Te Karere o Poneke 1857-1858: Volume 1, Number 50. 25 October 1858 |
1 1 |
▲back to top |
TE KARERE O PONEKE Ko te kai rapu, ko ia te kite. [VOL I, MANE, 25 o OKETOPA 1858. NO. 50] The "KARERE O PONEKE" is pub- lished every Thursday morning. TERMS OF SUBSCRIPTION;- Twenty Shillings per annum, payable half- yearly. TERMS OF ADVERTISING;- Three pence a line for the first insertion of all advertisements, and Two pence a line for every subsequent insertion. Advertisments wil be continued and charged for until counter-ordered: such orders in writing, as also all Ad- vertisements (in English) will be re- ceived at the INDEPENDENT Office, Lambton-quay, on Tuesdays, at any time before 4 o'clock, p.m. KO TE PEKE ORIENE. (Na te pukapuka a te Kuini i whaka- ritea ai) Ko nga moni e takoto ana £1, 260, 000. Ko nga moni e takoto ke ana 252, 000. NA, he korero tenei kia rangona e te tangata, ko te ritenga whaka- tupu haere mo nga moni e whakata- kotoria i roto o tenei Peke, koia tenei, mo nga moni tango noa iho, ka wha- karitea; te utu mo nga toenga, o ia marama, o te roa o te taima e takoto ai; ka penei ra, e toru hereni e wha pene mo te marama kotahi, mehemea he rau pauna. Na, ki te takoto roa nga moni ka penei te ritenga:— Kia 3 nga marama e takoto ai 15 hereni mo £100 6 2 pauna " 12 5 pauna " Ki te mea ka karangatia te tahua kia roa atu o te tau kotahi, ma te kai whakarite o te Peke e karanga he utu nui atu. ADAM BURNES. Kaiwhakarite. Poneke, Hurae 13, 1858. Ko nga ritenga e whakamonitia ai nga pukapuka tuhituhi e te Peke. Mo nga marama e wha £2 13s. 4d., mo te £100 Mo nga marama e ono £3 mo te £100 Ko te ritenga e rito ai nga moni tuku noa, nga whakahoutanga puka- puka ranei, kia 10 pauna mo te rau kotahi mo rotu i te tau. Ko nga utu whakatuputupu. Mo nga moni takoto noa, ara, ko nga toenga o ia marama, £2 mo ia rau, mo te tau kotahi. Mo nga moni e waiho tonu mo nga marama e toru, £3 mo ia rau Ka 6 nga marama £4 " " 12 nga marama £5 " " Ko nga utu mo nga pukapuka kawe moni ki tawahi. Ki RANANA, kia 60 nga ra o muri iho o te taanga atu ki te tangata utua ai, £1 mo te rau pauna. Kia 30 nga ra, £1Os. mo te rau pauna. Ki ATARERIA, kia 3 nga ra o muri iho o te taenga atu ka utua ai, £1 mo te rau. HE PARAU. TENEI nga parau pai mo tenei whenua kei te takoto i te Toa o Tipene i Poneke. Rere ke ana te tu o tetahi i to tetahi. Poneke, Oketopa 18, 1858 HEI WHAKAEKE I TENEI PO, KO NGA HOIHO TARIONA ERUA. 1. KO TIMI. (Ko RURE te ingoa maori) KO TE HOIHO HINA O TE Herekiekie, i whanau ki Taupo; tona matua tane, ko Reupene—ko te hoiho tariona o Te Hira; tona whaea, ko te hoiho uwha i hoatu e Kawana Kerei ki nga tangata o Taupo. Ka ono ona tau. Ko te hoiho ano tenei i riro ai to reihi i Poneke i te marama o Hanuere, 1858. He nui te maroro o tenei hoiho, te ataahua hoki, me te rarata. 2. KO EPERA. Ho tariona paraone (whero), ho mea uta mai no Poihakena. Ka waru ona tau. Ko te hoiho tenei o TIRA- WEKE TE WEKEPIRI. E tu enei hoiho erua i te Papara- kauhi, kei te wahapu o Te Kenepuru, i Porirua, ia Mane ia Mane; i te Pa- parakauhi tenei taha o te arawhata i Heretaunga, ia Wenerei ia Wene- rei; i nga tepara o Pereha, kei Te Aro (Poneke), hei te Taete, me te Paraire, me, te Hatarei, o ia wiki o ia wiki. Ko te utu tenei mo te whakaeke- nga:—mo tehea ranei mo tehea ranei, £2 2 0. Kia rima hoki nga hereni hei utu mo te kai arahi. Ki te rapu ritenga ke atu tetahi, me pa mai ia ki a TAME TIAKENA, Kei te whare o TIRAWEKE TE WEKE- PIRI, kei Poneke.
