Te Karere o Poneke 1857-1858: Volume 1, Number 47. 04 October 1858 |
1 1 |
▲back to top |
TE KARERE O PONEKE Ko te kai rapu, ko ia te kite. [VOL I, MANE, 4 o OKETOPA 1858. NO. 47] The "KARERE O PONEKE" is pub- lished every Thursday morning. TERMS OF SUBSCRIPTION;- Twenty Shillings per annum, payable half- yearly. TERMS OF ADVERTISING;- Three pence a line for the first insertion of all advertisements, and Two pence a line for every subsequent insertion. Advertisments wil be continued and charged for until counter-ordered: such orders in writing, as also all Ad- vertisements (in English) will be re- ceived at the INDEPENDENT Office, Lambton-quay, on Tuesdays, at any time before 4 o'clock, p.m. HE PANUITANGA. TA te mea kua patua tahaetia e wai ranei tetahi Puruki, no Hori Makihati (pakeha), i waenga ngahere ki tua o Wiremu-Taone: nakonei ka whakaae atu matou ki nga pauna £25 mo te tangata mana e whaki mai te ingoa o te tangata nana i patu Na ROPATA PARAHE, (Robert Burgess) ratou ko nga hoa toko-ono. Poneke, Akuhata 23, 1858. KUA HAERE KE, Kua tahaetia ranei, tetahi hoiho uha —he mea whero; he ma te rae; ka- hore he parani; he ma kei nga. wae- wae o mua. He mea hoko i a Taieha, he tangata no Otaki. Maku e utu te tangata e whakahoki mai ana i tenei hoiho ki nga pauna moni e toru. Na WIREMU TAMATI. (William Thomas) o Waikanae. KO TE PEKE ORIENE. (Na te pukapuka a te Kuini i whaka- ritea ai) Ko nga moni e takoto ana £1, 260, 000. Ko nga moni e takoto ke ana 252, 000. NA, he korero tenei kia rangona e te tangata, ko te ritenga whaka- tupu haere mo nga moni e whakata- kotoria i roto o tenei Peke, koia tenei, mo nga moni tango noa iho, ka wha- karitea; te utu mo nga toenga, o ia marama, o te roa o te taima e takoto ai; ka penei ra, e toru hereni e wha pene mo te marama kotahi, mehemea he rau pauna. Na, ki te takoto roa nga moni ka penei te ritenga:— Kia 3 nga marama e takoto ai 15 hereni mo £100 6 2 pauna " 12 5 pauna " Ki te mea ka karangatia te tahua kia roa atu o te tau kotahi, ma te kai whakarite o te Peke e karanga he utu nui atu. ADAM BURNES. Kaiwhakarite. Poneke, Hurae 13, 1858. Ko nga ritenga e whakamonitia ai nga pukapuka tuhituhi e te Peke. Mo nga marama e wha £2 13s. 4d., mo te £100 Mo nga marama e ono £3 mo te £100 Ko te ritenga e rito ai nga moni tuku noa, nga whakahoutanga puka- puka ranei, kia 10 pauna mo te rau kotahi mo rotu i te tau. Ko nga utu whakatuputupu. Mo nga moni takoto noa, ara, ko nga toenga o ia marama, £2 mo ia rau, mo te tau kotahi. Mo nga moni e waiho tonu mo nga marama e toru, £3 mo ia rau Ka 6 nga marama £4 " " 12 nga marama £5 " " Ko nga utu mo nga pukapuka kawe moni ki tawahi. Ki RANANA, kia 60 nga ra o muri iho o te taanga atu ki te tangata utua ai, £1 mo te rau pauna. Kia 30 nga ra, £1Os. mo te rau pauna. Ki ATARERIA, kia 3 nga ra o muri iho o te taenga atu ka utua ai, £1 mo te rau. HE RETA MAORI, Kei te Whare-Mera o Poneke e takoto ana. 1 mo Te Aranga, kei Heretaunga. 1 " Hemi Hohepa, kei Te Rauma- nuka. 1 " Matikaka raua ko Herewini, kei Aratoetoe. 1 " Herewini Pehitaha, kei Aratoe- toe. 1 " Ruihi raua ko Raniera, kei Ara- toetoe. 1 " Ihaia Patu, kei Waiwherowhero. 1 " Hami Te Kuri, kei Ngataero. 1 " Ihakara, kei Te Mako. 1 " Tamehana Te Uru, kei Here- taunga. 1 " Eruera Te Wakatahiwi, kei Kaiwara-wara. 1 " Paramena Naonao, kei 'Wairarapa. 1 " Hone Warihi, kei Otukere. 1 " Wiremu Takana, kei Mikonui 1 " Ani Patene, kei Wairaweke. 1 " Maika Purakau raua ko Ta- wao, kei Wairarapa. 1 " Naki, kei Pipitea.
