![]() |
Te Wananga 1874-1878: Volume 1, Number 1. 05 August 1874 |
![]() |
1 1 |
▲back to top |
TE WANANGA. HE PANUITANGA TENA KIA KITE KOUTOU. " TIHE MAURI-ORA. NAMA, 1. PAKOWHAI, WENEREI, AKUHATA, 5, 1874. PUKAPUKA, 1. HE PEREHI tenei mo te Motu katoa, mo nga tangata maori, kua huaina tona ingoa ko te Wananga o nga iwi katoa inaianei, kahore ahau e karakia ana ki ^ nga atua maori, hei ritenga ia mo to Perehi e huihui tt tatou ki te whakaaro kotahi, koia i huaina ai kia te Wananga, no te mea, mo tatou katoa tenei taonga. Ma tenei pea ka tino mohiotia to tuakana- tanga o tatou, me te whanaungatanga. TENA KOE, e Tainui, tena koe e, te Arawa, tena koe, e Kurahaupo, tena koe, e Tokomaru, tena koe, o Matatua, tena koe, e Horouta, tena koe, e Mamaru, tena koe, e Riukakara, tena koe, e Kuramarotini, tena koe, e Aotea,— Tenei ahau, te Wananga o nga mea katoa, a nga tupuna, o nga waka, ka maranga kai runga, Tihe mauriora. Kihai i ora noa te tangata, na Papa i whangai, i nui ai te uri ki te ao nei, kihai a Papa, i mahana i te tarutaru anake, na Tane i whakakakahu, ki te Waonui, i mahuru ai te kopu o Papa. I takea mai i nga atua, to korenga o te tangata, Whaihoki na reira i nui ai, nga mahara, me te mohiotanga o nga kahika. A e kore ia nei e mahue te para, o nga matua ia tatou. Te kai o te po he moe, Te kai o te ao i te wa o te ra e whiti ana, he mahi. Te hua o te mauri mata tu tonu, he kai, he ora. I nga wa o mua, i nga ra o te Wananga e tapu ana, na Tu te Marae, ko nga ra era o te whangai karu. I tenei ra i nga wa o te Wananga, kua kawea ki te urupa nehu ai, i enei ra, i nga rongo o Rongomatane kua noho i te marae, i enei ra i nga wa o te whare Huata, kua kohia a roto ki nga taonga o maitai: akona te ki korerotia, te whakapapa o te iwi, . ka tupu ki te nui ki te ora, ka kai ai te mara a Rongo- matane. Hirihiria nga karakia taonga; tohia nga karakia awa moana, kia tere a waipuke te waka o Maitai, kia eke mai ki te Ika a to koutou tupuna a Maui, karangatia te manuhiri tuarangi, kia peka mai ki te kainga, horahia mai o koutou taonga o mua, kia kata te marea akona he mahara, turia nga korero o mua, wetekia nga putea o te mohiotanga, akona ki nga iwi e pae nei, kia rongo te ao, kia kite me kore e titiro nga kanohi, me kore e karanga e hoa ma e, i naia te ra e whiti nei, waiata tonu iho whiti ana te ra i tua o Tawauwau tauare te waka i roto te kopua. I tupu mai te mana o te tangata i te iwi, me te Rangatira- tanga, me to whai taonga me te karanga ki te manuhiri. Waihoki me tenei taonga, ma koutou e kai ponu i te taonga, ka kore koutou e kite, i te painga. Ko ahau te papa, ko koutou nga tohunga. Tenei ahau e te iwi, whangaia mai ahau ki nga korero nui, ki nga korero iti, te mate me te ora. Heoi nga mea i whakaarohia, hei whakaputa i nga tino kupu e wawatatia nei o te ngakau. E hoa ma e hara tenei i te mea hei wehewehe, i a tatou, engari hei whakakotahi i te haere ma tatou. Hei kawe ki te ao i nga mea o manakohia ana e te ngakau, i nga mate i nga pouritanga, no te mea ehara tenei mahi te whakahe, raua ko te mate; i te mea, ka whakarere noatia e te tangata : he mea mau tonu, i nga whakatupuranga katoa. Koia tenei taonga i maharatia ai, kia mauria hei taonga mo te motu katoa. Koia e whakahaua nei kia koutou, kia homai nga korero iti, me nga korero rahi, nga mate, mo nga ora, hei kawe kau