![]() |
Te Karere o Poneke 1857-1858: Volume 1, Number 44. 13 September 1858 |
![]() |
1 1 |
▲back to top |
TE KARERE O PONEKE Ko te kai rapu, ko ia te kite. [VOL I, MANE, 13 o HEPETEMA 18.58. NO. 44] The "KARERE O PONEKE" is pub- lished every Thursday morning. TERMS OF SUBSCRIPTION;- Twenty Shillings per annum, payable half- yearly. TERMS OF ADVERTISING;- Three pence a line for the first insertion of all advertisements, and Two pence a line for every subsequent insertion. Advertisments wil be continued and charged for until counter-ordered: such orders in writing, as also all Ad- vertisements (in English) will be re- ceived at the INDEPENDENT Office, Lambton-quay, on Tuesdays, at any time before 4 o'clock, p.m. HE KIWI! HE KIWI! EHOA MA, e nga kaiwhakangau Kiwi, tahuri mai. Ko au tenei hiahia ana ki etahi Kiwi kia hopukia mai e koutou—hei te mea ora. Kei te pai o te manu te ritenga mo nga utu: otira, ko te utu ano tenei pai ai au:— Mo te mea rahi ......... £200 Mo te mea iti ............ 100 Ma te pai o te manu ka whakanuia ai nga utu, ma te kino ka whakaititia ai. A, e pai ano kia maha nga kiwi —kia rua te kau noa atu—e hokoa katoatia e au. NA TE PURA. Poneke, 4 o Pepuere, 1858. WAIRARAPA Mira-huri-paraoa o Papawai. Kua oti e matou ko nga tangata te whakarite, a kua riro mai i au na runga mai i te ritenga rihi, te Mira-huri-paraoa i Papawai. Ko nga utu mo te hurihanga witi e rite ana ki o nga mira o Poneke, ara, he hereni me te hikipene mo te puhera. Kei te makete hoki te ri- tenga mo nga utu e hoatu ai e ahaua mo nga utu witi o kawea mai aua mo te hoko. Kia rongo mai nga tangata noho o te taha ki te rawhiti o te mira, he huarahi pai tera o anga: mai ana ki to mira ra te pito ki runga o te kainga o Te Merihana. Kia rongo mai hoki nga tangata o Kerei Taone, e kohi- kohi moni ana ahau hei whakaoti i te huarahi tika mai i nga paamu-iti o Wairarapa. Na TAMATI HUKA. (Thos, Hooker.) 28 o Hune, 1858 HE HOIHO KUA NGARO Tokorua oku hoiho kua ngaro- ka ono marama i te ngaronga. Ko te ahua e nga hoiho, he ma tetahi, he mangumangu tetahi. Ko aua hoiho he tane anake, he hoiho tokata, he mahi parau hoki. Ko te tohu o te hoiho, ma, he ma kei te rae. Ko nga parani o aua hoiho, no tetahi taha tenei JR, no tetahi tahi tenei H, o raua tokorua. Ki te kitea e tetahi tangata me kawe mai ki au, maku hoatu ki a ia 10 pounds, hei utu. NA HOANI WAITERE TE HAOHAO. Turakina, Hurae 21, 1858. Whare Utu Moni, Akarana, Hurae 8, 1858. KUA pai a Te Kawana kia whaka- turia enei rangatira Maori, A RAWIRI WHATINO, o Motupipi, A ERUERA TATANA, o Parewakao, A HEREWINI WIRIANA, o Motupipi, A MEIHANA o Takaka, hei Kai Whakawa Maori mo te takiwa ki Te Aorere. C.W.RICHMOND (Na Te Retemana.) Whare Utu Moni, Akarana, Hune 28, 1858. Kua pai a Te Kawana kia whaka- turia te Rangatira Maori nei, A TOHI TE URURANGI, o Ngatiwhakaue, hei Kai Whakawa Maori mo te takiwa ki Rotorua. C.W.RICHMOND KUA HAERE KE, Kua tahaetia ranei, tetahi hoiho uha —he mea whero; he ma te rae; ka- hore he parani; he ma kei nga. wae- wae o mua. He mea hoko i a Taieha, he tangata no Otaki. Maku e utu te tangata e whakahoki mai ana i tenei hoiho ki nga pauna moni e toru. Na WIREMU TAMATI. (William Thomas) o Waikanae. HE PANUITANGA. TA te mea kua patua tahaetia e wai ranei tetahi Puruki, no Hori Makihati (pakeha), i waenga ngahere ki tua o Wiremu-Taone: nakonei ka whakaae atu matou ki nga pauna £25 mo te tangata mana e whaki mai te ingoa o te tangata nana i patu Na ROPATA PARAHE, (Robert Burgess) ratou ko nga hoa toko-ono. Poneke, Akuhata 23, 1858.
