TE   HOA  MAORI.
                       (THE MAORI  FRIEND.)
NAMA 4.         AKARANA,  APERIRA, 1886.         registered as a Magazine

               TE HOA MAORI
    HE ORA MO APOPO.
        (SAFE FOB TO-MORROW).

KOREROTIA   mai ana kia matou
     nga kupu i raro iho nei e tetahi
Apiha i uru me tona hapu ki te whawhai
i Tururana.
  " No tenei ra o te tau kua pahure ake
nei, i te po, ao ake ko te parekura  ki
Uruni, ko maua ko tetahi hoa apiha aku
i waho i te tutei i te parenga o Umuporohi
awa, kahore i maha atu nga maero ki
Uruni. Kua  whawhai nga whakaka o
tetahi o tetahi ki tawahi o te awa i taua
ra, a he maha o o matou hoa kua hinga.
Waiho  atu ana ratou e matou ki to ratou
hinganga i te awawa; ia maua e tu ana
i reira, me te whiti ano  te atarau, ka
rongo maua i tetahi haruru, me te mea
nei he rere wai kei ko rawa atu, me te
whakatata haere mai  ano.  Kaore, ko
nga mano Turu kua heke mai ki tetahi
tarawahi o te awa, ki te tu i to ratou
kotaratara whawhai."
  He kotahi hawa i tu ai maua, i te atarau
e whiti ana, me te whakarongo kia ratou e
haehae ana i nga tinana o o matou hoa kua
hinga i te ra kua pahure. He aha koa
tena ki te hunga kua  mate—otira, ka
puta ake ano  te whakaaro kia maua,
tera pea mo apopo ko maua ka peratia,
kua mohio hoki maua apopo whakaeke
ai. Eo  aku whakaaro taku e korero atu
nei:  kahore he whiriwhiri a te mate.
Ea matau te tangata meake ia haere atu
ki te mate, kahore ana hunahuna, ana
tinihanga ranei.
  Katahi maua ko taku hoa ka korero tu
i tetahi upoko o te Paipera, me te mau
ano o maua hoari ki o maua ringa. Ka-
hore tona ngakau kia tatu ki mua atu.
Ei muri tata iho, ka wawahi maua ki o
maua  teneti, a, ka ui atu ahau ki tona
whakaaro mo te apopo. Ka ki mai ia.
  "He aha noa atu ranei te tukunga iho o
te apopo, ki au, kahore he he moku, e wha-
kawirinaki ana hoki ahau kia te Karaiti.'' 
  Ao ake ka hinga he parekura ki Uruni,
a, whakaora ana te Ariki ia maua nga-
tahi, ko etahi o matou i hinga, ko maua
ia i tohungia hei whakapuaki i tona ata-
whai hei whakapai atu ki a Ia i tenei ao
i raro nei, a, he take nui rawa to maua
mo te whakawhetai ki a Ia mo tona tohu
i a maua aua ki ta te ngutu anake, otira
ki o maua mahi katoa.
  Tena ra to marama o tenei whakapua-
kanga whakawhetai!  I ahei enei Apiha
tokorua  te korerorero kia raua ano  i
runga i te ngakau humarie, wehi kore,
ki nga mate  kino mo  raua pea a te
apopo, me te matau ake, kahore he kino
e pa kia raua  ahakoa mate  raua ora
ranei, he pai nga mea katoa kia raua, no
te mea, e whakawhirinaki ana raua kia
te Karaiti.
  E  hoa korero, e taea ana ranei e koe
te hopu tenei korero i haere mai i te
whawhai ki Tururana?  A, e ahei ana
ranei to ngakau te ki pono ake, " He ora
moku a te apopo, e whakawhirinaki ana
hoki ahau ki a te Karaiti."

  TE TOHU O TE TOTO O TE
          REME.
 (THE SIGN OF THE BLOOD OF THE LAMB).

