![]() |
Te Waka Maori o Niu Tirani 1871-1877: Volume 8, Number 3. 05 January 1872 |
![]() |
1 21 |
▲back to top |
TE WAKA MAORI O NIU TIRANI. KO TE TIKA, KO TE PONO, KO TE AROHA." VOL 8.] PO NEKE, PARAIRE, HANUERE 5, 1872. [No. 3. HE KUPU ATU ENEI KI NGA HOA TUHI MAI. TENEI kua tae mai te reta roa a te Watena Rangi- nui o Turakina mo te whare i whakahuatia ko Manawanui. Tae rawa mai taua reta kua kapi tenei nupepa—ekore hoki e o ki roto i te nui o nga korero. Tetahi, kaore ano matou kia whai takiwa hei tirohanga i te ahuatanga o nga korero o taua reta. Taihoa me ata titiro marire. KEREOPA. Ko KEREOPA te Hauhau kua whaka- matea. No te Paraire te o o nga ra o Hanuere nei i whakamatea ai ki Nepia. I te iringa kautanga ki runga rakau ka mate tonu iho—kaore i kori- kori te tinana kaore i aha. Heoi te kupu i puta i a ia;—" Kia hohoro, kia we te mate." I whakamatea i te marae a te Whare Herehere i roto i te taiepa. He tokoiti nga tangata i tu- kua ki roto ki te matakitahi. Ko te Wiremu te Minita i reira—ko ia hoki te kai karakia mo Kereopa i a ia e noho ana i te Whare Herehere taea noatia tona matenga. I mea ano a Karaitiana Takamoana raua ko Tareha kia haere kia kite i te matenga,- engari kaore raua i tae wawe mai i o raua kainga. Ko te whakamatenga i a Kereopa ehara i te mea i kai horohorotia. I ata whakahaerea mariretia i runga i nga tikanga o te ture. I ata whakawakia ano kia marama rawa tona he. Ko te tika ta te Kawanatanga i whai ai kia kitea—ehara i te mate kia mate huakore noaiho. Ki hai i waiho a Kereopa e te Kawanatanga kia tu noaiho ko ia anake i te whakawakanga i a ia. I whakaritea ano tetahi roia pakeha hei hoa mona, hei tiaki i te whakawakanga, hei hopu i te kupu he a nga kai whaki korero. He tangata matau taua roia ki nga kokorutanga katoa o te ture, he matau ki te hopu i te kupu, ki te titiro hoki i te peauketanga o te korero—a, e mohio ana matou mehemea i ai he putanga mo Kereopa ki te ora, penei kua puta i taua roia te arataki. Ko te ture e ki ana ko te tangata e tino kohuru ana i tona hoa tangata nei
![]() |
2 22 |
▲back to top |
22 TE WAKA MAORI O NIU TIRANI. ano kia mate me whakamate ano mo tona hara—ka tika tena. Engari kei a te Kawana te tino whakaaro ki nga mea e tika ana kia whakamanaia te ki a te ture kia mana, ki nga mea e tika ana kia whakaorangia ranei te tangata e whakamatea ana e te ture, ki te kitea he ara e tika ai te whakaora. Na, mehemea he tangata noaiho a Kereopa e unga ana e tono- tonoa ana e ona rangatira, e kawea ana ranei i runga i te hianga me te porewa- rewatanga o te whakaaro o te katoa (me te poro rakau e kahakina ana e te waipuke) a, i runga i tona ahua pera, ka paru ona ringa i te toto o te tangata, katahi pea ka tika kia whakaaroaro te ngakau, me whakaora me whakamate ranei; no te mea ehara i te tikanga o nga Ture o Ingarani kia whakamatea te tangata hei utu mo ona hara, ehara i te whakaaro ngaki utu e haere ake ana i roto i te riri me te kino o te ngakau. Kaore he riri kaore he mauahara o te ture, engari tona tikanga he pehi i te kino he whiu i te hara kia kore. Ehara i te mea mo te tangata kua mate kua kohurutia, engari mo nga tangata e ora ana kia ora tonu; he mea kia titiro mai te tangata ngakau kino ki te ahua o te whiu mona me ka tahuri ia ki te kohuru, me kore e mataku a ka noho pai. Ko Kereopa na e rere ke ana tona ahua i to etahi hoki kua whakamatea—he kino rawa ia. Ko nga tangata o te Whakatohea i taronatia i Akarana mo te kohuru o te Wakana ko Moko Moko, ko Hakaraia, ko Heremita. Ko enei tangata no raro iho i a Kereopa —ara te putake o te mate o te Wakana. Ko ia rawa (ko Kereopa ) te kai hapai i te teka, te kai whakahe i nga iwi, te kai whaka- hau i te kohuru. Ko Kereopa te kai arahi i te hunga i tukua mai i Taranaki e te porangi na e te Ua Haumene, haere mai ki Whanganui, Taupo, tae mai ki Opotiki i te tau 1865 ki te ako haere i nga iwi ki nga tikanga kohuru o te Hauhau—ara o te Pai Marire ki ta ratou i ki ai. Ko Kereopa te tangata i muru i te whare o te Wakana i a ia e ngaro atu ana, no te taenga mai o te Wakana ka kohurutia e ia ka kainga nga kanohi ka inumia nga toto. Ko Kereopa te tangata nana i tono a Te Whiwhini kia haere ki Waiapu ki te kawe i nga ritenga o te Hauhau ki taua kainga. Koia i aranga ai te riri ki Pa Kairomiromi; ki Tikitiki; ki Pukemaire, te riringa i puhia ai te Whiwhini e Piki; ki Hungahungatoroa hoki, te riringa i riro herehere mai nga tangata e rima rau. Ko Kereopa te tangata i haere ki Turanga (raua ko Patara) ki te kawe i te upoko o te pakeha ki a Hirini te Kani. Nana hoki i tahuri ai a Rongowhakaata me te Aitanga-a-Mahaki ki te karakia teka a te Pai Marire. Nana na Ke- reopa i whakahau i nga tangata o reira kia kohurutia te Pihopa o Waiapu; a kua mate te Pihopa i reira me i kore e tae mai ki a ia te rongo o te matenga o te Wakana me te whakaaro o nga tangata mona hoki—na reira ratou ko ana tamariki ka whakarere i ta ratou whare i Waerengaahika. Muri iho ka tukuna atu te tima ki te tiki i a ratou, a ka ora. Katahi ka whakahaua nga tangata e Kereopa kia murua nga whare o te Pihopa raua ko te Wiremu Minita, a murua ana tahuna ana hoki ta te Wiremu ki te ahi. Na Kereopa hoki i tono i ona akonga kia haere ki te Wairoa ki te kauhou i nga tikanga kohuru o te Pai Marire karakia i tahuri ai nga tangata o reira. Na, ko Kereopa te tino take o nga riringa katoa i riri ai ki Opotiki, ki Waiapu, ki Wairenga- ahika, me te Wairoa i roto i nga tau 1865, 1866. E tika ana hoki te ki na Kereopa i heke ai nga toto o nga ta- ngata katoa (nga pakeha me nga maori) i mate ki aua riringa—ko ia te kai whakakaha i nga tangata ki te kino, ko ia te kai whakahau ki te kohuru. Ki ta matau whakaaro kaore he ara e tika ai te muru a te Kawana i te hara pera. Ki te mea ka whakaorangia te tangata i penei te kino me te nui o toua hara he karanga tena ki te hara kia haere mai, he whakaae ki te tangata kino kia kino tonu. He tika ano ra na te Ua taua karakia Pai Marire; engari ko te karakia kau ta te Ua. Kaore a te Ua i ki atu ki a Kereopa kia tahuri ia ki te kohuru i te tangata—nana ake ano tena taha, na Kereopa . Inahoki i penei nga kupu ako a te Ua ki a
![]() |
3 23 |
▲back to top |