![]() |
2 2 |
▲back to top |
2 TE KARERE O PONEKE. Ko te kai rapu, ko ia te kite. MANE, 13 o HEPETEMA, 1858. TA KAWANA RETA. He korero whakatuatu a Kawana Paraone kei te wahi timatanga o te pukapuka e huaina ana " Ko nga Ture o Ingarani"—tera i korerotia i te wiki kua pahemo ake. Tenei ha e mau nei. Tirohia, e hoa roa, nga whakaaro atawhai a to tatou matua— raia ko te ahua tona o to tatou Kuini maru, o Wikitoria. HE PUKAPUKA NA TE KAWANA KI NGA IWI MAORI O NIU TIRANI. E AKU HOA, E nga Rangatira me nga Kai Whakahaere ukanga, me nga ta- ngata Maori katoa, puta noa nga motu nei. Tena ra koutou. Whakarongo mai. I mua, i kapi tenei whenua i te kino, i te pouri, i te he; kahore he kai whakapuaki mu te pai, kahore he I kai atiati mo te kino. Na wai a, ka tae mai nga Mihinare ka korero ki a koutou i te kupu a TE ATUA. Titiro ana koutou ki te pai o a nga Mihinare korero, ahuarekatia ana, manaakitia ana e koutou, hapai- nga ana hei ukanga mo koutou ko nga tikanga o te Whakapono, koia tenei kua mutu nei te nuinga o te kino ki tenei whenua. Na, ko a nga Mihinare, he mea ko- rero mangai atu ki a koutou i te tua- tahi, muri iho, ka whakaakona koutou ki te korero pukapuka: na, ka wha- kamaoritia ko nga Karaipiture tonu a Te Atua, taia ana ki te perehi, tukua ana ki a koutou hei titiro iho ma tera, ma tera. Na, ka tae mai, ko te Kawanatanga; homai ana, ko nga tikanga o te Ture o Ingarani; korerotia mangaitia atu ana ki a koutou aua tikanga; mataki- taki mai aua hoki koutou ki ta te Pa- keha whakahaere i tana Ture ki a ia ano. Kitea ana e koutou, ko te mahi kino, pokanoa, ka riria, ka whiua hoki e tenei Ture; ko te tika ka whaka- tikaia, ahakoa tangata iti, a ko tehe ka whakahengia, ahakoa tangata nui. kua timata te matau, te whakaae, ki te pai o tenei Ture hei Tare mo nga tangata katoa o Niu Tirani, Pakeha, Maori hoki. Na, ka whakahaua iho nei e ahau kia tuhia nga tikanga nui o to Ingarani Ture, kia whakamaoritia, kia taia ki te perehi, kia tukua ki a koutou, hei titiro ma tera, ma tera. Kahore aku pukapuka pera me ta nga Mihinare: na TE ATUA tonu hoki nga kupu o to ratou, ko nga kupu o te Ora tonu. Heoi ko taku pukapuka ka hoatu nei ki a koutou he mea wha- karapopoto i nga tino tikanga o tenei Ture tika, pai, nana a Ingarani i tupu ai, i nui ai, i rangatira ai, i whiwhi nui ai tona Iwi ki te pai, ki te ora, ki te rawa, e noho nei. Kahore he Iwi ke atu u te Ao i pera te pai o tona Tura: i a Ingarani anake ano te Ture i tino pai, i tino tika; a e aroha aua te Iwi katoa ki tona Ture, e whakahonore ana, e whakanui ana i tona Ture. Ko te tangata whakaaro kino e wehi ana, ta te mea, e mohio ana ia, ko te Iwi katoa kei te hapai i te Ture, a ko katoa ka riro hei hoa whakakaha i te Kai-tiaki o te Ture, ara, i te Kai-whakarite-whakawa; na kahore he rerenga mona. Na konei hoki, kahore he