2 2 |
▲back to top |
2 TE KARERE O PONEKE. Ko te kai rapu, ko ia te kite. MANE, 4 o OKETOPA, 1858. KO TE HOKO WHENUA. KOA rongo matou e nui haere ana inaianei te whakaaro o nga iwi maori o konei ki te hoko i o ratou whenua takoto noa. Tana mahi i Wairarapa, he hoko whenua; tana mahi i Wai- kanae, he hoko whenua; tana mahi i Manawatu, ko taua tu mahi ano ko te hoko whenua. Rere! Ka tahi ka whai mohio te tangata Maori, ka tahi nei hoki ka mahue tera ritenga kuare, te pupuri noa i nga whenua kia takoto kau ana, kahore anu hua, kahore ona painga. Ta te kuare, tana tikanga! Ki tana, me waiho te whenua hei tupunga rarauhe, hei haeretanga mo te kirehe; ko te tangata ia hei tona whare raupo piri ai, me te ngoikore, me te rawakore. Te mahara ia ko te- tahi wahi o te whenua kia riro, kia puta ai he moni; a ko aua moni kia mahia hei whakatuputupu kia nui haere. Hua noa matou e tango wawe nga iwi Maori katoa o Niu Tirani ki tenei tikanga tuku whenua; nei ra kei te wehiwehi kau inaianei nga iwi o te tuawhenua, pera me to konei iwi i muamua ake nei. Ta to wairangi, ta te tupato noa iho ! Ma te riro o nga whenua takoto kau i te pakeha ka aha ai koia? Ka pikaua koia e te Pakeha ki tawahi? Ka utaina koia ki runga ki ana kaipuke hei kawe ki waenga moana? Aua pea, koia ano tena tana i wehiwehi ai ki te Pakeha. E tupato ana kei pahure atu i ona ka- nohi te kainga o ona tupuna. Tena hoki etahi te mea mai ua, "Taukiri e! to matou oneone ka ta- ngohia kautia e te Pakeha, ko matou ka peia kinotia e ia ki tahaki, ka wha- kangaromia matou eia." Ture kuare! Te whai whakaaro ratou he tango pai ta te Kawanatanga i nga whenua e homai ana kia hokona—he whakata- koto tika i nga utu, he tuhi rawai nga korero o te hokonga ki te pukapuka hei whakatika rawa. Nonahea koia i rangona ai tana tango pokanoa i te whenua? Nonahea hoki i rangona nua? Nonahea ranei i he ai te tika- nga a te Kawanatanga i roto i nga tau maha kua pahure ake? Te mahara ratou, ma te noho tata o te Pakeha ka whai taonga ai te taha i toe ki a ratou. Te whakaaro ratou, kia taka nga Taone pakeha i waenga i a ratou ka piki haere ai te utu mo nga whenua patata. Heoi, ma te kuare ano tana kuaretanga; ko te katanga ia, ma koutou ma nga mohio. Kua puare a koutou whakaaro ki tenei ti- kanga tuku whenua. Ka pai ha—ka rite ki ta te Atua i whakarite ai. Ha- nga ana a Ihowa i te whenua hei no- hoanga tangata puta rawa tana ku- pu " Kia whanau, kia tini, kia kapi te whenua." Mehemea e kapi a Niu Tirani i nga iwi Maori e tika kia kaiponohia e ia to whenua. Ko tenei, e kore. Tenei tetahi pito, tena hoki tetahi, e kapi i a ia, ko te nuinga ia e kore. Koia matou ka whakaaro ai me tuku mai e koutou tetahi wahi o te whenua hei nohoanga mo tenei iwi mo te Pakeha i homai nei te Atua hei hoa tiaki mo koutou, hei whakawhai- hua i te wahi e kore nei e kapi i a koutou. Ma reira anake ka rite ai ta