TENA    titiro ki te whakaahua e mau
      mai nei.  Kei runga he whare-
tapu na nga Etipiana, ko te ahuatanga o
te ra, o te nakahi me nga  parirau kei
runga ake o te tatau, a he mea whakairo
nga pou o te kuwaha ki nga whakaahua
whakapakoko.  Ka tomo nga tangata ki
te whare tapu, me na raro i taua ahua o
te ra, me na waenganui o nga whakapa-
koko kua  whakairoa ki nga taha o te
tatau.  Kei raro ratou i te tiakitanga o o
ratou whakapakoko.  Anana, te horihori
o ta te whakapakoko tiaki!
 . Kua ahiahi—marino tonu—kei te tore-
ngi te ra. Ko nga whare o nga tama a
Iharaira, e pononga nei ki nga Etipiana,
me nga tangata o nga whare, kei te tu

                TE HOA MAORI.
nui mai i nga tatau. Ki  te titiro koe ki
te whare tu tata mai me tona tatau, me
ona pou, me te karupe hoki, ka kite koe
i te mea e meingatia ana e te tangata
Iharaira he kuutanga hihopa, kei te ringa
e mau ana, ko tana tama matamua kei te
pupuri i te peihana i nga toto o te reme,
ki te ritenga o ta te Atua tono. Ko nga
tangata tokorua i nga kakahu ma  he
tangata rangatira no nga Etipiana, a e
titiro miharo atu ana ratou tahi ko nga
tamariki tokotoru i to raua taha, ki te
mahi rere ke a te Iharaira.  Na,  titiro
ki ko atu ki nga tangata i te roro o a
ratou whare; ko nga  papa kei te pera
ano me tenei, kei te tauhi ratou i nga toto ki
te karupe me nga pou o te tatau, a pera
katoa ana ia tangata ia tangata o nga
whare katoa o Iharaira i taua ahiahi e
korero nei tatou. Kei te whakaaro nui
ia tangata o Iharaira ki tenei kupu wha-
kamiharo a te Atua, e—" Tikina tango-
hia mai ma koutou he reme, kia rite ki o
koutou hapu ririki, patua hoki te kape-
nga.  A tangohia he paihere hihopa, ka
tuku ai ki te toto i roto i te peihana, a,
ka tauhi atu ki te karupe me nga pou e
rua, te toto i roto i te peihana." Ko
Iharaira katoa i taua ahiahi, i te whaka-
rite i te tono a te Atua.
  Kua taka mai ta Ihowa wa e whaka-
puta mai ai ia i Tona iwi i te whenua o
Ihipa, i te whare whakapononga, i nga
atua o Ihipa me nga whakapakoko hoki
o taua whenua, a, ko Tana huarahi, kei
te toto o te reme. Me tauhi aua toto ki
te karupe me nga pou e rua, ara, ki te
ritenga hoki o te wahi i whakamana ai e
nga Etipiana nga tohu o a ratou whaka-
pakoko ki o ratou whare tapu. Ko  ta
te Atua tohu, i tikina ki te mate e mate
ai Tana Tamaiti e aroha nei Ia, a, kahore
atu he tohu mo te ora, i te ra o to Ihipa
tangi aue.
   Ae, ko te tohu mo Iharaira kei te toto
 o te reme i patua. Na taua tohu, ka
 noho a rangimarie ratou ki roto i o ratou
whare, kei taua tohu to ratou ora. Kua
korerotia ki a ratou e Ihowa, ko a taua
po Ia haere mai ai ki Ihipa, a kua pera-
tia he kupu, " ka kite Ia i te toto i te
karupe, i nga pou e rua hoki, na  ka
kapea e Ihowa te kuwaha, e kore hoki e
tukua e Ia te kai-whakamate kia haere
ki roto ki o koutou whare  patu  ai."—
EKORUHE  xii. 23.
  Na, he patai atu taku; kei raro i tehea
tohu a koe e noho ana ? E  pera ana
ranei koe me te hunga e haere atu ana
ki roto ki te whare tapu i raro i te mana
o te ariki o tenei ao, o tona whakawai
whakanakahi me ona pakau pouri mangu
kere, kei raro ranei koe i nga toto hipoki
o Ihu ? Ko  nga tangata katoa kahore i
hipokina  e te toto, i taea atu e te kai-
whakamate.    Tenei pea ia tetahi kai-
korero e kore e tino marama kei te hea
tohu ranei ia e noho ana. Heoi me tino
whakamarama  matou ki a ia. Kei raro
ranei koe i te hipoki o te toto a Ihu ?
Mehemea  kahore i tenei, kahore ano koe
kia  noa.  Kei  whakahekia  koe e  te
nakahi.  Mehemea  kahore koe i raro i
te hipoki o nga toto o te Kai-whakaora,
kahore ano koe kia ora noa.
  Ka  pahemo te po o ta Ihipa tangi aue,
 a, ka ao te ra, ka puta mai ki waho ia"
papa  o Iharaira katoa me nga tangata
katoa hoki o tona whare, i puta mai ma
raro i te tohu o te toto tauhinga. Kei
 runga ake i a ia me ona tamariki katoa,
 a, kei te tahi taha kei te tahi taha hoki
 o ratou te toto o te reme kapenga. Ko
ta te Atua huarahi whakaora tenei mo te
 katoa, mo te taitamariki mo  te kau-
matua, mo  te mea whai rawa mo te
rawa kore,               '
  Ka  haere o matou whakaaro ki taua
ra nui o te whakaoranga, ka hiahia nui
matou   ka ohia  kia ora ki  raro ki te
taumaru o nga toto o to tatou kai wha-
 kaora, o Ihu, nga tamariki katoa, aha-
 koa tane  wahine ranei, o a  te Atua
 tangata. Aue te mate whakahara mo te

