![]() |
Te Waka Maori o Aotearoa 1884: Volume 5. 02 May 1884 |
![]() |
1 1 |
▲back to top |
TE WAKA MAORI. Hoea te Waka, ha! O A O T E A R O A. KO TE TIKA. KO TE PONO. KO TE AROHA. NO 3 TURANGANUI, KIHIPANE, MEI 2, 18884 Te utu 6d. HOKO NUI 0 TE TAONGA ME TONA TINI O TE KAKAHU. NA HORI MOA. MO TE MARAMA KOTAHI ANAKE. NO te mea, E hiahia ia au ki te whakawatea i taku Toa, Hei Takotoranga mo nga Taonga, Hou, Ehara mai ana i te marama o Maehe Ko Katoa aku Taonga, ka tukua ki te Hoko mo te utu iti rawa. Ko ia nei etahi o ana Taonga. He kakahu wahine, he kaone wuuru he kaone kara ma, puuru. He kareko ma he kareko hei hiiti. He Pairakete ma, he Paraikete raka, kara, he Paranene. He Peehi moenga, he kori wahine, me tona tino o nga kakahu wahine. Ko enei Kakahu i whatua i te Koroni o Niu Tireni, e nga tino kai hanga kakahu i Kaiapoi, me Rohirena, me Mohikera, nga kainga mahi o aua kai hanga kakahu. He Kakahu i ata hangaia mo nga tane menga taitamariki. He pihi Wuuru, mo te Tarutete, koti, wekoti. He nui atu te Ingarihi, koti, tuira, tarautete mo te tangata pakeke mo te tamariki. He nui ata nga tu kakahu mo te tane kei au. Kai Mahara nga tangata katoa. NO HORI MA. (I mua na Renata) KEI KARATITONE RORI, KIHIPANE. PANUITANGA. Kia aku hoa Maori katoa. Tena ra koutou, e hoa ma. He kupu whakaatu atu tenei naku kia koutou katoa kia mohio mai koutou e kite ana koutou I ahau e noho ona e hoko ma I nga taonga kia koutou i te whare e Wiremu Atea kei Kihipana nei, i enei tau etoru kua pahure ake nei. I tenei kua mutu taku mahi kia ia. A kua tangohia e ahau i te tari tawhito, o te Rihi Roia te whare hoko taonga moku Ki te haere mai nga tangata Maori ki Kihipana ki te hoko me haere mai ratou ki taku whare toa, i te tuatahi ki Matakitaki i nga taonga o roto. He nui nga tahi o taku mahi hoko taonga no reira taku mohiotanga ki nga kakahu me nga taonga o roto. He nui ki tau o taku mahi hoko taonga no reira taku mohiotanga ki nga kakahu me nga taonga e paingia ana e hiahiatia aua e nga tangata katoa. No reira taku kupu kia koutou kia haere mai kia kite aku taonga hou katoa, me hoko i aku taonga, me korero hoki koutou ki a koutou hoa kia haere mai hoki ki te hoko. He taonga pai te taonga utu ngawari, Ko taku whare he toa hoko taonga ki nga tangata Maori me nga tangata Pakeha e rite tona ana ki au raua erua, tetahi ki tetahi kaore te tangata ke. Kahore e tukua ke nama ki te Tangata e hoko ana i nga taonga o tenei whare, ahakoa Pakeha maori ranei, Konei Kaha ai ahau Ki te whakaiti i nga utu aku taonga. Ko etahi tou e tuku nama ana na reira I whakapikia ai nga utu. Tena ko nga utu aku taonga Kahore he take i whakapikia ai. Haere mai nga tangata katoa ki te titiro i nga taonga hou. HAERE MAI, HAERE MAI, HAERE MAI. Na ta koutou hoa NA ARIKI KIWHA. Kihipane, Tihema 5, 1884. ÿ
![]() |
2 2 |
▲back to top |
KI A MAUA HOA MAORI HE whakamaharatanga atu tenei kia koutou, kei e maua e takoto ana inaianei nga PAURA tino pai rawa. He HOA, ka TINGARA ano hoki. He PU TUPARA he PU HAKIMANA. HE PU PURUKUMU, he Kariri me nga mea hoki mo te whakapuru. He whakapuru, he tangata me nga whakarawe hou. Kua kawea katoatia mai enei mea e maua I Ingarangi i te kainga i hangaia mai ai, no reira ko taea e ma te hoea atu kia koutou i nga mea pai rawa ma te whakahoki iho ano i nga utu ki raro rawa tetahi atu tangata. Ka taea e maua te hoko kia koutou I te pu pai mo nga PAUNA E RUA. Tenei nga PAKAWE HOTA, Nga PARAHI PAURA, Me nga mea katoa e teahaki ai teatea Kia mahara mai ki a koutou HOA TAWHITO ka PANERA me PAERANA i te Whare Matai, te whare pai rawa ma koutou, he pai no nga taonga, he ngawari hoki no nga utu. He Kaka, Kaheru, Parau, Rakaraka. He Ti, Huka Tupeka. He Pu, he Paura, He Hota, he Tingara. Na PANERA me PAERANA TERMS OF SUBSCRIPTION. The subscription to the Waka Maori is 6s. per year, payable in advance. Persons desirous of becoming sunscribers can have the paper posted to their address by transmitting that amount to Editor, Post Office Box No. 10, Gisborne. TE UTU MO TE WAKA. KO te utu mo te WAKA MAORI i te tau e ono hereni, me homai taua moni ki mua. Ka tukuna atu te nuipepa i te Meara ki te tangata e hiahia ana me ka tukua mai e ia tana moni ki a te Kaituhi o te Waka Maori. Pouaka, No.10, Poohitapeta, Gisborne. He pane kuini, He ote moni ranei te moni tika ki te tuku mai te meera. Ko te mea tika rawa me huihui nga moni o E tangata o te Wahi Kotahi. Ki te tahi tangata Kaitiaki Toa, Apiha ranei o tana takiwa mana e tuku huihui mai nga moni. Mo te whakaaturanga o nga tangata nana nga moni. TE WAKA MAORI O AOTEAROA. TURANGANUI, KIHIPANE, MEI 2, 1884. Tenei ka puta ano te Waka nei runga tana hoe ki te mau atu i nga korero hou, me te whakarongo haere ake nga taringa o nga kaihoe, ki nga hamumu tanga o nga iwi kia mohiotia ai nga taonga a hiahia nuitia ana e ratou. He maha hoki nga whakaaro a te tangata a te kore e taea noatia e te mahara ko te tangata kotahi, te kapo mai i nga tini hiahia o te tokomaha. Ko tetahi tangata e hiahia ana ki etahi tu korero, ko tetahi e hiahia ki etahi atu. Ko tetahi e ki ana, kia whakarerea nga korero o Niu Tireni ake, a ki ana kia utaina mai ko nga mea o tawahi, ko tetahi e ki ana, me hapai tatou i nga rongo korero o enei Takiwa, o nga mea e whai ritenga ai tatou. Kati, e penei ana ta matou whakaaro, me takoto tahi taua rua, ki runga