![]() |
Te Waka Maori o Niu Tirani 1871-1877: Volume 8, Number 11. 05 June 1872 |
![]() |
1 77 |
▲back to top |
TE WAKA MAOEI O NIU TIRANI. "KO TE TIKA, KO TE PONO, KO TE AROHA." VOL. 8.] PO NEKE, WENEREI, HUNE 5, 1872. [No. 11. HE KUPU ATU ENEI KI NGA HOA TUHI MAI. Kua tukua mai e Rihari Wunu Kai Whakawa o Whanganui nga moni utu nupepa kua tuhia ki raro nei, ara;— s. d. Poma o Kauaeroa, Whanganui ... ... 10 O Rewi Raupo o Hiruharama, Whanganui ... 10 O Aperahama Tipae o Turakina ... ... 10 O Wunu Rangiwerohia o Wangaehu ... ... 10 O Hamiora Wunu o Wangaehu ... ... 10 O Ko Raka Kai Whakawa o Nepia (S. Locke, Esq., R.M.) e tuhi mai e ki mai ana kotahi pauna no Ohinemutu kua tae mai ki a ia hei utu nupepa. Kia tae mai taua moni ki konei ki a matou nei katahi ka panuitia te ingoa o te tangata nana. Ko te reta a Eru Nehua o Whangarei kua tae mai, he ki mai ko te homai moni ia hei utu nupepa mana. Engari ko te reta anake tenei, kaore he moni. Ko Horatio Pipimoho o Mataikona tetahi e ui ana ki te ingoa o te Kai Tuhi o te Waka Maori. Mehemea he homai moni tana me tuhi ki te takai o tona reta ;—" Ki te Kai Tuhi o te Waka Maori—Po Neke." Kua tae mai te reta a Karetai o Otakou he -whakaatu mai i te matenga o Rena Kihau ite 2 o nga ra o Aperira, 1872 ; engari ekore e o ki tenei nupepa. TE KA I WHANAU AI TE KUINI. He ra whakawhetai no matou te Paraire, te 24 o nga ra o Mei—ko te ra ia i whanau ai te Kuini. No te tau 1819 i whanau ai; na, kua tae ona tau ki te 53 i tenei Mei 1872. Ka kitea te mahi a te hoia i Po Neke i taua ra. Haruru ana i runga i te rangi i te pakutanga o te pu nui raua ko te pu maori nei ano—i rupeke te pakeha ki te mataki- taki. Nga whare hoko i te taone i tutakina katoatia; nga mahi i mahue katoa; nga pana whakatangi i te taone katoa e whakatangi haere ana i nga piukara me nga mea ke atu, me te patu haere i nga taramu; whero katoa aua a runga o nga whare me nga kaipuke i nga haki o te ranga- tiratanga o Ingarani—purotu ana, me te whero o te rangi i te ra e to ana—he ngahau katoa te mahi i te taone. E tika ana kia whakanuia te ingoa o te Kuini, he Kuini atawhai raua hoki ia; he Kuini whakaaro ki ona tangata kia noho tonu i runga i nga mahi e tika ai te tangata e whai rawa ai; he Kuini whakapono, he Kuini aroha ki nga tangata katoa. He mea kino ki a ia te riri, he mea pai te atawhai. Kei mea etahi maori o te motu nei ko au anake, ko te pakeha, e kite ana i te atawhai o te Kuini; kaore, ko tatou katoa. He maha nga tau e kino ana etahi iwi o tenei motu; he maha hoki nga karangatanga o te Kawana ki a ratou kia whakamutua ta ratou mahi pera, kia hoki mai ki roto ki te maru o te Kuini kia ora ai. Na te aroha hoki i penei ai; ehara i te kaha kore, engari he aroha, he whakaaro wha- kakotahi. Ko te tikanga a nga iwi tutu i nga tau kua hori atu, he tohe ki te whakataka i te mana o te Kuini i tenei motu, me ona ritenga ngawari— manaaki tangata. Otira ki hai i taea ta ratou i hiahia ai, a e kore rawa ano hoki e taea. Na te uaua na te manawanui o etahi o nga tangata whakaaro tika ki te ata whakahaere i te pai i ora ai tatou i tenei takiwa. Mehemea i riro i to te Hau Hau tikanga, penei kua rite nga mahi o tenei mutu inaianei ki to mua ritenga ; e kore e noho ora te tangata, e kore e ta te manawa. Penei hoki e kore e tangi te pakeha ki te maori, e kore e tangi te maori ki te pakeha; penei e kite kau ana raua i a raua kua paku te pu, kua tangi te patu—a, ko te iwi i hua ona tangata ka ora, ko te iwi i iti ona tangata ka mate. Ko tona mutunga iho tena mehemea i taparere ki to te Hau Hau