                TE HOA MAORI.
tangata kahore i whakaorangia. He aha
te tukunga  iho ki a ratou kihai nei i
tauhia te karupe me nga pou e rua ki te
toto o te reme kapenga ? Ko to ratou
mutunga kei o te hunga i taumarua i
raro i te tohu o te ra, o te nakahi me
ona pakau.
  Ma  te Atua e hoatu ki a koutou he
hipoki he okioki ki runga ki nga toto o
Ihu to tatou Ariki Kai-whakaora hoki.
Tena, e patai, kei te pera ranei ahau me
nga Etipiana, kei te pera ranei me nga
tamariki o Iharaira ? Kei te ora ranei
ahau ki raro i te hipoki o te toto utu nui
o te Karaiti ?
    Ma te aha ka ma ai aku hara ?
    Ma te toto anake o Ihu;
    Ma te aha ka riro mai ai te korona ?
    Ma nga toto anake o Ihu ?
    Kahore he mea e ma ai te hara—
    Heoi anake ko nga toto o Ihu;
    Kahore he tika o aku mahi pai- -
    Heoi te mea ko nga toto o Ihu.

 TA TE HERAMANA KORERO.
          (A  SAILOR'S STORY.)

KO  taku matua me  aku  tuakana
  turanga whanau i totohu ki te
moana  i te tahi po marangai, ki runga i
to ratou kaipuke  mahi  ika, mate atu
ratou katoa. Kahore i kaha taku whaea
pouaru ki te atawhai i au, na reira, aha-
koa ahau iti, ka riro maku ano ahau e
whakaaro.  I au ano e iti ana, ka riro
ahau  ki runga ki te Manuao, a, hono
ana taku rongo i nga kanga kino rawa;
kihai i roa kua pera ano hoki ahau me
ratou. Kia mohio koutou, mehemea he
tangata kino te kapene o te kaipuke, kei
roto i te kino nga heramana, a, mehe-
mea  he Karaitiana tetahi i roto i a ratou,
he mea whakauaua rawa ki a ia te haere
 tika, i runga i te ara e tika atu ana ki te
 Atua, ki te rangi. Ka mahue i au te
manuao, ka eke ahau he kaipuke ke. I
 tetahi ra tapu, ka ki mai te kapene, " E
 koro ma, kahore he mahi i te ra tapu;
Me haere koutou ki te whare karakia e
pai ana kia koutou." Miharo ana ahau
ki enei kupu, he ahua ke hoki i to tera
kaipuke.  Ka whakarongo  ahau  ki te
kapene, haere ana ki te whare karakia.
Te minita, he kaumatua kua hina. Nga
kupu kauwhau, " Ka koa te hunga e
hiakai ana, e hiainu ana, ki te tika: e
makona   hoki ratou."  Matiu 5. 6., a,
timata tonu i taua ra pu te kawe mai e
te Atua ki toku ngakau te hiahia nui ki
te tika.
  Ngahuru matahi aku hoa heramana,
he hunga kino rawa. Ko ahau anake te
mea e rapu ana i te atawhai o te Atua.
Riri rawa aku hoa a ka tango ake ahau i
taku Paipera ki te korero, no te mea kua
mutu  taku pai atu ki a ratou mahi. I
tetahi po ra tapu i au e korero ana i te
Paipera, e inu ana ratou i ta ratou wai,
a ka timata te whakatoi mai, ka mea,
" Ko te whapono o te kapene, ko te inoi
a te mete me te waiata himene hold, e
kore rawa e pai kia tatou."
  Ka hamumu   tetahi, " E hiahia ana
ahau  kia kokiritia ia ki te moana, a te
po," ko Pita te mea i penei.
  Noho  tonu ano ahau korero ai i taku
Paipera, me te inoi puku kia tukua mai
he kaha i runga : Ko ratou i te inu tonu
i te purei kaari a hoha noa ake.
  I roto to matou kaipuke i te awa; oho
whakarere te hamama, " Kua taka he
tangata ki te wai." Hohoro  tonu taku
peke ki runga, a, ka kite ahau i te potae
heramana e manu ana  i waenganui o
nga  kaipuke. Ka  panga atu e matou
he rakau me te karanga atu "E hopu i
tena," otira kahore i manu taua tangata,
totohu ana. E rua nga hawa  i hao ai
matou  i te wai, ka  hopu ta matou
matau  i tetahi mea. Katahi matou ka
kukume, maea ake, he tinana heramana,
kua mate, ko Pita, ko te tangata i hiahia
 nei ki te kokiri i au ki te wai. Whaka-
 marokia ana e matou ki runga i te kei o
 te kaipuke ; kihai i matao ana kupu

