakahaere i nga i mahi katoa. Heoi ano K H T Rangitakaiwaho