atu ki te ao, hei kito kau ma te ao. Ko waihoki hei titiro mai ki tenei iwi ki te maori, hei titiro hoki i nga, mahi e mahia nei ki te whenua raua ko te tangata. Tera pea ka manakitia etahi, ka mahuetia etahi, hei paru takahanga. Haere mai mahia tenei mahi, kua. whakamaramatia nga tikanga katoa e mau i runga ake nei, kua huihuia nga whakaaro o ia iwi, o ia iwi, kia kotahi. Me tana mahi, me tana haere, e puta ana nga rongo-pai kia tatou, a e rongo ana tatou i te mohiotanga. E hara i te mahi penei me enei mahi, e whakakino nei i te ingoa o to maori. Ko te mea ko nga kupu e ahua whakapae ana mo tetahi tangata, e kore tena e manakitia, e te Wananga, heoti nga mea e whakatupatoria kia koutou, mo a koutou tuku korero mai kia au, kei ki koutou i mahuetia a koutou whakaaro. Koia na te haere a te Wananga no te mea i Oatitia ia i runga i te ritenga o te Ture o nga Perehi i Nui Tireni, e mahi ana ia inaianei, kotahi tonu te haere o nga Perehi katoa. Heoi ra e hoa ma, ma koutou te whakaaro mai ki te tuku mai i o koutou whakaaro kia whakaaturia. Tena ano ka tukua nga korero o tenei tau o te nohoanga o te Paremata, me nga whakaritenga Ture i mahia e taua Paremata.
![]() |
2 2 |
▲back to top |
TE WANANGA. • He mea i ata maharatia e matou e nga tangata o Waenganui o te Ika. o to koutou tupuna, a Maui, kia tangohia tenei taonga ma koutou hei kawe: i a koutou -whakaaro ki nga motu, o te moana kia kite te ' ao katoa, I a koutou whakaaro, I te rapu o koutou i nga huarahi . o te whai rawatanga ki te tangata. E | mahara . ana ahau a te Wananga, ko to koutou kuaretanga me to - koutou .mate he rua no nga reo he maori he reo pakeha, mahara ai a ahau a te Wananga tena kawea mai a koutou whakaaro kia kawea e au! ; ki te. ao katoa tera pea ka manaakitia . e te hunga e , kitea f koutou whakaaro, i te mea kua riro ko ahau ko te Wananga hei Meera ma koutou,, no te mea he tangata maori nei ano ahau. E hara i te mea ka whakamutua e ahau taku mahi, tono kia. koutou, E .; i te mea ko nga kupu e kino..ai tetahi ki tetahi e Anaru Patena Te Wananga Kapekuka. Te Wananga Te Wananga Paremata, Poneke. Nepia Winiteta te ingoa 26 o Hurae Pearehi Rititana, Ingarangi Rititana. 164
![]() |
3 3 |
▲back to top |
TE WANANGA. Timaru Kumaranga Hami Marera, Poti Hama. 70 Ingarangi Poti Hama Akarana, Ingarangi 470. Ko NGA UTU enei o te hoko o te kau, o te hipi, o . te hoiho, i Akarana. A ki ana a Te Hata, raua ko te Norini ; e manaakitia ana e to iwi nga kau -whakatete wai-u. E utua ana mo enei, e £7 10, he mea ano, e I £12 mo te mea kotahi ; mo te kau e patua ana hei i kai mo nga mea momona, e 35 hereni, he mea ano, i e 40 hereni, nao te 100 pauna taimaha. E kiia ana | ki te mea o koro e utaina mai i nga whenua whai kau ; i he kau ma nga Pakeha o Akarana, ka nui haere te utu mo te piwhi i reira. A e iti ana ano hoki nga hipi o reira; ko te utu mo te pauna taimaha, mo nga pauna e 8, e 3 hereni me te 4 kapa. HIINI tae mai nga korero o nga Tiati o te Kooti whakawa whenua Maori. Mehemea Kua korero mai aua Tiati i a ratou whakaaro mo nga tikanga, me te ara o te mahi, Whenua Maori 1873. Tiati ki te Kawanatanga kia homai aua pukapuka kia tirohia e nga Mema o te Paremata. Ka mea a Te Wokera, he tini nga pukapuka kua tae mai, he tini. ano hoki nga whakaaro tangotango i nga tikanga o taua Ture whakawa whenua Maori, kua tae mai ki