![]() |
2 78 |
▲back to top |
78 TE WAKA MAOEI O NIU TIRANI. whakaaro. Na, ma koutou e whakaaro, he pai ranei tena ritenga, he pehea ranei? Otira he aranga ngakau tenei e hara tatou i te Hau Hau; kua tupato tatou, nga tangata whakaaro nui; ki nga ritenga o taua hunga; e ai ana ano etahi tangata ngakau pono i te motu nei hei tiaki i te pai he whaka " Rauru tangata tahi," i a tatou. Ka nui ano ta matou whakapai ki te tikanga a nga Minita o te Kawanatanga i tenei takiwa, e mahi nei ratou i rano i te mana o tenei Kuini atawhai nui ki te whakatakoto tikanga e kotahi ai te pakeha me te maori; ara te awhina i nga maori ki te whakatu Kura i nga wahi katoa o te motu hei ako i nga tamariki ki te reo Pakeha me etahi matauranga atu i tika ai te Pakeha—ma te reo kotahi hoki e kotahi ai tatou. Koia ano tena e hoa ma, kia kaha tonu tatou; kia kaha tatou ki te pehi i te kino, ki te hapai i te pai. E mahi ana hoki tatou mo wai hoki ? Hua atu mo tatou ake ano; hei oranga mo o tatou tamariki, mo o tatou wahine, mo to tatou motu. Ko tenei, e nga rangatira maori o te motu nei, me hui o tatou whakaaro ki runga ki te pai. Ko au, ko te pakeha, me mahi au i te taha ki au : ko koutou me mahi i te taha ki a koutou, ia tangata i tona iwi ia tangata i tona iwi; kia tae ki te ra whanautanga o te Kuini i tera tau kua kore te kino, kua kore te pouri, kua noho tatou i runga i te whakaaro kotahi. TE MATENGA O PIHOPA WIARI. TERA nga tangata maori o te Hahi Katorika e pouri ki te rongo o te matenga o ta ratou Pihopa ara o Te Wiari, i hemo ki Po Neke nei i te Ratapu te 2 o nga ra o Hune. Ka nui te aroha o ana tamariki pakeha ki a ia, ko o ratou teina maori hoki ka rite te aroha notemea he ngakau aroha tona ki te maori ngatahi me te pakeha. Ko nga maori ia nga mea e tino tika ana kia aroha ki taua kaumatua notemea i whakarerea e ia tona kainga me ona whanaunga i haere mat ia ki Niu Tirani i te wa e torutoru rawa ana nga pakeha ki konei. I u mai ia ki Tauranga i te tau 1839, no muri i tera ka haere ia he wahi ke i reira ka pangia ia e te mate ara ka timata te ngau o te mate ki a ia. No muri ka haere ia ki Poi Hakena ka whakaturia ia hei Pihopa, ka oti tena ka hoki mai ia ki Niu Tirani ka noho ki Kororareka. I reira ka tuhia e ia te puka- puka karakia a te Katorika ki te reo Maori ko te ingoa o taua pukapuka " Ko te Ako Poto, me te Karakia o te Hahi Katorika." Nana i timata te kura maori i Takapuna wahi o Akarana, nana hoki i whakatu te kura mo nga tamariki pani (maori, hawhe-kaihe hoki) ki Po Neke nei, na Kawana Ta Hori Kerei ia i awhina i runga i taua mahi pai. No te tau 1850 i timata ai tana noho hei Pihopa ki Po Neke, he tino papa ia ki aua pani i roto i era tau katoa taea noatia tenei wa. I kawea tona tinana ki te Hahi Katorika i te Ratapu, ka waiho ki reira i te Mane, i te Turei, he maha nga Katorika me nga tangata o nga Hahi ke atu i haere ki reira kia kite i nga kanohi o te tangata i arohatia