wehi o te Katipa pirihimana ki te haere atu, tona kotahi, ki te hopu i te tangata kua whai hara ki te Ture; ko te iwi katoa hoki hei tuara mona: na ka taea ano taua tangata hara te tiki atu e tona kotahi: tena me i kana te ma- naaki nui o te Iwi ki tana Ture, haere kau pea te ope nui ki te tiki; e riro mai ranei, kaore ranei. Na konei i peneitia ai te whakata- koto i enei nga tikanga ki o koutou aroaro, hei tango ma koutou, hei pe- hea ranei; penei mo nga tikanga o te Whakapono i whakatakotoria ki o kou- tou aroaro e nga Mihinare. Na, ki te kitea e koutou he mea pai enei, tangohia, manaakitia, kia wawe te no- ho tahi tatou ki raro i te maru kotahi, ara i to te Ture; kia tupu tahi ai ta- tou i runga i te pai. Ko tenei, e hoa ma, to koutou puka- puka na! korerotia; a ku tae ki te wahi kahore i ata marama te kupu, uia tona tikanga. Heoiano; na to koutou hoa pono. I. GORE BROWNE, Na Te Kawana. Whare o te Kawanatanga, A^--"-«*'-' 4»^^rt,^-,(1 1%^^ KUA MARERE. Ko RAWIRI PUAHA, he rangatira o Takapuahia i Porirua. No te Maue, no te 6 o nga ra, i pahure ake ai toua wairua i te ao maori nei, i tu ai i te aroaro o tona Kai-whakaora. He kapi no nga rarangi te korerotia nui- tia inaianei nga mahinga tika a taua kaumatua whakapono. " Kia pono a mate noa, a maku e hoatu ki a kue te karauna o te oranga."—Whakaki- tenga 2, 10. HE KUPU MO NGA RETA MAORI. Tenei nga reta a nga tangata, he maha noa atu, kua tae mai. Kei tera wiki ka hoatu ai aua reta katoa ki roto o te papa apiti mo te nupepa; ko te tinana ia o te nupepa ka waiho hei korero i nga Ture, i nga whainga hoki a nga Hipoi, a tera iwi e tutu mai na i te whenua o Inia KO TE NUPEPA MAORI. Ngamotu, Akuhata 13, 1858. E hoa e Riwai Te Ahu. Ka nui toku aroha atu ki a koe, koia ahau ka tuhituhi atu nei ki a koe mo tau reia o Hune 24 i taia ki te Karere o Poneke, 12 Hurae. Ka pai kia penei tou rapu i te ukanga. Otiia me titiro koe ki te korero o te kai tuhituhi o taua nupepa; tika rawa tana korero. Maku hoki e whakaatu tetahi korero. Kua kite koe i te kou- ra kotahi pauna. Kua kite koe i nga hiriwa e rua te kau. Kua kite koe i nga kapa e rua rau e wa te kau. Ma te kuare e titiro, na, ka mea ia he iti rawa te koura, he nui atu te hiriwa, a he nui rawa nga kapa, kaore, mau ma te mohio e titiro, na, rite tahi; kotahi pauna kei roto kei te koura, ko tahi pauna kei roto kei nga hiriwa, ko tahi pauna kei roto kei nga kapa. Wai- hoki ko to tatou Nupepa, ahakoa iti e rite aua ki te koura. E aha te pai kia nui, kia pena me nga kapa? Engari kia iti, kia pera me te koura. Ko nga nupepa pakeha, ahakoa nunui, ahakoa mahanga korero o roto, e rite anake ki nga kapa; ta te mea hoki e kore e mohiotia nga korero, he reo ke huki. Engari to tatou nupepa me nga korero o roto rite tonu ki to tatou reo, me to tatou mohio ki te titiro, engari tenei kia iti, kia pera me te koura. Tenei hoki tetahi kupu whakarite: ko te utu mo nga kai mahi. E tama