2 2 |
▲back to top |
2 TE KARERE O PONEKE. Ko te kai rapu, ko ia te kite. MANE, 25 o OKETOPA, 1858. KO TE PEKE. E te whanau, ka kite koutou i te korero mo te "Peke" i tera taha o te nupepa. Pohehe pea o koutou whakaaro ki taua korero. E kore hoki ona ritenga e atamohiotia e te maori. Heoi ra, he mea pai. He mea ra e tiakina ai nga moni takoto noa o te tangata Ki te mea e waiho i roto i tona pouaka, i tona aha ranei, e riro pea i te tahae, e pau ranei i te ahi, e ahatia noatia ranei. Tena ko tenei, takoto ana i roto i to Peke, rongoatia ana ona moni ki reira; ma- na ka hiahia ki te tango, riro mai ana—te katoa ranei, tetahi wahi ra- nei, ko tana e pai ai; a kei a ia ano te pukapuka i tuhituhia ai ona moni takoto. Ka tuhia, ko nga moni e hoatu ana, ko nga moni e tango atu ana. Heoi ra, ho ritenga hou tenei, ko te whakarite utu mo nga moni. Heoi ano te peke i whakaritea ai he utu mo nga moni i roto i nga ra i mua ake, ko tera o te Kawanatanga. Na, ko tenei, he mea pai. whakaritea tonu- tia te utu mo nga moni o ia marama o ia marama, ara, mo nga moni e ta- koto ana i te mutunga iho o te mara- ma, kia rua pauna mo te rau, ki te ritenga o te tau, ara, e toru hereni e wha pene mo te marama kotahi, mo ia rau mo ia rau. Na ki te moa te- tahi tangata kia toru nga tino mara- ma tinana e takoto ai ona moni, kia kaua tetahi wahi e tikina i roto i aua marama e toru, penei, ka Io hereni mo ia rau pauna mo nga marama e toru; ki te mea ka ono marama e karangatia ai, penei, ka rua pauna mo ia rau pauna mo nga marama e ono; kotahi ranei tau tinana, penei, ka rima pauna hei utu mo te rau pauna mo te tau. Ma te tangata i te moni e mea kia roa atu i te tau, tera atu ano te ritenga o te utu mo ona moni. Ka rapu hoki nga maori i te tika- nga e utua ai nga pukapuka moni hei kawenga ki tawahi—ki Ingarani ra- nei ki Poihakena ranei ki hea atu ranei. Koia ra tenei: ka hiahia te tangata ki te tono atu moni ki reira, ki ona whanaunga ranei, ki awai ra- nei, ka rapu ia i tetahi huarahi e tae atu ai. Me takai ranei ona moni ki roto i to pukapuka—ka tahaetia pea, ka ngaro ranei—heoi, ko te taimaha i roto i te mera, ka rahi te utu mo te taimaha. Nei na, ka haere ia ki te Peke, mea ai, he hiahia tana ki nga moni ra kia kawea ki a mea; ka tangohia ona moni, ka riro mai he pukapuka mo te Peke o tera wahi ka tae atu ai nga moni; ko tenei ka takaia ki te reta, a kia tae atu ki reira ka riro mai nga moni i te Peke o tera kainga. Na, ko te utu e utua ai, hei utu tena mo te Peke—ko nga ritenga huki enei e whai moni ai nga Peke hei whaka- rite utu mo nga moni e takoto noa ana ki a ratou. Me he mea ra e pakeke te tikanga o tenei mea ki etahi, me tuhituhi mai ia i tana whakaaro, ma te " Karere " ra e kawe atu ki a ia te maramatanga. KO NGA RONGO. i KEI te mohio pea koutou ki a TE KEREPETI, he pakeha rangatira e noho nei. Nana, kua