TE WAKA MAORI O NIU TIRANI. 23 Kereopa raua ko Patara i to raua haeretanga mai i Taranaki—he mea tuhituhi rawa ki te pukapuka aua kupu, a mauria haeretia ana e raua, koia tenei; " Kia pai ta koutou haere; kaua e tutu ki te tangata, kaua e ahu ki te pakeha. Ka tae koutou ki Taupo ka haere ki Whakatane, ki Opotiki, ki Waiapu, a tae noa ki Turanga. Ki te mea ka poke te pukapuka nei ki te paru me inoi tetahi pepa i a koutou hoa pakeha, ka tuhia houtia ano nga korero nei kia tae pai atu ai ki a Hirini te Kani ki Turanganui. Me hoatu ano ki a ia te mahuna tangata me nga kara." Heoi ra, i puta ta matau ki i tetahi nupepa i mua ekore e ora to tangata kohuru, ahakoa roa e haere ana tena te wa e mau ai e mate ai hoki. Koia ano tenei—kua roa u Kereopa e haere ana, no te maunga ka mau ka whaka- wakia ka whakamatea i runga i ona hara kua tika ki a ia. TE PAREMETE. Kua taia atu e matou i tera nupepa nga korero a nga mema Maori i roto i to Paremete tae mai ki te 22 o nga ra o Hepetema. Na, ka timata ano tenei tetahi wahi. Wenerei, Oketopa 4, 1871. HE KORERO MO NGA RORI KI TE PITO WHAKARARO O AKARANA; I KUA KIA WHAKAITIA TE MONI TONOA, ARA KIA WAIHO KIA £40, 000 MO TAUA MAHI. Ko te korero tenei i timataria e te PA- NARA i te 5 o Hepetema (kua taia atu ra i te nupepa tuatahi) kia whakaaetia e to Paremete kia kotahi rau mano pauna moni hei mahi mo nga rori me etahi atu mea hoki i roto i te takiwa ki raro atu o Akarana puta atu ki Kaipapa, ki Wha- ngarei, ki Hokianga, ki Mangonui, ki hea atu. Ki hai i ata mutu taua korero i reira ai; no tenei ra ka korerotia ano. Na te PANARA ano i timata to korero— ko tana tono ra ano. Muri i a ia ka korero te tokomaha atu; muri iho ko WIREMU KATENE, ka mea;—E Te Tumuaki kahore ahau e marama ki te take i whakaitia ai te £100, 000 i tonoa e maua ko Panara. Ekore ahau e kaha ki te ki e oti nga rori i te £40, 000. Ekore e rite mo nga takiwa o Mangonui, o Hokianga, o Peiwhairangi, o Kaipara, o Whangarei, o Mangawhai, o Waite- mata. Tera ano nga wahi e hiahiatia ana e ahau kia hanga he rori ki reira, a he mea tika ano kia waiho tetahi taha o te £40, 000 mo nga rori i waenganui o Whangarei, o Kaipara. Ko te £25, 000 e korerotia nei me waiho mo Wha- ngarei, puta ki Waitemata. I tonoa mai ahau e nga Maori katoa o aua takiwa koia ahau i mahara ai he mea tika kia korero ahau mo nga wahi katoa o reira. Ekore e tika kia noho puku ahau. Koia ahau i ki ai waiho te £25, 000 mo Wha- ngarei puta ki Waitemata. [Ko taua £25, 000 ehara i te moa no roto i to £40, 000 ra. Ho moni ke tenei i "kiia ma te Hupiritenete o Akarana e apiti ki te £10, 000.] No muri i a WIREMU KATENE ka ko- rero etahi Pakeha, no muri iho ka tu ano ia ka mea:—E te Tumua, ki, ki taku mahara ekore nga rori noi e oti i te £10, 000. Ekore e tika kia maumauria tenei moni, engari me ata whakahaere marire. Ekore ahau e ki tera e tae ki te £100, 000 mo enei rori; era pea iti iho. E ki aua te Kawanatanga ma ratou te whakaaro ki nga moni e whakapaua ana; engari kahore tena e marama ki au. Ko aku mahara kahore i noho ki Mangonui ki Peiwhairangi ki Hokianga anake, engari e tae ana ki Mahurangi, ki Kaipara, ki Whangarei, ki Waitemata. Mehemea he Pakeha ahau ka mohio ahau ki nga moni e kohikohia ana i roto i nga katimauta o enei takiwa. He maha nga katimauta— kotahi koi Mangonui, kotahi kei Pei- whairangi, kotahi kei Whangarei, kotahi kei Kaipara, kotahi kei Hokianga. Me- hemea ka mohio ahau ki nga moni o ko- hikohia aua i roto i aua takiwa, me nga moni e utua ana ki nga kai-whakawa o aua takiwa, mo te toenga o aua moni— mehemea ka mohio ahau ki taua toenga, ahakoa iti ahakoa nui, katahi pea ahau ka mahara tera pea e oti nga rori i tera. [No muri iho ka whakaaetia kia £60, 000 mo nga rori o raro.] Wenerei, Oketopa 11, 1871. He pakeha no Akarana nana tenei korero i timata mo nga kau me nga hipi a tetahi pakeha e noho ana i Waikato i aia ketia atu e nga maori, a mato iho etahi o nga hipi i a ratou te patu. E ui ana taua pakeha ki te whakaaro o te Kawanatanga, ki taua tu mahi. Ki tana whakaaro e tika aua kia mau pu nga pakeha hei whakaora i a ratou me a ratou taonga. Ko te Kawanatanga ki hai i pai kia poka noa nga pakeha noa atu ki te whawhai ki nga maori. Ka korero taua pakeha i ana korero, no muri i a ia ka whai korero etahi—ko etahi ki te pehi i ana tikanga, ko etahi ki te hapai. Katahi ka korero ko WI PARATA, ka mea;— Me whai kupu ahau i runga i tenei ko- rero no te mea kei roto a Waikato i toku takiwa taea noa ki tenei kainga. Mehemea ka penei te ture me ta Te Kirihi e ki na, mehemea ka haere mai te hunga muru me a ratou pu me whawhai ratou nga pakeha ekore e tika. Ekore tena e tika i nga wahi e mahara ana nga Maori e he ana kia hae-
![]() |
4 24 |
▲back to top |
TE WAKA MAORI O NIU TIRANI. reere nga kau i reira. Ekore e tika kia pena he ritenga i te mea kahore ano i kitea noatia te tika o te tangohanga o nga whenua a nga Maori. Ko te mea tika kia ata kimihia mariretia; hei reira ka mohiotia ai mehemea i he te mahi a nga Maori ki te paua i nga kau. Kaua e tukua kia nui ake te mana o te Pakeha i i te maua o te Maori ki runga ki aua whenua, no te mea kahore ano i oti noa te tikanga o aua whenua. Kahore ano i tino tuturu te pai ki tenei, motu, engari na te mahi a tenei Kawanatanga i ahua pai ai, i iti haere ai nga kino. Mehemea ka tu he Kawanatanga ke ka pera ona whakaaro me nga whakaaro a Te Kirihi ka raruraru ano pea te motu nei. Mehe- mea ka he te mahi a te Maori ki te Pakeha kaua e utua te kuaretanga a te Maori ki te kuaretanga ano. Waiho ma te ture e mahi. Kaua ratou e tango i te kuaretanga a te Maori kei kiia he kuare tahi ratou. Ko te take i tu ai ahau ki te korero no te mea no Waikato nga Maori i whakahuatia ra; a kei roto tera wahi i toku takiwa. He maha ano nga Pakeha i tu ki runga ki te korero mo tenei mea i muri i a Wi Parata,, engari ekore e taea katoatia te tuhituhi ki konei. Heoi, mutu ana te korero i taua rangi, tahuri aua te Runanga ki etahi atu wha- kaaro. No te 18 o nga ra ka korerotia ano. He maha ano nga mema pakeha i korero; muri iho ka tu ko WIREMU KATENE, ka mea;—E whakahe ana ahau ki te tikanga o tenei korero kia waiho ma nga Pakeha noa iho e wha- whai ina huakina ratou. Mehemea ka penatia i nga takiwa katoa kanui te mate a te Maori. Ko te whawhai a Titokowaru he hoiho te take; he nui te mate i tupu i roto i taua mea. Mehemea ka peneitia he tikanga i nga wahi e nui ake ana nga maori i nga pakeha ka mate nga pakeha i a ratou; a mehemea ka peneitia he tikanga i tetahi takiwa e iti ana nga maori e nui ana nga pakeha ka mate katoa nga maori i a ratou. Mehemea kei Otakou tenei tikanga e mahia ana ka poto katoa nga maori o reira ki te mate. Ki taku whakaaro me waiho enei tu mea ki te Kawanatanga ma ratou e whakahaere. Kua rongo ahau kua tae nga karere a te Kingi ki toku iwi ki a Ngapuhi. Mehe- mea ka tae nga tangata o toku iwi ki te Kuiti katahi ka mohiotia me pehea ranei he tikanga mo nga tangata e mahi kino ana. Kaua tenei Runanga e tahuri atu. E rite ana te mahi a tenei whare ki te hanga tamariki e tahu ana i nga otaota i te raumati, a kowai e mohio ki te wahi e mutu ai te ka o te ahi. KARAITIANA. TAKAMOANA.