te Atua i pai ai, ka " kapi te whe- nua," ka nui haere hoki te ingoa o Niu Tirani. KUA MOE, e te whanau, tera kau- matua aroha, tera kai tohutohu i ru- nga i te ara pono, a TE WUNU, Minita Weteriana, o Wanganui. E rima te kau ma wha ona tau me nga marama e iwa. Ka 23 ana tau i enei motu e hapai ana i te tikanga o te aroha, e kauwhau ana i te Rongo Pai. Ko tenei, kua rite ta TE ATUA i pai ai, kua riro pai atu to tatou matua aroha ki tana okiokinga i te Rangi. KUA PAREMO A PITI ROI, he kau- matua o Ngatitoa, no te 24 o nga ra. E hoki atu ana taua tangata i te hui a Te Honiana Puni i Pitone, tae rawa atu ki Porirua ka pangia tona ringa- ringa e te mate, a te rerenga ki te tinana, kihai i taro kua riro i te mate. No te utu o te Turei, te 28 o nga ra. i marere ai a APERAHAMA TE TOUTOU i te Whare Turoro o Poneke. E rima aua tau i takoto ai i runga i te mate. KUA paremo a RAHIRA, te hoa wahine a Hakopa Te Patutu. I mate Ko TE MANE o te wiki kua pahemo ake i whakatapuria e te Kawanatanga hei ra whakahari mo te marenatanga o te tamahine a te Kuini, i korerotia imua ra, KUA hoki mai a TE HUTANA, mini- ta, i Poihakena; a TE PUKA, minita, hoki i Wakatu. KUA kitea te tupapaku wahine pa- keha i paremo ki te wai o Heretaunga i te marama kua pahure nei. Na te waipuke i whakatere ki uta. KUA tae mai te takuta i tonoa mai e te Kawana hei kimi i tetahi wahi pai hei turanga Whare-atawhai mo nga porangi. HE Hoiho tariana tena kua utaina atu ki Poti Kupa, no Ingarangi. Ko nga moni i utua ai taua hoiho koia tenei, £800. KO NGA TURE O INGARANI. Korero Timatanga—He Roanga 2. I mua, i to mea e noho kuware aua nga tupuna o te Pakeha, kahore i whai Ture pai a Ingarani; kahore he Kai-atiati mo te mahi he. I reira, i waiho ko te kaha o te tangata hei ture mana, hei pehi i te tangata iwi kore. Noho wehi, noho he noa iho te noho o te tangata i reira. Ko te ahua i pera me te ahua o te tangata Maori i mua-mua ake nei, puta noa t e motu nei, he noho kino noa iho; he pakanga, he tunuhuruhuru he patu tangata, he aha, he aha; ko a te kuware ku ana mahi. Nawai a, ka tae mai te Whakapono ki Ingarani; muri iho ka tupu te whakaaro kia whakatakotoria he Ture, hei pehi i te kino, hei whaka- tupu i te pai, hoi whakaatanoho I maharatia hoki e te hunga whakaaro nui. ki te kore he Ture hei wha- kaatanoho, e kore e tupu hei iwi nui, rangatira, whai rawa. Ka tahi ka hanga e ratou he Ture, whakatakoto rawa, whakapumau rawa. Ko te hunga mana e whakatakoto nga ture ko nga tino Rangatira, me nga Kaumatua mohio, me nga Pihopa, me nga tangata hoki i whakaturia e te iwi katoa hei mahi i taua mahi. Ko te kingi ano hei Tumuaki, hei whakatapu, hei wha- kapumau; ko enei hei Runanga whakatakoto i nga Ture, a kei te wahi e meatia ana kia hanga he Ture hou, kia whakaputaina ketia ranei
3 3 |
▲back to top |