puta te puka- puka a te Kuini mona kia a hoki atu ki Ingarani, kia meatia hei Naiti, ara, kia tino whakarangatiratia e te Kuini. Ko te tuarua tenei no Niu Tirani ka whakanaititia. I mua hoki, ko Kawa- na Kerei; inaianei ko tenei. Kua tae atu te rongo o tenei Ka- rere ki Ingarani; inahoki kua kite matou i nga korero kei roto i nga nupepa o reira. Kanui ta ratou moe- miti. E meinga ana kua mahue a Te Keipa Kuru Hope e Kawana Kerei; a e tonoa ana ia e te Kuini ki tera whenua pakanga, ki Inia, hei pehi i nga kino nanakia kua oti ra te korero. o Kua tae atu ki Ingarani te tarutaru kopakopa no Wharekauri. Ta te manako ki taua mea ! Takoto ana nga moni hei utu mo taua taru, e whitu te kau ma rima nga pauna ! Kua oti e te Kawana te karanga, ko TE RETEMANA hei tino kai-whaka- haere i nga tikanga o te Kawanata- nga mo nga iwi maori. Tenei ake te putanga mai, kia hoki mui te tima i Akarana. Te ora wawe a TE HUTANA (Mi- nita) kua oti e nga takuta te whakarite kia haere ia he wahi ke. Heoi, kua rite kia haere to tatou hoa aroha ki ra- ro ki Pewhairangi. A, kua takoto ki a ia te tohu aroha a nga pakeha o Heretaunga, aru he paehe koura £130, me a ratou kupu poroporoaki i roto i te pukapuka. He whakakitenga aroha tenei ki to ratou Minita ka wehea atu nei i a ratou. Ki ta matou, ka nui te tika. Ko matou hoki ka mihi ki a ia — Haere, e pa! Haere ki te pito whaka- raro o te hutinga a Maui. Tuhia mai i reira nga rongo o taua wahi, hei tiro- hanga mo nga kaikorero o te nupepa, hei maharatanga ma matou ki a koe. Kawea ki tai te Rongo Pai o te Ka- raiti hei okiokinga mo te iwi! KO NGA TURE O INGARANI Korero timatanga.—He roanga. 9. Ka noho te tangata i raro i te Ture, he koha tana ki te Ture, a he koha hoki ia te Ture ki a ia. Ko tana ki te Ture, he rongo. Ko ta te Ture ki a ia, he tiaki, kei tukinotia ia e te- tahi tangata, kei homai te he ki a ia, ki tona tinana ranei, ki ona mea ra- nei. Ki te kore he Ture, ko te iwi- kore ka pehia e te tangata kaha, a nui noa atu te raruraru Na te Ture i ora ai, i tika ai te noho. He Kawe- nata tuhonohononga ia na nga tanga- ta, na te iwi katoa, he whakakotahi- tanga whakaaro na katoa, he huinga i te kahu. i te uaua a katoa hei tiaki mo ia tangata mo ia tangata o ratou, kei whakatupuria kinotia e tetahi, kei pehia hetia. E toru enei tino mea o te tangata e meinga nei te Ture hei tiaki. 1. Ko te Ora o tona tinana me tona Ingoa pai. 2. Ko tona tinana kia haereere noa, kaua e herea pokanoatia. Heoi te tangata mana e here tetahi tangata, ko te Kai-whakarite-whakawa anake, me take tika ia, me mahi he taua tangata. Ki te herea huhuakoretia e te Kai-whakarite-whakawa, he ngakau kino, he whakahaere he ra- nei nana, ko ia, ko te Kai-whaka- rite-whakawa ka whiua e te Ture. 3. Ko te tangata Whenua, Taonga, Rawa, me ona mea katoa, ka tiakina e te Ture, hei pupuri mana, hei mahi maua, hei tuku atu inana, kaua e ahatia e te tangata. Heoi te mea