                         TE MATENGA  O NGA ETIPIANA.
taunu ki taku Ihu Karaiti atawhai.
  Ki te korero tetahi tangata hara wha-
kapakari i tenei, kia tupato kei rite ia ki
tenei tangata, ko te mutunga iho hoki o
ratou e taunu ana ki a Ihu, he ara poto
hinaki pouri, ki te mate mutungakore, ki
te reinga! Miharo rawa atu. a te Atua
mahi!  Ko tetahi o matou kua riro ki
tona whakawakanga, otira, kapea ake te
tangata kotahi o matou, ko te katoa atu
kua hopukia e te ringa aroha o Ihu a
kua whakaorangia ki te whakahekenga
toto o te Reme, a, ko te katoa o aku hoa
i whakapono, kua kapene kaipuke i naia-
nei.  Heoi  te mea i kore ko te mea
kotahi, kihai i whakapono.'
  E  kai korero, he kupu taku ki a koe
ka mutu ai ahau. Ko enei tangata kua
whakahoutia, e whakapono ana ratou ki
te Ariki ki a Ihu. Karaiti. Kua mutu

               TE HOA MAORI.
            TE KORERO O TE HERAMANA,
ratou te pononga ki te kino. Kua aroha
atu ratou ki te Tapu.   E  kore e taea
tenei e koe ki runga i to ngakau tawhito.
Me whakahou te ngakau, nga hiahia, me
te tangata katoa, a, ka whakapono he
tangata hou ia.  Ko  nga  mahi o te
pouritanga i paingia e ia i mua kua kino-
ngia inaianei; "Ko nga hua a te Wai-
rua, he aroha, he hari, he rangimarie."
—Karatia  5. 22. Ko enei ana e pai ai;
" Kua pahemo nga mea tawhito; kua
hou nga mea  katoa."—2 Koroniti 5. 17.
E hara te tangata i tona ake rangatira.

               TE HOA  MAORI.
paku koe na  nga he na nga  hara."—
Epeha 2. 1. Kaua e whakaokioki noa
kia ora ra ano koe. E mohio ana a Ihu
ki o hara katoa, a, ki te haere atu to inoi
ki a Ia, e murua katoatia e Ia. Kahore
a te tangata hara mahi mo  tona ora,
heoi ano tana he whakawhirinaki ki te
whakahekenga toto whakautu mona a te
Reme  o te Atua. E taku hoa, whaka-
whirinaki ki a Ia, a, ka ora ai. Whaka-
 uru ki roto ki nga tangata ki nga wahine
 e haere  atu ana  ki te kainga,  ki te
 kororia.
   A, ki te korero te tangata whakapono
 ki te Ariki i tenei, kia mahara ia ki te nui
 o te pai me te kororia ki te Atua, i puta
 ake nei i nga kupu pai aroha hoki, a te
 kapene. Whakamarokia  to ringaringa e
• te hoa karaitiana, arahina he tokomaha
 mau ki a te Karaiti. Kei wareware ki
 nga heramana;  inoi mo ratou.  Ka
 haeremai to tatou Ariki aroha ki te kara-
 nga i a tatou ki te kainga, kia kitea mo
 tatou, i na te kaha o te Wairua Tapu
 noho i roto i a tatou, kua waiho tatou e
 Ia hei kai kohikohi Mona i etahi wairua
 hoa tangata, mo te Karauna o te Kai-
 whakaora !