ki te Waka, kia rawe ai mo te katoa. Na e puare ana nga koramu o te nupepa nei ki nga tangata tautoko mai. Ma koutou ano hoki e tuku mai i nga utanga ataahua, i nga whakaaro mohio, a te tokomaha, a ma reira ka rekareka haere ai te mahi. Heoi tena. E tukuna atu ana i tenei putanga o te nupepa, te timatanga o nga Pire mo te taha maori, i whakahuatia ra, i te oroko maanutanga o te Waka, a ka whakaputaia haeretia aua Pire, ia takiwa, ia takiwa. Te Pire mo tenei putanga, ko te mea mo te Whakatu Komiti Maori, a na enei korero roa, i whakaapiapi i te Waka, te ai he takotoranga mo nga korero tuku mai a etahi tangata. Kati ka tiakina mariretia ano aua korero mo tetahi hoenga. Ko ta ra i whakaritea hei kuhia mo ia Para moto ki Poneke teitei iri, ko te tekau ma whitu a nga ra e Aperira nei heoi e kite m e matou ki te Kawhiti a Niu Tireni, kua whakanekeha, ata te ra hei huinga ki te Taiai te rima e nga ra o Hune. I rongo korero matou mo te nukuhanga a te Kooti whenua Maori o Uawa, a e ki ana kua tae atu hoki taua korero ki nga tangata Maori o te Tairawhiti. Tena no te pataetanga ki te Rehita a te Kooti i Kihipane rei, ka ki a ia te korero tipatipa raua korero, kaore ano hoki i tae mai ka whakaturanga ki a ia, mo te nukuhanga o te Kooti. E patae mai ana e Pera te Ahua ki nga utu mo te koramu o Niupepa hei engari kahore i te marama ana patae. Ko nga tangata tuku panui atu ki nga taonga kia hokohokoa anake, nga mea a utu ana i te koramu, i te hawhe koramu, i te koata koramu, ki te katoa o nga tangata e tautoko mai ana i te nupepa, he mea atu i te ritenga o te ono hereni mo te tau. Ka nui te amuamu me te whakatakariri hoki a etahi maori, mo te kore puta mai e nga raihana ma ratou kua timata noa atu hoki te takiwa mo te pupuhi manu, a e hiahia ana ratua kia patua mai he kereru i te wa e momona ana. Kati kahore amo i marama noa te take, i kore ai e puta aua reihana, engari o rongo ana matou, katahi te tau i puta nui ai nga reihana paura ki nga maori, a tena atu pea te take i hapa ai etahi. Tenei te Panui hou a Poata me Korowhata, kei nga wharangi o te nupepa nei. He whakaatutanga ki nga tangata pupuhi manu o te Tairawhiti kua timataia e raua te hoko Paura, Hota, me ona tu mea, ki ta raua toa i Mataahu. A kei runga i te kaipuke e haere mail ana, ki reira ano ki Mataahu nga Paraikete, nga Hooro, nga Hu, me te tini noaiho o ena tu mea, e rite ana mo te makariri, kua timata mai nei. E tuku korero mai ana te Kaititiro hipi o Otakou, ki te Kawanataanga, mo te matenga a nga hipi e tena takiwa he mea patu na te manu e mohiotia ana ki reira he Kea. E ki ana ia Kotahi tona te po i mata ai nga mai e rua raua i tetahi teihana i to taha o Roto Wanaka. He tino taru kino rawa ata tena manu. Tona ahua he penei me te Karearea, engari e rerere ana i te po, ki te rapu kai mana. E ki ana ko te wahi o te hipi e kainga ana e taua manu, ko nga whatukuhu. Tau ana ki nga tuara o nga hipi, timata tonu atu te haohao i nga kiko o te mara kia taea ra ano e ia te wahi e pirangitia aua o ia, a mate atu, mate aru te hipi i tana tahae po. Kati kua whaitikangatia i tera wahi, kia patupatua katoatia aua manu, a e ana nga kai patu, i runga i te ritenga o te wha hereni mo te ngutu kotahi o te manu, a e ki ana taua Kaititiro hipi ra, 1374 nga ngutu i kawea mai ki taua tari anake. ÿ
![]() |
3 3 |
▲back to top |
HE TURE HEI WHAKATU KOMITI MAORI I ROTO I NGA TAKIWA E PANUITIA ANA HEI PERA. Ka meingatia hei ture e te Runanga Nui o Niu Tireni e noho huihui ana i roto i te Paremete i runga ano i tono mana, koia tenei, 1. Ko te ingoa poto o tenei Ture, ko Te Ture Komiti Maori, 1883. 2. Tangata Maori tona tikanga i roto i tenei Ture ko nga maori ko nga hawhekaihe, mo nga uri o nga hawhekaihe i na te taha Maori. 3. E ahei ana Te Kanawa ki te panui takiwa, hei Takiwa Maori mo nga ritenga o tenei Ture, a ka taea ano hoki e ia te whakarere ke, te whakakore ranei i taua panui, i ona wa e pai ana ia. 4. Ko te kaiwhakawa Tuturu, ko te Apiha whakahaere ranei a te Kawanatanga, e whakaturia ana e taua panuitanga, mo tetahi o nga takiwa e panuitia ana i raro i tenei Ture, ka whai mana tonu ki runga ki taua takiwa, a muri nei whakahuatia ai tona ingoa ko te Apiha Waakahaere Pooti, na ma taua Apihi e tukutuku nga whakaatu ma roto i te nupepa me pukapuka whakapiri haere, me pehea atu ranei ki nga wahi e nui ana te noho o nga tangata o te takiwa, ko aua whakaatu, he whakarite i tetahi ra, me kaua e hoki iho i nga ra e rua tekau ma tahi i muri iho i te putanga o te panui, ko taua ra, hei ra pootitanga i te Komiti maori mo taua takiwa, na i roto ano i taua panui whakaatu a ia Apiha me whakarite ano o ia tetahi wahi hei tukunga atu mo nga whakahuatanga ingoa o nga tangata Maori e pootitia ana hei mema mo te Komiti Maori, a ma te Apiha ano e ata tohutohu nga tangata e whai mana ana ki te pooti mema mo te Komiti o te takiwa. 5. Na hei taua ra e whakahuatia ake nei, me noho te Apiha Whakahaere Pooti i te wahi i whakaritea ai, timata atu i te tekau o nga haora o te ata tae atu ki te wha o nga haora o te ahiahi, ko te mahi mana, he tango i nga pooti e tuhia ana, e kiia a wahatia atu ana ranei, mo tetahi tangata maori, mo etahi tangata maori ranei, me kaua e nui atu i te tekau ma rua hei mema mo te Komiti. Ko aua tangata mo te Komiti, me tangata e noho tuturu ana i roto i te takiwa e pootitia ana, a e mana ana hoki ki te pooti, mo tetahi Mema Maori mo te Paremete. 