3 3 |
▲back to top |
TE KARERE O PONEKE. 3 e pa ai te tangata, me whai tikanga pera na te Ture ano. IO. Na, mo korero i konei nga ti- kanga o tenei Ture i meinga nei ko te matua tenei nana i tiaki te tangata, i tika ai tona noho i runga i te ora, i runga hoki i te tikanga rangatira, i takoto pai ai hoki ona rawa, nana hoki i arai te mahi pokanoa me te tu- kino pokanoa a te tangata kei tata ki aia. Me whakaatuatu nga ingoa o nga Kai-whakahaere me nga Kui pu- puri o tenei Ture, ara, o te hunga kua whakaritea hei tiaki, kei kapea, kei takahia nga tikanga o te Ture; me korero hoki nga tikanga o a ratou mahi. (Kei tera nupepa.) Ko Nga Ture.—He roanga. HUAKI— He roanga. Ko te tangata ka hanga kino ka whakahu i tetahi whare ki te Paura- pupuhi,—ki tetahi mea pera ranei,— wera ake, kino rawa atu ranei taua whare, he mea nana he whakamate- kohuru i tetahi tangata, he whakakino ranei i a ia, kia kopa ai, kia whara kino ai ranei tona tinana:—Ka Whare- hereheretia, mate noa, taea noatia ranei tetahi takiwa. Ko nga tangata e uru ana ki tenei Hara i muri i te meatanga ai:—Ka Whareherehere, kaua ia e neke ake i te Rua Tau. Tirohia " Aronga ki te whakamate-kohuru " IO. Ko te tangata ka Huaki i tetahi atu tangata, he mea nana kia murua e ia: —Ka Whareheretia, kaua ia e neko ake i te Toru Tau, Ko te tangata ka Huaki i tetahi atu tangata, he mea nana kia meatia e ia tetahi Hara - Wheroni, Puremu Reipa ranei:—Ka Wharehereheretia, kaua ia e neke ake i te Rua Tau: ka Whai- netia hoki, ka Whakaoatitia hoki ona hoa hei whakakapi mo tana kia ata noho ia. Ko te tangata ka Huaki ka rere kino ki te Katipa i a ia e mahi ana i tana Mahi Katipa, ka huaki ranei i te kai-awhina i a ia i runga i tana Mahi- Katipa:—Ka Wharehereheretia, kaua ia e neke ake i te Rua Tau: ka Whai netia huki, ka Whakaoatitia hoki ona hoa hei whakakapi mo taua kia ata noho ia. Ko te tangata ka Huaki, ka rere kino ki runga ki tetahi tangata, he mea nana, he whakanehenehe atu, he arai riri atu kei mau ia, tetahi atu tangata ranei, e hopukia tikatia ana, e purutia tikatia ana ranei, i runga i nga tikanga o te Ture:—Ka Wharehere heretia, kaua ia a neke ake i te Rua Tau: ka Whainetia hoki, ka Whaka- oatitia hoki ona hoa hei whakakapi mo taua kia ata noho ia. Ko te tangata ka Huaki i te Katipa- pehiara, ka whakatenatena atu ranei! tetahi atu kia pera:—Ka Wharehere- heretia, kaua ia e neke ake i te Rua Tau: ka Whainetia hoki, ka Whaka- oatitia hoki ona hoa hei whakakapi mo tana kia ata noho ia. Ko te tangata ka whakaware, ka arai, ka whakararu ranei i te hunga e whakaora ana i a ratou i te moana, i i te kaipuke-pakaru, tahuri: — Ka Wharehereheretia, mate noa, taea noatia ranei tetahi takiwa. 10. ARONGA KI TE WHAKAMATE— KOHURU I TE TANGATA.