TE HOA  MAORI
                     (THE  MAORI FRIEND.)
    " Me pehea ka ora ai tatou ki te paopao tatou ki tenei Oranga Nui,
i timataia nei te kororo e te Ariki, a kua whakama mai ki a tatou e te
hunga  i rangona ai."—Hiperu 2, 3,—(Hebrews ii., 3.)
  NAMA 1.]             AKARANA.

                TE HOA MAORL
      KEI RUNGA / TE TANGATA.

  TETAHI   takiwa i mua ake nei, i roto
     i te hau  nui, ka taka tetahi o nga
heramana i runga i te maahi o te kaipuke, ka
pa hoki ki nga taura i a ia e taka atu ana
ki te moana, ka whiua atu he taura ki a ia
e tetahi o nga tangata o te kaipuke, ka mau
i te tangata ra, tona kitenga e mawheto
haere atu ana i roto i ona ringa ka ngaua e
ia ki ona niho, aue, kahore i mau, ka kumea
atu e te kaha o te tere o te kaipuke, i roto i
ona ringa ka whiua haeretia hoki ia e te nui
o te ngaru ki tua o te ihu o te kaipuke, I
runga ake i te haruru o te moana me te turi-
turi o nga taura, ka pa te karanga. Whaka-
orangia, e whakaorangia ia! Whiua atu te
poai whakaora, ka whiua atu te poai ki a ia,
ka mau, me te karanga tonu o te tangata ra
kia whaia  atu ia, i tona whawhai ki te
whakamau  i te poai ki runga ki a ia, ka
mau  tona waewae ki tetahi o nga taura o te
poai ka hinga whakamuri tona matenga, ka
ngaro hoki ia ki raro i te moana, ko te poai
anake i kitea atu me tona waewae e mau
ana ki te taura, ka pa ano te karanga, " Te
poti whakaora," ka rongo te mete o te kai-
puke ki tana karanga ka rere ake ia ki runga
i tona ruma i raro, kahore he hu, ka makere
ki roto ki te poti, me etahi o ona hoa, toko-
wha, ka ata tukua te poti ki te wai a ka
maanu  hoki i runga i te kare o te moana
ano he manu, ka hoea atu te poti ka tae atu
ki te tangata ra ka kumea ki roto i te poti
ka pa te whakahau a te mete, hoea ki te
kaipuke, ka tae ki te taha o te kaipuke ka
hutia ki runga, heoi, ka ora te tangata ra.
Kei penei hoki koe e te tangata hara me te
heramana wahi iti nei ka mate ki te moana,
 kei roto koe i nga wai o te mate, i pehea
 koe i tae atu ai ki reira, kahore he tikanga e
pataitia ai, engari me kimi koe ki te oranga
 mou, e te wairua mate, e ahei ana koe ki te
 kimi oranga mou, me kimi koe i te kaiwha-
 kaora hei awhina, hei whakaora hoki ia koe
 i roto i ou hara, ki te poti whakaora hoki ia
 koe i roto i ou hara, ko te poti whakaora
 tau e kimi ai, kua tae noa atu i mua te
tangi a te hunga hara, ki te kororia o Ihu
ia ia e noho mai nei, a i nga takiwa kua
pahemo atu, ka hoki mai tana kupu ki taua
tangi, " Na ka haere atu ahau." Kua oti
hoki te tuhituhi ko ahau hei whakarite i tau
tikanga e Te Atua. E te wairua mate  ko
Ihu kei tou taha, whakarongo atu ki a ia e
mea mai nei, " Titiro mai ki ahau ka ora
koe."  Na tona aroha nui i arahi mai ia ki
a koe. He hohoro tonu mai tona aroha, ko
te whakaora ia koe tana hiahia nui, he nui
noa ake te kaha o te hamama o nga ana-
hera, i te kotahi mano heramana kaipuke,
mo  te wairua o nga tangata kua ora i te toto
o Ihu, ia ratou hoki e titiro atu ana ki te
koa o te Ariki me te hari hoki i tona aroaro,
He  aha koe ka tuku ai i a koe ki te mate, i
te mea e tata mai ana a Ihu. Kua tae mai
a Ihu ki te rapu ki te whakaora hoki i te
hunga ngaro, mehemea kahore he kai wha-
kaora, ka tangi ai koe, a mehemea ehara ia
i te .kai whakaora mou ka ngakau kore ai
koe i ara ki a koe tenei kupu whakaora e kau
whautia  nei, "Koia  e  whakapono  ana,
mana ma  Ihu ia e whakatika i runga,. i nga
mea katoa."  He kupu pono enei, a e ahu
ano hoki te whakaae  i haere mai a Te
Karaiti ki te ao ki te whakaora i te 
hara, He mano e mate ana, notemea he
no to ratou whakahi, he kore rawa no 
e whakaaro ki te ora mo ratou, ko ta ratou
mea, ma ratou tonu ratou e whakaora, a i
runga i ta ratou whakamatau ki te whakaora i
a ratou ano, ka tau te riri o te Atua ki runga
ki a ratou, a ka mate ratou, kahore te kupu
e mawheto  atu i nga ngutu o te tangata
mate, engari ko te ringa kaha e pupuri ake
nei i a ia tona piringa me tona koa, a ahakoa
hapa te ringa tangata ki te whakaora ki te
kapo mai hoki i tetahi i roto i te ngaru o te
 moana, engari ko te ringa o Ihu, i werohia
 nei, kore, kore rawa atu e hapa, e whaka-
 pono ana ranei koe kia Ihu ? " Whakaro-
 ngo ki ana kupu," ko te aroha tenei ona,
 nana ahau i tuku mai, ko te hunga katoa e
 kite ana i te tamaiti, e whakapono ana hoki
 ki a ia, ka whiwhi ratou ki te oranga tonu-
 tanga. (Hoani vi. 40.)