nuitia e ratou. Ko nga kakahu o te tupapaku ko ana kakahu karakia ano, ko nga kanara e ka ana i tu ki nga taha o te tupapaku. A tera nupepa pea ka tuhia nga korero o te nehunga. HE WHARANGI TUWHERA MA NGA HOA TUHI MAI. Ki a te Kai Tuhi o te Waka Maori. Akarana, 10 Mei, 1872. He whakaatu tenei i te take i haere mai ai ahau ki raro nei ki te pehi i nga raruraru o Ngatiporou e noho ana i tenei wahi, ara, i Mataora, i Harataunga hoki. Te tuatahi. Mo to ratou Hauhautanga, he whaka- mutu i tana mahi kino whakamate tangata. Inaianei kua whakamutua rawatia taua mahi e ratou, kua whakarongo hoki ratou ki taku kupu atu kia haere mai kia kitea ratou e te Kawanatanga. Te tuarua. Ko te raruraru a Ngatiporou ratou ko Ngatitamatera ma mo o ratou kainga. A ko tenei raruraru kua mutu ano hoki, kua tukua noatia iho ki raro. Te tuatoru. Ko te raruraru ano a Ngatiporou ratou ko Mohi Mangakahia ma mo ta ratou wahine. Kua oti ano tena te tuku ki runga ki te pai. Ko enei raruraru katoa kua oti te whakamutu e au, me etahi atu hoki he kupu mai hoki na oku hoa, na te Kawanatanga, kia kaha tonu ahau ki te pehi i nga raruraru o toku Iwi, DO reira ka kaha ahau ki te korero ki a Ngatiporou, ahakoa i tetahi wahi atu. ratou e noho ana. Ahakoa he raruraru ki te Pakeha na Ngatiporou, ki te Maori ranei, ka mea mai aku hoa, ara, te Kawanatanga, kia tahuri ahau kia whaka- mutua a ratou mahi raruraru; whakarongo tonu ahau ki a ratou kupu katoa, kaore ano he kupu a te Kawanatanga kia kapea e au. MEIHA ROPATA WAHAWAHA. Ki a te Kai Tuhi o te Waka Maori. Akarana, Mei 20, 1872. E hoa tena ra koe i runga i tau mahi rangatira e ako nei koe i nga iwi. He whakawhetai taku ki a koe mo te taanga o taku reta o mua ki tau. nupepa; a, ka whakatau atu enei kupu aku i muri i era kua oti ra te panui e koe. He reo whakahe tera reta i taia e koe i te 31 o nga ra o Hanuere mo te waipiro. Na, he mea kua kitea e te ao katoa te nanakia o tera tu kai e reia tawhe- tatia nei e te tangata, te hokinga mai, te tahuritanga mai he ngau kino i toua tinana, he whakapango i tona ngakau. Ko te ritenga o tenei reta aku he whakahe noku i tenei hanga i te uhunga maori. He tika i mua i te wa e ora ana nga tupuna whai mana o nga maori. E hira ana nga tangata i reira hei ngaki i te kumara, i te taro, ma nga uhunga. Tena ko tenei kua pake- hatia te tangata; kua tae mai tatou ki te wa o te moni, o te waipiro ; kua kitea nga he nunui o te uhunga maori. Ko nga he enei e patu ana i te tangata, i te oneone. Pau te whenua hei hoko moni, pau kau te moni hei hoko kai, waipiro hoki. He tika te roimata ; engari ko te roimata heke atu ki runga ki te waipiro, ki te whakaaro pohehe, e kino ana—e kino ana ki te Atua, e kino ana ki nga tangata whai whakaaro katoa. Ko tenei kino ko te uhunga maori kua kitea ki nga takiwa katoa o Hauraki, o hea o hea, a tau ana te rawakore me te hauwaretanga ki nga tangata i runga i tenei tu mahi he. Ka pai koia ranei te rere whararo ki runga ki nga tikanga he e kitea nuitia ana ? Ki au, e hoa, ka kitea tuturutia te he me whakarere marire. Ki te ki mai tetahi tangata, " ka tika te uhunga, he aroha ki te tupa- paku," ko taku whakahoki tenei, kaore au i kite i te tika. Ko te roimata ko te aroha e tika aua, tika rawa; ko te kai ma nga uhunga e he ana, he rawa. Kaore he pai e ahu mai ana i tera hanga ki te hunga i ora, ki te tupapaku ranei. Koia ranei he hua pai enei, ko te moumou i te moni i te kai; ko te parare haere o nga mea kai waipiro ; ko te rorirori o nga