![]() |
3 3 |
▲back to top |
TE KARERE O PONEKE. kua kite koe i te kai kani rakau. He rakau ngawari, na, ka hohoro te haere o te kani; he rakau pakeke, na, e ata haere ana te kani. Ma te kuare e titiro, ka mea ia he iti te mahi o te rakau pakeke, kia iti hoki te utu. Kaore, mau, ma te mohio e titiro, na, ka mea koe i nui te mahi o te rakau pakeke, kia nui hoki te utu. Na, e mea ana ahau e rite ana to tatou reo ki te rakau pakeke, me te reo pakeha e rite ana ki te rakau nga- wari. Mahi ana nga pakeha i te nu- pepa ki te reo pakeha me te hohoro haere; tena ka mahia ki to tatou reo pakeke, me te ata haere hoki. Koia ahau ka mea ai, kia nui te utu mo te kai mahi nupepa ki to tatou reo pai, reo pakeke, reo maro. E tama, engari me tahuri te tangata maori ki te kura kia mohio ai ki te reo pakeha, na kaiahi ka taia he nupepa mo tatou ki te reo pakeha me tona nui noa atu. Na TE HOA AROHA. Ki a Riwai Te Ahu. HE KUPU KI NGA MAORI MAHI PAAMU. He kupu tenei ki o matou kai kore- ro, kia whakaarohia e ratou te panui- tanga e mau i te " Karere" nei; he whakatupato ki nga Maori mahi paa- mu, kei ngaki ratou i tenei witi kino. tona ingoa ki etahi wahi, he " Hamu- pake." E rongo tonu aua matou ki nga kupu a o matou hoa Maori mo te whakahokinga o nga utu mo a ratou witi me era atu kai ki Akarana. Koia ratou, ka whakamaharatia nei inaianei, ko nga utu nai e riro ana ki nga mea papai anake. Kua mohio ano hoki ra- tou ki te pono o tenei kupu. Rite tonu te nui o te mahi o te puhera ko- tahi o te witi kino, ki to te puhera witi pai ina hokona atu, ka neke ake i nga utu e riro mai mo te puhera witi kino. Na konei i tika ai te kupu, me ngaki ko nga witi papai anake. Otiia tenei ano hoki tetahi take i mea ai matou kia whakamutua te ngaki i te witi kino ki Niu Tirani nei. Tenei o matou hoa Maori te mohio nei, kei nga makete o Poihakena, o Meri- pone, te ritenga utu mo o konei kai, ka kake o reira, ka kake o konei, ka hoki o reira, ka hoki o konei. Me he mea ka utaina atu e tatou he kai kino, heoi ano ka huaina tonutia, he kai kino nga kai a Niu Tirani. E kore nga kai o konei e manakohia e nga kai hoko, me he mea ka kitea e ratou, he maha o tatou tu- kunga atu i te witi kino, a ka whaka- hokia ano hoki e ratou nga utu mo te witi i mahia ki Niu Tirani, ahakoa pai, ahakoa kino. Atawhaia te tuku tonu atu i nga witi papai anake, katahi ka kake te ingoa o Niu Tirani, ka neke nga utu mo ana kai. Mehemea e hia- hia ana nga kai mahi paamu o Niu Tirani kia tau he ingoa pai ki a ratou, me mahi i te witi pai anake, a kaua hoki e whakakakea rawatia nga utu, kei whai ke nga tangata o Atareira ki era atu wahi hei homai kai ma ratou a paheke atu ana i o tatou ringa nga painga o tenei tu mahi o te hokohoko i o tatou