—E te Tu- muaki, ka tu ahau ki te korero no te mea he tikanga nui tenei ki te iwi Maori. No roto i nga tau kua hori ake nei i tu ai te pai ki roto ki enei motu; a he aha te take i korerotia ai he korero penei inaianei? He whakahe ranei tenei ki te Kawanatanga, ki te Maori ranei? Mehemea he tangata hou enei tangata nana i hapai tenei korero katahi ka ahua marama; tena ko tenei he tangata ratou no mua i timata ai ta ratou noho ki roto ki tenei Whare—kua kite ratou i nga he o te motu nei. He aha rawa te take i korerotia tonutia ai enei mea kino? He aha te waiho ai he take korero ko nga mahi a te Kawanatanga? I mua i tohe ahau ki te Kawanatanga kia whawhaitia nga maori; engari kahore te Kawanatanga i whakaae kia patua nga maori. I tohe ahau kia patua nga maori kino kia ahei ai te noho pai o era i whakaae ki te Ka- wanatanga, kia tuturu ai hoki te pai i roto i nga wahi katoa o te motu nei. Kihai te Kawanatanga i whakaae ki taku; kihai i whakaae te nuinga o te pakeha. No muri i tena ka hoki ahau ki nga maori ki te tohe ki a ratou kia tahuri ki te pai. Kua tohe e tonu ahau ki tenei Whare kia kotahi te ture mo te maori mo te pakeha. Mehemea ka tahuri te iwi maori ki te whakararuraru, katahi ka tika kia whakatakotoria he tikanga; engari me whakamutu inaianei nga korero mo te whawhai. Kua mate ano ahau i runga i enei tikanga. Me whakamutu nga korero mo te paua i te kau i te hipi, ehara hoki enei i te mea tika hei take ko- rero i roto i tenei Whare. Me waiho enei mea ki nga tangata o ia takiwa, ara ki nga kai-whakahaere tikanga ma ratou e mahi. Ko nga korero mo tenei Runanga ko nga tikanga nui mo te pai ki nga wahi katoa o Niu Tirani. Ehara i te mea e hapai ana ahau i te maori; kahore, e hapai ana ahau i te pakeha. Ehara te maori i te iwi whai rawa whai aha ranei. Ma te pakeha, ma te iwi whai taonga e hapai i nga tikanga o te rangimarie. Me- hemea ka whawhai te maori kahore ia e whakaaro he aha ranei te tukunga iho o tana whawhai, no te mea kahore ona taonga hei tiaki mana. Me whakamutu rawa inaianei tenei korero mo te paua i te kau i te hoiho. No muri tata i a Karaitiana korero ka whakamutua taua korero e te pakeha nana i timata, he mea unu noa atu e ia ki waho. HE KORERO MO TE TONO A TETAHI APIHA PAKEHA KIA HOATU KI A IA ETAHI WHENUA I WAIKATO. He tokomaha nga pakeha i korero ki runga ki tenei tono. Ko etahi i whakaae, ko etahi i whakahe. Muri mai ka tu ko WI PARATA, ka mea;— E Te Tumuaki, kahore ahau e ma- rama ki te take e hoatu ai tenei whe- nua ki nga tangata kua uru ki te whawhai. Kahore e tika kia utua aua tu tangata i roto i nga whenua kua riro i runga i te rau o te patu. Ma te Kawanatanga e utu i roto i etahi whenua a ratou. Ekore e pai kia waiho ma te maori ano, ma te iwi i mate, era tangata e utu i roto i a ratou whenua i a te maori. Mehemea i ki te Kawanatanga i mua ki te hara te maori ka tangohia a
![]() |
5 25 |
▲back to top |
TE WAKA MAORI O NIU TIRANI. 25 ratou whenua, penei ekore e nui te wha- whai. Mehemea he apiha maori tenei e korerotia nei ekore te Runanga e tohe ki te hapai i te tikanga mo tona urunga ki to whawhai. He maha nga Kapene maori, kahore ano ahau i rongo kowai ranei o ratou i whiwhi ki te whenua. I ki Te Kuini i te Tiriti o Waitangi ekore ia e tango i te whenua a te maori; i pena ano hoki te kupu a Kawana Paraone i Kohimarama. I ki te Kawana i reira ekore e tangohia ho whenua.; a kahore au o mohio ana ki to Ture nana i whakanoa taua Tiriti. Me panui pea e ahau nga kupu a Kawana Paraone i te hui ki Kohimarama:— "I to whakaaetanga a Te Kuini ki a te Kawanatanga o Niu Tirani ka wha- katauwharetia mai tona maru ki runga ki nga tangata maori hei tiaki; ka whakaae hoki ia maua a Niu Tirani mo nga iwi maori e tiaki kei tikina mai e tetahi hoa riri iwi ke; ka whakawhiwhia hoki e ia nga tangata katoa rite tahi ki o Ingarangi, tangata: a i whakaaetia, i tino whakapumautia hoki o ia ki nga Rangatira maori, mo nga iwi maori ki nga hapu ki nga tangata hoki, ko o ratou oneone, me o ratou whenua, me o ratou ngaherehere, me o ratou wai mahinga ika, mo o ratou taonga ake, o te iwi, o ia tangata o ia tangata: whakapumautia ana e ia ki a tatou hei noho mo ratou, hei mea mau rawa ki a ratou, kaua tetahi hei tango, hei whakaoho, hei aha—ara, i te painga ia o ratou kia waiho ki a ratou mau ai." Kahore ano te maori i mohio noa ki te Ture nana taua Tiriti i whakanoa. E kiia ana na nga kohuru a te maori i tangohia ai o ratou whenua; engari i rite ano nga kohuru a te pakeha ki nga kohuru a te maori. He aha hoki te take i puritia ai te pu me te paura ki to maori. Mehemea ka whawhai te. pakeha raua ko te maori me whakawhiwhi ano te maori ki te paura me te pu. Mehe- mea ka kore nga pakeha o tango i te whenua katahi ka kitea ta ratou aroha ki te maori. Kahore aku wha- kahe mo tenei Kawanatanga, engari mo te Kawanatanga o te taima o te wha- whai. Me whakamutu tenei korero. Mehemea e tika ana kia hoatu he whenua ki tenei tangata ma te Kawanatanga e kimi i roto i a ratou whenua ake. Heoi, kihai i whakaaetia te whenua mo taua apiha. Paraire, Oketopa 13, 1871. Ko TE TURE MO NGA KURA MAORI. Na te MAKARINI tenei Ture i whaka- puta ki te Runanga. He kite nana i nga tikanga o to " Ture mo nga Kura Maori o te tau 1867," he uaua rawa. E araia ana e taua Ture te. hiahia o te Kawana ki te hoatu moni hei whakatu Kura i nga takiwa maori e pai ai ia—ko te he tena. Kei nga whenua rawa o uta e kitea ana taua he; nga whenua e moni kore ana nga maori, engari ko te hiahia kia whaka- akona nga tamariki e nui ana, a e wha- kaae ana kia tukua mai he whenua hei tautoko ake mo nga Kura. Te mea i tino raru ai nga maori he kore kaore e mohio ki te reo pakeha. Na, ko te mea tena o whaia ana e te Kawanatanga, ko te reo Ingarihi kia mohiotia e nga maori. Ki tana whakaaro (ki ta te Makarini) ko to mea rawa tena mana e arawhata te awa hohonu e tiriwa ana i te pakeha rawa ko te maori kia whiti tetahi ki te nohoa- nga o tetahi. I nga takiwa kua hori atu ua kaore i tino nui te hiahia o nga iwi maori ki nga kura, he riro ko no nga whakaaro ki runga ki nga mate me nga raruraru o te motu, Ko tenei kua nui te hiahia, kua riro pu te whakaaro o nga iwi kia whakaakona nga tamariki, a e puta auau tonu mai ana nga tono kia whakaturia, ho Kura i nga takiwa maori. WIREMU KATENE. — Heoi ano taku korero ho hapai i tenei Ture. Ka wha- kaao matou ko toku iwi ki tenei Ture. Kua whakaae hoki ki tora Ture o mua. mo te kohikohi moni, me to whakatapu whenua mo nga kura, me te hanga i nga whare kura. Kahore aku kupu whakahe mo tenei Ture. Tenei taku whakaaro, kahore ano i kaha te hapai a te. Maori i nga tikanga kura, i mohiotia e au ki te matou ahua i konei ekore hoki matou e kaha ki te hopu i nga kupu katoa e vwha- kapuakina ana e nga Pakeha. HORI KEREI TAIAROA..