 KO NGA TIKANGA A TE ATUA
     MO TE WHAKAORA.
     (GOD'S CONDITIONS OF SALVATION).


 KO  nga tangata katoa kua hara kua
   pekerapu, he nui te nama ki te
 Atua, a, kahore kau  a te tangata ake
 mea hei whakautu atu ki a Ia. Kahore
 kau he huarahi whakariterite mo te utu
 atu ki te Atua, kahore a te tangata taonga
 hei whakaea.  E  penei ana me  tetahi
 Rangatira toa e. rua nga miriona moni o
 tana nama a kahore kau noa iho he mea
 hei utu.  I waenga pu o tenei raru o te
 tangata me  tona mate, ka tomo mai
  a te Karaiti, tika tonu ki  te Ripeka,
 kua  pai te Atua ki te mahi a Tona
Tamaiti kotahi e arohangia-nuitia an e
Ia me tona mahi oti, kua whakaarahia a
te Karaiti, kua murua te nama  o te
tangata, kua haere noa te pekerapu.
  Ko  te whakaoranga  tenei! Ko  te
whakahokinga mai tenei!  Tino mara-
ma rawa: Na te Atua tenei i homai noa
ki te tangata.


 E KORE TE ATUA E KARANGA
          TONU.
     (GOD WILL NOT CALL FOB EVER).


 HE   kotahi a te Atua karangatanga,
  e rua, e toru, kaha ake  tona
 karanga i to mua atu i ia karangatanga;
 Ko ona reo karanga kei ona mahi, kei
 Tona kupu, e kore e pohehetia ona reo;
 Otira e kore ia e karanga tonu. E kore
 Tona Wairua  e whakaoho  tonu i te
 tangata, ahakoa ra e tukua mai ana e Ia
 he ra, he  takiwa, he reo, e patukituki
 ana Ia, a, tenei ano te patukituki nei.
 Otira e kore tenei e tohe tonu; Tera te
 wa e haere mai ana e hiahia whakarongo
 ai te taringa, oti e kore e ahei, e hiahia
 ai te ringa ki te hopu atu, otira e kore e
 ahei, te ngakau ki te kohi, otira e kore e
 ahei; Kua tureiti katoa. I te wa o Tana
 pai kahore koutou i pai.
                   

   He  kai whakaatu  nga poropiti katoa
 mona, ara ma tona ingoa ka whiwhi, ai
 ki te murunga kara nga tangata katoa e
 whakapono  ana ki a ia.—Nga Apotoro
 10, 48.

    He pono, he pono taku e mea atu nei
 ki a koutou, Te tangata e rongo ana ki
 taku korero, a e whakapono ana ki toku
 kai tono mai, he oranga tonutanga tona,
  e kore ano hoki ia e riro ki roto ki te
 whakamatenga,  engari kua whiti atu i te
  mate ki te ora.—Hoani 5. 24.

      I a koutou hoki he pononga na  te
   hara, e atea ana koutou i te tika.
     Na i taua wa he aha nga hua i a
  koutou o nga mea e whakama nei koutou ?
  he mate hoki te mutunga o aua mea.
      Tena ko tenei ka atea nei koutou i te
  hara, a ka meinga hei ponongo ma  te
   Atua, he tapu o koutou hua, a, te mutunga
   he oranga tonutanga.
      Ko nga utu hoki o te hara he mate;
  ko ta te Atua ia i homai ai he oranga to-
   nutanga, i roto i a Karaiti Ihu i to tatou
    Ariki.                                 (Roma 6.20-23.)
   He mea ta e GEORGE COUTTS, Ute whare
o te Paipera pukapuka hoki, Karangahape,
Akarana.
   Te  utu kotahi pene, ka rere ma te mera
he pene me  te hawhe pene,—6 herini mo
te rau.
   Published by GEORGE COUTTS  at the
Bible and Book Depot, Karangahape Road,
Auckland.
   Price One Penny, by post 1½d., or 6s. per
hundred.