paia koura, ara, witi, ma o ratou moni koura, tenei te mau nei i a tatou inaianei. E mahara aua ma- tou, he iwi mohio te Maori, ka whaka- aro ano ratou ki te pono o enei kupu, a te tukunga iho ki a ratou, me he mea e whakaaetia ana, he pai, he whi- whinga taonga. KI NGA PAKEHA ME NGA TANGA- TA MAORI KATOA KI TE TAHA- TIKA O NIU TIRANI. He mea atu tenei na matou ki te hunga katoa e kite ana i tenei; kua oti i a matou te mea, ekore rawa ma- tou e hoko i taua witi, tona ingoa e mohiotia ana ki Turanga, he Awhari- kana, ki era atu wahi, he Hamupake. He mea atu tenei na matou ki nga Pakeha kai-hoko kia kaua e tangohia tenei tu witi, no te mea, he kino rawa ekore e tangohia e tenei makete, e era atu makete ano hoki. He mea atu ano tenei na matou ki nga tangata Maori, ki te mea kaore ratou o uru tahi me matou ki te whakakore i te papapa me te pauna i roto i te witi, kia pai; ake i nga vviti o mua tata ake nei, na, ka whakahokia nga utu mo te puhera, kei te ahua o te witi te rite- nga. Na, e mea ana matou, ka kite o matou hoa Maori, ma ratou e whai tikanga kia mahi tahi tatou i tenei whakaaro, kia hokona hoki he pura- pura pai, ki A i areira, ki Hopetaone ranei. Kia riro mai i a koutou te purapura nai, ko te mea nui tenei, ka hua ai, ka whai rawa ai huki nga kai mahi paamu; ko te mea ano hoki tenei e ora ai koutou i nga taimaha o tenei wa, a, e whai rawa ai. Na nga Kai-huri-Paraoa, Na Te Ro ratou ko Te Mete ko Te Pata, Na Hone Pirikama. Na Henare Patitana. —Karere Maori. Poronui, Waitotara, Hurae 26, 1858. E hoa, Tena koe. Tenei ano taka kupu kia rongo koe—he ritenga na matou na nga maori. Ka mate ta matou tupapaku ka haere atu matou ka tangi, ka hoatu e matou te taonga hei koere (takai taonga ranei) mo te tupapaku; otira kahore i riro atu i a ia i te tangata mate, i waiho iho ki ona whanaunga e ora ana; muri iho ka tono te tangata nona nga taonga ka tiaki i te utu kia whakahokia mai ano ki a ia. Ko tenei ritenga he ri- tenga kuare no matou—ka mea ano kia whakarerea taua tikanga kuare. Engari koa me whakakite mai e koe te ritenga o taua mea kia mohio ai au. Heotiano: naku, Na TAMATI HAMIORA. E tama, kua pahure nga ra pouri o namata. Ko tenei, kua whitingia tenei moutere e nga hihi o te maramatanga. Nakonei ahau ka ki atu ai ki a koe, whakarerea nga ritenga poauau o te pouritanga, apohia nga ritenga mohio o te maramatanga. Whakarerea nga tikanga kuare o te uhunga maori— tukua ki runga ki to te pakeha. Na KAI TUHI. Ki te Kai Tuhi o te Karere o Poneke. Te Tekihana. Akuhata 18, 1858. E hoa, mau hoki e hoatu ake korero kia taia ki te nupepa—ko taku kitenga iho i nga korero a nga ranga- tira maori. E tika ana etahi, e he ana etahi. Ko te he ra tenei ko te whakakuare i nga tikanga a nga tutua. Kei nga rangatira ano toua mohiota- nga, kei nga tutua ano tona mohiota- tanga. Ma te whakapono o taua rangatira ki te Atua ka tika, otira ma te Atua ia e whakanui; a waihoki ma te whakapono o taua tutua ko reira ia ka nui ai. Waihoki ma te