                 TE HOA MAORI.
TE AROHA O TE ATUA KI TE HUNGA HARA.

HEOI e whakakitea nuitia ana e Te
Atua  tona aroha ki a tatou, ia tatou
hoki e hara ana ka mate a Te Karaiti mo
tatou. (Roma v. 8.)
  Otira kihai i rite ki te hara te  mea  e
homai noa mai, ki te mea hoki na te hara
o te kotahi he tokomaha e mate, tera noa
atu te haranga ki te tokomaha o to Te Atua
aroha noa, ote mea homai hoki i runga o te
aroha noa o te tangata kotahi, o Ihu Karaiti,
(Roma v. 16.)
  Kua puta mai hoki te aroha noa o Te Atua
e ora ai nga tangata katoa. (Taituha ii. 11.)
  Kia  whakatikaia ai tatou e tona aroha
noa kia whiwhi ai ki te taonga, ara ki te
oranga tonutanga e tumanakohia atu nei.
(Taituha  iii. 7.)
  No  konei i kitea ai te aroha o Te Atua ki
a tatou, na te mea kua tonoa mai e Te Atua
tana Tamaiti kotahi ki te ao kia ora ai tatou
ia ia.  (I. Hoani iv. 9.)
  Kihai hoki Te  Atua i tono mai i tana
 Tamaiti ki te ao ki te whakahe i te ao;
 engari kia ora ai te ao ia ia. (Hoani iii. 17.)
  Nana  nei tatou i whakaora, nana hoki
 tatou i karanga, tapu tonu te karangatanga,
 ehara i te mea no a tatou mahi, engari no
 tana ake tikanga i whakatakotoria e ia i mua,
 no te aroha noa hoki, i homai nei ki a tatou
 i roto i te Karaiti Ihu i mua atu o te tima-
 tanga o te ao. A kua whakakitea mai nei
 inaianei i te putanga nui mai o to tatou kai
 whakaora o Ihu Karaiti, a whakakahore nei
 i te mate, a whakakitea mai ana e ia te ora
 me te oranga tonutanga, he mea na te rongo
 pai.  (II. Timoti i. 9, 10.)
   Ma wai tatou e motu ke ai i te aroha o te
 Karaiti ? Ma te whakapawera, ma te rarunga
 mate whakatoi, ma te mate kai, ma te kakahu
 kore, ma te mate ka tata, ma te hoari ranei ?
   Ko te mea hoki ia i tuhituhia. Na te whaka-
 ora ki a koe matoa i whakamatoa ai i te ra
 roa nei, ki ia ana matou he hipi e patua ana.
   Otira i enei mea katoa, nui atu te wiki-
 toria ia tatou he mea na te kai aroha ia tatou.
   U tonu hoki taku whakaaro e kore e ahei
i te mate, e kore i te ora, e kore i nga
mahera, e kore i nga rangatira, e kore i nga
kaha, e kore i nga mea ia tatou nei, e kore i
nga mea e puta mai a mua. E kore ano hoki
i te tike tike, e kore i te hohonu, e kore e
ahei i tetahi atu o nga mea i hanga  te
momotu mai ia tatou i te aroha o te Atua i
tera i roto nei i a Karaiti Ihu i to tatou ,
Ariki,  (Roma viii. 85-89.)
  Me te matua e aroha ana ki ana tamariki
e pena ana to Ihowa aroha ki te hunga e
wehi ana i a ia e matau ana hoki ia ki to
tatou ahua e mahara ana he puehu tatou.
(Waiata ciii. 18, 14.)

    KA WHAKAPONO AHAU INAIANEI.
KA  whakapono  ahau inaianei, ko nga
    kupu tenei a tetahi tangata nui te
pouri o tona ngakau, ka pataia atu e matou
" He aha i pena ai au korero ?" Ka whaka-
hokia ma  e ia, ko nga korero o te karaipi-
ture e mea nei, " Kia manaakia nga tangata
kahore ano i kite, engari e whakapono ana,
ka tau tonu tena whakaritenga mo te taha
ki a ahau.  E  te kai korero, ko Te Karaiti
tonu ehara i te mea, na tona whakaaro tonu
ake era kupu."

   KUA TAE MAI RANEI AHAU KIA IHU.
HE  paipera ano tau ? Kimihia e koe
     te 14 o nga rarangi o te 10 o Maaka,
 kia marama te korero. Patai iho ki a koe
ano, kua tae mai ranei ahau ki a Ihu ? Eo
 ahau ranei tetahi o ana tamariki ririki?
Kia mahara koe ki nga kupu a Ihu." Ko
 ia e haere mai ana kia ahau, e kore ia e
pana atu e ahau ki waho.

     WHAKAPONO  KIA TE KARAITI.
    TAKOTO  mate ana tetahi kotiro i te
      piwa, ka tekau ma ona ona tau; i te
 pataitanga atu ki a ia mehemea kei te koa
 tona ngakau, ka ki mai. Ae, notemea kua
 murua katoatia oku hara e te Karaiti, kahore
 tetahi toenga hara i tau ki runga ki ahau
 kei te wahi ia Te Karaiti e noho mai nei,
 kahore he kino.

  "Na,  koia ano te aroha o  te
Atua  ki te  ao, homai ana e  ia
tana Tamaiti ko  tahi, kia kahore
ai e mate te tangata, e whakapono
ana ki a ia, engari kia whiwhi ai ki
te oranga tonutanga."