—He hapai toku i tenei Ture. Engari ma te Ka- wanatanga e whakarite ho tikanga mo nga tamariki pani kahore nei he oranga mo ratou. He maha nga tamariki kei Ota- kou heoi ano ho tangata hei tiaki i. a ratou ko etahi matua tawhiti; a ki taku whakaaro ma te Kawanatanga aua tu tamariki e whakaako, Ka hapai ahau i tenei ture, engari ma te Makarini e ma- hara ki nga tamariki pera me era kua whakahuatia o au. Engari ma nga ko- miti o nga kura o whakaae i te tuatahi. No roto ahau i te komiti kura o toku takiwa, he tamariki ano kei reira kahore he tangata hei utu i a ratou kai i a ratou kakahu. Ka tohe ahau ki te Kawana- tanga kia hapainga toku tohe. I ki a TE MAKARINI o pai ana nga. korero a Taiaroa. E hiahia ana Te Kawanatanga kia maha nga tamariki Maori e uru ki nga kura. Tera ano etahi Pakeha i uru ki tenei korero, i whakapai katoa ratou. Ko tetahi i ki ki tana whakaaro ko te mea. tino pai he kura kotahi mo nga tamariki Maori mo nga tamariki Pakeha; ma tera hoki e hohoro ai te mohio a te tama- riki Maori ki te reo Pakeha. KARAITIANA. TAKAMOANA. — E wha- kapai ana ahau ki te whakaaro a te pakeha i ki na kia kotahi te kura mo nga tamariki maori me nga tamariki pakeha. He mea pai rawa tera. Titiro ki te kura i Wairarapa, i haere nga minita ki te tirotiro, ki ana ratou kua mohio nga tamariki; engari kahore aua tamariki i
![]() |
6 26 |
▲back to top |
26 TE WAKA MAORI O NIU TIRANI. mohio no te mea he tamariki maori anake ratou; a taea noatia te mutunga o taua kura i te kuare tonu nga tamariki. Mehemea ka uru tahi nga tamariki o te pakeha o te maori ki te kura kotahi, katahi ka mohio; katahi hoki ka titiro atu nga matua o nga tamariki pakeha, a ekore nga kai titiro o nga kura e ki kua mohio nga tamariki i te mea kahore ano i mohio noa. Ekore ahau e pai kia wehe ke nga tamariki maori i nga tamariki pakeha, engari me noho tahi. Ekore hoki ahau e pai ma nga minita anake enei kura e whaka- haere, engari ma te Kawanatanga kia tika ai te whakaako i nga tamariki. Mehe- mea i waiho ki to Kawanatanga te wha- kahaere i mua tera pea kua tino mohio etahi o nga tamariki maori. Ko nga whenua kua hoatu ki nga mihinare me whakatapu mo nga kura. Kaua nga minita e whakahaere i nga kura, engari ma ratou e whakaako nga mua kua kau- matuatia. Me whakahoki mai nga whenua ki nga Komiti o nga kura. He maha nga tamariki kua tae ki nga kura kua kauma- tuatia a kei te noho mohio kore inaianei. Taite, te 19 o Oketopa, 1871. HE RUNANGA MO NGA TAKIWA O RARO. WIREMU KATENE.—Maku e ata wha- kamarama te putake o taku tono mo tetahi Runanga mo toku takiwa, hei reira ka kitea ai e nga pakeha mehemea ka tika kia whakahengia e ratou. Ko nga mahi ma taua Runanga koia enei:—Te tuatahi, hei awhina i nga Kai-whakawa i nga taima ekore nga maori e whakarongo i a ratou whakataunga. Tuarua, hei hapai i te mahi whakaako i nga tamariki. Tuatoru, hei whakahaere i te mahi hanga rori. Tua- wha, hei whakaoti pai i nga raruraru a nga maori ki a ratou whaka-maori. Tua- rima, hei whakaoti i nga raruraru a nga maori ratou ko nga pakeha i runga i te mahi nihi whenua—i nga raruraru hoki mo nga kau me nga hipi. Ko nga putake kau ia enei. Tera ano hoki tetahi mahi ma taua Runanga, ko te whakahaere tika i nga moni mo nga rori. Ma taua Runanga hoki e ata titiro nga tono a nga tangata maori e tukua mai ana ki te Kawanatanga; ma te Runanga e wha- kaae i te tuatahi katahi ka tukua mai. Ki taku mahara ehara tenei tono aku i te mea taimaha. E tono ana ahau i taua Runanga mo toku takiwa anake, kahore ahau e ki kia tae tona mana ki tetahi atu takiwa. Me timata i tera taha o Akarana haere tonu ki raro rawa. Ka- hore ahau e mea me maori anake mo tenei Runanga, engari me hawhe pakeha me hawhe maori kia mahi tahi ai ratou i nga tikanga mo nga rori. Mehemea ma tenei Runanga e whakahaere nga moni mo nga rori katahi ka pai—ma tenei Runanga ano hoki e kohikohi nga moni mo nga rori. Kahore he raruraru e tupu i roto i te maori i runga i tenei mea, ka noho noa iho ratou, ma te Runa- nga e whakahaere nga tikanga. Heoi ano te mea ahua taimaha ko te utu mo nga tangata o te Runanga. Ki taku wha- kaaro ma te Kawanatanga e utu. Ekore e kiia e au era e penei te roa o te no- hoanga o taua Runanga me te roa o te nohoanga o tenei whare; ekore e roa rawa. I ki a TE MAKARINI e whakapai ana te Kawanatanga ki te tono a Wiremu Katene; engari ekore e taea i tenei noho- anga o te Runanga te whakaoti i nga tikanga katoa i whakaaturia mai e ia. Engari kua oti te whakarite kia homai he ture mo te mahi i nga rori. Ko te taha mo te utu o nga tangata o te Runanga ekore pea e taea; engari me pena ano ratou me nga Runanga Rori a te pakeha, kahore he utu. He mea pai rawa tenei hiahia a Ngapuhi, otiia ehara i te mea no naianei i timata ai ta ratou hiahia kia rite tahi ratou ki te pakeha kia uru ki ona tikanga, kaore, no te tuatahi ra ano. Paraire, Oketopa 20, 1871. HE PATAI MO NGA MAORI MO ROTO I NGA RUNANGA O NGA POROWINI. I patai a HORI KEREI TAIAROA ki te Minita mo te taha Maori mehe- mea ka whakatakotoria a tera nohoanga o te Runanga he Ture mo nga maori kia uru ki nga Runanga o nga Porowini? Ki tona whakaaro hoki ho mea pai kia uru te maori ki aua Runanga. I mea a TE MAKARINI kua oti ano to Ture mo taua mea, engari kei nga Runanga o nga Porowini kei nga Hupa- ritenete te whakamananga. Wenerei, Oketopa 25, 1871. MO NGA WHENUA RAHUI. I patai a HORI KEREI TAIAROA ki te Minita mo te taha Maori mehe- mea i whakamana e te Kawana nga pakeha nana i hoko nga whenua a nga tangata maori o Ngaitahu? A nawai i whakamaua aua Pakeha ki te whakarite i nga whenua rahui mo nga Maori? A mehemea kei te mau tonu nga pukapuka tuku whenua me nga pukapuka whaka- tapu i aua whenua rahui, kua noa ranei? E hiahia ana hoki ia kia rongo ia mehe- mea kei te mana tonu nga whakaritenga whenua rahui i whakaaetia i to tau 1853. Kua rongo ia ko etahi o nga kupu i roto i aua pukapuka kahore ano kia whakamanaia noatia e te Kawanatanga, me etahi o nga kupu mo nga whenua rahui hoki kahore ano i oti noa. Mehe- mea kei te kore tonu ka whakaaro ia kua noa aua pukapuka hoko whenua, me nga wahi ano hoki kua rahuitia mo nga maori.