6. Ko nga tangata kotahi tekau ma rua, e nui ana nga pooti mo ratou ka tu ko ratou hei Komiti mo te takiwa, hei te tekau ma rua o nga haora o te ra i muri i te ra pooti ma te Apiha Whakahaere Pooti e whakapiri ki tetahi wahi o kitea nuitia ana e te katoa, nga ingoa o nga tangata o te Komiti i tu i te pootitanga, tetahi, me tuku e ia nga ingoa o te Komiti ki te Minita mo te Taha Maori, a ma Te Minita e mea, kia taia ki te Kahiti, ko ratou hei Komiti mo te takiwa. 7. Me mana enei tikanga i roto i nga whakaturanga Komiti;- (1) Ko te tangata e tika ana ki te pooti mema mo te Komiti, ka tika ano kia tu, me pootitia ana hei mema mo tana Komiti. (2) Ka ahei noa atu i etahi mema ki te whakakoro ia i a i tona taonga, me tuhituhi e ia ki te Tiamana, mo ki a waha ranei e ia i tetahi huinga o te Komiti, ka mutu tona mematanga. (3) Ki te whai hara tetahi mema, a e taea ana ia te whiu ki te whareherehere i raro i tetahi o nga ture o te Koroni, ka hinga tona taonga i kona. (4) Ki te ngaro tonu tetahi mema i nga huinga e wha o te Komiti, mehemea e whai tonu ana aua ra hui i muri i tetahi i ngaro ai ia, a kaorei whakaaetia atu e te Komiti taua ngaronga ona, na ka hinga ia i tona nohonga. (5) E kore e kiia he te tu o te Komiti, mehemea e iti iho ana i to tekau ma rua nga mema i pootitia, engari ki te iti haere iho i te ono nga mema, katahi ka kore te Komiti i kona, me whakatu ano he pooti hou, pera me te meatanga tuatahi. (6) E ahei ana Te Kawana, i ona wa e paingia ana e ia, ki te whakakore i te Komiti, ki te whakarite hoki kia pooti houtia ano. 8. Me mana tonu enei tikanga i roto i nga huinga Komiti:- (1) Ko te hunga tuatahi o te Komiti ma te Minita mo te taha Maori e haranga, na ko nga huinga katoa a muri atu ma te Tiamana a karanga i runga i taua huarahi e pai ana ia. (2) I te huinga tuatahi a te Komiti me whakatu tetahi a nga mama hei Tiamana i muri tena, me tere tonu te haere e te Tiamana ki te Apiha Whakahaere, pooti kia Oatitia ia ka piri pono ia ki a Te Kuini, e whakamaniaia aua hoki i konei taua Apiha ki te whakaoati pera. (3) Ka mutu te oati a te Tiamana, ka tahuri ia ki te whakaoati i nga mema katoa o te Komiti, e kore hoki e ahei te mema ki te noho i runga i te Komiti, i te mea kaore ano ia kia oati. (4) E kore e whai mana te Komiti ki te mahi, mehemea e iti iho ana nga mema e tae ana ki te huinga Komiti i ta tenei Ture i mea ai: Koia tenei, mehemea i pootitia tokowaru, kotahi te kau, kotahi te kau ma rua ranei nga mema mo te Komiti, na me tae te hawhe o ena ki nga huinga Komiti, katahi ka maua te mahi a te Komiti, na mehemea i tu tokowhitu, tokoiwa, kotahi tekau ma tahi ranei, nga mema mo te Komiti i te pootitanga, me tae ano te nuinga o ena ki nga huinga Komiti, katahi ka mana te mahi a te Komiti, mehemea i tokoono tonu nga mema i pootitia mo te Komiti, kia tokowha rawa e tae ki te huinga Komiti, he mana ai. (5) Mehemea kei reira te Tiamana, ko ia he upoko i nga huinga katoa o te Komiti, ki te ngaro ia i tetahi huinga, ma nga mema i reira e whakatu tetahi mema ano i reira, hei Tiamana mo taua huinga o te Komiti. (6) Katoa nga putake korero e tae ana ki te aroaro o te Komiti, me whakatu i runga i te tikanga pooti, kei te nuinga ano o nga pooti te kaha, ki te rute nga pooti o tetahi taha me tetahi taha, me takirua nga pooti ma te Tiamana ma te mema ranei e tu ana hei Tiamana ma ko te rua o aua pooti hei pooti whakatau. (7) Ma te Tiamana e mea, kia tuhia nga mahi a te Komiti ki roto ki tetahi pukapuka, me tuhi ano ki roto ki taua pukapuka, nga ingoa o nga mema e tae ana ki ia huinga o te Komiti, me nga ingoa o nga mema e pooti ana i runga i ia a putake korero, me te ÿ
![]() |
4 4 |
▲back to top |
taha e pooti ana ia mema, i nga pootitanga o roto i te Komiti. Me tuhituhi ano ki roto ki taua pukapuka nga motini, nga ota, me nga whakahaerenga ranei e te Poari me te whakaatu hoki i nga whakaaetanga mo te ngaronga o ia mema, e ngaro ana i runga i te tono. (8) Ka hui ana te Komiti me panui nga mahinga o te Komiti i tu i mua tata atu, a mehemea ki te whakapaingia e te Komiti, me tuhi o te Tiamana tona ingoa ki mua mahinga i te aroaro o te Komiti a me whakanoho ano hoki e ia te ra tuhia ai e ia tona ingoa. 9. E ahei ana te Komiti ia takiwa ia takiwa ki te hanga ki te whakarereke ki te whakatikatea ranei, ka tikanga hei whakahaere i tana mahi Engari e kore e mana aua manga ana whakarere ketanga, a whakatikatikanga ranei, kia panuitia raano ki roto ki te Kahiti, katahi ka mana. 10. Me whiwhi in Komiti ki tetahi hiiri, me matua whakaae e te Minita mo te taha Maori, hei tohu whakatuturu i nga pukapuka e whakaputaina ana e te Komiti. 11. E ahei ana ona te Komiti kia tu hei Kooti Apitireihana, ara hei Kooti whakatau tautohe i waeganui i nga Maori e noho ana i roto i te takiwa tipu ai te raruraru, a me ka hoki taua mea e tautohetia ra e hipa atu tona tikanga utu i te rua te kau paura. Engari i mua atu i te mahinga o taua raruraru, me tuhi nga Maori e pa ana ki taua raruraru, i o ratou ingoa ki tetahi pukapuka reo Maori a mo ki nga kupu o roto ma te Komiti e whakataua tera e hunga e whakaae ki te whakatau a te Komiti, mehemea tonu nei he whakatau na te Kooti Whakawa Tuturu, ki te kore e hunga e mohio ki te tuhituhi, me whakapiri ko nga tohu, a mo mai ano nga ingoa o te Tiamana, me etahi atu Maori, kua tokorua tangata pakeke hei kai whakapono. E pai ana kia penei te ahua o te pukapuka hei tuhinga ma aua hunga me tenei i te Apiti tuatahi, e mau nei. 12. Katoa nga whakatau i te Komiti raro i te mana e te tekihana i runga ake nei, me tuhi ki te ingoa o te Tiamana, me etahi atu mema ano te Komiti kia tokorua na ko taua whakatau, kia mana tonu ki runga ki nga tamata e pai ana ki taua raruraru, mehemea tonu nei te whakatau na te Kooti Whakawa Tuturu. 