![]() |
3 79 |
▲back to top |
TE WAKA MAOEI O NIU TIRANI. 79 kuia, ko to ratou whakangutungutu ; ko te rupahu o nga koeke ki a ratou ano ; ko te toronga haeretanga o te he ki nga mea tamariki ? E hoa, ko nga kino o te uhunga maori inaianei he hira; ko nga pai ngaro- ngaro noa i te tirohanga. Me mutu i konei taku, he hanga he hoki te reta roroa. Tena koe. No to hoa, NA HARE REWETI. Ki a te Kai Tuhi o Te Waka Maori. Poneke, Mei 3O, 1872. He kupu haere mai no tawhiti ki au na to tatou matua na Takuta Petatone he tangata pai rawa ki te whakahaere i nga tikanga o tenei kainga o Po Neke a taea noatia tenei ra. Ki te kai ta o te Waka Maori. E hoa tukua te reta a Te Petatone ki roto ki te nupepa kia kite ai nga iwi, nga hoa taupuhipuhi o tenei tangata pai. Ekore rawa e wareware i a matou te aroha. Na Wi TAKO NGATATA. No Ranana, Ingarani, Maehe 28, 1872. Ki a WI TAKO,— E taku hoa e Wi, tena koe. Tena koutou ko to iwi katoa. He mihi noa ake tenei naku,—he mea tai ki koutou kua mawehe atu te tinana, kua mawehe atu hoki te ngakau. Kao, kei te mau tonu te wha- kaaro me te aroha—ekore e mahue, kore rawa. Tenei au te whakarongo nei ki nga korero o to tatou moutere, me te hari o te ngakau ki te mutunga o te kino, ara o te whawhai. Heoti, he kupu tenei naku ki a koe, otira ki a koutou katoa, ki te puta he whakaaro tuhia mai. Ahakoa roa te moana e takoto ake nei, ekore au e ngoikore ki te whakahoki i a koutou reta. Ekore e mahue te whakaaro a te matua ki ana tamariki; waihoki ko tenei, ekore e mahue te ngakau aroha ki aku hoa Maori i Waikanae, i Otaki, i Rangi- tikei, i Whanganui, i Wairarapa, otira i nga wahi katoa o Po Neke. He reta whakamahara atu tenei naku ki a koe. Ka mutu, Na to hoa aroha, Na TE PETATONE. [Ka nui to matou koa mo te tukunga mai o tenei reta e Wi Tako kia taia, kia kite ai nga tangata katoa, kia mohio ai ratou kei te mahara tonu tera matua aroha a Te Petatone ki ona hoa maori, ahakoa kua wehea atu ia ki tera taha o te moana nui kei te hoki mai tana ngakau aroha ki ona iwi i konei]. Ki a Te Kai tuhi o te Waka Maori. Otaki, Mei 22, 1872. E hoa,— Tena koe. Mau e tuku atu enei utanga ki te Waka Maori, ara te matenga o Parakaia Te Pouepa, he kaumatua rangatira no Ngatiraukawa. I haere atu ia i Otaki nei, tae atu ki Taupo, ki te Kooti Whakawa o nga whenua o raro. Ka mutu te whakawa ka rongo ia i te matenga o Taraia, rangatira o Ngatimaru. Haere ana ia ki te tangihanga mo Taraia ratou ko tona iwi ko Ngatitekohera, ko Ngatiraukawa ki Taupo ki te Waotu ki Patetere. Huihui Katoa, kotahi rau. Ka tae atu ki Hauraki ta hoki mai. No te 21 o Mei ka tae mai te waea ki a matou. Heoi ka nui to matou tangi ki te matenga o to matou kaumatua, kahore nei matou i kite i tona matenga, notemea he kaumatua pai ia, he nui tana kaha ki te hapai i nga ritenga o te whakapono, ara ki te whakahaere i nga ritenga pai mo tona iwi mo Raukawa. He nui tona kaha ki te pehi i nga raru- raru o nga iwi o waho; kahore ia i pai kia tukua ;ona iwi ki te kino, ara, ki nga mahi kingi, hauhau. Hapai tonu ia i te whakapono me nga ture o te Kuini Wikitoria. E pai ana e haere ana ia i te ara o ona matua, o ona teina, o ona tuakana me te iwi hoki i mate i runga i te whakapono. Heoi ano. HE WAIATA TANGI MO PARAKAIA. Haere ra e koro i te ra e whiti ana Haere ra e te whakamarumaru o Uenuku kai ao Ko te ra kia taratara atu e koe. Heoi ano Na TE ROERA HUKIKI, Na Ngatiraukawa Katoa. HE Hu WHENUA.