![]() |
7 27 |
▲back to top |
TE WAKA MAORI O NIU TIRANI. 27 I whakahokia atu taua patai e TE KIHIPANE (i te ngaronga o te Makarini). E tika ana, na te Kawanatanga i whaka- mana te hoko whenua me te whakarite i nga wahi rahui mo nga maori o Ngaitahu. Ko aua whenua rahui ua kei te mana ano. Mehemea ka ata whakamaramatia mai te wahi i he ki te whakaaro a Taiaroa ma ka ata tirohia e Te Kawanatanga. Ekore e taea te whakahoki tika i te patai penei me ta Taiaroa, engari ko nga kupu katoa a nga tangata i whakaritea e te Kawana- tanga e hiahia ana te Kawanatanga kia whakaotia tikatia. Taite, te 26 o Oketopa, 1871. MO NGA KARAUNA KARAATI. I patai a WI PARATA, ki te Kawana- tanga mehemea e tika ana kia whakapu- taina ho Karauna karaati mo o tetahi whenua i te mea kahore ano i mohiotia nga eka o taua whenua. I ki ia ko te take o tana patai he mea kia mohiotia ai te tikanga a te Kawanatanga mo nga whenua maori, mehemea hoki e tika ana kia whakaputai- na he karaati mo nga whenua kahore ano i mohiotia nga eka o roto, no te mea kua rongo ia ki nga Kai-whakawa o to Kooti me ruri te whenua katahi ka tika kia whakawakia; otira kua oti pea te hanga he ture hou mo taua mea. I tono ia ki te Kawanatanga kia whakamaramatia mai tenei e ratou, no te mea ko te karanga o te maori e ata mohio ki enei mea tetahi take o nga raruraru o te Kooti Whenua maori. Ki tana whakaaro kahore i ata whakamaramatia enei mea ki nga maori kia ahei ai ratou te whakahaere tika i a ratou korero i to aroaro o te Kooti; a ko te kore whakamarama ka waiho hei tako whakapouri i nga maori. Heoi, ka tono ia ki te Kawanatanga kia utua taua patai. Ka mea a TE MAKARINI.—Kahore ia i mohio mehemea kua whakaputaina he Karauna Karaati i te mea kahore ano te whenua kia ata ruritia. kahore hoki he ture. Ki tana whakaaro kei to pohehe pea a Wi Parata mo taua mea. Ko te kupu mo te Ture mo te Kooti Whenua kai te wha- kamaoritia taua Ture e te Kawanatanga kia kitea ai e nga maori, kia mohiotia ai ratou i mua o to whakaotinga o taua Ture e te Runanga. Paraire, Oketopa 27, 1871. TE TURE MO NGA RUNANGA WHAKA.- HAERE RORI I ROTO I NGA TAKIWA MAORI. Na TE MAKARINI i timata te korero mo tenei Ture. I ki ia ko te putake o tenei Ture i whakatakotoria ai ki te aro- aro o te Runanga hei whakamana i te whakatu Runanga hei whakahaere i te mahi rori i roto i nga takiwa Maori. Na Wiremu Katene i ki he mea pai kia uru nga tangata maori o tona takiwa ki te whakahaere i to mahi rori. Kua hiahia hoki nga Maori o reira ki te hapai i te mahi whakaako i a ratou tamariki mo etahi atu mea e ahei ai ratou ki te wha- katakoto tikanga mo to ratou takiwa. Ko taua iwi ko Ngapuhi he iwi noho pai tonu. He maha a ratou tikanga hapai i te mana o te Kuini kua kitea i roto i nga tau kua hori ake nei; koia ia i whakaaro ai me hapai e te Runanga Nui te hiahia o taua iwi, na reira hoki i homai ai e Te Ka- natanga tenei Ture hei whakamana i Te Kawana ki te panui i nga takiwa e mana ai tenei Ture. He mea pai hoki kia wha- kamana te hiahia a nga maori mo nga mea penei, koia ia i tono ai kia wha- kaaetia tenei Ture. WI PARATA. E Te Tumuaki, ka tono ahau kia whakamaoritia tenei Ture —kahore ano hoki kia whakamaoritia— kia ahei ai matou ki te titiro mehemea e pehea ana ranei nga kupu o roto. Ka- hore ahau e ata marama ki te kupu a Te Makarini e ki ra tera ua Wiremu Katene i tono i homai ai tenei Ture. Kahore ahau e pai kia tau ki toku takiwa. Ki taku whakaaro me waiho nga ture penei kia noho ra ano he tangata maori ki tera wehenga o te Runanga, ki roto hoki ki te Kawanata- nga; he mea hohoro rawa te homai i tenei Ture inaianei. E wehi aua ahau kei pera me te Ture mo te Kooti Whenua Maori; pai noa atu nga kupu whakamara- ma mo taua Ture, engari no te whaka- maoritanga no te taanga katahi matou ka kite e rere ke ana. Me whakamaori enei ture katoa i mua o to korerotanga kia marama ai matou. Me ata whaka- marama mai hoki mehemea mo Ngapuhi anake tenei Ture. 1 ki te TUMUAKI ka whakamaoritia taua Ture i mua o te Komititanga. WIREMU KATENE. — I whakaaro a- hau kua oti te Ture mo nga Runanga Whakahaere Rori. I te taima i tu ai te korero mo taua Ture ka whakahengia e matou e nga maori tokowha nei; heoi, kihai i taea e matou te turaki. I tu katoa nga pakeha o te Whare nei ki te whakahe mo ta matou tohe kia turakina taua Ture. No to otinga ka whakaaro ahau maku e kimi he tikanga hei whaka- haere pai i taua Ture i roto i toku takiwa. E hiahia ana ahau kia UTU matou nga maori ki taua tu mahi i roto i o matou takiwa. Ki taku whakaaro ka taea e matou e nga maori. Kei te mohio ahau ki nga tikanga o tenei Whare ahakoa he tauhou ahau ki konei. Heoi, kite ana e au kua oti te Ture mo nga Runanga whakahaere Rori, katahi ahau ka kimi i tetahi tikanga hei whakahaere pai i taua ture i roto i to matou takiwa. Ekore e pai ma Wi Parata e whakahe taku tono. Ka waiho e au ma te Runanga katoa e whakahe, katahi ahau ka mohio ki toku tika ki toku he. He maha aku mea i hapai ai kua whakahengia e te Runanga nei, heoi ka waiho e ahau ki a ratou to whakaaro. Ekore ahau e pai kia hoki ki nga tikanga maori o mua, he tikanga kino hoki. E
![]() |
8 28 |
▲back to top |
28 TE WAKA MAORI O NIU TIRANI. kimi ana ahau i tetahi tikanga hou hei hapai i nga maori i roto i toku takiwa. Mehemea ka kawea ketia nga moni e kohikohia ana e nga Runanga rori katahi ahau ka whakahe i tenei ture; tena ko tenei ko aua moni mo nga rori anake i roto i te takiwa i kohikohia ai ka hapainga e au. Ina hoki ahau ki toku iwi ka korero ahau i aku mahi i konei, ki te mea ka whakahengia e ratou maku e panui ta ratou whakaaetanga i te aro- aro o te Runanga nei. Otira ekore e taea te pehi aua Runanga Rori, ki taku mahara ka tini haere. Ko te iwi maha tenei ko to pakeha, a na te pakeha i hanga te Ture mo nga Runanga Rori; na reira i pai ai a ratou whenua, pai ake i a te maori. I ki a MAKARAURI na nga raruraru o te takiwa ki a Wi Parata i pera ai pea aua korero; otira ho ture pai rawa tenei mo Ngapuhi. E hiahia ana nga maori o reira ki te kohikohi hei whakapai i nga rori, engari tera ano nga take i kore ai e puta ki a ratou etahi o nga moni a te Kawanatanga i whakatapua mo nga rori. Kotahi take ko nga whenua kua oti te hoko e te Kawanatanga e takoto a, na i waenganui o nga whenua a nga pakeha o nga whenua a nga maori. Engari he mea pai rawa kia tu he Runanga penei i roto i nga takiwa. I tera tau e £50, 000 i whakatapua mo nga Runanga Rori, kahore rawa tetahi hereni o tera moni i hoatu mo Mangonui mo Peiwhairangi, ko te take kahore he Runanga Rori. He nui nga moni a Ngapuhi kua. pau ki te mahi rori, he nui hoki ta ratou mahi rori. Ko ta ratou hiahia tonu hoki kia whiwhi ratou ki nga painga mo to ratou takiwa, kia hapainga hoki te ture me te pai ki reira. HORI KEREI TAIAROA..