13. Ki te kore e whakaaetia taua whakatau, me tuku atu o to Tiamana ki te Kaiwhakawa Tuturu e whai mana i roto i tera takiwa a mana e whakatakoto taua whakataunga ki roto ki tona Kooti, a ka oti tena ka pena ano te whakahaere, mehemea tonu i whakaaetia e te hunga i he te moni katoa i noho i roto i te whakatau. 14. Hei nga keehi penei me enei e whai ake nei ara:- (1) I nga keehi e hiahiatia ana kia kitea nga ingoa o nga tangata no ratou tetahi poraka whenua e whakawakia ana tera ranei e wkakawakia e te Kooti whenua Maori, (2) I nga keehi e hiahiatia ana kia kitea ko wai ranei hei kairiiwhi mo tetahi tangata Maori kua mate a i uru ki tetahi whenua, (3)I nga keehi e tipu ake ana he tautohe, mo te takoto o nga rohe i waenganui i etahi whenua e tautohetia aua e nga Maori, me uiui, me rapu haere o te Komiti i runga, i ana huarahi, a ka whakapuaki i tana whakatau me tuhi rawa ki te reo Maori, i raro i te ringa o te Tiamana o te Komiti, a ka tuku atu ki te Kaiwhakawa Tumuaki o te Kooti Whakawa Whenua Maori, hei mohiotanga ma taua Kooti. 15 Katoa nga panui roto i Kahiti e panuitia ana i raro i te mana o tenei Ture, ka whakaurua noatia atu, kaore he utu. APITI. HE TUKUNGA ATU HEI APITIREIHANA E whakaae aua maro mo te tautohe i waenganui i a mana e tono nei, a [Ingoa o te kai tono] mo [Ka whakaatu i te ahua o tena tono] me whakatau e te Komiti Maori mo te takiwa o, a tera hoki maua e whakaae ki te whakatau a te Komiti mo te rongo ki taua whakatau, mehemea tonu nei he whakatau na te Kooti Whakawa Tuturu. A.B. C.D. Ki te kore tetahi raua tahi ranei o taua hunga o mohio ki te tuhituhi me wkakapiri ai tohu a tetahi a raua tahi ranei, i te aroaro o te Tiamana o te Komiti, me etahi atu Kai titiro pakeke kia tokorua, penei me tenei, A B., tona x tohu. Kaititiro, E F.Tiamana. K.C., tona x tohu. Kaititiro, E.F.Tiamana. I whakaponohia ki o maua aroaro- G.H - K.L - Nga Kaititiro pakeke. TE MATENGA O PIRINIHA REOPORO. No te 28 o nga ra e Maehe i mate ai a Piriniha Reoporo Hori Takena Arapeta, te tamaiti tuawha o Kuini Wikitoria the tangata ahua turoro tonu ia e tona tamarikitanga ake ano a te taima i mate ai, e noho ana ia i Kaua, he taone i Poina, to tahataha moana a ona takuta hoia i whakarite taua wahi hei nohoanga mona, he kainga mahana hoki te kainga marama. Katu k ahua pai rawa a, i reira, kua kaha haere. Tena ka haere ki te matakitaki i nga potremi taka iho i a ia i runga i tetahi pikitanga whare, e whara ana tana turi tona hinganga. Kihai i whakaarohia e ona hoa he mate nui tona ka kawea ia e ratou ki te taua whare takoto ai No te taenga ki te whare, ka tahuri ia ki te korero pokauka, e te ahiahi, ka kai noaiho ia tona hapa a a moe moe ano hoki te takuta ki taua ruma kotahi. Kati no waenganui po, ka oho to takuta ra, ka maranga ki te titiro i te Piriniha, katahi ka kitea, kua pa nui mai te mate ki a ia, i kihai i taro kua hemo atu ia. Muri iho ka rapua te take o tona mate oherere nei a ka kitea ki nga rere te putake o te mate. No te taonga atu o te korero ki Ingarangi, ka the toku atu to Piriniha o Weiri (tona tuakana) ki te kaipuke ki te tika i te tinana kia kawea ki Ingarangi nehu ai, to taha o tona papa o Piriniha Arapeta Kati nui rawa atu te lieuri o te Kuini mo te matenga o tana tamaiti, koia hoki te mea tino arohaina nuitia e ia te mea hoki i rite tona ahua ki tona papa, ki te tangata karangatia nei i Ingarangi ko Arapeta te tangata Pai. Nui ata te tangi o nga tangata o Ingarani mo te matenga o tenei tangata pai, ara e Reoporo me to whakaputa hoki i a ratou tohu aroha ki te Kuini, i runga i tana pouritanga. A no te taenga mai o te rongo korero ki Niu Tireni nei, nui atu te tangi o nga pakeha i mohio ki nga mahi pai o taua piriniha, a tukua atu ana e ratou nga kupu aroha kia te Kawana, hei tukunga atu mana kia te Kuini. Tenei etahi korero kua tuhia mai mo taua piriniha, kia mohiotia ai tona ahua, me tona turanga i te ao. ÿ
![]() |
5 5 |
▲back to top |
I whanau a Piriniha Reoporo i to 6 o nga ra o Aperira, 1853, a no tona tamarikitanga mai ano i kitea ai te tangata whakaaro nui e ia a kaha rawa hoki ia ki te rapu i nga mahi nui o te ao, i rite rawa hoki tona ahua ki tona papa, kia Piriniha Arapeta. Otira na tona an turoro tonu, i kore ai ia e whai i runga i nga mahi e ona tuakana ara te mahi hoia manuao, i etahi ritenga pera ranei, engari i piri tonu ia ki ona pukapuka, ki te kimi i nga whakaaro nui katoa o te ao. Ai tetahi takiwa i tahuri ia ki te ako i nga ritenga katoa o te Hahi a Ingarangi, i runga i tona hiahia kia uri atu ia ki te mahi minita. Heoi whakakahoretia ana tenei a te Kuini, i runga pea te mahara a kore ia a kaha mo tena mahi. Na ka tahuri ona whakaaro ki te rapu tikanga e pai haere ai nga kura whakaako tamariki, a e ki ana te tangata marama rawa ia ki te whaikorero runga i ena ritenga. No te 27 o nga ra o Aperira, 1882, ka marenatia