![]() |
4 4 |
▲back to top |
TE KARERE O PONEKE. Atua anake e whakakuare nga rite- nga a nga tutua; tena ma nga ranga- tira o tenei ao, e he ana; e ngari ma te Atua anake te mahinga pono, no te mea kahore he tangata tika—kihai i kotahi. Otira mau e whakawhiri- naki ki runga i io tatou rangatirata- nga, no te mea ko Arama anake to tatou Tipuna a te timatanga, koia hoki te tuatahi a te ao katoa—ko ta te Atua i hanga ai hei rangatira mo tatou —mo nga tutua, mo nga rangatira. E hoa, e Taimona, ki a ia ano tona mohiotanga, ki a koe ano tau mohio- tanga. Ki te pai koe kia hoatu tau whenua ki taua tangata mohio e pai ana. Na tou hoa aroha, NA PENEAMINI TE RIRI. Ki te Kai Tuhi o te Karere o Poneke. Hikuwaraunga, Hurae 26, 1858. Naumai, haere taku reia, kawea atu taku aroha ki Poneke. E hoa, tenei ano taku kupu i whakaaro ai toku nga- kau. Huihui ana maua katoa, Ngarau- ru, Ngati-Pourua, ki Perekaina taone, tu ake he tangata, ka mea, Taku i pai ai ko te ture o te Atua, o te Kawanata nga. Tu uka he tangata, ko taua ko- rero tonu ano; tu ake he tangata ki runga, ko taua ritenga ano. Ka mea taku whakaaro i reira kia rapu marire ahau i nga whakaaro pai, i nga whaka- aro kino, a kua kite ahau i taku wha- kaaro pai, na te Atua i homai ki ahau —homai ana e te Atua i runga i tenei kupu whakarite "e rua taranata." Ka mea ahau, homai ana e te Atua nga mea e rua ko te Whakapono, ko te Kawanatanga. Tenei ano hoki tetahi ritenga maori i whakaaro ai toku nga- kau—"He whakairo tau waka, he wha kairo taiaha, e akona ana e ia tangata e ia tangata enei mahinga katoa ka kitea." He rapunga whakaaro tenei naku, ta te mea e kuare ana ahau ki nga whakaaro katoa, tena ko te iwi o te Kawanatanga, ko te Pakeha, he nui to ratou matauranga. Tora ano huki te- tahi ritenga maori i kite ai ahau, he tuna ka kitea i roto i te rua, ka puru- purua etahi o nga ara ki roto ki te rua e kore e mate, tena ka purua ka rou ai ki te matau ka mate ai te tuna Tera ano hoki tetahi ritenga maori i wha- kaae ai toku ngakau—6 kore te taiepa e mau ki te harakeke, e rangi ra me aka he hohou, ka mau, ka pakeke te aka i tera; hoatu ana ki te wai, houhia ana ki te taiepa, ka mau, na te mea kua ngawari. Ka mutu aku korero i konei. Taia ata ki te perehi hei wha- kakitenga ki oku hoa aroha e noho ana ki nga wahi katoa o Niu Tirani. Na HIPIRINI TE ANIWANIWA-O-TE- RANGI. NGA KURA MAORI. Kua tu te Kura Maori kei Whata- whata; ewha pea te kau o nga tama- riki. Ko te whenua, na te tangata Maori; ko nga kai me nga kakahu, na te tangata Maori Ko nga kai whakaako he tangata Maori, ko Hami Ngaropi, ko Pera, ko Hohepa. Kua tu to ratou whare pai; kua ngakia paitia nga marae o te