—Kua mate i te ru tetahi o nga taone ki Amerika i te marama i a Maehe kua taha nei—ko Rounu Paina (Lone Pine) te ingoa, kei Kareponia. I te weheruatanga o te po ka oho whaka- mataku ake nga pakeha o taua taone i te harurutanga nui, me te mea he mano tini nga pu huri whenua e paku tahi ana, a haere ana te ngateritanga o te whenua i te taha tonga puta noa ki te taha tuaraki. Rere ana te whakamataku i te pakarutanga ake o te whenua i te po ! Ki hai i whai meneti kua hinga katoa nga whare o te taone. Katahi ka haere ake ki te rangi te auetanga o nga tamariki, me nga wahine, me nga tane hoki, e matemate ana i raro i nga wharo hinga, e horomia ana hoki etahi i roto i nga matatatanga o te whenua, me te mea he waha no te Parata e tuhera ana. Ko nga mea. i puta e hamama ana te waha ki te karanga ki te tane, ki te wahine, ki te matua, ki te tamaiti—tau ana te pairi mo te whakamataku ki te katoa. Ko te pouri hoki tetahi, te kitea nga ara atu ki nga wahi watea i nga whare. Ki hai i taro ka puta ano te ru, ka ngateri tonu ano te whenua, a pera tonu awatea noa—rurerure ana nga whare me te taewa e rurutia ana ki roto ki te kete. E ki ana e rima rau nga oioitanga o te whenua i roto i nga haora e toru, te kau! Kotahi te matata o te whenua i tae ki te toru te kau ma rima maero te roa. Ko nga toka nunui i hurihia haeretia i te whenua me te mea he poi tamariki. Otira ki hai i tino nui nga tangata i mate —e rua te kau ma toru i mate rawa, e toru te kau i maru noaiho, engari i ora ano. Tena ano nga ru whenua o mua i etahi wahi i mano tini noa nga tangata i mate. Kua kite matou i roto i tetahi nupepa pakeha i tetahi korero mo Hawaii, na ka taia tetahi wahi iti ki konei kia rongo ai nga maori ki etahi o nga tikanga o taua whenua. Ko te reo o nga tangata o reira e rite rawa ana ki te reo Maori, Ko nga tima kawe meera e rere atu ana i konei ki Amerika e pa atu ana ki reira. Ko te tino mea e hanga ana ki reira he huka e hokona atu ana ki Kareponia ; engari ka tukua mai pea tetahi wahi ki Nui Tirani nei i runga i nga tima. E ono tahi nga paparakauta o te tino taone o taua whenua, ko nga tangata o taua taone e tae ana ki te 10,000. Ko te utu mo te raihana paparakauta e £200 i te tau, engari ekore rawa e tukua kia hokona te waipiro ki nga tangata maori o reira, mehemea ka takahia taua ture e te rangatira papara- kauta ka whakawakia ia ka whainatia ia ko te whaina £120, ka murua hoki tana raihana hoko waipiro, ka whiua ia ki roto ki te whare herehere mo nga marama e ono. No te tau 1820 ka tae nga rnahinare tuatahi ki reira, hohoro tonu te tahuri a nga tangata ki te whakapono ; inaianei kua tango katoa ratou i te wha- kapono kua mohio ki nga mahi katoa a te pakeha. Ko nga kai-hanga whare hanga aba aha he maori anake. Katahi te iwi i hohoro ki te hopu i nga mea e ora ai te tinana me te wairua hoki.