ia, i te whare karakia a te Kuini i Ranana, kia Herena, he tamahine kingi no Wareteki Tiamani, a ia apitia mai i reira e te Kawanatanga o Ingarangi, ona moni ake e 10,000 mo te tau hei oranga mona, a i whakaritea hoki ki te mate wawe ia, a ka ora ko tona wahine, kia kiu,00mana, ara mo te pouaru i to tau. Kati kihai tito rawa ki te rua e nga tau a te rau, marounanga, ka mate ko te Piriniha mahue aua ki tenei ao, tana wahine, me ta raua kotiro a Arahi Mere Wikitoria Akuhata Paorini. I whanau taua tamaiti i te 25 o nga ra e Pepuere 1883. RONGOA HIPI. E tono mai ana nga Maori whakatiputipu hipi, kia whakamaoritia atu kia ratou nga korero mo nga rongoa hipi kia mohio ai ratou ki te horoi i a ratou hipi ki nga rongoa e hokoa nei a nga pakeha. Kati tenei te whakaaturanga, mo te rongoa e hoho hokoa nei a Poata me Korowhata, kua tae mai kia matou, a ka whiriwhiria mai a matou nga korero a rite ana mo a matou hoa Maori. E ki ana ko nga painga o tenei rongoa, e kore e poke nga wuuru i te horoinga a tetahi ka kaha rawa te tipu e nga wuuru, mehemea ka horo e ki tenei rongoa. Ka ora hoki i a ia te mate waihakihaki, ka mate hoki nga kutu me nga ngarara katoa, e kai ana i te hipi. Na tenei te tikanga mo te whakaranu i taua rongoa. Me pokepoke rawa i te tuatahi ki te wai matao, kia iti te wai, kaua te wai mataitai, te wai maro ranei, a muri iho ka whakaranu atu ki te nuinga o te wai. Mo te pokepoke tuatahi, me tango kia 10 pauna taimaha o te rongoa, kia 10 karani wai matao, a ka oti te korikori, katahi ka whakaranua ki te nuinga o te wai, ara kia 140 karani. Kia kotahi ano miniti e kaukau ana te hipi, heoi no ka tangohia ake i roto i te rongoa, ka waiho kia heke atu te wai o roto o nga huruhuru. Otira mehemea he waihakihaki te mate o nga hipi, me whakakaha atu te rongoa, a hei te pahuretanga o te wiki kotahi, me tuku tuarua atu ano ki roto ki te rongoa. E hokona ana tenei rongoa ki nga keene 15, 50, 100 pauna taimaha. Mehemea ka pokepokea katoatia te 100 pauna i te taima kotahi, kia 1,500 karani wai hei whakaranu, a hei rongoa tenei mo nga hipi e 3,000, i runga hoki i te ritienga o te 30 hipi mo te pauna kotahi o te rongoa. E ki ana tetahi pakeha whakamatau i tenei rongoa mo ana hipi ko te tikanga pai me pokepoke i te tuatahi ki te wai mahana, a ka oti te kororirori, katahi ka hoatu te nuinga o te wai ara, te wai matao. HE RETA TUKU MAI. E hoa tena ra koe te kai utauta i nga utanga mo runga i te Waka Maori, o te Ika hi a Maui. Anei etahi utanga mo runga i taua Waka, mau a uta atu ki runga, ka tuku atu ai ki nga pito e wha o te motu nei, kia kite a tatou hoa Maori, Pakeha hoki ma te ki te reo Maori ki te reo Pakeha. Ko a korero ka tuku, atu nei e au te reta mai no Waikato, a rua na te Kooti Rikirangi raua ko te Aopakurangi, me Heta te Kaniatakirau no Turanga atu nei, kotahi, na Karepa Ruatapu, ka toru ai aua reta, a utaina ai e koe ki runga i te tatou Waka. Ko te take kia rongo mi nga mea e tatou e ngakau kino ona kia te Kooti, Pakeha, Maori kia tirotiro ai i taua whakaaro, i tana whakaaro. Ko te mea o aua reta a ata whakamaramatia e au, ko te Karepa Ruatapu, ka tana reta tukua e ia ki ona tamariki kia Heta te Kaniatakirau raua ko te Aopakurangi. Ka rongo nga tangata e konei, katahi ka tutaratia taua reta korerotia ana e taua tangata nana nei tutara, puka a Karepa kai Waikato, kia a te Kooti, i ki atu, hai a Maehe ka tu te Koot ki Uawa, hai reira ka hui nga tangata Maori, me nga Pakeha ki reira, hai kona ka kokiri mai ki Turanga. No reira ka rauru nga korero mo Karepa, i taua takiwa, no konei ka tuhia e au taku reta kia te Aopakurangi, kia whakahokia mai taua reta, mo taku whakaatu ano i te ahua o nga korero, a matou o konei atu, mo Karepa, whakahe i a ia, me taku whakaatu ano, i te tangata nana i tutara haere taua reta. No te kitenga pea a te Kooti i taua reta aku nei, ka whakautua mai na e ia, ka iriiria mai na e ia te ingoa mo taua tangata, e noho na tona ingoa, ka whakahokia mai na hoki te reta a Karepa. No kona ka tukua atu na e au kia koe, e te Etita o te Waka, kia utaina, ki runga kia rongo ai nga hoa katoa i te motu nei, heoi, ka huri. NA TE RUTENE AHUNUKU. Oweta, Turanga, Aperira 15, 1884. Kia Karepa Ruatapu. Tena ra koa te wairua a Tupuna, e Matua me te iwi katoa ano hoki, kia ma tonu koe, ma te wairua ano hei whakataki i nga ra roa, me nga tau mahi ano hoki, heoi te mihi. E hoa, kaore ano te kupu tono mai au moku kore rawa. Ki te haere atu ahau naku ano taku haere, ara na maua ko te Minita nui a Nui Tireni ko te Paraihi me te Kawanatanga. Kia rongo mai koutou katoa, te putake e te haere atu ki kona me tahi wahi atu he kawa ata te tura muru hara he kotahitanga kia rite tahi ai tatou te hoe i runga i to tatou Waka, i te ture a te Kuini. Kati ra te mauahara, a koutou me a koutou Pakeha hoki, me noho i runga i te ture pai, kua panuitia mo te ao katoa. Hei aha te kino, te aha, te aha. Whakamutua atu ena mahara. E hoa ki te haere atu ahau, ka whakaatutia ano e te panui, ki te kore ka whakaatutia ano. Heoi nga kupu kia koe. E hoa, mo panui e koe enei kupu ki nga tangata katoa, kei kiia ano he pukapuka kohuru. Kore rawa atu ahau e hoki ki taua mahi, ake, ake, engari mau tonu e patu ia au. Kaore tahi ona tikanga, naku ano i kawe atu ki o koutou ringa, heoi ano. Hei kona ra koutou noho mai ai e te iwi. NA TE TURUKI. (Te Kooti) Whakaarorangi, Maehe 16, 1884. Kia Huruhura. E koro tena koe, ara koutou katoa. E ora ana a Ihowa Atua o nga mano, mana koutou e tiaki. E hoa ma e oku matua katoa, ko ÿ