—Kahore aku whakahe ki a Te Makarini mo tenei Ture, engari kei te whakahe ahau ki te Ture nei. He tini noa atu nga pukapuka a nga tangata o te Waipounamu mo tenei mea kei te tuara o to Minita mo te taha maori e pikau ana. Ko tenei Ture me ata whakarite mo Ngapuhi anake. Kua oti tetahi Ture mo nga Rori i mua tata atu nei, engari no te taenga ki tera wehe- nga o te Runanga ka hapainga a matou kupu whakahe mo taua ture i whakapuaki ai i konei, ka whakakorea tera wahi o te Ture i whakahengia e matou. Ka wha- kahe ahau ki tenei ture, engari me whaka- maori katahi ka marama. E hiahia ana hoki ahau kia hoatu he kupu ki roto ki tenei Ture kia kaua e whakamana ki nga wahi ekore e paingia e nga Maori. I ki a Wiremu Katene ka hoki ia ki ona iwi hei reira ka mohio ai ia ki a ratou whaka- aro, whakahe ranei whakatika ranei; otira ekore tena tikanga e marama ki toku titiro iho. Era ano ahau e kaha ki te whakatakoto tikanga mo tenei Ture, engari me matua whakaae te iwi. Ekore e pai maku e whakararuraru te iwi. Ma ratou e ata whakarite i to tuatahi hei reira ka kaha ai ahau ki te mahi. Mehe- mea ka raruraru ratou na ratou ano i raruraru ai, ekore ahau e he. No muri i a ia ka tu a TE TUA- NATANA (Mr. Swanson), he Pakeha no Akarana. Ka ki ia he mea tika kia whakamaoritia tenei Tare. I whakaaro ia kua oti te ki i roto i te Runanga kia whakamaoritia nga ture penei, engari tera ano pea ka mahia i runga i te kupu a Te Makarini. E tika ana ano etahi o nga kupu whakahe a nga maori, e pai ana kia korero ratou ko nga tangata o o ratou iwi. Ko te hapai ano ia i tenei Ture, engari me whakahaere e te Kawanatanga i runga i to tikanga nga- wari i te tikanga aroha hoki ki te iwi Maori; mehemea ka penatia ka awhinatia ratou e te Runanga, kahore hoki i mea nga Pakeha o roto i te Runanga kia whakataua nga mea e whakakinotia ana e nga Maori ki runga ki a ratou. KARAITIANA TAKAMOANA.—E tika ana te kupu a Taiaroa mo nga pukapuka kua tukua mai ki te Kawanatanga mo nga Runanga whakahaere Rori. Ki taku whakaaro ma nga Maori e ata wha- karite i to tuatahi. Ekore hoki ahau e. pai kia ki ratou naku ratou i whakararu- raru i runga i taku hapai i tenei ture. Ki toku ake whakaaro he ture pai tenei, engari kahore ahau e mohio mehemea ranei ka whakapaingia e etahi atu tangata o to iwi maori. Engari me waiho ma ratou o whakaae i te tuatahi katahi ka whakamana ai i tenei ture. Ekore ahau e pai kia ki ratou naku te he. Ko taku hapai i tenei ture mo toku takiwa anake ekore ahau e ahei ki te hapai mo etahi. atu. I ki a TE MAKARINI ko te tikanga o tenei ture mo nga wahi anake e hiahiatia ai e nga maori. Kahore i kiia kia tau tenei ture ki etahi wahi, engari ki Nga- puhi anake i te tuatahi. Otira e tika ana kia whai mana te Kawana ki to whakatau i tenei ture ki etahi atu takiwa mehemea ka paingia e nga maori. Ko te take i kore ai e oti te whakamaoritanga o tenei ture ko te torutoru o nga kai-whakamaori hei mahi. Katahi ka pootitia taua ture—e 32 ki te hapai, 10 ki te whakahe. Ko te maori i hapai ko Wiremu Katene, ko nga maori i whakahe ko Wi Parata, ko Karaitiana Takamoana, ko Hori Kerei Taiaroa. Heoi, whakaaetia ana i runga i te reo o te tokomaha. KO TE TURE MO TE WHAKAHAERE I TE MAHI HANGA RORI REREWE ME ERA ATU MAHI NUNUI. I roto i te korero mo tenei ture ka tu ake a WI PARATA, ka mea ia: He kupu ano taku mo tenei mea. Ko nga whenua e pau ana i nga rerewe ma te Kawanatanga e hoko; ki te kore, akuanei ka waiho hei take raruraru. Mehemea ka whakahe nga maori ki nga rerewe kei haere i runga
![]() |
9 29 |
▲back to top |
TE WAKA MAORI O NIU TIRANI. 29 i o ratou whenua, kaua te Kawanatanga e tohe; mo ata mahi marire, kaua e hohorotia te mahi. Mehemea ka penei te mahi a te Kawanatanga katahi ka oti pai nga rerewe, ekore e tupu he kino penei me nga kino o nga tau kua hori ake nei. Kua nui nga raruraru o tenei motu, koia ahau i mea ai kia kaua e pakeke te mahi a te Kawanatanga, engari me mahi marire kei tupu he kuraruraru. Ekore ahau e pai ma nga huparitenete e mahi, mehemea ka uru ratou ki enei mahi ka nui te raruraru ki nga maori ki nga huparitenete ano hoki. Ko taku i pai ai ma te Ka- wanatanga nui o Niu Tirani e whakahaere enei mahi katoa. Mane, 30th Oketopa, 1871. I tu a KARAITIANA TAKAMOANA, ki te whakaatu i tetahi tikanga whakaiti i te mana o te Runanga Nui. I ki ia kua whakawakia ia i roto i te Kooti Whakawa i Nepia i tona ngaronga mai ki nga mahi o te Runanga, hinga aua ia. Koia ia i tono ai kia puta he kupu ma te Tumuaki kia whakakorea taua whakawa. I ki te TUMUAKI, kua korero a Karai- tiana ki a ia mo taua mea nei, kua kimihia e ia nga tikanga o taua whakawakanga, kua kitea no roto i nga ra kotahi tekau i mua atu o te ra i timata ai te Runanga te ra i tuhia ai te tamana ma Karaitiana; heoi, kua kore taua whakawa me ona tikanga katoa. Turei, Oketopa 31, 1871. HE PATAI MO TE MAHI A NGA KOMIHANA MO NGA WHENUA RAHUI. I patai a WI PARATA kia whakamara- matia mai e Te Kawanatanga mehemea i mohio ratou i whakamaramatia ranei e nga Komihana mo nga Whenua Rahui nga tikanga o to ratou mahi ki nga maori ki raro ki te mana o nga Ture mo nga Whenua Rahui. I ki ia ko te take o tana patai he nui nga raruraru mo enei whenua, he nui nga mate i tau ki runga ki nga maori. Kahore ia e mohio mehemea ka kaha te Runanga ki te whakakore i nga mahi a nga Komi- hana. Ko nga whenua i Porirua ka nui te raruraru. I ki a TE MAKARINI kua rongo ano ia kei te raruraru nga whenua i Porirua, ara nga whenua kua oti te homai ki nga Komihana. Engari ko te Komihana o te takiwa i homai ai aua whenua kua mutu tana mahi Kawanatanga. Kua ki ia ki te Komihana hou kia ata tirohia mari- retia nga raruraru o nga wahi i whaka- huatia e Wi Parata, hei reira ka ahei ai te whakaatu ki taua Komihana i nga mea i kitea e nga maori. I ki hoki a Te Makarini kahore ano ia i rongo ki tetahi kupu whakahe mo etahi atu o nga Komi- hana, no te mea i tika ta ratou mahi. I ki a WI PARATA e marama ana nga kupu a Te Makarini, e pai ana kia kimi- hia nga tikanga o aua whenua e te 3 Komihana hou. Engari ko nga Tuae mo nga Whenua Rahui kahore ano i whaka- maoritia kahore ano i tukua ki nga maori kia mohio ai ratou. No reira ka noho mohio kore nga maori ki nga Ture whai tikanga nui ki a ratou; a ka kore ratou e whakahaere i aua ture ka kiia he ngoikore no ratou. Ko te tino putake o te he kei nga Komihana, kei to Kawanatanga, no to mea kei te kuare te maori; a puritia ana nga ture kahore e whakamaramatia aua ki a ratou. Taite, Nowema 2, 1871. HE PATAI MO NGA PUKAPUKA. TUKU WHENUA. O TE WAIPOUNAMU. I patai a TAIAROA ki to minita mo to taha maori mehemea ekore te Kawana- tanga e pai kia whakatakotoria ki. runga i to teepu o te whare nei nga tauira o nga pukapuka tuku whenua i tuhia e nga tangata maori o te Waipounamu, o Rakuira, o te hokonga ki a Te Kuini ki a Wairaweke ma hoki? I ki a TE MAKARINI.—Kua oti ano aua pukapuka te ta i mua i roto i nga pukapuka o te Runanga Engari kahore ia i mohio mehemea kua whakamaoritia; otira ko etahi kua whakamaoritia. Ko te whakaaro a te Kawanatanga kahore he tako mo to whakapau noa i te moni ki te ta i nga pukapuka kua oti ano te ta i mua. Mehemea e hiahia ana a Taiaroa kia kite ia i tetahi o aua pukapuka maua o whakaatu mai ko tehea ranei, a ka whakaaturia e te Kawanatanga ki a ia. Ko te nuinga o aua pukapuka kua oti te ta. I patai ano a TAIAROA mehemea ko tetahi o nga take i kore ai te Kawana- tanga e whakaao ki te homai i nga pukapuka tuku whenua o te Waipounamu he wehi, i runga i te whakaaro a te Tino Roia, kei whakahengia te tikanga o aua pukapuka e nga maori no ratou te whenua mehemea ka tu he roia hei hoa mo ratou? Ki aua a TE MAKARINI.—Kahore rawa he wehi a Te Kawanatanga, engari ko ta ratou whakahe kahore he tikanga e taia tuaruatia ai nga pukapuka kua oti i mua to ta. Mane, Nowema 6, 1871. MO NGA PUKAPUKA. TUKU WHENUA O TE WAIPOUNAMU. He tono ua HORI KEREI TAIAROA..— 1 mea ia kia homai ki runga ki te teepu o te Whare nei, kia taia hoki ki nga pukapuka o te Runanga nga tauira o nga pukapuka tuku i nga whenua maori i te Waipounamu i Rakuira hoki, me nga ingoa o nga tangata na ratou i tuhituhi me nga mapi hoki, me te whaka-pakehatanga tika ki te reo pakeha. I ki ia:—Kahore he take mo enei pukapuka kia puritia, te homai ki te Runanga nei. Kotahi tako pea mo te puritanga ko te kupu a tetahi tino roia mo te he o etahi o nga kupu o enei puka-