TE KARERE O PONEKE. 3 o mahi. A, tuku iho nei ki enei ra, ko taua ritenga nei ano e mau nei» ko nga Runanga-whakatakoto-Ture te mahi nei ano i taua mahi. Na reira ka whakahonoretia, ka wha- kanuia, ka whakamana, ka matapo- poretia nuitia e to iwi katoa tana Ture; e kore e tukua tetahi tangata kia whakanehenehe kia takahi i taua Ture, kia tutu ranei ki ona Kai-whakahaere, ki ona Kai-tiaki, ki nga Kai-whakarite-whakawa, ki nga Katipa. Ko te iwi nui tonu hei hapai, hei whakakaha. Heoi te tangata e whakakino ki te Ture i meinga hei matua mo nga tangata, ko te tangata mahi kino ano;—a, e kore tana tikanga e puta i te tokomaha o te iwi hei pehi hei hapai i nga tikanga o te Ture; a ki te whakanehenehe ia, ka riro katoa nga tangata hei katipa kawe i a ia kia whakawakia, kia whiua tona hara e te Ture. 3. Na, kihai i penei te waimarie o nga tangata o Ingarani i mua me to nga tangata Maori o Niu Tirani waimarie inaianei. Tana timatanga ki te whakatakoto Ture mana, i era whakatupuranga noa atu ia; na kahore he pukenga, kahore ona Kai- tohutohu. Tana kuhu noa ki te wawae ara mona i te ururua; tika ana, he ana; whakamatauria i kona, kitea ana te henga, whakamatauria i ko ra; pokaia ki matau, ka he, pokaia ki maui: kei hea ranei te ara tika ! Tetahi hoki, ta te kuware hanga, taukumekume ana nga Kai-arahi, nga Kai-rapu tikanga. Ina, te ara tika; ina ke ra; kaore, ina ke te tikanga; nawai a, nawai a,—taea ititia ana etahi tikanga te whakatakoto e ratou i te tautohetohe. Me pehea u ana i te matapo o nga Kai-arahi. Waiho kia whawhai ana, a tini noa nga whakatupuranga, ka tahi ka oti ki runga ki te tikanga kotahi, ka haere tahi i te ara kotahi. Ko tenei e nohoia nei, he waimarie to te tangata Maori; kua oti te huarahi te para, kua waea te ururua, e takoto nei i tona aroaro te huanui, he haere kau tana i runga. Kua nohoia tona whenua e te iwi mohio, atawhai hoki, ara, e te Ingarihi;— a, nai tonu tenei iwi ki te whakaako ara kua oti te mahi, kua haerea hoki, ka tini nei nga whakatupuranga, ara, i te ara o tana Ture oti, i tana ara hoki i taea ai e ia nga taonga pai e mau nei i a ia, te Whai-tikanga, te Matauranga, te Ora, te Atahoho, te Rangimarie, te Whai-rawa, te Mana, te Rangatira, me te tini atu o nga pai e mau nei i te Pakeha. Ko tenei, kaua e rapurapu te whakaaro, kaua e awangawanga, e rangi kia manawanui, kia hiahia pono, kia tika hoki te whai i muri i nga Kai-arahi e whakaritea ana hei tohutohu i te ara tika, i te ara kua oti. Ki te anga hoki te tangata ki te poka i tetahi ara hou mana ki waenga rarauhe, e kore e roa kua mate i te ngenge, kua mea ano ki te hoki ki to ara nui, marama, ki te ara ka maro nei i te takahanga. Ko nga Ture—He roanga. 6. KARAREHE.—Tirohia " Whaka- tupu-nanakia, whakamamae Kara- rehe" 30. 7. MEA WHAWHAI, (Pu, patu, aha, aha).