![]() |
6 6 |
▲back to top |
tahi tonu te pukapuka a Karepa, ko tena i tukua na e a au heoi tena. Kia rongo mai, ano koutou, ko Te Kooti ka haere tonu atu a te Tihema e tu mai nei kaore hunaia tenei kupu kei mea koutou, he mea pohiri mai ia na te tangata, kao, engari nana tonu tana whakaaro mo te haere atu. Ko te take i whakaaturia ai, kei te haere atu a te Kooti i a Tihema, he mea kia kimi whakaaro nga Pakeha, me nga Maori, ki te whakatakoto tikanga ma ratou. Engari koa e te iwi, ko te haere atu a te koutou hoa, e haere ana i runga i te haere a to koutou Tipuna, a Tu, na tona tukunga ngaro tangata mate whenua. Na te whanau morehu. HETA TE KANI, TE AO PAKURANGI. Ki te Etita o te Waka Maori. E hoa, tena koe, He patae atu tenei naku heaha te take i kore ai e whakamarama mai nga tono hoko pu, e nga tangata o te Tairawhiti, te iwi e awhina ana to Kawanatanga, e aroha nei hoki ki te Kawanatanga, kahore e ratou take hara. E hoatu nei e te Kawanatanga ki tera taha o te motu nei, ara ki Waikato ki Ngatiruanui, ki Whanganui a me era atu iwi katoa, nga pu, me nga paura, ko te Tairawhiti nei kahore. NA ARAPETA TOTO. Kihipane, Aperira 21, 1884. Ki te Etita o te Waka maori. E hoa, tena koe. Na te uta atu ki runga ki to tatou Waka nga toru korero ka tuhia ki raro iho nei. He Ope Tana na te Waipiro kua huaki ki Rotorua ko Inia ko Tuhourangi, i kai nui i te Rama, taka ana i runga i te hoiho, takoto tonu iho i te po. No te ata i to 22 o nga ra o Maehe, kua taha ake nei, ka moe i to moengaroa. Ko Piripi Uawahirangi, no Ngati Whakaue, no Ngati Raukawa, i kai nui tino i nga Wai whakahaurangi, taka ana ki roto i te ngawha a i te nui o tana kaha, rere ana ki uta takoto ai, e toru ana ra e takoto era ana ka moe ia, ki roto ki ana matua. I te 9 o nga ra o te marama nei. Ko Arihia Kahawai, ko Taitumu Te Ataitoea, ko Te Tawahinga, Te Irikau, Ko Ngaia Hinekau, ko Pauro Tahuriwakanui, ko Te Umu Te Arakau, ko Hoani Te Kawakawa, me nga pakeha tokorua, nga tupapaku o tenei takiwa i hinga i te parekura a te Waipiro. I muatu o te matenga o enei tupapaku, tokorua ara i nga tau kua pahure ake nei. He aha ra nga tangata e ora nei i te ao, te wehi ai ki tenei Ope huna tangata ki te Waipiro, te tahuri ai ki te hanga pa, hai whawhaitanga ki taua ope. No te mea hoki, e toru rawa nga mate o te tangata, ina haere i rkunga i taua huarahi kino i te Rama. Te tuatahi, ko te pounga o nga taonga, o nga moni ranei, i te hokonga atu ki aua wainanakia, te tukarua, ko te whakapohehetanga, ko te whakamamaetanga, me te takotoranga kinotanga, i roto i nga hara o tenei ao, te tuatoru, ko te whakamaemaetanga nui o te tinana, me te wairua, i te ra whakamataku e haere mai nei, a te mutunga o te ao. Tena, he aha ra tatou ka tu wehi ai i te aroaro o te wahi Tapu, e karanga noa mai nei ki a tatou i te ao i te po, kia ahu atu ki a ia, kia puta atu ai tatou i nga ngaru o te kino, a whiti noa i te whenua o te ora. E hoa ma whakatika, tatou ka haere ki te whenua o te ora, i runga i te huarahi a Rawiri, e mea nei. E kore rawa ahau e hoki atu ki toku moenga takoto ai, i te mea kaore ano i kitea he turanga mo te Temapara o te Atua. Heoi ano, na to hoa, R. WHITITERA TE WATATUA. Ohinemutu, Rotorua, perira 12, 1882. Ki te Etita o te Waka Maori. Mau e uta ena kupu whakaatu, mihi, aroha hei panui atu ma to tatou Waka ki nga marae o Ngatiporou, e noho ana ki te Tairawhiti nei puta atu ki Hauraki mo era atu wahi o te motu nei. Ko Ihimaera Tawha no te 23 o nga ra o Aperira ne, i te tau 1884, o te tatou Ariki i a mate ai, ki Kaiti, wahi o Turanganui, awa o te Tairawhiti nei. Ka wha nga tau i pa ai ki a ia te mate. No te tekau o nga haora, i tino wehe atu ai ia, i te tirohanga kanohi o tana wahine, me ona whanaunga, me ona iwi, i tenei ao ki te whenua. I nehua ki te urupa i Kaiti, ki te taha o te whare karakia. na te Wiremu raua ko Kerehona Piwaka me nga Reipiriti toko whitu a ia i nehu, haunga te nuinga o te iwi. na e hoa ma, kia rongo mai koutou, ko Ihimaera Tawha, he tamaiti na Hare Tawha, o te Whanau a Rua ki Tuparoa, i te takiwa o Waiapu, he hapu tera na Ngatiporou. Ko Hare Tawha, ko tetahi tera o nga tino tangata, i whiriwhiria e te iwi hei tangata mo te hahi o Ingarangi, i whakaminitatia atu a ia e Pihopa Herewini, ki Akarana. Koia tetahi o nga tino Minita Maori tuatahi o te Tai Rawhiti. He nui te whakamoemiti o nga iwi katoa e rongo ana ia Hare Tawha e kauhau ana, i roto i nga whare karakia, he nui no tana matauranga ki nga Karapiture, he nui hoki no nga kupu whakarite hou, me te reka o nga kupu katoa, e puta ana mai i tona mangai, ki te whakarongo a te iwi. Heoi kua mate ia i nga tau kua pahure ake nei, kei te mau tonu te whakamoemiti mona, kei te korerotia tonutia ana kupu whakarite, i roto i nga huinga tangata. Ko Ihimaera Tawha, he tamaiti ia na hare Tawha, kua ki ake nei, he tamaiti rangimarie ia, kahore ana mahi tutu e rangona ana. Ko tana tino mahi, he whakahaere, he rapu i nga kupu o te Karaipiture, kahore e kai waipiro. I whakaturia ia hei Kaiwhakahaere Komiti Maori, i muri mai ka tu ia he Kaiwhakahaere Kuru Tepara. Ko aua mahi tera tae noa tana matenga. I waiho ia tetahi ohaki, i panuitia i te ra i nehua ai