te Paremata Wokera- Te Kirihi nga Maori ki te Kawana- tanga ; Te Wokera Kawanatanga. Ko era anake ; kahore etahi e homai e I te Kawanatanga. Paremata. Ka mea a i Te Kere, tenei taku kupu ki te Paremata, kia tono . ahau kia homai, kia kite nga Mema o te Paremata i | nga pukapuka katoa i tuhituhia atu e Te Tari Maori, ki nga Komihana hoko whenua o Te Ihi Kepa ; mo nga whenua e hokona ana, me nga whenua e Rihitia ana i te Ihi Kepa; me nga pukapuka katoa ano hoki a aua Komihana hoko whenua ki te Kawanatanga; ka tono ano hoki tihau i nga pukapuka katoa a te Kawana- tanga ki te Komihana. Takiwa hoko whenua kia kite te Paremata nei; me nga pukapuka katoa o taua Komihana ki te Kawanatanga. NGA KORERO o te Whare Runanga Ariki o te Paremata o Ingarangi Ranana no Hurae 1874. Ka mea atu a Eara Kaniwara ki te Runanga Ariki kua taemai nga korero ote Kingi, me nga-Rangatira o Whiitii, mo ta ratou whenua, kia mahia nga tikanga o taua whenua e Te Kuini o Ingarangi; otira, kotahi te kau ma toru nga upoko o a ratou korero o taua Kingi, me ana Rangatira; kihai ata tau, ki nga whakaara o te Kawanatanga o Ingarangi, ko te tikanga e whakaae ai a Ingarangi ; kia maana anake nga tikanga ako mo te Kawanatanga o tana whenua. A ka mea ano a Te Eara Kaniwara; kahore ano i tino nui noa, i tino tae ki ona mohiotanga o nga kahanga e kaha ai nga mahi o nga Kawanatanga o nga Koroni o Atareria, e tika ai ano, ma aua Koroni e mahi te Kawanatanga o Whiitii; kua tae te korero o te Kawanatanga o Ingarani»!-kia Kawana Hakarihi Ropihana, te Kawana o Niu Hauta Wera, kia haere ai ia ki Whiitii, ki reira korero ai, me te ako i nga tikanga o te whakaaro o te Kawanatanga No te korerotanga e te Runanga Ariki i a ratou korero mo Whiitii, ka mea Te Eara o Paremoa, me te Tiuka o Manaheta, me te Eara Kimere, e pai ana ratou kia mahia, e Ingarangi nga tikanga o te Kawanatanga o Whiitii; ka mea a Wai kauta Katapere, me Eara Karaniwera, ki ta raua whakaaro i mea ano te Runanga o nga Ariki i tera turanga o to ratou Paremata, kahore i pai taua Runanga Ariki kia mahia e Ingarangi te mahi--Kawanatanga o Whiitii; engari me waiho ano ma o reira tangata ano e mahi ta ratou Kawanatanga. Ko TE WERA, ko te tangata i tu i Nui Tireni nei hei Koroniara Hekeretari, a kua tu i a Te Kuini hei Kawana mo Atareria, kua kiia ano e Kuini kia haere a ia hei Kawana mo Tahimenia. E KI ANA nga korero mai o Waikato ; Kanui te mahi witi o nga tangata i te Kopua, kua oti i a ratou nga.eka 100, te mahi hei tupuranga whi. E KI ANA nga nupepa o Ingarangi, kua rangona tei kupu, e korerotia ana ko te Tiuka Ariki te tamaiti o te Kingi a Ruhia, e mea ana, ka-marenatia ki tetahi o nga Piriniheha o Ingarangi, te tamahine a Kuini Wikitoria ; ko Piateihi te ingoa o taua Piriniheha. - E ahua whakaponohia ana aua korero e nga nunui o te ao nei. No te 1850 taua tamaiti o te Kingi o Ruhia i whanau ai, a no te 18577 taua tamahine a te Kuini i whanau ai. Kua rongo ano te iwi i era marama, onga korero o te marenatanga o te Tiuka o Erinipara ki tetahi o nga tamahine o te Kingi-o Ruhia, a • ko te tungane tenei, o taua wahine a te Tiuka o Erinipara, ka marenatia nei ki te tuahine ano o te Tiuka o Erinipara. He mea ta e Henare Hira, a he mea panui e HENARE TOMOANA, e te tangata nana tenei nupepa,- i te i whare ta, o "Te Wananga" i Pakowhai, Nepia. WENEREI, AKUHATA, 5, 1874.