—Ko te tangata ka whakaako i etahi ki te hapai Mea-whawhai, ka mahi tahi ranei raua ko tetahi e pera ana, i reira ranei i tetahi wahi kia whakaakona ai, e whakaakona ana ranei a kahore he tikanga i te Kawanatanga:—Ka Wharehere- heretia, kaua ia e hipa ake i te wha Tau. Tetahi, ka Whainetia ka Wharehereheretia ranei. Tetahi, ko te Whaine me te Whareherehere hoki. Ko te tangata ka mau haere i nga I Mea-whawhai, patu, mea whakawehi- wehi:—Ka tangohia nga Mea-wha- whai, ka WharehereheretiaWhareherehere, pai noa te Kawanatanga kia tukua. Ko te tangata ka mea i runga i te whakaaro, i te mohio hoki, a ku homai, ka kawe ranei ki uta, ka tuku atu ranei i etahi Mea-whawhai, Pu, Paura-pupuhi, Patu, aha ranei, ka mea ranei kia kawea ki uta, kia tukua ketia atu ranei, ki te kore ana pukapuka Raiheni na te Kawana - tanga:—Ka Whainetia, kaua ia e neke ake i te Rima Rau Pauna, mo te tangohia ano to mea i kawea kiuta, i tuku» ketia atu ranei. Ko te Rangatira o tetahi Kaipuke ka kawe ki uta, ka tuku atu ranei, ka mea ka whakaae ranei kia kawea ki uta, kia pera, ki te meatia e ia i runga i te whakaaro mo te mohio, a kahore ana pukapuka Raiheni:—Ka Whainetia, kaua ia e neke ake i te Rima Rau Pauna, me te tangohia ano hoki tana kaipuke. Ko te tangata ka mea i runga i te whakaaro, i te mohio hoki, a ka poka ke i te panuitanga a Te Kawana, ka hoko, ka tuku ata ranei, i etahi Mea-whawhai, Paura-pupuhi ranei— ki te neke ake i te rua pauna te taimaha—i tetahi wahi o te Koroni ki tetahi atu wahi, ki te kore ana pukapuka Raiheni na tetahi Kai whakarite whakawa Hatihi: — Ka Whainetia, kaua ia e neke ake i te Rima Tekau Pauna; kaua hoki e neke iho i te Rima Pauna. Ko nga Mea-whawhai, Paura-pupuhi i peratia te kawe pokanoa:—Ka tangohia. Ko te tangata ka hanga ka whakaora ranei i etahi Mea-whawhai, Paura- pupuhi ranei, ki te kore ana pukapuka Raiheni:—Ka Whainetia, kaua ia e neke ake i te Rima Tekau Pauna; kaua hoki e neke iho i te Rima Pauna. Rere! Ka wahia nga Utu-whaine, ko tetahi taha ka hoatu ki te tangata nana i whakaatu. 8. ARAHONA. (Tahu whare, aha, aha, ki te ahi).—Ko te tangata ka tahu i tetahi Whare-noho ki te ahi, he tangata hoki kei roto:—Ka Wha- kamatea. Tetahi, ka Whareherehere- retia, mate noa. Ko te tangata ka tahu i tetahi whare noho ranei, whare aha ranei:—Ka Wharehereheretia, mate noa, taea noatia ranei tetahi ta- kiwa. Ko te tangata ka tahu i tetahi Kaipuke ki te ahi, ka mea ka aha ra- nei e kino rawa atu ai tetahi Kaipuke, he mua nana kia kohurutia, kia wha- kamatea rawatia tetahi tangata:—Ka Whakamatea. Tetahi, ka Wharehe- reheretia, mate noa. Ko te tangata ka tahu i tetahi Kaipuke ki te ahi, ka mea ka aha ranei e kino rawa atu ai tetahi Kaipuke, ahakoa Kaipuke kaore anu i oti to hanga, kaipuke oti ranei, —ho mea nana kia rarua, kia he te tangata nana, kia kino ranei nga rawa i runga i taua kaipuke:—Ka Whare- hereheretia, mato noa, taea noatia ra- nei tetahi takiwa. Ko te tangata ka tahu i tetahi Pa Witi, Pu kai aha ranei, ki te ahi, Pu
4 4 |
▲back to top |