ia. Ko ona hea i Maungawaruk Huiarua, Rotokautuku, Kaiti, me nga hoiho, kau, me era atu taonga katoa ana, i waiho katoa enei ki tana wahine kia Mere Kingi Tawha, ko ana hea i Reporua, Tuparoa, me era atu wahi, i waiho ki ana whanaunga. Na e hoa ma, ko te mutunga tenei o nga uri o Hare Tawha. He kapu whakaatu tenei ma ona whananunga, me ona iwi, he mihi mai i o ratou marae, i noho ai ratou, kia Ihimaera Tawha, kua wehe atu nei ia ia tatou. NA H. A. TURI (Whatahoro) Aperira 28, 1884. Ki te Etita o te Waka Maori. E Tae, tena koe, Maori ranei koe, Pakeha ranei. Tenei tahau tuhi mai ki a au mo te WAKA MAORI, a e pai ana. Tenei hoki taku atu atu ara ko te Ota nei kei roto mo nga herenga o 6 ki a koe. Na, e 3 enei Waka Maori kua tae mai ki ahau, ara, ko te 2, me te 3, me te 4, ko te i kore, mahau tena e tuku mai. I te ngaro atu ahau ki uta ki rongahere, koia ahau i kore ai e tuhi wawe atu. Na, e hoa, ki te utaina e koe nga utanga papai ma nga Maori ki runga ki to waka, tena pea ia e whai ora roa, a e karangatia hoki ki uta, me te powhiri atu ano a te tangata whenua. Me pehea ra? Utaina houtia e koe nga hanga hou tonu, i ia rerenga, kia taangia hoki te riu-a, ki te mea he pohatu he kirikiri ranei no te orokorerenga hei peehi, makaia atu ki to wai, inahoki he aha te pai ki nga tangata Maori e konei, o runga atu ranei, o raro ranei, o aua peehi nui peehi taimaha, ka takoto tonu nei kei te ihu o te Waka. Kua kapi te ihu i aua peehi noa. ÿ
![]() |
7 7 |
▲back to top |
Ara, na Hori Moa tetahi, na Ariki Kiwhai tetahi. He aha te pai o ena mea, me etahi atu hoki e ririte aua ki ena, ki nga tangata o tawhiti atu i to kaainga i Kihipane ara i Turanga? he pai pea ki nga tangata whenua ake i to houtanga, tena ka roa noa te takoto, kei whea ra tonu pai? Tenei hoki tetahi kupu kia a koe, ara, mo te kupu e kiia ana mo tetahi rangatira Kaipuke me te moni tinana tonu e takaia ana ki to pukapuka, ki wahi kee, ki whenua tawhiti. Ka nui te kata mo tenei kupu. Ko wai ianei taua iwi ihupuku e pena ana tana mahi takai moni ki ro reta, ki ro pukapuka? Ko wai ra? Katahi te kupu hanganoa? Engari te hiinga ake a Maawi, te pikitanga atu ranei a Tawhaki, engaingari ena korero e tu a pono ana. E hoa tenei tonu ta nga Pakeha, o ia iwi kee o ia iwi kee, ara, ko te taakai Noti, Ota, ranei, aaua ka tuhi tawhiti tetahi ki etahi taputapu moona. A he mea maamaa noa ake hoki taua tu moni, penei me tenei ota otira ka mohio ano koe. Na tenei hoki tetahi, ara, ko te korero mo Te Kitenga o Niu Tireni. Na e pai ana ano tana, heoi, pai itiiti ki takuk mahara. He aha i whakakorea ai te orokounga atu o Kapene Kupu ki te Oneroa, ki Turanga tonu na ano? Me te oroko kawenga mai ki reira, ki a koe na, o te Rongo Pai, me tona karangatanga ki uta, me tona tupu haere atu ki whea ki whea. Ina hoki, ki taku mohio, ko te takiwa pai, takiwa ora, takiwa rangatira tena o taku iwi Maori o te takutai, whanaatu, whanaatu. Heoi ano, ka mutu. Homai te ihu me te ringa. Naa, ka pai, ka mau ta taaua rongo, kia pai nga utanga, kia kaha te hoe, kia tika hoki ta te Kai tuki, a tera e tere nui tere roa to taaua Waka Maori. Na to hoa aroha, NA TE KORENEHO. No Nepia nei ano, no te 21 o Aperira, 1884. He ahakoa ra E koro, he o a peeni i kitea ia, e, koe te ihu o te WAKA MAORI. Ko nga kai tautoko tuatahi tona tena, kua eke mai ki te ihu, me te ta, a tera pea e nui mai nga tu pera, hei awhina mo te waka nei. Otira hei aha kia pouritia, he huruhuru era hei te tuki a te waka, hei akinga ngaru. Kua pa to patu, mo te korero hanganoa mo te rangatira kaipuke i panuitia e te Waka Maori. Otira nau ano au korero na te Pakeha, ki te mea he korero teka mo wai taua teka. Mo nga korero mo Niu Tireni, me te unga mai o Kapene Kuku, me te unga mai o te rongo pai, e tika ana te whawhatanga atu ki era, otira, ka tika mau o ata kohikohi nga korero o era wa, kei a koe hoki nga ra maha, a, i uru atu ano koe ki aua ra, e nga korero a hiahiatia nei e koe. E kore e ata tu nga korero o nga mahi a nga ra e mua atu i nartra ruarua a muri nei. Otiia ki te kore te kai whakaatu mai mo nga mea pera e taea te aha, ka whakamatau tonu kai urungi o te waka ki tana i pai ai, o nga korero o mua. Tera tonu e taea te ora rau te waka nei, mehemea hoki, ka tae ki te roa ki te nui te rarangitanga ingoa mo nga tautoko, mehemea hoki kei te waka ake ano te oranga mona, kua kore he kupu penei e aku mai ki waho Tena koa e takoto kea mai ana te oranga mo te waka nei i roto i nga ringa tokomaha wehe ke, me nga whakaaro maha e kore ai e ata matauria, te ora roa raua ko te mate. Kia pehea he kaha mo te kaiwhakahaere o te niupepa, e mau ti tona hutahi te pupuri ki te ora, ina tae mai nga ra o te he. E nui ana nga taumaha o nga mahi o te waka kei runga i au, a he tino wharangi tuwhera noa atu ki nga hoa tautoko, te tuku mai i nga korero papai hei utanga ma te waka nei, kia rite ai ki ta ratou e hiahia nei. E hoa ma, waiho koa kia hoe ana, kei nga ra e haere mai ana te kitea ai. Otira, ka hoe tonu te waka nei, i runga i te rangimarie i te mauaharakore, me te aroha, kahore ona hoa rir tangata, Niupepa ranei, e matauria ana, e whakaarohia ana ranei e ia. Ma nga aitua pea e whai ki te ara. Tena koe. Na to hoa Etita. He tino tangata Maori, Na Paratene Ngata, o Ngatiporou o Waiapu, kei Kihipane. Ki te Etita o te Waka Maori. E hoa, Tena Koe, I raro i te