kainga. Ka- hore he moni a nga Pakeha i taua kura. Ka tika ano; e tamara ma, ka tika Te Whetu o Te Tau. Ki te Kai Tuhi o te Karere o Poneke Aratoetoe, Akuhata 29, 1858, E hoa, kua whakariterite korero ma- tou, te runanga tamariki o Whanganui, e noho ana i Heretaunga nei. Te ritenga i kimihia ai e matou ko te ritenga a o matou hoa rangatira i to matou runanga i te whare o Wi Tako Ngatata, i whakaaro ai matou nga korero a ia rangatira a ia rangatira. Kanui te miharo o matou ngakau mo te korero a Wi Tako, no te mea koianake to tatou tangata tino mohio ki te whakahaere i nga ritenga o te pai me nga ritenga pakeha. E hua ma, ka nui toku whakaae ki te kingi raua ko te kawana maori—te mea i pai ai au kia Kingi Potatau, ahakoa kei Waikato a Poutama e pupuru aua e pai ana, no to mea kei nga tangata o Wanganui o Ngatimaniapoto e pu- puru ana a Poutama. E hoa, e Wi Hapi korua ko Wi Tako, mehemea ka whakapono korua ki taku korero mo toku taha o Poutama, ko au kahore au i te pai kia tukua toku taha ki te pakeha—ahakoa, i roto i nga runanga katoa o koutou ka tu ano au ki runga ki te whakakore mo toku whenua kei tukua ki te pakeha; otira ma korua e apiti tetahi kupu ko tahi hei whakanui hei whakamana i taku kupu, kia rite ai ta te runanga i whakaae ai. Mau e hoatu aku korero ki te pe- rehi. Heoiano; na tou hoa pononga i roto i te Ture, Na PATERIKI TE RANGITAUKEKE, no Ngatitaipoto. NGA TAONE MAORI. E rua nga taone Maori i roto o Waikato kua rangona, ko Ngaruawaa- hia, ko Te Kopua. Ko te tika o Nga- ruawahia hei mahinga kai, kua ai kitea. Ko Maramarea te awa mo nga kai o Ngaruawahia; ko Maiapu te ara mai ki Hauraki. Ko nga whare o te taone ki Te Kopua he papa; ko enei ki Ngaruawahia he papa etahi, he raupo etahi. Ka purero ano nga iwi Maori, ka purero.—Te Whetu o Te Tau. NGA RITENGA O TE HOKOHOKO. NGA KAI O TE MARA. Witi, 8 hereni, me te hikipene, mo te puhera (62 pauna) Paraoa, 24 hereni, mo te rau pauna. Papapa Witi, I hereni 3 pene, mo te puhera (20 pauna). Paraoa tuatoru, 15 hereni mo te rau pauna. Kanga, 8 hereni me te hikipene mo te puhera (06 pauna). Taewa hua hou, 8 hereni mo te rau. Ooti, 6 hereni, me te hikipene. mo te puhera (40 pauna). NGA KAI KINAKI. Piwhi 3 pene mo te pauna. Kiko Hipi, 4 pene, mo te pauna. Kuao kau, 5 pene, 6 pene, mo te pauna. Poaka ora, 4 pene mo te pauna. KO ERA ATU MEA. Pata (hou), 1 hereni me te hikipene mo te pauna. Pata (tote), 1 hereni, mo te pauna. Hua heihei, 1 hereni me te hikipene mo te kau ma rua. Poaka whakapaoa, 1 hereni, 4 pene mo te pauna. Tuhi, 1 hereni mo te pauna. Pipipi, 6 hereni, 9 hereni, te mea kotahi. Kuihi, 4 hereni, 6 hereni, te mea kotahi. Parera, 4 hereni, 5 hereni, takirua. Heihei, 4 hereni, 5 hereni takirua. Muka papai, 20 hereni mo te rau pauna. I taia tenei Nupepa i te perehi o MEKENIHI raua ko MIUA, i Poneke, NIU TIRENE.