4 TE KARERE O PONEKE. nei:—Ka Wharehereheretia, mate noa, taea noatia ranei tetahi takiwa Ko te tangata ka tahu i tetahi tupu- ranga, Witi, aha, aha, ki te ahi, i to mea e tu ana ano, kua kotia ranei:— Ka Wharehereheretia, kaua ia e neke ake i te Wha Tau. Ko te tangata ka tahu i tetahi Wha- re-paamu ki te ahi, he mea nana kia mate, kia rarua, kia he ranei tetahi tangata, ona rawa ranei :-Ka Whare- hereheretia, mate noa, taea noatia ra- nei tetahi takiwa. Ko te tangata ka tahu i tetahi Ta- kakau, Hei, Para, aha ranei ki te ahi, ki roto ki tetahi Whare-paamu, he mea nana kia wera ai taua whare:— Ka Wharehereheretia, mate noa, taea noatia ranei tetahi takiwa. Ko te tangata ka whakatakoto ki runga, ka whiu ki roto ranei, ki tetahi Whare, i te Paura pupuhi, he mea nana kia wera ai, kia kino rawa atu ai taua Whare :-Ka Wharehereheretia, kaua ia e neke ake i te Waru Tau Ko te tangata ka anga ka mea nui i tetahi aha ranei, kia wera ai tetahi Whare, Kaipuke ranei, kia wera ai ranei etahi hua aha ranei o te whenua, ahakoa te kainga e te ahi taua Whare, Kaipuke, Pu Witi, aha ranei : Ka Wharehereheretia, kaua ia e neke ake i te Waru Tau. Ko te tangata e noho mohio ana kei a ia etahi Paura pupuhi, mea whakamataku, whakamate ranei, mea aha ranei, me te whakaaro ano kia waiho taua mea hei meatanga maua— ma tetahi atu tangata ranei—i tetahi o nga Hara erua i korerotia tatatia ake nei:—Ka Wharehereheretia, kaua ia e neke ake i te Rua Tau. Ko te tangata e uru ki tenei Hara i muri i te meatanga ai:—Ka Whare- hereheretia, kaua ia e neke ake i te Rua Tau. Ko te tangata ka tahu i etahi hanga ki te ahi ki roto ki tetahi whare e mei- nga ai he Hara-wheroni, mehemea ka tahuna taua whare ki te ahi:—Ka Wharehereheretia, kaua ia e neke ake i te Ono Tau.—Ko nga Ture. ———-00———— Ki te Kai Tuhi o te Karere o Poneke. Maungakiripoa, Taranaki, Hepetema 1, 1858. E HOA,—Ko te Huihuinga tenei o Nga-Mahanga ki Kaihihi i te 14 o i te tikanga kotahi, he whakahoa- tanga ki runga ki te Ture o te Kuini, kia uru ratou ki roto ki te tikanga ko tahi o runga i te maramatanga o te Atua raua ko te Kawanatanga, Ka whakatika ko Te Wirihana: Haere mai e taku whanau, haere mai e nga tangata o te reo kotahi kia kimihia atu he tikanga hei oranga mo tatou. I whea ano tatou i te kino, na te maramatanga ka tae iho ki tenei ao, koia ra tenei o taku whanau e noho nei tatou i te maramatanga. Whakarongo mai, he oranga tatou na te kino. Ko te whare tenei hei to- mokanga mo tatou ko te Ture o te Kuini. Ka whakahua i tana waiata:— Ea te marama ka nekeneke, A, kei te Pae e tatau ana au I nga whetu maha me ku matariki, Na Kawana te kaipuke e waihape mai ra! Kei runga ko Hoani: Whakarongo mai e te whanau, kia kaha o tatou whakaaro ki runga ki te Ture o te Ka- wana, kia kite ai koe i nga painga o te Pakeha e takoto mai i mua i o ta- tou aroaro. Kati hoki ra te hanga kinonga