atawhai o te Ariki, e ora ana hoki ahau i konei. Heoi te mihi. E hoa utaina atu ki runga ki te Waka o taua Tipuna, te matenga o to matou tipuna ara o Paora Rangitutu, i mate nei ia i te 17 o maehe, 1884. Notemea he kaumatua pai, he momo ariki no nga tipuna mai tuku iho ki ana uri i te ao nei, tuku iho ki te whenua. Tenei kua riro atu i tenei ao ki tera ao, kua mutu ona mamae i tenei ao. Otira e tohu atu aua tana haere, ki te rapu atu i te Ripeka o te Kai whakaora, otira he huarahi kua takoto mo te iwi nui tonu, ara mo te kuare, mo te rangatira, mo te tangata taonga, mo te rawakorel I te 15 o nga ra, i te mea kaore ano ia i tata noa ki te mate, ka tohu tohu iho ia kia matou, ki ona mokopuna i muri nei, kia atawhai kia koutou, kia ata noho. Tuarua kia mau ki te kainga, hei matua mo koutou hei oranga mo koutou. Tuatoru kia mau ki te Whakapono hei oranga mo te wairua. Tuawha, kia atawhai ki te tangata tauhou, kia karanga ki te tangata haere. Heoi ka mutu ona kupu i Konei. I te 17 o nga ra o Maehe, 1884, ka wehea atu tona wairua i tona tinana, nui atu to matou pouri me te iwi katoa, notemea koia tetahi o nga kaumatua o roto o Uawa, nana i whakaara ake te upoko o te whakapono ki runga, Muringa ra katahi ano ka eke mai te katoa ki te tautoko, ki te peehi hoki i te waipiro ki raro. Ko a matou kupu poroporoaki tenei, haere atu ra e koro haere atu haere i runga i te kupu o te Karaipiture, na Ihowa i homai na Ihowa i tango atu, kia whakapaingia te ingoa o Ihowa. Mehemea hoki ma te ringaringa tangata, era ano e iaea te whakaaro, kaati ko tenei, haere atu i te huarahi, kua takoto mo te iwi nui tonu. Hei konei noa ka mutu, kei hoha koe, kia ora tonu taua i raro i te atawhai o te Ariki maua e mea kia neke atu o taua ra i te ora roa, a ka tae atu ai ki te ra e whakaatutia ai e ia ana takaahuareka ki te ao. Na to hoa APIATA TAWAI. Waipare, 31 Maehe, 1884. KI NGA KAI HENAAKI. He tokomaha nga tangata tuku moni mai mo te Waka nei, engari, kahore he wahi watea mo a ratou ingoa i tenei putanga. HE PANUI. Kia mohio nga Tangata katoa o te Tairawhiti kua timata ia POATA ME KOROWHATA, TE HOKO PAURA, HOTA, TINGARA, PAKAWE HOTA, PARAHI PAURA. KI TA RAUA TOA I MATAAHU. Kia mahara ki te mau mai i nga raihana i na haere mai. ÿ
![]() |
8 8 |
▲back to top |
E HOKI ATU ANA A KORORU. KI INGARANGI. NA KONEI ka hokoa i runga i te utu Ngawari rawa, oku taonga katoa Tona tini o nga mea maitai, E rite ana te utu ki te hiahia e nga Maori. Kia tere te haere mai ki te hoko kia whiwhi koutou i te wa e ngawari ana te utu. Ko te whare ai tenei te utu. NA KORORU. TIITI me WHARAEA. TURANGANUI WHARE HE TNO WHARE PAI HE WHARE NGAWARI. Haere mai e aku hoa maori katoa E mohio nei kia au i roto i nga tau ka tekau o te a Tai Rawhiti o te Tai Tuauru o te Hauauru o te Hautonga. ENO MANO PAUNA TE UTU ONGA TAONGA. He Tuira Huiti Kooti Tarau Wekoti, He Tokena. He Potae me te Hate, Enei mea Katoa mo te utu e 25s. KO TE RATA RAUA KO TONORE. Ko te toa tino pai rawa tenei rute o te Taone o Kihipane mo nga Maori. Hei hokonga Pouaka, Teepu, Tuuru, Moenga, Mihini tui Kakahu, Paraikete, me te nui nga atu o nga mea katoa mo roto o te Whare, Haere mai kia kite i o maua taonga. LARGE & TOWNLEY I. C. TEIRA. KIA MOHIO MAI AKU HOA MAORI. Kei au te tahi Tino Haupu nui o nga Tu Tera Katoa i Kihipane Kei taku Tera i Karatitone Rori, i te Kokinga o te PEERE TITITI. Ka taea e au te hoko atu nga Tera me nga PARAIRE mo te Paki mo te Terei me nga Kakahu mo te mahi Parau, me nga Tera Peeke me te tini noa atu i nga mea pera. I RUNGA I TE UTU O AKARANA. HAERE MAI KITA KITE. THOMAS FOX. KO TAMATI TAITUHI POKIHA HE Paparikauta he Toa Taonga tana e tu ana ki Waenganui o Tokomaru Ko te tino Paparikauta Pai tenei, ona Ruma moe me ona kai me te tini o nga wai whakahurori hiahia tia nei e te tangata, te tino pai rawa te Patiki Hoiho he nui te Karaihe o roto, nana hoki te Toa Ngawari rawa te utu o te Taonga. Kei a ia Nga taonga Katoa. Me haere ki te hoko Taonga ngawari mo koutou. WIREMU MOKENA. KAI HANGA TERA, HANIHI. Haere mai ki te Whare whero (te Pei) Karatitone Rori, Kihipane. Kia kite i taku haupu nui o nga Tera me nga Paraire me nga Haihi me te tini noa atu o nga mea pera Kawea mai hoki a koutou Tera Tawhito Hanihi kia Mahia nga Wahi pakaru. HE PAI ANAKE E TIKA ANA ANA MAHI. E NGAWARI ANA TE UTU. W. TARATA KAI hanga Kooti Porowhita Kooti ki te hangaitanga kite Hahi o Ingarangi Karatitone Rori, Kihipone. E K PARONE WAIKATO. Ki oku hoa Maori Haere mai ki to Koutou, hoa, tawhito kia PARAONE, Waikato. Ko ahau te tangata tino ngawari rawata te hoko ki nga tangata o Kihipane. E ngawari ana a te Paraone ki nga tangata whakaaro tika, ki te utu mai, Ko nga tangata whakaaro kore ki te whakarite, E kawea ki te whakawa. Ko nga Taonga ngawari te utu tika i runga i te pono, Kei au. HAERE MAI! KIA PARAONE, WAIKATO. KAORE TE NAMA. KO POATA me KOROWHATA. Te Toa Taonga i Mataahu i te Rawhiti. He kakahu tane, Wahine, tamariki me te tini noa atu o te taonga, He Paraoa, huka, Tii, Hopi Kanara Hu Nohanga (Tera) Tane, Wahine, Wepu He Toki he Hokaheru me nga mea maitai. E hokoa atu ana ki te tangata i runga i te utu iti rawa. Ko te tino Toa Ngawari tenei o te Rawhiti. He mea Ta e Poata me Korowhata i te Tari Perehi o Te Terewhene Kihipane mo Paratine Ngata te tangata nana tenei Nuipepa. Turanganui, Kihipane, Mei 2, 1884. ÿ