—Ko te tanga- ta ka whangai i tetahi atu tangata ki tetahi kai ranei—mea ranei wha- kamate-tangata:—ko te tangata ka oka, ka wero, ka tapahi, ka aki kino, ka patu ranei i te tangata—maru iho, ka mea ka aha ranei e whara kino ai tona tinana, he mea nana, he whaka- mate-kohuru i taua tangata kia mate rawa;—Ka Whakamatea: he mea ano, ka Wharehereheretia, mate noa. Ko te tangata ka aro ki te whangai i tetahi tangata ki te Kai-whakamate- tangata: ku te tangata ka pupuhi i tetahi tangata ki te pu, ka aro ranei ki te kopiro, ki te whakatotohu i tetahi tangata ki te wai kia mate ai, ki te arai-kopani ranei i te Manawa, ki te nonoti ranei i te kaki, he mea nana, he whakamate-kohuru i taua tangata kia mate rawa:—Ka Whareherehere- tia, mate noa, taea noatia ranei tetahi takiwa. Ko te tangata uru ki tenei hara i muri i te meatanga ai:—Ka Whare- hereheretia kaua ia e neke ake i te Rua Tau. Ko te tangata ka kape i ta te Ture, ka whangai i tetahi tangata ki tetahi kai ranei, aha ranei, i, ei whakamoe, kei whakapohehe i rua whakaaro, he mea raua kia ahei ai i tana mou tana —ta tetahi atu tangata, ranei—mea tanga i tetahi Hara-Wheroni: —Ka Whare-hereheretia, mate noa, taea noatia ranei tetahi takiwa, 11. ARONGA KI TE MEA HARA- Kirimina.—Ko te tangata ka aro ki te mea i tetahi Hara-Mihitimina, i tetahi Hara- Wheroni ranei:—Ka Whainetia, ka Wharehereheretia ra- nei: tetahi, ko te Whaine me te Whareherehere hoki. 12. WHARE-PUREMU.—Ko te ta- ngata ka noho-tiaki i tetahi Whare- puremu, Whare mahi he, kori, aha: —Ka Whainetia, ka Whareherehere- tia ranei: tetahi, ko te Whaine me te Whareherehere hoki. 13. HARA-Pikami.—( Punarua).— Ko te tangata—wahine ranei—kua marenatia, a ka marena hoki i tetahi atu, me te ora ano te hoa tuatahi: ko te tangata ka whakakiki, ka whakaae ranei i tetahi hanga e mea ana i tenei Hara:—Ka Wharehereheretia kaua ia e neke ake i te Wha Tau. 14. KOHUKOHU-Parawhimi —Ko te tangata ka korero i nga kupu kohu- kohu mo TE ATUA; ka korero ranei i nga kupu whakatoi, whakahawea, whaka kore kore, mo IHU KARAITI; ka taunu ranei, ka whaka kore kore ranei, ka whakahahaki atu ranei i nga KARAIPITURE TAPU hei mea whaka- kata :--Ka Whainetia, ka Wharehe- retia hoki.—Ko nga Ture. Ki te Kai Tuhi o te Karere o Poneke. Taranaki, Maungakiripoa, Hepetema 23, 1858. E hoa ma, e Manahi Taurua, e Henere Te Waitua tena korua. Kua tae mai ta korua kupu i roto i te nu- pepa ki a au. Kua tae mai au ki Taranaki nei. Koia tenei ko te ti- kanga i haere mai ai au, he korero i nga ritenga o te Ture i mohio ai au i roto i nga ritenga o Poneke. Ka te kau ma iwi enei tau e whakarongo aua au ki nga ritenga atawhai o te pakeha. He korero i nga tikanga i tupu ai te pakeha, i ngaro ai te Maori; na te mea, i tupu ai te pakeha e wha- karangatiratia ana e te pakeha te Ture, kia kaha ai taua Ture hei wha- kaora mo te iwi katoa, kia whakamu- tua te rere haere ki nga mahi hua kore o te pouritanga, kia whakamu-- tua te whawhai nui, kia waiho roa to ritenga o te Ture e rapu he utu mo te tangata e kohurutia ana. Kia rongo mai koutou. Ka wha- kaaro tatou kia uru ki roto ki nga ri- tenga pakeha, me whakarangatira tahi