i a tatou i era ngarangi; ko tenei tukua tatou ki roto ki te Ture atawhai. Kei runga ko Te Hapimana: Haere mai e aku tuakana, kia kimi oranga tatou ki roto ki te Ture o te Kawana hei oranga mo tatou. Kei runga ko Hira: Whakarongo mai ia- nei koutou, e rua nga heru o mua, he heru iwi tetahi—he tohu rangatira tera—kua pau nga heru o mua i nga heru hou o te pakeha. Kua pau nga matau o mua i nga matau hau, kua pau nga kai o mua i nga kai hou, kua pau nga hinu o mua i nga hinu hou. Hei kitenga hoki tenei mo tatou: kua pau o tatou whakaaro tawhito i nga whakaaro hou o te pakeha. Kei ru- nga ko Raianihia: Haere mai e runga, haere mai e raro, tenei au hei kawe wai mou; tenei te wai o te oranga kei roto i te maramata e akona mai nei tatou e o tatau hoa tangata Maori, Pakeha. Ka whakatika ko Wipata- Mauria mai e ta taua tamaiti tana ra- kau. kotahi paara i a koe kotahi i a au, kua tipu taku. Ka whakatika ko Hopa: Whakarongo mai, e hoa ma, ho oranga tatou ua te kino. Kati hoki ra tatou te noho i runga i nga wha- kaaro maori, ka waiho o tatou whaka- aro hei kawe i a tatou ki te mate. Whakarongo mai e te whenauma, kei ngana Tamatea tatou. E mea ana to waiata, " tuku kau o ngutu, papahu kau to arero."." Kia kaha ra. Kaua tatou e whakarongo ki te kupu tawai a te tangata e mea mai na ma te whaka- whirinakitanga ki te Ture u te Kawana ka riro ai te whenua. He teka noa ra tena kupu. Ma te tangata ano ra e hoatu te whenua ka riro ai i te Pake- ha. Ka whia koia nga whenua i po- kanoa te pakeha ki te tango? Kei runga ko Taituha, ko Te Katiwira, ko Iharaira, ko Rihara, ko Te Rei, ko Te Riiti, ko Hopa, ko Harini, ko Epiha, ko Porikapa. Nga tangata i korero i roto i tenei huihuinga, kotahi tonu te kupu, ko te Ture anake o te Kawana- tanga. hei atawhai mo te iwi. Ko taku mahi tenei, e hoa ma, e noho nei au i Taranaki nei, he wha- kamatau i te iwi kia mohio ki nga kupu pai. Na TAMATI WIREMU UPO. NGA RITENGA. O TE HOKOHOKO NGA KAI O TE MAUA. Witi, 8 hereni, me te hikipene mo te puhera (62 pauna.) Paraoa, 23 hereni, mo te rau pauna. Papapa Witi, 1 hereni 3 pene, mo te puhera (20 pauna). Paraoa tuatoru, 14 hereni mo te rau pauna. Kanga, 8 hereni me te hikipene mo te puhera (56 pauna). Taewa hua hou, 1 hereni mo te rau. Ooti, 6 hereni me te hikipene. mo te puhera (40 pauna). NGA KAI KINAKI. Piwhi, 3 pene mo te pauna. Kiko Hipi, 4 pene, mo te pauna. Kuao kau, 5 pene, 6 pene, mo te pauna. Poaka ora,, 4 pene mo te pauna. KO KUA ATU MEA. Pata (hou), 1 hereni mo te hikipene mo te pauna. Pata (tote), 1 hereni, mo te pauna. Hua heihei, 1 hereni me te hikipene mo te kau ma rua. Poaka whakapaoa, 1 hereni 4 pene mo te pauna. Tiihi, 1 hereni mo te pauna. Pipipi, 6 hereni, 9 hereni, te mea kotahi. Kuihi. 4 hereni, 6 hereni, te mea kotahi. Parera 4 hereni, 5 hereni, takirua. Heihei, 4 hereni, 5 hereni takirua. Muka papai, 20 hereni mo te rau pauna.