![]() |
10 30 |
▲back to top |
30 TE WAKA MAORI O NIU TIRANI. puka. Mehemea ka pena akuanei pea tae ai nga maori ki tetahi atu tino roia. Ki taku whakaaro me homai aua puka- puka, me whakaoti e te Kawanatanga nga kupu o aua pukapuka. I ki hoki te Ka- wanatanga ka utua aua whenua, ka wha- kahokia mai tetahi wahi mo matou, ka whakaturia hoki he kura, he whare- turoro. He maha nga mea kahore ano kia oti i te Kawanatanga. Me hanga e te Kawanatanga he ture hei whakaoti i aua mea. Ekore e tika kia waiho aua kupu kia ngaro, no te mea i hoatu aua whenua ki a te Kuini i runga i te whaka- aro he iti te utu a ka whakamana nga ki i whakapuakina ki nga maori. Ko etahi mea ekore e tika kia whakaotia e mahia ana e te Kawanatanga. Engari ko enei kupu ki nga maori kahore ano kia whaka- mana. Ki taku whakaaro mehemea ka- hore he tikanga o aua kupu, kahore hoki he tikanga o nga pukapuka tuku whenua; a ka whakaaro ahau kei au tera moutere, ka whakaaro hoki ahau e noho rongotaima ana nga pakeha o tera moutere ki au. Heoi ra aku korero. Engari kai te hiahia ahau kia whakamana e te Kawanatanga a ratou kupu. I ki a TE POKIHA.—No roto i nga ra kua pahure ake i ki te Kawanatanga kua oti noa atu te ta te nuinga o aua puka- puka, kua homai ki te Runanga. Ehara i te mea ma nga maori e whakararuraru. Engari ma tera hunga whakarihariha, ma te Pakeha-maori, e whakariro ke nga kupu o roto o nga pukapuka tuku whenua; ka haere pea ki nga roia hei kawe ki te wha- kawa; a ahakoa riro i te Kawanatanga te tika he nui ano te raruraru me te moni hoki ka pau noa iho i runga i taua tu mahi. Heoi ra, ki tana whakaaro ma te Minita mo te taha Maori e titiro nga pukapuka hei homai ki te Runanga. I ki a TE RORETANA e tika ana, kua oti te nuinga o aua pukapuka to ta. Ka hapai ia i te tono a Taiaroa, no te mea i hiahia ia (a Te Roretana) kia kitea e nga maori kua oti enei whenua te hoko, kei te tika nga pukapuka, he nui hoki nga whenua kua rua nga utunga. Kahore he take ki taua whakaaro e puritia ai enei pukapuka. Kei te mohio hoki ia e hiahia ana te Kawanatanga ki te whakamana i nga tikanga katoa o nga kupu ki nga maori o te Waipounamu. Whakaaetia ana te tono a Taiaroa. TE KOOTI WHENUA. MAORI. I patai a WI PARATA he aha te take e taea ai e te Kooti Whenua Maori te whaka- puta i tana kupu whakatau mo nga whenua i te mea kahore ano i kitea nga eka o roto i runga i te ruri marire. Ka ki ia i wha- kaaro nga maori me ruri nga whenua me tuku te mapi ki te Kooti katahi ka ahei te whakawa, te whakatau hoki i te whenua. Ka patai ia mehemea na te Runanga i hanga he ture hei whakamana i te mahi a Te Kooti mo nga whenua kahore ano i ruritia. Ko tera hoki tetahi take o te raruraru a nga maori mo te Kooti whenua. Hua noa te maori i mua ma te tangata nona te whenua e tuku i te panui ki te Kooti, tena ko tenei kua riro ma te Kawanatanga e tuku i nga tono ki te Kooti. I ki hoki ia ko nga kupu a nga Kai-whakawa e tika ana ranei, kua puritia ranei tetahi wahi o te Ture—ma te Kawanatanga e hanga he ture hei whaka- tika i tenei mea. Mehemea na te Runanga tenei tikanga kahore ano te Ture kia taia hei titiro iho ma nga maori. I ki a TE MAKARINI ko te Ture e mahi nei te Kooti whenua ko te Ture o te tau 1865. Ehara i te mea he ture hou te ture o te Kooti; e tika ana ano kia whakawa- kia he whenua i te mea kahore ano i oti te ruri. He maha nga whenua i waenga- nui o te motu nei i whakawakia i te mea kahore ano kia ruritia; engari i mua o te putanga o nga Karauna Karaati ka tukua nga mapi o te ruritanga ki te Kai-titiro mapi i Akarana. Ka mea a WI PARATA kua mohio ia ki te tika o nga kupu a te Makarini mehemea kua oti te ture te whakamaori. Kaihore he maori i roto i te Paremete i te tau i hanga ai taua ture, ko tenei me hanga hou aua ture inaianei. He nui te raruraru o nga maori ki enei ture, no te mea kahore e whakamaramatia ki a ratou. MO NGA WHENUA I HOATU E NGA MAORI I MUA MO NGA KURA. He tono tenei mo nga whenua i hoatu i mua e nga maori mo nga Kura kia whakahokia inaianei ki nga komiti o nga kura, kia puta ai nga painga o aua whenua hei oranga mo nga kura. I ki a KARAITIANA TAKAMOANA.—I tono ai ahau i tenei mea he mahara noku he mea pai kia whakaakona nga tamariki. E hiahia ana ahau kia whakahokia mai nga whenua i hoatu i mua ki nga mihinare. Kua kite matou inaianei i te kuaretanga a te maori—koia nga maori i tono ai ki te Kawanatanga kia homai he kura mo a ratou tamariki. Kua mohio matou kua hoatu he whenua i runga i te tono a te Kawanatanga me te Pihopa hei oranga mo nga kura mo nga tamariki maori. I tenei wa kei te kuare ano nga tamariki; ko, etahi kua pakeketia kei te kuare tonu; ko etahi kua mate i roto i te kuaretanga. Na, e tono ana matou kia homai enei whenua ki nga komiti o nga kura. Kahore aku whakahe ki a te Pihopa ki nga mihinare, otira ki taku wha- kaaro me mutu ta ratou whakaako i nga tamariki maori. Kua maha nga tau i whakaakona ai nga tama- riki e ratou a kahore kia mohio noa, he mea whakaako aua tamariki ki te reo maori anake. Ko te tono a nga maori katoa o tenei motu ki te Kawanatanga e tono ana kia whakaakona nga tamariki maori ki te reo pakeha anake. Ko nga whenua i hoatu ki nga mihinare i mua ka pai hei oranga mo nga kura. He whaka-
![]() |
11 31 |
▲back to top |
TE WAKA MAORI O NIU TIRANI. 31 puaki kau taku i taku mahara; ma to Runanga te whakaaro kia peheatia ranei. E hiahia ana ahau kia rongo mehemea e whakapai ana te Runanga nei kia uru nga tamariki mauri me nga tamariki, pakeha ki to kura kotahi. Ma tenei Runanga te whakaaro mo nga kura katoa o Niu Tirani. Ko etahi o nga whenua nei na to maori anake i hoatu, ko etahi na te Kawanatanga tetahi wahi na nga maori tetahi wahi. Ekore ahau e whakaroa kau i taku korero—ka waiho to Runanga nei mana e whakapai, e pehea ranei. I ki a TE MAKARINI ka nui te mahi o te Kawanatanga o mua mo tenei mea, a kimihia ana nga tikanga o aua whenua; kua kitea kahore i ata rite te whakaako- ranga o etahi ki te tikanga i whakaarohia ai i te orokotimatanga o to mahi. A tera tau ka whakatakotoria o Te Kawanatanga he Ture hei whakahaere pai i nga whenua i hoatu i mua mo nga kura me nga mea pera. E tika ana ano to kupu mo to kuare a nga tamariki maori. E pai ana hoki to kupu a Karaitiana kahore e tau tana whakahe ki nga mihinare. He nui tonu te hiahia a nga mihinare ki to whakaako i nga tamariki maori. Engari na nga maori ano pea te take i kore ai e taea ta ratou hiahia. Otira no naianei katahi ka maharatia, ka tahuri te iwi maori ki te whakaaro ki te mahi kura kia oti ai a ratou tamariki te whakaako ki te reo pakeha. Ko te tino mea nui tena e kotahi ai nga Iwi e rua, ara kia whakaakona te maori ki te reo