4 4 |
▲back to top |
4 TE KARERE O PONEKE. tatou i te Ture hei atawhai mo te iwi, kia kite ai tatou i nga painga mo te tinana. I muri mai o tera huihuinga ki Haurapari ka tu ano to runanga ki Maunga Kiripoa i Oakura. Ko nga tangata tenei i tu i korero i tenei runa- nga, ko Huru Nganangana, ko Kawa- na Hiangarere, ko Paratene Te Ko- paru, ko Te Wirihana Whitikaeaea, ko Wipata Rangihokaia, ko Wi Te Ngurunguru, ko Horopapera Ruawa- hinui, ko Te Meiha Tuhakararo, ko Raianihia Tui, ko Hopa Tapiri, ko Hohepa Kuhare, ko Hoani Whareka- wa, ko Porikapa Te Wariwari, ko Te Hapimana, ko Te Peka, ko Perere, ko Te Kati Ruatirawhati, ko Haimona, ko Taituha Tarapangaio, ko Hairini, ko Matene, ko Nuiha. Ko nga ta- ngata tenei nana i whakatakoto he huarahi korero mo te tikanga o runga i te Ture atawhai o te Kawanatanga; kia whakarerea hoki nga tikanga maori, kia waiho kia tu ana i te ao ko te Ture anake o te Whakapono; ko nga tikanga pai o te Kawanatanga hei atawhai mo te iwi maori kia ata noho ai nga tangata, kia waiho hei whawhai ma nga tangata ko te Ahu- whenua anake. E hoa ma, kei rapu kau tatou i nga tikanga pakeha, ka mahue i a tatou te tikanga o te Ture, hei kitenga mo mo tatou i nga tikanga pakeha, hei tukunga atu hoki i nga tamariki ki te kura kia mohio ai tatou. Heoti. Na TAMATI WIREMU UPO HAEPAIA. Ki te Kai Tuhi o te Karere o Poneke. Wanganui, Hepetema, 1858. Haere ra e taku reta ki te kai tuhi o te Karere Maori. E hoa, tena ra koe. Mau enei kupu e hoatu kia taia mai. E hoa ma, tena koutou. Whaka- rongo mai hoki koutou ki oku whaka aro. E hoa ma, ka tahi ano te mahi pai rawa ko te mahi nei, ko te parau raua ko te kau. E hara i te hanga te pai; ahakoa whenua nui noa atu hei aha ma te parau? Otira, ka tahi ano matou ka kite,i tenei tau. Ko te ki- tenga hoki koa, pai rawa atu tenei mea. E ngari kia whai whenua o hara i te hanga te mahi nei a te pa- rau. Ka tahi ano ka pai to matou kainga i tenei tau. Kua waiho nga kauma- tua hoi wahine, ko nga tamariki hei tane, ara, hei mahi i te whenua, hei parau hei tarai i nga kau. Heoi ano. Na tou tamaiti aroha, Na HOANI METE. Ki te Kai Tuhi o te Karere o Poneke. Tupuangi, Wharekauri, Hepetema 3, 1858. E hoa, e Te Pura, tena ra koe, te kanohi ra o nga tikanga, o nga mahi, o nga ritenga! Tenei te whakarongorongo kau atu nei ki nga korero a nga tangata maori mo te whakatu kingi mo ratou. Kua rongo matou kua whakaae nga tanga- ta o Poneke. Kahore ano matou i mohio ki te whakaaetanga o nga iwi katoa e noho ana i Niu Tirani. Me he mea ka karangatia he runanga nui ki Niu Tirani, me tuhituhi mai koe kia rongo atu matou. Heotiano: Na to hoa aroha, Na ROIRI TE RANGI. ——00—— Ki te Kai Tuhi o te Karere o Poneke. Pakaraka, Waitotara, Hepetema 21, 1858. E hoa, Tena koe. Mau e ta mai aku korero ki te perehi. Ko taku maharatanga ki nga tikanga maori, ki te tikanga pakeha. Kua mohio au ki te henga o te tikanga maori. Ko nga tangata e noho ana i te tikanga maori e pihi ana nga whakaaro, e rite ana ki te poaka puihi e kore e kai i te kai- werawera, no te mea e kore e rarata kia wangaia e te pakeha ki te kai werawera—ko te kai weravvera tenei ko nga tikanga a te pakeha. Ka pai au ki nga tikanga a te pakeha—ano te marama o a te pakeha tikanga! I runga au i nga ritenga maori e mahi ana, a he ihu; koia au i kukume ai i nga taitamariki, i te iwi. E tamama, tatou ka haere ki runga i te ara tika o te pakeha kia mohio ai tatou ki nga * O tikanga marama. Ko te puna mara- ma hoki, ko te pakeha; inahoki te tika o ana ritenga o mahia tikatia nei. Heoiano aku korero. Na PEHIMANA HAMARAMA, ( Kai-whakawa-maori. ) HE HERAMANA TAHUTI. TOKORIMA nga heremana kua tahuti i te kaipuke e tu nei— ko Ropata Maara te ingoa. Me ka mau enei tangata te hopu, ka arahina mai ai ki te Whare Whakawa i Po- neke, ka utua te kai hopu ki nga pauna erua mo ia heremana mo ia he- ramana. Ko nga ingoa enei, me te ahua hoki:— Ko HENERE KOROKA.—Ona tau, 25: tona tiketike, 5 putu 10 inihi; he makawe whero; titiro ke aua tetahi o nga kanohi. Ko TAKE ATIKINI. Ona tau, 22; tena tiketike, o putu 7 inihi; he ma- kawe pango. Ko HOKI KINGI.—Ona tau, 25; tona tiketike, o putu 10 inihi; he tangata rahi; he makawe whero; he pahau nui. Ko HOKI WENEROKA.—Ona tau, 25; tona tiketike, 5 putu 10 inihi; he kanohi rahirahi; he makawe whero, he pahau iti. KO RIHARI MIRIRINGI. —Ona tau, 21; tona tiketike, 5 putu 9 inihi; he tangata nui; he makawe kehu, he kanohi pura. Poneke, Oketopa 16, 1858. HE PARAU WHIRA. TENEI, e hoa ma, nga parau pai kei te Toa o Te Watikini i Po- neke e pukai aua. He parau pai ia, he parau airona, he parau whai whira. Ko te pai ra tenei o te whira, ko te ngawari o te mahinga. Ko te tangata e hiahia aua ki to parau, a e whai moni ana hei utu, me tuhi mai ia ki a Te Watikini. Me tuhi mai ranei ki a Te Pura, a mana te korero ki tera. Poneke, Oketopa 19, 1858. Rere! Kua tae mai te reta a Warena Mahuri o Manawatu—ko nga korero no tana whangaitanga i a raua ake ko tona hoa ki te rongoa whakamate. E mea ana toku whakaaro kia kaua tenei reta e taia, inahoki kua pahure ke taua raruraru. Hei aha kia uakina houtia? Kua tae mai hoki te reta a Maika Parakau—ko te korero mo Whakawhiri- naki, mo te kainga e mau nei te raruraru. E pai ana ano te whakahaere o ana ko- rero, otira kaore he tikanga hei hoatu- tanga ki te perehi Maumau kia kapi noa nga rarangi o te nupepa i nga korero pera. Na KAI TUHI. 7 taia tenei Nupepa i te perehi o MEKENIHI raua ko MIUA, i Poneke, NIU TIRENE.