![]() |
4 80 |
▲back to top |
80 TE WAKA MAORI O NIU TIRENI. Kua tae mai te rongo o te hakari i tu ki Nepia i te 24 o nga ra o Mei. He hakari tenei nga pakeha ki o ratou hoa maori, e 400 nga maori i tae ki reira. E kiia ana ka nui te ngahau i taua rangi. Otira kotahi te mea nana i whakakino, ara no te hokinga o nga maori ki o ratou kainga no te taenga ki te paparakauta i te piriti i Ngaruroro katahi ka wahia e etahi o nga taitamariki taua whare ka murua nga waipiro me etahi atu mea. Ka nui te mamae o te ngakau i te rongonga ai ki tenei mahi kino. Tena ra to hanga i te waipiro! Ko nga korero o te huihuinga kahore ano i tae mai taihoa pea kia tae mai ka taia. Kua whakaturia a Teoti Pita Mutu hei Rikona o te Hahi o Ingarani ki Katapere. No te rua tekau ma ono o Mei i whakaturia ai. Ko Te Taka, minita, tana kai-whakaako i roto i nga tau kua pahure ake nei. Kua tae mai te rongo o te matenga o te tamaiti a Topia Turoa ki Putiki Whanganui. I runga a Hori Kerei raua ko taua tamaiti i te tarapu e haere ana —nawai a, ka hinga taua tamaiti ki te whenua i mua atu o te tarapu haere ana te wiira i runga i tana tinana. Hohoro tonu te tae atu a nga tangata ki te titiro i ia ia otira he kino rawa no te kokiritanga e te wiira, kahore i taea te whakaora. Kua kite matou i tetahi pukapuka hou kua taia e te Kawanatanga, ara he pukapuka whakaako i te tamariki Maori kia mohio ai ratou ki te reo Ingirihi. Ko " Te A-nui a Wi " te ingoa o taua pukapuka na tetahi matua aroha i tuhi. Ki ta matou titiro iho katahi te pukapuka pai ma te tamaiti maori, he nga- wari no nga kupu hei akonga, he marama hoki no nga whakaaturanga i nga tikanga o nga kupu o nga reo e rua. Ko te wahi tuatahi kua oti te mahi; ko te wahi tuarua kei te mahia inaianei, meake ka oti. Kua puta te panui a Te Kawana e karanga ana i te Runanga Nui o Niu Tirani kia hui mai ki Po Neke a Te Turei, te tekau ma ono o nga ra o Hurae e haere ake nei. Kua rongo matou meake a Te Kupa ka hoki mai ki Po Neke. I haere ia ki tawahi, ki Merepone, ki te matakitaki haere i taua whenua me era tangata, kia tau te mauiuitanga hoki o ana mahi i konei—he ahua mate hoki i te manawapiri. Heoi ka koa te ngakau mo te rongo ka ahua ora to tatou hoa a Te Kupa, ka hoki mai ano ki tana mahi i Niu Tirani nui. E rima rau e toru tekau o nga manu o Niu, Tirani kua tukua atu i Poti Kupa ki Ingarani i runga i tetahi kaipuke, ka hokona atu ki reira. He maha hoki nga wheua moa kua tukua atu. Kia hoki mai te pakeha kei a ia aua manu ka kawea mai e ia te tini o nga manu o Ingarani mo Niu Tirani nei. E ki ana te nupepa o Hawaii kua hopukia tetahi ika ki reira he oopu te ingoa, e rua ona parirau nunui me te tira hoki i tupu ake i te upoko. Katahi ano ka kitea te ika pera. Akuanei ka rongoatia ka tukua atu ki tetahi o nga whare matakitaki o Uropi. E rua nga tangata i haere atu i waenganui o te motu nei ki te tangi ki a Taraia. He tane tetahi he wahine tetahi. Ko te roa o tetahi e 6 putu e 8 inihi, ko te roa o tetahi e 6 putu 10 inihi. Ko nga tangata o te taone o Po Neke kua mate timata mai i a Hanuere, tae noa ki a Maehe o tenei tau 50 ; mo aua marama ano o te tau 1871 e 37 ; mo aua marama o 1870 e 50; mo aua marama o 1869, e 52 ; mo aua marama o 1868, e 27 ; mo aua marama o 1867, e 37 ; mo aua marama o 1866 e 3O.