pakeha. Ko tetahi tika- nga a te Kawanatanga mo nga kura, ka hoatu nga moni mo nga kura anake e whakaako ana i nga tamariki ki te rou pakeha. He tohu pai he tohu mo te rangimarie te tohe a nga maori kia whi- whi ratou ki nga painga e puta mai ana i roto i te mohiotanga. Ka mea a TE WIREMUHANA e tika ana te kupu whakamutunga a te Makarini. He tohu pai rawa tenei, ara to tohe a te iwi maori kia whiwhi ratou ki nga painga o te mohiotanga. He maha ano ia nga kura i tenei motu i mua o te whawhai, na nga raruraru i mutu ai aua kura. Mo te kupu a Karaitiana, mo te korenga o nga tamariki maori i whakaakona e nga mihinare ki te reo pakeha, ka ki ia i kaha ano a Te Rira (Minita Weteriana) ki to whakaako i nga tamariki maori ki te reo pakeha i te kura i Tiri Kingi. I tae ano ia (a Wiremuhana) ki Waipa, kitea ana e ia i reira te kura a Maata Patene—he mea whakaako taua wahine i te kura i Tiri Kingi—he reo pakeha te reo i whakaakona ai nga tamariki o taua kura i Waipa. Ko Anaru Patene, he Kai-tuhituhi no te Kawanatanga, ka nui tana mohio ki te reo pakeha, he mea whakaako ano hoki ia i Tiri Kingi. I pai ano hoki te kura mo nga kotiro i Taurarua, Akarana; ko te wahine o Te Kihiringi te rangatira o taua kura. Tera ano hoki te kura a Te Peneha i Tarawera, koia ia i ki ai ekore e tika kia kiia kahore nga mihinare i kaha ki te mahi. Mutu ana tana korero i konei. Nowema 11, 1571. MO TE TAIMA E NOHO AI ANO TE PARE- METE. Na tetahi o nga mema mo Otakou i timata tenei korero mo te taima e hui ai to Paremete, ara he mea nana kia kaua e hohoro te hui, engari me nuku atu ki tua o te tau. He tini nga pakeha i korero mo tenei mea; a no waenganui o te korero ka tu a WI PA RATA ka mea, he kupu aua ki te Runanga, no te mea he mea tika kia whakaatu nga mema katoa i o ratou mahara. Kua tae mai hoki to maori ki roto ki te Runanga, ekore e pai kia noho puku ratou, koia ia i tu ai ki te whakaatu i nga take i whakahe ai ia i te kupu kia kaua a hohoro to hui ano o te Paremete. I ki ia. i mua, i te takiwa kahore ano i noho te maori ki te Runanga, i mahara ratou e hui ana te Paremete i ia tau, i ia tau; na, no to ratou taenga mai ki roto ki te Runanga katahi ia ka rongo e meatia ana kia kaua e hui mai ano i roto i te tau, engari me nuku atu ki tua o to tau. Na nga maori ratou i tono mai ki reira hei whakapuaki i o ratou whakaaro mo nga tikanga a te Kawanatanga i ia tau, i ia tau. Kahore ia i pai kia roa atu te takiwa i waenganui o tenei nohoanga o tera e haere ake nei, engari kia rite ki te takiwa i waenganui o nga nohoanga o mua, kia ahei hoki nga mema te mohio ki nga tikanga e mahia ana. Ki tana mahara me hui ano to Paremete i ia tau i ia tau, kia ahei ratou ki te whakahaere i nga tikanga e tau ana ki te taha maori. Kahore ano te maori i rongo i a ratou kua noho nei ki te Paremete mehemea kua peneitia ho tikanga i mua. Mehemea kua peneitia i mua kua mohio ia he ture tenei no te Runanga; engari no te homaitanga inaianei i te mea kua noho he maori i roto i te Runanga kua whakaaro ia ko te take mo nga maori kua uru ki te Paremete. Ekore e tika ma nga tangata noa iho o te Runanga e whakapuaki i nga tikanga penei. Engari ma te Kawanatanga ano a ratou tikanga e homai e whakapuaki i te aroaro o te Runanga. Ko te take i roa ai te noho o te Runanga i tenei tau e hara i te mea na nga tangata noa iho o te Runanga i roa ai, engari na te Kawa- natanga. Kahore i roa nga korero i runga i nga tikanga i whakapuakina e nga maori. I ki hoki ia ka hoki nga mema maori ki o ratou iwi akuanei ekore e mohiotia e nga tangata maori o waho nga korero i whakapuakina e nga mema maori i roto i te Runanga. Ko a ratou korero i roto i te Runanga kahore e whaka- maoritia kia mohio ai te iwi maori, kahore hoki he tangata i whakaritea mo taua mahi. Mahara ana ia kua oti te whaka- rite ko nga korero katoa a nga mema maori i roto i te Runanga ka whaka- maoritia, kua kite ia inaianei kahore i te mahia. Ka whakahe ia i te tono mo tera
![]() |
12 32 |
▲back to top |
32 TE WAKA MAORI O NIU TIRANI. nohoanga o te Paremete kia nukuhia atu ki tua o te tau. No muri i a ia ka tu ake ano te tangata nana i timata tenei korero ka ki ia kua rongo ia i nga korero a nga mema o te Runanga kei te whakahe te nuinga, heoi ka tono ia kia tukua ia kia unuhia taua tono ki waho, ara kia kaua e tohea. Ka ki a TE TAPETA me etahi atu ekore e tika kia unuhia; engari me pooti rawa kia kitea ai nga kai-hapai me nga kai- whakahe. I Ki a WIREMU KATENE ko te nuinga o nga mema o te Runanga kei te whakahe i te tono a te mema o Otakou, na kua puta te kupu a taua pakeha kia whakaae te Runanga kia unuhia e ia tana tono, e kore e pai kia araia taua unuhanga. Mehemea kua tohea taua tono kia pootitia kua pooti ia (a Wiremu) Katene ki te whakahe; ko te whakaroa i taua korero inaianei he whakararuraru kau i te mahi. Heoi, kihai i whakaaetia te tono kia nukuhia te nohoanga o te Paremete ki tua atu o te tau. Na, mutu ana nga mahi a to Paremete i te 16 o nga ra o Nowema. Heoi nga korero i whakaputa kupu nga mema Maori ko era kua oti te ta i tenei nupepa i era nupepa hoki. Ka kite hoki koutou nga iwi maori i te ahua o a koutou mema i roto i te Paremete e pai ana, e kaha tonu ana ki te titiro ki nga tikanga e eke ana ki te taha maori. Ka kite hoki kou- tou ko nga tikanga e whakahaerea ana e te Kawanatanga i te motu nei ehara i te mea oho noa ake i roto i te ngakau a te tangata, engari he mea ata hurihuri na te tokomaha. HE TANGATA MATE. He mea tuhi mai na te tangata. No te 4 o nga ra o Tihema 1871 ka mate ki Po Neke nei a Wereta Ngapuhi Matoha. No te 9 o nga ra o taua ma- rama ano ka mate tona papa a Mohi Ngaponga—he piwha te mate, ara he kiri ka. I tae atu ano a te Hareti me takuta Honetana ki Te Aro titiro ai ki te mate- nga o taua tangata. I te mea ka tata te hemo ka tuhia te " wira" a taua tangata; ara te pukapuka whakaatu i nga tangata e paingia ana e ia hei waihotanga i ona taonga me ona whenua katoa—ko Hera, ko Wi Tako Ngatata, ko Horei Kerei, me Ihaka te Rou. He rangatira taua tangata no Ngati- haumia hapu o Taranaki, he uri no Tu- whakairikawa—te tangata nona te wha- kapepeha e mau nei i ona whakatupura- nga katoa, ara;—" Nana i karihi te niho o Taranaki." Te tikanga o tenei he pa- kanga no mua. No te ata ka hinga te parekura a Tuwhakairikawa ko Kakari- kihoronoa; no te ahiahi o taua rangi ano ka hinga he parekura ano nana ko to Upokotutukipari—kotahi ano rangi e rua parekura. Ko te take tenei i tiketike ai tera maunga a Taranaki—i meinga ai e tupu Taranaki. Muri iho ka mate ano a Taranaki, ka tupu ko Hori Ngatairakau- nui; ka karihitia ano te niho o Taranaki, ka hinga tana parekura ko Ngangutumai- oro—ka hinga i kona ko Toa, ko te Ko- huwai. Muri iho na Taupo te pakanga ki Waitotara. I reira ano nga uri o Tuwhakairikawa, ko Hori Ngatairakau- nui raua ko Wiremu Kingi Matakatea. Ka hinga ta raua parekura ko Patoka— nga rangatira nunui o Taupo i mate ko te Kotuku Paeroa, ko Tauteka, ko te Whakarau me etahi atu. Heoi, no tenei takiwa o te Whakapono ka noho a Mohi Ngaponga ki Po Neke nei. He hapai tonu tana i nga ritenga o te Kawanatanga, he noho pai tae noa to raua matenga ko tona tamaiti. I taia i runga i te Mana o te Kawanatanga o Niu Tireni, e GEOEGE DIDSBURY, Kai-ta o te Kawanatanga, Poneke.